طريقة صنع الكمان وبالصور [الأرشيف] - منتدى سماعي للطرب العربي الأصيل

مشاهدة النسخة كاملة : طريقة صنع الكمان وبالصور

منذر عبود

06/07/2009, 21h53

مهداة خصيصا للأستاذ عادل صموئيل
لأنه عندما يتكلم عن الكمان تراه معجب بكل تفاصيلها صوتا وشكلا ولذلك أكيد سيعجب بمراحل الصنع كيف تشكلت هذه المعشوقة الساحرة

عادل صموئيل

12/07/2009, 18h51

مهداة خصيصا للأستاذ عادل صموئيل
لأنه عندما يتكلم عن الكمان تراه معجب بكل تفاصيلها صوتا وشكلا ولذلك أكيد سيعجب بمراحل الصنع كيف تشكلت هذه المعشوقة الساحرة

الأخ العزيز الاستاذ منذر عبود
اشكرك على هذه الهدية القيمة جدا , هذا الكتاب الجميل غير متوافر فى اى مكان سوى فى اوروبا فى مكتبات متخصصة جداً واول مرة اشوفه
وللكلام على سحر الكمان كلام كثير احاول ان الخصة بقدر الإمكان يعنى الصناعة اليدوية للكمان انقرضت تقريباً يعنى لو تواجد من يصنعها اليوم فى الكرة الارضية لن يتجاوزوا عدد اصابع اليد الواحدة , لأن الصين تدخلت فى الموضوع وعلى طريقة علب اللحوم المحفوظة فى اوروبا يعنى الثور يدخل من باب ويخرج علب لحوم محفوظة من الباب الأخير فى الصين يدخل الخشب من بال يخرج كمنجات من الباب الأخير ولكنها ليست كمنجات وهى صالحة للتعليم فقط ( والمحترفون يطلقون عليها قباقيب ) , وصانع الكمنجة لابد ان يكون عاشق للكمنجة وليس نجاراً , اذ من صفات الكمنجة اليدوية الممتازة انها بعد اكتمال الصنع النهائى يضعها فى علبتها ثم يخزنها فى مكان خالى من الحرارة والرطوبة خمسين عاماً بعدها تبدأ الكمنجة فى مرحلة النضج وهنا تصلح للعرض والبيع وتأتى ثمناً باهظاً , قبل ذلك قد يخسر كثيراً من يبيعها لأن صوتها بدون مرحلة التعتيق تلك يكون لم يظهر بعد والسر فى تجارة الكمنجات سر غريب فالشارى يعزف على الكمنجة فإن خلبت لبه بصوتها يدفع فيها اى ثمن مهما كان , وقبل عملية التعتيق والنضج يكون صوت الكمنجة مكتوم ولا تلفت نظر الشارى , لذلك تجد صانع الكمنجات تلك يصنعها يم يخزنها ليبيعها اولاده واحفاده , فهو هنا يترك لهم إرثاً من الكمنجات كما هو ورث عدداً من الكمجات من جده وابيه , واكمنجة تصنع واحدة واحدة يعنى ممكن الكمنجة لأجل ان يتم تصنيعها تأخذ من الصانع فى حدود عام كامل وكلمة اليوم الأول فى الكتاب هنا معناها المرحلة الأولى وكل مرحلة قد تأخذ اسبوعاً لأنكم كما لا حظتم يحفر الخشب بالعدد اليدوية وتلك تحتاج منتهى منتهى التأنى لأنه لو حفر بسرعة قد يفسد القطعة , ونسيت ان اقول ان الخشب الذى ترونه فى الصورة هو خشب نوعه سر واسمه سر لا يعرفه احد سوى صانعى الكمنجات فقط وهم يتلصصون ويذهبون إلى الغابات ويقطعون هذا الخشب بأنفسهم حتى لايراهم أحد ويكتشف السر , وعندما يأتون بالخشب اولاً يقطعونه لقطع بمقاسات معينة تصلح لبدء العمل ثم تأتى مرحلة اخرى من الأسرار , الخشب فى الاشجار فى الغابة يكون فيه نسبة رطوبة وعليهم اولاً اخراج تلك الرطوبة والعصائر من الخشب وتلك عملية سرية كيف تحدث وماذا يصنعون ولأى مدى لا احد سواهم يعرف , ونو نوعية خشب الجوانب ايضاً اسرار , كل جزء فى هذا الصندوق الساحر اسرار , ولو نظرنا فى الصور وجدنا اجهزة حديثة لقياس سُمك الخشب , انا كمنجتى مصنوعة من 275 سنة لم تكن تلك الأجهزة ظهرت بعد وكان الصانع الساحر يستعمل وسائل بدائية جداً ولكنها بالطبع تأخذ وقتاً اطول بحيث يكون كل ملليمتر من وجه الكمنجة وظهرها بنفس السمك , لأن اى ملليمتر سمكه ازيد يفسد الكمنجة يعنى يقلل قيمتها وصوتها ( يعنى يعيق الصندوق الرنان ) انا آسف للإطالة ولكن ممكن اتحدث فى هذا الموضوع للإسبوع القادم ولا ينتهى الحيث
مع اطيب تحياتى واشكر اخى العزيز منذر عبود الف شكر

عادل الصامت

26/01/2010, 08h36

منذر عبود

01/02/2010, 15h05

أخ منذر عبود هديتك للأستاذ الفاضل عادل صموئيل فعلا كانت قيّمة لأنها تبرز جميع مراحل صنع آلة الكمان بكامل تفاصيلها وبالألوان وانّي بدوري أشكرك على هذه المساهمة التي انتفع بها كل الأعضاء أملي في أن تبحث على في القريب طريقة صنع القانون ، الناي ، العود...... خدمة لتطوير صناعة آلاتنا العربية مع أجمل التحيات
كل الشكر لك أستاذ عادل دروسك الجميلة أنا تابعتها كلها وتصور بعد هذا العمر لم يخطر على بالي السلالم الكبيرة لماذا سميت كبيرة والصغيرة لماذا سميت صغيرة إلا بعد أن قرأت دروسك وأنا أنصح بقراءتها للإخوة بالمنتدى وهذا هو
الرابط http://www.sama3y.net/forum/showthread.php?t=60644 (http://www.sama3y.net/forum/showthread.php?t=60644)

غسان الغساني

10/02/2010, 06h23

شكرا للأخ منذر عبود على هذه الصور القيمة لصنع الكمان ولكن ياأخي الا تعتقد أن هذه الصور ناقصة أهم شيئ وهو القوس الذي بدونه لاقيمة للكمان وفي صنا عة القوس أسرار كبيرة أرجو التكرم بصور لصناعة القوس وبذلك تكون قدأسديت خدمة كبيرة لعشاق هذه الآلة في معرفة كل ما يتعلق بها ودمتــــــــــــــم

عادل الصامت

10/02/2010, 22h40

الأخ العــزيز الأستاذ المنذر عــبود . أشكرك على متابعتك للدروس وعلى مشاعــرك الصادقة تجاه شخصي . أجمل التحيات من أخيكم (عادل الصامت )

elgien

25/03/2011, 00h21

مشكور اخى على هذا الكتاب الجميل

وانا منذ فتره قليلة فقط بدأ قلبى ياخذنى للكمان ولصوتها

لذلك احببت ان اتعلمها وخاصة وانا عندى خلفيه عن الموسيقى و عن سلالم المقامات الموسيقيه حيث انى عازف لالة الاورج

لذلك كنت اتمنى من اساتذتنا الكرام واعضاء هذا المنتدى الجميل جدا

لو ممكن تصوير لسلالم المقامات على رقبة الكمان بالصور

وان امكن يا ريت لو يوجد دروس للمبتدأين لالة الكمان

وشكرا ارجو تقبل مرورى لكم

elgien

02/04/2011, 03h05

http://www.sama3y.net/forum/http://i65.servimg.com/u/f65/14/45/80/94/violin14.jpg (http://www.servimg.com/image_preview.php?i=26&u=14458094)

استفسار بسيط من اساتذتنا الكرام

هذه الصوره عن تصوير مقام نهوند من الدو على رقبة الة الكمان ارجو من الاساتذه ابداء الراى هل هى صحيحه ام لا
وارجو ابداء التعديلات عليها وشكرا

المنير

15/01/2012, 19h17

كل الشكر لك أستاذ عادل دروسك الجميلة أنا تابعتها كلها وتصور بعد هذا العمر لم يخطر على بالي السلالم الكبيرة لماذا سميت كبيرة والصغيرة لماذا سميت صغيرة إلا بعد أن قرأت دروسك وأنا أنصح بقراءتها للإخوة بالمنتدى وهذا هو

الرابط http://www.sama3y.net/forum/showthread.php?t=60644 (http://www.sama3y.net/forum/showthread.php?t=60644)

شكرا للأخ منذر عبود على الملف المفيد حول الكمان.
أقدم هذه الهدية لشخصك الكريم و للأخ عادل صموئيل.

المنير

17/01/2012, 11h58

السلام عليكم
صورة للباشا عادل صموئيل الرائد في مجال تدوين الموسيقى الشرقية.
أرجو أن تنال إعجابكم.
تحياتي.

منذر عبود

19/01/2012, 08h48

شكرا للأخ منذر عبود على الملف المفيد حول الكمان.
أقدم هذه الهدية لشخصك الكريم و للأخ عادل صموئيل.
شكرا لك أخي المنير على إثراء هذا الموضوع باقي لو أحد يستطيع أن يكتب لنا عن الورنيش الذي تدهن به الكمان
وعلى فكرة صورة الأستاذ عادل باشا صموئيل التي اشتغلتها على الفوتوشوب جميلة وتسلم إيديك

عادل صموئيل

19/01/2012, 09h29

اولا اشكر الاخ العزيز المنير على الصورة
واحب ارد على كل الاستفسارات مرة واحدة
اولا الأخ اللى نزل رسم لمقام النهاوند على الكمان صحيح
اما عن دروس للمبتدئين فى تعليم الكمان يعنى اتكلم بصقتى خبير فى الكمان
ايه الفرق بين الاورج وبين الكمان عزفاً ؟؟
ان الاورج او البيانو بيوجد اصابع كل اصبع بيمثل نغمة .. يعنى انت ممكن تتعلم اسماء الاصابع من كتاب ولما تعزف مثلا دو رى مى بتضغط على الاصابع بتطلع النغمات سليلمة لأنك حاتضغط على اصبع الدو تطلع دو
لكن الكمان صعب جدا ان تتعلمها بدون معلم
لأنك مثلا لما تعزف على وتر رى مطلق بدون ان تضع اصابعك ثم تضع اصبعك على مكان نغمة المى
هنا فى الاسابيع الاولى 100% بيطلع اصبعك مش فى مكانه الصحيح يعنى اما زائد شعرة او ناقص شعرة ووظيفة المرس هنا انه بينبهك لخطورة هذا الشىء عشرات المرات حتى ينزل اصبعك فى مكانه الطبيعى , ثم تضع اصبعك على نغمة الفا .. ونفس الموضوع بينزل اصبعك مش فى مكانه والمعلم بيصلح لك حتى يحفظ اصبعك المكان الصحيح وهكذا
ومن المشاكل ان حركة القوس بتختل يعنى بينحرف عن مساره الصحيح وهنا ايضا المدرس طول الوقت بيصلح لكلحد ما يدك اليمنى تاخد الحركة الصحيحة للقوس طاله ونازل .. كمان ضغطة يدك على القوس ممن تضغط اوى الكمان تحشرج او تضغط صعيف يطلع صوت مش حلو ... واهم واخطر شىء فى الكمان ان يكون عندك خلفية موسيقية قبل عزف الكمان بمعنى انك بتعرف تغنى السلالم يعنى لما تسمع نغمة دو ممكن تغنى باقى السلم صح
لن المخ فيه حاجة زى الكمبيوتر متصلة بالأصبع ,, يعنى انت لما تعزف نغمة رى على الوتر المطلق بيبقى مخك وأذنك حافظة نغمة المى وبالتالى بتوجه الاصبع ناحية المكان الصحيح لنغمة المى بالتدريج واذا نزل زائد انت بنفسك بتحس وتصلح مكان الاصبع ...وده مهم جدا لن المدرس بيقعد معاك ساعة وانت بتذاكر لوحدك ساعات وهنا لازم تذاكر صح ,,, وفيه طالب ممكن يتفوق على المدرس .. يعنى ممكن مدرس عادى ( مش عازف كمان حلو يعنى ) يعلمك مبادىء الكمان وانت ممكن توصل لمرحلة انك تعلم نفسك اتكر واكتر بس تكون قاعدتك سليمة

الكتاب اللى نزله الاخ العزيز المنير انا شفت فيه حاجة عجبتنى اوى اوى وعمرى ما شفتها من فبل فى مصر وهى جهاز تركيب العامود .. يعنى الجهاز بيحمل العمود وتدخله داخل الكمان وتضعه فى المكان المضبوط ثم تطلقه
عندنا بيركبوا العمود بشغل حواه ... يعنى جابلا كان بيشبك فيه ابرة سميكة ويدخلهوبعدين بيشده ينصبه بالشوكة داخل الكمان ودى طريقة صعبة جدابتاخد وقت طويل وفيه ناس بيلفوه بفتلة بطريقة معينة ويدخلوه جوا الكمان ويعدلوه بالشوطة ويشدوه بس برضه مجهدة وبيقع كتير جوا الكمنان ويفضل عشان يطلعه يقلب الكمان على وجهها ويقعد يهز فيها حتى ييجى العمود على الفتحة وبالطبع بيكون معووح بيفضل يعدله بغبرة رفيعة لحد ما يقدر يخرجه من جوا الكمان ويعيد اكرة بس عملية انت لو شفتها اعصابك حاتتعب
اما السؤال على الورنيش ده سر ماحدش ابدا يعرفة غير كان واحد فى مصر اسمه جابى ومات واخد سره معاه
لن عيب النسدى كان بيببقى عنده صبى ويتعمد ان الصبى ما يتعلمش منه حاجة عشان بيخاف لا ياخد منه زبائنه مع الاسف وبتحصل طبعاً ... وخطورة الورنيش بتظهر فى الكمنجات الثمينة يعنى لو كمنجة يدوية الصنع محترمة .. لو خاطرت ووضعت عليها اى نوعورنيش غلطممكن يكتم صوتها ويفسدها .. لكن الكمنجات الصينى الحقيرة ممكن تحط عليها اى نوع من التلميع ما يأثرش فيها لنها اصلا قبقاب
وجدير بالذكر ان الكمان اليدوية اللى شفتوها هنا فى الصور دى نوع الخشب بتاعها سر ماحدش يعرفه .. يعنى صانع الكمان كان زمان بيخرج فى اوروبا ( المانيا والنمسا بالذات ) هناك غابات تحوى مئات الانواع من الاشجار
هو عارف صنف محدد واسمه سر ماحدش يعرفه غير العائلة فقط .. وبعدين بيقطع منها ... الخشب عادة بيكون فيه نسبة رطوبة .. قبل الشغل بيقطع الخشب بحكم صندوق الكمان بتبقى قطعة مستطيلة وسمكها حوالى 3 سم ,, ازاى بيطلع منها الرطوبةماحدش يعرف ,, بعدين لما يتأكد ان الرطوبة طلعت يبتدى يفحر ظهر الكمان من القطعة المستطيلة دى تخيلوا ممكن ولازم بمنتهى الهدوء والصبر ممكن تاخد الظهر فقط 3 شهور حفر والوجه كذلك صم الجوانب وتتم العملية كام فى الكتاب يعنى الكمان تاخد سنة شغل .. ولو حسبنا تكلف كام ؟
لو شفتم اللى بيقف على عربية فى اوروبا وبيعمل سندويتشات همبورجر بياخد فى الساعة 15 دولار ودى شغلة اى حد .. والخراط مثلا بياخد كام فى اليوم ... ونسبة عدد الخراطين الى نسبة عدد صانعى الكمان ودى طبعا بترفع الاجر حتلاقى الكمان تكلف نص مليون دولار حتى تصبح جاهزة .. ولازم تتحط فى شنطة زتحطها فوقالدولاب لمدة عشر سنوات على الاقل عان تبتدى تتعتق .. يعنى الصانع بيعملهم ويتركهم لأولاده يبيعوها ,, وده سبب انقراض الكمان اليدوى .. ورفع سعر الكمنجات القديمة بشكل مفزع لأن بتنقص وماحدش بقى بيعمل منها تانى .. دلوقتى الكمان كلها شغل مصانع يعنى مصنع يدخل من ناحية خشب يطلع من الناحية التانية كمنجات .. طبعا اى خشب
والخشب بيتقطع آليا لسمك 4 مللى بعدين ياخد كمية كثيفة من البخار ويدخل على مكبس بيعمل الظهر والوجه للكمان فى ثانية بعدين يتشفط البخار فى ثوانى وتتحفف ووتركب فى ثوانى والمصنع فى الصين بيعمل 500 كمان فى اليوم وطبعا لا تساوى شىء هى حلوة شكلا فقط
مع اطيب تحياتى

المنير

21/01/2012, 10h37

كيف يصنع الكمان؟
جزىء فيديو رائع مع عملاق الشروحات برنامج c'est pas sorcier

تفضل با سيد عادل صموئيل
يجب تحميل الملف ثم حذف mp3. ليبقى الإسم هكذا
de l'arbre au violon.wmv
يمكنه الاشتغال بصيغة mp3 كذلك.

هل تريد فيديوهات أخرى في نفس السياق؟

المنير

21/01/2012, 20h02

شكرا للأخ منذر عبود على إبداء رأيه في التصميم.
أرجو أن يكون التوقبع المصمم للمنتدى قد نال إعجابك أيضا.
تحياتي
de l'arbre au violon - YouTube (http://www.youtube.com/watch?v=geNWYAHTXAQ&feature=youtu.be)

بالنسبة للأخ صموئيل تحدث عن هذه القطعة من الكمان والتي نسميها بالعامية المغربية *الروح*
هذه طريقة أخرى لتثبيتها داخل الكمان.

عادل صموئيل

23/01/2012, 15h28

اخى العزيز المنير
التصميم طبعا عجبنى جدا ولو عندك فييوهات من نفس النوعية ياريت وهى مكسب لكل محبى الكمان خاصية وانها متصورة بطريقة ذكية جدا وبتخليك تشوف الكمان من الداخل

مع اطيب تحياتى

المنير

24/01/2012, 12h00

السلام عليكم

طلباتك أوامر يا سيد عادل صموئيل
de l'arbre au violon2 - YouTube (http://www.youtube.com/watch?v=F4g9WRUna6Y&feature=youtu.be)

de l'arbre au violon3 - YouTube (http://www.youtube.com/watch?v=I9N4ThNchg8&feature=youtu.be)

اخى العزيز
اشكرك جزيل الشكر ويا سلام لو عندك فيديوهات اكتر يعنى كل العملية
مع اطيب تحياتى عادل صموئيل

المنير

24/01/2012, 16h57

السلام عليكم

أخي الباشا صموئيل
الفيديوهات على اليوتوب متعددة و رائعة لكني فضلت البرنامج c'est pas sorcier لطريقة شرحه المتميزة بحيث قسمت الفيديو الى أجزاء صغيرة ثم رفعتها الى اليوتوب من أجلك.
هل أرفع باقي الأجزاء أم فيديوهات من اليوتوب بعد انتقاء دقيق؟

Arching and thicknessing ... - YouTube (http://www.youtube.com/watch?v=X9hlqpWWuuU)

Sound holes and bass bar ... - YouTube (http://www.youtube.com/watch?v=2SgFK2JS0vU)

منذر عبود

26/01/2012, 06h40

منذر عبود

26/01/2012, 08h09

طريقة تحضير الفرس لوضعه على الكمان
http://www.youtube.com/watch?feature=endscreen&v=fa-ljTTuHhM&NR=1 (http://youtu.be/fa-ljTTuHhM)

منذر عبود

26/01/2012, 14h00

Violin bridge ط·ط±ظٹظ‚ط© ط¹ظ…ظ„ ظپط±ط³ط© ط§ظˆ ط¬ط³ط± ط§ظ„ط© ط§ظ„ظƒظ…ط§ظ† - YouTube (http://www.youtube.com/watch?v=nkP6kxj3srE)

عادل صموئيل

26/01/2012, 14h47

الف شكر يا دكتور منذر على الفيديو وياريت لو عندك فيديوهات من النوع ده تتحفنا بيها
طبعا الفرسة حاجة تعقد يعنى
لو تلاحظوا انه بينفص وزن الخشب منين ومنين
المشكلة العدد اللى بيستعملها يعنى اول حاجة العدة اللى بيضع فيها الفرسة ويسنفرها على وجه الكمان دى اول مرة اشوفها
احنا بيعملوها بيمسكوها بيدهم بس العدة دى جميلة جدا لأنها بتمسك الفرسة فى وضع صح بحيث لما تتسفر الارجل تبقى منتظمة
اما العملية اللى بيعملها بالسكين الرفيع المشكلة السكينة دى برضه عمرى ما شفتها من قبل وللعلم دى مهمة جدا لأنها حامية جدا زى الموس ومن الصعب ان واحد يستعمل حاجة زى كده مع الفرسة لأن الفرسة رقيقة جدا يعنى لولا العدة دى ممكن تتكسر فى اى عملية من دول واخطرهم الجزء اللى بيفحره فوق رجل الفرسة لأن الرجل دى متعلقة على شعرة يعنى ممكن لو العدة قاسية الرجل تطير
احنا فى مصر دلوقتى عندنا مشكلة خطيرة وهى ان الفنيين بتوع صيانة الكمان انقرضوا تقريبا والشاطرين منهم بالذات زى جابى وانا كتبت عنه مقال .. كان بيعمل فرسة مالهاش حل
يعنى انا حاليا عندى مشكلة مزعجة جدا ... الوحيد اللى بنملا عنده اقواس اسمه عيسوى داغر ,, كان القوس بيشتغل معاك لحد ما تزهق منه .. من سنة عملت عنده شعر قوسين وبعد اسبوع الشعر ابتدا يتطقطق يعنى تفتح شنطة الكمنجة تلاقى عشر شعرات متقطعين ومش عارف اتصرف فى المشكلة دى ازى ,, لأن الشعر الوحش مش بيظهر غير بعد ما يتكركب بشهر
مع اطيب تحياتى

عادل صموئيل

26/01/2012, 14h51

الاخ العزيز المنير

طبعا يسعدنا ان ترفع الفيديوهات الجميلة دى اكبر قدر ممكن منها
ولو ممكن طريقة ملو شعر القوس

يعنى اجمل حاجة فى الفيديوهات دى هى العدد اللى بيستعملوها
والمشكلة ان خلاص صناعة الكمان دى انقرضت يعنى الفيديوهات تحس انها سحر
اشكرك الف شكر
مع اطيب تحياتى

المنير

27/01/2012, 10h48

السلام عليكم
لك جزيل الشكر يا دكتور منذر على الفيديوهات الرائعة . لقد عاينت صناعة العود عند صديق في مراكش . وقد استفاذ من التصاميم التي يحظرها الفنان سعيد الشرايبي من الخارج و فيديوهات مثل هذه . الغريب أنه قال بأن صناعة العود أصعب بكثير من صناعة الكمان.
Violin construction using new technology | Tomorrow Today - YouTube (http://www.youtube.com/watch?v=mKU_RnN_d1g)

Bill Sampson Explains Violin Building - YouTube (http://www.youtube.com/watch?v=nOMJDdRm1Hc&feature=related)

عادل صموئيل

27/01/2012, 11h38

اخى العزيز المنير
تحياتى
انا من وجهة نظرى اختلف معاك فى ان صناعة العود اصعب من صناعة الكمان وطبعا اى كلام انا بقوله بيبقى بالأدلة
يعنى احنا فى مصر لحد هذه اللحظة يعنى الايوم 27 يناير 2012 عندنا صناعة عود رائعة مازالت فى مصر
يعنى فى شارع محمد على بالقاهرة يوجد عدة ورش بتصنع العود وعلى اختلاف درجات جودته يعنى ممكن عود للتعليم يبدأ ب ما يساوى 40 دولار .. وممكن حسب الطلب عود بآلاف الجنيهات وكله موجود .. لكن العود الغالى الثمن والعالى الجدودة بيبقى بالطلب .. وبيكون للموسيقيين ولخبراء العود .. يعنى انت لو اتيت القاهرة وتقول للصانع مواصفاتك المطلوبة وهو بيقول لك على السعر ..
لكن صناعة الكمان كانت موجودة فى مصر لفترة محدودة جدا فى الثلاثينيات والاربعينيات كان عندنا واحد اجنبى اسمه ماركو .. وماركو هذا كان صانع كمنجات شهير عالمياً وعمل عدة كمنجات فى مصر واليوم تلك الكمنجات لاتقدر بثمن .. لكن كان فيه مشكلة ان الخشب الذى تصنع منه الكمنجات بيعتبر نوعه سر ماحدش يعرفة غير العائلات التى كانت تصنع الكمان فى امانيا والنمسا بالذات .. لذا اعقد 100% ان ماركو كان فيه علاقة بينه وبينهم وهم بيوردوا له الخشب .. لأنه اعتقد انه مش موجود فى أى مكان فى العالم غير فى غابات تلك المنطقة من اوروبا .. وكان جابى الشهير بيشتغل صبى عند ماركو ولقط منه الكثير من الاسرار لكنه مع الاسف لم يعلم احدأ من صبيانة تلك الصنعة الرائعة والمنقرضة .. والورش التى فى مصر حاولوا صنع الكمان ولكنها كانت رديئة جدا جدا وانا طبعا شفت كذا واحدة منها بسبب نوع الخشب كما قلت , وانت لو رحت شارع محمد على تلاقى الورش بتعمل العود بكميات كبيرة يعنى لما بيعملوا بيعملوا مثلا خمسين عود مع بعض وتلاقى دائما فى مراحل التصنيع اعودا كتير جدا ,, لكن الكمان لازم تتعمل كمنجة كمنجة ودى من الناحية التجارية تكلفتها حتكون غالية جدا جدا لن الصانع بيستغرق فيها وقت كبير جداً يعنى لو انت راجعت كل الفيدوهات من اول مرحلة لصنع الكمان لحد آخر مرحلة حتلاقى العملية تاخد شهور فى كمنجة واحدة ,, والمشكلة ان كل مرحلة من صنع الكمان محتاجة ( زى ماشفت فى الفيديو ) الى صانع خبير جدا جدا وفنان اصلا انت شفت ان وجه الكمان له وزن وبيتوزن على ميزان حساس ,, لكن صناعة العود محتاجة خبير واحد ومعه عشرات المساعدين مش شرط يكونا خبراء ولكن بيعملوا تحت إشراف الخبير
والمشكلة انك اليوم فى العالم العربى كله لو بحثنا عن خبراء فى اصلاح الكماناو الصيانة قد لا تجد فى كل الدول العربية عدد يساوى عدد اصابع اليد الواحدة ... اولاً لأن الصناع المهرة ماوتا ولم يطلع لهم خلفاء وثانياً العرض والطلب .. يعنى اليوم كل العازفين اصبحوا بيعزفوا اورج وجيتار وتركوا الآلات الوترية .. بمعنى ان تاجر الاورج فى الشهر ممكن يبيع 100 جهاز وتاجر الكمنجات لو تواجد مش جايببيع كمنجة واحدة كل 6 شهور
اما فى اوروبا الصيانة مازالت موجودة لن هناك الآلة الوترية مازالت تحتفظ بقيمتها الادبية وجبروتها .. يعنى صاحب المحل بيكسب كويس جدا جدا لذلك بيحافظ على المحل ... يعنى من افظع الكوارثعندنا فى مصر وبسبب انحسار الآلات الوترية وطغيان الآلات الكهربائية .. عندنا كان فيه مكانين مهمين فى مصر تلاقى فيهم محلات آلات موسيقية .. المكان الاول اسمه شارع الفجالة وهو بجوار ميدان رمسيس فى القاهرة .. وكان فيه سنى 1960 مش اقل من عشر محلات كبيرة جدا . تجد فيهم كل شىء الآلات وقطع غيارها والاوتار بجميع انواعها الرخيص والغالى .ومع انتشار الآلات الكهربائية اصيبت تلك المحلات بكساد رهيب جعل اصحاب المحلات ام يغيرون النشاط او يبيعوا المحلات ويستفيدوا من ثمن المحل المرتفع جدا فى تلك المنطقة .. واليوم لو نزلت هذا الشارع ستجده اصبحمستمعرة للدوات الصحية ولن تجد فيه محل موسيقى واحد .. اما الشارع الثانى وهو شارع محمد على الشهير .. كان مستعمرة الموسيقى فى مصر .. يعنى فيه مش اقل من 100 محل موسيقى وورش لصناعة العود بالذات .. اليوم مع الكساد الاقتصادى وانحسار استعملا الآلات الوترية انخفض عدد المحلات إلى اقل من عشر محلات فقط .. ومازالوا يتناقصوا ... اليوم من اخطر المشكلات التى تواجهنى انا لو محتاج فرسة الاول كان سهل اشترى 100 فرسة من افخر الأنواع .. اليوم صعب جدا لازم اعمل اتصالات مكثفة مع الباقى من اصدقائى يعنى واحد يكون جايب معاه كذا واحدة من الخارج وبالطبع بدفع فيها اضعاف ثمنها .. بإختصار العود مازال بيزدهر والكمان مع الاسف ممكن بعد من خمس لعشر سنوات حاينقرض فى مصر كما انقرض البيانو
يعنى انا اليوم لو حابب اشترى اغراض للكمان وقطع غيار لازم اروح اوروبا
مع اطيب تحياتى

المنير

27/01/2012, 15h49

أوافقك الرأي يا سيد عادل. يبقى سر صناعة الكمان عند عائلات تتوارثها من جيل الى جيل.
أظن انك تفضل مراحل صناعة الكمان بالترتيب. إليك هذه الفيديوهات بأرجو أن تنال إعجابك.
كم أقدم لك هدية أخرى و هي عبارة عن تصاميم لملف PDF لجميع نوتات التي رفعتها الى المنتدى أرجو أن تنال إعجابك أيضا.
Naissance d'un violon (part 1) - YouTube (http://www.youtube.com/watch?v=0ymYzxBg2Xs&feature=related)

المنير

27/01/2012, 15h50

تتمةNaissance d'un violon (part 2) - YouTube (http://www.youtube.com/watch?v=4ZTd_8Yhtu8&feature=related)

المنير

27/01/2012, 15h53

تتمة
Naissance d'un violon (part 3) - YouTube (http://www.youtube.com/watch?v=nLjgvui9JAU&feature=related)

المنير

27/01/2012, 16h02

تتمة
Naissance d'un violon (part 4) - YouTube (http://www.youtube.com/watch?v=1-Dnx-IViG0&feature=related)

المنير

27/01/2012, 16h09

تتمة
Naissance d'un violon (part 5) - YouTube (http://www.youtube.com/watch?v=DRzLynSsiQk&feature=related)

منذر عبود

28/01/2012, 14h27

تحياتي أستاذ عادل لماذا لانجعل هذه الصفحة خاصة بآلة الكمان وكل مايتعلق بها من تاريخ وطريقة صنع ومعلومات تهم المهتمين بهذه الآلة التي بدأت تنحسر في بلداننا كما قلت للأسف
كمان
هي آلة وترية ذات أربعة أوتار، ويتم العزف على آلة الكمان بواسطة قوس ذو انحناءة خفيفة مشدود عليه خيوط من شعر الحصان.
تعتبر من أهم الآلات الموسيقية لقدرتها الكبيرة على التعبير عن المشاعر المختلفة، وهي تتربع على عرش مجموعة الآلات ذات القوس المعروفة بـ "عائلة الفيولينة"، التي تعتبر العمود الفقري في تشكيل الفرق الموسيقية العربية والعالمية أيضا كونها تغطي تدرجا نغميا ومجالا صوتيا عريضا من الحدة إلى الغلظة. للكمان مجال صوتي واسع يبلغ حوالي الأربع أوكتافات.
تاريخ عربي
يرجع الفضل في ظهور الآلات ذات القوس يرجع إلى العرب الذين استخدموا آلات الرباب ذات الوتر والوترين والثلاثة.
وتنحدر آلة الكمان من آلة الربابة العربية المعروفة والتي تحدث عنها أغلب علماء الموسيقى العرب مثل: الخليل بن أحمد المتوفى 175هـ 935م، الذي ذكر صوت الرباب. كما ذكره كل من الجاحظ ، و ابن سينا في كتابه "الشفاء"، و ابن زيلة في "الكافي"، و الفارابي في كتابه "الموسيقي الكبير".
وتسمى في العراق "بالحوزة"، لأن صندوقها الصوتي مصنوع من خشب الجوز، كما تسمى في إيران بـ "الكمانشاه" أو "الكمان كاه" فـ "كمان" تعني قوس و"كاه" تعني مكان، ومن المرجح أن يكون قد استبدال حرف الكاف بحرف الجيم فأصبحت تعرف "بالكمنجة العربية".
وقد تبادل الشعراء العرب أبياتا من الشعر الذي قيل عن الرباب والكمنجة في إطار من الطرفة والفكاهة، فهذا شاعر يستخدم اسم الرباب دلالة على اسم لإحدى الفتيات:
لا تبعثوا بسوى المهذب جعفر فالشيخ في كل الأمور مهذب
طورا يغني بالرباب وتارة تأتي على يده الرباب وزينب
ويقول شهاب الدين بن حجر في الكمنجة:
قم يا نديمي وبادر إلى سماع الكمنجة
فليس من راح منا وراح عنا كمنجة

انتقالها للغرب
وقد انتقلت الرباب العربية إلى أوروبا عن طريق الأندلس في بداية القرن التاسع، حيث أصبح لها دور فعال في مجال الموسيقى الدينية والدنيوية في أوروبا.
وقد مرت الرباب في أوروبا بتغيرات كثيرة من حيث الشكل وعدد الأوتار وأسلوب العزف ونوع الصوت الصادر منها، بدأت رحلة تطوره في أوروبا من فرنسا وكانت أول آلة من صنع الفرنسيين تماثل الرباب العربية وسموها كاسمها العربي ربيبة.
وانتشرت هذه الآلة في أوروبا في القرن الرابع عشر وعرفت باسم ريبيك ثم أدخل عليها في القرن الخامس عشر بعض التعديلات، إذ أضاف الإيطاليون وترا رابعا في العام 1550 – كانت الربابة العربية في البداية تتألف من ثلاثة أوتار.
وقد تمكن الإيطالي أنطونيو استراديفاري في الفترة من (1644-1737) من صناعة آلة الكمان وعائلتها الموسيقية التي تتكون من أربعة آلات هي: الكمان، و الفيولا ، و الفيولتسل ، و الكونترباص ، وهي بذلك تغطي كل الطبقات الصوتية من الغلظة إلى الحدة.
العزف بين الشرق والغرب
وتتعدد طرق العزف على آلة الكمان كما تختلف طريقة ضبط الأوتار، فعلى عكس آلة الربابة التي توضع رأسيا على أحد أرجل العازف، توضع الكمان الغربي والشرقي على كتف العازف.
وفي الغرب وتبعا للتأثير الأندلسي توضع في بعض الأوقات على أرجل العازفين عند عزف الموسيقى الأندلسية.
ويختلف ضبط أوتار آلة الكمان الشرقي عن آلة الكمان المستعملة في الموسيقى الأوربية؛ وذلك من حيث وضع الأصابع على الأوتار أو من حيث المقامات.
فالكمان الشرقي يضبط بطريقة (صول ـ ري ـ صول ـ ري) أو (صول ـ ري ـ صول ـ دو) حتى يسهل "عفق" النغمات الشرقية على أوتار الآلة، بينما تضبط آلة الكمان الغربي التي تعرف "بالفيولينه" بـ (صول ـ ري ـ لا ـ مي).
الصناعة والمكونات
تتوقف صناعة آلة الكمان على جودة الخشب المصنوع منه صندوقها المصوت، وذلك مع مراعاة الدقة التامة في تقييم المقاييس السليمة عند تحديد القطع التي تتكون منها الآلة عند التركيب، وكلما طالت مدة استخدامها أصبح هيكلها أكثر نعومة ومرونة في نغماتها الصوتية وازداد طلب العازفين عليها.
وقد بلغت صناعة آلة الكمان بعائلتها الموسيقية الحالية مرحلة الاكتمال في أوائل القرن الثامن عشر، وبرغم مضي السنوات إلا أن أسرتي "ثيفولا اماثي" و"إستراديفاري" الإيطاليتين أصبحتا علما في جودة صناعة آلة الكمان في العالم إلى الآن.
تصنع آلة الكمان من بعض أنواع الخشب والمعدن والشعر، فالرأس والرقبة والظهر والجوانب والفرس تصنع من خشب الأسفدان، والغطاء من خشب الراتينج، أما القواديس والعارضة والعمود الداخلي فمن خشب الصنوبر حيث يخزن قبل صناعته حتى يجف تماما لكي لا تتغير نسب أبعاده فيما بعد.
ويصنع المشط واللسان والأنف والمفاتيح من خشب الأبنوس، أما الأوتار فتصنع من معدن خاص، وتشد بواسطة المفاتيح المثبتة في رأس الكمان وذلك للقياس على أبعاد الأوتار الأربعة، وتثبت جميع قطع الكمان الخشبية بمادة لاصقة ولا تستخدم المسامير المعدنية فيها.
ويعتبر قوس آلة الكمان عنصرا أساسيا في توضيح صوت آلة الكمان أثناء الأداء، وقد تطورت صناعة القوس تدريجيا من شبه القوس الصغير الذي يستخدم في صيد الحيوانات والحروب، حيث طوره الإيطالي "فرانسواتورث" في الفترة من (1747-7830) وهو صانع الأقواس الشهير الذي وصل بها إلى ما هي عليه الآن في كل أنحاء العالم.
وتصنع عصا قوس الكمان عادة من خشب "البرامبوكو" الذي ينبت في البرازيل ، ويثبت على رأسه الشعر الذي يؤخذ من ذيول الخيول، ويصبغ باللون الأبيض، ويمسح بمادة "القلفونية"(«القلفونة » وهي مصنوعة من الصمغ الذي ينمو على اشجار اللوز مضافاً اليه بعض البخور بنسب معينة ، ويتم تحضيرها بعد غلي المواد المذكورة لدرجة الذوبان ، ثم يتم تبريدها ووضعها في قوالب وتستعمل القلفونة كذلك للعزف على اقواس عائلة الكمان) ليصبح زلقا على الأوتار لإحداث النغمات على الآلة، وقد استبدل البعض شعر الخيول بمجموعة خيوط من مادة البلاستيك الخاص في الوقت الحاضر.http://www.sama3y.net/forum/attachment.php?attachmentid=280783&d=1327763859

عادل صموئيل

28/01/2012, 15h40

اشكرك اخى العزيز دكتور منذر على السرد الرائع
وبالطبع اتمنى ان كل واحد عنده اى معلومة عن الكمان او صور او فيديو ان يتحفنا بها .. والكلام عن الكمان مش بيخلص لأنها عالم ساحر ملىء بالأسرار .. وللعلم انا بعزف كمان من اكتر من 48 سنة لكن هنا فى موضوعكم هذا اتعلمت حاجات ماكنتش اعرفها ومنها طريقة توضيب الفرسة
والفرسة دى مشكلة فى حد ذاتها .. لأنها فى الكنجات الثمينة ( مثل كمنجتى ) بتبقى حساسية الكمان عالية جدا جدا فى صندوقها الرنان .. لكن عيب الحساسية العالية هذه انها بتحتاج فرسة جيدة جدا تكون موصلة جيدة للصوت بعكس الكمنجات الصينى يعنى ماتفرقش معاها اى فرسة لو حتى من خشب القباقيب .. وذلك ان حساسية الصندوق الرنان فى الكمنجة الصينى قليلة جدا
اما فى الكمنجات الثمينة المشكلة فى العمود والفرسة ... يعنى لو فى السيارة وضعت شنطة الكمان فى وضع رأسى والسيارة عملت مطب شديد ممكن العمود يتحرك من مكانة ربع شعرة تلك تفسد صوت الكمان
كان عندنا البعض فى عملية توضيب الفرسة بيسنفروا الفرسة ككل بحيث يقللوا سمكها لأقصى درجة ممكنة ولكن تلك العملية لها عيوب كثيرة اولها ان الفرسة بتبقى ضعيفة وممكن لو حد شد الوتر مرة واحدة الفرسة تتكسر نصفين .. ومن العيوب ان الفرسة مع الوقت بتتقوس يعنى من ضغط الأوتار نصف الفرسة العلوى بيميل إلى الامام وبتتشكل على الوضع ده وعبثاُ تحاول تعدلها بترجع تانى .. والعيب الاخطر والاهم ان الفرسة لما تكون رقيقة جدا الوتر وبيتغرز فيها بيعمل حفرة .. ويفضل يسرح لدرجة انك لازم تغير الفرسة
والطريقة اللى شفتها فى الفيديو وهى طريقة انقاص وزن الفرسة عن طريق تفريغ الخشب من مناطق معينة واكتر ما عيجبنى العدة اللى بيشتغل بيها بتقشر الخشب كما التفاح .. وبالطبع نفسى فى واحدة لكن دى عدة خاصة جدا يعنى ماتتواجدش بسهولة لكن حابحث عن شىء مشابه يؤدى الغرض ان شاء الله
عجبنى ايضا الفيديو اللى بيقييسوا حساسية ضهر الكمان بالأجهزة الاليكترونية .. ولكن تذكرت عمالقة صنع الكمان مثل سترتديفاريوس لم تكن بالطبع لديهم كل هذه الاجهزة ولكنهم كانوا بيستعملوا حساسيتهم وخبرتهم قبل وجود هذه الاجهزة الحديثة
اما استبدال شعر قوس الكمان ( فى الصين بالذات ) بخيوط صناعية .. دى مشكلة يعنى الشعر الطبيعى بيعطى صوت لامثيل له ولكن المشكلة الخطيرة ان الفرق بين الشعر الطببيعى والشعر الصناعى ان الصناعى معمول من مواد كيمائية ميتة ام الطبيعى فهو معمول من شعر طبيعى فيه حياة يعنى بيتحلل بعد فترة وبيبتدى يتقصف ويتقطع
ومن هنا لازم تكون محتاج مصر مسمتر تأتى منه بالشعر الاصلى بإنتظام لأنك بتحتاج ملو القوس بالكتير كل سنة ونصف او سنتين
مع اطيب تحياتى

المنير

28/01/2012, 16h58

السلام عليكم
شكرا للأخ منذر عبود على السرد كما قال السيد عادل صموئيل.
ذكرت أسماء عربية للأخشاب المستعملة في صنع الكمان قد لا يعرفها البعض.اسمح لي بإضافة توضيح بسيط.
بالنسبة للصنوبر الذي ذكرته يسمى القيقب أو érable .
أما الأبينوس فيسمى ébéne و هو خشب افريقي لونه أسود .
أما وجه الكمان فيصنع من خشب يسمى épicéa .
تفضل الربابة العربية من معرض باريس للآلات الناذرة .de l'arbre au violon4 - YouTube (http://www.youtube.com/watch?v=soFMZIZydGE&feature=youtu.be)

المنير

28/01/2012, 17h13

هذا رابط Torrent لعدة حلقات من برنامج c'est pas sorcier و من بينها حلقة
Les luthiers, de l'arbre au violon .

عادل صموئيل

28/01/2012, 18h03

الأخ العزيز المنير
اشكرك كل الشكر ولكن لى عندك طلب اتعبك معايا شوية
انا مش عارف افتح الرابط الاخير هل تتكرم وانت تنزل المقاطع كمانزلت المقاطع السابقة
وايضا لأنفيه اعضاء كتير ممكن ما يعرفوش يفتحوا الرابط
مع اطيب تحياتى وشكرى وتقديرى

المنير

28/01/2012, 18h37

السلام عليكم
تعبك راحة يا سيد عادل.
سأرفع بقية الأجزاء لأنها تتضمن معلومات تجيب عن تساؤلات طرحتها من قبل. لكن أرجوك أن تحمل هذه الحلقة كاملة باتباع المراحل التاية
1- تحميل برنامج مجاني صغير إسمه utorrent ثم تصطيبه.
2- أدخل الى الصفحة من خلال الرابط المدون في الملف texte مع كتابة الإسم و الكود الخاص بي.
3- اتبع المراحل المبينة في الصورة بحيث عندما تظهر لك النافذة 3 تختار open حيث يتدخل البرنامج utorrent بشكل تلقائي. التحميل قابل للاستئناف كلما شغلت الكمبيوتر.

المنير

29/01/2012, 10h03

السلام عليكم

هذه طريقة مختصرة يا سيد صموئيل.

فك الضغط عن رابط الطورنت.
افتح برنامج utorrent ثم اذهب الى القائمة file و اختر add torrent
ثم حدد مكان الرابط ثم open
أنظر الصور.
استسمح عن بعض التفاصيل البديهية لكن قد تفيذ المبتدئين.
تحياتي

مينا لبيب

11/02/2012, 11h35

الأخ العزيز منذر..
كل الشكر والتقدير على هذه المعلومات والتوضيحات الرائعة الخاصة بكيفية صنع الكمان.ز فانت قد اتحت لنا فرصة معرفة اسرار صنع هذه الالة , والتى اعتبرها انا انها الة انغام سماوية,
وبرغم من انى اعمل بمجال التوزيع الموسيقى الالكترونى من خلال البرامج المختلفة . وانهمارى فى الكيبوردات والميديولات . الا انى من عشاق هذه الالة العجيبة..

تحياتى

مينا لبيب

موزع موسيقى
:emrose:

منذر عبود

15/02/2012, 10h36