المساعد الشخصي الرقمي

مشاهدة النسخة كاملة : .:: ميــلاد جــديــد ::.


M O H A M E D
18/06/2009, 17h51
ميلاد جديد

و لا اعــــرف ليــــه قلبـــــي هوى
لكن خـــــلاص شجــــــــره ارتوى
عشــــان غـــــــرامه لمـــــا ابتدى
مشـــــــي فـ طريقــــــك و اهتــدى
ســــــرداب و فيــه يــامــا احتـوى
أســـــــــــرار كتيـــــرة في الهـوى
النــــــــور حَوَانـــي و الطيـر شدا
و روحــــــــي غطــَّــــاهـا النــــدا
***
و الفـــــــرحة قسمتهــــــا العيــون
و الضحكــة سكنت .. و السكــــون
بقى مهرجــــان رقـــص و جنـــون
بقى حـاجـة كان نفســـــــي تكــون
في بالـــــــي كانــت م الظنــــــون
في اليوم دا بس قـــــــادر أكــــون
و المــــس بإيـــدي المنتهـَـــى ....
في الفرحــــة و الشـــوق و الحنان
و الحــــــب في قلبـــــــــي اعكتف
و كـــــان مكـــــان غيــــــر المكان
و الســــــاعة توقيتهـــــا اختلـــف
و لا عدت عــــــارف ميــن انـــا !
***
معقـــــول شقـــايـا كلــــه انتهى ؟
و ميـــلاد جـــديـــد ليّ انكتـــــب ؟
و الماضـي راح ، عهده اتنســـــى
و المهد كـان منجــــــم دهـــــــب !
كــــان فيــــــن دا كلـــه من زمان
و الا اللقــــــا كان لــه ميعــــــــاد
و اليـــــوم ده معـــروف من زمان
و وصلـــــــت له رغــم البعـــــــاد
و انا اللـــي فاكـره من غير سبب !
***
لحـــــد ما الفرحـــــــــة تـــــــدوب
في الفم .. و تفــُــوق القلـــــــــوب
ساعتهـــا أعـــــــرف جابنــــي إيه
و ازاي غــرامــــي فـ يـــــــوم بــدا
و لحـــــد ما اللحظـــــــــة تفــــوت
و المهــــــرجــــان يـــرجع سكوت
أنا نقطــــــــة في بحــــــر الهنـــــا
و خبـــــــري مـــن غيـــــر مبتـــدا

*****

Islam Eidrisha
18/06/2009, 18h00
الله ينور عليك يا سلامونتي
ما هذا الجمال وتلك السيمترية الرائعة في النسق
إنسيابية عجيبة في تلك القصيدة
رائعة بحق

سعدالشرقاوى
18/06/2009, 18h56
الاستاذ/محمدالسلامونى
ايوه ياراجل
كل شويّه ماتنساش حقنا عليك
اتحفنا باحد ابداعاتك العظيمه دى

معقـــــول شقـــايـا كلــــه انتهى ؟
و ميـــلاد جـــديـــد ليّ انكتـــــب ؟
و الماضـي راح ، عهده اتنســـــى
و المهد كـان منجــــــم دهـــــــب !
كــــان فيــــــن دا كلـــه من زمان
و الا اللقــــــا كان لــه ميعــــــــاد
و اليـــــوم ده معـــروف من زمان
و وصلـــــــت له رغــم البعـــــــاد
و انا اللـــي فاكـره من غير سبب !

انا بصراحه كنت ابتديت اغير من الراجل اللى اسمه
محمد قنديل ده
خدك مننا شهر كامل
الله ينور

علاء طه ياسين
18/06/2009, 18h57
الأستاذ الكبير / محمد السلاموني
:emrose::emrose:
الله عليك يا سيدي
ليه بتحرمنا من إبداعاتك الحلوة .. وليه مقل في أعمالك ..
عايزين نستمتع بحاجات حلوة كده دايما
:emrose:
تسمحي أشارك معاك .. وعلي إيقاعاتك أدندن ..


يا حبيبتي يا حبيبتي ..
يا سنين عمري اللي جاي ..
يا سنين عمري اللي فات ..
ارسميني قلب أخضر ..
فوق جميع الكراسـات ..
اكتبيني بخط وردي ..
واحكي عني للبنات ..
لوني بيا خدودك ..
ياللي انا بعشق وجودك ..
واعشـقيني بقلب جامد ..
واكتبي عني حكايات ..
يا حبيبتي ياللي حبك ..
أحلى من كل الحاجات ..



علاء

NAHID 76
18/06/2009, 19h09
بسم الله الرحمن الرحيم
دكتور محمد السلامونى
مبروك علينا تغير الأتجاه فى الكتابه
اليوم نحسك انت سعيد بهذه الابيات نشاركك سعادتك
تحياتى

علاء قدرى
18/06/2009, 19h09
الاستاذ الفاضل محمد السلامونى
مبروك عليك الميلاد الجديد
والمعبر عنه بكلمات تتناغم و تتراقص على انغام حالتك المغايرة لما سبق من شعرك السابق الممزوج حيرة
وتعبيرك هنا راقص كرقص بلبل من الطرب و الفرحة شادى بميلاد جديد
ادام الله شدوك
ووصالك بجميل شعرك

Tarek Elemary
19/06/2009, 07h12
الدكتور السلامونى
مشاء الله ماشاء الله
أعمالك لها مذاق خاص و رائع
تزداد حرفية مع الوقت و تزداد إنسيابية
جميلة هى أفكارك و رائعة معانيك و أسعد شخصيا بها
(وهذه الدعابة)
لكن أعتب عليك البيت الأخير .... يا راجل خبرك من غير مبتدأ
تغالط الحقائق اللغوية و العلمية خبرك مش فايت
مع رائد أفندى عبدالسلام
إلحق يا عم رائد

عفاف سليمان
19/06/2009, 11h53
الدكتور السلامونى


مشاء الله ماشاء الله
أعمالك لها مذاق خاص و رائع
تزداد حرفية مع الوقت و تزداد إنسيابية
جميلة هى أفكارك و رائعة معانيك و أسعد شخصيا بها
(وهذه الدعابة)
لكن أعتب عليك البيت الأخير .... يا راجل خبرك من غير مبتدأ
تغالط الحقائق اللغوية و العلمية خبرك مش فايت
مع رائد أفندى عبدالسلام
إلحق يا عم رائد
يا استاذ طارق
ارحمنا شويه سيبنا نكتب اللى فى نفسنا مش كده:mdr:
هو انت دائما كده واقف لنا ع الوحده:crazy:
احنا مصدقنا ان الاستاذ سلامونى يكتب
يا استاذ رائد

يا استاذ طارق
ارحمنا شويه سيبنا نكتب اللى فى نفسنا مش كده:mdr:
هو انت دائما كده واقف لنا ع الوحده:crazy:
احنا مصدقنا ان الاستاذ سلامونى يكتب
يا استاذ رائد
الحقنا الله يخليك
ههههههههههههههه
دكتورنا واستاذنا السلامونى
ابداعات جديده وجميله
واحساس رائع وجميل
نتممنى ان تزيدنا من مكنون نفسك واحساسك المتدفق
تحياتى لقلمك المبدع
والينا بالمزيد
ولااااااااااااا يهمك ان كان المبتدىء
مالوش خبر
يا خبر
ههههههههههه
تحياتى لكم جميعا
اختكم عفاف
[/QUOTE]

M O H A M E D
19/06/2009, 13h53
السلام عليكم و رحمة الله و بركاته

الأخ العزيز إسلام
بمجرد ما كتبتها بالمنتدى و قرأت ردك اطمأنيت و الحمد لله
و اعتقدت اني عملت محاولة جيدة
أشكرك جداً ..
و ما تحرمنيش من مرورك اللي بعتز بيه
:emrose:

M O H A M E D
19/06/2009, 14h03
الأستاذ سعد الشرقاوي
الله ينور عليك و على كل أحبابك و محبيك
و عشان خاطرك نزلت تجربتين خلال أسبوع واحد
و أتمنى بس ما اكونش أثقلت عليكم
و بالنسبة لمحمد قنديل فهو من أهم أسباب استمراري في المنتدى
يعني لا اقدر استغى عنه و لا عنكم
ربنا يخليك لينا يا شاعر الأصالة
:emrose:

M O H A M E D
19/06/2009, 14h22
الأخ العزيز الأستاذ علاء ياسين
موهبتك كبيرة و أفكارك غزيرة
بسم الله ما شاء الله
اسمح لي اكمل معاك على قدي ..

يا حبيبتــــي ياللي حبـــك ..
أحلى من كل الحاجـــــات ..
و الحاجـات من غيرك انتي
تبقى غيـــر نفس الحاجـات
يعني اسمـــي بين شفايفــك
تسمعه .. تغيـــر أغنيــــات
و النســـــــايم من عبيــرك
تنتعش و تقـــول آهـــــــات
يا حبيبتي الحــــب بيكـــــي
بيحلى و بتحلى الســاعــات
...

M O H A M E D
19/06/2009, 14h24
الأستاذة الفاضلة مدام ناهد
بارك الله فيكي ..
و انا سعيد أكتر بوجودي معكم و بيكم
أدام الله المحبة بين الجميع
خالص تحياتي
:emrose:

M O H A M E D
19/06/2009, 14h33
الأخ الكريم الأستاذ علاء قدري
أدام الله عليك احساسك بالجمال
و أنعم عليك بخير
و شاكر لك كلماتك الجميلة و إطلالتك المشرقة
:emrose:

M O H A M E D
19/06/2009, 14h43
طارق بك العمري
يا شاعرنا الجميل لأنني بين شعراء متميزين مثلكم
حاولت أن أجتهد قدر الإمكان
و أتمنى أن أكون قد وُفقت
و لا تبخل عليّ بأي انتقاد .. فهذا يسعدني
:emrose:

و بالنسبة للمبتدأ و الخبر
فكل واحد حر في خبره يا أخي :mdr:
و أنا من الابتدائي بعشق النحو ..
بالمرة ما هو إعراب : سبحانَ الله ؟
و مش عايز افكرك بالأستاذ رائد ;)
تحياتي
:emrose:

M O H A M E D
19/06/2009, 14h55
الأخت العزيزة مدام عفاف سليمان
اكتبي و لا يهمك ..
كلنا بدأنا بمحاولات .. و ما زلنا نحاول
المهم أن نتعلم ..
و نستفيد من كل نقد

تحياتي و تمنياتي لكِ بالتوفيق
:emrose:

Tarek Elemary
19/06/2009, 17h15
و بالنسبة للمبتدأ و الخبر
فكل واحد حر في خبره يا أخي :mdr:
و أنا من الابتدائي بعشق النحو ..
بالمرة ما هو إعراب : سبحانَ الله ؟
و مش عايز افكرك بالأستاذ رائد
تحياتي


سبحان : مفعول مطلق منصوب لفعل محذوف تقديره أسبح وهو مضاف
الله :لفظ الجلالة مضاف إليه مجرور وعلامة جر الكسرة
أى خدمة يا دكتور
العربى مش بس النحو كان عندى إجبارى لأنه كان الوالد رحمه الله

سعدالشرقاوى
20/06/2009, 00h11
الحاج/محمدالسلامونى
نهارك فل ياحبيب الكل
"] ("http://[URL=http://www.imagehuge.com/show.php/5834_jooza-2222008092018-1-.jpg.html)]http://www.imagehuge.com/out.php/t5834_jooza-2222008092018-1-.jpg]
خللى بالك انت ح تزعّل
المرحوم قنديل منى وساعتها
ح(اعمل ايه)وعشان اصالحه
ح ادوّر عليه(بين شطين وميّه)
واسال واقول ياحبايب ماحدّش
شاف (الحلو ابوشامه على جبينه)
وطبعا ح يقولوا اجرى بسرعه
(ع الدوّار) وانت اكيد هاتلاقى
(ابوسمره السكره) اوّل ماتشوفه
تقول له(ياحلو صبّح ياحلو طل)
امّا لو ماعثرتش عليه تطلع دغرى
(على كبرى ابو العلا)وتنادى بعلو
صوتك(يارايحين الغوريه)شوفولى
هناك(رمش الغزال)يمكن يلاقوه وترتاح
وتاخده فى حضنك وتقول له
(خليك مآنسنا)وان شاف معاك السلامونى
ح يقول لكم (فكرتونى)وساعتها تلاقينى
بقول لك يااحلى سلامونى
(0ان شالله ما عدمك)

M O H A M E D
21/06/2009, 13h31
العربى مش بس النحو كان عندى إجبارى لأنه كان الوالد رحمه الله

و هو في أحسن من اللغة العربية !

تسلم لنا يا أستاذ طارق
:emrose:

M O H A M E D
21/06/2009, 13h39
:crazy::crazy:

الأستاذ سعد الشرقاوي
مساء الخير و السعادة
إيه ده كله ؟؟ كوكتيل قناديلي رائع
:emrose:
و مش عارف ارد عليك بإيه
غير بأغنية قنديل " قمحاوي " .. بيقول فيها :

يا أغلى من عمري تسلم يا شرقاوي
يا اسمر يا قمحاوي
و غاويك انا غاوي

اسمعها من هنا (http://www.sama3y.net/forum/attachment.php?attachmentid=97836&d=1215518727)
:emrose:

M O H A M E D
21/06/2009, 13h53
هنيئاً للصفحة بمرورك يا أ/ أبو صلاح

و شكراً لكلماتك المدهشة

دمت بكل خير

( :emrose::emrose::emrose::emrose: )