زأزأ عصفور

[الألآتى]

إخوانى الأعزاء

تجربة جديدة .. أرجو أن تنال إعجابكم ..

أغنية ( زأزأ عصفور )

كلمات : الشاعر الأديب : كمال عبد الرحمن ( سمعجى )

وفيما عدا ذلك .. قام به العبد لله

يعنى تلحين وتوزيع وغناء وتسجيل ومكساج وظبط توازن ونفخ عجل .. وكله .. ماعتقتش .

[أحمد شوبكى]

عمنا وأستاذنا : الموسيقار محمد الآلاتى
تسلم زأزأتك وزأزأة عصافير مبدعنا الكبير سمعجى باشا الموسوعجى
رجعتنا للألحان الجميلة بتاعت الموسيقار محمد فوزى ( الخفيف - السهل الممتنع والممتع فى نفس الوقت )

[رائد عبد السلام]

عمنا الآلاتي
مش أنا طبعاً اللي ح اعلـّق
علي إبداعاتك
بس ح أقول لك إحساسي :
فكّرتني بروائع الإذاعة في قمة ازدهارها
ورجعتنا لأيام المجد الفني في الستينيات
عمل (فخم)
:emrose:
أمّا عمنا سمعجي (الشاعر الكبير /كمال عبد الرحمن )
كلامه فيه سحر ..وكل كلمة .... قصيدة
ماشاء الله ...شوف جاب كلمة بنت الجنيّة ...إزاي ؟؟؟
أستاذ كبير قوي

الله ينور يا أساتذتنا الكبار
:emrose:

[سعدالشرقاوى]

دا انتم مالكوش حل
الظاهر الواحد مالوش مكان فى وسطكم
احسن حاجه
نقطع التوته ونروّح

[الألآتى]

دا انتم مالكوش حل

الظاهر الواحد مالوش مكان فى وسطكم
احسن حاجه

نقطع التوته ونروّح


ليه بس ياعم سعد .. بتقول كده ليه ..

إحنا كلنا هنا أسرة واحدة .. وإنت بالتأكيد فرد من هذه الأسرة ..

ويسعدنى أنا شخصياً التعاون معك فى أى عمل ..

[abou-nayel]

أستاذنا الآلاتي
ربنا ما يحرمنا منك ولا من زأزأة عصافيرك انت وشاعرنا الجميل
ويارب دايما في تميز وإبداع

تقبل مروري

[محمد علي الزوالي]

الاستاذ المايسترو ابو حسام

اللحن حلو خفيف غير ممل صنعة الخمسينات
وايه كمان ..........
يسلم الاحساس
تسلم الايادي

[سمعجى]

يا جَمَـــال جَمَـــالك يا فنـــّان

أحلى ما في اللحن ، إنه أيضاً بِيـّ " زأزأ "

المُدهِش ، إن تلحين الكلمات ، يمنحها ما يُشبـِه " البُعد الثالث " .. أو يكون بمثابة " إعادة تشكيل للصور و المعاني و الإيقاع " ،، و يُضفي عليها إنفعالاتٍ أخرى " تـُثريها " .. و يُحدث إندامجاً بين الكلمة و الموسيقى ، يصعبُ بعدها فـَصْلُ إحداها عن الأخرى ،، فيُصبـِحُ تذوقُ الكلمات ، مشروطاً باللحن


،، أنا عارِف إن الجُملة أو السطر الشِعري طويل " 7 تفعيلات " ، و لازم يتـَّاخِد على نـَفـس واحِد ..
و انتَ لعبتها " صَح " :)


و أشكرك على درس الأمسِ " الخصوصي " في المقارنة بين الآلات الموسيقية الشعبية المرتبطة بالتراث المَحَلـّي ، و التي لا تقبل التطوير ،، و بين الآلاتِ القابلةِ للتطوير ، و التي خرجت عن نطاقِ جغرافيتِها ، لتصبحَ عالميّة ً، و قابلة ًللتعبيرِ عن انفعالاتِ و شجونِ شعوبٍ أخرى

(( :emrose: ))

[محمودسعد]

جديد فعلا
في كلماته
في لحنه
في موسيقاه
في ادائه وتفعيلاته وترتيب الالاتي
وما احلي زأزأتك يابو حسام مع زقزقه شاعرنا الكبير عمي سمعجي

[القمر الساهر]

الله على الكلمات الجميلة البسيطة اللى بتدخل القلب مباشرة واللحن الجميل المنعش ، إكتب ياكيمو كمان وكمان وسمعنا يا آلآتي النغم الحلو والصوت الرقيق .

[abuzahda]

http://img262.imageshack.us/img262/8071/37064166hz9.gif

أسراب سمعجية:emrose: على الأيكة الألاتيّة:emrose:


http://img262.imageshack.us/img262/8071/37064166hz9.gif
مش لما تصوصوا ، تبقوا تعرفونا

[سمعجى]

حبيبي أحمد الشوبكي ،، سليل الفن و الجَمال

رائد الشِعر و الإنسانية " رائــــــد "

صاحب التوتة و أسرع شاعر أسَر قلوب الناس " الشرقاوي "

أبو نايل العزيز

أستاذنا محمد الزوالي

عم عموم كار الطـَرَب و المَغنىَ " محمود سعد "

حبيبي القمر الساهر " أحمد معروف " اللي واحشني ،،
و أشكره على مفاجأة أولى مشاركاتِه

عمي ،،
و سَيّد الكلمة الصاحْية الصافية الدافية " أبو زهدة "



لكم جميعاً شكري و تقديري

و زأزأة عصافيركم ،، غطت على زأزأة عصافيري

:emrose::emrose::emrose:

[Sami Dorbez]

فنان على الدوام

[الألآتى]

فنان على الدوام

شهادة فنان حقيقى .. فنان الطفولة الجميل سامى دربز

أشكرك ياسامى بالأصالة عن نفسى وبالنيابة عن أستاذى وصديقى كمال عبد الرحمن شاعرنا وأديبنا العظيم