زعلان منك يا بو تريكه

[سعدالشرقاوى]

ابو تريكه(رمزلفريق منتخب مصر)

"]-. (http://84-d8-b4-d8-b1-d9-82-d8-a7-d9-88-d9-8a-1-.jpg.html])http://www.imagehuge.com/out.php/t5397_d8-b3-d8-b9-d8-af-20-20-d8-a7-d9-84-d8-b4-d8-b1-d9-82-d8-a7-d9-88-d9-8a-1-.jpg
مافيش امريكا
مافيش بولتيكه
زعلان منك يابوتريكه
,,,
هاتو نجوم العالم لينا
لمّا الجد يبان فى عنينا
يصغر حجم الدنيا علينا
وابطالها تصبح شيكا بيكه
مافيش امريكا
مافيش بولتيكه
زعلان منك يابوتريكه
,,,
قومى يامصر وشوفى ولادك
قومى كفايا علينا بعادك
اللى بناكى وبنى امجادك
كان فى الكهف بيعزف سيكا
مافيش امريكا
مافيش بولتيكه
زعلان منك يابوتريكه
,,,
قومى يامصر ياست الناس
لمّا نبوس الايد والراس
وان كان طرفك يوم انداس
كان من دلعك للشيكابيكه
مافيش امريكا
مافيش بولتيكه
زعلان منك يابوتريكه
,,,
قومى وسودى العالم تانى
فى بعدك ياما الناس ح تعانى
قومى القدس هناك وحدانى
وبيشاور وينادى عليكا
مافيش امريكا
مافيش بولتيكه
زعلان منك يابوتريكه
,,,
آدى رجال مصر الاخيار
رجليهم بتقول احرار
خلـّوا الدنيا تولـّع نار
ومسحنا الهمّ باستيكه
مافيش امريكا
مافيش بولتيكه
زعلان منك يابوتريكه
,,,
ياخساره من اسمك خوفنا
وربى عالم بظروفنا
وجانا يوم عشنا وشوفنا
مصر بتخسر من امريكا
مافيش امريكا
مافيش بلوتيكا
زعلان منك يابوتريكه

[علاء طه ياسين]

شقيقي
وتوأم روحي
سعد الشرقاوي
:emrose:
أنا هأقولك قصيدة لشاعر أزهري اسمه هاشم الرفاعي ..
قالها لما فريق الكورة بتاع المعهد الأزهري اللي هو طالب فيه اتغلب ..
قال ايه ..

يا خيبةً قدروها بالقناطيرِ
جاءت لنا في نهار كالدياجيرِ
من كل شحطٍ أطال الله قامته
يكاد يفلح في جر الحناطير
في الماتش لم تلعبوا لكن رأيتكمُ
في البرتقال نزلتم كالمناشير
لا بأس بالقوم من طولٍ ومن غلظٍ
جسم البغال وأحلام العصافيرِ
(علي فكرة أحلام يعني عقول)
.....

طبعا في الماتش ده ماكنش فيه برتقال ..
كان فيه اللي بالي بالك ..
واللي سمعنا عنه ف وسائل الإعلام ..
وربك يسترها علينا ..
....

ولي عودة للتعليق ..

علاء ياسين

[سعدالشرقاوى]

شقيقى/ابوياسين(علاء طه)
انت فاكر حكاية (الفيل والحبل الصغير)
بتاعة الاستاذ طارق العمرى فى موضوع
فن التعامل مع الاخر
انا احيانا فى المباراه كنت اظنها سياسيه
لدرجة المفاوضات التى تمت مع الدفاع والحضرى
فى الهدف الاول
فكرتنى بطريقة رؤساء حكومة اسرائيل مع العرب
وفى النهايه الهدف وتكون اخر لمسه من العرب
وليس عيبا ان نخسر 10اهداف
العيب ان نراها فى عيوننا هكذا
واذا نظر القط الى الفار وقف سابتا مكانه مع مقدرته على الهرب
لكنه حبل الفيل
اسف ياعلوه طولت عليك

[حمدي السمر]

كبوة وباكر بتعدي
والسكة الجايه جميله
احلام بتقطّر تندي
:emrose::emrose::emrose:
حاجة بسيطة قلنا نشاركم بيها في الهموم
والله بالجد انا كنت زعلان شديد ...
وحرام بعد كورة البرازيل الحلوة ... نتغلب
دمتم بود

[سعدالشرقاوى]

اخى الاستاذ/حمدى السمر
لك كل التحية
من فضل الله تعالى علينا
ان كل شئ يولد صغيرا ثم ينمو
الا المصائب تولد كبيره ثم تصغر مع الوقت
وقد مرّت والحمدلله وعلينا ان نرى الامام
شكرا لمروركم الكريم والذى اضاتم به صفحاتنا

[وليد شاكر]

الله عليك يا حبيب والديك



جميلة جدا استاذي العزيز

[وليد عامر]

السلام عليكم ورحمه الله وبركاته
والله عندك حق يا اخي الفاضل
عشنا وشفنا مصر بتتغلب من امريكا
بعد البرازيل وايطاليا والملحمه الي رسمناها في فنون اللعبه قدامهم
بس خساره اصل الفرقه الي بتلعب من غير مدرب لازم يكون حالها كده
يعني يوم فوق ويم تحت
تحيه للاعبي المنتخب بجد
لانهم بدون مدرب قدروا يعملوا ده
ومن هنا بقول
منزعلش من ابو ورفاقه
نزعل علي نفسنا ان مدرب مصر بالشكل المشين ده
يعني نزعل من الاخ حسن ابن شحاته
وكفايه كده بئا يا اتحاد
ارحمونا بئا
تحياتي وتقديري