أيوه انا باكدب عليكي [الأرشيف] - منتدى سماعي للطرب العربي الأصيل

علاء طه ياسين

26/05/2009, 11h28

Tarek Elemary

26/05/2009, 11h46

تحياتى لك علاء
لكن ما هذه الخيانة و الظلم و اللعب بالمشاعر و قلوب الغير
ما هذه البجاحة فى الإعتراف بالخيانة لم تقدم مبرر لذلك ما ذنب هذه المسكينة
التى تفكر بغيرها بين أحضانها ..... يا لها من قسوة
الكلام الحلو و النظم الجميل لا يبرر الخيانة
تحياتى

علاء طه ياسين

26/05/2009, 12h53

عمي طارق العمري
شكرا لمروك والتعليق علي اللي كتبته
بجد هي ملهاش ذنب .. القدر جابها في سكة الخاين ده .. مش علشان واحدة كسرت قلبه يكسر هو قلب بنت أحبته وإدت كل مشاعرها وأحاسيها ليه ..
..وانا عارف ان القصيدة دي استفزت مشاعرك لأنك مش متخيل إن البجاحة في الاعتراف بالخيانة ممكن تكون موجودة بالشكل ده .. والله يا عم طارق الصنف الخاين البجح ده موجود كتير ..
انا سعيد بتعليقك .. وهاستني تعليقاتك الجاية علي كل كتباتي ..
شكري وتقدير واحترامي ليك
علاء

NAHID 76

26/05/2009, 13h11

بسم الله الرحمن الرحيم
الاستاذ علاء يا سين
من ناحيه الكمات المعبره عن الموقف نفسه فهى رائعه
فى محاوله نسيان واحده بأنشغال بحب أخر ولكنه غير قادر
عبرت فأحسنت التعبير وكلامك كله فى قسوته خدم الفكره جيدا كفكره
أما اذا تكلمنا عن قسوه الخيانه واللعب بالقلوب والغدر فهذا شيئ بشع ولكنه أكثر من موجود
وهناك من يحب لأجل الحصول على شيئ معين بعينه قد يكون مادى أو معنوى
وأذا لم يصل لهدفه يوليك ظهره وكأن شيئ لم يكن
بمنتهى البساطه بيقول أسف ليكى
أسفى على كل هذه الأشكال
مع أسفى

محمد المراغى

26/05/2009, 13h26

كل ده كان تمثيلية
كدبة مرسومة ف عنيا
كنت حاسس بيها هي
وانتي حاضناني ايديكي

الله عليك يا عم علاء
الفكره جامده
والكلمات سلسه وكانها تبحر فى بحر شعرى هادئ الامواج
تحياتى الى قلمك المبدع
وتقبل مرورى

علاء طه ياسين

26/05/2009, 13h41

الأخت الأكثر من رائعة ناهد
يعز عليّ وجود مثل هذه الأصناف .. ولكن هكذا البشر .. شخصيات متباينة ... ونماذج متضادة ... وطباع وسلوكيات مختلفة .. ولايظهر الجميل إلا وجود القبيح .. كما قال الشاعر ..
ضدان لما استجمعا حَسُنَا ... والضد يظهر حسنه الضدُّ
وانا اضم صوتي إلي صوتك في تأسفك علي وجود كل هذه الأشكال الانتهازية المنتفعة أصحاب المصالح الشخصية .. حتي علي حساب المشاعر والأحاسيس البريئة ...
..............
تتصوري رد البنت علي الولد ده ممكن يكون إيه .. انا أتخيل إنها بتقول له .. رغم كل الجروح اللي فيها .. ورغم كل التعب النفسي اللي سببه ليها ..
احلفلى بحبك ليا
اكدب من تانى عليا
يااااه.. للدرجة دى عنيا
كانت مش شايفه حقيقتك
دوّر على كدبه جديدة
فكر قول جمله مفيدة
انا لو هاندم على حاجة
مااندمشي ان انا صدقتك
أنا أخلصلك وأوفيلك
وبتخدعني بتمثيلك
والله ما قادرة أقول لك
غلطانة لأني عشقتك
لو ليكي تعليق علي التعليق .. مش تحرميني منه .. مع خالص تقديري لشخصك الكريم ..
علاء

علاء طه ياسين

26/05/2009, 13h47

الأستاذ محمد المراغي
أول مرة تعدي علينا علشان كده لازم تآخد واجبك في الترحيب بيك ... أقول لك شرفتني بمرورك .. وأسعدتني بتعليقك ..
وكلامك الحلو .. واتمني تكون متواصل دايما معانا .. وميكونشي مرورك مجرد مرور عابر ..
واقرا رد البنت علي الولد في الرد علي تعليق المدام ناهد .. ولو ليك رأي يريت متحرمناش منه ..
علاء

NAHID 76

26/05/2009, 14h24

بسم الله الرحمن الرحيم
يا سلام يا سلام
من غير ما كنت تطلب التعليق كنت حعلق
كم من التعليق على تعليقات سابقه بتكون أروع من الموضوع نفسه
أم كلثوم بتقول
وحلم وصار مع الأحلام يا ريته دام ودام نومى
وعبد الحليم قال كنت أستنه شويه وسبنى أعيش مخدوع
كم كانت تحب أن تظل تعيش لحظه الغرام ولو حتى مخدوعه
المحب غير غشاش الحب
كم من الاغانى غنت عن أنها تفضل أن تعيش مشاعر الحب حتى لو مزيفه
بس بصراحه أنت عبرت أحسن تعبير عن هذا الموقف الكاذب لدرجه أنك جعلتنا نكره هذا الشخص وفى ذلك
قمه النجاح لتوصيل الفكره للمستقبل بوضع سكون على حرف القاف
تحياتى لنسياب قلمك

علاء طه ياسين

26/05/2009, 15h11

أختنا الفاضلة ناهد ..
بالفصحي "كم أنت رائعةٌ في ردودك" .. بالعامية بقا "الله عليكي .. ايه حلاوة الردود دي" .. كل مرة بتكرمينا برد من ردودك الرائعة .. فلك الشكر .. ولكن ما رأيك لو تبدلت الأوضاع .. وجاءت نهاية قصة الحب علي يد الفتاة .. انا لا أكتب القصص .. ولكن تخيلي القصة حين تكون نهايتها ..
"أخرجت من حقيبة يدها صورة فوتوغرافية بها ثلاثة أشخاص وأشارت بإصبعها إلى أحدهم وهي تقول ما رأيك في هذا .. نظرت إليها متسائلا .. وأنا لا أفهم ما تريده مني .. قالت : إنه حبيبي محمد ولكنه متعب بعض الشيء .. قلت في مرارة لم تلحظها : وفي أي شيء أتعبك محمد ؟ قالت إنه متهور يقود السيارة بسرعة مجنونة .. كما أنه يريد أن تكون كل أيامنا فسح وسهرات .. عندئذ نهضت من مكاني وقلت لها : وأنا ؟؟ .. فإذا بها تقول الكلمة الشهيرة : ممكن نكون أصحاب .. الصداقة تدوم لكن الحب غير مضمون "
علاء

رائد عبد السلام

26/05/2009, 15h34

أيوه انا باكدب عليكي

كنت عاوز ألقاها فيكي
أيوه كنت كتير باحاول
أنسي حبي ليها بيكي

كنت فاكر إني هأنسي
كل كلمة وكل همسه
كنت بأدي لقلبي فرصة
يرسي فوق شطين عنيكي

كل ده كان تمثيلية
كدبة مرسومة ف عنيا
كنت حاسس بيها هي
وانتي حاضناني ايديكي

باعترف مش قادر اخبي
هي بس المالكة حبي
واعتذر عن إن قلبي
عمره لحظة ما حن ليكي

علاء

طبعاً جميل ياعلاء
الصنعة والتمكن في كتابة الأغنية واضح
ولكني أحب أن أقرأ لك شعراً بالعامية المصرية
ذلك الطريق الذي سلكه أعمامنا الكبار
بيرم وحدّاد وجاهين
فهم لم يكتبوا بالعامية عن عجز ..
ولكنهم كانوا يملكون أفكاراً وروحاً شعرية
ما زالت تسري في دماء كل من تتلمذ علي أيديهم
شعر العامية يخرج بالشاعر عن إطار
الحب والهجر والوصال والخصام والعذول
وأنت موهوب وتمتلك أدواتك

فقط ...الدخول إلي عالم الشعر الرحب
هو المطلوب

الله ينور ياشاعر :emrose:

Tarek Elemary

26/05/2009, 16h04

طبعاً جميل ياعلاء

الصنعة والتمكن في كتابة الأغنية واضح
ولكني أحب أن أقرأ لك شعراً بالعامية المصرية
ذلك الطريق الذي سلكه أعمامنا الكبار
بيرم وحدّاد وجاهين
فهم لم يكتبوا بالعامية عن عجز ..
ولكنهم كانوا يملكون أفكاراً وروحاً شعرية
ما زالت تسري في دماء كل من تتلمذ علي أيديهم
شعر العامية يخرج بالشاعر عن إطار
الحب والهجر والوصال والخصام والعذول
وأنت موهوب وتمتلك أدواتك

فقط ...الدخول إلي عالم الشعر الرحب
هو المطلوب

الله ينور ياشاعر :emrose:

يا علاء .....
يا رب تركز فى كلام العبقرى رائد و تستوعبه جدا
و تعطى لموضوعاتك بعد أعمق من العواطف الفردية و الحب و العشق و الغرام و الهيام و حتى الزكام
لا تضيق على نفسك و اخرج لما هو أرحب و أعم
و لو فيه استفسار من أ/ رائد راسله على الخاص أنا على يقين من ترحيبه و سعة صدره و صدق نصائحه
و تحياتى لكليكما

علاء طه ياسين

26/05/2009, 16h08

الأخ العزيز .. والشاعر الكبير .. رائد
وحشتني يا خال .. وبقالي كتير مش بأشوف ردودك علي كتاباتي .. وكنت زعلان .. لكن مادام طلتك الحلوة رجعت تاني .. كل الحزن داب .. وكل الزعل راح وكأنه لم يكن ..
سعيد انا جدا بكلامك ليا .. الله يكرمك ويخليك ..
لما الليل يهجم بجيوشه
ولا أنوار الدنيا تحوشه
يفتح بابك وينام جنبك
يكسر قلبك ..
ولا يهتم ..
وأما الفجر يهل عليك ..
يلقاك بس خيال إنسان ..
هربان منه الروح والدم ..
عارف ليه مش قادر تفرح ..
علشان حبك للأحلام ..
ح يضيع وسط حنين مكبوت ..
أصل الزمن الجاي مش زمنك ..
أصل الزمن الجاي ..
واوعي تقول إزاي ..
زمن العيا والموت ..
علاء

علاء طه ياسين

26/05/2009, 16h13

عمي طارق ..
حاضر .. وربنا يكرمك ويخليك .. والاهتمام بالعبد لله .. لله ف لله .. ربنا يكافئك عليه .. وانا والله حبيتك جدا .. نصائح غالية .. ان شاء الله ربنا يقدرني وأعمل بيها ..
الشكر كلمة قليلة عليك .. أدعو لك الله بالتوفيق في كل أمورك ..
علاء

عبد القادر محمد

20/08/2014, 16h27

السلام عليكم ورحمة الله وبركاته
قصيدة رائعة جدا
وقد فهمتها برؤتي الخاصة
سأحاول ان اقوم بتلحين القصيدة بعد إذن صاحبها .. وسأضع اللحن هنا ان شاء الله ..

سهاام ماجد

11/01/2015, 21h17

أخى الفاضل
علاء طه ياسين
رباعيات
أكثر من رائعه
دمت ودام قلمك الثرى
شكر بلا حد
كانت هنااا
سهــ ماجد ــام

ملك شريف

04/10/2015, 15h40

بصراحه

انا مش لعارف اقوللك ايه بس تصدق
انا بحييك بجد احسنت احسنت احسنت وسير لللاامام
ممكن رئيك
عشت كتير فى هواكى اسير
عصفور بيطير
ولا حسيت انك بتخونى
عمرى مالحظه فى يوم فكرت
متوقعت
انك مرة فى يوم هتخونى
لاكن غدرك بان فى عنيكى
بان فى اديكى
اللى كتير بالحب ساقونى
وفى مدرستك اتعلمت
ايوه فهمت
ان كتير خدهتنى ظنونى
وان هواكى دا كله سراب
نار وعذاب
كسر قلبى بكى عيونى
لكن
زى مادوقت المر من غير زنب
بكرة المر كمان هتدوقى
وبين احضان النار هرميكى
تعيشى ماضيكى
تنسى كل ليالىالفرح
تدوقى الجرح
وتبطلى يا حببتى
تخونى
مع تحياتى
للجميع:emrose:

ملك شريف

04/10/2015, 15h43

بصراحه

انا مش لعارف اقوللك ايه بس تصدق
انا بحييك بجد احسنت احسنت احسنت وسير لللاامام
ممكن رئيك
عشت كتير فى هواكى اسير
عصفور بيطير
ولا حسيت انك بتخونى
عشت وقلبى كله امانى
نبع حنانى
واتخيلت الامى سبونى
عمرى مالحظه فى يوم فكرت
متوقعت
انك مرة فى يوم هتخونى
لاكن غدرك بان فى عنيكى
بان فى اديكى
اللى كتير بالحب ساقونى
وفى مدرستك اتعلمت
ايوه فهمت
ان كتير خدهتنى ظنونى
وان هواكى دا كله سراب
نار وعذاب
كسر قلبى بكى عيونى
لكن
زى مادوقت المر من غير زنب
بكرة المر كمان هتدوقى
وبين احضان النار هرميكى
تعيشى ماضيكى
تنسى كل ليالىالفرح
تدوقى الجرح
وتبطلى يا حببتى
تخونى
مع تحياتى
للجميع:emrose:

احمد فؤاد جوبا

08/10/2015, 00h50

جميله جدا نغمتها عجبتنى واحساس عالى

علاء طه ياسين

14/10/2015, 14h08

ملك شريف
شكرا لمرورك وتشجيعك
أما رأيي أنا في كلاماتك .. زي الفل طبعا .. الكتابة في حد ذاتها متعة .. وبنكتب علشان نمتع نفسنا الأول ومادمتي راضية عن كتاباتك أكيد احنا كمان راضيين ..
اكتبي واكتبي تاني وتاني
متعي نفسك ومتعينا ..

...................................

الكتابة فـ حد ذاتها
متعة ااروح والشعور
واللي مش بيحس بيها
يبْتعد عنا ... يغور