المساعد الشخصي الرقمي

مشاهدة النسخة كاملة : مهر الحب

علاء طه ياسين
14/05/2009, 14h40
كنتي نجمة يا حبيبتي بأمشي وسط العتمة بيها
كنت شايلك للشوراع اللي باكية عيوني فيها
بعد منك حزن واجع شايفو جاي من كل جيهه
--------------------------------
ياللي عطر الفل كان جايّ منك ماشي ليكي
كنتي شمسي اللي بتآخد ضيَّها من نور عنيكي
واصطفيتك إنتي لكن خاب عشم دنيايا فيكي
---------------------------------
انتظرتك يا حبيبتي ليل طويل مطلعش فجرو
تحفر الدمعة ف خدودي نهر مش هأوصل لآخرو
هو حبك يا حبيبتي العذاب والحزن مهرو
---------------------------------
Tarek Elemary
19/05/2009, 18h15
كنتي(كنتِ) نجمة يا حبيبتي بأمشي (بامشى) وسط العتمة بيها
كنت شايلك للشوراع اللي باكية عيوني فيها
بعد منك حزن واجع شايفو(شايفه) جاي(جَىّْ) من كل جيهه

ياللي عطر الفل كان(كله) جايّ (جَىِّ) منك ماشي ليكي
كنتي شمسي اللي بتاخد ضيَّها من نور عنيكي
واصطفيتك إنتي (إنت)لكن خاب عشم دنيايا (دنياىَّ)فيكي

انتظرتك يا حبيبتي ليل طويل ماطلعش فجره
تحفر(ترسم) الدمعة ف خدودي نهر مش هأوصل(هاوْصَل) لآخره
هو حبك يا حبيبتي العذاب والحزن مهره؟!


التعديلات أو الملاحظات من وجهة نظرى المتواضعة يستلزمها إما سهولة القراءة أو الوزن و إستساغة المعنى ثم علامات التعجب و الإستفهام لابد من وجودها فى محلها حتى يتضح المعنى فنهاية القصيدة سؤال إستنكارى يبدأ بإستفهام و ينتهى بالتعجب و هكذا
و عليك التفكير فيها و إعادة كتابتها بإحساسك أنت و لا تعتمد على ما كتبت أنا و الله الموفق
علاء طه ياسين
19/05/2009, 18h44
أستاذي طارق وأقول أستاذي ..
لقد استقبلتني أول مرة فأحسنت الاستقبال ... ونصحتني فأحسنت النصيحة ... ومثلك لا يسقط من الذاكرة ... فأنت صاحب أول فضل علي في هذا المنتدي ... لأنك أول من رد عليّ ... وانا باستمرار منفذ جيد لنصائحك ..
أنت إنسان كريم يا أستاذي ... وليس الكرم بإنفاق مال ... التعليم كرم وسماحة نفس وانا تلميذك ... أنت لم تسقط من ذاكرتي لأنك محفور فيها ... تقبل مني شكري ... وعسي الله يمكنني من رد جزء من أفضالك ..
تلميذك
علاء
Tarek Elemary
19/05/2009, 18h54
لأ لأ لأ
لقد فهمتنى خطأ .... لست أنا هذا الرجل ... و لست من يستسيغ هذه التبجيلات و التضخيمات أنا كاجوال خالص الإحترام جميل و زينة للرجال لكن أفعل تفضبل دى تحرق العلاقة و التواضع من العلماء مستجب فما بالك بمن يحبو مثلك؟!!!
فى العمل الذى أعمله أنا مدير (بتواضع رقم2 فى الشركة بعد صاحبها) و لا أطيق من يمجدنى و يقول كلاما من قبيل التعظيم و لعب أولاد سيادتك فى التراب تخطيط لمستقبل أيامنا الجاية:mdr:
أنت جميل و أنا أحبك من خلال مشاركاتك و لو كتبت حاجة لم تعجبنى سأقول بلا تردد و إذا تقبلت إستمرت العلاقة و إذا نفرت لن أعاود و سأظل ادخل صفحاتك و أقرأ لكن دون تعليق
برجاء تعديل ما كتبته لأنه يعتبر سب علنى:o:eek:
علاء طه ياسين
19/05/2009, 19h07
اوكي اتفقنا
بس مش تزعل مني .. أنا دلوقتي بأكتب أحسن من الأول .. وده بسبب ايه طيب .. مش تشجيعكم ليا ... مش احتضانكم ليا ... فين المجاملة ف دي ...
وبعدين انا مش بأشكرك لمجرد إنك تكتب لي كلمتين حلوين .. يعلم الله ما قصدت ده أبدا ... أنا أعرف الرجال ومنازلهم كويس .. وبعدين الفضل لله أولا وأخيرا ... لكن علي الأقل تقدم الشكر للي قدملك شيء ..
وبعدين انت مش بتبخل عليا بالنصيحة ... في كل حاجة ... يبقي ليه مش أشكرك وبشده كمان ...
انا مش أعرفك إلا من خلال مواقفك معايا .. وهي حاجات مشرفة .. تستاهل عليها كل تقدير ..
أستاذي الفاضل ..
متزعلشي مني ... وبعدين ازاي تمر علي كتاباتي مرور بدون تعليق ... انا عارف انك مش هتعمل كده ..
وهتعلق لو شوفت حاجة ... ولو مش عجبتك حاجة هتقول مش عاجباني ... لأن ده طارق العمري ..
انت أسأت فهمي ..
والله ما أقصد إلا الاعتراف بالجميل ..
تقبل أسفي واعتذاري
ومتحرمنيش من تعليقاتك ونصايحك ..
علاء
سعدالشرقاوى
21/05/2009, 18h58
اخى الشاعر العظيم/علاء طه
انتظرتك يا حبيبتي ليل طويل مطلعش فجرو
تحفر الدمعة ف خدودي نهر مش هأوصل لآخرو
هو حبك يا حبيبتي العذاب والحزن مهرو
عظيمه تلك الكلمات
ايها الشاعر الغنائى
اظنك يااخ/علاء شرقاوى
ياترى نظرى فى محلّه
علاء طه ياسين
21/05/2009, 20h08
عمي وحبيبي سعد الشرقاوي
احنا ولاد عم .. انا صعيدي .. والصعايدة ولاد عم الشراقوة ..
يسلم نظرك .. طول عمرك عندك فراسة .. والله ما أخطأت
علاء