تسجيل الدخول

مشاهدة النسخة كاملة : ست الحسن

علاء طه ياسين
30/05/2009, 14h00
يا ست الحسن ..
بلاد الحب نداهه ..
وتواهه ..
بتطرح ليل ملوش آخر ..
وفي الآخر ..
بنشرب من مرار الشوق بطيب خاطر ..
وناخد جرحنا بالحضن ..
ومستنيكي للآخر ..
يا صفصافة بتفرد ع الوجود الضل ..
ومتحاش غصب عن ضلك ..
يا ريت أقدر أعديلك ..
بحور الحزن واوصلك ..
أنا إنسان ..
بسيط جدا فى احلامه ..
بيرسم فرح وبيرسم ..
امل دايما فى ايامه ..
وحتى فى عز أوجاعه ..
ما بيسودش صورة الدنيا قدامه ..
يدوس ع المستحيل مرة ..
وبيعاند ..
ومرة ع الهوا المايل بيتساند ..
وانا عارف ..
بإن الحلم وياكي مداه الموت ..
ومش خايف .. ومش مهتم ..
ما مش راضية الجراح تتلم ..
ومش شايف ..
في عز العتمة نور نجمة بتتشاقي ..
ولا فتح الأمل طاقة ..
وماشي ف سكتي وحدي ..
في وسط جبال ..
أقول يارب نتلاقي ..
وانا عارف مفيش فايدة ..
بكل بساطة لا يمكن هنتلاقي ..

علاء ياسين
سعدالشرقاوى
30/05/2009, 15h19
اخى الاستاذ/علاء
باجمال المغنى
ياحلاوة المعنى
أنا إنسان ..
بسيط جدا فى احلامه ..
بيرسم فرح وبيرسم ..
امل دايما فى ايامه ..
وحتى فى عز أوجاعه ..
ما بيسودش صورة الدنيا قدامه
لسّه رادد عليك عند المراغى
اغانيك النهاره زى الفل
ايه الحلاوه دى ياعلوه
الله ينور
Tarek Elemary
30/05/2009, 15h28
الله الله الله
هايل يا علاء
مسكت طرف الخيط
ربنا معاك بقى ... تجدد و تلوِّن و تبتكر
NAHID 76
30/05/2009, 15h33
بسم الله الرحمن الرحيم
أستاذ علاء
فى ست الحسن
وجدت نفسى اقرأ بعض الأبيات كما سأعرض الأن
انت نقول
وحتى فى عز أوجاعه ما بيسودش صوره الدنيا قدامه
وانا قرأتها
وحتى فى عز اوجاعه ما يشوه صوره الدنيا أدامه
كتبت أنت
يدوس ع المستحيل مره ومره على الهوى المايل بيتساند
وبيعاند
وأنا قرأتها
يدوس ع المستحيل مره وع الهوى المايل حيتساند
وبعد كده مفيش لزمه لكلمه وبيعاند
وكتبت
وانا عارف
بأن الحلم وياكى مداه الموت ومش خايف ومش مهتم
وانا قرأت وأنا عارف
بأن الحلم وياكى مداه الموت ومش خايف
وبلاش كلمه ومش مهتم حذفها لن يؤثر فى المعنى
أو بطريقه أخرى
وأنا عارف
بأن الحلم وياكى مداه الموت وبرده مش خايف ولا مهتم
دول طريقتين قرأت بهم هذا البيت
أما ما كتبت
ما مش راضيه الجراح تتلم
كلمه ما مش
قرأتها
هى الجراح راضيه فى يوم تتلم
فى عز العتمه نور نجمه بتشتاقى
أفضل
فى عز العتمه لنور نجمه بتشتاقى
وماشى فى سكتى وحدى فى وسط الجبال
يمكن حزف فى وسط الجبال ولن تؤثر فى سياق الكلام
وكتبت انت
وأنا عارف مفيش فايده بكل بساطه لا يمكن حنتلاقى
أنا قرأتها
وأنا عارف بكل بساطه لا يمكن حنتلاقى
هذا بعضا من تخيلى لقراءه الكلمات
ودى مساله زوق
فهل فى زوقى شيئ من التطرف والبعد عن احداث القصيده
أم ماذا
شكرا لسعه صدركم
تحياتى
Tarek Elemary
30/05/2009, 15h43
بسم الله الرحمن الرحيم
أستاذ علاء
فى ست الحسن
وجدت نفسى اقرأ بعض الأبيات كما سأعرض الأن
انت نقول
وحتى فى عز أوجاعه ما بيسودش صوره الدنيا قدامه
وانا قرأتها
وحتى فى عز اوجاعه ما يشوه صوره الدنيا أدامه
كتبت أنت
يدوس ع المستحيل مره ومره على الهوى المايل بيتساند
وبيعاند
وأنا قرأتها
يدوس ع المستحيل مره وع الهوى المايل حيتساند
وبعد كده مفيش لزمه لكلمه وبيعاند
وكتبت
وانا عارف
بأن الحلم وياكى مداه الموت ومش خايف ومش مهتم
وانا قرأت وأنا عارف
بأن الحلم وياكى مداه الموت ومش خايف
وبلاش كلمه ومش مهتم حذفها لن يؤثر فى المعنى
أو بطريقه أخرى
وأنا عارف
بأن الحلم وياكى مداه الموت وبرده مش خايف ولا مهتم
دول طريقتين قرأت بهم هذا البيت
أما ما كتبت
ما مش راضيه الجراح تتلم
كلمه ما مش
قرأتها
هى الجراح راضيه فى يوم تتلم
فى عز العتمه نور نجمه بتشتاقى
أفضل
فى عز العتمه لنور نجمه بتشتاقى
وماشى فى سكتى وحدى فى وسط الجبال
يمكن حزف فى وسط الجبال ولن تؤثر فى سياق الكلام
وكتبت انت
وأنا عارف مفيش فايده بكل بساطه لا يمكن حنتلاقى
أنا قرأتها
وأنا عارف بكل بساطه لا يمكن حنتلاقى
هذا بعضا من تخيلى لقراءه الكلمات
ودى مساله زوق
فهل فى زوقى شيئ من التطرف والبعد عن احداث القصيده
أم ماذا
شكرا لسعه صدركم
تحياتى






لأ لأ لأ لأ ......
حبيبتنا مدام ناهد .... بلاش السكة دى
الولد ماشى كويس خالص
و زى الفل
هاتدخلى الفصل حصة إحتياطى تبوظى المنهج كله
فى عرضك إنتى مدرسة الأشغال و التدبير المنزلى
بلاش الكيميا و حياة الدكتور أنس
NAHID 76
30/05/2009, 16h08
بسم الله الرحمن الرحيم
أستاذ طارق
يظهر أن مدرسه الاشغال نست نفسها
وجلست تعمل رفا للموضوع أامت مبوظه ياقه القميص
متزعلوش مش حعملها تانى وحياه
تحياتى
محمد المراغى
30/05/2009, 17h12
اخى وحبيبى استاذ علاء
ايه ياعم الرسم بالكلمات ده
الواحد حس بنسمه هو جميله منديه مع كلمه شجر وصفصافه وضله
والله انا ندمان انى ضيعت وقت كتير فى منتديات تانيه واتاريك
منور هنا فى سماعى
الله ينور عليك
ودام قلمك المبدع
علاء طه ياسين
30/05/2009, 19h39
عم سعد
مش غريب عليك كلامك الحلو اللي دايما تقولهولي
أعمل ايه فيك بس
جيت لى بهواك وصلتنى لأبعد مدى
انا عمرى مااتخيلت يوم أحب كل الحب دا
بأحبك يا عم سعد .. بأحببببببببببببببببببببببببببببببك
علاء
علاء طه ياسين
30/05/2009, 19h43
عمي طارق ..
مادام عجبتك علي كده هأستمر بس مش تحرمني من نقدك ..
علي فكرة استمتعت جدا بحوارك مع المدام ناهد ..
ربنا يخليكوا انتو الاتنين ..
وشكرا جدا ..
علاء
علاء طه ياسين
30/05/2009, 19h51
السيدة الناقدة ناهد :emrose: الوردة دي هدية مني ليكي علي تشريحك للقصيدة .. اللي اعتزيت بيه جدا ..
أقول ايه يعني ..
علي رأي عادل إمام .. ماذا أقول بعد كل ما قيل .. انتي والأستاذ طارق بصراحة بترفعوني السما .. وبتحسسوني إني كويس .. شكرا ليكم خالص ..
أما حكاية ذوقك بقا .. فده شيء مش محتاج دليل .. لأن كلك ذوق ..
أدعو الله لك بالصحة والعافية والحياة السعيدة ..
وشكرا
علاء
علاء طه ياسين
31/05/2009, 04h24
الأستاذ محمد المراغي صديقي العزيز
الله يخليك علي كلامك الحلو اللي كتبته ليا ده .. وبعدين دا انت اللي بزيارتك وتشريفك لينا حسستنا بقطرات من الندي تتساقط من وردة حمراء نادية كمثل التي قدمتها للحبيب المبدع سعد الشرقاوي ..
بارك الله في أهل المنتدي أجمعين ..
وشكرا خالص ليك ..
علاء