تسجيل الدخول

مشاهدة النسخة كاملة : غلطة آخرتها انتحار

علاء طه ياسين
09/06/2009, 13h32
باختصار انت بايعنى
باختصار قلبك خدعنى
حبى ليك كان بس يعنى
غلطة آخرتها انتحار

آآآه ياريت قلبي طاوعنى
لما قولت ابعد منعنى
كنت عايزه ابعد واسيبك
بس كان صعب القرار

جايّْ تقول حبه حروف
جايّْ بتقوللي الظروف
وانا وسط جراح وخوف
صاحية نايمة ليل نهار

يعنى ايه كان غصب عنك
انى اشوف بايديك ومنك
جرح غطي الكون بحاله
جرح مضفور بالمرار

كنت ليه عمال بتوعد
وانت ناوي تروح وتبعد
قولت حبك احلى جنه
بس كان احزان ونار


مستحيل أرجع ... كفاية
إنت قلبك مش معايا
انتهت أجمل حكاية
وانا مش عاوزة اعتذار

علاء
Tarek Elemary
09/06/2009, 15h45
الغالى علاء يس
تمسك بتلابيب موسيقاك بتحكم و تمكن
و يتجلى يوما بعد يوم طعمك الخاص
و طابعك المميز
و بصمتك الشعرية
لفظا
و جرسا
و موسيقى
و مفردات

كنت فقط أود بجانب تميزك فى هذا اللون أن تطرق به آفاقا جديدة تضاف لنجاحك هنا الذى لا شك فيه و لا ينكره إلا جاحد
بالمناسبة قرأت الفصحى التى شاركت بها
ليس بها طعم و نكهة علاء يس لم أتعرض للعمل بشئ من النقد
و لكن من القراءة المبدأية المتعجلة لم أشم رائحتك فيه
كل التقدم و الإزدهار
و تحياتى
علاء طه ياسين
09/06/2009, 16h43
أخويا الكبير / طارق العمري
الله يخليك .. وميحرنيش أبدا من تعليقاتك علي مواضيعي .. اللي فيها دايما النقد الموضوعي البناء .. واللي دايما بأحاول أمشي علي خطاه ..
وبجد مش عارف أعمل ايه وياك .. قولت لك كتير الشكر قليل عليك .. بس مش حيلتي غيره ..
بالنسبة لقصيدة الفصحي أنا قولت تجربة .. بس تجربة فاشلة :mdr: .. وانا أثق دايما في حكمك ..
بالنسبة للأفاق الجديدة ..والله باحاول أطرق آفاق جديدة بس تلاقيني بأرجع .. هاحاول تاني وتاني وتالت .. ويارب أكون دايما عند حسن ظنك فيا ..
علي فكرة الأخ الكبير في الصعيد له مقام كبير جدا عند أفراد أسرته .. وانت فعلا ليك المكانة الكبيرة دي عندي ..
أشكرك جدا جدا
الأخ الأصغر
علاء ياسين
Tarek Elemary
09/06/2009, 17h16
حبيبى علاء و لك عندى أكثر مما لى عندك
و الله يعلم
بس أنا لم اقل أنها تجربة فاشلة خالص و لا هذا إنطباعى
لكن ليست نكهة علاء يس و لا تمكنه
لكن قصدى كان تحتاج لمحاولات كثيرة
و ثروة لغوية أكبر
لأن مخزونك العامى سمح لك بالتفوق هنا
أما الفصحى فقط تحتاج منك الثروة ثم الإحساس بالكلمة
و معناها الدقيق حتى لا تضطر لإستخدام كلمة لمجرد القافية
فتأتى مجافية و مقحمة على ما قبلها و بعدها فيضيع المعنى
أضف لهذا التحكم فى موسيقى العامية أسهل كثيرا من الفصحى
رغم صعوبة التميز بالعامية لأنها دارجة و كل الناس تلوكها يوميا فلابد ان تكتب ما يستحسنه الناس و لا يقدرون على الإتيان به و هذا هو التميز
تحياتى و إعجابى لا ينقطعان
سعدالشرقاوى
09/06/2009, 19h32
اخى الاستاذ/علاء طه
بصراحه شعر فيه
طعم ولون وريحه
آآآه ياريت قلبي طاوعنى
لما قولت ابعد منعنى
كنت عايزه ابعد واسيبك
بس كان صعب القرار
تجليات متدفقه
وعطاء يشبه نهر النيل
وعينى عليك بارده:crazy:
علاء طه ياسين
10/06/2009, 10h51
أبو محمد يا شرقاوي
فيك تواضع الأدباء الكبار ..د انا اللي قطرة ف بحر تجلياتك ياحاج سعد .. ربنا يخلينا لبعض ..
علي فكرة ..
محمد المراغي وحشني جدا .. مش شايفه خالص يا حاج سعد .. عاوزين نعرف فيه ايه .. ويارب يكون المانع خير ..
لو عندك خبر عنه قوللي ..
علاء
عفاف سليمان
10/06/2009, 11h22
اخى الاستاذ علاء:emrose:
بعد مساء الخير عليك وعلى اهل سيماعى الطيبين
لقد شاهدت ما كتبت
وردود الاصدقاء الشعراء عليك
ولا ازيد عن كلماتهم الجميله فى ردودهم عليك
سلمت يداك اخى
ففعلا كما قالوا;)
شعرك فيه موسيقى وحرفيه جميله
والفاظا رنانه
سعدت بكلماتك الجميله واتمنى ان ارى لك مزيدا من الابداع
مع تغيير نظرة الحزن التى كتبت بها هذه الكلمات
بكلماتٍ متوهجه بالفرحه والحب والصفاء
واعلم ان الشعر انواع ومنوع:crazy:
منه الامل والشقاء والحب والوفاء
وكثير كثير
تحياتى لك وللجميع
اختكم عفاف:)
علاء طه ياسين
10/06/2009, 13h45
الأخت المملوءة بالأمل / عفاف :emrose:
تعليق ولا أروع ..
.......................................
بأصبح عليكي بكل اللغات
صباح الهنا والتبات والنبات
واحب ف عينيكي كلام الحنين
وأحب ف شفايفك حنين السـكات
وفات كام سنة ع الرحيل والبعاد
وفيه بينا مهما ح نبعد ميعاد
ولو كنتي حتي ف آخر البلاد
هاجيلك واقابلك يا ست البنات
..................................
علاء
سعدالشرقاوى
13/06/2009, 09h03
اخى الاستاذ/علاءطه
سلام الله عليكم ورحمته وبركاته
دخلت لك من هذه الصفحه
حيث هيى الوحيده المتاحه
حيث اكثر من 100محاوله لفتح
قصائدك (حبيبتى)(معايا بنت ب100مليون)
ولم اتمكن من فتحها
وايضا موضوع الاخ السلامونى
ورساله خاصه من الدكتور انس
ولا اعرف السر فى ذلك
كلما وضعت سن الفاره على الموضوع
اخرجنى من النت عمومى
معزرة اخى علاء
علاء طه ياسين
13/06/2009, 10h01
أخي وحبيبي والقريب إلي قلبي / سعد الشرقاوي
ولا يهمك
انا عارف شعورك
بس نفسي النت عندك يتصلح علشان وحشتني مداخلاتك الحلوة
شوف الجهاز يمكن عليه فيروس
او عيد تسطيب الويندوز تاني
علي الله تظبط معاك
علاء