المساعد الشخصي الرقمي

مشاهدة النسخة كاملة : رسالة إلى الوالى

Tarek Elemary
14/07/2009, 10h15
رسالة إلى الوالى


========


حضرة جناب الوالى


أغلى الناس يا غالى


يا اللى ساكن فى العلاللى


يا اللى حالك من قديم الدهر


كان و كأنه حالى


كنت تمشى فى الشوارع زيِّنا


و تلبس ملابس زيِّنا


و تجوع و تعطش


و الهوى ...


يمكن يسهَّرَك الليالى


و بكره كان همَّك كما كان هَمِّنا


أيه جرالك؟


و لا يمكن أيه جرالى؟


مابقاش يهِمَّك أى حاجة تهِمِّنا


ما بقيتش أبداً زيِّنا


وبقيت خيالى


أوهموك ولا إنت حابب تتوهم


بيخدعوك و لا إنت حابب تتخدع


مابقاش فى جوفك أى عضو بيتوِجِع


بص فْـ عيون الناس و حِسْ


شايف القَهْر اللى ممكن يبقى عُهْرْ؟


شايف الجوع اللى أدى للخنوع؟


شايف الصبر اللى هوه نفسه قبر؟


بُص شوف العيون مليانه خوف


و المهانة فى الطابور


دمعة المظلوم تطيَّر من عنيك النوم


لو لسه فيه عندك شعور


و الأسى فِـ عْنين مريض بدموع تفيض


تروى اللى ساكن فى القبور


و اللى غرق فى البحر الاحمر حقه فين؟


بلعه السمك فى الليل


ماشافت عينه نور


و اللى باعه كان على كرسى الحصانة


وبالأمانة جه بصندوق كله زور


و فص ملح وداب و فاتهم فى الضباب


أهل اللى ماتوا تاهوا فى الدواوين


و تعبوا من شهور


أوهموك إن الجياع بيغنوا ع المحمول


و بيصرفوا ملايين على الرنات


و اللوجوهات وبشكل مش معقول


و هوه أيه معقول؟


و إحنا فـ زمن إتلخبطت فيه العقول


ما فيهوش قِيَمْ مافيهوش مبادئ أو أصول


نفسى تفوق ...


قبل ما تطلع عنده فوق


و هناك مافيش حاشية و خلق بيخدعوك


مافيش هناك إصبر يا سيدنا الوالى


بكره راح تروق


هناك حساب على اللى مكتوب فى الكتاب


فى يوم ماتعرفله غروب و شروق


و هاتتسئِل ع اللى إنتهى عمره فى بحر التيه


و اللى غِرق ...


و اللى فى قطر المحرومين


شاف الهوان


و برضه مات محروق


نفسى تفوق


و لسه فيه فرصه لإيدك مدها


تلقى فـ إيدينا للنجاة الطوق


بس إنت فوق
abuzahda
14/07/2009, 10h45
حضرة حبيبي الغالي

:emrose:طارق العمري:emrose:

حبّيت أوقع حضور (عالسريع كده)

على ما ارجع من الشغل ، فالأربعاء أجازتي ، و فيه فرصة للكلام على والينا

نهارك سعيد ، إلى اللقاء
ناصر دويدار
14/07/2009, 10h49
رسالة إلى الوالى



========


حضرة جناب الوالى


أغلى الناس يا غالى


يا اللى ساكن فى العلاللى


يا اللى حالك من قديم الدهر


كان و كأنه حالى


كنت تمشى فى الشوارع زيِّنا


و تلبس ملابس زيِّنا


و تجوع و تعطش


و الهوى ...


يمكن يسهَّرَك الليالى


و بكره كان همَّك كما كان هَمِّنا


أيه جرالك؟


و لا يمكن أيه جرالى؟


مابقاش يهِمَّك أى حاجة تهِمِّنا


ما بقيتش أبداً زيِّنا


وبقيت خيالى


أوهموك ولا إنت حابب تتوهم


بيخدعوك و لا إنت حابب تتخدع


مابقاش فى جوفك أى عضو بيتوِجِع


بص فْـ عيون الناس و حِسْ


شايف القَهْر اللى ممكن يبقى عُهْرْ؟


شايف الجوع اللى أدى للخنوع؟


شايف الصبر اللى هوه نفسه قبر؟


بُص شوف العيون مليانه خوف


و المهانة فى الطابور


دمعة المظلوم تطيَّر من عنيك النوم


لو لسه فيه عندك شعور


و الأسى فِـ عْنين مريض بدموع تفيض


تروى اللى ساكن فى القبور


و اللى غرق فى البحر الاحمر حقه فين؟


بلعه السمك فى الليل


ماشافت عينه نور


و اللى باعه كان على كرسى الحصانة


وبالأمانة جه بصندوق كله زور


و فص ملح وداب و فاتهم فى الضباب


أهل اللى ماتوا تاهوا فى الدواوين


و تعبوا من شهور


أوهموك إن الجياع بيغنوا ع المحمول


و بيصرفوا ملايين على الرنات


و اللوجوهات وبشكل مش معقول


و هوه أيه معقول؟


و إحنا فـ زمن إتلخبطت فيه العقول


ما فيهوش قِيَمْ مافيهوش مبادئ أو أصول


نفسى تفوق ...


قبل ما تطلع عنده فوق


و هناك مافيش حاشية و خلق بيخدعوك


مافيش هناك إصبر يا سيدنا الوالى


بكره راح تروق


هناك حساب على اللى مكتوب فى الكتاب


فى يوم ماتعرفله غروب و شروق


و هاتتسئِل ع اللى إنتهى عمره فى بحر التيه


و اللى غِرق ...


و اللى فى قطر المحرومين


شاف الهوان


و برضه مات محروق


نفسى تفوق


و لسه فيه فرصه لإيدك مدها


تلقى فـ إيدينا للنجاة الطوق



بس إنت فوق

احسنت يا شاعر
Tarek Elemary
14/07/2009, 11h00
البيت ده بيتك هنا و الحضور تشـــــــريف
و إنت المعلم هنا لك مطلق التصــــــــريف
ضحك الربيع يوم لقاك و البعد يبقى خريف
Tarek Elemary
14/07/2009, 16h36
احسنت يا شاعر
أشكرك يا أخى
قرأت لك عملين رائعين
و لم يكونا بمكانهما الصحيح
أعتقد أن الإدارة ستقوم باللازم
تحياتى
علاء قدرى
14/07/2009, 17h58
اخى و صديقى الشاعر الجميل طارق:emrose:
الرسالة قيمه ؛ وقاسية فهل يقراها الوالى ( كلام فى سرك ) يارب ما يقراها ....:chut:
ولا حد من حبايبنااياهم يقراها
وربنا يسترها معانا احنا عاوزينك ويانا
وردة فى عروة منتدانا:emrose:
د أنس البن
14/07/2009, 18h50
صرخه من القلب يا طارق
باعتبار إننا مش ممنوعين من الصراخ
با عتبارها من غير مؤاخذه نوع م الهبهبه
الشرط الوحيد إن احنا نصرخ فى أماكن مغلقه
زى دى ............
...................
أخى طارق .....
أعتقد أن حرصك على أن تخرج هذا الصرخه كما هى دفعك لرفعها دون مراجعه لزوم عمل بعض التعديلات الخفيفه لإعطاء الصرخه شكلها الأكثر جمالا وإتقانا من حيث الإيقاع والميزان , إنما العمل جميل بلا شك لأنه من القلب:emrose:
Tarek Elemary
14/07/2009, 19h03
الرائعين د أنس و علاء باشا قدرى
تحية إعزاز و تقدير لكما .... و ما تقلقش يا أبو كريم ... ده مجرد تنفيث مطلوب من الوالى حتى لا ينفجر (الإطار) و طالما أنت فى الإطار كما يقول د أنس ... نفث كما شئت فهى هبهبة لا تسمع بها إلا من هم على شاكلتك و من ليس منهم خوف.
د أنس
ما تشاورلى على الحتة اللى ما عجبتكش
بلقيس الجنابي
14/07/2009, 20h56
بصراحة يا العمري
بصراحة ....صراحة ,
سمعت صوتك ورأيت أسنانك تصطكـ في فمك وانت تصرخ


زمان من عام تقريبا .. قرأت نصا للغالي سيد ابوزهده
نفس الصرخة والله , لكني للاسف نسيت اسم النص حينها وأيضا كانت صرخة عمنا أبوزهده عالية مدوية وصوتية أيضا سمعناه تسجيل صوتي وباللهجة المصرية طبعاً ,

اما عن الهنات في النص .. بصراحة ياريتني أنا أخدمك :o لكونها باللجهة المصرية, وأنت عارف ,,:(

سأحكي لك حكايتي مع محاولاتي المستميته في الكتابة باللهجة المصرية
كلما حاولت يا طوروقي أكتب شعرا باللهجة المصرية.. أتقدم للامتحان ودايما باخذ نفس الدرجة

((رسوب )) :( 2من 10
بإعتبار الواحد الأول كان تشجيعا من اللجنة أني كتبت بلا أخطاء إملائية
والواحد الثاني .. مجاملة من اللجنة لي على خيبتي :cool:
*
حقيقة صرخة إنسانية حقيقة خارجة من الروح .. سلمت لنا ياغالي
abuzahda
14/07/2009, 23h33
البيت ده بيتك هنا و الحضور تشـــــــريف


و إنت المعلم هنا لك مطلق التصــــــــريف
ضحك الربيع يوم لقاك و البعد يبقى خريف


تصدّق يا :emrose:طارق:emrose: !

باغتني أحد رجال الأعمل الأتراك ، هنا ، بسؤال:
إنت بتحب حسني مبارك ؟

فوجدتني أقول له بلا أي تفكير:
طبعاً ، بحبُّه !

قاللي : ليه ؟ . بنفس السرعة المباغتة ، فوجدتني أرص له أسباباً لا أتصوّر أن أجدعها "كاتب رسمي" يقدر يجمعها بمقال ، و للأمانة أن كلها أسباب منطقيّة . حتى أنه قال لي : إن رجال الأعمال ، قبل عهد مبارك ، كانوا يسافرون إلى قبرص لكي يتصلوا بشركاتهم أو لإرسال الفاكسات !

لدرجة إني بعد اللقاء جلست أسأل نفسي عن سبب دفاعي عن رئيس مصر ،
هل لأن بواطننا قد اختزلت ذلك الإرتباط بين الوطن و الحاكم ، فكانت غيرتي على الريس : معادلاً لغيرتي على بلدي ؟

أم لإنه ، كما ضمّنت أسباب حبي له ، كان معبراً سالماً لبلادي يوم حادث المنصة ، لقد سألت محاوري : لو أن حادث المنصة - لاقدر الله - قد حدث ببلد آخر ، فما كان سيكون حاله ؟ ربما للآن !

صرختك - عصبية الأوزان - ذكرتني بصديقي التركي ، لأن اللقاء كان من يومين فقط

كان الله في عون الولاة ، و رحم الله أشياخنا العظام الذين كانوا يفرون من السلطة و غوايتها ، و ينهون عن القرب من السلطان .
:emrose::emrose:
لا تحسب هذا دفاعاً عن أحد ، حتى و لو كان جناب الوالي ، و ليحذف هذه المشاركة أول والي سماعي يمر عليها
abuzahda
14/07/2009, 23h40
بصراحة يا العمري



بصراحة ....صراحة ,
سمعت صوتك ورأيت أسنانك تصطكـ في فمك وانت تصرخ


زمان من عام تقريبا .. قرأت نصا للغالي سيد ابوزهده
نفس الصرخة والله , لكني للاسف نسيت اسم النص حينها وأيضا كانت صرخة عمنا أبوزهده عالية مدوية وصوتية أيضا سمعناه تسجيل صوتي وباللهجة المصرية طبعاً ,




YouTube - ‫ط§ظ„ط³ط¨ط¨ ط§ظ„ط*ظ‚ظٹظ‚ظٹ ظ„ط§ظ†ظ‡ظٹط§ط± " ط¬ط¨ظ„ ط§ظ„ظ…ظ‚ط·ظ… "‬‎ (http://www.youtube.com/watch?v=nBBgM361-bI&eurl=http%3A%2F%2Fwww%2Eyoutube%2Ecom%2Fuser%2Fabu zahdas&feature=player_embedded)


http://www.sama3y.net/forum/showthread.php?t=53957[/URL]
Tarek Elemary
15/07/2009, 09h18
حضرة جناب الوالى
أغلى الناس يا غالى
يا اللى ساكن فى العلاللى
يا اللى حالك من زمان
كان زىّْ حالى
زىّْ حالنا كلِّنا
كنت تمشى فى الشوارع زيِّنا
و تلبس هدومك زيِّنا
و تجوع و تعطش
و الهوى ...
يمكن يسهَّرَك الليالى
و بكره كان همَّك عشان دا هَمِّنا
أيه جرالك؟
و لا يمكن أيه جرالى؟
مابقاتشى بتهِمَّك حاجات بتهِمِّنا؟
ما بقيتش أبداً زيِّنا
وبقيت خيالى
أوهموك ولا إنت حابب تتوهم
بيخدعوك و لا إنت حابب تتخدع
مابقاش فـ جوفك أى عضو بيتوِجِع
بص فْـ عيون الناس و حِسْ
شايف القَهْر اللى ممكن يبقى عُهْرْ؟
شايف الجوع اللى أدى للخنوع؟
شايف الصبر اللى هوه نفسه قبر؟
بُص شوف العيون مليانه خوف
و المهانة فى الطابور
دمعة المظلوم تطيَّر من عنيك النوم
لو لسه فيه عندك شعور
و الأسى فِـ عْنين مريض بدموع تفيض
تروى اللى ساكن فى القبور
و اللى غِرِقْ فِـ البحر لَحْمَرْ حقه فين؟
بلعه السمك فى الليل
ماشافت عينه نور
و اللى باعه كان على كرسى الحصانة
وبالأمانة جه بصندوق كله زور
و فص ملح وداب و فاتهم فى الضباب
أهل اللى ماتوا تاهوا فى الدواوين
و تعبوا من شهور
ولما طال الإنتظار
و إنتهى بينَّا الحوار
و إكتشفنا فجأة إن الدنيا عتمة
و إتسرق منَّا النهار
و السحابة السودة سكنت فى العيون
و الرمال زحفت على لون الخضار
و الضياع على كل حيطة بيترسم
و هوه ده بكره بتاع كل الصِغار
جَىّْ تسأل و ببراءة و بجراءة
فين ضمير الناس؟
و حب الجار لجار؟!
جَىّْ تسأل أيه اللى خللى العيشة نار؟
قوللى إنت يا اللى فى إديك القرار:
أيه اللى خللى الحق زور؟
و الحلال بقى مستحيل؟
و الغلابة إستبدلوه من عجزهم
بحرام و عار؟
مش لاجل متعة أو فجور
لأ كمان لاجل سقف
و هدمة تحمى جسمهم م البرد
الغلابة فى إنتظار شمس النهار
و ياما ناس غلابة
دمهم قوت للديابة
و لحمهم من غير ثمن
بيعانوا قسوة لِ إنكسار
و الديابة بمكرهم
أوهموك إن البلد مافيهاش جياع
و بيصرفوا الملايين على الرنات
و اللوجوهات وبشكل مش معقول
طب هوه أيه معقول؟
و إحنا فـ زمن إتلخبطت فيه العقول
ما فيهوش قِيَمْ مافيهوش مبادئ أو أصول
نفسى تفوق ...
قبل ما تطلع عنده فوق
و هناك مافيش حاشية و خَلْقْ هَيِخدعوك
مافيش هناك واحد يقولك
إصبر إنت وبكره كله يروق
هناك حساب على كل كلمة فى الكتاب
فى يوم ماتعرفلوش نهاية أو شروق
و هاتِتْسِئِل ع اللى إنتهى عمره
فى بحر التيه غريق
و جُوَّهْ القلب شوق
لِلِّى فى قطر المحرومين
شاف الهوان
و برضه مات محروق
نفسى تفوق
لسه فيه فرصه لإيدك مِدَّها
هانشِدَّهَا
تلقى فـ إيدينا للنجاة
ييجى ألف طوق
بس إنت فوق
Tarek Elemary
15/07/2009, 15h37
تصدّق يا :emrose:طارق:emrose: !


باغتني أحد رجال الأعمل الأتراك ، هنا ، بسؤال: إنت بتحب حسني مبارك ؟
فوجدتني أقول له بلا أي تفكير: طبعاً ، بحبُّه !
قاللي : ليه ؟ . بنفس السرعة المباغتة ، فوجدتني أرص له أسباباً لا أتصوّر أن أجدعها "كاتب رسمي" يقدر يجمعها بمقال ، و للأمانة أن كلها أسباب منطقيّة . حتى أنه قال لي : إن رجال الأعمال ، قبل عهد مبارك ، كانوا يسافرون إلى قبرص لكي يتصلوا بشركاتهم أو لإرسال الفاكسات !

لدرجة إني بعد اللقاء جلست أسأل نفسي عن سبب دفاعي عن رئيس مصر ، هل لأن بواطننا قد اختزلت ذلك الإرتباط بين الوطن و الحاكم ، فكانت غيرتي على الريس : معادلاً لغيرتي على بلدي ؟
أم لإنه ، كما ضمّنت أسباب حبي له ، كان معبراً سالماً لبلادي يوم حادث المنصة ، لقد سألت محاوري : لو أن حادث المنصة - لاقدر الله - قد حدث ببلد آخر ، فما كان سيكون حاله ؟ ربما للآن !


سيدى الكريم و صديقى المبدع
هو ذاك السبب و ليس غيره، فقد أكلت علقة ساخنة بالخرطوم دفاعاً عنه إبان عزل نميرى و عدم قبول مصر بتسليمه للمحاكمة و حرق بعض الغوغاء العلم المصرى أمام السفارة و حدثت مشادات بينى و بين شباب متحمس و المهم بلا إدعاء بطولات أكلت علقة فداءاً للرئيس المفدى و الهجوم عليه و لست بنادم على ذلك و لو تكرر الموقف ذاته بعد 25 سنة لفعلت ذات الأمر و لكن أملى فيه كان أكبر من هذا، و الحمد لله على كل حال فما أكتبه و كأنه تفاعل داخل الجسد الواحد ليس إلا
سعدالشرقاوى
15/07/2009, 21h07
استاذى/ طارق العمرى
اظنها من العيار الثقيل وقد تعودنا على الطلقات
قصيرة المدى
امّا عابرات القارات هذه فاتمنى ان تقع فى البحر
او فى ارض خالية من السكان حتى لاتحدث اصابات
فى ارواح او معدات
Tarek Elemary
16/07/2009, 08h47
استاذى/ طارق العمرى

اظنها من العيار الثقيل وقد تعودنا على الطلقات
قصيرة المدى
امّا عابرات القارات هذه فاتمنى ان تقع فى البحر
او فى ارض خالية من السكان حتى لاتحدث اصابات

فى ارواح او معدات


أيه ده يا عم سعد؟
*
إنت بتشاورلهم علىَّ ولاَّ أيه؟!!!
*
تكونش دى النيران الصديقة؟!!:mdr::mdr:
*
بيقولوا العيار اللى ما يْصِيِبْشْ يِدْوِشْ
*
تفتكر حد سامعنا أصلاً؟
ايهاب عامر
17/07/2009, 16h13
السلام عليكم ورحمه اللة وبركاته
اخى الكريم الاستاذ طارق
رسالتك جميله واعتقد ان وصولها الى العلالى اسهل من وصولها للوالى
لكن يكفيك ان من يحكمهم الوالى قد استمتعوا بها لتعبيرها عن ملايين الرسائل المستكينه فى الصدور
تحوى من الامور امور
شكرا لتعبيرك عن المحكوم
المفعم بالهموم
تقبل خالص تحياتى يا غالى
Tarek Elemary
18/07/2009, 05h40
الرائع الباشمهندس إيهاب عامر زعيم الأغلبية الشبراوية
المهم الرسالة توصل لأى متلقى يا صديقى
مع أنها صرخة مكتومة و شكوى ضعيف و نزف جرح و أنين مكلوم و عبرة يتيم ليس إلا
يارب ارحم هذا البلد من أهله قبل أعدائه
و من أولاده قبل أولاد ال....
تحياتى لمرورك أيها الكريم