المساعد الشخصي الرقمي

مشاهدة النسخة كاملة : طيب كداب كداب

علاء طه ياسين
27/05/2009, 18h10
روحي بقا متزهقنيش ..
وكفاية متتعبنيش ..
النار الحارقاني بيها ..
بقيت ما بتحرقنيش

نظراتك ليا عذاب
مش نظرات الأحباب
وبتتعاملي مع قلبي
بقانون وشريعة الغاب
من قبل ما اقول الكلمة
تسبقي وتقولي كداب
طيب كداب كداب
خليكي عندك ما تجيش
وكفاية متتعبنيش

أنا متأسف مش طايقك
بقا بيني وبينك سور
إنتي أكبر مغرورة
علي طول بتعيشي الدور
وتأنبي دايما فيا
ولا مرة تقولي معذور
خلي المستور مستور
وبلاش متكلمنيش
وكفاية متتعبنيش
مختار الحسانين
27/05/2009, 22h39
لا لا دا مش علاء دا واحد تانى خالص

مش متدفقة أبدا

_________________________________

يا حبيبى ارجعلى وشوف حالى
والحيرة يا روحى اللى انا فيها

الشوق ف بعادك نار قايدة
هات جردل ميه وطفيها

وعيونى دموعها ملت ترعة
سهرانة نهارها ولياليها

ورموشى ف بعدك زهقانة
لا اتارى أو دش يسليها

وهدومى ف بعدك مغسولة

بدموعى والهجر كاويها

ارجع نتصافى ونتصالح

وتعود الميه لمجاريها

_____________________
NAHID 76
28/05/2009, 06h48
بسم الله الرحمن الرحيم
التوأمين
الأساتذه علاء ومختار
علاء
أيوه كده إثأر مره واحده هو كده اللى ميقدرش يتقال له كده
جميله فى اتجاهها من حيث الموضوع
سى مختار
إيه التلقائيه والشغل اللى على ميه بيضا ده
روعه
وكده بقى أخذ علاء حقه
يتصالح بقى
ثنائى ملكوش حل
أما عمكم الشرقاوى
ح نسميه بعد إذنه ومن غير زعل
وآسفه مقدما

عم الشرقاوى العقده
تحياتى
سعدالشرقاوى
28/05/2009, 07h19
صباح الفل على عيونكم
خايف باقى الحبايب يفكّروا
اننا بنكوّن (نقابة الفلاحين)
ايه الجمال ده (ياعلاء ياوادياسين)
دايما كده داير من اول منافلهّ
وانت ياخال (مختار)
والله فى ظل هذا الغم عايزين
نفرفش شويه مع هذا اللون الفكاهى الجميل
وهدومى ف بعدك مغسولة

بدموعى والهجر كاويها
امّا انتى (ياعمتى ناهد)
ربما طعم التوت لايحلو الا لآكله
ومن لايعرف جو التوته والقعده والسهرايه
اعتقد سيكون له راى آخر
لاننا للاسف قطعنا توت يامه
علاء طه ياسين
28/05/2009, 13h20
مختار يا حبيبي وقعنا خلاص .. مادام مدام ناهد قالت إننا ثنائي ملوش حل وهي ليها بصراحة عيون خبيرة في فن النقد يبقي ياحبيبي لازم نثبت ده .. ولا ايه رأيك ؟
علاء
علاء طه ياسين
28/05/2009, 13h27
مدام ناهد ..
انا نويت أكمل قصة الولد الأهطل حمودة وآخر حته في قصته مع البنت سعدية .. بس مش عارف أكملها في نفس الموضوع اللي بدأتها فيه .. ولا هنا .. ولا أفرد لها موضوع لوحده .. منتظر رأي حضرتك ..
وشكرا ليكي خالص
علاء
علاء طه ياسين
28/05/2009, 13h31
الشرقاوي .. عطر الأرض الطيبة ..
انا موافق علي تكوين نقابة للفلاحين .. وياريت نعمل انتخابات نزيهة وحرة علي منصب نقيب الفلاحين .. بلاش الـ 99.99 % .. ;)
عفاف سليمان
28/05/2009, 17h02
مساء الخير على حضرتك الاستاذ علاء
يمكن بتقولك كداب
لانها بتغار عليك
ومن الغيره بتحس انك كداب:o
او يمكن للغيره عايزه تشدك
وتخليك دائما تنظر حوالين نفسك:crazy:
وتختف تكدب عليها
حتى لو كان حبك لها كدبه;)
جميل ما كتبت
تحياتى لحضرتك وللجميع
اختكم عفاف:)
علاء طه ياسين
28/05/2009, 17h28
الأخت الفاضلة / عفاف
أشكر ليكي زيارتك لموضوعي واهتمامك بالرد عليه .. ودي أول مرة تشرفيني .. سعيد جدا بزيارتك وتعليقك الظريف ..
بس علي رأي فايزة أحمد ..
متحبنيش بالشكل دا وتغير كتير من دا ودا
الحب مش غيرة وشجن الحب أكبر من كدا
مش تحرمينا من مرورك وتعليقاتك ..
شكرا ..
علاء
عفاف سليمان
28/05/2009, 17h35
الاستاذ علاء:emrose:
انا اللى شاكره ردك على
وإن شاء الله هانت قربت اخلص امتحانات وهتلاقينى فى هذه الصفحه لحد اما تزهقوا منى من الردود
بس اشوف كل جميل
ومعلش الغيره نار
والغيره كما يقولون هى بهارات او الشطه :mdr:
واكيد الغيره لها معدلات وحدود
كفاك وكفانا شر زيادتها:crazy:

تحياتى لك وللجميع
اختكم عفاف:)
علاء طه ياسين
28/05/2009, 19h33
الأخت / عفاف سليمان
عمرنا مانزهق من طلتك علينا ..
ويارب تنجحي في الامتحانات .. وساعتها مش هنتنازل عن الحاجة الساقعة ..
ربنا يوفقك