رحلة إلى تركيـا [الأرشيف] - منتدى سماعي للطرب العربي الأصيل

غازي الضبع

05/05/2009, 17h26

عمنا الكبير الدكتور أنس ، والليدي ناهد هانم حرمه المصون
علمت أنهما كانا في رحلة إلى تركيا
وتحديداً في اسطنبول أو الأسيتانة
حيث الامبراطورية البيزنطية
وطلبت منهما وشاركني في الطلب العديد من الأعضاء أمثال عمي الأستاذ كمال عبد الرحمن أن يحكوا لنا عن هذه الرحلة الشيقة
وأن يرفعوا لنا صور هذه الرحلة
إلا أن الدكتور أنس رفض تلبية النداء
وأنا الآن أقوم ( بتدبيسه ) بأن يكون ليس طلباً فردياً
وإنما مطلب عام من كل أحباء الدكتور أنس وحرمه المصون
ألا يحرمونا من متعة الاستماع لهما عن هذه الرحلة أو أسميها المغامرة
في واحدة من أعرق البلدان الشرقية

سيادة الرئيس

05/05/2009, 17h29

تشكرلار غازي إفيندي

غازي الضبع

05/05/2009, 18h32

تشكرلار غازي إفيندي

من فضل حظرتكم سيادة رئيس .. تشكورات يوك
هذا الموضوع .. منشان يستمتع حظرتكم ، وحظرة جميع أعضاء سماعخانة

سيادة الرئيس

05/05/2009, 18h56

جوزال غازي

غازي الضبع

05/05/2009, 19h02

جوزال غازي

لأ .. مافيناش من كده
مين جوزال ده ؟
شاتومة دي :o

د أنس البن

05/05/2009, 21h03

والله يا ابو فارس هيه تدبيسه فعلا , لأن كان فى نيتى ألا أشغل الأحباب معى بموضوع أتحدث فيه عن نفسى أو عن شأن خاص , لكن كما يقولون خرج الموضوع من إيدى
شوف يا سيدى , الحقيقه من فتره كنت أجد لدى رغبه ملحه لزيارة هذه البلاد التى يربطنا بها تاريخ طويل ترك آثاره فى كثير من عاداتنا وكلامنا وحتى فى كثير من الآثار التى تنتشر فى ربوع مصر المحروسه
المهم بدأنا إجراءات السفر عن طريق إحدى شركات السياحه وأخذنا تأشيرات الدخول من القنصليه التركيه بالإسكندريه وبهذه المناسبه لا يفوتنى أن أوجه شكرا خاصا من القلب لأخى الصديق الحبيب الأستاذ الدكتور ثروت بك غنيم على جهوده معنا , وتم الحجز على طيران شارتر يوم 23 من الشهر الماضى وطبعا كان مدة الرحله للأسف الشديد خمسة أيام مروا كلمح بالبصر , وفى هذه الأيام الخمسه تجولنا فى ربوع إسطنبول أو القنسطنطينيه أو الأستانه كما كانت تسمى فى الماضى , وبالطبع كانت فكرتى عن هذه المدينه وتصورى لها بخلاف ما رأيت تماما , لم أتصور أن أرى بلدا بكل هذا الجمال والأناقه والروعه والنظافه , لايمكن أبدا للإنسان أن يرى منظرا صادما للعين فى أى مكان , تستوى فى ذلك الأماكن السياحيه مع أى مكان فى المدينة أو خارجها , زهور التيوليب الملونه فى كل مكان لايخلو منها شارع أو ركن أو طريق ,
شاهدنا فى هذه الرحله مضيق البوسفور الذى يفصل الجزء الأوروبى عن الجزء الأسيوى لإسطنبول وذهبنا فى رحلة يوم طويل إلى مدينة بورصه أنظف مدينه فى العالم كما جاء تقرير لمنظمة البيئه العالميه وفى هذه المدينه زرنا المسجد الكبير وواصلنا رحلتنا الى حيث جبال الجليد ورأينا الجليد فى الغابات الى أن وصلنا لأعلى قمة الجبل وأخذنا رحله بالمعديه فى مضيق البوسفور ورحله أخرى فى اسطنبول القديمه حيث أياصوفيا وقلعة طوب كابى والمسجد الأزرق , وميدان المسله حيث رأينا المسله المصريه التى سرقها الرومان وقطعوا منها 40 متر حتى يتمكنوا من نقلها , وفى اليوم الأول عشنا ليلة تركيه سمعنا وشاهدنا الفنون الشعبيه التركيه , وعزفت الفرقه أنا فى انتظارك وموسيقى بنت البلد لعبد الوهاب وكثير من موسيقانا , الخلاصة أنها كانت رحلة رائعه كنت أتمنى أن تمتد أياما أخرى لكن شاء الله وقدر ...
والآن مع الصور ........

د أنس البن

05/05/2009, 21h18

صوره لجانب من مدينة اسطنبول من أعلى من شرفة الأوتيل
أوتيل يوروبلازا
http://www.sama3y.net/forum/attachment.php?attachmentid=145359&stc=1&d=1241558032

صور لبعض فرق الفنون الشعبيه فى سهرة اليوم الأول
وسأحاول رفع بعض ملفات فيديو

http://www.sama3y.net/forum/attachment.php?attachmentid=145356&stc=1&d=1241558032
**
http://www.sama3y.net/forum/attachment.php?attachmentid=145357&stc=1&d=1241558032

**
http://www.sama3y.net/forum/attachment.php?attachmentid=145358&stc=1&d=1241558032

د أنس البن

05/05/2009, 21h24

صوره من أمام باب الأوتيل

http://www.sama3y.net/forum/attachment.php?attachmentid=145360&stc=1&d=1241558439
مجموعة صور من رحله بحريه عبر البوسفور
حيث شاهدنا جزء كبيرا من الناحيه الأوروبيه والأسيويه للمدينه
والبنايات الفاخره على طول الشاطئين

http://www.sama3y.net/forum/attachment.php?attachmentid=145361&stc=1&d=1241558439
**

http://www.sama3y.net/forum/attachment.php?attachmentid=145362&stc=1&d=1241558439
**

http://www.sama3y.net/forum/attachment.php?attachmentid=145363&stc=1&d=1241558439

د أنس البن

05/05/2009, 21h30

مجموعة أخرى من الرحله البحريه عبر البوسفور

http://www.sama3y.net/forum/attachment.php?attachmentid=145365&stc=1&d=1241558913
**

http://www.sama3y.net/forum/attachment.php?attachmentid=145366&stc=1&d=1241558913
**

http://www.sama3y.net/forum/attachment.php?attachmentid=145367&stc=1&d=1241558913
**
http://www.sama3y.net/forum/attachment.php?attachmentid=145368&stc=1&d=1241558913

د أنس البن

05/05/2009, 21h37

مجموعة أخرى

http://www.sama3y.net/forum/attachment.php?attachmentid=145373&stc=1&d=1241559294
**

http://www.sama3y.net/forum/attachment.php?attachmentid=145371&stc=1&d=1241559294
**

http://www.sama3y.net/forum/attachment.php?attachmentid=145370&stc=1&d=1241559294
**
جانب من الجسر المعلق والذى يربط شاطئى البوسفور

http://www.sama3y.net/forum/attachment.php?attachmentid=145372&stc=1&d=1241559294

محمد العمر

05/05/2009, 21h38

الاستاذ الدكتور انس البن
في البدء سفرة سعيدة وميمونة ان شاء الله
هل لك ان تحدثنا عن اكلات المطبخ التركي فهم مشهورون بطبيخهم اللذيذ ومن المؤكد تذوقتم طعامهم بالهناء والشفاء.

تحياتي

شكيب الفرياني

05/05/2009, 22h15

منور يا دكتور
منورة يا مدام ناهد
الله يجعل ايامكم
كلها هناء وفرح ومسرة
وتدوموا لبعض في رحلة العمر السعيد
يا ربّ
تحياتي القلبية لكما
مني ومن كل أفراد العائلة
:emrose:

د أنس البن

06/05/2009, 03h21

شكرا أخى محمد العمر
شكرا أخى شكيب .. أبو بهاء
الحقيقه رغم قصر مدة الرحله إلا أنها كانت مشحونه بالأحداث والذكريات الجميله . أما عن المطبخ التركى فهو فعلا مطبخ جميل وشرقى خصوصا فى المشويات والحلوى .. شئ رائع
..........
مجموعة أخرى من الصور

http://www.sama3y.net/forum/attachment.php?attachmentid=145387&stc=1&d=1241579829
**

http://www.sama3y.net/forum/attachment.php?attachmentid=145388&stc=1&d=1241579829
**

http://www.sama3y.net/forum/attachment.php?attachmentid=145389&stc=1&d=1241579829
**
فى أحد الميادين حيث الحمام يلتقط الحبوب حول الناس
زى البيكاديللى فى لندن
http://www.sama3y.net/forum/attachment.php?attachmentid=145390&stc=1&d=1241579829

د أنس البن

06/05/2009, 03h45

مجموعة أخرى من الصور
ويظهر فيها من الخارج المسجد الكبير فى إسطنبول
المعروف بالمسجد الأزرق

http://www.sama3y.net/forum/attachment.php?attachmentid=145394&stc=1&d=1241581011
**

http://www.sama3y.net/forum/attachment.php?attachmentid=145392&stc=1&d=1241581011
**

http://www.sama3y.net/forum/attachment.php?attachmentid=145393&stc=1&d=1241581011
**

http://www.sama3y.net/forum/attachment.php?attachmentid=145391&stc=1&d=1241581011

د أنس البن

06/05/2009, 04h22

مجموعة أخرى من الصور
ويظهر فيها
الجسر الذى يربط آسيا بأوربا عبر البوسفور
ويرى جانب من الجزء الأسيوى لاسطنبول
http://www.sama3y.net/forum/attachment.php?attachmentid=145395&stc=1&d=1241583389
**
منظر للنوارس إلتقطه من العباره
وكان منظرا بديعا وهى تلتقط قطع الخبز من الركاب وهى تلقى إليها فى الهواء
http://www.sama3y.net/forum/attachment.php?attachmentid=145396&stc=1&d=1241583389
**
منظر من شباك الحافله المتجهه إلى قمة جبل زيوس
حيث الجليد
http://www.sama3y.net/forum/attachment.php?attachmentid=145397&stc=1&d=1241583389
**
منظر من الحافله تظهر فيه كتل الجليد
وهى تغطى الغابات بين الأشجار
http://www.sama3y.net/forum/attachment.php?attachmentid=145398&stc=1&d=1241583389

د أنس البن

06/05/2009, 04h56

مجموعة أخرى من الصور
ويظهر فيها
جبل الجليد الأعظم

http://www.sama3y.net/forum/attachment.php?attachmentid=145401&stc=1&d=1241585395
**

http://www.sama3y.net/forum/attachment.php?attachmentid=145400&stc=1&d=1241585395
**
المسله المصريه

http://www.sama3y.net/forum/attachment.php?attachmentid=145402&stc=1&d=1241585395
**

http://www.sama3y.net/forum/attachment.php?attachmentid=145403&stc=1&d=1241585395

غازي الضبع

06/05/2009, 05h04

يعني كنت عاوز تحرمنا من الصور الجميلة دي كلها يا دكتور أنس :(

**

منورين تركيا يا دكتور والله

**

المهم .. إوعوا تكونوا اتنشلتوا ؟
أصل أنا عارف إن اسطنبول مشهورة بالحكاية دي ؟؟ ;)
..
وفين مدام ناهد .. مش عايزة تحكي لنــا ليه ؟
أنا عارف إن النساء لهم نظرة مختلفة لأي مكان جديد يزورونه عن الرجال

..

أكمل يا دكتور بالله عليك :emrose: :emrose:

عزام هواش

06/05/2009, 05h17

اخي الفاضل الدكتور انس
رحلة سعيدة انت والمدام ناهد وعقبال المرة الثانية
واحب اضيف انك عندما تدخل اي موضوع دائما" تضيف بحضورك لمسة الجمال ففي النقاشات الساخنة دائما" تجملها بحكمتك وفي سفرك تتحفنا بصورك الجميلة الله يهنيك ويمد بعمرك ويعطك حتى تسافر مرات ومرات ونحن نشاهد الصور الجميلة من وراك

NAHID 76

06/05/2009, 06h11

بسم الله الرحمن الرحيم
فليسمح لي الدكتور أنس لأتقدم بالشكر
الشكر البالغ الممزوج بالتقدير والأحترام للأنسان الدكتور
ثروت غنيم والسيده حرمه
الذى استقبلنى بالأسكندريه وأنا أقوم باجراء الفيزا للسفر
والذى استقبلنى من اول المحطه التى وصلت إليها قبل التاسعه صباحا
متنقلا بسيارته وتصحبه السيده الفاضله الدكتوره حرمه المصون
إصطحبانى من موقف السيارات بعد مكالمه خاطفه الى حيث مكان السفاره التركيه وبقى يملأ لي ما يقولون عليه الابليكيشن وبعد تقديم الاوراق
ذهبنا لشارع سوريا حيث فرع الشركه حيث سلمناهم إيصالات التقديم
وبعد ذلك الى محل ديليس بمحطه الرمل
مكان تجمع حبايبنا الحلوين الدائم :mdr:
حيث قام بواجب الضيافه
وبعد جهد جهيد منى وافقانى على العوده الى بلدى فاصطحبانى الى المحطه مره ثانيه الى حيث أغلقا على باب السياره البيجو وطبعا كل شيئ مفهوم
واتصل تلفونيا ليطمئن على وصولى بالسلامه وعرض كافه خدماته اللازمه للرحله
بالله كيف أشكره وماذا أقول
بقيت لنا سندا وعونا وأبا روحيا للجميع يا سفير العلاقات الانسانيه المملوء أدبا وتواضعا
وكل الشكر والاحترام للسيده حرمكم
تحياتى

NAHID 76

06/05/2009, 06h19

بسم الله الرحمن الرحيم
تقديرى وشكرى
للفاضله أختى المارده
التى قدمت لي عن طريق الخاص كافه المشوره لهذه الرحله واحتياطات الامن والامان
وكذلك الأماكن التى يستحب زيارتها
وأشكرها على المقلب العسل الذى وقع لي
حيث أوحى كلامها أن تركيا فى هذا التوقيت تقريبا صيفى فلم أستعد بملابس شتوى
مما جعلنى أقضى كل الرحله بجاكيت الدكتور أنس حيث أن تركيا كانت برد جدا عن مصر
وأهو تغير مش بطال
شكرى وتقديرى للي وحشتنى جدا المارده
وغالى الامتنان والتقدير لأخويا العزيز
غازى الضبع الذى شجعنا على الحديث عن الرحله بفتح موضوعه
حيث كنا لا نريد أن نثقل عليكم
أشكرك غازى ونردها لك فى الافراح
تشكراتى أفنديم

NAHID 76

06/05/2009, 06h31

محمود

06/05/2009, 06h51

أول كلامي سلام ..

أستاذنا الدنتور أنس ،

صور جميلة ورحلة واضح أنها كانت ممتعة. متعكما الله بالصحة وجعل أيامكما كلها سعادة. واضح من الصور يا دكتور أن تركيا أصبحت جزءا من أوروبا نظاما ونظافة وجمالا ، وأهم من هذا كله .. عملا وإنتاجا ، يعني بالمختصر .. تقدما.

الصور فكرتني بيوم كنت على الطائرة راجع من ماليزيا وكان في المقعد المجاور مهندس وكانت معه أسرته. هو أساسا من باكستان ولكن جنسيته بريطانية وكذلك زوجته. طبعا تحاورنا لأن الرحلة طويلة جدا. قال لي أنه حضر إلى ماليزيا مره من قبل في زيارة عمل ، وبما أنه في كل مرة كان يأخذ زوجته وأولاده لزيارة أهلهم في باكستان فقد قرر أن يصحبهم في زيارة لماليزيا حتى يريهم "أن في جزئنا من العالم ما هو مثل أوروبا وأجمل".

واضح من صورك يا دكتور انها مش ماليزيا بس!!

طبعا اللي جه على بالي أكيد جه على بالك .. حيحصل بس ربنا يعطينا ويعطيك العمر.

تحياتي

محمود

Islam Eidrisha

06/05/2009, 07h15

جوزال غازي جوزال
أستاذي العزيز دكتور أنس هل ترى أن حديثك عن نفسك أو عن بعض سفرك هو مبعث ملل أو سببا لنصب عند تلاميذك إنها قمة المتعة بالنسبة لنا أن نستمع إليك مصغين متعلمين متدبرين لما تحكي وتقول.
وإذا كنت مستنكفا أن تتحدث عن نفسك تواضعا منك فوالله لو علمت مدى شغفنا بمعرفة كل ما في جعبتك وما هو مكنون بين نفائسك لتحدثت عن نفسك ليل نهار متمتعا وممتعا لنا فأنا شخصيا أستفيد من كل ما تقول حتى ولو كان سردا لرحلة أو حديثا عن طرفة وأرى بين زوايا كلماتك علما وأدبا يشتاق إليه كل مريد.
دمت لنا يا دكتور أنس يا حبيب الكل وشكرا على هذه الصور البديعة لهذا البلد الذي امتزجنا به شئنا أو أبينا وتحياتي للأخت الفاضلة مدام ناهد وحمدا لله على سلامتكما.

NAHID 76

06/05/2009, 07h16

بسم الله الرحمن الرحي
أحبائى عائله سماعى الكرام
أستاذنكم فى مشاراكتكم وقتكم الخاص بسرد بعضا من أنطباعى عن الرحله الخاطفه الى تركيا
والتى بدءت بعرض من أحدى شركات السياحه حيث وصلنا على طائرتهم الشارتر حيث كانت الشركه معده للبرنامج بالكامل وعلينا الأستجابه وسرعه التنفيذ
من وجه نظرى
بلد رائع الجمال من نظافه وطبيعه خلابه ومناطق تستحق أن تزار
منها بلد أسمها البورصه
ودى بلد غايه فى النظافه ونقاء الجو والذهاب اليها بعباره وبعد ذلك أنطلاق بالاوتوبيس الى نهايتها تجد نفسك على قمه الجبل بالسياره أو التلفريك
على بعد ألاف الأقدام من الأرض حيث قمم جبال الثلج والسماء وانت
منظر خلاب يأخذ العقل
أما مابين الصعود والهبوط شيئ لا يتيح لى الوقت لشرحه
الجوامع ذات الطابع الخاص فى رفع المأذن
المأذنه زى القلم الجاف الرفيع طويله مزينه
لفت نظرى أن للجامع الواحد أكثر من ثلاث مأذن
روعه الجوامع من الداخل
والنقوشات والنوافذ شيئ يدعو للتعجب
مضيق البسفور وروعه السير فيه بالعباره والجانبين تراهم بعينك وجميع المنازل التى على الشاطئين
تركيا ليس فيها شارع مستوى على طول أكثر من مترين
متدرجه
المنازل جميعها ذات طابع خاص
اللغه تركيه بحته
لا يمكن حتى التفاهم حتى بالانجليزى ولا أى لغه مع التركى
مع المرشد ممكن التحدث بأى لغه
مخلفات الرسول والصحابه والجواهر الثمينه شيئ رائع
فى طريقة عرض مبهره
نقوشات وخطوط وكتابه أيات من القرأن الكريم بطريقه كتابه عجيبه
لفت نظرى وجه الشبه الكبير بين تونس الخضراء وبين تركيا
السكان الناس يعنى تمش فى كلا البلدين بسرعه رهيبه ليكاد يخيل لك أن هناك أمر جلل
طريقه الخطوه سريعه وجاده
أيضا
المناظر الخضراء والخضره التى لا يخلو منها مكان حتى الجبال
فى تونس يخيل لك أن فنان مبدع مخضر الجبل كذلك تركيا خضراء وورود
ايضا فى المأكل يغلب على تونس الطابع المشوى وأيضا تركيا شبه كبير بين البلدين
غريبه تعصب التركى للغته التى لا يمكن فهمها على الاطلاق
وليس لديه أدنى أستعداد للتجاوب مع لغه أخرى
هذه بعض أنطباعاتى عن الرحله وعلى الورد ومع الورد وجماله فى تركيا اهديكم تحياتى

محمد العمر

06/05/2009, 09h09

بسم الله الرحمن الرحيم
الاستاذ الفاضل محمد العمر
والذى أراد معرفه المطبخ التركى
احب أن أقول
على سرعه ما رأيت وأكلت يغلب عليه طابع المشوى
اللحوم بكافه أنوعها أو طيور مشويه على الفحم وبجوارها السلاطات المتعدده والمختلفه الاشكال والمذاق والكثير ه مع العيش والبطاطس المحمره
اما الفطور فحدث عن جمال الزيتون الاسود والمخلل بكافه أنواعه الى لا أعرفها وعن جمال الجبنه البيضاء والذبادى
وجميع كافه انواع الجبن والمخبوزات السخنه المحشوه
شيئ خرافى
وطبعا المده قصيره مش زى زياره تونس
ب س المشوى هو الغالب ده للأحاطه والعلم
يمكن للدكتور أنس عرض الفديو الخاص بالغذاء ويمكن لك أن ترى
تحياتى

مدام ناهد الفاضلة
تحية واحترام
في البدء سفرة سعيدة وميمونة ( اكيد هذه كانت فكرتك) فوراء كل رجل مسافر امرأة مبادرة.
اما فيما يخص الطعام فبلهنى والشفى وكنت اتمنى ان تكونوا اكلتم من المطبخ التركي الشرقي البيتي الخاص فهذا المطبخ له امتيازات عديدة ونحن في العراق اغلب اصناف طعامنا هي تركية بحكم العلاقة السابقة مع تركيا فهناك اكلة تركية شهيرة تسمى يبرغ وعندنا تسمى دولمة وفي مصر اعتقد تسمى الملفوف فهي اكلة شهية جداً وهناك ايضاً اصناف عديدة شهية.

تحيــة لذيــذة

NAHID 76

06/05/2009, 09h22

بسم الله الرحمن الرحيم
الاستاذ الفاضل رائد المصرى
أهلى وعشيرتى
تعجبت أخى رائد من موضوع زيت الزيتون اللى جبته لوالدتى من تونس وما حدث بسببه
بالبلدى وعلشان تضحكوا شويه وبعد كده يطير الموضوع للمحذوفات بس بعد أسبوع بعد إذن الساده المشرفين
لما علمت أسرتى بالسفر لتركيا شفت أنا العجب رنت التلفونات تعلن لى عن أنهم يعرفون أن تركيا تشتهر بالملابس والجواكت الجلد وسعرها رخيص
من إخواتى طبعا وبدأت العروض تنهال علي إحنا مش طالبين هدايا أى نعم أنا مقاسى أكس لارج لكنى حعطيك دولارات تشترى لى
إشى جاكيتات جلد وإشى جواكت مسيزون وإشى قمصان رجالى بمقاسات مختلفه وألوان مختلفه وإشى بلوزات حريمى وإشى برفانات وقول زى ما أنت عايز انا بتكلم عن اسرتى فقط
والعجيب فى الأمر إنى فى يوم كده قبل السفر وطول فتره الظهيره لم أسمع صوت أمى ولم تقم بطلب معين كعادتها من دواء أو مشروب
فقمت أود عليها وأشوفها عايزه حاجه
ودخلت الحجره وإذا بى أجد أمى منكبه على كتاب من بتاع الموسوعات فى الجغرافيا
ناديت ماما ماما .. شاورت لي بيدها أن أسكت
نظرت ورأيتها تتصفح الكتاب اللى من الموسوعات أتى إبن أخى لها به وهى تقرأ وتتفرج على تركيا
قلت لها فى فزع .. ايه هو انتى جايه معانا
راحت فى ضحك مستمر لم يمكنها من الرد الفورى
وبعد طول انتظار قالت لي
لا يا بنتى أنا بشوف تركيا بتشتهر بإيه علشان أقول لك تجيبى لي
صعد الى ذهنى على طول موضوع زيت الزيتون بتاع تونس والطياره
ضحكت بصوت عالى وقلت لها هو أنا لسه نسيت يا ماما ما حدث فى لزياره تونس
وطبعا كل معارفى وصديقاتى اللى عندها بنت حتتجوز عايزه مفرش الزينه
واللى عايزه لبنتها العروسه طقم الشوك والمعالق
ماتكلمتش طبعا عن أرواب العرايس والفساتين
ولما السائق وصلنا المطار وعاد بالسياره سلم علينا وقال أنا بلبس أكس لارج
ومقلش لك
أسندت ظهرى لكرسى الطائره وسرحت بفكرى عن اللى شفته وسمعته وحسيت أنى كده عايزه شهرين مش خمسه أيام
وكمان عايزه خط سير شنط خاص بى
ولقتنى كده أنفع تاجره شنطه الى تركيا ومنها وبلاش أزور معالمها خالص مش مهم
المهم اللارج والتو أكس لارج
وبهدوء بالغ فتحت شنطه يدى وأخرجت منفستو الطلبات ومزقته وكان نفسى أفتح شباك الطياره وألقى به فى الهواء ودسيت المنفستو الممزق فى شنطتى
وأغمضت عيناى لأجدنى فى تركيا والجو غايه فى البروده حتى مش معايا جاكت لى ألقيت بنفسى وسط الفوج ونسيت الذى كان
والان بفكر هل أعمل بتجاره الشنطه المربحه جدا
ام بماذا تشور علي

سمعجى

06/05/2009, 09h33

أفهَم مِن كِدا إن حضرتك ما جبتيش هدايا لأعضاء المنتدى ؟!

:mad:

:mdr:

NAHID 76

06/05/2009, 09h41

بسم الله الرحمن الرحيم
حبنا الكبير وشاعرنا الجميل
معقول أنا انسى أجيب هدايا للمنتدى
ودى برضه تفوتنى
ألم يعد للمنتدى قلبه النابض بعودة أخى الغالى كمال عبد الرحمن
ألم يعد للمنتدى الواحه والساحه والعطر والجمال
بعوده سيدى أبو زهده
عدت للمنتدى بأروع الهدايا الى مقاسها مقاس العالم والسماء والفضاء والشمس والنجوم
ولسه كمان ياما هدايا جايه فى الطريق
تحياتى يا أجمل هديه

غواص النغم

06/05/2009, 10h21

كويس انه مفيش حد طلب نور او مهند
على فكرة بيقولوا ان منزلهم اصبح معلم سياحي
حمدا لله على سلامة وصولكم
من كل قلبي
ومن غير ما اقصد اي حاجة_:rolleyes:انا بلبس اكس لارج
وان شاء الله تكون الرحلة مثمرة
:emrose:تحياتي:emrose:

NAHID 76

06/05/2009, 11h13

بسم الله الرحمن الرحيم
أخى الفاضل غواص النغم
أنت بتقول فيها
أنا مرضتش اطول فى الموضوع بلفعل قالت لى أختى هاتى مهند
والاخرى طلبت منى اشوف الفيلا الى أتصور فيها المسلسل
وبالفعل أثناء الرحله فى مضيق البسفور ما ان وصلنا الى فيلا تصوير مسلسل مهند وأعلن المرشد عنها وأذا بكافه المصرين المتواجدين على الرحله يخرجون للعباره من على السور ويطلقون الصفافير والباى باى بالايادى
وأنقلبت العباره راسا على عقب
والتصاوير
والفديوهات
وقالت لى مصريه طلبو منى أجيب لهم مهند
قلتلها يعنى مش غريب طلب أختى
واحده طلبت مهند والاخرى واحد فى مسلسل أسمه الاسمر
أما أبن أختى طلب منى مقابله رئيس وزراء تركيا الى كان قابل الاسرائيلى
أيام أحداث غزه
وأنسحب من الاجتماع
والله ده كله حصل بس خشيت من طول الكتابه
تحياتى غواص النغم والحمد لله على وجودك الذى أفتقدته تحياتى

خليـل زيـدان

06/05/2009, 13h24

عمنا الجميل وأستاذنا الفاضل د . أنس
السيدة الفاضلة الكريمة مدام ناهد
هنيئاً لحضرتكما بالرحلة الجميلة
وحمدا لله على سلامتكما
وشكراً على الصور الجميلة والمعلومات القيمّة
وأدام الله عليكم السعادة والهناء
وأحييك أستاذنا على براعتك في التصوير
وصفاء ونقاء اللقطات واختيار أماكن التصوير
حمداً لله على السلامة
ونشكر الأخ الجميل الحبيب غازي الضبع

رائد عبد السلام

06/05/2009, 13h49

مليون حمد الله علي سلامة الوصول
بالفعل يامدام ناهد ..العشم عند المصريين
شيء جميل ......ويجنن في وقت واحد
ربنا يخليكي لحبايبك

بالمناسبة

أنا XXL

:mdr::mdr:

رائد عبد السلام

06/05/2009, 14h03

حبيب قلبنا كلنا
د: أنس البن
سيدة سماعي المتوجة
ليدي ناهد

الحمد لله علي سلامتكما
ويارب تكون كل رحلاتكما سعيدة
وكذلك كل أيامكما

الصور رائعة يادكتور أنس
وعلي رأي حبيبي إسلام
رحلاتك الخاصة ..برضه تهمنا يا دكتور
معاليك .....ثروة قومية
وأخبارك تهمنا جداااااااااا
:emrose:

محمود

06/05/2009, 16h18

أول كلامي سلام ..

الأخت العزيزة مدام ناهد ،

أمتعتِنا وأضحكتِنا في آن. قدرتك على الحكي والوصف .. أتمنى أن أتعلم منها. لكن بصراحة باتخيل موقفك ونل الشوبنج اللي كان مطلوب وبعدين اللي حضيتك عملتيه فق الطيارة .. الحقيقة كان قرار شجاع جدا ولكن كان لابد منه وإلا المدة كلها كانت راحت في الأسواق. أعرف صديق بيحاول يوفق بين الأمرين ، يعني منضيعش الرحلة ، وفي نفس الوقت ميزعلش حد. بعد ما بيرجع من السفر ينزل على أي مول في القاهرة يقضي فيه يوم ويشتري كلللللللل طلبات الأهل والأحباب ويحطها في شنط وأكياس من المكان اللي كان بيزوره ، ويا دار ما دخلك شر.

على فكرة .. السر ده محدش يعرفه غير انا وهو .. وحضرتك طبعا ..

بالمناسبة .. أنا بالبس 44 لونج أو 54 حسب المكان ونظام المقاسات :)

تحياتي

محمود

غازي الضبع

06/05/2009, 16h38

أنا ماليش دعوة بكل ده
المهم عندي .. أنا بالبس XL
وعايز Vest أناضولي من أبو 16 زرار
وبنطلون شارلستون مقاس 52
وكيلو جبنة اسطنبوللي إن أمكن :cool:

د أنس البن

06/05/2009, 16h55

أحباب قلبى جميعا
غازى الضبع
عزام هواش
دكتور محمود رزق
إسلام
محمد العمر
الريحاني .. خلو الجميل
رائد عبد السلام
أشكركم على دفئ مشاعركم وذوقكم الرفيع
وليتكم كنتم معنا لتزداد سعادتنا وتزدان نفوسنا
وسأرفع بعض اللقطات السريعه فيديو أخذتها بكاميرا الموبايل لبعض المعالم
أتمنى أن تعجبكم
وأعتقد أنها ستحذف بعد فترة
حتى لانحمل الموقع عبئا فوق طاقته
1 ـ لقطه للميدان الذى تتوسطه المسله المصريه

سيادة الرئيس

06/05/2009, 17h06

الله يحلي أيامكم و يسعدكم و يدوم عليكم المحبة و تتهنوا قادر يا كريم

NAHID 76

06/05/2009, 18h55

بسم الله الرحمن الرحيم
اخى الفاضل رائد عبد السلام
والله الرحله كانت مليانه اعضاء فى سن الشباب
واللى معاه زوجته وابن سنه وشهور
واللى معاه زوجه وثلاث أولاد الكبيره سنها حوالى 7 سنوات
حاجه غريبه
الدكتور وانا كنا نعتبر اكبر الاعضاء سنا
حلوه الاعضاء دى لغه المنتدى غالبه عليه
ياريت تفكروا وانتوا لسه بصحتكم
تحياتى وشكرى

NAHID 76

06/05/2009, 19h03

unicorn

06/05/2009, 20h23

حمدالله على سلامتك و سلامة دكتور أنس يا مدام ناهد ,
غير الجاكت الجلدى السميك المشهور به الاتراك ,
يا ريت تكلمينا عن الاكل التركى ذو الطعم الخاص ,
اسمع ان الكفتة المشوية فى تركيا مختلفة عن اي كفتة فى العالم , و كذلك الشاورما التركى اللى على اصولها ,
و كمان ورق العنب اللى بيسمّوه سارما
حمدالله على السلامة

غواص النغم

06/05/2009, 20h24

سؤال فضولي مني : ممكن اعرف الست الوالدة طلبت ايه ؟
:rolleyes:
لأن حضرتك قلتي انها كانت بتقرأ معلومات عن تركيا
:emrose:
شوفوا ستات زمان بيفكروا ازاي !!
أكيد مفيش حد من اللي طلب فكر يمسك كتاب عن تركيا وقرا معلومات عنها
اتعلمتوا تركي ؟؟
:eek:
بس بصراحة يامدام ناهد حضرتك قريتي عن تركيا قبل السفر ؟ ومين اللي شار عليكما الذهاب لتركيا بالذات
مسلسل مهند ولا مسلسل سنوات الضياع:crazy:

unicorn

06/05/2009, 20h37

حمدالله على سلامتك يا دكتور أنس حضرتك و مدام ناهد ,
و عقبال ما تعيدوا هذه الزيارة الجميلة ,
مضيق البسفور دة يا دكتور أنس اللى كان بيتقفل زمان بالسلاسل قبل الفتح الاسلامى ؟؟؟
صور جميلة و طبيعة رائعة فعلا, اللى راحوا بيقول ان استنبول من أعلى المدن فى العالم من حيث عدد السكان , و برغم كدة الاتوبيسات فاضية و لها ميعاد محترم و المرور سلس و لا مشاكل على الاطلاق لهذه الزيادة السكانية.
عذرا لمدام ناهد انى قد علقت على المطبخ التركى فى موضوع آخر دون ان اعرف انها تكلمت عنه هنا.
حمدالله على سلامتكم يا غاليين.

NAHID 76

06/05/2009, 20h59

بسم الله الرحمن الرحيم
أخى الفاضل غازى الضبع
ان شاء الله الرحله الجايه يكون عندك المطلوب
بس بطريقه الدكتور محمود
تحياتى وأشكرك

NAHID 76

06/05/2009, 21h08

بسم الله الرحمن الرحيم
أخى العزيز أبو مندور
أشكر لك مرورك الجميل
أما عن الاكل التركى البحت
لم نأكل الا مشوى
يعنى كنا فى رستورا على العشاء راقص
كان الاكل لحمه مشويه وكفته غايه فى الروعه والجمال وشيش كووك
أما الالديفر فكان حاجات كتير متنوعه ومختلفه ولكنها جميله جدا ورائعه
ومره فى الهواء الطلق على الغذاء كان لحمه أيضا مشويه على الفحم قمنا أحنا بشويها مباشره على الترابيزه وأمامنا الفحم المعد فى الشوايه لكل ترابيزه
وطلبت من الدكتور تنزيل الفديو الخاص بالغذاء لترو على الطبيعه وجارى الاعداد وسوف ينزل المنتدى
لم نأكل عند ناس تراكوه فى منزلهم كما حدث فى تونس
لأنها رحله مع فوج سياحى مرطبتين بما يقدموه هم
لكن فى المجمل كل شيئ خاص بالاكل عندهم جميل
تحياتى

سيد عبده الصيرفي

06/05/2009, 21h15

أستاذتنا العظيمة
حمدا لله على السلامة
أحلى هدية أستلمتها أنا شخصيا
ومحدش خد باله من المنتدى
روجعكم بسلامة الله
ووجود أستاذنا الدكتور أنس
ليزيد المنتدى
نورا

NAHID 76

06/05/2009, 21h26

بسم الله الرحمن الرحيم
اخى الفاضل د غواص النغم
على فكره الوالده عندى بالرغم من سنوات عمرها الا أن لها كراسه مليانه بخط يدها أزجال يعنى على ثقافه عاليه
وبالفعل أحضر لها أبن أخى كتاب أسمه موسوعه فى الجغرافيا بناءا على طلبها وجلست تتصفح المجلد وتقرء عن تركيا
أما عن ما طلبته هذه المره
كان مجموعه فيتمينات غاليه الثمن هنا الدكتور أنس يتذكر أسمها وأى مرهم جيد للعظام
وعن قريب سوف أنزل بالمنتدى بعضا من أزجالها طبعا من سنين
أيوه قرأت عن تركيا وجمعت معلومات تاريخيه عنها
والكتور أنس جاب تركيا على النت
وأخذ يتفرج ويجمع معلومات وكان يستدعينى معه للمشاهده
أما من شار علينا بزياره تركيا بالذات
كنا منذ الشباب ونحن نرغب فى السفر لرؤيه أى بلد أخر
ولما أتيحت لنا الفرصه بعد المعاش للدكتور حاولنا تنفيذ الفكره
تحديدا تركيا
سلفتى بالفلاحى
وشقيق زوجى أخو الدكتور وزوجته سافرو تركيا
وشكرو فيها
وما أن قرأت أعلان لشركه سياحه فى المنصوره عن رحله لتركيا حتى أتصلنا وأخذنا البينات وبدءنا فى الاجراءات وكان المراد من رب العباد
وسعدنا بالرحله جدا كما سعدت الشركه بفلوسنا
وكمان المارده زميله المنتدى راسلتها على الخاص وهى الى كتبت لى عن الاماكن الجميله التى أطلب الذهاب أليها ومنها تحديدا مدينه البرصه
وفعلا طلبناها بناءا على مشوره الاخت المارده وبالفعل تستحق الزياره
عقبال الرحله الجايه أن شاء الله
تحياتى

سمعجى

06/05/2009, 23h11

الغذاء كان لحمه أيضا مشويه على الفحم قمنا أحنا بشويها مباشره على الترابيزه وأمامنا الفحم المعد فى الشوايه لكل ترابيزه
وطلبت من الدكتور تنزيل الفديو الخاص بالغذاء لتروا على الطبيعه وجارى الاعداد وسوف ينزل المنتدى

ما بلاش يا مَدام ناهِد ،،
معانا أعضاء هِنا ، الفول و الطعميّة هارية بـَدَنهُم :mdr:

باهَزر طبعاً ،، بس بجد ،،
في انتظار الفيديو على نااار .... " الفحم " :mdr:

سمعجى

06/05/2009, 23h46

أختنا الغالية مدام ناهد
أستاذنا د. أنس

ألف حمد لله على السلامة

متعكما الله بالصحة و جَميلِ الطبع ،، و نـَفـَعَكما بفوائد السفرِ السّبع ،، :)

لكما الشكر على هذا الوصف الدَّقيق الخلاَّب ، و الذي جَعَلـَنا كما لو كنا معكما ،
و الصور تنطِق بجمال تركيا و طبيعتها الآسِرة

" يا ربّ منوَّرين دايماً في كل مكان يحظى بزيارتكما "

دائماً أستشعِرُ تركيا ، دولة ً " خلاسيّة " إن صَحَّ التعبير ،، فهى مزيجٌ من الشرقِ و الغرب ،، و هنا يكمن جمالها ( الخاص ) الذي لا ينافسها في خصوصيته دولة أخرى ..

مضيقٌ يفصلُ بين ثقافتين و مَنهجَين ، و لكنهما يتفاعلان و يتمازجان بشكلٍ عبقري ..

و تركيا دولة ذات حضارة ضاربة في عمق التاريخ ،، و كان لها امبراطوريتها العظيمة " القسطنطينيّة " ، و أثر ثقافتها على مصر ، صارَ جزءاً في حياتنا اليومية ،،

فالمطبخ المصري أصله تركي ،، و بعض المسميات الإدارية في دواوين الحكومة ، تركية الأصل ،، و كل لفظةٍ تنتهي ب " .... خانة " أو " ......جي " أو " .... دار " هي ميراثٌ تركيّ في عامِّيتنا المصرية ، و أغلبها مِهَنِيّة ، مثل " سَمَعجي " مثلاً :mdr:
و منها :

" عَطشجي ، كبابجي ، سفرجي ، أجزجي ، مكوجي ، حَلوَجي ، عَربَجي ، بوسطجي ، أوَنطجي ، طرشجي ، مِحوَلجي ، بُرمَجي ، كونترجي ، شمَاشِرجي ، شِنجي ، كِنجي ، برنجي ....."

" أردخانة ، أجزاخانة ، كرَخانة ، شـَفـَخانة ، عَربَخانة ، كتبخانة ،
" دَوَادار ، حكمدار ، بيرقدار ، حكيمباشي ، يوزباشي ،
وألفاظ أخرى مثل : أخرى مثل : " باشا ، بك ، أفندي ، ترزي

مع تمنياتي لكما بالأجمَــل :emrose:

و على رأى سيادة الرّيس : تشكرلار غازي أفندي :mdr:

سيد عبده الصيرفي

07/05/2009, 07h52

حمدالله على السلامة
تشوخ ياغشية
ترجمة
شئ فى منتهى الجمال
سان منيم جردشيم
ترجمة
أنت أخونا يادكتور

د أنس البن

07/05/2009, 08h40

الأحباب
سيادة الرئيس صلاح بك علام
الإبن الغالى محمد أبو مندور
الأديب كمال بك عبد الرحمن
أشكركم جميعا على مشاعركم وعلى ما أفاض به حبيبنا سمعجى من معلومات
وأترككم مع الملف الأول لسهرة اليوم الأول عقب وصولنا مباشرة وكانت سهرة ممتده على العشاء
فى مكان إسمه السلطانه
حيث شاهدنا العديد من فقرات الفنون التركيه
واستمتعنا بموسيقاهم التى حفلت بالعديد من البشارف واللونجات وموسيقى تركيه وموسيقى لأغانى مصريه عربيه
الملف الأول

د أنس البن

07/05/2009, 09h19

ألف شكر أخى سيد عبده الصديق المحترم على تحيته الرقيقه
..........................
ونترك الفنون التركيه مؤقتا
لأقدم لكم فيلم قصير داخل مسجد
أثرى "المسجد الاخضر"
بناه السلطان جلبي محمد الاول منذ حوالى 600 عام
فى مدينة بورصه الجميله
رابع أكبر مدن تركيا
التى أخذت إسمها من مؤسسها الملك بروسياس
ولاحظوا النافوره الجميله بالمسجد
وكما فهمنا أنها أقيمت مكان بيت يهودى
تم ضمه للمكان

NAHID 76

07/05/2009, 10h39

بسم الله الرحمن الرحيم
اخى الفاضل سيد عبده
أشكرك على ذوقك الرفيع
وعلى مرورك الكريم ومداخلتك التى تعطينا بعدا إنسانيا وإحساسا أخويا بكم وحبكم وتجاوبكم معنا
بارك الله لنا فى شخصك الكريم وأعضاء سماعى أجمعين
.............

http://www.sama3y.net/forum/attachment.php?attachmentid=145569&stc=1&d=1241693672

NAHID 76

07/05/2009, 10h47

بسم الله الرحمن الرحيم
أستاذ كمال
إنت تقصد بسبوسه وشيكولاته
وملبسات وحلويات
تحياتى

غازي الضبع

07/05/2009, 11h17

ما بلاش يا مَدام ناهِد ،،
معانا أعضاء هِنا ، الفول و الطعميّة هارية بـَدَنهُم :mdr:

أي والله :mdr:

الألآتى

07/05/2009, 14h40

أستاذى وعمى الدكتور أنس

الغالية العزيزة مدام الليدى ناهد

سفر سعيد وعود حميد .. وتهنئة من القلب بالرحلة السريعة ..

لابد أولاً أن أشكر الواد غازى .. لأنه نكشكم ودبسكم علشان ماتخبوش علينا الحاجات الحلوة دى ..

لأن أى مناسبة سعيدة لكم .. تسعدنا نحن بالتأكيد .. ربنا يفرحكم ويبسطكم ويسعدكم كمان وكمان ..

منتظر اللقاء بيكم على أحر من الجمر ..

فؤاد

07/05/2009, 19h21

http://www.sama3y.net/forum/attachment.php?attachmentid=145569&stc=1&d=1241693672

اولاً : الحمد لله علي السلامه
ياالعزيزه ناهد والعم الفاضل أنس
ثانياً : حضرتك بتشوي أيه ؟؟
زي متكون بتشوي طعميه :mad::(
مش كده !!!!:eek:

د أنس البن

07/05/2009, 20h29

طعمية إيه يا ابو موده
هيه الطعميه ورانا ورانا
:crazy:

د أنس البن

07/05/2009, 21h07

وآدى الفيلم

abuzahda

08/05/2009, 03h51

حمداً لله عالسلامة
و يارب الرحلة الجاية تكون لتورنتو و نياجرا
و خلـّوا المنافستو عليّا

NAHID 76

08/05/2009, 06h12

بسم الله الرحمن الرحيم
سيدى أبو زهده
أهلا ومرحبا بك يا أعز الناس
أزى حضرتك
ليا مده طويله أفتقدك فى أعمالى حلوه أعمالى دى
أضحك
لى قصتين حسين باليتم لان حضرتك مشرفتهمش
الدعوه موجه لسيادتكم
وأن شاء الله الدعوه الجايه لسيدى أبو زهده ينزل مصر
تحياتى

NAHID 76

08/05/2009, 06h16

بسم الله الرحمن الرحيم
أخى الفاضل فؤاد عبد الحميد
عملت لك مصيده وخليت الكفته شكل الطعميه علشان من زمان مدخلتش لنا وكتبت كام قصه وحضرتك مشرفتنيش
وأنت عارف أنى بتفائل بدخولك المواضيع
ازيك ولعل اقلالك يكون السبب خير طمنا عنك ومتحرمناش من تواجدك المميز
تحياتى

هامو

08/05/2009, 13h26

عزيزتي ناهد عزيزي د انس
الحمدلله على سلامتكم وانا سعيدة انني اتتبع موضوع رحلتكم الى تركيا
كنت مستنيه رجوعكم اكيد من بعد إبلاغك لي بآخر إتصال كان بيننا قبل السفر
الجميل انه عندما نشاهد الصور نشعر كأننا كنا معاكم صدق
اما من ناحية الهدايا دنتي عملتي عين العقل انك اتخلصتي من الليستا بتاعت الهدايا
والا لو ما عملتي كدا دا ما كنشي حيكون عندك وقت تأخذي ولا صورة
تمتعينا فيها انت ود انس كان كل وقتكم مشغولين بالأسواق لتلبية الطلبات
واعتقد وقت الأجازة اجمل ما فيها انه يستغل الواحد كل ثانية فيها
لأنها تحمل معاه احلى الذكريات
ادعو لكم بالسعادة والهناء انشالله المرة الجاي تكونو عندنا الدعوة مفتوحة
على فكرة في دواء اسمه
Voltaren Emllgel 11,6mg/g
Gel
دا هائل اسئلي د انس عنه
دا كويس للوالدة

ويا جمال الصيف كله

:emrose::emrose::emrose:

:emrose:

NAHID 76

08/05/2009, 14h28

بسم الله الرحمن الرحيم
حبيبتى واختى العزيزه هامو
تعرفى لسه بحس بجمال الرحله الان
بعد مرورك على الموضوع
شرفتى الصفحه ونورتى المكان يا أعز الاحباب
أما عن الهدايا
أنا مكنتش حشوف حاجه فى تركيا غير السوق
معندكش فكره
دى أحسن حاجه أمال أيه
أما الفولترين بالنسبه للوالده
أخذت منها كثيرا لتسكين الالام
ولكم الحكايه يظهر
كما جاء بالقرأن الكريم
وهن العظم منى صدق الله العظيم
تحياتى وسؤالى عن الاسره الكريمه

د أنس البن

08/05/2009, 16h01

شكرا أخى الحبيب الفنان أبو حسام الالاتى
ويا ريتك كنت معانا
..........................
أهديك وأهدى للزملاء والإخوه الأحباب هذا الفيلم التقطه فى بداية الرحله الى مدينة بورصه فى الجبل
ويسمع فيه بوضوح صوت المرشد السياحى وهو يشرح لنا ويحكى عن جانب من تاريخ تركيا
ويظهر الفيلم جانبا من المناظر الطبيعيه الجميله

محمود

09/05/2009, 15h08

بسم الله الرحمن الرحيم
الدكتور الفاضل واخى الكبير د محمود
اللى دائما أول كلامه سلام
نورت المنتدى ونورت الموضوع وبدخولك أخذ الموضوع بعد أخر من الجمال والروعه
وأنا عرفت صاحبك الى بينزل المول ويشترى ويكيس :mdr:
والله صاحبك جدع
وبيقدر يظبط أموره
تحياتى لشخصك الكريم

أول كلامي سلام ..

والله انتوا اللي نورتوا المنتدى برجوعكم لأنه فعلا بدونكم كان ناقص حاجة ، تخيلي لو عربية بدون ترانسميشن .. تبقى عربية؟؟

أما عن صديقي فلا أعتقد ان حضرتك تعرفيه لأنه ليس عضوا في المنتدى ، وإن كانت الدنيا صغيرة وحدث من قبل أن تعرفت عللى ناس في ظروف وفي أماكن متباعدة تماما ثم فوجئت بأنهم أصدقاء أو حتى قرايب ، ومثل هذه الأمور تكرر معي أكثر من مرة.

على فكرة .. بيقولوا تركيا فيها عربيات حلوة قوي .. كان نفسي في لكزاس. متهيألي بقى دي سهلة لأنها حتكون إن شاء الله موجودة في أي مكان تروحوه ومش حتحتاج لف كتير ولا عَـطــَلة عن برنامج الرحلة .. شفتي متواضع وطلباتي سهلة إزاي!!

تحياتي

محمود