المساعد الشخصي الرقمي

مشاهدة النسخة كاملة : العيون النداهة


علاء طه ياسين
19/06/2009, 09h00
.. :emrose:..
يا ام العيون خَضْرَا ربيعي
لسايا داير في مدارك
والقلب مستني قرارك
متهربيش من مواضيعي
.....
يا ام العيون المبتسمة
بعدتنا عن بعض القسمة
حدفتي ع الدنيا البسمة
حتي ف لحظة توديعي
.....
يا ام العيون غاوية تخطي
ترمي الغناوي علي شطي
باكتب علي الرمل بخطي
انا اللي شاري اوْعي تبيعي
.....
يا ام العيون فيهم خُضْرَة
لذيذة .. بتلون بكرْة
حبك زرع مليون زهرة
ودا عادي جدا وطبيعي
.....
يا ام العيون النداهة
وفيها 100 ألف متاهة
قلبي ما بين آهه وآهه
خايف لتهربي وتضيعي

علاء ياسين

عفاف سليمان
19/06/2009, 11h25
صباح الخير على حضرتك يا استاذ علاء:emrose:
جميله العيون
بتشع حنان فى الكون
ولعيون الخضر
الحياه تهون
يا سلام يا استاذ علاء
بالله تكتب لنا كمان عن العيون الكواحل :crazy:والعسليه والبنيه
هههههههههههه
وجميع الالوان:mdr:
اليعون بيفضحوا كل مكنون
والعيون متقدرش تدارى المشاعر اللى فى القلب
مهما تكون
تحياتى لقلمك المبدع
المفتون.....لجمال العيون
وتحيه للجميع باسعد الاوقات
اختكم عفاف:)

علاء طه ياسين
19/06/2009, 12h49
السيدة الفاضلة / عفاف
أجمل العيون هي تلك العيون تخطف القلب خطفا ..
سواء أكانت خضراء أم غير ذلك من الألوان ..
أما العيون الكواحل .. فهذه قصة أخري ..
(إسألي عنها فايزة أحمد ;))

و ...

يا حلوة يا ام عيون كحلا
الدنيا ف وجودك أحلي
بتاخدني نظرتها ف رحلة
مارجعشي منها لحد ما أموت

علاء

علاء طه ياسين
19/06/2009, 13h24
الوالد الشاعر / مصطفي زقزوق
:emrose::emrose:
دائما ما تبدد الظلمة بحضورك الهاديء الرقيق ..
وتعبيراتك الموجزة الجميلة ..
أصلك النبيل يعبر عنك يا سيدي ..
فلك تحياتي وتقدير ..

علاء

Tarek Elemary
19/06/2009, 17h34
.. :emrose:..


يا ام العيون خَضْرَا ربيعي
لسايا داير في مدارك
والقلب مستني قرارك
(ف) متهربيش من مواضيعي
.....
يا ام العيون المبتسمة
بعدتنا عن بعض القسمة
(و)ع الدنيا حدفتي البسمة
حتي ف لحظة توديعي
.....
يا ام العيون غاوية تخطي
ترمي الغناوي علي شطي
باكتب علي الرمل بخطي
انا (مشتريكي) اللى شارى اوْعي تبيعي
.....
يا ام العيون فيهم خُضْرَة
لذيذة .. بتلون بكرْة
حبك زرع مليون زهرة
ودا عادي جدا وطبيعي
.....
يا ام العيون النداهة
وفيها 100 ألف متاهة
قلبي ما بين آهه وآهه
خايف لتهربي وتضيعي

علاء ياسين


علاء باشا ياسين ... حارس مرمى الكلام الجميل و أمين مخازنه
إنت عارف طبعا المرور الأول ده أنا جاى أعمل أيه;)
علشان الكلام الى فيه إطراء و تشجيع تخطيناه خلاص و نفذ رصيدى كما يقول أبو كم واسع
الأحمر (إزالة) إما لزوم الوزن أو المعنى حيث أرى فى مشتريكى و كأنها سلعة (بوقعها على أذنى) هكذا إستثقلتها و الأمريرجع لك
الأزرق (الأشد إعجابا فى رأىِّ)
و تقبل تحياتى

علاء طه ياسين
19/06/2009, 18h00
أخويا الكبير / طارق العمري
كل تسديداتك في المرمي ..
تم التعديل في الموضوع حسب رؤيتك ..
بالحذف أو الإضافة ..
والتشجيع وكده .. لازم يبقي علي الكورة الحلوة ..
أما الخطأ في الخطة (يعني في القصيدة) ..
لازم له تعديل ..
وانت ولا حسن شحاته ..
بسم الله ماشاء الله ..
اقبل مني باقة ورد :emrose::emrose::emrose:
عرفانا بالجميل ..
الأخ الأصغر ليك
علاء ياسين

سعدالشرقاوى
19/06/2009, 18h45
اخى الاستاذ/ابوياسين
ايه ياعم الحلاوه دى
خللى بالك والله علمت ع اللون الازرق
وطلع نفس راى المعلم حسن شحاته
يا ام العيون فيهم خُضْرَة
لذيذة .. بتلون بكرْة
حبك زرع مليون زهرة
ودا عادي جدا وطبيعي
.....
يا ام العيون النداهة
وفيها 100 ألف متاهة
قلبي ما بين آهه وآهه
خايف لتهربي وتضيعي

حقيقى عظيمه يا علاء
انت ح تخلينى اغير من
بنت الايه دى

Tarek Elemary
19/06/2009, 18h55
اخى الاستاذ/ابوياسين

خللى بالك والله علمت ع اللون الازرق
وطلع نفس راى المعلم حسن شحاته




أما إنت بقى يا أبو كم واسع
يا أبوكف رقيق و صغير .... يا بكار المنتدى
نفسى أشوفك و آخدك فى حضنى كده ييجى ساعة و بعدين أشد ودنك يا أشقى فلاحين مصر و أفصحهم و أنطقهم بالمكنون فى شئون الكون
واحشنى يا عم سعد

علاء طه ياسين
19/06/2009, 18h56
شقيقي
ورفيق دربي
وتوأمي الروحي / سعد الشرقاوي

والله لو عرفتها زي ما عرفتها ..
هتحبها زي ما انا باحبها..
عارف ..

البنت حلوة وقمرايه
ساكنة في ابعد نجماية
وحبها عندي هواية
وكتاب وهي بتقراه لي
لما بتيجي وبتصبح
ف ضلها قلبي بيرمح
والحلوة لو كانت تسمح
اروح لها وأفوت أهلي

علاء

سعدالشرقاوى
19/06/2009, 19h37
استاذى/وحبيبى/طارق
ما انا كمان عارفها
بس والله عندى مجلس عرفى
ومانا فاضى اكملها الليله ياعلوه
اللى يطلع من الذمه وخلاص

كان يوم حرّ مولـّع نار
وانا تحت التوته قاعد محتار
مرّه عنيّه تشوف الغيط
ومرّه ابصّ ليمّ الدار
,,,
فاجآه لمحت على الزراعيّه
غزال البرّ اللى معدّيّه
حاجه ماكات تخطر على بالى
اجمل بنت شافتها عنيّه
,,,
فى عز الحرّ غنامها بترعه
اىّ خضير على جسر الترعه
لحظه لقيت الحال اتغيّر
دقـّة قلبى بتجرى بسرعه
,,,
ادّاتنى تحيّه بطرف اديها
وبصّت ليّه بسحر عنيها
لمّا انشغل الفكر معاها
لقيت الروح بتحن اليها
,,,
ليها عيون نعسانه وسارحه
لون الورد بلون الطارحه
شافت الضلـّه تحت التوته
جات ونا قلبى دايب م الفرحه
,,,
افوتكم بعافيه

علاء طه ياسين
20/06/2009, 11h37
شقيقي
ورفيق دربي
وتوأمي الروحي / سعد الشرقاوي

أيوه كده طلع من مخزون الحب اللي عندك ..
ايه الجمال ده ..
في عز الحر جاتك نسمة معدية ..
بترعي شوية غنم ..
ويالهوي بقا علي الجمال الفطري الساذج ..
جمال مازال طاهر بدون تزييف ..
هنيالك يا عم ..
وعلي رأي الغنوة القديمة ..

ع الزراعية يارب اقابل حبيبي
ع الزراعية انا شوفت بختي ونصيبي

ع الزراعية خد مني قلبي
نساني روحي وهو جنبي
باتمني اشوفه دايما ياربي
لما بيتمشي ع الزراعية

اقعد بالعافية

علاء

NAHID 76
27/06/2009, 17h49
بسم الله الرحمن الرحيم
الشاعر الغنائى علاء يا سين
كعادتك جميله ومعبره ومتغنيه من نفسها
وبعض الهنات البسيطه الاخوه قامو بالواجب
أما عن الدويتو علاء ياسين وخالى سعد الشرقاوى
أثبتم بما لا يدع مجال للشك أنكم ثنائى متمكن ومتفرد وغزير المعانى والافكار وأثريتم قسم تجارب أدبيه بالاعمال الجميله التى دفعت به الى الأمام
تحياتى وشكرى لجهودكم المتميزه

علاء طه ياسين
28/06/2009, 08h41
المدهشة الوجود
مدام ناهد
:emrose:
تشجيعك لينا دايما هو اللي بيخلينا نحاول نطلع أحسن شيء عندنا
:emrose:
ربنا يخليكي لينا
ويحفظك يا ست الكل
:emrose:
علاء

حمدي السمر
29/06/2009, 15h08
خليني اقول ليك يا ابو علوة بدون تكلف ...
ربنا يحفظك ... لتشجينا اكثر ... لك الود :emrose:

علاء طه ياسين
29/06/2009, 15h43
احنا هنا كلنا اخوات يا حمدي :emrose: م
فيش بينا أي تكليف
تجمعنا الكلمة الحلوة
واللمة والصحبة
وانا يشرفني انك تناديني باسمي بدون تكليف
لأن معناه إننا قريبين لبعض
ربنا يديم علينا المحبة والود
علاء