تسجيل الدخول

مشاهدة النسخة كاملة : وتقولي بأحبك يا ياسين

علاء طه ياسين
17/05/2009, 11h54
نفسي أرجع أنا وانتي صغار
وأقابلك ع الترعة ونلعب
واجري وراكي ميت مشوار
ولا نرتاح أبدا ولا نتعب
واقطفلك زهر الياسمين
وتقولي بأحبك يا ياسين
ويقولوا علينا عاشقين
ولا نزعل أبدا ولا نغضب

نفسي أقابلك تحت القمرة
تنعس إيدك وسط إيديا
أو في الضُهْر ف ضل الشجرة
حضنك يبقي ف حضني شوية
نتخلص من عقدة خوفنا
ما يهمش مين اللي يشوفنا
نتداري ف ضلة صفصافنا
وِمْن الناس والعالم نهرب
غازي الضبع
17/05/2009, 12h40
أحسنت يا أخ علاء ..
بس مين ياسين ده ;)
علاء طه ياسين
17/05/2009, 14h22
شكرا للمرور والتعليق أخي غازي
أما مين ياسين فهو أنا ..
انت مش قريت اسمي علاء ياسين
شكرا ليك
انا قلبي فيه بهية .. بس فيه اوجاع وهم
واللي بينا مش شوية ... اللي بينا بحر دم
والمياتم في البيوت .. والسكك فيها العجب
يعني بسهولة تموت ... وانت مش عارف السبب
تحياتي
ياسين
NAHID 76
18/05/2009, 11h47
بسم الله الرحمن الرحيم
استاذ علاء
اخى غازى الضبع عارف أن أنت ياسين وبيداعبك وحاطط أهداء فى المشاركه تعبر عن أنه فاهم الصوره أم عين مغمضه والثانيه مفتحه
بعنى عايز يقول لك قفشتك :mdr: :mdr:
خلى بالك الصور بتضحك أيه يعنى الكلام للضحك
أما تعليقى على ما كتبت
أم كلثوم بتشدو
أول للزمان أرجع يزمان
يا ريت أخى ياسين
بس هي فين عيون بهيه ;) :crazy:
تحياتى
غازي الضبع
18/05/2009, 11h51
شكرا للمرور والتعليق أخي غازي
أما مين ياسين فهو أنا ..
انت مش قريت اسمي علاء ياسين
شكرا ليك
انا قلبي فيه بهية .. بس فيه اوجاع وهم
واللي بينا مش شوية ... اللي بينا بحر دم
والمياتم في البيوت .. والسكك فيها العجب
يعني بسهولة تموت ... وانت مش عارف السبب
تحياتي
ياسين
عاشت الأسامي يا عم ياسين
أجدع ناس يا باشا
وأحلى اسم
لك خالص تحياتي واحترامي
أخوك .. ياسين ;)
غازي الضبع
18/05/2009, 11h56
أما تعليقى على ما كتبت
أم كلثوم بتشدو
أول للزمان أرجع يزمان
يا ريت أخى ياسين
بس هي فين عيون بهيه
تحياتى

:mdr: :mdr: :mdr:
سمعجى
18/05/2009, 12h12
و تقوللي باحِبك يا ياسين

و اللهِ حلوة و جديدة يا أستاذ علاء :emrose:

و الأحلى إنها جات عَ الجرح مع صاحبي " ياسين "
صاحِب الإسم الحَرَكي " غازي " :mdr:

آل غازي آل :mdr:
غواص النغم
18/05/2009, 12h24
حلوة :o
يس:cool:
علاء طه ياسين
18/05/2009, 16h21
الشكر ليكم كلكم علي تشجيعكم المتواصل لكتاباتي ..

عمي الكبير ومولانا سمعجي ... مجرد قرايتك للي باكتبه باعتبره وصول .. فما بالك بتعليقك .. ده بقا كان فوق خيالي .. ده انا باتعلم منكم ..
انا بجد مش لاقي كلمة أقولها لك غير شكرا ... وهي جهد المقل يا مولانا .. تقبلها بنفس راضية ..
أما أختي ناهد فدي بقا شاي الصبحية في يوم شتا تحت شجرة صفصاف .. دفء وانتعاش ... مش بيحلي اليوم إلا بيها ... وبالنسبة لي مش بتحلي أي حاجة بأكتبها إلا بتعليقاتها .. وهي أول من شجعتني في المنتدي ..
أما أخويا غازي .. أو ياسين .. وليا الشرف إن اسمي يشبه اسمه .. فأنا مش عارف أقول له ايه .. أكتر من بأحبك يا ياسين ... بس مش من بهية .. من تؤأمك اذا كنت تقبل أكون تؤأمك ... ياسين التاني ..
أما أخويا غواص في بحر النغم .. أقول له تسلم أياديك .. ومتحرمنيش من تعليقاتك الجميلة ..
وانا عاشق بهية .. متعبي بالحنين
رصاصة ساكنة فيا .. من ييجي عشر سنين
وطول ما هي حية .. متجوزشي لغير ياسين
ياسين