زمن التوك توك

[سعدالشرقاوى]

زمن التوك توك
[/URL]http://www.imagehuge.com/out.php/t5397_D8B3D8B9D8AF2020D8A7D984D8B4D8B1D982D8A7D988 D98A1.jpg
مرّه جابولنا سمّ فيران
موّت لنا كلّ الحشرات

والتوكتوك متقولش شطان
مايموتش باخطر مبيدات
,,,
عمّال يجرى شرق وغرب
وعفـّر تحت التوته علينا

بهجوم برّى كانه ف حرب
خللا الرّدم يسدّ عنينا
,,,
,,,
كنت باشوفك ورا مقطوره
داخل بين عجلاتها الواسعه

شوفت الزّيت نازل تحتيها
قلت اكيد المقطوره واضعه

لقيتك زىّ النونو ياتوكتوك
قلت اسيبك تاخد رضعه

وبكره ياسيدى سنانك تطلع
بعد فطامك تاكل مرعه

خونت العيش والملح ياتوكتوك
لمّا جابولك امبير سرعه

ماشى تلطـّش فى المخاليق
وتـنزّلهم قلب التــّرعه
,,,
,,,
تعكـّر صفو القاعده ياتوكتوك
تحت التوته لكل الشـّله

واستكترت الـّراحه عليّه
انا واصحابى امّا بنتسلـّه

ولو النقل صبح كوتشينه
ماتسوى ف وسط صحابك بلـّه

فاجآه الاقيك عفـّرت الاكل
ويوصل ردمك نص القلـّه

وانا مش ممكن احاسبك عمرى
ولا فيه بينى وبينك علـّه

بس داوشنى ليلى نهارى
كان عليّه ماسك لك زلـّه

مولد ماشى بتسمع ديسكو
تكون درّاسه ف جرن الغلــّه؟
,,,
[URL="http://[URL=http://www.imagehuge.com/show.php/5706_images4.jpg.html]"] (http://D8B3D8B9D8AF2020D8A7D984D8B4D8B1D982D8A7D988D98A1. jpg.html])http://www.imagehuge.com/out.php/t5706_images4.jpg
مين كان قل لك ان قانونـّا
فى قتل النقل بيحبس مين

مين صرّح لك تجرى بسرعه
واللا تقتـّل بنى آدمين

مين وضـّح لك ان حوادثك
ممكن تخلص فى دقيقتين

ولو موّتّ الدنيا بحالها
تخش الحجز يادوب ساعتين

لوكنت اعرف مين كان جابك
ويّا اصحابك بالملايين

ياخساره ولا كود ولا نمره
ولا سوّاق محتاج تامين

انت الخير والبركه ياتوك توك
وتقول لى مسنود على مين
,,,
,,,
اضطريت انى اسيب شغلى
واغنىّ لجناب التوك توك

دى خليّة تخريب ف بلدنا
وزعيمها وحبيبنا التوك توك

ياضنايا ياحنطور ياصغيّر
طول عمرى وانا احب التوك توك

نص حوادث مصر بحالها
من برّه جت ويّا التوك توك

اىّ حرامى بييجى بلدنا
يقولو لنا كان جاى ف توك توك

وان تاهت حاله واختطفت
واغتصبت تلاقيها ف توك توك

والنشـّال فى الزحمه بيسرق
فى ثوانى يتخبّا ف توك توك

فى صالونك ماقدرش انام
بنزينك فى قفايا ياتوك توك

ولا لازمك خوزه ولا حزام
ولا عندك طفـّايه ياتوك توك

ياواخدنا من الدار للنار
مخايلنا فى الضلمه ياتوك توك

سوّاقك ف رياض اطفال
وبيجرى فى الزحمه ياتوك توك

وسيادته مسنود بسيادته
وانامسنود على باب التوك توك

وح اغنـّي وتغنوّا معايا
ونقولوا فاليحيا التوك توك

توك توك هاى هاى

توك توك هاى هاى
توك توك هاى هاي
توك توك
توك توك
توك توك

[Tarek Elemary]

يا راجل خللى الناس تاكل عيش مش كده

شوف يا عم سعد
إعتادت حكومتنا الرشيدة النظيفة الغالية الحبيبة الشريفة الممتلئة بالسرور (رشيد نظيف غالى حبيب الشريف سرور)
أن المشاكل التى تتعهد بحلها و تلتزم به لا تقدر على حلها و تصبح متهمة بالعجز و عدم القدرة على القيام بمهامها
و لكن المشاكل التى تهملها و ترفع عنها يدها يحلها المواطنون تلقائيا بحلولهم الفردية دون إلتزام و لا محاسبة للحكومة، ليس هذا فقط بل أن الحكومة ليست مسئولة عن النتائج السلبية لتلك الحلول و تلقى باللوم فى ذلك على المواطنين الغير ملتزمين، ليس هذا فقط بل تفرض عليك رسوم مخالفة و رسوم تقنين أوضاع و تتعلم هى من حلول المواطنين الفردية و تتلاشى بعض سلبياتها و تعيدها للمواطنين من جديد على أنها حلول عبقرية من بنات أفكارها.
ولكم يا سيدى فى العشوائيات و المقابر و الأفران البلدى و المحليات و المرور و المواصلات و السفر للخارج و العمرة و الحج و التعليم و الدروس الخصوصية و الزراعة فى الصحراء و تعميرها و توظيف الأموال و المحمول و الغير محمول و أخيرا و ليس آخرا التوكتوك
أى خدمة يا عم سعد
تحيا حكومة مصر النظيفة
تحيا حكومة مصر الرشيدة
تحيا حكومة مصر الحبيبة
تحيا حكومة مصر الشريفة
تحيا حكومة مصر المسرورة
تحيا حكومة مصر الغالية

[علاء قدرى]

عمنا الشاعر الجميل سعد الشرقاوى
لقد اجدت تصوير هذه الجريمة التى لا نعرف لهاصاحب وكانها (لقيطة)
وارانى اتساءل :هل هبط علينا التوكتوك من السماء؟؟؟
ام ادخلته يد اثمه لتقتل فينا كل شئ جميل؛
هذا الشئ المسمى توك توك ؛لا شكل و لا منظر؛و لا شئ سوى الموت يقوده صبية صغار ؛و احيانا كبار متخلفين عقليا؟؟؟؟؟
ما اقبح ان ترى عيناى كل شئ يتحول الى صندوق قمامة؛لا ترفعه ايدى ؛و لا تنكره مارة؟؟؟؟
اعتدنا ؛و الفنا كل شئ قبيح؛
يا الف خسارة

[رائد عبد السلام]

الله ينور عليك ياعم سعد:emrose:
هي دي بركات وتجليات المواطنة


فعلاً عبّرت عن المشكلة دي
بمنتهي البراعة
ربنا يروق الحال عندك تحت التوتة
ويفضل النسيم رايق
من غير عفرة التوك توك

[علاء طه ياسين]

توأمي الروحي .. سعد الشرقاوي
سلامي لمدحت ومحمد أولا ..
والقصيدة الخاصة بيهم علي وشك أن تجهز وأنزلها هدية إليهم فهم أولاد أخي ..
أما تناولك لموضوع التكاتك ..
مش محتاج قوالة يا شاعر ..

الحتة اللي جاية دي دعابة صغيرة مني
طبعا مدحت راسه وألف سيف لازم يجيب توك توك هو ومحمد .. يروحوا بيه المدرسة ..
ويتمشوا بيه وسط شوارع البلد .. ويروحوا بيه الغيط .. ومدحت طبعا قالك ..


الواد مدحت قاللي يا بابا
هاتلنا توك توك نلعب بيه
ونشغلة وسط الاجازات
والتوصيلة بخمسة جنيه
يعني هينفعنا يا شرقاوي
قوللي يابابا بترفض ليه ؟

وانا ومحمد ناخد ماما
وانت معانا نروح نتفسح
سيبك بقا من التوتة تعالي
اقعد جوه التوك توك أرْيَحْ
وان مفلحتش في التعليم
ف سواقة التوك توك انا هافلح

التوك توك دا اللي مش عاجبك
يمشي ف شارع يمشي ف حارة
وكمان بيشيل خمسة وستة
وبيجري تقولشي دا طياره
يعني نجيب توك توك ينفعنا
ولا نجيب بردعة وحماره

والتوك توك دا صديق البيئة
وكمان بيوفر بنزين
يمشي ف أي زمان ومكان
وما يهتمش بالقوانين
توك توك توك يا إما بلاش
مش عاوزين زراعات ولا طين
والي هنا انتهي كلام مدحت ..

اعذرني علي الدعابة
أخوك
علاء

[NAHID 76]

بسم الله الرحمن الرحيم
خالى سعد الشرقاوى
عبرت بجمال عن مصائب التكتك
وتناولت ظاهره جديده من الى بينزلو علينا من السما
كان ماله الحنطور والجوز الخيل
تحياتى

[سعدالشرقاوى]

استاذى/طارق العمرى
(سيب الناس تاكل عيش)
كلمه فى محلها احييك عليها
ولكن التكاتك
لو انها وسيلة معلومة الهويه وتعلوها
لوحة معدنية ومؤمنه من الحوادث
ويحمل قائدها رخصة لكانة نعمة عظيمة
ووسيلة نقل محترمة تساعد بجزء غير قليل
فى حل ازمة المواصلات
وربما ساعتها تسهم فى حل مشكلة البطاله
لكن انتشارها بهذا الكم دون تقنين
لاشك انه ساعد على انتشار الفوضى والفساد
وعدم الاطمئنان
وربما لو تمت احصائية بشكل سليم على الحوادث
بصفة عامة
لتاكد لنا هذا الكلام
والسؤال من المستفيد من بقاء الوضع على ماهو عليه
الا صاحب مصلحة
ومن هو
حتى يتبين حجمه الحقيقى
وكيف استطاع الوصول الى هذه القمه
وربما تكون مصادفه
ولوكانت فالى متى ننتظر تفحلها
هذا تخيلى وانا بشر اصيب واخطئ
والله هو الاعلى والاعلم

[سعدالشرقاوى]

الاستاذ الفاضل/رائد عبدالسلام
جزاك الله خيرا
فبحق قرات افكارى
وماهى الا لوعة يحسها الانسان
فلم يجد سوى ان يتساال عن الحقيقة
بصوت عال لو لم يجد اجابة فى صريرته
نسال الله تعالى ان يهدينا للصواب
ويقينا شر انفسنا
شكرا سيدى على ما اضفتم
وجزيتم كل الخير

[سعدالشرقاوى]

المتدفق الاخ/علاء طه ياسين
باين عليك عندك توكتوك
هو عموما مشروع مش بطال
ويارب نلاقو ا فى مصر ثمانين مليون تكتك
عشان ما يبقاش حد اتكتك من حد
جميله القصيده بس ياريت ياخويه
(من شابه اباه فما ظلم)
ملناش فى المصلحه الخاصه خالص
وعلى راى المثل
(اكفى الحله على فمّها تصبح تلاقى الغطا مش عندها)
واللا حاجه بالليل تشمّها واللا على الاقل حد يدوس على قعرها
واللا تنكب ماتعرفش تلمّها
يجعله عامر

[سعدالشرقاوى]

الاستاذه/ناهد
عودا كريما
بعد مدة ليست قليله
جعلت القسم وكانه مغلق
يالله عايزين نعيش شويه
بعد طول هذا الغياب
مع قصصك وابداعاتك
الحمدلله على سلامة العوده
نورتينا ياست الكل

[سعدالشرقاوى]

الاستاذ/ابوصلاح
صباحك معطر بروايح الفل
والياسمين ونكهة البن المحوّج
خوفى المقهى يشغلك عننا
زى الطير ماتعود عشه
اتعودنا
عليك يابو صلاح

[Tarek Elemary]

استاذى/طارق العمرى

(سيب الناس تاكل عيش)
كلمه فى محلها احييك عليها
***
هذا تخيلى وانا بشر اصيب واخطئ

والله هو الاعلى والاعلم


يا جميل الظاهر و الباطن يا عم سعد يا طيب القلب الأولى كانت دعابة معك التى بين القوسين
أما باقى كلامى فى مشاركتى هو عين الحقيقة و تحليلها برجاء مراجعته لأن الحكومة تفعل هذا بالفعل
و صدقنى لو قلت لك أن هذا ما أفاد به مصدر كبير بالداخلية لى شخصياً فى جلسة متعلقة بالعمل فى موضوع التوكتوك هذا
فضلا عن شلة المنتفعين الذين تعاقدوا عليه من الأساس و أصبح لزاما على الحكومة تقبله و لو بشكل غير رسمى لحين أن تحل المشكلة نفسها

و لكن أنا معك قلبا و قالبا لما لهذا الكائن من آثار سلبية ليست بالهينة فالأرواح ليست مجال للتجارب و الشطحات و التهاون و التخاذل
صباحك توت أبيض و أحمر معسل ((مش المعسل إياه))

[M O H A M E D]

إيه الجمال و الحلاوة دي كلها يا عم سعد
تسلم إيدك يا شاعر الأصالة
و دايماً كده تمتعنا بكتاباتك الصادقة
النابعة من واقعنا
:emrose:

[عفاف سليمان]

صباح الخير على حضرتك يا عم سعد:emrose:
صباح الخير على اهل سماعى الجميل
اولا ابارك لحضرتك لمباراة مصر مع ايطاليا وفوزنا:o
والحمد لله
ثانيا
لقد اوضحت لنا صورا كثيره بطريقه منظمه وجميله عن التوك توك
وان كنا نعانى من مساوئه ومشكلاته
وسرعته الجنونيه فى الشوارع واحيانا
احس ان فيران هجمت علينا من كل ناحيه
ولا نستطيع ابادتها كما قلت حضرتك
ويارب يرحمنا من التوك توك وكل فوائده ومصائبه اللهم امين
تحياتى لك استاذنا الجميل
ويارب يصفوا الهواء فى بلدك تحت
التوته;)
تحياتى لك وللجميع
اختكم عفاف:)

[سعدالشرقاوى]

الاخت الاستاذه/عفاف سليمان
شكرا على اضافتك الجميله
وانا مش زعلان من الكتكوت
بس كنت اعوزه متقنن شويه
يعنى له هويه
معاه شهادة ميلاد
سواقه يحمل رخصة قياده
فيه طفاية حريق
له نمره نعرفوه بيها عند اى مشكله
وحاجات كده
ربنا يسهل
ونشوفوا فيه يوم

[سعدالشرقاوى]

حبيبى ياخال سلامونى
الظاهر سنعيدالنظر فى فكرة التوكتوك
ربما ننتهز فرصة الهيصه
ونشترى واحد على قدنا
ينقلكم فى بعض الاحيان
من منزل الاصيل محمد قنديل الى قسم
التجارب حتى لانحرم من طلتك علينا
ياحبيب الكل
ان شالله ماعدمك

[محمد الشرقاوى22]

[QUOTE=سعدالشرقاوى;330880]زمن التوك توك
http://www.imagehuge.com/out.php/t5397_D8B3D8B9D8AF2020D8A7D984D8B4D8B1D982D8A7D988 D98A1.jpg
مرّه جابولنا سمّ فيران
موّت لنا كلّ الحشرات

والتوكتوك متقولش شطان
مايموتش باخطر مبيدات
,,,
عمّال يجرى شرق وغرب
وعفـّر تحت التوته علينا

بهجوم برّى كانه ف حرب
خللا الرّدم يسدّ عنينا
,,,
,,,
كنت باشوفك ورا مقطوره
داخل بين عجلاتها الواسعه

شوفت الزّيت نازل تحتيها
قلت اكيد المقطوره واضعه

لقيتك زىّ النونو ياتوكتوك
قلت اسيبك تاخد رضعه

وبكره ياسيدى سنانك تطلع
بعد فطامك تاكل مرعه

خونت العيش والملح ياتوكتوك
لمّا جابولك امبير سرعه

ماشى تلطـّش فى المخاليق
وتـنزّلهم قلب التــّرعه
,,,
,,,
تعكـّر صفو القاعده ياتوكتوك
تحت التوته لكل الشـّله

واستكترت الـّراحه عليّه
انا واصحابى امّا بنتسلـّه

ولو النقل صبح كوتشينه
ماتسوى ف وسط صحابك بلـّه

فاجآه الاقيك عفـّرت الاكل
ويوصل ردمك نص القلـّه

وانا مش ممكن احاسبك عمرى
ولا فيه بينى وبينك علـّه

بس داوشنى ليلى نهارى
كان عليّه ماسك لك زلـّه

مولد ماشى بتسمع ديسكو
تكون درّاسه ف جرن الغلــّه؟
,,,
http://www.imagehuge.com/out.php/t5706_images4.jpg
مين كان قل لك ان قانونـّا
فى قتل النقل بيحبس مين

مين صرّح لك تجرى بسرعه
واللا تقتـّل بنى آدمين

مين وضـّح لك ان حوادثك
ممكن تخلص فى دقيقتين

ولو موّتّ الدنيا بحالها
تخش الحجز يادوب ساعتين

لوكنت اعرف مين كان جابك
ويّا اصحابك بالملايين

ياخساره ولا كود ولا نمره
ولا سوّاق محتاج تامين

انت الخير والبركه ياتوك توك
وتقول لى مسنود على مين
,,,
,,,
اضطريت انى اسيب شغلى
واغنىّ لجناب التوك توك

دى خليّة تخريب ف بلدنا
وزعيمها وحبيبنا التوك توك

ياضنايا ياحنطور ياصغيّر
طول عمرى وانا احب التوك توك

نص حوادث مصر بحالها
من برّه جت ويّا التوك توك

اىّ حرامى بييجى بلدنا
يقولو لنا كان جاى ف توك توك

وان تاهت حاله واختطفت
واغتصبت تلاقيها ف توك توك

والنشـّال فى الزحمه بيسرق
فى ثوانى يتخبّا ف توك توك

فى صالونك ماقدرش انام
بنزينك فى قفايا ياتوك توك

ولا لازمك خوزه ولا حزام
ولا عندك طفـّايه ياتوك توك

ياواخدنا من الدار للنار
مخايلنا فى الضلمه ياتوك توك

سوّاقك ف رياض اطفال
وبيجرى فى الزحمه ياتوك توك

وسيادته مسنود بسيادته
وانامسنود على باب التوك توك

وح اغنـّي وتغنوّا معايا
ونقولوا فاليحيا التوك توك

توك توك هاى هاى

توك توك هاى هاى
توك توك هاى هاي
توك توك
توك توك
توك توك
[/مش هقول وانحر فى نفسى مانا طول العمر ساكت
مش هقول غير كلمه واحده ملعون اللى جاب التكاتك

الله عليك يانجم
محمد الشرقاوى