المساعد الشخصي الرقمي

مشاهدة النسخة كاملة : النداهة

علاء طه ياسين
31/05/2009, 20h39
جدتي كانت دايما تحكي ..
عن جنية بتسكن شجرة ..
حلوة حلاوة ..
زي غيطان القمح الخضرا
تحت المطرة ..
شعرها أسود فارد مادد ..
زي الليل الغايب منه القمره ..
لما تشوفها هتخطف قلبك ..
وتطير بيك ف الريح العاصف ..
وهتعجز في دواك السَحَرَةْ ..
عشت الحلم وعشت الخوف ..
ساعة ما أمشي ف ضل الشجرة ..
كان الخوف ييجي يبعترني ..
ناشرة شعورها ..
غولة بتنفخ ..
أصرخ وأصرخ ..
مادة إيديها خلاص هتطولني ..
يعني خلاص هاتحول جني ..
وأجري بسرعة وفجأة أتلفت ..
عاوز أشوفها وشوفتك إنتي ..
طب مين إنتي ..
مش جنيه .. دي بنت شقية ..
اتلملمت وقلبي رجع من دنيا الخوف ..
وبقيت أضحك من تفكيري الساذج ..
واسأل ..
اسمك ايه ؟
تتصوروا كان اسمها ايه
النداهة ..
.........
ما أصعب أن تغزل حلما ..
بخيوط الوهم السوداء ..
...........
عفاف سليمان
31/05/2009, 20h53
اخى علاء:emrose:
بعد مساء الخير على حضرتك وعلى جميع اهل ومواطنى سماعى الكرام
النداهه
فكرتنى بفيلم النداهه شىء من بعيد نادانى
واول ما ندانى
جرالى ما جرالى
ومش بايدى يابا
دى كانت اغنية ليلى جمال فى الفيلم
اخى النداهه
قصه حلوه رغم انها من الخرافات وان كان البعض مازال يصدقها
وكلمات جميله من حضرتك عن النداهه وخوفك الذى تربى معك منها
ولكن:rolleyes:
اتمنى ودون زعل بس شويه ضبط فى الكلمات واكيد اكيد
فى كل مره هتتقن الايقاع الموسيقى للكلمات:)
واتمنى ان ارى جديدا دائما
ولك وللجميع خالص التحيه والتقدير
اختكم عفاف:)
علاء طه ياسين
01/06/2009, 09h47
الأخت الفاضلة عفاف
شاكر جدا اهتمامك بقراءة ما اكتبه
وشاكر نقدك ومش زعلان طبعا .. دا معناه انك اهتممتي بقراءة القصيدة جيدا
جاري التعديل في الموسيق والوزن
وان شاء الله ما يأتي أروع
تحياتي
علاء
عفاف سليمان
01/06/2009, 10h15
الاستاذ علاء:emrose:
بعد مساء الخير على حضرتك
انا لست بناقده فالنقد لاصحابه من الكتاب العمالقه فى الشعر:crazy: ما انا الا قارئه هاويه ولا تزعل من كلماتى فكلماتك جميله واتمنى ان ارى المزيد منها :oولكن ما يجراش يعنى لو بعض التعديل دون زعل او اى شىء من هذا القبيل
ولك وللجميع خالص تحياتى
اختكم عفاف:)
NAHID 76
01/06/2009, 11h24
بسم الله الرحمن الرحيم
رقيق الكلمات علاء ياسين
النداه حكايه جميله ومعروفه ولها سحرها الخاص فى غرابتها
تناولتها أنت بفكر جديد وجميل شال الخوف من القلوب والرعب من العقول
فى أنتظار كل جديدك
تحياتى
علاء طه ياسين
01/06/2009, 13h03
الرائعة المدهشة مدام ناهد

النداهة دي من الأساطير الريفية .. بيقولو إنها ست جميلة جدا بتظهر في الليالي الضلمة أو في المغارب في الغيطان أو جنب الترع تنادي علي واحد معين باسمه فيقوم الشخص ده ويمشي ورا الندا لغاية ما يوصل لها .. تاني يوم يلاقوه ميت .. ولو نجا من الموت يتجنن .. ويقولوا علشان نقتلها نذكر ربنا أو نرش الملح عليها ومش نبص في وشها ..
وف الاسطورة إن النداهة ممكن في حب شخص معين وتاخده معاها لعالم السفلي بتاعها وتتزوج منه وفي الحالة دي يختفي الشخص ويظهر بعدهافجأة لكن يتوفي بعد كده ويقولوا إن وفاته بسبب أنه تخلي عن عالمهاالسفلي وعنها فتنتقم هي منه بقتله وخوفا من فتش أسرار عالمها ...
طبعا ده تفسير للي لقيوه ميت بسبب ديب أو ضبع أو أي حيوان مفترس آخر .. أو اللي مات بدون ما يعرفوا سسب لموته ..
شاكر تعليقاتك الجميلة ..
تحياتي الطيبة وأمنياتي
علاء