اتنسينا من سنين [الأرشيف] - منتدى سماعي للطرب العربي الأصيل

علاء طه ياسين

06/07/2009, 10h38

NAHID 76

06/07/2009, 11h14

بسم الله الرحمن الرحيم
شاعر المغنى علاء ياسين
بس مهما نقول ونشكى
والعيون تحتار وتبكى
الزمن كتب النهايه
واتنسينا من سنين
كلمات متغنيه لوحدها ومش عيزه ملحن ولا موسيقى لأن موسيقاها منها فيه
توماتيكى يا خال
رائعه
وتعرف دى تلائم صوت مين
ورده الجزائريه حتبدع فى هذا القوبليه
أنت موهوب بالفطره يا بختك
تحياتى

Tarek Elemary

06/07/2009, 11h43

الزمن قال كلمته

واتنسي حب السنين
لو دموعنا تسكته
كنا نبكي عليه يا عين

الزمن ياقلبي قادر
يجرح القلب اللي صابر
والعواطف والمشاعر
يبقوا لعبه ف الإيدين

من سنين لما التقينا
والهوا شاور علينا
وف طريق الشوق مشينا
كنا مش عارفين لفين

كنا مش عارفين ولكن
الهوا في القلب ساكن
شوفنا في كل الأماكن
حلم جاي للعاشقين

حلم خلي القلب ينسي
إننا نفكر حنرسي
فوق شطوط الفرح ولا
فوق شطوط المجروحين

والزمن فرق قلوبنا
خدنا م الأحزان نصيبنا
وارتضينا البعد لكن
برضو لسه مشتاقين

بس مهما نقول ونشكي
والعيون تحتار وتبكي
الزمن كتب النهاية
واتنسينا من سنين

الموهوب علاء يس
جدول المشاعر الذى ينساب بحنان و دفئ على خلفية خرير الماء المتهادى فى وداعة و المسترسل إلى اللانهائية من الحب و الذى لا ينضب معينه أبداً
فى رأى الشخصى هذه أفضل ما قرأت فى هذا السياق لعلاء يس أو غيره على الإطلاق
مرحى مرحى يابن يس ... ملأت مكانك فى كتيبة الإبداع
سلمت قريحتك و حفظك الله من كل سوء

علاء طه ياسين

06/07/2009, 12h05

يارب يخليكي يا مدام ناهد :emrose:
مرة عبد الحليم .. مرة وردة ..
معقولة كلامي يستاهل يغنوه عمالقة زي دول ..
أقولك ايه بس ..
نكمل حتة في الغنوة اللي فاتت
وهاستني رأيك فيها
:emrose:
جوه قطر الحب ياما
اتبنت أحلام لبكره
والحنان والابتسامة
أصبحوا في القلب ذكري
مش بنسأل مين غلط
ولاّ كان في العيب في مين
ولاّ مين فينا السبب
في ضياع حب السنين
:emrose:
شكري العميق من أجمل حته في علاء
من قلبي ليكي يا مدام ناهد

علاء

علاء طه ياسين

06/07/2009, 12h49

الأخ الكبير وصاحب القلب الأكبر
طارق العمري :emrose:
:emrose:
كلامك الحلو ده نزل علي قلبي بردا وسلاما ..
وكأنه شآبيب مطر
نزلت علي صحراء جرداء فاخضرت ..
كلامك ينساب جدولا رقراقا
قادما من بستان زهور ..
أو كأنه همس حوريات عند ضفاف الأنهار ..
أسعدني جدا - يعلم الله ذلك -
:emrose:
أما دعاؤك لي بأن يحفظني الله ..
فكلمات الشكر لا تكافؤك عليه ..
يكافؤك عليه أن أمد يدي إلي الله مخلصا ..
وأدعو لك بالصحة والعافية والستر ..
وطول العمر ..
والذرية الطيبة الصالحة ..
:emrose:
انا حاولت بس في غنوتي

أفتح الصفحة اللي دابت
وانطوت ويا السنين
واللي جوه القلب سابت
ذكري مرة وكلمتين

عارف ايه هما الكلمتين
القسمة والنصيب

علاء

NAHID 76

06/07/2009, 13h06

بسم الله الرحمن الرحيم
الغنائى علاء يا سين
أبدى أحترامى أولا على تعليق أخوك الكبير الثائر طارق العمرى تعليق شيك مثل كتاباته ومنبعه
أما ما كتبت انت لتلحق بالقصيده
أقول لك لا تسال عن السبب
وأدر ظهرك لعوارض الأيام وأنظر ديما الى الأمام
لأنك لو نظرت للخلف حتخاف
تحياتى

عفاف سليمان

06/07/2009, 13h28

الشاعر الرقيق الغنائى القصائدى
شاعر الكلمه علاء:emrose:
احييك على هذه الكلمات الجميله
ولن اقول اكثر ممن قالوا قبلى من
الاستاذ طارق:emrose:
والسيده الاستاذه ناهد:emrose:
سلمت يداك فكما قالوا
وكما اقول ايضا
هذه الكلمات تحتاج الى صوت ولحن
واكيد هتبقى حاجه روعه
كروعة كاتبها
سلمت يداك وسلمت للابداعات
وارجوا ان تجمع كتاباتك فى مجموعه
حتى نستطيع ان نتصفحها ونراها
وتحافظ عليها من التيه فى كل مكان
لك خالص التحيه والتقدير
واوقات سعيده للجميع
اختكم عفاف:)

علاء طه ياسين

06/07/2009, 14h14

العائدة بباقات الورد وعبير الزهور
مدام عفاف :emrose:
نورتي بعد غياب
وحشتنا كلماتك الرقيقة
...
وأشكرك جدا علي تعليقاتك الحلوة
وجاري تجميع الأعمال في موضوع واحد
إن شاء الله
ويارب تعجبكم
علاء

سعدالشرقاوى

06/07/2009, 15h56

شقيقى/ابوياسين

جاى اقول لك يابوعلوه
الحقيقه الغنوه حلوه
والصراحه اللى ف ضميرى
نفسى بس ف كلمتين
,,,,,
اولا شاعر كبير
فى الغناوى صبح خطير
يخللىّ قلب الصخر طير
لمّا يسمع جملتين
,,,,,
ثانيا من غير مجامله
غنوتك يا حبيبى كامله
فيها حسّ القلب يملى
نهر شوق وبحور حنين
,,,,,,
وفى النهايه يااغلى صاحب
جمّعيت كلّ الحبايب
ودعوه منىّ لكل غايب
اقرا غنوة واد ياسين
,,,,,
مدحت واللى خلفوه

حمدي السمر

06/07/2009, 18h04

كنا مش عارفين ولكن
الهوا في القلب ساكن
شوفنا في كل الأماكن
حلم جاي للعاشقين

حلم خلي القلب ينسي
إننا نفكر حنرسي
فوق شطوط الفرح ولا
فوق شطوط المجروحين

الموهوب المبدع استاذي
لقد طفرت دمعتي وانا اتوسد هذه السطور
ولن ازيد:(

علاء طه ياسين

06/07/2009, 18h56

الأخ العزيز
الشاعر السوداني الرائع
حمدي السمر
:emrose:
توسدت أبيات قصيدتي وطفرت الدموع من عينيك
أنا كذلك يا صديقي
ولن أزيد
:emrose:
علاء

علاء طه ياسين

06/07/2009, 19h22

رفيق دربي الشعري ..
وتوأمي وشقيقي ..
:emrose:سعد الشرقاوي :emrose:

إنت حبيبي وصاحبي
واخد حتة ف قلبي
وقابلتك علي دربي
حبيتك في الله

وصعيدي وشرقاوي
قالوا أحلي غناوي
غاوي وقابل غاوي
الأشعار ملياه

بقيوا دويتو جميل
أشعارهم مواويل
قالها شجر ونخيل
عملوا بجد حياة

ياابو مدحت
أبو ياسين من غيرك ولا حاجة

علاء ياسين

أحمد شوبكى

06/07/2009, 21h24

الأستاذ الشاعر / علاء ياسين
اسمح لى أن أعبر عن إعجابي الشديد بهذه القصيدة
وفعلاً كما قال السادة الأدباء والشعراء ( هنروح جنبهم فين !! ) القصيدة كلماتها رقيقة والموسيقى منها فيها ( توماتيكي يعنى زى ما قالت الأديبة مدام ناهد )
بارك الله فيك وزادك كمان وكمان عشان تمتعنا بالكلام الجميل ده كمان وكمان وكماااااااان ،،،
اسمحى بسؤال بسيط فى الشطرة اللى بتقول فيها:
ولاّ كان في العيب في مين
حضرتك قاصد كدة ولا ( ولاّ كان العيب فى مين )
مرة تانية وتالتة وعاشرة أحييك على هذه القصيدة الرائعة
:emrose::emrose::emrose::emrose:

علاء طه ياسين

07/07/2009, 07h10

الأستاذ الفاضل / أحمد الشوبكي :emrose:
أولا:
أسجل سعادتي بمرورك علي موضوعي وتعليقك
الذي أفرحني كثيرا ..
وثانيا:
بالطبع أقصد (ولا كان العيب في مين) فشكرا لك علي دقة الملاحظة
وثالثا:
لا أدري والله كيف أشكرك علي كلماتك الرقيقة في تحيتي علي هذه القصيدة
جعلنا الله عند حسن الظن
وياسيدي
لا تحرمنا من مرورك وتعليقاتك
تحياتي وتقدير وشكري العميق لشخصكم الكريم
علاء