حبيبى اسمرانى اللون [الأرشيف] - منتدى سماعي للطرب العربي الأصيل

عفاف سليمان

01/06/2009, 07h08

Islam Eidrisha

01/06/2009, 07h24

يا بخت السمر وسعدهم وهناهم
بكلامك الجميل يا أخت عفاف
بتذاكري من ورانا وبتكتبي شعر؟
طيب .. طلعي مواهبك المستخبية
واعذريني فلست متمرسا في معرفة بحور الشعر
ولا فعولن مفاعلن ومستفعلن لأحلل القصيدة
بس كل اللي أقدر أقوله إن القصيدة بتنقط عسل

Tarek Elemary

01/06/2009, 08h17

الصديقة عفاف
برضه مش هانخسر بعض أبداً
حتى لو حاولتى تكتبى الكلام المقفى اللى فوق ده:crazy:
هاعتبرك بتغنى فى الحمام ... كلنا عملناها و من صدى الصوت بفعل السيراميك و القيشانى فهمنا إن إحنا (أنا على الأقل) اكثر موهبة من عبدالحليم حافظ :o
بس ده لم يجعلنا نقول أننا مطربين ... كان مجرد تنفيس
لو قصيدتك مجرد تنفيس .... ماشى
مقبولة و زى الفل
تحياتى

عفاف سليمان

01/06/2009, 08h24

صباح الخير عليك يا اسلام يا خويا:emrose:
والله دا مش شعر انا كتبتها النهارده الصبح ووريتها لمى
وياريتنى سمعت كلامها
هههههههههههههه
اشكرك من كل قلبى بس خلى بالك من العسل لتتلزق:crazy:
ولا يجيب عليك نمل:mdr:
مش هى بتنقط عسل الله يا خليك يا عسل
وتحياتى لك وللجميع
وربنا لا يحرمنى من تعليقاتك الخفيفه:)
اختك عفاف

عفاف سليمان

01/06/2009, 08h27

الاستاذ الشاعر طارق :emrose:
يعنى شكلى كده مش هعرف اكل عيش معاكم:mdr:
خلاص مش هجيب لكم اى حاجه تانى
وهبقى اغنى فى الحمام احسن
هههههههههههههه
ودى والله مش قصيده ولا حاجه دى خواطر:rolleyes:
حرمت ياعم خلاص:(
واشكرك على مرورك عليها وردك الجميل
لك خالص التحيه والتقدير
وللجميع باسعد الاوقات
اختك عفاف

Tarek Elemary

01/06/2009, 08h33

لأ كده ما فهمتيش قصدى خالص
إنتِ قلتِ خواطر يبقى خلاص مجازة و زى الفل
و لا تيأسى نهائيا و لو هاتنقلى الحمام كله على السماعى هانسمع برضه و نردد معكِ
فيه حد يقدر يقول بطلى
ده يبقى متخلف
إكتبى ما تشائين
لكن لا تعتبريه عمل شعرى
و تتعصبى ضد نقده
فهذا قد يجلب بعض
سوء الفهم مع أصحابك بالمنتدى
و هذا ما لا أرضاه لك
لكن لو صدرك واسع
يبقى على بركة الله
تحياتى

عفاف سليمان

01/06/2009, 08h49

الاستاذ طارق:emrose:
والله لم اقصد اساءة الفهم بل وضحت قبل اى كتابه انها خاطره
انا بحب بين وقت والتانى اكتب حاجات خفيفه :o
طبعا مش شعر لانكم اهل الشعر والعروض والاوزان لكن انا بحاول اكتب ما احس به وقتيا او فى الحال كما يقولون
يعنى حاجه خفيفه بسيطه لا اكثر ولا اقل
وبعدين ازاى يعنى ما اقبلش النقد ماهو انا قلت من الاول
اريد النقد بس على خواطر مش شعر
وربنا لا يحرمنى من نقدكم ولا ردودكم:)
واتمنى ان يكون صدرى رحب لهذه الكلمات والنقد عليها:o
ولك وللجميع خالص تحياتى
اختكم عفاف

رائد عبد السلام

01/06/2009, 08h54

وان قال هو بحبك
هقوله قول كمان
وان قلت له بحبك
الدنيا تبقى جنان
يارب تعجبكم ويكفينا ويكفيكم شر الجنان:mdr:
اختكم عفاف:emrose:

اللي أنا عايز أفهمه ياأم أيمن
هل الكلام اللي تحته خط ده ...من ضمن القصيدة ؟:crazy:

Tarek Elemary

01/06/2009, 08h58

ده لب القصيدة:crazy:

عفاف سليمان

01/06/2009, 09h00

استاذى رائد:emrose:
بعد صباح الخير على حضرتك
لا طبعا انا قصدت يعنى اللى يقراء الكلام ده ربنا يكفيه شر الجنان :mdr:خصوصا انى كاتبه فى اخر الخاطره
الدنيا تبقى جنان:crazy:
فقصدت اللى هيقرئها ربنا يكفينا ويكفيه شر الجنان
يعنى خارج الخاطره
ولك تحياتى واشكرك على مرورك عليها
تحياتى لك وللجميع
اختكم عفاف:)

NAHID 76

01/06/2009, 09h16

بسم الله الرحمن الرحيم
عذرا أستاذ طارق
ده لب القصيده :mdr:;)
معلهش مش قادره أكتب تعليق على جمال الأفشه
تحياتى

عفاف سليمان

01/06/2009, 09h21

استاذ طارق الثائر دائما
استاذه ناهد عزيزتى
خلاص انا قررت اخلى الخاطره بدال حبيبى اسمرانى اللون:mdr:
لب وسودانى وكاجو مين يأخد دول:crazy:
ههههههههههههههههه
تحياتى لكما وربنا لا يحرمنى من تعليقاتكم وقفشاتكم الجميله
واتمنى ان اكون اسعدتكم بهذه الكلمات البسيطه:emrose:
تحياتى لكما
وللجميع
اختكم عفاف;)

NAHID 76

01/06/2009, 09h35

بسم الله الرحمن الرحيم
الزعل مرفووووع
وليه تحددى لون
قولى حبيبى لونه جنجاه بتعطيش الجيم
تحياتى

عفاف سليمان

01/06/2009, 09h39

استاذه ناهد شكله كده هيطلع هندى:mdr:
هو مش جنجا ده نهر فى الهند:o ويقدسونه الهنود
ياخوفى لا يبقى تيمور ولا هندى شكله منجاوى
والمنجه طلعت :crazy:
ههههههههههههههههه
تحياتى لك يا قمر ويارب ما يجيب زعل
اختكم عفاف:)

د أنس البن

01/06/2009, 09h45

إيه يا اخوانا
ما تخفوا شويه على الشابه
الست عفاف كاتبه فى العنوان (خاطرتى)
لا قالت انه شعر ولا يحزنون
يعنى بذمتكم مش احسن من تمانين تسعين فى المايه من اللى بيكتبوه البهوات اللى اسمهم كتاب أغانى
وبعدين احنا عندنا فى عالمنا العربى ندره شديده فى كاتبات الأغانى
وملحنات الأغانى أيضا
إستمرى يا ست عفاف وهاتى الخاطره التانيه واوعى تبطلى
سيبك من العالم دى اللى مش عايزين حد ياكل عيش معاهم ..
يا ساتر ... :crazy:

Tarek Elemary

01/06/2009, 10h14

طب و الله العظيم ثلاثة بالله العظيم إنتِ ست سكر و عسل
و ما تصدقيش كلام أستاذنا الدكتور أنس
ده بس بيقفش معانا علشان الحوار يحتمل هذا
و صدقينى مصداقاً لكلامى إنك سكر
و محبوبة المنتدى مع الرائعة مدام ناهد
هل هناك مشاركة حظت بهذا الكم من الحوار
الودى الدافئ الودود كهذه فى هذا الوقت القصير
أشُك
و لست دبوساً:mdr:
إحنا بنحبك و الله يعلم:o

عفاف سليمان

01/06/2009, 10h19

دكتورنا أنس:emrose:
ربنا يخليك لينا يارب يارافع معنوياتى فى السما:mdr:
طيب والله انا كنت بكتب الردود وانا ببكى بس حبيت احسسكم انى مش مضايقه علشان بحبكم والله
وربنا ما يحرمنى منكم ابدا فعلا احنا اسره واحده
وماشى يعنى فى امل اكل عيش معاكم ولا هيقتصر على الشعر والشعراء
احنا غلابه عايزين نعمل مستقبل للعيال:mdr:
هههههههههههه
تحياتى لك دكتورنا وربنا يسعدك يارب ويسعدكم جميعا دائما بالخير
اختكم عفاف:)

عفاف سليمان

01/06/2009, 10h22

شاعرنا الجميل طارق
طيب يعنى اقول طارق;) ولا دبوسا:mdr:
ربنا يجعلنا دائما اسره واحده ومفيش زعل ابدا بيننا اللهم امين
وقد ايه انا سعدت بكل الردود الحلوه دى;)
ياريتنى كنت كتبت من زمااان
هو العسل اللى فى حبيبى اسمرانى اللون هو اللى ساح ع الكل وغرقنا منه هههههههههههههه
ويارب ايامكم وحياتكم كلها تبقى عسل وسكر وحلوه زى صحبتكم الحلوه
تحياتى لك وللجميع
اختكم عفاف:)

علاء طه ياسين

01/06/2009, 10h30

أسمر اللون حبيبي
فإذا غناك نايٌ ... في القري عند الغروب ِ ..
هكذا غني حبيبي ..
وإذا مسك عطر .. من بعيدٍ أو قريبِ ..
فهو من عطر حبيبي ..
وإذا مر مساءً .. أي عصفورٍ غريبِ ..
بارك الله حبيبي ..
وإذا عُدْنَ الصبايا .. وسرت نفحة طيبِ ..
ضمني بيت حبيبي ..
أسمر اللون حبيبي
ذكرتمونا بالذي مضي ..
تمنياتي الطيبة لك
علاء

NAHID 76

01/06/2009, 11h08

بسم الله الرحمن الرحيم
يا أساتذه
بلاش أثاره الحقد اللونى ده
حد يجبر بخاطر البيض العزارى
تحياتى

Tarek Elemary

01/06/2009, 11h11

دكتورنا أنس:emrose:

طيب والله انا كنت بكتب الردود وانا ببكى بس حبيت احسسكم انى مش مضايقه علشان بحبكم والله
اختكم عفاف:)

لو الكلام ده بجد و أراقت كلماتى دموعك فلا عذر لى و لا هنئت و أنت تبكين
أزعجتنى بلا حدود كلماتك فوالله ما تواصلت معك إلا إعزازاً و حباً
ما بالى لا أقدر مشاعر مرهفى الحس من الفراشات و الرياحين التى تعطر المنتدى
أنا من اليوم قارئ لك بلا تعليق مادمت أدميت عينيك دمعاً و لن أغفر لنفسى هذا الجرم الشنيع
ما من كلمات أعتذر بها سوى الله يسامحك

عفاف سليمان

01/06/2009, 11h31

الشاعر الجميل مرهف الحس طارق:emrose:
تفتكر يعنى لو انا كتبت موضوع تانى وانت مردتش عليه فيه انا مش هزعل
لا طبعا هزعل لو انت مردتش :mad:
وبعدين احنا اسره واحده ومفيش زعل بنا وخلاص مفيش والله اى حاجه سحابه وعدت وده خلانى اعرف واشوف كم الحب اللى بيننا فى اسرة سماعى الجميل وربنا يخليكم لى ويديم الصداقه والود بيننا
خلاص مفيش زعل:crazy:
وفيه ردود
وردود لازعه كمان لو الكلام اللى كاتباه مش حلو
خلاص انا من هنا ورايح راح اقبل اى نقد مهما يكون
ومفيش زعل ابدا
معلش يمكن علشان من زمان مش بكتب حاجه فمكنش دا توقعى لها
وحصل خير
واشوفك فى الردود على
ياما هبكى بجد
انت حر
اختك عفاف:emrose:

يوسف أبوسالم

01/06/2009, 11h46

صباح الخير على اهل سماعى الكرام:)

اتمنى ان تعجبكم خاطرتى
وارجوا اعطائى النقد لها :emrose:
حبيبى اسمرانى اللون.........وعيونه عسليه
ساكن فى أخر الكون.........وحبه يا ناس ليه
عاشق هواى بجنون.........وكله حنيه
صوته يا ناس حنون.........مالى الدنيا عليه
اسمر وسماره جميل
فى الاصل ابن النيل
على جبينه يتقال مواويل
وفى عيونه يغنى الليل
اسمر عشقت هواه
عمرى فى يوم ما انساه
وإن مات هعيش يا ناس
فى الدنيا على ذكراه
وإن مت أنا واثقه
قلبه على حبى يبقى
ماهو اصله ابن النيل
فى حبه يتقال مواويل
اسمر جميل محلاه
لفيت الكون معاه
شالنى فى عيونه سنين
غنى لى كتير مواويل
وصفنى بالحنان
شفت معاه الامان
وان قال هو بحبك
هقوله قول كمان
وان قلت له بحبك
الدنيا تبقى جنان
يارب تعجبكم ويكفينا ويكفيكم شر الجنان:mdr:
اختكم عفاف:emrose:

عفاف سليمان
مساء الورد

تتميز هذه الخاطرة بعدة أمور
أنها مكتوبة باللهجة الشعبية المحببة
أنها صادقة ..كتبتها عفاف كما أحستها
ولم تحاول أن تبرهن أنها تكتب مثل صلاح جاهين
لقد كتبت بقلمها وعبرت عن نفسها بصدق وهذا وحده كاف
وكذلك أن الخاطرة تتحدث عن ابن النيل
ولم تتحدث عن رجل ( منتفخ بالبترودولار )
وهذا برأيي أهم ما ورد بها
أن يظل الحلم واقعيا وأن يبقى ابن البلد أهم من أي فرد آخر وأولى منه
هذه المعاني التي نقلتها عفاف بصدق ...تحترم عليها
أما أن الخاطرة عادية أو قوية فهذا أمر آخر
لو فرضنا أن أحد كتاب الأغاني أو القصائد الشعبية كتبها بنفس الأفكار
أراهن أن المحافل الأدبية والفنية ستعتبر أن ما جاء من أفكار فيها أمر جديد وعظيم
طيب ..ولماذا لا نحتفل بفكرة القصيدة إذن
أخت عفاف
كلمات بسيطة لكنها لا تخلو من الصدق والعفوية وعدم التقليد
أنا شخصيا بغض النظر عن أية مقاييس فنية ..أعجيتني الخاطرة
شكرا ..لك

عفاف سليمان

01/06/2009, 11h54

شاعرنا الكبير يوسف ابو سالم:emrose:
لقد سعدت بمرورك على هذه الكلمات البسيطه التى عبرت فيها بالاسمر ابن النيل:crazy:
فلقد عشقت النيل واعشق ابن النيل واعشق السمار والبيض كمان علشان مدام ناهد حبيبتى متزعلش:mdr:
هههههههههههههه
لكن سمرة الشمس على الجبين تزينه والعيون العسلى وعلى فكره المصريين اكثرهم عيونهم عسليه وانا من ضمنهم
لقد سعدت بنقدك وردك الجميل الذى شجعنى على الكتابه بس طبعا مش هكتب نفس الطريقه دى هحاول احسن اكثر واكثر علشان تعجبكم خواطرى لانى بكتب اللى بحسه فى الوقت وعندى اشياء اخشى ان اقدمها اشياء قديمه يمكن لو كنت ارفقتها يمكن كانت هتبقى احسن من هذه الخاطره لكن قدر الله ماشاء فعل
اشكرك استاذى على مروك الجميل على هذه الكلمات البسيطه
لك كل الود والتقدير
وتحياتى لك وللجميع
اختكم عفاف:)

سعدالشرقاوى

01/06/2009, 17h41

يانهار ابيض اللون
مجرّد خاطره تاخذ
هذا الكم الهائل
من الردود والتعليقات
والله ده اكبر دليل على
انها من اعظم الخواطر
وهوّ دا الكلام واللا بلاش

رائد عبد السلام

01/06/2009, 18h25

ده لب القصيدة:crazy:

ههههههههههههه
:mdr::mdr:
روح ياشيخ .....!!

ايهاب عامر

01/06/2009, 18h26

السلام عليكم ورحمه الله وبركاته
اختنا الغاليه ست عفاف
جميله المعانى الموجوده فى الخاطره
واجمل ما فيها انها تتحدث عن اللون الاسمر
شوفى يا ست الكل
الشعر طائر بجناحين
وهما بدون اى ترتيب الشاعر والمتلقى
وارى ان كلاهما لا يقل اهميه عن الاخر
فيكفى الشاعر شعره ويكفى المتلقى حسن التلقى
والله انا بشوف ان تلقى الشعر لا يقل بأى حال من الاحوال عن الابداع فيه
استمرى فى خواطرك زى ما قال شاعرنا يوسف ابو سالم الجميل ان الفكره جميله
تقبلى خالص تحياتى

رائد عبد السلام

01/06/2009, 18h29

الأستاذه عفاف سليمان

المشاعر قد نكتبها منتظمة في قالبها المعروف ..

والخاطره نكتبها ولكماتها جرس وموسيقى

ولها أبعاد ورؤية تنسجم مع أي موقف

وأية ظرف ومن تلك المنطلقات يكون التفاعل

مع الصور وتشكيلها بألوان الطيف

وللأستاذ طارق تعليقات جميلة ونزيهة .

لي صديق وهو شاعر غنائي كبير غنى له محمد عبده وغيره

أكثر من 600 أغنية قال لي ذات مرة أتمنى على الله أن تكون

لهجتنا في الجنة باللهجه المصريه

وعرضت عليه لهجات أخرى وأصر على رأيه .

أما كلامكم ياأهل مصر ففيه صوت الشعر وأنغامه .

استمري وتقبلي دعائي من جوار الكعبة المشرفة

بدوام العافيه والمسرات والتوفيق

يحق لك سيدي أن تكون
عضو شرف

فأنت فعلاً أهل للشرف

تحياتي ياأستاذنا الرقيق القلب
الآسر الكلمات
مصطفي زقزوق

علي هذا الكلام النابع من القلب
فوقع في القلب
:emrose:

Tarek Elemary

01/06/2009, 18h34

يحق لك سيدي أن تكون

عضو شرف

فأنت فعلاً أهل للشرف

تحياتي ياأستاذنا الرقيق القلب
الآسر الكلمات
مصطفي زقزوق

علي هذا الكلام النابع من القلب
فوقع في القلب

:emrose:

طيب أنا ممكن أقول أيه تانى؟!!!!!!!
إفسح شوية لأخيك الذى بك يقتدى و ينير الدرب
يا أبو الريادة
عمى و تاج راسى الأستاذ مصطفى زقزوق
و الله لقد بوركت الخاطرة و تطيبت بمرورك الكريم
هنيئاً لك يا ست أم أيمن عفاف الرائعة
و لو كانت خواطرك ستجلب هذا الجمع
و تثير هذه المظاهرة من الألفة و الرقى
فلا أقل من خاطرة كل يوم سنقبل منك

عيون المها

01/06/2009, 19h04

http://up1.mlfnt.net/images/v2kgs89qz4rm9v51lcm8.gif

الأخت الفاضلة الرائعة دوماً و دائماً

http://up1.mlfnt.net/images/igztrvpajlycdkzk6kwl.gif ((( عفـاف سليمـان ))) http://up1.mlfnt.net/images/9z6hyxuj2bj9yve26lv3.gif

تلك الخاطرة هي فضفضة للروح
أتت بعفوية و استقبلتها كما هي

يا عفـاف

أحترم جميع الأراء التي تفضلت بالتعليق على خاطرتك
و جذبني حواركم الرائع بما فيه من مرح عالي
شعرت كأنكم أمامي صحبة و تتحدثوا وجهاً لوجه
و هذا الشعور لا يأتي من فراغ
فلكِ كل الفضل فيه
استقبالك الرائع لنقدهم و ردودك العفوية التلقائية الرائعة
كسرت كل الحواجز النتية أمامي

هنيئاً لنا وجود الرائعة على الدوام
أختنا المتألقة عفاف

تأكدي أن الجميع هنا يكن لك كل مودة و احترام
و من هذا المنطلق يكتبون لكِ بكل ود
و الله سعدت جداً بتلك الخاطرة
و تخيلتك أمامي تلقيها بنفسك

عموماً يا عفاف

لا تيأسي و أكتبي دائماً ما تمليه عليكِ روحك
و أنصحك بزيادة مساحة القراءة لديك
و تعمقي بأشعار الكبار
ستلاحظي اتساع مساحة الخيال لديك
و استخدام مفردات جديدة تميز أعمالك
و لتبدأي بشعراء سماعي العظام

و سأنتظر من الآن خاطرتك الجديدة

http://up1.mlfnt.net/images/89v8xxonc9jx8oogkk.jpeg

لكِ كل ود و تحية

Tarek Elemary

01/06/2009, 19h40

سيدى الكريم
الله يصبركم على مصابكم وما أجمل كلمة الحمد لله فى كلامك
إنما الصبر عند الصدمة الأولى .... حقا أنعم الله عليك و على كريمتك و ذويك بالإيمان و الصبر و حسن العزاء
و شرفتنا على البعد و تشرفنا بالقرب و أرض مصر تشرف بمثلك يا شفيف الروح يا رمز المسلم الحق
عزائى و تحياتى

د أنس البن

01/06/2009, 20h47

إلى الشاعر الرائع

عزيزي المفتدى الأستاذ طارق العمري
وقرأت سطورك في ردك على الأستاذه عفاف سليمان
فلا تظنني قد نسيتك
أرجو معذرتي لغيابي عنكم مدة طويلة بأسباب حادث مروري لبنات ابنتي في
طريق مكة جده أثناء عودتهما من الجامعه وواحدة منهن لاقت وجه الله
والأخرى أصيبت بكسور بليغة .. والحمد لله
وواحشني كلامك ومحبتك التي أعتز بهما
وقريباً بإذن سوف أكون بمصر باعتباري مقيم فيها منذ سنوات
والبعد عن مصر وأهلها غربة
لك تمنياتي ودعائي

صديقنا العزيز مصطفى زقزوق
زادكم الله إيمانا وإحسانا وعظم الله لكم الأجر
نسأله سبحانه أن يتغمد الفقيده الغاليه بواسع رحمته
وأن يلهمكم وأبويها الصبر الجميل الذى يوفى أصحابهم الأجر بغير حساب .....

Tarek Elemary

02/06/2009, 08h39

هذه هدية نجاحك مقدما

و آه م البنت لما تميل
و يضحك فى عيونها الليل
و تسهر تحكى للنجمات
حكاية فارس المواويل

آه م البنت لمَّا تحِنّْ
تغنى كيف حمام البِنّْ
و بسمتها تكون أحلام
و صوتها بكل فرحة يرِّنْ

و آه م البنت لما تدوب
و تعشقها عيون و قلوب
و تفرد روحها شمسية
تخاف من نسمة ع المحبوب

و آه م البنت لما تغير
و تصبح سجن قاسى كبير
و لا تقدر فى يوم تصفح
ولا تعرف حبيب و عشير

سعدالشرقاوى

02/06/2009, 08h55

استاذ/طارق
و آه م البنت لما تغير
و تصبح سجن قاسى كبير
و لا تقدر فى يوم تصفح
ولا تعرف حبيب و عشير
مش قايل اى حاجه
كفايا اقرا

Tarek Elemary

02/06/2009, 09h11

بوحك قول و صمتك قول
و يوصل للقلوب على طول
يا فارس فى الميدان وحدك
و سكر فوق كلام معسول

عفاف سليمان

03/06/2009, 01h03

يا عم سعد يا جميل:emrose:
حضورك وحده يتقال فيه مواويل:crazy:
يمكن تستضيفنى تحت التوته:mdr:
واقولك يا عم سعد حدوته
كلامك الاجمل والله
وردك دائما حكيم
تحياتى لك وللجميع
اختكم عفاف:cool:

عفاف سليمان

03/06/2009, 01h10

الشاعر الكبير الاستاذ مصطفى زقزوق:emrose:
اولا اسجل احترامى لحضرتك
واسجل فرحتى بوجود حضرتك فى هذه الخاطره الضئيله جدا وهذا شرف لى ان حضرتك ايها النبيل تشرفنى اياها
ثانيا رحم الله اقاربك وادخلهم فسيح جناته اللهم امين
ويارب يتغمدكم بالصبر والسلوان ويجعله فى ميزان حسناتكم فبالصبر تبنى لكم قصور فى الجنه بأمر الله تعالى
ثالثا جزاك الله كل الخير على دعواتك لى من عند الكعبه المشرفه والله وهذا اجمل شىء اكسبه فى هذا الوقت
الدعاء..... والله يا استاذنا لا تنسانى به ولابنائى
ودعواتك لابنى الاكبر حماده(محمد)
فهوا حقا يحتاج للدعاء
جزاك الله كل الخير:emrose:
رابعا اتمنى ان اكون عند حسن ظنكم بى
وان حاولت اكتب مره اخرى اتمنى ان تنال اعجابكم اللهم امين
خامسا تأتى الى مصر بالف خير وسلامه وتنورنا اخى الكريم:)
ولك وللجميع خالص الود والتحيه والتقدير
تحياتى لشخصكم الكريم
وتحياتى للجميع
اختكم عفاف:cool:

عفاف سليمان

03/06/2009, 01h17

احم احم:emrose:
ايوا يا استاذ رائد
علي هذا الكلام النابع من القلب
فوقع في القلب
ايوا يا استاذ طارق
هنيئاً لك يا ست أم أيمن عفاف الرائعة
و لو كانت خواطرك ستجلب هذا الجمع
و تثير هذه المظاهرة من الألفة و الرقى
فلا أقل من خاطرة كل يوم سنقبل منك
طيب يعنى ممكن تخلونى اكل معاكم عيش
استاذ رائد والاستاذ طارق
والله لا يحرمنى منكم ابدا ولا من خفة دمكم الجميله
ولا من ردودكم الاجمل التى فعلا والله تخرج من قلوبكم
وتدخل الى قلبى بلا استئذان:mdr:
بس انتم الاتنين خبتطين فى الراس توجع:crazy:
ههههههههههههههههههههه
ربنا لا يحرمنى منكم ابدا
ولا من جميع اهل سماعى الكرام
تحياتى للجميع
اختكم عفاف:emrose:

عفاف سليمان

03/06/2009, 01h20

اخى الجميل ابن البلد
ايهاب عامر:)
سعدت بوجودك فى خاطرتى :emrose:
وسعدت بكلماتك عنها
واتمنى ان احوز على اعجابكم يارب
واحاول ان اكتب اجمل:emrose:
ولك وللجميع خالص التحيه والتقدير
اختكم عفاف:cool:

عفاف سليمان

03/06/2009, 01h28

اختى العزيزه عيون المها:emrose:
والله انا اللى سعدت بردك الجميل
واخجل من نفسى على ما بدر منى فى احداث هذه الخاطره
ولكن يمكن كنا محتاجين ده
علشان نعرف كم الحب والمشاعر الجميله الفياضه التى تخرج من قلوبكم الى قلبى
والله انا بحبكم فى الله واسعد دائما لوجودى معكم
فانتم دائما فى بالى وحتى ايام الامتحانات والله احيانا كنت اجلس فى المنتدى اوقات طويله كان من المفروض ان اراجع فيها
ولكن الحمد لله كان ربنا بيسترها
فانتم اهلى الحقيقيين
ويمكن انا مش بتكلم مع اهلى قدر ما بتحدث معكم
وعلى فكره لو انا واقفه امامك علشان القى هذه الكلمات
فلن اتفوه بكلمه لانى بنكسف والله:mdr:
ههههههههههههههههههه
شفتى يعنى هنا بتكلم لكن وجها لوجه يا خبر ابيض وحياتك ولا كلمه هتطلع ولو تفوهت بكلمه اكيد هتطلع غلط
وقال كنت عايزه ابقى مذيعه فى الراديوا قال:crazy:
هههههههههههههههههه
اكيد كنت هقول غلط
يمكن لانى تربيت لوحدى فتعودت على الوحده بس ميغركيش انا برودا رغايه
هههههههههههههه
بس فى الامور العاديه لكن شعر وخواطر وكلام من ده
ولا الهوا
تحياتى لك يا قمر
وسعدت بمشاركتك ومشاركات الجميع وفعلا لابد من اختلاف وجهات النظر حتى استطيع ان اصل الى الاجمل والاحسن
وارجوا الا يكون اى احد متحامل على
فانا والله لن ولم اغفر لنفسى اى شىء ولا حتى لو احد يضايق منى
ويارب لا يجيب اى ضيق ابدا
اختكم عفاف:cool:

عفاف سليمان

03/06/2009, 01h33

الله عليك يا شاعرنا الجميل الاستاذ طارق
ايه الجمال ده والهديه الجميله دى
و آه م البنت لما تدوب
و تعشقها عيون و قلوب
و تفرد روحها شمسية
تخاف من نسمة ع المحبوب
بس يارب يبيض وجهى واكون قد هذه الهديه الجميله
التى لا تخرج الا من شاعر رقيق مثلك
ياخوفى يا عبد الجبار من النتيجه
هههههههههههههههههه
بس بردوا اكيد يوم ما اعرف انى بامر الله نجحت هطمع فى هديه جديده:crazy:
وبعدين الهديه مقدما دى حلوه بس تقول ايه بقه
الطمع يا عم الشاعر:mdr:
هههههههههههههههههه
وربنا لا يحرمنى من هداياك الحلوه اللى زيك:)
وربنا يكرمك دائما وتسعدنا بكلماتك الجميله
تحياتى لك وللجميع
اختكم عفاف:cool: