المساعد الشخصي الرقمي

مشاهدة النسخة كاملة : الحاج سلومه بيبنى حكومه


سعدالشرقاوى
14/06/2009, 16h36
(الحاج سلومه بيبنى حكومه)
http://www.imagehuge.com/out.php/t5397_D8B3D8B9D8AF2020D8A7D984D8B4D8B1D982D8A7D988 D98A1.jpg (http://www.imagehuge.com/show.php/5397_D8B3D8B9D8AF2020D8A7D984D8B4D8B1D982D8A7D988D 98A1.jpg.html)

مرّه انا قاعد تحت التوته
وانا بطلان والعضم مهدّد
جنبى سلومه معاه حدّوته
قول لامؤاخذه روحت ممدّد
,,,
بعد الشغل لقيتنى بعافيه
مانا هلكان فى الغيط صبّاحى
بقيت اسمع له وانا مش نايم
زىّ ماكون باحلم ونا صاحى
,,,
وفاجآه لقيتنى بعلو الحسّ
واقف انادى ياواد ياسلومه
عمّال ترغى من غير فايده
يالله انا وانت نبقوا حكومه
,,,
بص بدهشه عليّه وقال لى
وحيات رحمة ابوك تعافينى
قلت له يعنى تكسّر امرى
من اوّلها ياحبّة عينى؟
,,,
اصل انا لازم امسك ريّس
وانت وكيلى عشان تسندنى
تنسى ف لحظه العيش والملح
ومن اوّلها ياواد تعاندنى؟
,,,
انت ترشحّ احلى وزاره
وانا ح اختار اللى ح يعجبنى
وتملـّكنى الشعب بحاله
وروح فى نصيبه ساعتها وسيبنى
,,,
والله ماهم نافعين فى الشغله
بس ح نبقوا عزمنا عليهم
وان مسكولك قوى ع الذمّه
باىّ سبب تبقى تمشيّهم
,,,
وابن بهانه يكون ويّانا
ولو مش عايز يبقى وزير
هات له الزيرو التسعوميّه
ويلخمهم يعمل فوازير
,,,
وابن عطيّه يعالج ودنه
وان حكمت يعمل سمّاعه
يمكن اعوزه يغنىّ خصوصى
لسيادتى واعمل له ازاعه
,,,
عشان بطن الناس تعبانه
كلـّه يبطـّل يزرع غلـّه
ونزرع لب كتير وسودانى
وكل الناس تقعد تتسلـّه
,,,
امّا الزراعه عايزه وزير
واعى من الناس الجدعان
اوّل مرّه يروح الصحرا
يملـّكنى مليون فدّن
,,,
ويكون مخلص فاهم شغله
وشاطر ف كتابة البيانات
وعارف قيمة الارض ويقدر
يقتلها بحبّة مبيدات
,,,
وبدل الصحّه ماتعمل حمله
تحدّد نسل البنا ادمين
والتموين يستورد غلـّه
تموّت عزبه ف ظرف يومين
,,,
ولمّا الشعب يخفّ شويّه
يخف عليّه الحمل انا وانته
والدخل يكون مليون فى الميّه
امّال ح نعيش فى الفقر لامته
,,,
خللىّ بتوع الكوره قرايبك
وانزل العب لو طلبوك
واوعه تهوّب كاس العالم
لا بتوع البرازيل ياكلوك
,,,
لنقل البحر ولد متهوّر
جوّه الميّه مايعرف مينا
يقدر يهرب لمّا يعتـّق
فى الركـّاب والتـّعويض لينا
,,,
ونقل البرّ لازم يتطوّر
واللى يسير فى طريقه يسيبه
والمكتوب له العمر يعيش
واللىّ يموت ماهو برضه نصيبه
,,,
واللى يخاف عفريت يطلع له
واللى ف حظـّه كمين ح يجيبه
مش ح نقضـّى حياتنا تخلـّف
وعمر القطر ماينسى قضيبه
,,,
قال لى كفايا وبكره نكمّل
دا مهمّتنا ح تبقى تقيله
قلت له نام لك يالله شويّه
ح سيبك بس اجازه الليله
,,,
راح متـّاوب روحت مكوّع
وقلت دا كلـّه فعل مضارع
والزّاى بس النوم ح يجينى
ونص الشعب بايت فى الشارع
,,,
تلف الصّبح ضرورى عليهم
شوف طلباتهم عند سيادتىّ
ولمّا النص يقول متشكـّر
خللىّ الباقى يعوزوا سلامتى
,,,

د أنس البن
14/06/2009, 17h32
والله يا حاج سعد ما انا عارف ربنا ح يتوب علينا من الحاج سلومه ده إمتى
واخدنا مقاوله من أكتر من خمسين سنه , يروح سلومه يجى سلومه , وكله كوم وسلومه الأخرانى ده كوم , الخالق الناطق سلومه صاحبك , طبق الأصل , على رأى واحد صاحبنا بيحب يتكلم فصحى أحيانا كنوع من الفذلكه يعنى , كان يقول : "صوره تلكا الأصل" وكل حكوماتنا كذلك وبالذات الحكومه الإلكترونيه دى

Tarek Elemary
14/06/2009, 17h56
إمسك خلية
إلحقوا يا ناس ياللى مش معانا
راس الخلية راجل بكم واسع و الوكر تحت التوتة
*
*
ايه يا أبوكم وسيع و مفضفض
مالك فى الحكام بتعضعض
دول أسيادنا و تاج الراس
لايمها أحسنلك أو تتأرأض
***
حتى فى حلمك إحلم وطنى
زى بقية الحزب الوطنى
عشت يا حاكم باقى حياتك
سوط كرباجك بيشعوطنى



****
منك لله يا عم سعد
هاتودينى طوكر
و طوكر دى بلد فى السودان و انا لى فيها أصحاب

علاء طه ياسين
14/06/2009, 19h28
سعد .. سعد .. يحيا سعد ..
.....................
...........................
علاء

عفاف سليمان
14/06/2009, 23h46
بعد مساء الخير على جميع اهل ومواطنى سماعى الجميل
يا عم سعد يا جميل:emrose:
يا شاعر ارض النيل:)
كلامك يتقال فيه مواويل
تحت التوته
حكيت عن صبيه
جرينها بطرحتها والضفاير مستخبيه
قلتلها رايحه فين يا صبيه
قالت لك خُد بايدى انا مغَميه
نور لى طريقى ورجعنى
من الايدي العُصبجيه
قلت لها علشانك يا صبيه
تهون الدنيا عليه
ولا يوم تهونى
ولا عيش ساعه ولا ميه
الا لما تكونى فى دارك يا صبيه
لابسه شالك وضفايرك مستخبيه
ولعيونك يا صبيه
هلف القرى اللى حواليه
احكى لهم عن جمالك
وضفايرك الابيه
لا تبان على حد غيرى
الا لشمس تشع فيها نور
ونسيم الهوى يهفهف على خدودك
وانت نازله الترعه تملى الميه
لعيونك يا صبيه راح اتحدى كل الكون
واجيب لك شالك وطرحتك
وعلى شط الترعه جمب التوته
راح احكى قصتك
واغنى غنوتك
يا عم سعد يا جميل:emrose:
يا شاعر ارض النيل
يارب دائما تجود علينا بكل جميل
تحياتى لك وللجميع
اختكم عفاف:)

سعدالشرقاوى
14/06/2009, 23h51
والدى د/انس البن
سعدنا بمروركم الكريم
والذى اضاء صفحاتنا المتواضعه
وشاكرين ما اوليتمونا من وقت
ونحن تقدر اهميته
دمتم ودام مروركم
ولكم التحيه

سعدالشرقاوى
15/06/2009, 00h00
عمنا واستاذنا/طارق العمرى
المنوّر دايما ونفسه يزور صحابه
فى000000بلد جنب الخرطوم
فى اتجاه ام درمان انا كمان لي
قرايب هناك
ماعندكش فكره يا طارق بيه
الانسان البطلان بيتصورله
يصنع طياره بس لما يرتاح
والتعب يروح يلاقيه ماسك
الفاس بالعافيه

سعدالشرقاوى
15/06/2009, 00h05
الاخ الاستاذ/علاء طه ياسين
الحمد لله واللى عنده كلام يبقى يقوله فى المجلس العرفى
0000000000000000000000000000000000
انا ح اختار ياسين يحكم
000000000000000000000000000000000

سعدالشرقاوى
15/06/2009, 00h17
الاخت الاستاذه/عفاف سليمان
صاحبة اجمل حكايات (تحت التوته)
تحت التوته
حكيت عن صبيه
جرينها بطرحتها والضفاير مستخبيه
قلتلها رايحه فين يا صبيه
قالت لك خُد بايدى انا مغَميه
نور لى طريقى ورجعنى
من الايدي العُصبجيه
قلت لها علشانك يا صبيه
تهون الدنيا عليه
ولا يوم تهونى
ولا عيش ساعه ولا ميه
الا لما تكونى فى دارك يا صبيه
لابسه شالك وضفايرك مستخبيه
ولعيونك يا صبيه
هلف القرى اللى حواليه
احكى لهم عن جمالك
وضفايرك الابيه
لا تبان على حد غيرى
الا لشمس تشع فيها نور
ونسيم الهوى يهفهف على خدودك
وانت نازله الترعه تملى الميه
لعيونك يا صبيه راح اتحدى كل الكون
واجيب لك شالك وطرحتك
وعلى شط الترعه جمب التوته
راح احكى قصتك
واغنى غنوتك
يعنى تحرمينا من الكلمات
الجميله دى
عشان عامله لنا حساب وخايفه من النقاد
بتوعنه اللى مابيرحموش
صدقينى همّا حالفين لك ولو حتى كتبتى الاطلال
بعد اذن الشاعر ابراهيم ناجى لازم من التحبيشه
بتاعتهم الحلوه دى
لك عظيم الشكر ياستاذه على00وعلى00وعلى00

Tarek Elemary
15/06/2009, 06h43
بعد مساء الخير على جميع اهل ومواطنى سماعى الجميل

يا عم سعد يا جميل:emrose:
يا شاعر ارض النيل:)
كلامك يتقال فيه مواويل
تحت التوته
حكيت عن صبيه
جرينها بطرحتها والضفاير مستخبيه
قلتلها رايحه فين يا صبيه
قالت لك خُد بايدى انا مغَميه
نور لى طريقى ورجعنى
من الايدي العُصبجيه
قلت لها علشانك يا صبيه
تهون الدنيا عليه
ولا يوم تهونى
ولا عيش ساعه ولا ميه
الا لما تكونى فى دارك يا صبيه
لابسه شالك وضفايرك مستخبيه
ولعيونك يا صبيه
هلف القرى اللى حواليه
احكى لهم عن جمالك
وضفايرك الابيه
لا تبان على حد غيرى
الا لشمس تشع فيها نور
ونسيم الهوى يهفهف على خدودك
وانت نازله الترعه تملى الميه
لعيونك يا صبيه راح اتحدى كل الكون
واجيب لك شالك وطرحتك
وعلى شط الترعه جمب التوته
راح احكى قصتك
واغنى غنوتك
يا عم سعد يا جميل:emrose:
يا شاعر ارض النيل
يارب دائما تجود علينا بكل جميل
تحياتى لك وللجميع
اختكم عفاف:)

يا ست عفاف هانم
بالغيظة فى ابو كم واسع المشاركة دى محتاجة تنزل كعمل منفرد
و لو ركزتى فيها حبة صغننين و الله هاتبقى جميلة منك و تبقى بداية لسكة مدام عفاف
و تفتحى شارع فى المنتدى باسمك و الله مش مجاملة
و تحياتى

عفاف سليمان
15/06/2009, 10h05
يا ست عفاف هانم

بالغيظة فى ابو كم واسع المشاركة دى محتاجة تنزل كعمل منفرد
و لو ركزتى فيها حبة صغننين و الله هاتبقى جميلة منك و تبقى بداية لسكة مدام عفاف
و تفتحى شارع فى المنتدى باسمك و الله مش مجاملة
و تحياتى
يعنى انتم شايفين كده:)
عم سعد الشرقاوى:emrose:
شاعرنا طارق:emrose:
يعنى اكتبها منفرده واكلمها ولاااااااااااااااااااااااا
هتعملوا اللى عملتوه فيه قبل كده:mdr:
ههههههههههههههههه
تحياتى واكيد هحاول انسقها واكملها
واتمنى ان تعجبكم
تحياتى للجميع
اختكم عفاف

عيون المها
15/06/2009, 15h54
http://www.l5s.net/upgif/HFL77350.gif

شاعر الأصالة و الأرض الطيبة

http://www.l5s.net/upgif/yEv77351.gif ((( سعد الشرقاوي ))) http://www.l5s.net/upgif/yEv77351.gif



أولاً مبروك عليك المواطنة
فهو لقب غالي علينا جميعاً
و حضرتك تستحقه عن جدارة
و بإذن الله تتمتع بمزاياها بدولة سماعي


ثانياً و باختصـار شديد يا حاج سعد
أنت مختلف
و ألمح كلماتك تقوم بثورة التميز


أجبرتني أن أقف بين سطورك لأتأمل محتواها
جذبتني المعاني التي ترتدي ثوب السخرية من أولي الأمر


استطعت أن تجمع مساوئ حكامنا في آنية واحدة
تناولت عيوب الحُكم و الحُكام بشكل رائع
استمتعت جداً بالتشكيل الوزاري الجديد
و أهدافه التي لا تختلف كثيراً عن التشكيلات السابقة و الحالية
( سلومه ) و ( ابن بهانة ) و ( ابن عطية )

موجودين من فترات طويلة و نسأل الله أن يخلصنا منهم قريباً
الصحة و الزراعة و النقل البري و البحري
و حتى الكورة و الاتصالات و الفوازير
تناولتهم جميعاً بشكل رائع


أصبحنا ننتظر حكايات التوتة و ما تحتويه
بتناول ما يجرى لنا بفعل السلطة
و القوانين التي تطبق على الضعفاء فقط


رائعة يا حاج سعد و منتظرين باقي الحكايات


http://www.l5s.net/upjpg/JyH77351.jpg



لك كل تحياتي

Tarek Elemary
15/06/2009, 18h25
الاخت الاستاذه/عفاف سليمان

صاحبة اجمل حكايات (تحت التوته)
تحت التوته
حكيت عن صبيه
جرينها بطرحتها والضفاير مستخبيه
قلتلها رايحه فين يا صبيه
قالت لك خُد بايدى انا مغَميه
نور لى طريقى ورجعنى
من الايدي العُصبجيه
قلت لها علشانك يا صبيه
تهون الدنيا عليه
ولا يوم تهونى
ولا عيش ساعه ولا ميه
الا لما تكونى فى دارك يا صبيه
لابسه شالك وضفايرك مستخبيه
ولعيونك يا صبيه
هلف القرى اللى حواليه
احكى لهم عن جمالك
وضفايرك الابيه
لا تبان على حد غيرى
الا لشمس تشع فيها نور
ونسيم الهوى يهفهف على خدودك
وانت نازله الترعه تملى الميه
لعيونك يا صبيه راح اتحدى كل الكون
واجيب لك شالك وطرحتك
وعلى شط الترعه جمب التوته
راح احكى قصتك
واغنى غنوتك
يعنى تحرمينا من الكلمات
الجميله دى
عشان عامله لنا حساب وخايفه من النقاد
بتوعنه اللى مابيرحموش
صدقينى همّا حالفين لك ولو حتى كتبتى الاطلال
بعد اذن الشاعر ابراهيم ناجى لازم من التحبيشه
بتاعتهم الحلوه دى

لك عظيم الشكر ياستاذه على00وعلى00وعلى00




شعللها شعللها
ولعها ولعها
هى دي بداية المواطنة؟
يا مواطن؟

عفاف سليمان
15/06/2009, 20h49
استاذنا وشاعرنا طارق:emrose:
يعنى مفيش شجعها شجعها:crazy:
وبعدين يا سيدى هروح منكم فين ولا من النقد البناء:o
تحياتى لكم جميعا:)
والى لقاء جديد
اختكم عفاف

Tarek Elemary
15/06/2009, 21h35
استاذنا وشاعرنا طارق:emrose:

يعنى مفيش شجعها شجعها:crazy:
وبعدين يا سيدى هروح منكم فين ولا من النقد البناء:o
تحياتى لكم جميعا:)
والى لقاء جديد
اختكم عفاف



مدام عفاف
الراجل بيقول حالفينلك و لو حتى كتبتى الأطلال
يبقى مش بيشجع
ده أحسن واحد يعمل مقالب دمها خفيف
مثله و مقبول منه أى شيء
انا بس بشاكسه

سعدالشرقاوى
16/06/2009, 06h49
استاذى/طارق العمرى
صباح الخيرات والبركات
انا كان قصدى ان الاخت عفاف
تنتهز الفرصه والمثلث بتاعكم ناقص ضلع
وعلى ما الحاجه ناهد تعمّر النت
وانت تروح مشوار
تكون كتبت لها كام قصيده
بس الظاهر لكم عيون خفيه
ومافيش فايده

Tarek Elemary
16/06/2009, 06h52
استاذى/طارق العمرى

صباح الخيرات والبركات
انا كان قصدى ان الاخت عفاف
تنتهز الفرصه والمثلث بتاعكم ناقص ضلع
وعلى ما الحاجه ناهد تعمّر النت
وانت تروح مشوار
تكون كتبت لها كام قصيده
بس الظاهر لكم عيون خفيه

ومافيش فايده


عم سعد
بيقولوا العاشق ينقط بطاقيته
و اللى يصبر ينول
لو كده يبقى عندها من بعد الواحدة صباحا حتى الثامنة صباحا
اضمنلك إن المثلث يكون من غير أضلاع خالص
و صباحك دريم (قصدى أحلام)