دنيا الفوازير

[سعدالشرقاوى]

فوازير فوازير فوازير
http://www.imagehuge.com/out.php/t7501_d8-b3-d8-b9-d8-af-20-20-d8-a7-d9-84-d8-b4-d8-b1-d9-82-d8-a7-d9-88-d9-8a-1-1-.jpg ("http://http://www.imagehuge.com/out.php/t7501_d8-b3-d8-b9-d8-af-20-20-d8-a7-d9-84-d8-b4-d8-b1-d9-82-d8-a7-d9-88-d9-8a-1-1-.jpg
هيصه وهوجة فوازير
لوكان هدفك تبقى سفير
واللا تكمّل تبقى وزير
خش وسجّل فى الفوازير
فوازير فوازير فوازير
,,,,,,
دى بلدنا الحلوه ماهش غابة
مليانة تعالب وديابه
بانيـين الثروة على غلابه
بيجاهدوا ف حب الفوازير
فوازير فوازير فوازير
,,,,,,
برسالة عليهم ح يردّوا
م الفقرساعتها ح يعدّوا
وديونهم لازم ينسدّوا
ساعة مايحلوا الفوازير
فوازير فوازير فوازير
,,,,,,
ع النايل سات الفضائية
بنات حلوين ميّه الميّه
وحركات بتعلـّم ع المايّه
عايزينـّا نحل الفوازير
فوازير فوازير فوازير
,,,,,,
قرية وفيها اتنين سكان
واحد لص معاه غلبان
جاوب تكسب باكو لبان
واحجز دورك فى الفوازير
فوازير فوازير فوازير
,,,,,,
كفايه تحل الفزورة
وعنيك بتـبصّ ف سنيورة
ح تعرف مين صاحب الصورة
وتحصل على دبلوم فوازير
فوازير فوازير فوازير
,,,,,,
فوازير ياسلام سهله وحلوه
ح ترنّ علينا ساعة خلوة
وتعيش لك ساعة مع الغنوة
وتكرر تانى مع الفوازير
فوازير فوازير فوازير
,,,,,,
لو قلت لواحد سلامات
تضيف له عليها الخيارات
وتخللىّ كلامك علامات
وحياتك تصبح فوازير
فوازير فوازير فوازير
,,,,,,
وعلى الموبايل ياعنيّه
ح تلاقى رسايل يوميّه
فى السّحب ح تكسب عربيّه
ورصيدك راح ع الفوازير
فوازير فوازير فوازير
,,,,,,
عاوز تسأل فى الموضوع
بند قانونى ومش ممنوع
(كرونبو)يغيّر ع الاسبوع
وكل الدنيا تروح فوازير
فوازير فوازير فوازير
,,,,,,
فوازيرنا مهمّة وثقافيّة
وبتـبنى النهضة الفكريّة
ح تعرف لون الملوخيّة
وتدخل سحب مع الفوازير
فوازير فوازير فوازير
,,,,,,,
شرط عميلنا يكون مجنون
ناصب شبكة فى التليفون
رقمنا ف شاشة التلفزيون
وجايزة بتكبر فى الفوازير
فوازير فوازير فوازير
,,,,,,
الرحمة ياسادة العقل احتار
رهنّا الارض وبيعنا الدّار
وما شوفنا قريب ابدا ولا جار
بيكسب مرّه من الفوازير
فوازير فوازير فوازير
,,,,,,
الفرصة معاكوا يامحميّين
من دستورنا وم القوانين
ورزق الهبل على المجانين
تعملوا جامعة للفوازير
فوازير فوازير فوازير
,,,,,

[NAHID 76]

بسم الله الرحمن الرحيم
خالى سعد الشرقاوى
الفوازير من غلب الناس والحياه اللي بقت ضنك خلت الناس تتشعبط فى الهوى
وعايزه ساحر يحل مشاكلها
وإيه رايك يا خال فى النصب الي أخذ أشكال مختلفه
هات سبعه ديوك سود مفهمش ريشه مختلفه واحنا نحول لك الجنيهات دولارات بقدره قادر
وبعدها تروح تزور صاحبك إما فى مستشفى الامراض العقليه
أو بعيش وحلاوه
أو ربنا يرحمه
الغلب يا خال حول حياتنا فوازير وياما حنشوف
تحياتى

[علاء طه ياسين]

:emrose::emrose:توأمي / الشرقاوي :emrose::emrose:
دايما مبدع ..
دايما متألق ..
عادتك ولا هتشتريها ..
عيني عليك وانت بتقول ..
دى بلدنا الحلوه بقت غابة
مليانة تعالب وديابه
بانيـين الثروة على غلابه
بيجاهدوا ف حب الفوازير
صدقت
لكن يا حبيبي اللي يصدق
بصراحة وقع جوه البير
واذا كانت ست أكيد تبقي
مجنونة وغاوية التبزير
ومن الأنواع دي يابومدحت
هتلاقي ف الدنيا كتير
عايشين الدنيا ف أحلام
واخدين أقراص التخدير
وعموما احنا اتمتعنا
بكلامك عن أمر خطير
اتصل الآن جاوب تكسب
يمكن قلة .. يمكن زير
وسؤالي مفيش أسهل منه
يعني مش محتاج نفكير
مين صاحب كشري محمود ؟
اللي ف ميدان التحرير
محمود ولا محمد عبده
المتجوز بنت غفير
علي أرض المحروس حسانين
اللي عامل فيها امير
وأمير اسم الله النبي حارسه
جات له انفلونزا الخنازير
خنازير بتخنزر ف ضلوعنا
ومهيش محتاجة لتفسير

أخوك
أبو ياسين

[غازي الضبع]

الله عليك يا أستاذ سعد
تناولت القضية التي نعيشها الآن ومللناها وقربت تكرهنا في التليفزيون وفي الموبايل وفي الاعلانات
وللأسف الشديد .. ناس كتير بتعتقد في الكلام ده
وفاكره إن هو ده اللي هايحل مشاكل حياتهم
تحت شعار .. يمكن البلية تلعب
وهو دليل قوي على التواكل والخمول والـ inactivity اللي وصلنا إليه
أحييك يا أستاذ سعد :emrose:

[سعدالشرقاوى]

بسم الله الرحمن الرحيم
خالى سعد الشرقاوى
الفوازير من غلب الناس والحياه الي بقت ضنك خلت الناس تشعبط فى الهوى
وعيزه ساحر يحل مشاكلها
وأيه رايك يا خال فى النصب الي أخذ أشكال مختلفه
هات سبعه ديوك سود مفهمش ريشه مختلفه واحنا نحول لك الجنيهات دولارات بقدره قادر
وبعدها تروح تزور صاحبك أما فى مستشفى الامراض العقليه
أو بعيش وحلاوه
أو ربنا يرحمه
الغلببب يا خال حول حيتنا فوازير وياما حنشوف
تحياتى

الاستاذه/ناهد
دى ظاهرة هذا الزمان
وكل ما يؤرقنى ان الواقعين فى الفخ
دائما يكونوا من اصحاب الثقافات
(ابوالعرّيف يعنى)
والميزة ما بيقولوش لاى حد
مع اننا ستر وغطا على بعض

[سعدالشرقاوى]

:emrose::emrose:توأمي / الشرقاوي :emrose::emrose:

دايما مبدع ..
دايما متألق ..
عادتك ولا هتشتريها ..
عيني عليك وانت بتقول ..
دى بلدنا الحلوه بقت غابة
مليانة تعالب وديابه
بانيـين الثروة على غلابه
بيجاهدوا ف حب الفوازير
صدقت
لكن يا حبيبي اللي يصدق
بصراحة وقع جوه البير
واذا كانت ست أكيد تبقي
مجنونة وغاوية التبزير
ومن الأنواع دي يابومدحت
هتلاقي ف الدنيا كتير
عايشين الدنيا ف أحلام
واخدين أقراص التخدير
وعموما احنا اتمتعنا
بكلامك عن أمر خطير
اتصل الآن جاوب تكسب
يمكن قلة .. يمكن زير
وسؤالي مفيش أسهل منه
يعني مش محتاج نفكير
مين صاحب كشري محمود ؟
اللي ف ميدان التحرير
محمود ولا محمد عبده
المتجوز بنت غفير
علي أرض المحروس حسانين
اللي عامل فيها امير
وأمير اسم الله النبي حارسه
جات له انفلونزا الخنازير
خنازير بتخنزر ف ضلوعنا
ومهيش محتاجة لتفسير

أخوك
أبو ياسين

ابو ياسين
الموضوع خاص باهل بحرى
الصعايده جدعان وماحدّش بيعرف يضحك عليهم
بس انا شامم فى كلامك ريحة شياط
اوعه
الا اخوك دوّر على سواق للعربية
قبل مايستلمها ماعلينه مش وقته
تألق متجدد ياعلوه
ربنا يزيدك

[سعدالشرقاوى]

الله عليك يا أستاذ سعد
تناولت القضية التي نعيشها الآن ومللناها وقربت تكرهنا في التليفزيون وفي الموبايل وفي الاعلانات
وللأسف الشديد .. ناس كتير بتعتقد في الكلام ده
وفاكره إن هو ده اللي هايحل مشاكل حياتهم
تحت شعار .. يمكن البلية تلعب
وهو دليل قوي على التواكل والخمول والـ inactivity اللي وصلنا إليه
أحييك يا أستاذ سعد :emrose:
الغالى الاستاذ/غازى الضبع
صاحب الحنكة والحكمه والمثل الصائب حتى ولو عكسناه
اوشك بعض الناس ان تكون حياتهم معتمده على هذا الجهل
المقنن للاسف
ولم ارى رادع لهذا
فاخشى المصير لو استمر الحال
جزيتم خيرا على ما اضفتم
والله المستعان

[Tarek Elemary]

أكبر مرصد للأمراض الشعبية
و الحالات المزمنة و المستعصية
قلم عم سعد الشرقاوى
تشريح بدون تجريح
و كل لبيب بالإشارة
يستريح
:mdr:

[سعدالشرقاوى]

أكبر مرصد للأمراض الشعبية

و الحالات المزمنة و المستعصية
قلم عم سعد الشرقاوى
تشريح بدون تجريح
و كل لبيب بالإشارة
يستريح

:mdr:


استاذى/طارق العمرى
صباح الامل اللى فينا اتولد
صباح العجينة فى حب البلد
صباح العزيمة بصبر وجلد
صباح الحب يابو سلمى

[Islam Eidrisha]

يا عم سعد الحق أقول لك
عندما تطغى فئة المتواكلين الذين ينتظرون مطر الذهب والفضة من السماء على المتوكلين الذين يغدون خماصا ويروحون بطانا وعندما يجف الفكر من العقول فتتشقق من التيبس وتمتلئ البطون عوضا عنها فاستشرى البلاء وعم الفساد أركان البلاد ونفوس العباد فليس لنا بعد كل ماسبق من سبيل أن نستغرب تلك الموجة الساقطة السفيهة وليس لنا أن نلقي بكل اللوم على منشئيها بل على متبعيها من الغاوين والسفهاء وما أكثرهم

[سعدالشرقاوى]

يا عم سعد الحق أقول لك

عندما تطغى فئة المتواكلين الذين ينتظرون مطر الذهب والفضة من السماء على المتوكلين الذين يغدون خماصا ويروحون بطانا وعندما يجف الفكر من العقول فتتشقق من التيبس وتمتلئ البطون عوضا عنها فاستشرى البلاء وعم الفساد أركان البلاد ونفوس العباد فليس لنا بعد كل ماسبق من سبيل أن نستغرب تلك الموجة الساقطة السفيهة وليس لنا أن نلقي بكل اللوم على منشئيها بل على متبعيها من الغاوين والسفهاء وما أكثرهم

اخى الحبيب الاستاذ/اسلام
اكملت بتعبيراتك الصائبة كل القصد والمراد
لالقاء الضوء على هذه الظاهرة السيئة
والتى تطاولت اكبر جزء فى حياة مجتمعنا
جزيت كل الخير
ودمت لنا سندا
وانار الله بصيرة قلمكم الواعى

[علاء قدرى]

:emrose:عمنا الشاعر سعد الشرقاوى:emrose:
الله عليك لما تمسك سلبيات ؛ وطوفان التخلف المنساب نحو هذا المجتمع ؛ الذى لم يستطع ان يعيش حياة كريمة حقيقة ؛ فاخذ يبحث عنها فى الخيال ؛ و الاحلام ؛ والفوازير؛ وباسلوب نقدى لاذع ؛ لكنه خفبف الظل ؛تضحكنا على ما نحن فيه
وبدايات حل المشاكل ؛ عرض المشكله بتصوير حقيقى جميل ؛ لعل الاذن تسمع ؛ و العين ترى ؛ والعقل يفكر
ويتجه وعى الجميع الى ادراك ما نحن فيه من عبث؛ فنتقدم خطوة
شكرا لك ؛ ودام لنا ابداعك الراقى الجميل

[سعدالشرقاوى]

:emrose:عمنا الشاعر سعد الشرقاوى:emrose:
الله عليك لما تمسك سلبيات ؛ وطوفان التخلف المنساب نحو هذا المجتمع ؛ الذى لم يستطع ان يعيش حياة كريمة حقيقة ؛ فاخذ يبحث عنها فى الخيال ؛ و الاحلام ؛ والفوازير؛ وباسلوب نقدى لاذع ؛ لكنه خفبف الظل ؛تضحكنا على ما نحن فيه
وبدايات حل المشاكل ؛ عرض المشكله بتصوير حقيقى جميل ؛ لعل الاذن تسمع ؛ و العين ترى ؛ والعقل يفكر
ويتجه وعى الجميع الى ادراك ما نحن فيه من عبث؛ فنتقدم خطوة
شكرا لك ؛ ودام لنا ابداعك الراقى الجميل
اخى الاستاذ/علاء قدرى
اشكر لشخصكم الكريم ما اضفتموه بشان هذه الظاهره السيئة
وما اظنها الا عمليات نصب مقنعة ومقننه فريستها دائما
ماتكون من الطبقات البسيطة والسفيهه التى تبغى سرعة
الثراء دون ادنى مجهود
وهذا هو التواكل بعينه
وربنا يديمها فوضه ويحفظها من النظام

[عفاف سليمان]

مساء الخير على عم سعد الشرقاوى:emrose:
الله يحرمنا من هذا الوباء والبلاء:rolleyes:
والمتواكلين وربك هو المعين:)
تحياتى لقلمك المبدع دائما
واجمل الاوقات للجميع
اختكم عفاف:emrose:

[رائد عبد السلام]

يسلم قلمك ... ياخال سعد:emrose:
وتسلم التوتة اللي عندها بتفيض الإبداعات
مختلطة بطمي النيل
فكّرتني بمشرط عمنا بيرم وهو بيشق جلد
المجتمع المصري علشان يطهر العفن

عندك حق ...أيام بإذن الله
ويستطلعوا هلال
الفوازير
قصدي ... رمضان

:emrose:كل سنة وأنت طيب :emrose:

[سعدالشرقاوى]

يسلم قلمك ... ياخال سعد:emrose:

وتسلم التوتة اللي عندها بتفيض الإبداعات
مختلطة بطمي النيل
فكّرتني بمشرط عمنا بيرم وهو بيشق جلد
المجتمع المصري علشان يطهر العفن

عندك حق ...أيام بإذن الله
ويستطلعوا هلال
الفوازير
قصدي ... رمضان


:emrose:كل سنة وأنت طيب :emrose:

المبدع الاستاذ/رائد عبدالسلام
حلفتك بالامانه
ماتغيب عننا تانى

[yosry_at]

حبيب قلبى سعد الشرقاوى
فعلا رزق الهبل على المجنين
يا اخ سعد الفوازير مرض العصر وانت جسدت الموضوع بكلماتك الجميله الهادفه
فلك منى كل الحب وفى انتظار المزيد
يسرى عطيه سليمان

[ام مدحت]

والله ياعم الحاج
كل حاجه امامنا راحت فوازير فى فوازير
حتى شهر العباده على الابواب
وربنا يستر من ضياع وقته الثمين فى الفوازير

[سيد الموجى]

الشاعر الجميل/ سعد الشرقاوى
لا مجال للعجب من كل ما يحدث فحياتنا نفسها أصبحت فزورة
الفرق بينها وبين غيرها من الفوازير هو أنها تستعصى على الحلدمت مبدعا