المساعد الشخصي الرقمي

مشاهدة النسخة كاملة : البنت حامل فى الولد

Tarek Elemary
06/07/2009, 13h27
حبلى الصبية فى الولد
على شوق سنين
مستنياه كل البلد
و الغلبانين
بيقولوا مش لازم يكون
بشعر أصفر
أو ببشرة لونها كيت
و كيت و كيت
و لا حتى فارق عندهم ...
لون العنين
بس المهم يكون ولد
متربى ع الجوع و الجَلَد
حاسس بجرح المجروحين
لفحت جبينه الشمس
مَرْقِى من الحَسَد
وعنده دم و عنده دين
و الحَمْلْ طال
بس الظواهر كلها
بتقول خلاص
حان المعاد
و البنت توضع حملها
و ييجى الخلاص
البطن منفوخة
و ماشية البنت
تتعكز على كل الجيران
باين على عنيها التعب
بتلف على كل الببان
تطلب مدد
خطوتها مكتوفة
و كات بتهز خطوتها
يميل كل الشبيبة و الشباب
حتى جمال الوش غاب
ماشية تجرجر فى الهزال
و عودها كان أيام زمان
و لا غصن بان
و الكل يخطب ودها
و العاشقين الملهوفين
تحت الخطاوى قدَّروا حتى التراب
و توبها كان ... ماهو كله كان
فوق جسمها .. زان رسمها
روضة بيضحك وردها
بستان أمان
و القطف طاب
بكرة تقومى بالسلامة يا صبية
و ترجعى ست البنات
أم الولد
هايشد عودك من جديد
و يكون شديد و يكون أسد
الغابة مليانة بوحوش
شالوا الوشوش
الغابة محتاجة الأسد
و إنت حامل فى الولد
و الله حامل
فى الولد
عفاف سليمان
06/07/2009, 13h33
مثال على الولد
يقولوا فيه
ان قالوا دا ولد انشد ظهرى وانسند
وان قالوا دى بنيه هدوا الدار عليه
يا عينى ع الولد اللى منتظراه البلد
ياريته يكون ولد
مولدتوش ولاده
ولد لهذا الزمن
بس ده مش عايز ولد واحد
دا عايز بلد
من كام ولد
تشد بيه الظهر وتنسند
بصراحه المره دى الكلمات جميله جميله جميله
ويارب يهدى الولد
وخلى الولد
وتحياتى لك اخى وللجميع
اختكم عفاف
علاء طه ياسين
06/07/2009, 14h11
مستنظرين يوم الولادة
ويا الأمل مستنظرين
بس ندعي الحمل يكمل
مش يموت فيها الجنين

الشاعر الثورجي طارق العمري:emrose:
صورت فأبدعت
وكتبت قصيدة رائعة
حلوة صفات الولد دي ..
حاسس بجرح المجروحين
.....
عنده دم .. وعنده دين
....

يحس بمرارة الظلم .. علشان يعرف حلاوة العدل

سلمت اليمين التي خطت هذه القصيدة
وسلم صاحبها

علاء
NAHID 76
06/07/2009, 14h21
بسم الله الرحمن الرحيم
الشاعر الثائر طارق العمرى
وبعد أن تحدثنا عن جمال فكره الموضوع
والكلمات الجميله التى تشحذ الهمم
والاسلوب البسيط المعبر بلا أبتذال
أتأسف على الحال الذى الت اليه البلد من أنتظار أن يولد ولد
وصلنا لهذه الدرجه وأسفاه على هذا الحال
تحياتى
Tarek Elemary
06/07/2009, 14h53
أهلا بالسيدة عفاف
هو ما ذكرت بالفعل هذه المأثورات عن المجتمعات الشرقية و إن كنت ضدها فى كثيرٍ من معتقداتها و لكن الرمزية هنا بين الصبية و الولد و الأمل و البلد و كما أوضحت فى تعليقك الكريم
شكراً للحضور و دام المرور
Tarek Elemary
06/07/2009, 14h56
علاء يس .... كرة الإبداع الملتهبة و جذوة الشعر التى لا تنطفئ
طبعاً هو ولد بمواصفات خاصة بس يا ريت ما يبقاش لا صعيدى و لا منوفى ... مرة بقى يبقى إسكندرانى ... مش من نفسنا برضه;)
Tarek Elemary
06/07/2009, 15h05
مدام ناهد هانم
===========
لا تأسفى لا تأسفى ... للحالِ بعدٌ فلسَفى
فالشعب يرضخ للطغاةِ موافقاً لا يكتَفى
فكيف عنه يرحلون فذاك كالخِلِ الوفى؟
ندعوه ربك للولــد أن ينتقيه و يصْطَفى
و يعيننا ألا نَظَلَ بكلِ ظـــــــــــلمٍ نحتفى
سعدالشرقاوى
06/07/2009, 16h12
استاذى وحبيب قلبى/طارق العمرى

البنت حامل فى الولد
أن الاوان
الفرحه عمّت فى البلد
ضحك الزمان
عشان عزيمته والجلد
همّا الامان
والحلم رؤيه وفى الصلاح
لازم تبان
ياريت فى طرف مخدّتك
نحجز مكان
والحلم يصبح مشترك
والنور يبان
وف يوم سبوعه يتولد
فينا الامان
Tarek Elemary
06/07/2009, 16h29
البنت حامل فى الولد
أن الاوان
الفرحه عمّت فى البلد
ضحك الزمان
عشان عزيمته والجلد
همّا الامان
والحلم رؤيه وفى الصلاح
لازم تبان
ياريت فى طرف مخدّتك
نحجز مكان
والحلم يصبح مشترك
والنور يبان
وف يوم سبوعه يتولد

فينا الامان

بص بقى يا عم سعد أنا نومى قلق و ماحدش يطيق ينام جنبى و أحلامى كلها و أنا صاحى ... آيييييييوه يا جدع دا إنت داخل على طمع بقى .... باقولك أيه ..... إنت تيجى فى السبوع أحسن:mdr:
رغـد اليمينى
09/07/2009, 12h13
http://up1.mlfnt.net/images/bs72m4p79ighh5yvzlt0.gif (http://up1.mlfnt.net/)

إبن النيـــل الرائع



الشاعر القدير الآستاذ



((( طارق العمَــرى )))



مساء الورد والفل والياسمين



مع الآسف إنه مازالت هذه الفِكرة الجاهلية تسيطر



علينا نحن كعرب ، إلى جانب المفهوم الضيق



والخاطئ المُنحسر لمعنى الشرف ، لذلك تجد إنهم مازالوا



يبحثوا عن المُنقذ ، عن المهدى المُنتظر..وكأنه يجب



علينا الإنتظار فى ذلة وتجرع المهانة لسنين طويلة.




ربما يكون القادم أحلى وأبداً لن يكون..؟!



إذا لمْ نكَن نحنُ أيضاً أقوياء كــى نعلم



الولد الكرامة والإبـــــاء.



أعجبنى النص كثيراً لآنه يلامس واقع بيّن ، يطرح بين



سطوره العديد من التساؤلات العميقة !!،،



تقبل مرورى المتواضع ..



دمت فارس مغوار مخضرم ودَام نبض قلمِكَ الآبى ...



عاطر تحاياى ،،


(( :emrose: ))

http://up1.mlfnt.net/images/bs72m4p79ighh5yvzlt0.gif (http://up1.mlfnt.net/)
Tarek Elemary
09/07/2009, 12h31
http://up1.mlfnt.net/images/bs72m4p79ighh5yvzlt0.gif (http://up1.mlfnt.net/)
أولاً أيتها الشمس المشرقة فى نهار شتاءٍ بارد
(( إنتى بتجيبى الحاجات دى منين؟))
كلماتك فى حد ذاتها تطريز لمعانى كامنة فيها نابضة برجاحة عقل
و قوة حجة و بيان و تضيفين عليها من جمال روحك زينة و تطريزا حتى تشبعين العقل و العين معاً
لا أختلف معك و ليس الولد عندى بشخصٍ بعينه و إنما هو لحظة خلاص و إنتفاضة أمة من غفوتها التى طالت حبذا لو كانت الهبَّة و الإنتفاضة بلا قائد تنتسب له حتى لا يسرق منا فرحتنا بها بعد ذلك
و نعيش كمن ينتظر العطايا و الهدايا و المنح من حكامه (الثورات تنسب لقوادها، و الحروب لأبطالها، و الديمقراطية الهشة التى تلهو بنا و نلهو بها منحة و الحرية التى يتغنون بها فضلة خير الحاكم و إنعام من ولى النعم)
((نريد أن يعرف الجميع أن حقوقنا ملك لنا و سننتزعها من سالبينا إياها مهما طال السلب و حتى يعلم الذين ظلموا أى منقلب سينقلبون))
أعتز بك ... و أعتز بالأمة التى فيها بنات مثلك

http://up1.mlfnt.net/images/bs72m4p79ighh5yvzlt0.gif (http://up1.mlfnt.net/)
Tarek Elemary
12/07/2009, 15h53
155909

هىَّ دى أمى و بنتى
و أحلى حاجة فى دنيتى
هىَّ دى اللحن اللى مالى غنوتى
هىَّ حتى النور ينوَّر سكتى
هىَّ لون الفرح مالى ضحكتى
سلمى ...
ومين فى الدنيا عنده سلمتى؟
فيها من أمى الحنان
حضنها هو الأمان
إبتسامتها تهوِّن كل همى
مهما كانت بلوتى
فيها لون النيل و مصر
و الصفات ما لهمش حصر
المزايا و الهدايا اللى بعتهم ربنا
من يوم ميلادها جايزتى
مهما قلت و مهما عدت
الشكر لله اللى أعطى
مش كتير
بس يا أكبر كبير
أنا باعترف
إنى رضيت بعطيتى
محمودسعد
14/07/2009, 06h55
[QUOTE=Tarek Elemary;336485]
حبلى الصبية فى الولد
على شوق سنين
مستنياه كل البلد
و الغلبانين
بيقولوا مش لازم يكون
بشعر أصفر
أو ببشرة لونها كيت
و كيت و كيت
و لا حتى فارق عندهم ...
لون العنين
بس المهم يكون ولد
متربى ع الجوع و الجَلَد
حاسس بجرح المجروحين
لفحت جبينه الشمس
مَرْقِى من الحَسَد
وعنده دم و عنده دين
و الحَمْلْ طال
بس الظواهر كلها
بتقول خلاص
حان المعاد
و البنت توضع حملها
و ييجى الخلاص
البطن منفوخة
و ماشية البنت
تتعكز على كل الجيران
باين على عنيها التعب
بتلف على كل الببان
تطلب مدد
خطوتها مكتوفة
و كات بتهز خطوتها
يميل كل الشبيبة و الشباب
حتى جمال الوش غاب
ماشية تجرجر فى الهزال
و عودها كان أيام زمان
و لا غصن بان
و الكل يخطب ودها
و العاشقين الملهوفين
تحت الخطاوى قدَّروا حتى التراب
و توبها كان ... ماهو كله كان
فوق جسمها .. زان رسمها
روضة بيضحك وردها
بستان أمان
و القطف طاب
بكرة تقومى بالسلامة يا صبية
و ترجعى ست البنات
أم الولد
هايشد عودك من جديد
و يكون شديد و يكون أسد
الغابة مليانة بوحوش
شالوا الوشوش
الغابة محتاجة الأسد
و إنت حامل فى الولد
و الله حامل
فى الولد

من هنا وجاي مش هعرف اتكلم بعد ماقرا كلماتك الا


الله الله الله الله الله الله الله الله الله الله الله الله الله الله الله الله الله الله الله الله الله الله الله الله


الله الله الله الله الله الله الله الله الله الله الله الله الله الله الله الله الله الله الله الله الله الله الله الله



الله الله الله الله الله الله الله الله الله الله الله الله الله الله الله الله الله الله الله الله الله الله الله الله

الله الله الله الله الله الله الله الله الله الله الله الله الله الله الله الله الله الله الله الله الله الله الله الله


الله الله الله الله الله الله الله الله الله الله الله الله الله الله الله الله الله الله الله الله الله الله الله الله


الله الله الله الله الله الله الله الله الله الله الله الله الله الله الله الله الله الله الله الله الله الله الله الله



الله الله الله الله الله الله الله الله الله الله الله الله الله الله الله الله الله الله الله الله الله الله الله الله

الله الله الله الله الله الله الله الله الله الله الله الله الله الله الله الله الله الله الله الله الله الله الله الله
Tarek Elemary
14/07/2009, 07h10
من هنا وجاي مش هعرف اتكلم بعد ماقرا كلماتك الا
الله الله الله

الكلام مش كله يوصل بالحروف
و الكلام لو ينكتب
معناه يكون حسب الظروف
الكلام بيبقى أبلغ لما يبقى بدون حروف
نظرة عنين تحكى قصيدة
و تكفى عن ساعتين كلام
لمسة إيدين بحب توصل ضفتين
و تختصر كل السنين
و المشاعر شيئ بيتحس
بقلوب العاشقين
و إنت ساكن قلبى
و مربع مابين
رمش العنين