المساعد الشخصي الرقمي

مشاهدة النسخة كاملة : ايه تنتظر !!! ؟

محمد المراغى
03/06/2009, 08h48
ايه تنتظر ؟!!
لو شئ عزيز ... راح واندثر
لو يوم خانوك ... كل البشر
لو الوجوه اتبدلت ..
لو القلوب صبحت .. حجر
ايه اللى ممكن تنتظر
زهر جبل
مادقش يوم ... طعم المطر
ايه تنتظر
لحن جميل من عود قديم
مقطوعه فيه كل ... الوتر
ايه تنتظر
غير الجراح ... غير الدموع
غير الالم
غير قلب عاشق ... وانكسر
سعدالشرقاوى
03/06/2009, 09h25
ت و ء م ا ل ر و ح /محمد المراغى
سؤال مهم
لو شئ عزيز ... راح واندثر
لو يوم خانوك ... كل البشر
لو الوجوه اتبدلت ..
لو القلوب صبحت .. حجر
ايه اللى ممكن تنتظر
بس صعبه شويه
لو يوم خانوك كل البشر
الا اذا كان المقصود ان اللى خان
كان يساوى كل البشر
حلوه00
وسهل انها تكتمل000
انت فاهم الباقى
كمّل000
الله ينوّر عليك
محمد المراغى
03/06/2009, 10h15
بس صعبه شويه
لو يوم خانوك كل البشر
الا اذا كان المقصود ان اللى خان
كان يساوى كل البشر
حلوه00


الله عليك يا سعد باشا يا كبير
هو والله قصدى
قد يكون الانسان شخص واحد من العالم
وقد يكون العالم كله لشخص يحبه مش كده
يسلم مرورك الكريم
وبصيرتك المضيئه
علاء طه ياسين
03/06/2009, 11h04
حبيب قلبي محمد المراغي ..
لا تنتظر شيئا .. ففاقد الشيء لا يعطيه .. وكما يوجد الكره .. يوجد الحب والعطاء .. قول بكل تعالي وكبرياء ..
كان هواكْ ..
جوه قلبي ملهش وصف ..
وابتسامتكْ ..
كات بتخطف قلبي خطف ..
بس إسمك ..
فيه خيانه ف كل حرف ..
واعترفلك ..
لما قلبي فجأة حَبَّكْ ..
كان ف لحظة شوق وضعف ..


علاء
محمد المراغى
03/06/2009, 13h37
كان هواكْ ..
جوه قلبي ملهش وصف ..
وابتسامتكْ ..
كانت بتخطف قلبي خطف ..
بس إسمك ..
فيه خيانه ف كل حرف ..
واعترفلك ..
لما قلبي فجأة حَبَّكْ ..
كان ف لحظة شوق وضعف ..


علاء


الله يا عم علاء خد دى كمان
واعترفلك
ان حبك اتحزف من قلبى حزف
وان ايامى اللى فاتت
مستحيل ترجع لخلف
واللى بنا نبع جارى
كان
ولكن
نبعى ... جف
بعد ما عرفتك
كشفتك
والمريض من وهمه خف
علاء طه ياسين
03/06/2009, 14h06
بجد بجد يا محمد يا صاحبي ..
الله عليك إنت .. وعلي روعة التكملة ..
وبص بقا ..
متجيبش لقلبي سيرة
عن حب وعن حنان
كفاياه القلب حيرة
وكفاية كان وكان
الأحزان الكتيرة
خلتني أكره زمان
علاء
NAHID 76
03/06/2009, 14h36
بسم الله الرحمن الرحيم
أستاذ محمد المراغى
بالنسبه لأيه تنتظر
طبعا بعد وصفك للحياه بهذا الشكل
مش حنتظر حاجه
حقول عوضى على الله فى المجتمع كله وفى الناس والحياه مش حيكون لها لا طعم ولا لون ولا مزاق
أما عن تحاوركما وردكما بهذه السرعه مع علاء ياسين
مستغربه ومندهشه أكل هذا فطره
ما أروعكما وأجملكما
تحياتى
محمد المراغى
03/06/2009, 14h49
..
وبص بقا ..
متجيبش لقلبي سيرة
عن حب وعن حنان
كفاياه القلب حيرة
وكفاية كان وكان
الأحزان الكتيرة
خلتني أكره زمان

علاء

انت اللى رائع يا حبيب قلبى
انا بستلهم الابيات من ابياتك انت
وخد دى كمان
خلتنى اقول يا دنيا
خلاص ما فيش أمان
خلاص راحوا الحبايب
وانقرضوا من زمان
خلتنى اكسر ورودى
والزهر .. والعيدان
وابيع كل اللى بنا
والغالى .. بالمجان
ما خلاص يا دنيا راجع
الفارس ... الخسران
مهزوم
...
مجروح وقلبه
مكسور ... مدبوح كمان
محمد المراغى
03/06/2009, 14h54
استاذتنا العزيزه مدام ناهد
م الحزن قلبى مل ....... ومنه ياما اشتكا
قالوا لى روح للضحك وهناك هتنسى الشقى
رحت لملك الضحك يشيل هموم ......عنى
لما دخلت عليه ..........اول ما شفنى بكا
وعجبى
شكرا لتشريفك
ودامت لى كلماتك الرقيقه
عفاف سليمان
03/06/2009, 14h57
اخى الكريم محمد المراغى:emrose:
ممكن بالامل تنتظر:)
بالامل نصلح الوتر اللى انكسر
بالامل ندوس ع الصعب وراح يندثر
بالامل هنشوف بكره شمسه جايه
على مرمى البصر
بالامل تنسى اللى خانوك فى لمح البصر
بالامل تبنى حياه جديده بين البشر
ويارب يسعد الله اوقاتك:emrose:
تحياتى لقلمك واحساسك الجميل
اختكم عفاف:cool:
علاء طه ياسين
03/06/2009, 16h07
حبيبي وتوأم روحي وصاحبي محمد المراغي
الأخت عفاف بتقول الأمل .. ايه رأيك .. دي حتة عن الأمل ؟؟ ..
خلاص خلاص ضاع الأمل
ويئست من حب انغزل ..
في القلب بالنار والأنين ..
مين اللي يقدر ع القوي ..
لما يكون خدّاع أوي ..
وبحسنه مغرور حبتين ..
نسي اللي كان واللي حصل ..
ولامرة حن ولا اتصل ..
ولا غمزلي برمش عين ..
...........................
كمل يالغالي .................
عارف مين اللي مفروض يكون معانا في لعبة التكملة دي .. الصديق المخلص التلقائي الرائع سعد الشرقاوي ..
علاء
عفاف سليمان
03/06/2009, 16h51
استاذ علاء
يعنى انا بقوله الامل
وانت بتقول له ايه الامل
ولا فين الامل
اقولك
الانسان هو اللى بيخلق فى حياته الامل
لو عايز يشوف الدنيا حلوه اكيد راح يشوفها حلوه بالامل
ولو عايزها تنغص عليه حياته وتبقى سوده ومقفله فى وشه
هتبقى كذلك
احنا اللى ممكن نغيرها ونخليها حلوه ازاى معرفش
هى دنيا معندانا لكن احنا لازم نتحداها
والتحدى ميجيش الا بالامل
لكن هنقعد ونقولها ليه بتعملى فينا كده
هتدينا اكتر واكتر
ياما تدينا ورده ريحتها حلوه
ياما تدينا على روسنا وتدوخنا
تحياتى لكما جميعا
اختكم عفاف:cool::emrose:
محمد المراغى
03/06/2009, 18h05
اخى الكريم محمد المراغى:emrose:

ممكن بالامل تنتظر:)
بالامل نصلح الوتر اللى انكسر
بالامل ندوس ع الصعب وراح يندثر
بالامل هنشوف بكره شمسه جايه
على مرمى البصر
بالامل تنسى اللى خانوك فى لمح البصر
بالامل تبنى حياه جديده بين البشر
ويارب يسعد الله اوقاتك:emrose:
تحياتى لقلمك واحساسك الجميل

اختكم عفاف:cool:

الاستاذه الكبيره مدام عفاف
رائعه انت كالعاده
بنفس كلمات اليأس فى القصيده تم تحويلها بأبداع الى امل وتفأئل
الله عليك يا استاذه
وتسلم اناملك الرقيقه
محمد المراغى
03/06/2009, 18h10
هذا نغم ..
ينتظر محمد منير يشدوها

!

أنا سامع صوت منير فيها

http://www.sama3y.net/forum/images/icons/icon7.gif


===



صديقى العزيز ابو صلاح
سعيد جدا بتواجدك فى مشاركتى البسيطه
وسعيد اكثر بكلماتك التى ارها وساما قد يكون اكثر مما استحق
تقبل اخلص التمنيات القلبيه لك
محمد المراغى
03/06/2009, 18h41
..خلاص خلاص ضاع الأمل
ويئست من حب انغزل ..
في القلب بالنار والأنين ..
مين اللي يقدر ع القوي ..
لما يكون خدّاع أوي ..
وبحسنه مغرور حبتين ..
نسي اللي كان واللي حصل ..
ولامرة حن ولا اتصل ..
ولا غمزلي برمش عين ..
...........................
كمل يالغالي .................
عارف مين اللي مفروض يكون معانا في لعبة التكملة دي .. الصديق المخلص التلقائي الرائع سعد الشرقاوي ..

علاء

اكمل ايه ياعم بعد الكلام الجامد ده
( ويئست من حب انغزل ..
في القلب بالنار والأنين )
انا مش قدك فعلا ده تشبيه عمرى مقدر حتى افكر اعمل زيه
فعلا برافوا عليك
استنا اشوف حببنا عم سعد هيقول ايه الاول
علاء طه ياسين
03/06/2009, 18h51
اسمح لي يا محمد بيه بتعليق بسيط لأختنا / عفاف
أنا مش قصدت شيء بتعليقي اللي قولت فيه خلاص خلاص ضاع الأمل .. أنا بس انفعلت بكلماتك الحلوة في الرد علي محمد المراغي .. إنه يتمسك بالأمل .. وده من أجمل الأشياء .. وطبعا حضرتك عارفة حكاية (صندوق بندورا) الأسطورة الاغريقية .. البنت اللي فتحت الصندوق بدافع الفضول فانتشرت منه الشرور والأمراض وملت الأرض فقفلته علي شيء واحد هو الأمل .. وده اللي بيخلي الانسان يعيش ويصبر .. حتي في سكرات الموت بيكون عنده أمل إنه يستمر في الحياة ..
أنا كل اللي قصدته يا أختي يا عفاف .. إني أقول طيب ولو الأمل أنا يئست منه ... ايه الحل ؟ .. يعني تعليقك هو اللي أوحي لي بشوية الشعر اللي كتبتهم .. يعني الفضل لتعليقك اللي مليان بالأمل (والفضل لله أولا وأخيرا) ..
وسعيد جدا بردك .. ولك منا كل تقدير واحترام لشخصك الكريم
وتحياتي ليكي


أما بالنسبة لعم سعد الشرقاوي .. انا مستنيه يا محمد يرد ويشاركنا .. ومش عارف ايه شاغله عننا .. لعل المانع خير يا شرقاوي ..

علاء
عفاف سليمان
05/06/2009, 08h05
اخى الاستاذ علاء:emrose:
انا ايضا سعدت بكلماتك التى استوحت من كلماتى او كلمات اخونا محمد:emrose:
واسعد اكثر لكوننا اسره واحده فى سماعى الجميل
واتمنى ان ارى مزيدا من ابداعاتكم ومداخلاتكم الجميله وكل ما تنثروه علينا من رياحين وفل وورد وياسمين
ربنا يسعدكم جميعا وتقضوا اجمل اوقات فى سماعى وتروح حضرتك وترجع بالف خير:emrose:
بس خلى بالك من العيال اللى فى ثانوى الله معك ومعهم
تحياتى
اختكم عفاف:)
علاء طه ياسين
05/06/2009, 08h31
الأخت / عفاف
أنا الأسعد بردك .. والأسعد بسرعة فهمك .. والأسعد بكلماتك الحلوة .. والأسعد بوجودك .. لأنك بتنشري العطر علي مواضيعنا .. وبترمي جواها أحفان من زهور الفل والياسمين ..
ومتخافيش علي الأولاد بتوع ثانوي خافي علينا إحنا .. إحنا اللي بنتبهدل .. وبتنيل علي عينّا ..
شاكر تعليقك ومرورك .. أما دعاءك ليا إني أروح وأرجع بخير .. فده ما أعرفش أكافئك عليه إزاي .. غير إني أدعي لك ربنا .. إنه يستر عليكي ويوفقك في كل حياتك ..
تحياتي ليكي
علاء
Tarek Elemary
05/06/2009, 09h52
ايه تنتظر ؟!!
لو شئ عزيز ... راح واندثر
لو يوم خانوك ... كل البشر
لو الوجوه اتبدلت ..
لو القلوب صبحت .. حجر
ايه اللى ممكن تنتظر
زهر الجبل
مادقش يوم ... طعم المطر
ايه تنتظر
لحن جميل من عود قديم
مقطوعه فيه كل ... الوتر (مكتومة(محبوسة) فيه ... رنة وتر)
ايه تنتظر
غير الجراح ... غير الدموع
غير الالم
غير (من) قلب عاشق ... وانكسر


المراغى الجميل
أعجبتنى جداً
و هى مغناة و ملحنة من تلقاء نفسها
رائعة و تبقى قصيرة بعض الشئ .... لديك ما يضاف لها
تحياتى
محمد المراغى
05/06/2009, 12h17
استاذى ومرشد قلمى
الرائع الاستاذ طارق
دائما انتظر تعليقك كتلميذ ينتظر نتيجه الامتحان
ودائما لا تخذلنى بتوجهاتك
دمت لى
ودام قلمك المبدع ناصحا وامينا