المساعد الشخصي الرقمي

مشاهدة النسخة كاملة : انت .. فين . ؟؟


محمد المراغى
30/05/2009, 09h27
يا حبيبى
انت فين ؟
طال غيابك
رحت فين ؟
ليه نسيت قلبى الحزين
ليه يا قاسى
انت .. ناسى
ولا غاوى تكون .. رزين
ولا عايز تختبرنى
وتختبر قلبى ومشاعرى
لا ياسيدى
ما انت عارف انك انت كل حاجة
انت ايامى اللى فاتت
وانت ايامى اللى جايا
وانت أحلام ... السنين
*****
يا حبيبى
انت ... فين ؟
ياللى جوه القلب ساكن
انا دبت من .... الحنين
مش مصدق ! ؟
طب راح احلف 100 يمين
انك انت عمرى
كله
ومستحيل استغنى .. عنك
واللى يشهد
بالكلام ده
هو رب ..... العالمين
يا ...
حبيبى ...
انت ....
فين ....

علاء طه ياسين
30/05/2009, 11h13
وانا من ناحيتي بعد جمال غنوتك وروعتها يا محمد يا مراغي هأبعت لها نداء واشتغاثة إنها ترجع ..
بس تعالي ..
انا من مليون سنة باستني ..
انا بافتح لك باب الجنة ..
بس تعالي ..
نسكن ويا الهوا ف جزيرة ..
انتي لوحدك فيها أميرة ..
بس تعالي ..
علاء

NAHID 76
30/05/2009, 11h52
بسم الله الرحمن الرحيم
أستاذ محمد المراغى
أنت فين :mdr:
قرأتها حسيت أن فريد الاطرش بيغنى وبيقول يا حبيبى طال غيابك ليه يا أسى
وشفت العبقريه بتاعت أخوك علاء
رد عليك وقال تعالى بس فى جزيره وتكون فيها الأمير
مسبكش فى حيره
أحنا الى أحترنا من تلقائيتكم وجمال كلمكم
تحياتى

محمد المراغى
30/05/2009, 12h47
وانا من ناحيتي بعد جمال غنوتك وروعتها يا محمد يا مراغي هأبعت لها نداء واشتغاثة إنها ترجع ..

بس تعالي ..
انا من مليون سنة باستني ..
انا بافتح لك باب الجنة ..
بس تعالي ..
نسكن ويا الهوا ف جزيرة ..
انتي لوحدك فيها أميرة ..
بس تعالي ..

علاء

كده يا استاذ علاء بعد الكلام الحلو ده هتسبنى وتروحلك انت !!!! هههههه
شكرا يا غالى على المرور والمشاركه الجميله

محمد المراغى
30/05/2009, 12h59
بسم الله الرحمن الرحيم
أستاذ محمد المراغى
أنت فين :mdr:
قرأتها حسيت أن فريد الاطرش بيغنى وبيقول يا حبيبى طال غيابك ليه يا أسى
وشفت العبقريه بتاعت أخوك علاء
رد عليك وقال تعالى بس فى جزيره وتكون فيها الأمير
مسبكش فى حيره
أحنا الى أحترنا من تلقائيتكم وجمال كلمكم
تحياتى


الاخت العزيزه مدام ناهد
صاحبه القلم المبدع و والحروف صادقه المشاعر والاحاسيس
لمرورك دوما مكانه خاصه تضفى عليا الكثير من البهجه
رائعه انت كالعاده
تقبلى تحياتى

سعدالشرقاوى
30/05/2009, 14h25
توءم روحى المبدع/محمدالمراغى
الصلح احسن
جانا جوابك ريّح بالنا
قبل الشوق مايغيّر حالنا
جانا جوابك ريّح بالنا
,,,
شوفنا الظرف عليه مكنوب
اسم الراسل م المحبوب
خللاّ بعادك مش محسوب
ابعت دايما ريّح بالنا
,,,
كل جواب من عندك لينا
مكتوب انك مشغول بينا
فيك الخير وبتسال فينا
ابعت دايما كيد عزّالنا
,,,
ابعت واحنا نردّ عليك
احلا كلام من شوقنا اليك
ياللى يوماتى نفكرّ فيك
على بال مانتا ف يوم توصلنا

جانا جوابك ريّح بالنا
اخوك/سعدالشرقاوى

محمد المراغى
30/05/2009, 18h33
توءم روحى المبدع/محمدالمراغى

الصلح احسن
جانا جوابك ريّح بالنا
قبل الشوق مايغيّر حالنا
جانا جوابك ريّح بالنا
,,,
شوفنا الظرف عليه مكنوب
اسم الراسل م المحبوب
خللاّ بعادك مش محسوب
ابعت دايما ريّح بالنا
,,,
كل جواب من عندك لينا
مكتوب انك مشغول بينا
فيك الخير وبتسال فينا
ابعت دايما كيد عزّالنا
,,,
ابعت واحنا نردّ عليك
احلا كلام من شوقنا اليك
ياللى يوماتى نفكرّ فيك
على بال مانتا ف يوم توصلنا

جانا جوابك ريّح بالنا

اخوك/سعدالشرقاوى

شقيقى وحبيب روحى استاذى العظيم سعد
احيانا من حجم الانفعال والمشاعر التى تشعر بها تجد نفسك عاجز عن الكلام

او لان كلماتك التى سطرتها اكبر واسطع من اى كلام استطيع كتابته
فتقبل منى هذه الورده لعلها تشكرا بعطرها اكثر من الحروف والكلمات
http://www.roo7oman.com/gallery/displayimage.php?imageid=3144

علاء طه ياسين
31/05/2009, 05h28
بصراحة يا شرقاوي حيرتنا فيك كل ما أكتب رد تكتب أحسن منه .. تناغم رائع .. ياسلام عليك وانت بتقول ..
ابعت واحنا نردّ عليك
احلا كلام من شوقنا اليك
لكن
ياما بعت كتير جوابات
فيها اللهفة .. وفيها سلامات
بس مفيش ولارد وصلني
هو الواد البوسطجي مات
علاء

محمد المراغى
31/05/2009, 08h54
ياما بعت كتير جوابات
فيها اللهفة .. وفيها سلامات
بس مفيش ولارد وصلني
هو الواد البوسطجي مات

علاء

والله ياعم علاء مش عارف
يمكن بردت فيه ... الاشواق
ولا خلاص ما بقاش . مشتاق
ويمكن عايز يكتب ..... لينا
بس ما هوش لاقى ... اوراق

علاء طه ياسين
31/05/2009, 11h16
طب تشتري م المكتبة رزمة
علشان بس تحل الأزمة
واذا كان مش وياها فلوس
بيع علشانها ياسيدنا الجزمة
أعزكم الله هي جات كده القافية
علاء

NAHID 76
31/05/2009, 11h55
بسم الله الرحمن الرحيم
والنبى أنتم التلاته حيرتونى بجمال كتابتكم العفويه الرائعه
وردودكم المتجهزه الفوريه
يا با الحاج شرقاوى تسلم الايادى
تحياتى

Tarek Elemary
31/05/2009, 11h58
طب تشتري م المكتبة رزمة


علشان بس تحل الأزمة
واذا كان مش وياها فلوس
بيع علشانها سريس بالحِزمة


كده ممكن تمشى مع القافية
و ما تمشيش حافى:mdr::mdr:

علاء طه ياسين
31/05/2009, 13h04
عمي طارق ..
فكرة جميلة وحل عظيم ..
حليت بيه مشكلة الجزمة ..
برافو برافو انت الأستاذ ..
اعزمنا علي فته ولحمة ..
والنبي يامدام ناهد اتوسطيلنا عند الأستاذ طارق يعزمنا انا والمراغي والشرقاوي علي الغدا .. وليكي الأجر والثواب من الله
علاء

Tarek Elemary
31/05/2009, 13h28
أهلا بكم من غير واسطة
مدام ناهد تتوسط فى عُمرة أو حِج
مش وجبة هبر!!

علاء طه ياسين
31/05/2009, 13h43
هو ده الكرم والأصل الطيب ياباشا .. إمتي بقا وفين ؟ :):)
في كل كلمة أقولها
ولآخر الزمان
هأدعيلك يا حبيبنا
بالراحة والأمان
واحنا كفاية نآكل
ونحلي ببرتقان
علاء