فكر تاني

[علاء طه ياسين]

...
ما تعودتش إنك تنسي
قلبي المحتاج منك همسة
همسة تصحي عيون الحب
همسة تخلي القلب يعيش
:emrose:
...
أحلامك كانت أحلامي
وكلامك كان نفس كلامي
فـ متبآاش إنت وأيامي
علي قلبي ولا ترحمونيش
:emrose:
...
شيء في كلامك سبق الهمس
رعشة قلبي بتلمسه لمس
خدني معاه لحدود الشمس
وَاسْتناك تيجي ومتجيش
:emrose:
...
فكّر تاني وتاني وتاني
قبل ما تبعد أو تنساني
ويضيع حب سنين في ثواني
والحدوتة تبقي مفيش
:emrose:
...

علاء ياسين

[NAHID 76]

بسم الله الرحمن الرحيم
الشاعر الغنائى علاء يا سين
فكر تانى وتانى وتنانى
انك تكتب على طول على هذا المستوى من كلمات الأغانى
وياريت وبجد تسوق هذه الكلمات
اليوم الاغنيه جميله جدا تضاف لمحاسنك الكثيره
بس لفت نظر من وجهه نظرى
أنت بتكتب بالعاميه فقلت
ومتبقاش أنت وأيامى
علي قلبى ولا ترحمونيش
أعتقد ان حرف القاف اثقل الكلمه على الأذن
ويمكن أن تكون
ومتبأش أنت وأيامى علي قلبى ولا ترحمونيش
أما باقى الكلمات من وجهه نظرى البسيطه جميله جدا بها موسيقى خفيه سريعه الأيقاع قصيره الأسترسال

وطبعا محتاجين لأبو زهده وابو سالم وابو كمال
تحياتى

[علاء طه ياسين]

المدهشة الحضور
مدام ناهد :emrose:
....
يعني بعد كلامك الحلو ده فكرك انا أقدر أتكلم
انا لما بالاقي رد لحضرتك علي موضوعي
باحس إني فعلا أجدت ف اختيار كلمات النص بتاعي
.....

مش عارف كيف أشكرك
مش عندي غير كلمات بسيطة
اقبليها مني
:emrose:
انتي نسمة ليل رقيقة
جاية من وسط الغيطان
انتي غنوة شوق بريئة
كلها حب وحنان
أشكرك شكرا جزيل
يا ندي الفجر الجميل
يا ابتسامات النخيل
يا قمر مكسوف يبان
:emrose:
.....

أما بالنسبة لكلمة (فـ متبقيش) مكتوبة بلهجتي الصعيدية
مش عندنا (متبأيش)
وعلشان خاطرك تم تغييرها

.......

علاء

[حمدي السمر]

استاذي القدير ... علا يا سين ...
اقبل مني هذه ...مع كل الحب :emrose:

فكر تاني وتالت وعاشر
يا الكلماتك احلي مناظر
نحن وراك خلينا نباصر
سكة تعدي بينا وتمشي
وللاحــلام الفينا تشاطر


نباصر * = نتحسس

[عفاف سليمان]

اخى الاستاذ علاء :emrose:
بعد صباح الخير على حضرتك وعلى جميع اهل ومواطنى سماعى الجميل:o
هذه الكلمات لا ينقصها الا اللحن الذى يبرز جمالها ومعالمها والصوت الذى يغنى بها:)
اتمنى ان نرى مزيدا من الكلمات الشعريه والغنائيه والقصائديه
لك خالص التحيه والتقدير وللجميع اوقات سعيده
اختكم عفاف:emrose:

[علاء طه ياسين]

الشقيق حمدي السمر
:emrose:
أنا أحب المساجلات الشعرية ..
وأتشرف جدا بمن يكتب شعرا في مواضيعي
كن دائما هكذا ..

أشكرك جدا جدا
وتمنياتي الطيبة لك

واريد أن أري موضوعا لك قريبا ..
فلا تتوقف عن الكتابة

ياسين

[علاء طه ياسين]

أختي الرائعة /
عفاف سليمان
:emrose:
شكرا علي هذا الاطراء لكلماتي ..
التي يوم كتبتها ندمت علي كتابتها ..
ففيها انكسار لمن لا يستحق أن أنكسر لها ..
:emrose:
بس مهما نقول ونحكي
والعيون تحتار وتبكي
الزمان كتب النهاية
واتنسينا من سنين
:emrose:
تحياتي ليكي
وشكرا
ياسين

[سعدالشرقاوى]

أحلامك كانت أحلامي
وكلامك كان نفس كلامي
فـ متبآاش إنت وأيامي
علي قلبي ولا ترحمونيش
شقيقى/علاء طه
احسنت يامبدع
اناشايفك مرسوم قدّامى
وملامحك واضحه ف احلامى
وبنادى من كتر هيامى
على صورتك مابتسمعنيش
عايزك

[Tarek Elemary]

قولٌ على قول:
=======


ربنا عالم باللى ف قلبى


مش هاندارى و لا هانخبى


كنت هوايا و يعلم ربى


غيرك فى الدنيادى ماليش


***


إتعلمت القسوة يا قاسى


و بقيت تملا حياتى مآسى


و لَّا هواك مش قد مقاسى؟


خلاك ناسى و نظرك شيش


***


مش نادمان على حبك أبداً


و لا يوم هابكى عليك ولا أحزن


قصة و فشلت يمكن أحسن


إن خسارتى جات فى الريش

[علاء طه ياسين]

علي تنويعات أستاذنا وأخونا الكبير طارق العمري :emrose:..
وتوأمي وشقيق روحي سعد الشرقاوي :emrose: ..
وبعد شكرهم طبعا بتشريفهم موضوعي ..
:emrose:
كنت بحس بدقة قلبك
لما خيالى يفوت من جنبك
كنت حقيقى بحس بحبك
مالي حيطان السما خرابيش

كنت هواكى وشئ جواكى
عايش أجمل عمر معاكى
لما تغيبي باستناكي
وباعيش ويا الهوا درويش

قلبى اتعود يدى حنان
علشان ياخد هو كمان
ما اتعودشى علي الحرمان
وانتي بتاخدي وْ مبتديش

ياسين

[سعدالشرقاوى]

انت منايا وروحى ياعمرى
عايش على حسّك طول عمرى
يبقى معانا (طارق العمرى )
وانت ياعلوه ماتقوليّش

ح ارجع اقول ويّاكم تانى
واحجز دورى وتستنـّانى
ياللى كلامك كله معانى
حبيبى ياعمرى ماتسبنيش

[علاء طه ياسين]

حبيبي .. أبو مدحت
سعد الشرقاوي
:emrose:
وانت حبيبي وسهمك راشق
وهاحبك لو حتي تفارق
أيوه معانا الأستاذ طارق :emrose:
ومنور علي كل أفيش
....
هاستناك واقعد واحكيلك
بس تعال وقول مواويلك
يا بومدحت يا فلتة جيلك
هتزعلني لو متجيش
...
وانا عمري ما هاسيبك واصل
رغم الجاري ورغم الحاصل
واذا موتنا برضك هنواصل
نكتب عن حبنا تناتيش
:emrose:
علاء

[سعدالشرقاوى]

ياحمدى يااسمر فين بيلسان
ونخلط ليبيا فى السودان
وييجى كلام من كل مكان
يملى الدنيا وماتكفيّش

عند علاء نتجمع دغرى
واللى يشوفنا علينا ح يجرى
شمس الحب بتطلع بدرى
والكلمه الحلوه بتعيش

ودعوه لكل حبايب لينا
ونتشرّف بيهم عندينا
واللى ح يزعل من اغانينا
ح نقول له خليّك ماتجيش

[علاء طه ياسين]

يا حبيبي وجهت الدعوة
اعمل لنا بقي شاي مع قهوة
بس اوعاك تهرب علي سهوة
وتجيب لنا في القعدة شاويش

نفسي الكل معانا يشارك
مش نتخانق ولا نتعارك
مش ناقصة ع الكلمة معارك
وخناقة وضرب وتلطيش

عاوزين نتكلم ع الحب
شمس الدنيا وهبة الرب
وتَلاقي بين قلب وقلب
فيهم ثورة وفيهم طيش

لكن يا بومدحت يا أصيل
عاوزين منهم كل جميل
يبقوا نسايم غاوية تميل
ويا الشوق وتروح متجيش

ياسين