عينى عليك يا قلبى (اغنيه)

[سعدالشرقاوى]

عينى عليك ياقلبى

آه ياعينى عليك ياقلبى
سهّيـتهم وخطفوك
ياقلبى عليك ياقلبى
داويتهم وتعبوك
منهم لله ياقلبى
حبيتهم وخدعوك
,,,,
انا كنت باشوف الدنيا
صافيه فى عنيهم حلوه
كان كل كلام ياقلبى
من بين شفايفهم غنوه
وف لحظه اتغيّر حالهم
وياريتهم ما حبوّك
منهم لله ياقلبى
حبيتهم وخدعوك
,,,,
اصبر ياقلبى معايا
واتحمّل الاسيّه
انا كنت بقول دامنايا
وحاسّين بللىّ بيّه
وف لحظه اتغيّر حالهم
وياريتهم ماحبّوك
منهم لله ياقلبى
حبيتهم وخدعوك
,,,,
خليك دايما ياقلبى
شايل ويّاك حنيّه
لايظهر غدر حبايبى
وعوازلك يشمتوا فيّه
والناس ح يشوفوا ياقلبى
حبايبك بيعادوك
منهم لله ياقلبى
حبيتهم وخدعوك
,,,,
آه ياعينى عليك ياقلبى
ياللى دايما مجروح
ولاتجرؤ يوم ياقلبى
وتقدر بالسّر تبوح
وحبايبك جم على غفله
سهّوا ضلوعى وخطفوك
منهم لله ياقلبى
حبيتهم وخدعوك
,,,,
الصبر ان طال ياقلبى
لازم بيكون له نهايه
وانا شايف انّ حبايبى
بكره ح يصطلحوا معايه
وح اقول لك يومها ياقلبى
بسعاده الفين مبروك
وافرح واتهنّى ياقلبى
دا حبايبك بيحبّوك
,,,,,,,,,

[علاء قدرى]

:emrose:عمنا الحبيب الشاعر سعد الشرقاوى:emrose:
الاغنية جميلة ؛ بس سؤال بجد
هو ينفع نحب اللى بيخدعنا؛ واذا كان حبنا ليه قبل الخداع ؛ ينفع نحبه بعد ما اكتشفنا كذبه؟
والله سؤال ؛لان عارف ان قلبك جميل و بيسامح ؛موش زى قلبى:mdr:
تحيه لك خالصة من القلب
:emrose:

[سعدالشرقاوى]

الاستاذ/علاء قدرى
العجيب ان يكون هناك استشارى فى امراض عقم الامه
ويعجز فى علاج سعدالشرقاوى المسكين هو والتوته
جدتى كانت تقول بصلة المحب خروف
يعنى شوية خداع فساكونيه عدّيها
ماهو انت عارف امر عذاب واحلى عذاب هوّ
وبعدين الفرق بين القلوب ان واحد
يرى فيما يرى الصاحى
والاخر يرى فيما يرى النائم
يعنى هوّالحاج سلومه لما شكل الحكومه
كان نايم؟
ماهو برضه كان صاحى بس بطلان شويه
اروح منك فين يعنى

[علاء قدرى]

عمنا الشاعر صاحب القلب الطيب
و البديهة الحاضرة
الاستاذ سعد الشرقاوى
حتروح منى فين؟؟؟؟
:emrose:انت فى القلب....:emrose:
حرام نداعبك شوية؟؟؟

[علاء طه ياسين]

رفيق مشواري الشعري
وتوأمي
سعد الشرقاوي

مهما الطير يبعد ويسافر
لازم يرجع يوم ويحلق
والعصافير الطايل ليلها
لما يهل الصبح تزقزق
والأشجار تدبل ف مواسم
واما بييجي ربيعها توّرّق
زي ما قلبك بكره مسيره
يطلع م البحر قبل ما يغرق
سيبك بقا من اللي خدعوك
حب سواهم وغامر واعشق
وافتح بابك وانت تلاقي
سهم الحب ف قلبك يرشق

علاء ياسين

[أبوعبدالرحمن]

حقيقى كلام ولا اروع
لقيتنى تحت شعار
الكلمة الحلوة هى اللى باقية
تجربة شعرية خيالية او ذاتية رائعة

لك خالص تحياتى وتقديرى وإحترامى

[سعدالشرقاوى]

الاخ الاستاذ/علاء طه
يعنى استسمح معاليك
واتخلىّ عن القعده تحت التوته شويه
واجرب حظى فى ملعبك العظيم
عدّيها يابو التفانين

[سعدالشرقاوى]

الاخ الاستاذ/ابوعبدالرحمن
انت اللى اصيل
وشهم وكريم
ربنا يبارك فيك
ويبارك لك فى عبدالرحمن

[د أنس البن]

يا سلام على رقة مشاعرك يا حاج سعد
بس إيه حكاية سهيتهم وخطفوك
هو مين اللى سهى التانى
أو مين اللى كان ساهى ؟ الخاطف والا المخطوف
ما علينا , شوف , همه أصحاب الكلمه كده , مشاعرهم كده , ربنا خلقهم كده
عاملين زى فتيل الشمعه اللى بتتحرق وهيه بتنور
شوف ده قدرهم وده نصيبهم
أمال ح يبقوا شعراء وادباء وفنانين بدون مقابل
دى ضريبة الموهبه
والا إيه يا عمنا
:emrose:

[Tarek Elemary]

الصبر ان طال ياقلبى
لازم بيكون له نهايه
وانا شايف انّ حبايبى
بكره ح يصطلحوا معايه
وح اقول لك يومها ياقلبى
بسعاده الفين مبروك
وافرح واتهنّى ياقلبى
دا حبايبك بيحبّوك



طب ليه نحب بدون تفكير
و نعيش فى حلم تمللى كبير
و الدنيا مش دايما أحلام
قلبى فى سجن ضلوعى أسير
***
يا حبايبى على قَدُّكوا حِبوا
مشاعركوا م اللايمين خَبوا
و كفاية لوعة شوق و دموع
و بدال ما تتخاصموا إتعاتبوا
***
يحلى العتاب بالشوق و الود
بحروف نغم على ورق الورد
مش بالخصام نروى هوانا
يحيَّ الغرام بالشوق و الوجد
***
تحياتى يا عم سعد

[سعدالشرقاوى]

والدى/دانس البن
اطلالة مشرقة بنسمات الصباح
المليئة بالامل والتفاؤل من حبيب الكل
بس إيه حكاية سهيتهم وخطفوك
هو مين اللى سهى التانى
أو مين اللى كان ساهى ؟ الخاطف والا المخطوف
مااظن غيرك متخصص فى اختطاف القلوب
فانت البلثم الشافى الذى يملك المقدره
على علاج كل القلوب يادكتور
والحمدلله بنحصل منك على الروشته من غير
مانحجز او ندفع تمن الكشف

[سعدالشرقاوى]

استاذىوحبيب قلبى/طارق العمرى
ارفع لك وبدون النظر الى حامل الرايه كارت اصفر
حينما تظن انك ملكا خالصا لنفسك
فتعطيها اجازتها حينما تريد
وتتركنا فى ظلام وكان تيار الضغط العالى عنا قد انفصل
دون سابق انذار
امّا انك تهمل دور بعض القطاعات
وهى تعلن عن انقطاع المياه مثلا من الاحياء التاليه000
غدا من الساعه0000الى الساعه000
ارجوك يااستاذنا ماتعودنا على الغربه
فلا تجعلنا نفتقدك مع سبق الصرار والترصد
نحمد الله على سلامتكم ولعله خير

[فؤاد]

عينى عليك ياقلبى



آه ياعينى عليك ياقلبى
سهّيـتهم وخطفوك
ياقلبى عليك ياقلبى
داويتهم وتعبوك
منهم لله ياقلبى
حبيتهم وخدعوك
,,,,
انا كنت باشوف الدنيا
صافيه فى عنيهم حلوه
كان كل كلام ياقلبى
من بين شفايفهم غنوه
وف لحظه اتغيّر حالهم
وياريتهم ما حبوّك
منهم لله ياقلبى
حبيتهم وخدعوك
,,,,
اصبر ياقلبى معايا
واتحمّل الاسيّه
انا كنت بقول دامنايا
وحاسّين بللىّ بيّه
وف لحظه اتغيّر حالهم
وياريتهم ماحبّوك
منهم لله ياقلبى
حبيتهم وخدعوك
,,,,
خليك دايما ياقلبى
شايل ويّاك حنيّه
لايظهر غدر حبايبى
وعوازلك يشمتوا فيّه
والناس ح يشوفوا ياقلبى
حبايبك بيعادوك
منهم لله ياقلبى
حبيتهم وخدعوك
,,,,
آه ياعينى عليك ياقلبى
ياللى دايما مجروح
ولاتجرؤ يوم ياقلبى
وتقدر بالسّر تبوح
وحبايبك جم على غفله
سهّوا ضلوعى وخطفوك
منهم لله ياقلبى
حبيتهم وخدعوك
,,,,
الصبر ان طال ياقلبى
لازم بيكون له نهايه
وانا شايف انّ حبايبى
بكره ح يصطلحوا معايه
وح اقول لك يومها ياقلبى
بسعاده الفين مبروك
وافرح واتهنّى ياقلبى
دا حبايبك بيحبّوك

,,,,,,,,,


الله عليك ياأستاذ
سعد ياكبير
سلامة ألبك
تتصور
والله
فرحتني
كلام جميل وحلو خالص
أصل أنا لما بسمع كلام جميل وحلو خالص
بفرح ;)

[سعدالشرقاوى]

الاخ الفاضل الاستاذ/فؤاد عبدالحميد
نوّرتنا ياباشا ومعايا وانت معايا
وانت صاحب الكلام الحلو يااستاذ فؤاد
وياريت نعرف نتعلم منك
بس انا زعلان منك
ماحضرتش واجب العزاء تحت التوته
فى عمى امين وبالمناسبه هو بعد ما طلـّع
رخصة المبانى مات على روحه من الضحك
ولم نعثر له على مستخرج وفاه
ودفنـّاه عرفى

[NAHID 76]

بسم الله الرحمن الرحيم
خالى سعد الشرقاوى
هما بيحللو أيه
ده أسمه الى عيونه معصوبه
والى فيه تنقلب الموازين
ونشوف فيه الغلط صح
ولا يخضع لقوانين العقل
ولا لأى قانون دنيوى
تحياتى على انسيابيه الكلام

[رغـد اليمينى]

http://up1.mlfnt.net/images/jbqltrpoposb8lynoob.gif (http://up1.mlfnt.net/)

شمس الآصيـــل


الفنان والكاتب الكبير


((( سعد الشرقاوى )))


تحية مكللة بأريج الورد والريحان وعِطر الياسمين


هذا النص بالفعل قدحمل من جمال الحرف أطيبه


كلمات سلسةوبسيطة ،،


قريحةموسيقيةرائقة ..


وعزف شجى لدرجةالتغنى عند كل مقطع وكل سطر ،،


وبين كل حرف وأخر له نكهة جنائزية يستقبلها


القلب بكل صدق وشفافية ،،


والسبب نغمها الفاتن وسلاسة معانيها ،،


التى أرغمت القلم على الإبداع


وصدورنا على البكـاء ،،


فهذا هوَ الحال عِندما يتحول الوجع إلى كلمات


إقتلعها قلمكَ مِن رحم نزف هذه المعاناه ،،


فهو قمة العطاء الذى يصل به حال الشاعرلنتعايش


معه هذه التجربة ونتوحد مع ألمه ،،


ولكن يبقى فى القلب غصة لا يعلمُ علقمُها غيّر مَنْ


ينبض بين أضلعه هذا القلب ،،


مشاركة نزفت بملامحها داخل أروقة مشاعرى ،،


تقبل منى باقة من الود بعبير التقدير ،،



وشكر مُكلل بآطواق الياسمـــــين ،،


وافـــر التحية :emrose: ،،،


http://up1.mlfnt.net/images/jbqltrpoposb8lynoob.gif (http://up1.mlfnt.net/)

[سعدالشرقاوى]

سيدتى /مدام ناهد
(شريحتك بايره)
جمله تقال بين اهل الريف لمن تاخر فى زراعة ارضه
وخاصة لو كان على يقين انه لايزرعها غيره
واخذتى محضر تبوير منذ زمن (ونفس وما سواها)
ولحلّ المشكله لابد من زرعتين فى موسم واحد
وقد توفرت مياه الرى والتقاوى والكيماوى
وطال الانتظار

[سعدالشرقاوى]

سيدتى/رغد اليمنى
حينما تقام ثورة الصراع بين القلب واللسان
فى اسبقية الاملاء للقلم فلاشك انها تنعكس سلبيا
على المعنى
(ولو علم الاديب مهمته لفكّر دهرا قبل ان يخطّ سطرا)
فماذا لواقتضى الحال من مثلى ان يجارى مثلك بالرد؟
لاشك ان قلمك السخى والذى ماتعودنا منه الا العطاء
الكريم سيساعد قلمى المسكين فى توصيل ماقطعه المداد
لتتشبك الحروف لعلها تترجم ما يحمله قلبى من اعزاز
وتقديرلشخصكم العظيم وسعادتى بكلماتكم القويه والتى
عبّرت باقتدار عن مكنون القلب فى الاغنيه
دمتى سيدتى ودام لنا مرورك ودامت سعادتنا بكلماتك
العظيمه

[حمدي السمر]

الله عليك يا كبير ... :emrose:

[عفاف سليمان]

يا عم سعد يا جميل
كلامك بيتغنى مواويل
الله عليك يا فنان يا اصيل
اصل التوته حكاويها ونسيم عليلها اثر فيك
طلع منك كلام جميل مثل جمال احساسك ومعانيك
لك كل التحيه والتقدير على الابداعات الجميله التى تختفى فى مدارك حسك الجميله
الينا مزيدا مما تخفى فى جعبتك
من فن وحكاوى وغناوى ومواويل يا عم سعد
يا شرقاوى يا اصيل
لك خالص التحيه والتقدير
اختكم عفاف:o:emrose::emrose:

[سعدالشرقاوى]

والدى الحاج/مصطفى زقزوق
اضأتم لنا الصفحات بمروكم الكريم
وسنظل نتعلم منكم ونضع كلماتكم وتوجيهاتكم
نصب اعيننا اسوة وقدوة
اطال الله اعماركم ونفعنا بكم
وجمعنا على خير فى بيت نبيه صلى الله عليه وسلم
ان شاء الله