زيارة السير أوباما [الأرشيف] - منتدى سماعي للطرب العربي الأصيل

Tarek Elemary

06/06/2009, 14h39

أهــو جالنا السير أوباما

حــل أهلا مــــــية و سهلا

فاتنا مع ألفين ســـــــــلامة

ناس تقولك نقــــــطة فارقة

و ناس تقـــــــولك دى علامة

و ناس بتحكى عن رشاقة خطوته

و ناس تقولك إنتو ليه قايمين قيامة

أيه اللى ضافو بابتسامته و رقته

الطريق أبو خارطة آخرتها ندامة

الوسيم الحلو لاسمر جعبته

ما فيهاش خلاص لينا كرامة

يا عرب

يا ميت خسارة ع الأمل

يا أمل

يا حلم عمره ما إكتمل

يا أمل

يا أبو خيبة راكبة ع الجمل

يا أمل

يا أبو صبر مر ما يحتمل

يا أمل

مافيش أمل من غير عمل

بايديك وبس يكون مصيرك

إوعى يوم ترميه لغيرك

مهما حبك أو تظاهر

أو مدح فى حسن سيرك

همُّه مصلحته و خلاص

و إنت إصرخ مين يجيرك؟

Tarek Elemary

06/06/2009, 14h58

الحليوة الأسمرانى
الرشيق المعجبانى
تانى جانى بالأمانى
و الكلام البرتقانى
دوب القلب بكلامه
و إحترامه
و السيناريو الأمريكانى
هوه هوه
العسل و السم جوه
و النوبادى مش بقوة
و لا عضلات الفتوة
بابتسامة أفريكانى

الكلام ببلاش يا مستر
زى سلفك بيل و كارتر
عشنا وهم
و دقنا هم
فى زمن حكامنا الأغبر
اللى بيسامحوا فى ثوانى

سيبك إنت من القضية
شفت هيلارى المستحية
شفت باراك و التحية
و اللباقة المية مية
و الرشاقة
و الأناقة
الأمريكانى
فى الحليوة الأسمرانى

علاء طه ياسين

06/06/2009, 15h11

رائد عبد السلام

06/06/2009, 15h37

و السيناريو الأمريكانى

هوه هوه

العسل و السم جوه

و النوبادى مش بقوة

و لا عضلات الفتوة

بابتسامة أفريكانى

الكلام ببلاش يا مستر

زى سلفك بيل و كارتر

عشنا وهم

و دقنا هم

فى زمن حكامنا الأغبر

اللى بيسامحوا فى ثوانى

سيبك إنت من القضية

شفت هيلارى المستحية

شفت باراك و التحية

و اللباقة المية مية

و الرشاقة

و الأناقة

الأمريكانى

فى الحليوة الأسمرانى

شفت إن احنا الغلابة
بين سنان كل الديابة

لمّا جه ...نوّر مكاننا
خطوته ...شنـّـة و رنـّة

واحنا لسه ف إيدنا حنـّة
ودعوتين ...مالهم إجابة
http://www.sama3y.net/forum/attachment.php?attachmentid=151333&stc=1&d=1244302425

********

إيه الجمال ده ياشاعر ياجميل
تسلم إيدك ياطارق

جاي في مشوار جوانتنامو..؟؟:mdr:

سعدالشرقاوى

06/06/2009, 17h19

استاذى/طارق العمرى
اسمح لى ان اضيف الى هذا الابداع
الجميل شيئا مما يجول بالكم الواسع

جه اوباما
جه اوباما00000جه اوباما
جاب معاه ريش الحمامه
رمزالسلام كان ناقصه حاجه
يالزّتونه 000يالحمامه
جه اوباما0000جه اوباما
,,,,,
جه يعدّل فى المثل
ومعاه مخدّه للكسل
والسّم فيه طعم العسل
ولسّه ياما نشوف ويامه
جه اوباما 0000جه اوباما
,,,,,
جه يجدّد فى العذاب
بعد فكر النّاس ماغاب
وخد معاه قلب الشباب
والهمّ يطوال عمره يامه
جه اوباما0000جه او باما
,,,,,
ياموحدين من فضلكم
ياريت تفوقوا لعقلكم
بجرس يوحّد صفّكم
فى الاعتماد على نفسكم
والكوره لسّه ف ارضكم
ولو الزّمان فى رآيكم
بينسّى فرح وحزن يامه
يبقى اهلا00يبقى سهلا
يبقى اهلا00بيك اوباما

د أنس البن

06/06/2009, 18h34

Tarek Elemary

06/06/2009, 22h53

شفت إن احنا الغلابة

بين سنان كل الديابة

لمّا جه ...نوّر مكاننا
خطوته ...شنـّـة و رنـّة

واحنا لسه ف إيدنا حنـّة
ودعوتين ...مالهم إجابة
http://www.sama3y.net/forum/attachment.php?attachmentid=151333&stc=1&d=1244302425

********

إيه الجمال ده ياشاعر ياجميل
تسلم إيدك ياطارق

جاي في مشوار جوانتنامو..؟؟:mdr:

أن تزور صفحة حبيبك هوه ده كل الشرف
أن تترك توقيعك فيها فياله من كرم
أن تثيرك كلمة مما كتبت فتنبت زهرا و عطرا فما أغدقته علي ماله من وصف
أحمله لك جميل و طوق حول العنق
و أحب ما يزرفه قلمك من دمع و ما يرسمه من فرح وما ينثره من أمل
دمت لى

Tarek Elemary

06/06/2009, 22h58

شوف

يا عم طارق
يا سى رائد
يا حاج سعد
يا أستاذ علاء
::::
رغم صحة كل كلمه كتبتها
والحقيقه المره لما كشفتها
دا صحيح وكلام حسن
الخيال والوهم عشش
فى العقول من جهلها
والتواكل باض
وفرخ من زمن
دا صحيح وكلام حسن
فى انتظار جودو
هناك فى غربها
واحنا فى المشرق
بنستنى الشاطر حسن
دا صحيح وكلام حسن
(أنا قصدى بس عا الكلام)
(إنما اللى فى الكلام هم وحَزَنّ)
إنما
يبقى الأمل
هو الأمل
لن يكون غير الأمل
مهما طال بينا الزمن

عمنا و أسوتنا الحسنة و القنديل الجميل
العمق المتجسد فى شخص رزين
النبراس و المشكاة و الكوكب الدرىّْ
ما تفعله بنا و معنا ليس له أجر عندنا
جزاك الله عنا خيرا
و الله تحل البركة حيث حللت
و تنبت الفطنة من كل
أرض وطئتها
قدمك

ما أروعك

Tarek Elemary

06/06/2009, 23h07

الأخ الأكبر / طارق العمري

انت الأستاذ .. يعني أكتب أقول ايه ..رائع .. رائع .. رائع .. الله عليك ..
أستاذُ طارق أنت خير معلمٍ
طرق الكلام بحسنهِ والقيلا
إن الوفاء الحلو خيرُ سجيّةٍ
لا نرتضي غير الوفاء بديلا
دمت ودام قلمك النابض .................

علاء

أبو العلاء تحيتى و سلامى
و محبتى فى سائر الأيامِ
أفتقد لفظا قد يليق بشخصكم
فتحطمت خجلاً حروف كلامى

شكراً علاء

Tarek Elemary

06/06/2009, 23h19

استاذى/طارق العمرى

اسمح لى ان اضيف الى هذا الابداع
الجميل شيئا مما يجول بالكم الواسع

جه اوباما
جه اوباما....جه اوباما
جاب معاه ريش الحمامه
رمزالسلام كان ناقصه حاجه
يالزّتونه ...يالحمامه
جه اوباما....جه اوباما
,,,,,
جه يعدّل فى المثل
ومعاه مخدّه للكسل
والسّم فيه طعم العسل
ولسّه ياما نشوف ويامه
جه اوباما ....جه اوباما
,,,,,
جه يجدّد فى العذاب
بعد فكر النّاس ماغاب
وخد معاه قلب الشباب
والهمّ يطوال عمره يامه
جه اوباما....جه او باما
,,,,,
ياموحدين من فضلكم
ياريت تفوقوا لعقلكم
بجرس يوحّد صفّكم
فى الاعتماد على نفسكم
والكوره لسّه ف ارضكم
ولو الزّمان فى رآيكم
بينسّى فرح وحزن يامه
يبقى اهلا..يبقى سهلا

يبقى اهلا..بيك اوباما

صول وجول و إكتب و قول
وإملا القهاوى بنغمة الأرغول
علم الناس اللى غافلة من زمن
أصل القضية المسرحية بالأصول

صحصح ضمير الناس
ونوَّر العقول

شكرا يا عم سعد

abuzahda

06/06/2009, 23h36

الحليوة الأسمرانى
الرشيق المعجبانى
تانى جانى بالأمانى
و الكلام البرتقانى
دوب القلب بكلامه
و إحترامه
و السيناريو الأمريكانى
هوه هوه
العسل و السم جوه
و النوبادى مش بقوة
و لا عضلات الفتوة
بابتسامة أفريكانى
الكلام ببلاش يا مستر
زى سلفك بيل و كارتر

أخي الشاعِر الجميل
:emrose:طارق العمري:emrose:

و انا بقراها ، إفتكرت :

فاليري جيسكار ديستان
و الست بتاعته ، كمان

قدرتك على الكتابة بهذه الطزاجة ، لدرجة الردود على المشاركات شِعراً

بتشاور على مخزون ثقافي و موّقفي ، يثير الإعجاب و يستحوذ على الإحترام

و أتذكَّر مقوله للملك الحسن ، رحمه الله - و كان جلالته دارساً للقانون :
من تعلم القانون فقد تعلم كل شيء

لكني ، عندما أتابعك ، أكتشف أن :

من يريد الشِعرَ ، فليقرأ كل شيء

و عندما يكون الشاعر ، إنساناً جميلا
حتماً
هيكون

:emrose:شاعِر جميل:emrose:

Tarek Elemary

06/06/2009, 23h46

أخي الشاعِر الجميل
:emrose:طارق العمري:emrose:

و انا بقراها ، إفتكرت :

فاليري جيسكار ديستان
و الست بتاعته ، كمان

قدرتك على الكتابة بهذه الطزاجة ، لدرجة الردود على المشاركات شِعراً

بتشاور على مخزون ثقافي و موّقفي ، يثير الإعجاب و يستحوذ على الإحترام

و أتذكَّر مقوله للملك الحسن ، رحمه الله - و كان جلالته دارساً للقانون :
من تعلم القانون فقد تعلم كل شيء

لكني ، عندما أتابعك ، أكتشف أن :

من يريد الشِعرَ ، فليقرأ كل شيء

و عندما يكون الشاعر ، إنساناً جميلا
حتماً
هيكون

:emrose:شاعِر جميل:emrose:

طب و الله العظيم أنا قدامك باتلخبط
و أخاف من الكتابة هنا لأن عينك ستقع عليها
و أشعركأنك سترانى عاريا بلا سترة
أخاف منك و عمى كمال
إجلالا و رهبة التقدير لكما

ترفع قدرى بأخى
فلا تحرمنى منها و يساعدنى الله على الجدارة بها

أنا فين من الفطاحل دول يا سيدى
أنا قارئ لكل شئ فعلا بلا تخصص
ولا تنسى علاقة المحاسبة بالشعر
فما بالك محاسبة ثم إدارة أعمال معاً

مرورك يعطى الصفحة ثقل و قيمة و بهاء
و روعة

لا حرمنى الله منك
آمين

عفاف سليمان

07/06/2009, 08h37

شاعرنا الثائر الوطنى الومانسى الحساس
طارق:emrose:
كلماتك منظومه جميله
قيلت عن شخص لاهلهِ هو ذات قيمه:mad:
ولكن لنا يعلم الله لا نريد منه ولا من اهله
اى تعاون بلا قيمه
سمٌ مغلف بالشيكولاته
ويقولك خد دا فيه الغذاء والقيمه
ويارب استر علينا
من لقاءه اللى عامله له مية قيمه:chut:
وسعدت بما كتبت لان ما كتبت هو الذى
له قيمه:)
تحياتى لك دوما شاعرنا
الثائر الومانسى الوطنى
وتحيه لجميع اهل ومواطنى سماعى الجميل
اختكم عفاف

Tarek Elemary

07/06/2009, 08h59

مستر أوباما كان صريح

كان مُفَوَّه كان فصيح

رمز للأمة الفتيَّة

لإنتخاب حر بصحيح

معجبين؟ .... آه معجبين

من بدايـــــــــــــــة الحملة

ل ... حلف اليمـــــــــــين

حاجة تفرح ... حاجة تشرح

مجـــحفـــين لو منكــــــــرين

نبكى على حالــــنا نعم

ليه بقينا إحـــــنا الخَدَمْ؟

و السؤال بيجـيب سؤال

و الجواب ينـــــــــزف ألم
:emrose:

ليه نكون إحنا الضحية

الرعاة قبــــــل الرعية

عاشوا فيــلم أمريكانى

و النتـــــــــيجة هىَّ هيَّ
:emrose:

كان خطابه جوه جامــــعة

و الضيوف و الخلق سامعة

الحقيـــقة الـــواد حلـــيوة

مْ الـــفَـرح هاتْفِرْ دمـــعة

و إحنا يا ألفين مراحب

بالحليوة أغلى صاحب

الوداع يا حلم أمة

تحت رجلين المواكب
:emrose:

يا شعوبنا يا غلابة

سَقَّفوا لسِحر الديابة

الأسد صاد الضحية

فين يروح خروف فى غابة؟
:emrose:

كلمتين بالعربى قالهم

فكَّروه بالحب جالهم

و الحقوق التاريخية

مش لَحَسْهُم ...

لأ دا كَلْهُم

Tarek Elemary

07/06/2009, 09h06

شاعرنا الثائر الوطنى الومانسى الحساس

طارق:emrose:
كلماتك منظومه جميله
قيلت عن شخص لاهلهِ هو ذات قيمه:mad:
ولكن لنا يعلم الله لا نريد منه ولا من اهله
اى تعاون بلا قيمه
سمٌ مغلف بالشيكولاته
ويقولك خد دا فيه الغذاء والقيمه
ويارب استر علينا
من لقاءه اللى عامله له مية قيمه:chut:
وسعدت بما كتبت لان ما كتبت هو الذى
له قيمه:)
تحياتى لك دوما شاعرنا
الثائر الومانسى الوطنى
وتحيه لجميع اهل ومواطنى سماعى الجميل
اختكم عفاف

تظلين الزهرة التى تزين صفحتى
فلا حرمنى الله من إطلالتك
تحياتى

NAHID 76

07/06/2009, 20h15

بسم الله الرحمن الرحيم
الشاعر الثائر طارق العمرى
السير أوباما الأسمرانى
هو ده العمل الطازه الى أشار اليه الاستاذ رائد عبد السلام
كلماتك فى غايه التعبير عن ما بداخلنا
وردود حضرتك
بالشعر على المشاركين رائعه وأجمل
نغبطك على سرعه استجابتك للحدث بهذا العمل المتقن
تحياتى

سعدالشرقاوى

07/06/2009, 20h26

استاذى/طارق
يامهندس الصـــوت انا مبسوط م المكنه
العجنه يدوى لكن مخـــــــبوزه ع المكنه
يقولها طـــــارق يكون كله سمع وسكوت
وان خروش الصوت ح يبقى العيب م المكنه

الكلام ده هوّ خلاصة السبع حبوب
تسلم ايدك ويسلم فمّك
يقال فى لغتنا
(جاب الحبل من عند الوتد)

abuzahda

08/06/2009, 00h08

استاذى/طارق

يامهندس الصـــوت انا مبسوط من المكنه
العجنه يدوي لكن مخـــــــبوزه ع المكنه
يقولها طـــــارق يكون كله سمع وسكوت
وان خرْوِش الصوت ح يبقى العيب من المكنه

(جاب الحبل من عند الوتد)

:emrose:عمّي سعد:emrose:

ألاقيش عندك قلم كوبيا زيادة ؟

مادام سِرُّه باتع كده ؟

يحيى زكي

08/06/2009, 10h07

[QUOTE=Tarek Elemary;327424]مستر أوباما كان صريح

كان مُفَوَّه كان فصيح

رمز للأمة الفتيَّة

لإنتخاب حر بصحيح

معجبين؟ .... آه معجبين

من بدايـــــــــــــــة الحملة

ل ... حلف اليمـــــــــــين

حاجة تفرح ... حاجة تشرح

مجـــحفـــين لو منكــــــــرين

نبكى على حالــــنا نعم

ليه بقينا إحـــــنا الخَدَمْ؟

و السؤال بيجـيب سؤال

و الجواب ينـــــــــزف ألم
:emrose:

ليه نكون إحنا الضحية

الرعاة قبــــــل الرعية

عاشوا فيــلم أمريكانى

و النتـــــــــيجة هىَّ هيَّ
:emrose:

كان خطابه جوه جامــــعة

و الضيوف و الخلق سامعة

الحقيـــقة الـــواد حلـــيوة

مْ الـــفَـرح هاتْفِرْ دمـــعة

و إحنا يا ألفين مراحب

بالحليوة أغلى صاحب

الوداع يا حلم أمة

تحت رجلين المواكب
:emrose:

يا شعوبنا يا غلابة

سَقَّفوا لسِحر الديابة

الأسد صاد الضحية

فين يروح خروف فى غابة؟
:emrose:

كلمتين بالعربى قالهم

فكَّروه بالحب جالهم

و الحقوق التاريخية

مش لَحَسْهُم ...

لأ دا كَلْهُم
------------------------------------------
مدد ياسيدي العمري
حنانيك يا الطارق
مش كفاية الوجع البلدي بتاع الغفراء......وكمان جايبين لنا وجع الكاوبوي كمان.
حنانيكم انت والزعيم سيد

لناالله

Tarek Elemary

08/06/2009, 12h43

[QUOTE]
مدد ياسيدي العمري
حنانيك يا الطارق
مش كفاية الوجع البلدي بتاع الغفراء......وكمان جايبين لنا وجع الكاوبوي كمان.
حنانيكم انت والزعيم سيد

لناالله

سيدى الكريم ده من ذوق حضرتك
بس هانقول أيه ... زى الإعلان ده شىء لزوم الشئ
حاجة على ما قُسم كده
يا رب تنول الرضا
و بعدين ما ينفع أنا أتجمع على سيد الكلام
هل ممكن جمع القصدير على الماس أو الذهب؟
حرام عليك يا عم يحى

تحياتى

ممدوح

09/06/2009, 19h57

يا ميت خسارة ع الأمل

بس أنا لسه برضه عندي أمل

على الأقل الأمل في مبدعينا
والأمل فيكم يا حملة لواء الكلمة والفن الرفيع

دمت مكللا بالجمال يا أستاذ طارق يا جميل

Tarek Elemary

10/06/2009, 11h51

بس أنا لسه برضه عندي أمل

على الأقل الأمل في مبدعينا
والأمل فيكم يا حملة لواء الكلمة والفن الرفيع

دمت مكللا بالجمال يا أستاذ طارق يا جميل

لو كان هناك أمل و -لا شك عندى فى هذا-
يكون بلا شك فى ممدوح و يا رب يكون هناك
فى كل جيل من اجيالكم ألف ممدوح فقط
مثقف واعٍ و مستنير
و مبشر بأمل فى
غدٍ مشرق
و جميل