المساعد الشخصي الرقمي

مشاهدة النسخة كاملة : البنت الدايبة كسوف

علاء طه ياسين
09/07/2009, 07h53
:emrose:
إنتي البنت الدايبة كسوف
المليانة براءة وخوف
واللي كتير بأخجل قدامها
وباتهته لما بأكلمها
وف دنيا الأحلام بأرسمها
غنوة لذيذة بأحلي حروف

...

انتي البنت المدهشة جد
واللي جمالها يفوق الحد
واللي الكون عاشق ضحكتها
واللي القمر الطالع بيتها
واللي لقيت قلبي ف سكتها
فاقد النطق وفاقد الشوف

...

إنتي البنت الملهاش حل
واللي بدونها الكون يختل
واللي هواها بقا حدوتة
تحكيها العصافير للتوتة
مع بعض هتحلو الموتة
لو يبعدنا قدر وظروف

...

إنتي البنت اللي مفيش زيك
واللي الشمس تغير من ضيك
سهم الحب ف قلبك عدي
والشوق يزرع مليون وردة
واما بشوفك قلبي بيهدي
وعليكي بيروح محدوف

...

إنتي البنت الدايبة كسوف
المليانة براءة وخوف
واللي كتير بأخجل قدامها
وباتهته لما بأكلمها
وف دنيا الأحلام بأرسمها
غنوة لذيذة بأحلي حروف
:emrose:
علاء
NAHID 76
09/07/2009, 10h37
بسم الله الرحمن الرحيم
الشاعر الغنائى علاء يا سين
وماذا بعد ما كتبه الكبير مصطفى زقزوق
المثل بيقول
أذا حضر الماء بطل التيمم
ولكنى اضيف تشجيعا الى تشجيعه وأعجابا يساير أعجابه وطلب فى الأستمرار فى هذا النوع الجميل أيها الشاعر الغنائى الغزير
تحياتى
عفاف سليمان
09/07/2009, 13h37
اخى علاء:emrose: بعد مساء الخير عليك وعلى الجميع
فينكم يا ملحنين وفينكم يا مطربين
الكلام اهه جميل
ملحن نفسه بس نقول يا مين
والله كل مره احلى واحلى من اللى قبلها
الله يزيدك من نعيمه وينعم عليك بفضله
بجد والله كلمات جميله وبسعد لما بشوفها
اسعد الله اوقاتك والجميع:o
تحياتى لك اخى وللجميع
فين حواديت الجروب:rolleyes:
اختك عفاف:)
علاء طه ياسين
09/07/2009, 14h36
مدام ناهد ..
صاحبة الحضور الطاغي ..
كتباتنا تستمد إلهامها منكم ..
وما ننشده ونغنيه ونؤلفه .. بفضل تشجيعكم ..
ولأن الحب هو أجمل الأشياء في الوجود ..
فلن أمل من الكتابة عنه ..
:emrose:
يللِّي تاعبني ومغلبني
آه منك آه منك ياني
أهرب منك وأبعد عنك
تيجي لحدي وتترجاني
وأَمَّا أَقَرَّبْ ترجع تهرب
وتداري مشاعرك وتعاني
اكدب قول انك مش عاشق
عاند نفسك واتحداني
شكلها باظت شكلها خربت
ولا يمكن تتصلح تاني
:emrose:
علاء
علاء طه ياسين
09/07/2009, 14h43
أختنا الفاضلة
عفاف
:emrose:
انا راجع تاني لشخابيطي
لكتاب حكاياتي وحواديتي
وعشان خاطر ست عفاف
راح أكمل قصة عفاريتي
:emrose:
النهاردة بإذن الله تعالي هأبدأ أكمل مواقفي في الجروب مع الجن -اللهم احفظنا-
علاء
سعدالشرقاوى
10/07/2009, 08h17
اخى الاستاذ/علاء طه
لاازيد عن ما قالته الاخت الاستاذة عفاف
كلام ملحن نفسه وتنادى اين المطربين والملحنين
وهذا احساس بعمل منظم محبوك يتطلب ذلك

إنتي البنت الملهاش حل
واللي بدونها الكون يختل
واللي هواها بقا حدوتة
تحكيها العصافير للتوتة
مع بعض هتحلو الموتة
لو يبعدنا قدر وظروف

نجم علاء يتالق يوما بعد يوم
فى مجال الاغنية الحلوة الخفيفة السهلة
واى حاجه فيها سيرة التوته تلاقيها حلوة
الله ينور يابو ياسين
علاء طه ياسين
10/07/2009, 10h01
شكرا شكرا يا سعد يا خويا
بس علي رأي المثل
قليل البخت يعضه الكلب في المولد :mdr:
فين بقا ..
علاء