المساعد الشخصي الرقمي

مشاهدة النسخة كاملة : إلي مجهولة العنوان

علاء طه ياسين
11/07/2009, 17h48
حبيتك وتمللي باقولها
لكن مش عارف مفعولها
وحنين ودموع بيني وبينك
وحاجات مقدرشي أتحملها
..:emrose:..
خِلْصِتْ علي بابك مواويلي
إيه حايشك إيه ؟.. ما تبصيلي
وخديني ف حضنك واحكيلي
حدوتة تكون من أولها
..:emrose:..
بقي بعد ما دوبنا وعشقنا
الحزن الواجع يسرقنا ؟
ويحوشنا كسوف وتفرقنا ؟
حكايات الدنيا ومشاكلها
..:emrose:..
الحلم بيكبر جوايا
وهاخاف من إيه وانتي معايا
لكن معقول بينا حكاية
مش قادرة قلوبنا تكملها ؟
:emrose:
علاء ياسين
NAHID 76
11/07/2009, 19h24
بسم الله الرحمن الرحيم
الشاعر الغنائى علاء ياسين
جميله الى مجهوله العنوان
وفيها موسيقى كما سبق وقلت داخليه دفينه منها فيها
تعرف تصور كده عمرو دياب وهو عمال يتنطط ويغنيها برتم سريع
ايقاع سريع
تصور معى
تحياتى
علاء طه ياسين
11/07/2009, 19h38
الجميلة الإطلالة ..
الممتعة الحضور ..
المدهشة ..
مدام ناهد
:emrose:

واللي جاية دي طيب مين يغنيها
:emrose:
علي كيف العشق المتدربـك
قلبي العطشان دق وحبــك
رسمك ع القمرة السهرانـة
عنقود الحلم المتشبــــك

علي كيف العشق علي كفوفه
افردي جناحات حلي حروفه
خليه يتخلص من خوفـــه
يغزل نغمات حلوة ف قلبـك

علي كيف العشق علي عنيكي
رسموا غنواتو علي ايديكي
وباشوف كل العالم فيكــي
وانساه وانساني وانا جنبك

علي كيف العشق المتـروّق
خلاكي عروسة بتتـــزوق
وانا كل ما اشوفك باتشـوّق
وباقول لك يا حبيبتي بأحبك

علاء
NAHID 76
11/07/2009, 20h42
بسم الله الرحمن الرحيم
دى بئه شكلها رصين شويه فى معانيها ورتم موسيقاها بطيئ شويه فيها نوع من أنواع الشجن شويه
وأرشح لها كده تغنيها فايزه أحمد
ايه رأيك
تحياتى
علاء طه ياسين
11/07/2009, 20h50
ناهد هانم
:emrose:
بالطبع
مش ليا رأي بعد رأيك
بس أدي غنوة كمان
ترشحي مين اللي يغنيها
:emrose:
هي عايزه وهو عايـز
تبقي فايزة ويبقي فايز
وانتصار الحب جايـز
والهوي يسوي الهوايل

...
هي ضحكت هو مــال
طار علي جناح الخيال
جاب لها طرحة وشـال
والحنين عامل عمايل
...
هو شايل حلم نونـــو
هي شايلة حلم نونـو
لهفة ف عيونها وعيونه
زَعَّلوا كل القبايـــل

...
هي ساكنة قصر عالـي
هو جاب المهر غالـي
قال لها ياللا تعالـــي
قلبي تايه في الجدايـل
...
هي في الآخر أميــرة
ساكنة في أبعد جزيرة
هو عايش وسط حيـرة
كل يوم يبعت رسايـل
...
...
علاء
حمدي السمر
13/07/2009, 21h12
امتعتنا متعك الله بالصحة والعافية
خلينا ننهل من فيضك وما نروي
كل الحب استاذي:emrose: