المساعد الشخصي الرقمي

مشاهدة النسخة كاملة : هي يعني المشرحة ناقصة قتيل

علاء طه ياسين
28/05/2009, 19h47
جي من أقصي الجنوب ..
يمكن ألحق فرصة في الشمس اللي مالت للغروب ..
كل أحلامي بسيطة ..
زي نجماية بعيدة بس بتنور دروب ..
وتقولولي توب عن العشق اللي مالي دنيتك ..!
وبلاش تحب .. بلاش تدوب .. ؟!
فيه غناوي حزن سافرت في القلوب
فيه عيون الهم فيها ليل نهار ..
فيه وشوش فيها شحوب ..
إبدأ اكتب وانت طعم الطين في حلقك ..
عن مشاكل .. عن كوارث .. عن حروب ..
لأ يا سيدي ..
هي يعني ناقصة غلب وناقصة حفنة من الكروب ..
موقفي ده مش تراجع عن قضية ..
مش هروب ..
بس يعني المشرحة ناقصة قتيل ..؟!
ولا يعني الساحة عاوزة بطل من النوع التقيل .. ؟!
دوخيني يالمونة ..
دوخيني يالمونة ..
ياتري شالوا المعونة ..
ولا مش شالوا المعونة .. ؟
ياتري طوبة السنة دي غيروه خَلُّوه بؤونة .. ؟
ياتري سعر الحديد بقا أد إيه .. ؟
وردة بتغني وباسمع صوتها بيلف البلاد ..
ريحونا ..
ياللي غاويين تتعبونا ..
انا هأكتب عن هوي في عيون بهية ..
يستحي يظهر يبان والناس تشوفه ..
اللي بتشوفه السواقي والشراقي والنخيل ..
حب مليان بالنقاء ..
حب يهفو للبقاء ..
زي نسمة صيف جميلة جايه تحضن نبع ماء ..
مش مصايب ..
مش مجاعة ..
مش وباء ..
حب في فروع الكافور بيداري خوفه ..
كل حب وله ظروفه ..
مش ............. تقوم تغني
رجب ..
حوش صاحبك عني ..
اعتذر لقواعد الشعر العتيقة ..
لما جات هيفاء حصل ..
لخبطة في الوزن مني ..
عاشقة ام كلثوم
28/05/2009, 19h53
الله كلام حلو اوى يا استاذ علاء
واخر حته حلوة اوى بتاعت زى نسمه صيف -----
سعدالشرقاوى
28/05/2009, 20h01
حبيب قلبى/علاء ياسين
مستنيّك مترقبك منتظرك
بتريحنى يابو الزوق والاصاله
كان لازم تتوه القافيه منك وده سر جمالك
انا هأكتب عن هوي في عيون بهية ..
يستحي يظهر يبان والناس تشوفه ..
اللي بتشوفه السواقي والشراقي والنخيل ..
حب مليان بالنقاء ..
حب يهفو للبقاء ..
زي نسمة صيف جميلة جايه تحضن نبع ماء ..
مش مصايب ..
مش مجاعة ..
مش وباء ..
حب في فروع الكافور بيداري خوفه ..
كل حب وله ظروفه ..
ياشاعر بمشاعر يابو علوه
علاء طه ياسين
28/05/2009, 20h07
الأخت عاشقة أم كلثوم
أول مرة تشرفيني وتقرأي موضوع من مواضيعي وكمان تعليق جميل .. ده شيء يسعدني ..
شكرا ليكي ..
علاء
علاء طه ياسين
28/05/2009, 20h22
الغالي عليا .. وعلي الكل .. الأصيل .. سعد الشرقاوي ..
انا دايما بأستني ردودك .. وبأحبك والله .. عارف
شجر السنط الواقف جنب سفوح الجبل الغربي ..
شايل فيه حكاياتي .. وشايل فيه أحلامي وقلبي ..
انا أحلامي في شجر السنط .. وأنت أحلامك في شجر التوت ..
مستني أنا أول حكاياتك .. ياللا ابدأ ..
علاء
مختار الحسانين
28/05/2009, 22h42
فيها فكرة حلوة ومتدفقة ورائعة ، أنت موهوب بجد والله

بارك الله فيك

وأقولك بخصوص امريكا الحتة دى

أنا بكره امريكا الظالمة مصاصة دم الملايين.
ومنايا تتهد وتخفى وتولع ماتقولوا أمين .
علاء طه ياسين
29/05/2009, 09h41
آمين .. اللهم آمين
مشغول عننا اليومين دول يعني يا مختار .. وشك ولا وش القمر .. مش بنشوفك كتير .. يا عم صلح وصلة النت اللي عندك بقا .. عايزينك معانا باستمرار ..
علاء
محمد المراغى
29/05/2009, 16h15
جي من أقصي الجنوب ..
يمكن ألحق فرصة في الشمس اللي مالت للغروب ..
كل أحلامي بسيطة ..
زي نجماية بعيدة بس بتنور دروب ..
بيتين من الشعر لخصو مليون كلمه كانوا جوايا وبأحاول اعبر عنهم من زمان من اول ماجيت من الصعيد للقاهره ولكن فشلت وانت يا استاذنا ببساطه عبرت عنهم ببتين فقط
الله عليك http://www.picmool.com/images/790_0hk58418.gif (http://www.picmool.com/images/790_0hk58418.gif)
NAHID 76
29/05/2009, 16h38
بسم الله الرحمن الرحيم
والله وأنا بسقف أنا كمان
تحياتى
مختار الحسانين
29/05/2009, 17h06
ان شاء الله

اليوم كنت أراقب على الكادر الخاص فى الجامعة ،،، يوم مليان بالمشاعر والاحاسيس ، و 22 ألف ، و 31 ج ...
علاء طه ياسين
29/05/2009, 17h11
الأستاذ / محمد المراغي
شاكر جدا ليك تعليقك علي موضوعي .. التعليق اللي أسعدني جدا .. وكمان التصفيق الحاد أخجلني ..
تسمح لنا تعزمك علي كوباية شاي بعد صلاة العصر قدام الدوار .. :)
أشكرك .. وتحياتي
علاء
علاء طه ياسين
29/05/2009, 17h23
السيدة الفاضلة / ناهد
لا أجد تعليقا يوفيك حقك في الشكر ..
تحياتي وتمنياتي الطيبة
علاء
Tarek Elemary
30/05/2009, 06h23
جي من أقصي الجنوب ..

يمكن ألحق فرصة في الشمس اللي مالت للغروب ..
كل أحلامي بسيطة ..
زي نجماية بعيدة بس بتنور دروب ..
وتقولولي توب عن العشق اللي مالي دنيتك ..!
وبلاش تحب .. بلاش تدوب .. ؟!
فيه غناوي حزن سافرت في القلوب
فيه عيون الهم فيها ليل نهار ..
فيه وشوش فيها شحوب ..
إبدأ اكتب وانت طعم الطين في حلقك ..
عن مشاكل .. عن كوارث .. عن حروب ..
لأ يا سيدي ..
هي يعني ناقصة غلب وناقصة حفنة من الكروب ..
موقفي ده مش تراجع عن قضية ..
مش هروب ..
بس يعني المشرحة ناقصة قتيل ..؟!
ولا يعني الساحة عاوزة بطل من النوع التقيل .. ؟!
دوخيني يالمونة ..
دوخيني يالمونة ..
ياتري شالوا المعونة ..
ولا مش شالوا المعونة .. ؟
ياتري طوبة السنة دي غيروه خَلُّوه بؤونة .. ؟
ياتري سعر الحديد بقا أد إيه .. ؟
وردة بتغني وباسمع صوتها بيلف البلاد ..
ريحونا ..
ياللي غاويين تتعبونا ..
انا هأكتب عن هوي في عيون بهية ..
يستحي يظهر يبان والناس تشوفه ..
اللي بتشوفه السواقي والشراقي والنخيل ..
حب مليان بالنقاء ..
حب يهفو للبقاء ..
زي نسمة صيف جميلة جايه تحضن نبع ماء ..
مش مصايب ..
مش مجاعة ..
مش وباء ..
حب في فروع الكافور بيداري خوفه ..
كل حب وله ظروفه ..
مش ............. تقوم تغني
رجب ..
حوش صاحبك عني ..
اعتذر لقواعد الشعر العتيقة ..
لما جات هيفاء حصل ..
لخبطة في الوزن مني ..

علاء طه ياسين
عرفت فالزم
الآن الآن يا علاء
هذا ما قصدته
و هذا أول الطريق
أهلا بك على طريق الأسفلت
بعدما ملأ التراب قدميك على الزراعية
الآن تستطيع السفر بنا لآفاق جديدة و بعيدة
للمرة الثانية
عرفت فالزم;)
علاء طه ياسين
30/05/2009, 10h22
عمي طارق ..
الان يا عمي .. وسألزم إن شاء الله ..
وكل الصعيد بيسلم عليك .. وبيقولك خلي بالك من الواد علاء ..
شكرا ليك يا عمي طارق .. ألف شكر
ودعواتي الخالصة لله إنه يكرمك ويسترك ..
علاء