سمعجى
11/02/2008, 23h17
رؤية تقدمية
للملحمة الكروية العربية
(1)
بحر و هايج
عالي الموجة
خرج الشعب ف أكبر هوجة
ناسي الفقر و ناسي الحُوجَة
دي مش كورة .. دي مزيكا
و فريقنا ..
دا بطل أفريكا ..
عِدِل الدَّفة و كانت عوجة
و اتفك الشعب المحزووووء
(2)
كل الشعب زحف متعافي
مُرسي و حودة و عبد الشافي
و مُشجع شايلو على كتافي
رافع علم المجد لفوووووووء
(3)
يا شوارع يا حارات يا زآييء
الليلة ما حدش يـِدَّاييء
كل شعوبنا الليلة شـَآييء
فرحة و سارحة
تصبح بُكرة لأيام جارحة
محني الضهر ..
حزين .. مسحووووء
(4)
عربيات ... زمامير .. و أغاني
و هتاف م النوع الوجداني
ملعون أبو عقلي المتفاني
لسة حايتفلسف و يعاني
شعب و مجني عليه ..
و الجاني
حاشر نفسه
تحت الضوووء
(5)
فرحان ... لاكن
فيه شىء داكن
متشعلق في ضميري و ساكن
يمكن عداد فرحتي راكن
و خايِنني ..
وعيي المزنووووء
(6)
هيصي يا جماهير عربية
فرحتنا الليلة اشتراكية
و (الحضري) أمن و قومية
لا طبقات ..
و لا قلة ذوووووووء
(7)
صواريخ في الجو مضَوِّيـَّة
مشاريب حمضية و قلوية
زغاريت فطرية و وراثية
هيستيريا و انفجرت فِيـَّا
عاشت لعبتنا الجماعية
حقنة بنج و بكرة نفووووء
(8)
مصر يا مصر ..
يا راس مرفوعة
التشجيع دا حقوق مشروعة
مَصُّوا و سابولنا الزعزوعة
و لا حد بيشتكي م الطووووء
(9)
جمهور زى القش يولع
و يعيش له كام يوم مِدَّلـَّع
شوفه الصبح هزيل و مخلع
و يقول برضو مسيرها تروووء
(10)
كاس أفريقيا يا مجد معاصر
مبروك ع الشعب المتحاصر
إحنا الأحرار .. مافيناش آصر
رقص دا ولا َّ
على حبل الأحزان و الذِلـَّة
بْتـِتطـَوَّح جُثة مشنووووء
(11)
الليلة عريسنا أبو تريكة
بـِيْغـَزِّل فـَشـَر المزِّيكا
مش وقت مبادىء بولوتيكا
و كفاية الدم المحروووء
( 12)
تحيا جنود الأمن الكـَرَوي
إنسوا الليلة واقعنا ال ( خ...)
هِىَّ الكورة سلاحنا النووي
إنسوا الليلة ..
فيروس كبدي و فشل كلوي
كله اتصالح ..
في الهُلـِّليلة
و لا سني زعلان من علوي
شعبنا طول عمره مرزووووء
(13)
يا ختي جمالو
شعب ف حالو
بيجاهد على رزق عيالو
و ساعة الكورة
يبان في الصورة
و فريقنا الستات داعية له
و جماهيرنا بتنفخ في البوووووء
(14)
إصحي يا دنيا
داحنا فراعنة
ياما قلعنا وياما زرعنا
حتى ف فن الكورة برعنا
و لا فيه حد ف يوم جوعنا
نسونا يا أبطال أوجاعنا
و ابعدوا عنا نذير السووووء
(15)
رجالة ..
و عايشين الحالة
تسلم أيادينا الشغالة
و شعوب بتحقق في رسالة
رفاهِيَّة و مساواة و عدالة
مش عايشين ع العالم عالة
جبنا الجون .. سمعنا الكون
نصر خرافي و غير مسبووووء
(16)
خط دفاعي
صاحي و واعي
و لا ميت ( إيتـُّو )
يهز ( صباعي )
و دعا الداعي ..
نزلنا الشارع
شايلين علم النصر الفارع
نصرخ نشرخ بهتاف بارع
إحنا الليلة زماننا مُضارع
عشاق و فريقنا المعشوووء
(17)
فلتحيا قذايفك يا زيدان
يا مولعها و لا البركان
شوطة جنان
و بلادنا أمان
و لا فيه حد يبات مخنوووء
(18)
يا محني ديل العصفورة
إحنا بقينا ملوك الكورة
يا محني ديل الحِدَّاية
ما تبصش أبدا في مراية
لحسن تاخد بالك .. تحزن
و الكورة تصبح سِلا َّية
عُمر ما وشك يوم حايغشك
مِنجـِل أيامك بيحِشـَّك
فانسَى الليلة انـَّك مسرررروء
(19)
هنا بتشوط الكورة .. تخش
و في الأمم المتحدة تكِش
هنا بتسجل
و هناك حقك ليه متأجل
هنا بتغزل
و هناك وضعك مخزي و مخجل
هنا بتباصي
و هناك حقك ضايع ..عاصي
هنا بتخطط
و هناك سايبينك تتنطط
هنا عفاريتو
و لا بيهمك سونج و إيتو
و هناك ر ِف رافع لك فيتو
ينبطح الوطن الممزووووء
(20)
يبقى خلاص خليك في السالك
و لا حرب و تشريد و مهالك
( يَبقىَ الوضع العربي كذالِك )
هى بطولة كاس أفريقيا
شمعة تنور ليلنا الحالك
و ما تبآش نِمَكي و محموووووء
(21)
إوعىَ تسيس
خليك كـَيِّس
شجع كورة تبقى كويس
أوعى تماطل
مالك إنت بحق و باطل ؟!
أوعىَ تفوووووووووء
خليك رافع راية المجد العربي
لفـووووووووووووء
للملحمة الكروية العربية
(1)
بحر و هايج
عالي الموجة
خرج الشعب ف أكبر هوجة
ناسي الفقر و ناسي الحُوجَة
دي مش كورة .. دي مزيكا
و فريقنا ..
دا بطل أفريكا ..
عِدِل الدَّفة و كانت عوجة
و اتفك الشعب المحزووووء
(2)
كل الشعب زحف متعافي
مُرسي و حودة و عبد الشافي
و مُشجع شايلو على كتافي
رافع علم المجد لفوووووووء
(3)
يا شوارع يا حارات يا زآييء
الليلة ما حدش يـِدَّاييء
كل شعوبنا الليلة شـَآييء
فرحة و سارحة
تصبح بُكرة لأيام جارحة
محني الضهر ..
حزين .. مسحووووء
(4)
عربيات ... زمامير .. و أغاني
و هتاف م النوع الوجداني
ملعون أبو عقلي المتفاني
لسة حايتفلسف و يعاني
شعب و مجني عليه ..
و الجاني
حاشر نفسه
تحت الضوووء
(5)
فرحان ... لاكن
فيه شىء داكن
متشعلق في ضميري و ساكن
يمكن عداد فرحتي راكن
و خايِنني ..
وعيي المزنووووء
(6)
هيصي يا جماهير عربية
فرحتنا الليلة اشتراكية
و (الحضري) أمن و قومية
لا طبقات ..
و لا قلة ذوووووووء
(7)
صواريخ في الجو مضَوِّيـَّة
مشاريب حمضية و قلوية
زغاريت فطرية و وراثية
هيستيريا و انفجرت فِيـَّا
عاشت لعبتنا الجماعية
حقنة بنج و بكرة نفووووء
(8)
مصر يا مصر ..
يا راس مرفوعة
التشجيع دا حقوق مشروعة
مَصُّوا و سابولنا الزعزوعة
و لا حد بيشتكي م الطووووء
(9)
جمهور زى القش يولع
و يعيش له كام يوم مِدَّلـَّع
شوفه الصبح هزيل و مخلع
و يقول برضو مسيرها تروووء
(10)
كاس أفريقيا يا مجد معاصر
مبروك ع الشعب المتحاصر
إحنا الأحرار .. مافيناش آصر
رقص دا ولا َّ
على حبل الأحزان و الذِلـَّة
بْتـِتطـَوَّح جُثة مشنووووء
(11)
الليلة عريسنا أبو تريكة
بـِيْغـَزِّل فـَشـَر المزِّيكا
مش وقت مبادىء بولوتيكا
و كفاية الدم المحروووء
( 12)
تحيا جنود الأمن الكـَرَوي
إنسوا الليلة واقعنا ال ( خ...)
هِىَّ الكورة سلاحنا النووي
إنسوا الليلة ..
فيروس كبدي و فشل كلوي
كله اتصالح ..
في الهُلـِّليلة
و لا سني زعلان من علوي
شعبنا طول عمره مرزووووء
(13)
يا ختي جمالو
شعب ف حالو
بيجاهد على رزق عيالو
و ساعة الكورة
يبان في الصورة
و فريقنا الستات داعية له
و جماهيرنا بتنفخ في البوووووء
(14)
إصحي يا دنيا
داحنا فراعنة
ياما قلعنا وياما زرعنا
حتى ف فن الكورة برعنا
و لا فيه حد ف يوم جوعنا
نسونا يا أبطال أوجاعنا
و ابعدوا عنا نذير السووووء
(15)
رجالة ..
و عايشين الحالة
تسلم أيادينا الشغالة
و شعوب بتحقق في رسالة
رفاهِيَّة و مساواة و عدالة
مش عايشين ع العالم عالة
جبنا الجون .. سمعنا الكون
نصر خرافي و غير مسبووووء
(16)
خط دفاعي
صاحي و واعي
و لا ميت ( إيتـُّو )
يهز ( صباعي )
و دعا الداعي ..
نزلنا الشارع
شايلين علم النصر الفارع
نصرخ نشرخ بهتاف بارع
إحنا الليلة زماننا مُضارع
عشاق و فريقنا المعشوووء
(17)
فلتحيا قذايفك يا زيدان
يا مولعها و لا البركان
شوطة جنان
و بلادنا أمان
و لا فيه حد يبات مخنوووء
(18)
يا محني ديل العصفورة
إحنا بقينا ملوك الكورة
يا محني ديل الحِدَّاية
ما تبصش أبدا في مراية
لحسن تاخد بالك .. تحزن
و الكورة تصبح سِلا َّية
عُمر ما وشك يوم حايغشك
مِنجـِل أيامك بيحِشـَّك
فانسَى الليلة انـَّك مسرررروء
(19)
هنا بتشوط الكورة .. تخش
و في الأمم المتحدة تكِش
هنا بتسجل
و هناك حقك ليه متأجل
هنا بتغزل
و هناك وضعك مخزي و مخجل
هنا بتباصي
و هناك حقك ضايع ..عاصي
هنا بتخطط
و هناك سايبينك تتنطط
هنا عفاريتو
و لا بيهمك سونج و إيتو
و هناك ر ِف رافع لك فيتو
ينبطح الوطن الممزووووء
(20)
يبقى خلاص خليك في السالك
و لا حرب و تشريد و مهالك
( يَبقىَ الوضع العربي كذالِك )
هى بطولة كاس أفريقيا
شمعة تنور ليلنا الحالك
و ما تبآش نِمَكي و محموووووء
(21)
إوعىَ تسيس
خليك كـَيِّس
شجع كورة تبقى كويس
أوعى تماطل
مالك إنت بحق و باطل ؟!
أوعىَ تفوووووووووء
خليك رافع راية المجد العربي
لفـووووووووووووء