من أشعار سعدالشرقاوى ـ انا الفلاح وأعمال أخرى

[سعدالشرقاوى]

اشعار\سعدالشرقاوى

عاشت سنين البلد فى الدل والحرمان
وكل يوم التعـــب بيزيد كمان و كما ن
عشان قيادتها فى ايد خـــاينه وغداره
وبيحـــكموها بشر مالهومش اى امان
00000000
من بدري نايم حسن وف ايده كـــــراسته
و ف جيبه ناسى القلم بينام فى حراسته
عشان مايصحى يصلى ويقرا في القرءان
ويشـــــيل طموح الزمان ويروح مدرسته
00000000
كان زيه زي البشر فى الحــي والحاره
بعد ماغـــــاب القمر صحــــيوا بصفاره
وبعـــد منها بثـــوانى سرب م الطيران
وكل صوت نعسان يصحى على الغاره
00000000
غادر سريره وجري والخـــــــوف ملى دمه
لكن فىايده القلــــــــم وكـــــــتابه بيضمه
فى الضلمه يسمع صراخ والنور كان طافى
بيجري حــــافى ويبحــــــث عن ابوه وامه
00000000
فى الشرفه وقفوا ولمحوا من بعيد جايه
دورية اســـــــعاف بتنقز م الشباب ميه
ودانات بتنزل بحرق غشـــيم ومتعافى
حتى المــطافى مفيش من قلة المية
00000000
دفاعات ضعيفة مابين اطفال بتلالى
والدنيا تشتى قنابل نازلة م العالى
وصراخ يشق الظلام وحريم بتنوح
والامن روح ويوم الحشر احلا لى
00000000
كان حلم عمرك يابطل تمسك سلاح ف التو
اوتبقى طيار تدافـــع ع البلد فى الجـــــــو
لكن قــــــدر وانكــــــــتب تتـــبدد الاحــلام
وعشان خلاصة الكــلام ماتفيدش كلمة لو
00000000
شعاع ملا حـــــينا له برق وبيكــــــوى
ونجوم تقع م السمافيها رعد وبتشوى
زلزال يوقع صروح المجـــــد بنــــيناها
ودخان لكبد السما ريحته بشر مشوى
00000000
ابكى ياست العـــــــواصم بدل دموعك دم
واحزن يادجله بمرار خــــللى الفرات يغتم
وعيشي منكسره وزليله العــــمر يابغداد
عشان خسرتي الوداد ولا حد بيكي اهتم
00000000
عــلــــشان نظامك وحـــــبه للحديد والنار
ماكفاهمش تحـــــالف ما كفاهمش حصار
مالقوش منافع فى حنك السبع من غيرك
بياخدوا خيرك مقابل غزاكى واحتلال الدار
00000000
يرجع كلامى لحسن من قبل ماننــــسوه
وحلم عمره الطويل فى حضن امه وابوه
خسر خواله وعمامه فى حرب ضد ايران
ونفسه يوم م الزمان يبقى عوض عن اخوه
00000000
ما راحش من فكره تابوت كان امره بيهمه
شفه ف طــــفولته ف علم بيشر من دمه
يومها قالوله شهيد الحـــــرب يبقى اخوك
وشاف مرار الزمن فى عـــيون ابوه وامه
00000000
نظره ليم السما بيتابـــــــع المـوضوع
والفجر شقشق وادن بس مش مسموع
وكان طاقة جـــــــهنم فـــــتحت بابها
وقدرها سابها تحطم كل شئ مرفوع
00000000
طيار اباتشى حدف دانه ونازله عليه
وهـــــــوا واقف واهله كلهم حواليه
بتخط اول تاريخ فى حـــياته وحدانى
الكل مات فى ثواني وهو اغمى عليه
00000000
بيت الحـــــبايب وقع والاهل مجـــــــموعه
وفى ظرف ثانيه مافيش اصوات مسموعة
ويفوق فى تانى انفجار يلقاه فى دمه غرق
اتاري جـــــــسمه انحـرق وايديه مقطوعه
00000000
مين اللى يعلن علـــــيهم ربنا يسوقه
يشد طفل انزنق ويحـــــله من طوقه
بقى كل امله تخف الغــــــاره وتهدى
وناس تعدى تشيل السقف من فوقه
00000000
راحوا الحبايب فى غمضة عين ياخساره
والرعــــــــــب مالى البلد غاره ورا غاره
ودى طبيعة الحياه ماتدومـــش للانسان
والدنيا زى الحـــــــــــيتان خاينه وغداره
00000000
نصيحتي لك يابطل خــــللى الامل موجود
وخللى حبك لربك سيل م لوهـــش حدود
اصــــــبر بقلبك وبلسـانك تكــــــــون زاكر
طول م انت شاكر يحــيطك بالكرم والجود
00000000
قلبى معاك يابــطل خد عقـــــلى احلم بيه
وادى دراعـــــاتى ســـواعد لكل شئ تبنيه
وانسى مرار الزمن ولا تبكى ع اللى حصل
روحى مــــــعاك يابطل خد عمرى اكبر بيه
00000000
وانا ف مهيب اخ مسلم دم عربي معــــــاك
قلبى يعد النفـــس ويعـــــيش بنبضه هناك
على السرير اللى شـــايل جزء فاض مــنك
وسعد عنك يشـــــــيل حــــمل الزمن وياك
0000000
اصحى ياشعب العروبه وفوق وشوف حالك
الغرب جاى بتـــــحالف وعينه على ما لك
وبدال مايفرط عــــقودك دوله ورا دولـــــه
الجـــامعة اوله ووحــــــدة راى احلى لك

[عفاف سليمان]

بيت الحـــــبايب وقع والاهل مجـــــــموعه
وفى ظرف ثانيه مافيش اصوات مسموعة
ويفوق فى تانى انفجار يلقاه فى دمه غرق
اتاري جـــــــسمه انحـرق وايديه مقطوعه
00000000
مين اللى يعلن علـــــيهم ربنا يسوقه
يشد طفل انزنق ويحـــــله من طوقه
بقى كل امله تخف الغــــــاره وتهدى
وناس تعدى تشيل السقف من فوقه
00000000
راحوا الحبايب فى غمضة عين ياخساره
والرعــــــــــب مالى البلد غاره ورا غاره
ودى طبيعة الحياه ماتدومـــش للانسان
والدنيا زى الحـــــــــــيتان خاينه وغداره
00000000
نصيحتي لك يابطل خــــللى الامل موجود
وخللى حبك لربك سيل م لوهـــش حدود
اصــــــبر بقلبك وبلسـانك تكــــــــون زاكر
طول م انت شاكر يحــيطك بالكرم والجود
00000000
قلبى معاك يابــطل خد عقـــــلى احلم بيه
وادى دراعـــــاتى ســـواعد لكل شئ تبنيه
وانسى مرار الزمن ولا تبكى ع اللى حصل
روحى مــــــعاك يابطل خد عمرى اكبر بيه
00000000
وانا ف مهيب اخ مسلم دم عربي معــــــاك
قلبى يعد النفـــس ويعـــــيش بنبضه هناك
على السرير اللى شـــايل جزء فاض مــنك
وسعد عنك يشـــــــيل حــــمل الزمن وياك
00000000
00000000
اصحى ياشعب العروبه وفوق وشوف حالك
الغرب جاى بتـــــحالف وعينه على ما لك
وبدال مايفرط عــــقودك دوله ورا دولـــــه
الجـــامعة اوله ووحــــــدة راى احلى لك اخى الكريم سعد الشرقاوى
اهلا بك بيننا فى سماعى الجميل
كلماتك واضحه ومعبره عما يحدث فى وطننا العربى
وما يحدث فى العراق
وما يحدث فى كل ارض عربيه من عدوان وغدر والم وحزن
لقد صورت ما حدث ومازال يحدث فى الوطن من مآسى
وحروب واغتصابات للاراضى وما عليها وما بها من موارد طبيعيه يستولون عليها
اللهم وحد صفوف المسلمين والعرب والوطن العربى اجمع
ووحدهم على كلمه الحق والثبات
وافقهم من غيبوباتهم والتمسك بالعروبه
اللهم امين
شكرا لك اخى سعد على هذه الكلمات التى لا تحتاج الا
ضمير العربى
او بمعنى اصح
الاتحاد وصحوة ضمير
تحياتى لشخصك
وللجميع
اختكم عفاف

[Tarek Elemary]

عم سعد .... قول نعم
إنت راجل عسل و نورَّت المنتدى و مشاركتك فيها صدق و موسيقة حلوة و فيها مشاعر ووطنية عالية جدا
ياريت تستخدم الخط اللى أنا باكتببيه ده و عند كتابة النقط بلاش الصفر إستخدم العلامة العشرية أعلى حرف ز أو من الأرقام
و تقبل ملاحظاتى التالية التى لا تنفى إعجابى و مؤازرتى لك و طلبى المزيد من مشاركاتك

اشعار\سعدالشرقاوى

عاشت سنين البلد فى الذل والحرمان
وكل يوم التعب بيزيد كمان و كما ن
عشان قيادتها فى ايد خـاينه وغداره
وبيحكموها بشر مالهومش اى امان
.......
من بدري نايم حسن وف ايده كراسته
و ف جيبه ناسى القلم بينام فى حراسته
عشان مايصحى يصلى ويقرا في القرءان
ويشيل طموح الزمان ويروح مدرسته
.......
كان زيه زي البشر فى الحـي والحاره
بعد ما غـاب(نام) القمر صحـيوا بصفاره
وبعـد منها بثـوانى سرب م الطيران
وكل صوت نعسان يصحى على الغاره
.......
غادر سريره وجري والخـوف ملى دمه
لكن فى ايده القلـم وكـتابه بيضمه
فى الضلمه يسمع صراخ والنور كان طافى
بيجري حـافى ويبحث عن ابوه وامـه
.......
فى الشرفه وقفوا ولمحوا من بعيد جايه
دورية اســعاف بتنقذ م الشباب ميه
ودانات بتنزل بحرق غشـيم ومتعافى
حتى المــطافى مفيش من قلة المية
.......
دفاعات ضعيفة مابين اطفال بتلالى
والدنيا تشتى قنابل نازلة م العالى
وصراخ يشق الظلام وحريم بتنوح
والامن روح ويوم الحشر احلا لى
.......
كان حلم عمرك يابطل تمسك سلاح ف التو
اوتبقى طيار تدافع ع البلد فى الجو
لكن قدر وانكتب تتبدد الاحلام
وعشان خلاصة الكلام ماتفيدش كلمة لو
.......
شعاع ملا حـينا له برق وبيكـوى
ونجوم تقع م السما فيها رعد وبتشوى
زلزال يوقع صروح المجـد بنـيناها
ودخان لكبد السما ريحته بشر مشوى
.......
ابكى ياست العـواصم بدل دموعك دم
واحزن يادجله بمرار خـللى الفرات يغتم
وعيشي منكسره وذليلة العـمر يابغداد
عشان خسرتي الوداد ولا حد بيكي اهتم
.......
علشان نظامك وحـبه للحديد والنار
ماكفاهمش تحـالف ما كفاهمش حصار
مالقوش منافع فى حنك السبع من غيرك
بياخدوا خيرك مقابل غزاكى (غزوك) واحتلال الدار
.......
يرجع كلامى لحسن من قبل ماننـسوه
وحلم عمره الطويل فى حضن امه وابوه
خسر خواله وعمامه فى حرب ضد ايران
ونفسه يوم م الزمان يبقى عوض عن اخوه
.......
ما راحش من فكره تابوت كان امره بيهمه
شافه ف طفولته ف علم بيشرب من دمه
يومها قالوله شهيد الحـرب يبقى اخوك
وشاف مرار الزمن فى عيون ابوه وامه
.......
نظره ليم السما بيتابـع المـوضوع
والفجر شقشق وادن بس مش مسموع
وكان طاقة جهنم فتحت بابها
وقدرها سابها تحطم كل شئ مرفوع
.......
طيار اباتشى حدف دانه ونازله عليه
وهـوا واقف واهله كلهم حواليه
بتخط اول تاريخ فى حياته وحدانى
الكل مات فى ثواني وهو اغمى عليه
.......
بيت الحـبايب وقع والاهل مجـموعه
وفى ظرف ثانيه مافيش اصوات مسموعة
ويفوق فى تانى انفجار يلقاه فى دمه غرق
اتاري جـسمه انحـرق وايديه مقطوعه
.......
مين اللى يعلن علـيهم ربنا يسوقه
يشد طفل انزنق ويحـله من طوقه
بقى كل امله تخف الغـاره وتهدى
وناس تعدى تشيل السقف من فوقه
.......
راحوا الحبايب فى غمضة عين ياخساره
والرعـب مالى البلد غاره ورا غاره
ودى طبيعة الحياه ماتدومش للانسان
والدنيا زى الحيتان (الجبان) خاينه وغداره
الحيتان لم يعرف عنها الخيانة
.......
نصيحتي لك يابطل خللى الامل موجود
وخللى حبك لربك سيل م لوهش حدود
اصبر بقلبك وبلسـانك تكــون ذاكر
طول م انت شاكر يحيطك بالكرم والجود
.......
قلبى معاك يابطل خد عقـلى احلم بيه
وادى دراعاتى سواعد لكل شئ تبنيه
وانسى مرار الزمن ولا تبكى ع اللى حصل
روحى معاك يابطل خد عمرى اكبر بيه
.......
وانا ف مهيب (مش فاهمها) اخ مسلم دم عربي معـاك
قلبى يعد النفس ويعـيش بنبضه هناك
على السرير اللى شـايل جزء فاض مـنك
وسعد عنك يشيل حـمل الزمن وياك
...........
اصحى ياشعب العروبه وفوق وشوف حالك
الغرب جاى بتـحالف وعينه على ما لك
وبدال مايفرط عـقودك دوله ورا دولـه
الجـامعة اوله ووحدة راى احلى لك

و تقبل منى يا سيدى إعجابى الشديد بالملون باللون الأحمر فهذه تحفة متقنة الصنع و الصياغة
و تقبل منى أطيب المنى و أرق تحياتى

[سعدالشرقاوى]

اسف يامه
اعداد\سعد الشرقاوى
اسف يمه ماكانش بخاطري لماكــــنت باجـــيلـك اجــــــرى
اقول لك راجـعى معايادروسى وانا فى دماغـــى ان انتى بتقرى
=========
يفضــــل قدرك عــندى عــظيم لمـــا اقـــابــــــل رب كـــــريـم
واهو مـــش ذنبـــك انتى براءه ماكانـــش زمانـــكـــم فيه تعلـيم
=========
قال بـيقــولـــوا ياست النــــاس اهى كات جاهله ماتت وخلاص
وانا ماقريتــش كتاب من بعـدك بيـــوضــح معــنـى الاخـــلاص
=========
فاكرلمــــا عرضــت علــــيكى كـتابتــى وقولتى جمـــيل الخط
ورغم مشـــاغلك فرحـــتينـــى ورحتى ساعــتها تعشــــى البط
=========
يعنى الجاهله تشـــــع ايمـــان وتكـــون نهر لخــــير وحــــنان
تصـــحى الفجر تمللى تصلى وضناهــا تحــــــفظـــه قـــــران
=========
مش انتى الجاهله ياغاليه عليه ياللــــى علـــومـــك جوه عــنيه
وف مدرســــتك وف كراستك عـــلم العــــالـــم مــن حـــوالــيا
=========
والله الد نيــا انقــلــبت بينــــــا ويــاما قســـينا ياغاليــه ف بعدك
وسموا عيـــالك طــنط ونيـــنه وحتى اخــلاقنا ضاعت من بعدك
=========
تصدقـــى يامـــه ان الايام دى الـــكل عامـــل فيهـــا افنـــــــدى
والجــــاهل لمــــا بيــــتفلسف من خيـــبته علــى اصلــه بيردى
=========
واللـــــى يروح منهـــم كليــة يتــكلـــم بلـــــغات عــــصريـــة
واحــــــيانا يتـــبرامـن اهــله لمـــــا بيــــاكلـــواعلـى الطبــليه
=========
يعـــرف واحــــده يكلم ابوها من غيرما اهله ييجوا يعـأيــنوها
ولما نســايبـه يوجولاه البيت يدارى امــه احســن يشوفــوهـــا
=========
بينــســى فــــضل الام علــيه وعــامـل وســط العـالـــم بيـــــــه
قال مش عاجبه البيه بسلامته وهـو بحــالــه مــا يســوى جــنيه
=========
لمــــا بشـــوف ثقافتنا ياحبى فى طـــبع يخا لف ديــنى وربــى
تـــبقى جهـــا لتك لما سالتك هــيا النـــــور لعــــنيا وقـــــــلبى
=========
صــابريامه وصبرى كاوينى وفكـــرك يمـــسح دمـــعـة عينـى
ومين فى الفرح حايسعدقلبى وف احزانى مين يواســـــينى
=========
موت الغالـــيه هد كيـــانــى بقيت فى الدنيا خلاص وحــدانى
لولا دعاها اللى ف صلواها كـــنت دخــلت ف عا لــم تانــى
=========
نهـــر عطاها تمــللى يزيــد مهــما تكـــون عن عينــى بعـيــد
واحتفـالاتى ف كـل حياتــى طــول ما نا فاكـرك اجـمل عـــيد
مع تحيات\سعدالشرقاوى

[سعدالشرقاوى]

بلدنا بعد التعديل
اعداد\سعدالشرقاوى

سا فر سـنـين الولد رجع البـلد مزهـول ساكـت ماعـنده كلام ولاحدغـيره يقــــول
أيـه ياتـرى اللـى جـرى غـير هـويتـهـا شقـــلب حيا تها وخـلاهـا ولا اســــتنبــول
=======
العـزبه كانت سـليمـه قبـل مايسـيبهـــه والكلـمه حكمـه وقايلــها كان بيحــسبـــهه
ولا حـد يقـدريعـدى ع الكـبـير راكــب ولا اللـى يعــمـل مروءه لنفـسه ينسـبـــهه
=======
دوا الاصالةخلص مفضلش ولاجرعه والساقيه صبحت صالون وماعد ش فيه ترعه
والنخـله وقعـت وضاعـت كل اخبارنا والمعزه جاعت فىدارنا ماعــدلهاش مـرعه
=======
عارفين صميده اللىكان يصحىيلاقيه مبلول عمل مقـاول وادى عياله شا لت محـمول
والحشـمه قلعـت تيـابها وهما شايفـينها وشجرة الفكس زارعينها فى لحف الفول
=======
ياخساره ع المصطبه ياخساره ع الشله والنـورج اللـى يـدور يدرس لنـا الغـــــله
والتكـــتك اللــى جرا هدلـــهم السيجـــه والتلــج موت خــديجه ماعنــدهاش قلـــه
=======
رحـلوا كبـار البلد والغــرب مالكــــينها واقـل عــيل كمـان يقـــدر يعكــنينــــهــا
تشــكى لمين غربتك مافيش كبير يا ولد ادام صغــار الــبلد هما اللــى ماسكــــينها
=======
اهو تاه صواب الولد ماعرفش ايه صابها شـقـلب كـيا ن البـلد من بعـــد ما سـا بهـا
على حـظه يـندب وح يفـيده بـأ يـه النــدم لـو كـان كــبير الغــنم بينـــام مـع ديابــها
========
مع تحيات \سعدالشرقاوى

[سعدالشرقاوى]

مش بايدى
سعدالشرقاوى
مش بايدى وغصب عنى
لما تـطلع كلـــــمه منى
شايله هم الـــــــدنيا عنى
غصب عنى مش بايدى
00000000
مش بايــــدى يقل نومى
وسهرى بيستف همومى
ولما اطلع من هـــدومى
رغم انفى مش بايـــــدى
00000000
لو يعادى الـــــنوم عنيه
لما اضحك م اللـــــــى بيه
او الم الناس علــــــــيه
اعــزرونى مش بايـــــدى
000000000
عيـــشه مره ودنيا غابه
والبـــــشر زى الديـــابه
ومكنه تطحن فى الغلابه
والشايب واقع ف ايـدى
000000000
خـــــد معايا والقى عنى
وسيبنى م الاحزان اغنى
وفضى نفسك واشتغلنى
مانا عــبدك وانت سيدى
000000000
قـــسمونى وصــــنفونى
وم العـــلاوى جرفونى
وتحت فقر البين رمونى
وشمعـــوا لسانى وايدى
00000000
وسبعه فاتحين لى الشفايف
م البــشر ولا حــد شايف
باقضى ليلى ويومى خايف
والجنيه مسخوط ف ايدى
000000000
فيه خلق عايشه مرعـرعه
والـــــدنيا زى المطــبـعه
كل الـــنبات فى المـزرعه
والعفش بس طلع ف ايدى
000000000
لا فــيه كبار ســالين عــليه
ولا حـد حاسس باللى بيه
والدين فى يــوم لو زاد عليه
تلاقينى ساند قلبى بيــدى
000000000
شبابنا امله فى الجـــــــــواز
وبناتنا عايزين الجــــــهاز
وعشان حيــــطا نا من قزاز
مانحدفوش بالطوب ياسيدى
0000000000
وفـــــــــيه كتير ناس زينه
لوحـــــبوا ياخــــدوا العينه
شايلين اد يـــــــــــهم عننه
وجم مكانها وحطوا ايـدى
0000000000
قالولى لك تموين وعــــز
والاســــره تاكل لــــحم وز
للفرد وجــــبة زيت ورز
ويعدى شهر ماباغسل ايدى
000000000
ومرتبك جاله زيـــــــدات
يكفى رسم العــــــــدادات
والمنحه ومعاش السادات
لو حتى فــكه مايملو ايدى
000000000
لو حد يتعب م العيـال
اصبر شويه ح يبقى عا ل
ماعدش فرصه للسؤال
غير ع المحطه ومد ايدى
000000000
فيه خلق سكنت فى القبور
وخلق داخــت فى الطابور
اهالينا ماتت فى العـــبور
وغيرنا نهب الخير ياسيدى
000000000
اللى كــــبر زاد وافتره
واللى انفقرعــــضمه انهره
والبــخت سلعه بتنشره
وتمنها عمره ماجه ف ايدى
000000000
والله ياخـوفى يامصرنا
فى الفــــقر يخــــلص عمرنا
وح تبقى عيبه ف وشنا
لو عـدا ابنى وطال حفـــيدى
000000000
لو قلت كل اللـى ف ضميرى
وبحت بالاسرار لغــــــيرى
يومها المعامله ح تبقى ميرى
واصبح الاقى الحديد ف ايدى
000000000
وبدل ماتطلـــع شكــوى منى
لابد م الاحـــزان اغنـــــــى
دايما بقول من صغـــر سنى
ياسيدى امرك امرك ياسيدى
000000000
باين علـــــــيها اتعــــــــدلت
والكلــــــــمه فــيه اتـــبدلت
كل القــــضايا اتاجـــــــــلت
واتبرئت وانا مش بايــــدى
000000000
لو ييجى فكر جــــديد علينه
واصـــــلاحات قدام عنينه
ومسؤلين ياخـــــدوا بايدينا
ح اسبق اديكوا واحط ايدى
0000000000

[سعدالشرقاوى]

اليتيم = اعداد/ سعدالشرقاوى
بالقســـوه لــيه بتعـامــــلونى واما افتكــــركم تنســونـــى
كــتر البكى دوبنى خـــلاص والدمــعه جــفة فى عـيونى
=======
مين بعـــد ابويا يراعــينـــى وف حضــن حبــه يـد فينى
فـى الحر ضلــه يرطـبنــــى وف البرد عــطفـه يغطينى
=======
ليـــــــه الزمــن يغــد ر بيــه وقلوب الناس تاســى عليــه
مـن غير ســبب ليه كرهونى والغـلطــه محسوبـه عليـــه
=======
ليـه كل واحـــد قا ل ابنـــــى وع المــعــــــد يه يســبنـى
وان قــلت له خدنــى ياعمـى من غيظه يرجع يضربنـى
=======
قــولوله مــره ياخـلـق الـلــه يبقى ساعتها ياخدنى معاه
يكــــــفينـــى فضــــلة اولاده وثوابه ح يكــون عند اللـه
=======
الكـــــل منـــــى بيتــــالـــــم ويمــشـــى من قبل ماسلـم
يقــبل هزار غيرى وغــلطه ويشــتمنى من غير ماتكلم
=======
الصــبر طـــولهـــا عـليــــه والد نيـا ضلمـه فى عــنيـه
والخــلــــق منـــى بتتـهـرب وما بتـنـشـحـتـش الحـنيـــه
=======
هـاتــى يادنيا كــتير هاتــى وزودى ف لـيلــى اهـا تــى
مهـما الزمــن يغــدر بيــــا صابـر عـليــه انا واخـواتـى
=======
لاخـال بيسـا ل ولا عـمــى ولاحـد يــوم بيــشيــل همى
مـن يوم ماودعـــنا ابويــــا والحـمل زايد عــلــى امــى
=======
ليــه يازمن منـتش حـساس تهـمـت امــى با ى اســا س
ويـوم ماتجرى على عيالها ما تكـتفـيش بكــلام النــا س
=======
معانا الزمان صفى حسـابه كل اللى نا وى عـليه جـابـه
ولــما سلــمــنا له روحـــنا بيعــضــنــا ليــه بنيـــا بـــه
=======
الخــلــق فتحـا لنا عـنيهـــا وكـــا ننـــا مـن اعـاديــهـا
وفــكـــرت انهــــا دايمــــه والكــا س مــاح يلف عليها
=======
يــادنيـــا ليــــه بتحربيـــنه وعن كل شــيء بتحسـبينه
فى الـراحه دايما والجـــايه بــكل قـســـوة تســـبينــــه
=======
بــقـــول يـــا رب تقـد رنه وتبعـد شرورهم عن دارنه
وتصــرف ازاهـم نواحـينا واحـنــا بــس تصـــبرنــــا
=======
ماحـــد غـيرك يراعــينــه يـا رب ويحـــن عـــلــينــه
محــتاج لعـطفـك وحـنانك مافــيش غــيرك عالم بينـه
=======
مع تحيات \سعدالشرقاوى

[سعدالشرقاوى]

فلاح من زمن راحfile:///C:/DOCUME~1/ADMINI~1/LOCALS~1/Temp/msohtml1/01/clip_image002.jpg
كلمات/سعدالشرقاوى
كنت باخبط زلطه ف زلطه اولع اْولع اْلف شرارة نار
كنت ببصله وقرنين شـــطه اوكل كل جــــيران الـدار
00000
كانت هدمه بفرد قــــــطان وحدوه وحتة شال وقميص
ووش ســــديرى من الكتان يكــفوا لزفة اْلف عــريــس
00000
كانت الشله على مصطبتى تفـــــكر قــبل فاروق الباز
انها تعـــمل حاجه جـــديده تنور اسمها لمـــــبة جـــاز
00000
كانت العرصه ولفلوف قش اشوف دخانهم بيشـــبعنى
كـــــنت اشاوش عمى امين كل العزبه كانت تسمعنى
00000
كنت باكرك واحرت وازرع وارجع الف النورج تانى
رسمة شق الارض ف رجلى ولا يوم ايدى تبات وجعانى
00000
كنت بافــــــكر اعمل حاجه مابتحصـــلش لكل الناس
اطور ساقـــية عمى وخالى تكون همالى ماهش كباس
00000
كنت اتمنى اســــدد دينى وانسى همومى شويه وافوق
ومن مجاميعه اجهز بنتى بطــقم عزال يملى الصندوق
00000
كنت باخاف الفجر يشقــشق وانا متغطى ف وسط عيالى
كنت باخاف لا الارض تشقق وانا نعسان ع اللحف ليالى
00000
كنت باروح السوق مع جمعه وبعدها جمعه ماشوفش عيالى
كنت باشق ف يوم على عمى واقضى يومين فى زيارة خالى
00000
كلمه يقولها صغــــــير عنى تبقى هفيه ولعب صغار
كانت الشخــــطه بتطلع منى توقع فــوقهم سقف الدار
00000
كنت ابيع خلــخال الحاجه واشترى شبه وسيبها تعيط
واللى يفيض من تمنه يكفى مكنه لبنتى التانيه تخـــــيط
00000
كانت العــين بتبص عليه وحالتي ف وسط العالم زايده
وانا راس مالى ودخل عيالى نعجه ونص حمار بالفايده
00000
كانت الحاكـيه وشاي الراكيه ومنجل حامى تمللى ف ايدى
انام وغطايايا شوال ع الساقيه وعمرى ماقلت لندل ياسيدى
00000
كنت باجل فرح العـــــــيل شهر وخمسه وتسـعه كمان
علشان جارى قريبه بعافيه وشاف له منام كان فيه تعبان
00000
كان فى العزبه راجل متنور كل الناس عايشين على حسه
وف رمضان يخبرنا بصومه بعـد الشــــــهر مافرقع نصه
00000
كـــنت باْ روح نافى معايا يسند عندى جدار وسطانى
وارفع باب الدار على كتفى افرد شدى وارجـــعه تانى
00000
انا كان عندى الرف العالى فيه السبحه ووش ســــديرى
وكل اوراقى الخاصه شايلها ف ظرف جواب ف شرابى الميرى
00000
لو كان خيرى ف يوم حصلكوا وخللا الدنيا مشت وياكو
اوعوا لاتنسوا الزمن الماضى وافتكـــرونا ولو بدعاكو
000000
مع تحيات/سعدالشرقاوى

[سعدالشرقاوى]

اناشاكر لكم اخى الكريم واختى الكريمه /عفاف
1-كل الملحوظات فى الاعتبار
2-مهيب0هى اسم القريه مسقط راسى
اتمنى المزيد من النصح حتى نصل الى الزوق الشعرى المرجو
اخوكم/سعدالشرقاوى

[NAHID 76]

بسم الله الرحمن الرحيم
الفاضل سعد الشرقاوى
وان مقرتش كتاب من بعدك
بيوضح معنى الاخلاص
يا سلام
وانا مقرتش كلام معبر احسن من الكلام ده
تحياتى

[NAHID 76]

بسم الله الرحمن الرحيم
الفاضل سعد الشرقاوى
حجبت دموعى الرؤيا
وأنزعج قلبى وفزعت مشاعرى
ده تعليقى على موضوع اليتيم
وهذا يدل على صدق أحساسك فى الكتابه
تحياتى

[علاء قدرى]

الاستاذ الفاضل/سعد

اضفت الى الجروح ..........جراحا

فلا نامت اعين الجبناء

تقبل مرورى..... بمودة

[Tarek Elemary]

اليتيم = اعداد/ سعدالشرقاوى


بالقســـوه لــيه بتعـامــــلونى واما افتكــــركم تنســونـــى


كــتر البكى دوبنى خـــلاص والدمــعه جــفت فى عـيونى


=======


مين بعـــد ابويا يراعــينـــى وف حضــن حبــه يـد فينى


فـى الحر ضلــه يرطـبنــــى وف البرد عــطفـه يغطينى


=======


ليـــــــه الزمــن يغــد ر بيــه وقلوب الناس تاســى عليــه


مـن غير ســبب ليه كرهونى والغـلطــه محسوبـه عليـــه


=======


ليـه كل واحـــد قا ل ابنـــــى وع المــعــــــديه يســبنـى


وان قــلت له خدنــى ياعمـى من غيظه يرجع يضربنـى


=======


قــولوله مــره ياخـلـق الـلــه يبقى ساعتها ياخدنى معاه


يكــــــفينـــى فضلة اولاده وثوابه ح يكــون عند اللـه


=======


الكـــــل منـــــى بيتــــالـــــم ويمــشـــى من قبل ماسلـم


يقــبل هزار غيرى وغــلطه ويشــتمنى من غير ماتكلم


=======


الصــبر طـــولهـــا عـليــــه والد نيـا ضلمـه فى عــنيـه


والخــلــــق منـــى بتتـهـرب وما بتـنـشـحـتـش الحـنيـــه


=======


هـاتــى يادنيا كــتير هاتــى وزودى ف لـيلــى اهـا تــى


مهـما الزمــن يغــدر بيــــا صابـر عـليــه انا واخـواتـى


=======


لاخـال بيسـا ل ولا عـمــى ولاحـد يــوم بيــشيــل همى


مـن يوم ماودعـــنا ابويــــا والحـمل زايد عــلــى امــى


=======


ليــه يازمن منـتش حـساس تهـمـت امــى با ى اســا س


ويـوم ماتجرى على عيالها ما تكـتفـيش بكــلام النــا س


=======


معانا الزمان صفى حسـابه كل اللى نا وى عـليه جـابـه


ولــما سلــمــناله روحـــنا بيعــضــنــا ليــه بنيـــا بـــه


=======


الخــلــق فتحـا لنا عـنيهـــا وكـــا ننـــا مـن اعـاديــهـا


وفــكـــرت انهــــا دايمــــه والكــا س مــاح يلف عليها


=======


يــادنيـــا ليــــه بتحربيـــنه وعن كل شــيء بتحسـبينه


فى الـراحه دايما والجـــايه بــكل قـســـوة تســـبينــــه


=======


بــقـــول يـــا رب تقـد رنه وتبعـد شرورهم عن دارنه


وتصــرف ازاهـم نواحـينا واحـنــا بــس تصـــبرنــــا


=======


ماحـــد غـيرك يراعــينــه يـا رب ويحـــن عـــلــينــه


محــتاج لعـطفـك وحـنانك غــيرك مافــيش عالم بينـه

=======
مع تحيات \سعدالشرقاوى

إقبل منى التعديل من أجل الوزن فى البيت الأخير
و تقبل إعجابى بما كتبت

[سعدالشرقاوى]

هو حقيقي يا ناس الجاز غله
اعداد\سعدالشرقاوى
تروح سنترال وعايز تتصــل ...... وصوتك ح يوصل أو شالله ما وصل
تلاقى زيادة في سعــــر البصل.......وتسال يقول لك يا عــم الجاز غــله
................
ح تركب مواصله وروحك تنسرق.......ح تدفـــــع ود مك لازم يتحـــرق
ولو رحت حـتى تصـــــــور ورق.......مافيش عنده فكه عشان الجاز غله
.................
ح تدفع رسوم العـــــيال بالزيادة .......ح تتعب تصدع تروح العـــــيادة
وعشان تصلـــح شهادة حـــمادة........في كل المصالح تلاقى الجاز غله
................
تقوم بكـره بدري تروح العـــمل.......ح تركــــب عجالتك ح تركب جمل
ح توصل ح تمضى لزميلتك أمل......ماجا تش النهارده عشان الجاز غله
.................
ياخوفى علينا الصيام يبقى قصر.......ومدفع فطارنا ف أدانك يا عصر
ونهدم حـــياتنا ع شانك يا مصر.......ونشحت بنا تنا عـشان الجاز غله
.................
شاور بذقنك بــــلاش السلام....... .ووفر شـــويه فى كــــــتر الكلام
وحسن ملافظك فسيرة المدام........وظـبط أمورك عشان الجاز غله
.................
فاتورتك تولع ماتســــالش ليه....... تشرق تغــــــرب ح تدفع يابيه
ح تشكى ح يسمع وحقك عليه.......تنفذ وتسكـــت عشان الجاز غله
..................
ح تأكل رغيفك فى وسط النهار.......وحا تعشى ضيفك كلام بالهزار
وح نحلى ريقك بحــــبة مرار...... .وتصبر معانا عشان الجاز غله
................
بحـبك يا جاز..بحـــــبك حـقيقي.......وأنت الوحــيد اللي خــــدتك صديقي
يا ماسك في أيدك مداخل طريقي......وعمري ما ح انطق وأقول الجازغله
................
وبرميل حياتى راح املاه سولار......صفايــــــح لدمى ولو بالــدولار
وأغير ما توري وأنافس غـــــبار......ولا اسمح لواحد يقول الجاز غله
.................
وسعد الصغــــــــير يطلع قرار.......يبيع الطرمبه ويزرع خـــضار
يغنى ويرقص يحـــــب الحمار......يمون عــليقه عــشان الجاز غله
سعد الشرقاوى

[سعدالشرقاوى]

مش معقوله
سعدالشرقاوى
مش معــقوله انا وانت نسلم نقــعد جنب الحــيط نتــــكلم
طول العمر عامل لى معلــم وانا باسمع لك مش معــقوله
000000
مش معــــقوله تفوت ايامنا ويوم ورا يوم بتضيع احلامنا
نعيد ونزيد ونلاقى كـلامنا يقول لاملنا دى مش معـــقوله
000000
مش معـقوله الدنيا اسود ت ولاايامنا فــــيها اتعـــــــدت
ادينا لخــــلق الـــله اتمدت وح تتعـدل مش معـــــــقوله
000000
لما قضينا الحــــصه كلام حدفنا بلانا عـــــــــلى الايام
تفــــرج بكره ح تبقى تمام من غير جد ماهــش معـقوله
000000
ايدى ف أيدك يالله نحافـــر يالله نهاجــــــر يالـله نتاجـــر
ان كان ولا بد انا وانت نسافر تبقى القاعده دى مش معقوله
000000
ساعتها الارض ح تبـكى علينه ومية نيلها ح تقـــــطع فينــه
ح اروح الصحرا وعندى جنينه ف قلب بلدنا دى مش معقوله
000000
واسمع ارضى تنادى عليه وتقـــول املى حـــــفانك مــــيه
لو ح ارويها بــــدمع عنيه تموت عطشانه دى مش معقوله
000000
ياما حـــرتنا وياما عزقنا بلاش نتكــــــبر على ارزاقنا
بعد ما حمل الجهل مزقنا وخلا عيشتنا ماهش معــقوله
000000
سيب الـدوله وسيب الناس واكتب عـــقد ف كــــفة فا س
وامضى ف مكنه او كباس تلقى الــــــــدنيا بقت معـقوله
مع تحيات/سعدالشرقاوى

[سعدالشرقاوى]

وعجبى
اعداد\سعدالشرقاوى
عجبى على اللى يعـــيش مركون على غــيره
تكــــتر مشاكله ويرمى بـــــلاه على غـــــيره
تظهر فـــــلوسه يبان دوسه عــــلى غــــــيره
عـــمال بيــــتسله واهى مسله ف قـفى غــيره
يفلت من الضيق عـلى المخاليق يتعاله
ويزيد عـــناده وعــند اسياده يتعـــــاله
وحياته عاله ورامى الحمل على غيره
00000
الناس بتـــــــبنى وهــــوا يهـد ما يهــــــــمه
ولو حـــــتى ابنه فى ساعـــــة الشده مايهمه
وبيمشى ياكل فى سيرة الخــــلق مايهمـــــه
يلقى الحــــرام فى الشبع ياكل ولا يهمــــــه
خيبة امل لاف عمل يعــدل ولا يميل
ولديمه حمل البعــــيد معووج ومميل
لو قالوا عيل يروح ضاحك ولا يهمه
00000
عايش كمالة عــــدد وخلاص مالوش لزمه
بين الرجال يتحـــشربكــــلام مالوش لزمـه
صاحب ملافظ غـــــلط يعـنى مالوش لزمه
راجل بدون منفعــــــــه رايى مالوش لزمه
خيال مقاته تيجـــــى تامنه تمللى يخــــــون
يخلف فى وعده وعن عهده فى طبعه يخون
والصاحب اللى يخون صاحبه مالوش لزمه
000000
وعضمه مالى الهدوم موزون تقول راجل
شاسيه وراكب عــــليه هيكل عامل راجل
فاكر خــلافه ماحـــــدش فى البشر راجل
تقــــــــول شـوارب اسد وطالع لهم راجل
ع الخلق ليه يفترى ويضعـف على مراته
ولاعـــــــمر صوته عـلا مره على مراته
وشورة مراته ف حـياته مايصاحب راجل
000000
مع تحيات\سعدالشرقاوى

[سعدالشرقاوى]

اعنية \يا تعدي يا تهدى
كلمات\سعد الشرقاوى
سيبنى على قـــدى000 وأنا وأنت ح نعدى
خـليك طويل البال000 يا تعـــدى يا تهــدى
===
داوشنى لـــيه ويـــاك000 ولخمنى في طريقى
مش لاقى حــل معاك000 نشــــفت ليه ريــقى
ارحم شـــــــويه امال000 وخـــدنى على قدى
خليك طـــــويل البال000 ياتهـــدي ياتعــــدى
===
امال لو سكه فاضيه000 والجـــــري للركاب
طاير بنفس راضيه000 ومافيش معاك ركاب
مايسوقش عمره جمال 000 زي ماقال جــــدي
خليك طــــــويل البال000 ياتهــــدى يا تعـدى
===
ماوراهش ولا عجله 00ومعرفش ايه ضره
وانا عندىكام عجله000 ماشيين وري الكره
ماعرفش اعديك فين 000 واللـــه ما بيــــدي
خليك طــــويل البال000 ياتهــــدي يا تعـدي
===
عاملــــها طــــــياره000وعـــــايز تعــــدينه
وعــــملت لى غاره000بكــلا كس وســرينه
2009معـــــــــاك 000وانا حالتى على قدي
خليك طــويل البال 000ياتعــــدى يا تهـــدى
===
امبير حــرارتى رفع000ارحــم بقى يا عـم
قلبي فى رجلى وقع000ورفعت ضغط الدم
خلليت لى حالى حال000وايدى على خدى
خليك طـــــويل البال000 ياتعــدى يا تهدى
===
كان عــــــشمى أي مطب000ح تكن وتروق
وانت زى الشب000واحنا ف طريق ضيق
مشوار ما كان ع البال000والحـــظ ما بيدى
خـــليك طـــــويل البال000ياتعدى يا تهدى
===
بالـــــــفن ويا الزوق 000دايما تعــــيش مســتور
وانت بصصلى لفوق000واخرك تســوق حنطور
ح افتح شــــويه شما ل000والسكـــه ح تـــــودى
وكــــــفايه لعب عيـال000 ياتعــــــدى يا تهــدى
===
مع تمنياتى بالسلامه\سعدالشرقاوي

[سعدالشرقاوى]

انا الفلاح
سعدالشرقاوى
عاشـــــــــق ترابك والغلق ويايا بيـــــــــقاسى
بازرع ف ارضك والعرق سارح فىايد فاسى
ولو فى مره اشتكـــــــيت ماتزعلــــــيش منى
لو غـــصب عنى ح اقول حـــقك على راسى
000000
عدا النهر والخــــــــضار شايل على طـــوقه
منى العـــــرق ع الورق سايل على عـــروقه
والكعب حافى مشـــــــــقق ع القــدم من فوق
وكا ن طينة الشــــــــقوق جايه على شــــوقه
000000
لا فى السياسه انسال ولا عــــندى اى جواب
ولا للمناصب جــريت لو حتى جـت ع الباب
لاكنى عارف فلوســـــكم يعـــــنى زاد ت ليه
زرعنا ليها التقــــــاوى وانتوا لسه شبـــا ب
000000
لو كان على الصحرا ماهو احنا اللى زرعينها
والمحنه لو تنترك احــــــنا اللى شحتــــــــينها
كل اللى شخـــــــشخ جيوبكم فلاحين ياعريس
حتى قناة الســـــــويس احنا اللى فاحتــــــينها
مع تحيات/سعدالشرقاوى

[د أنس البن]

عمار يا مصر رغم محاولات التغريب والعلمنة وطوفان التدنى والإسفاف
لكن لاتزال مصر ولاده .. لا يزال الأمل معقودا على عودة عصر الأكابر فى فنون الزجل والشعر والأدب كما كانوا قبل عشرات السنين
عم سعد يا شرقاوى .. أنت شاعر أصيل تحمل موهبة حقيقيه

[سعدالشرقاوى]

ياسواقى الخير
كلمات\سعدالشرقاوى
ياسواقى الخير دوري وغنى الارض شراقى وعـيزاكى
على نغمك اغنى واقول فنك وانا عاشق صوتك وغناكى
ياسواقى الخير
=======
ياسواقى الخير دوري بفرحـــه فى قنايا الغيط المشتاقه
بتبوس الارض تروح طارحه نحصدها بفرحه ونتلاقه
ياسواقى الخير
=======
ياسواقى الخيردورى ودورى خللى العصفور يشرب منك
على نغمك اغنى واقـول دوري موالى الاخـــضر من فنك
ياسواقى الخير
=======
ياسواقى الخير انتى حياتنا ياسواقى الخير كتر خيرك
صوتك بيونس غــربتنا مالناش فى الدنيا حبيب غيرك
ياسواقى الخير
========
مع تحيات\ سعدالشرقاوى

[Tarek Elemary]

يا عم سعد انت هاتخلينا نطالب بالفئوية فى المنتدى و نعملك زعيم الفلاحين هنا بس إوعى تكون من بتوع موافقة؟!!!!

فلاح فصيح يا سعد و انت شرقاوى
ما شبِعْتْ منك بَعْدْ و انا للكلام غاوى
لو نصَّبونى وزير للصحة و التفانين
أقول كلام عم سعد للجرح بيداوى

[NAHID 76]

بسم الله الرحمن الرحيم
كلام كبير أستاذنا سعد الشرقاوى
وإيه جمال التعليق وحلاوته ده يا أستاذ طارق
تحياتى

[سعدالشرقاوى]

شورة مراته
شعر \سعد الشرقاوى
ياللى انت عايش شورتها والمرا حكماك
وكل خطوه تروحـــها ع الطريق سبقاك
تشخط فى وشك تشوفك دمها بيفور
طول مانت طرطور ماحدش يتصاحب وياك
00000000000
شرابة الخرج لا بتعدل ولا تميل
وكبرت فى السن ويقولوا عليك عيل
تسمع كلامها حلق فى الودن ماتنساه
ولك صفا وانتباه لو حمل الحمار ميل
00000000000
يوماتى تصحى بزعيق وتنام ف مواعيدك
ولو ضحـــــكتك يوم علت تتمد على ايدك
تاكل بكيفها وتشرب لو المرا عطشت
وان مره عطست تسيب اللقمه من ايدك
00000000000
مزاجها تنده تقول لك ياخايب جيلك
لاتروح لغيرك ولا اشوف حد بيجيلك
اما ان خالفت الاوامر مافيش بشر يحميك
والسن فات بيك ولاعاد حد من جيلك
00000000000
نفسك تحرر كرامتك ياسلام سلم
ماخـــلاص زمامها فلت مهما ح تتكلـــم
ولا عنت تقدر تغير طبع ستاوى
وعملت زى اللى غاوى الرقص ع السلم
00000000000
طول مانتا مبسوط مراتك تخاف منك
وتشيل مداسك وتجــــري بيه ورا منك
طكلمتك لو حديد تبقى حليب منك
طول مانتا مبسوط وعندك مقدره وصحه
تمشى وراك كيف تمرجي اوطبيب صحه
وان قل مالك ومنك وللت الصحه
تجيب عيلتها وتيجي تاخد العزال منك
0000000000
ساعة ماتغلط تكون هيا عليك مسؤل
ويطيب خاطرهم ساعة ماتقول عليك دلدول
تبقى كرامتك نهار مايكون لها شغله
حــــداها اغلى من البقره وست عجـــــــول
ى 0000000000
وان طلبوا رايك فى سئ لازم يبان دورهه
واتهمل الناس فى انتظارك وانت بتشورهه
واتغير الراى وماحدش معاك يتفق
طول مانت زى الغلق والشور حداك شورهه
000000000
من غيرها تحتار ولا تقدر تقابل ضيف
وخدها جندي ورقيتها عليك عريف
تبقى انت قاعد توكل وزتين فى الدار
وهيه راكبه الحمار بتحاسب الصريف
000000000
وتيجى بطلانه ومزاجها ان كل الناس يشوفوك
تضور الضرب ف ولدها تقول جك لهو علي بوك
تاخد هدومك وتجري جوه تتخته
وتنام كما الشبه مستنى الجزارين ياخـــــــدوك
ى 000000000
والصبح تفلت يابطل وتفط زى الغول
والدم يحضر ف وشك والشاسيه معقول
ماشلتش الهم وبتاكل وبتفنجر
تتغدا بنجحـــــر وتتعشه بكـــيلة فول


0000000000
مع اعتزاري وتقديري وخوفى من كل النساء
تحياتى0000سعد الشرقاوى

[سعدالشرقاوى]

]صدقنى ياصاحبىاناتعبت 000 وفىعزشبابى خلاص شبت
ومن فعل العالم سلــمت 000 وبكل صراحه انا تعبت
ولله ياخويا اناتعبت
يصادفك واحد متفاهم 000 مفتح يعنى و يتفا هم
يطلع فى الاخر فى فاهم 000 محــتاج يتبرمج ع السفت
صدقنى ياعم انا تعبت
مش عارف خـلق الله مالـــــهم 00 ايه فى الايام شقلب حالهم
حتىاللى ف يوم كان احسنهم 00 راح كله خلاص زىالزفت
والله ياعم انا تعبت
تختار العاقل تسمع له 000 تلاقيه متلخبط على اهله
وعياله بتشرب من جـــهله 000 وعشت يا سبع وخلفت
والله ياخويه انا تعبت
ييجى الفصيح ياخد عقــلى 000 وان قلــــت رايى يبحلقلى
لبن عسل وسمك مقلى 000 والمشمش ارخص م اللفت
غيتونى ياخلق اناتعبت
واحد تتكلم مناخيره 000 والتانىيعايب على غيره
والتالت تستنى ف خــيره 000 لغـــايت عمرك ما يعت
روحونى ياخلق اناتعبت
وواحدبيعـــــــــــارك فىخواته 000 والدنيامن الفقر شواته
ولابد يرد على مـــــــــــرا000 ويعيش فى الدار زى الطشط
والله يا ساده انا تعبت
واتنين صايعين جوه الحاره 00 ماشيين يتعركو على سجاره
شايفين الدنيا بنضاره 000 وشــعورهم عايشه على فلت
والله ياسيدى اناتعبت
واحدان عازك ير قص لك 000ويقول الغالى ح يرخص لك
ولوانت عزته بيحمص لك 000 ويقول كلمـــــنى على النت
ياخوانا غيتونى انا تعبت
مش عارف يحكم على داره 000 وعمال يتقنزح على جاره

والخلق بتشرب فى مراره 000 ماهو سبع برمبه وعامل فت
صدقنى ياصاحبى اناتعبت
مشيت معاهم من صغرى 000 وضاع كتير قوى من عمرى
يارب سلمــــــــتك امرى 000 صبر فؤادى احسن ح يشت
والله ياربى انا تعبت

[سعدالشرقاوى]

آخر خبر
اعداد/سعدالشرقاوى
آخر خـــــبر عـندنا طلــــعت لنا قـرارات
تنفيذها آخر الزمن وف لحــظة السـكرات
سقــــفنا بيــــتنا بقانون لما نـــــــشف دمّنا
واحكام وصدرت لنا مخصوصه للاموات
,,,,,,,
فى بلـــدنا مدفن قــديم ساكنينه اجـــدادنه
على حـــتّه خاليه وعاليه تشـــبه المـادنه
فــــى ركن منه دارينا عــــضم اهـالــينا
قلنا يتاوينا ويفــــــــــضل تربه لـولادنه
,,,,,,,
طلعت علينا الآثار م الهـــيئه بالتصاريح
ومنها صدر القرار والنص يعنى صريح
ممـــــنوع يهوّب عليه ميت يبات جــواه
من غيرماياخد معاه تآشـيره او تصريح
,,,,,,,
الموت برد عــــندنا مهما يكون حـرّاق
والدفنه متآجله وبنحــــضّروا الاوراق
دا ورقوه ناقص قسيمه من جواز عمّه
ودا اســم امّه ف صحة مركز الوراق
,,,,,,,
بعد انتهاء الورق يظــــهر هـــناك تفتـــــيش
للميت اللّى انضــرب اوكان هـرب م الجيش
او حادثه كات ع الطريق اوكان دراعه انكسر
او كان مسجّل خــطر او حتى ناسى الفـيش
,,,,,,,
لازم حــــسابه يكون ع الــدنيا قــــبل الارض
فى سين وجيم م البشر اصبح ف حكم الفرض
واجرآت تتعــــــمل مخـــــصوصه للنّســوان
ولو زحمـــتوا المكان راح تدفـــنوه بالعرض
,,,,,,,
عايزين افاده تقول طول عمره عاش موزون
ومراته علــــى زمّـــته مخــــتومه م المآذون
والورثه يمـــضوا ماعــــنده اى شئ متروك
وجواب يقول م البنوك ماعليــهش اى ديون
,,,,,,,
بدل ماتســـتظرفوا بقــراركم الواقف
واتكــــرّموا المسؤل اللى فينا يناقف
تحــدّدو لنا مكان للاسره لو خــطوه
وتشوفوا فتوى تبيح الدّفن ع الواقف
,,,,,,,
للمســــــؤلين نسآلوافي بلدنا مش خايفــــين
وسؤالنا محرج صحيح وبرضه مش آسفين
يطلع قرار للــولاده تتمـــــــنع على طــول
ياتّخّــــــــنوا مســـؤل يسآلنا ندفن فـــــين

[عفاف سليمان]

الاستاذ سعد الشرقاوى
اقولك
حسبى الله ونعم الوكيل
فى القرارات اللى بتطلع كل يوم واتنين
وربنا يهدى علينا عبد الروتين
ويحسن ختامنا
اللهم امين
تحياتى لشخصكم الكريم
وللجميع والمواطنين
اختكم عفاف:cool::cool::emrose:

[NAHID 76]

بسم الله الرحمن الرحيم
الفاضل سعد الشرقاوى
معقول ده كله واقع
وياترى ليه خايف من النساء
بالعكس ادعوك لأعاده الثقه لعالم المرأه فهى افضل من كده بكتير
تحياتى

[عفاف سليمان]

بعد مساء الخير على حضرتك استاذنا الشرقاوى
وعلى جميع اهل ومواطنى سماعى الكرام
هما فين النساء دول اللى بيحكموا الرجال
دى الواحده مننا لازم تحس ان لها ظهر يحميها من الزمان
وان كانت فيه نساء بلا حكم وبلا احترام
يبقى يادينا عليكى السلام
يا استاذنا الواحده مننا لازم تحس ان زوجها اهم شىء فى الكون
وكما امرنا الرسول طاعته من طاعة الله
دا عيش وملح اكلته معاه
ازاى انافقه وازاى اخون
وازاى للاحترام بينا ما يكون
خلى ايمانك بالله كبير
مش كل النساء للاحترام لا تميل
وزى ايدك كل صباع ما يشبه اخوه
النساء والرجال على اختلاف
الالوان والطباع
منها إإتلاف
ومنا اختلاف
تحياتى لك وللجميع
اختكم عفاف:cool::emrose:

[NAHID 76]

بسم الله الرحمن الرحيم
فى الحقيقه لست وحدك أستاذ سعد الشرقاوى الى تعبت
أحنا أصابنا نوع من القرف وحاله من الاستياء لما وصل أليه الحال
ولكن لابد أن نعيش
تحياتى

[هناء عصام]

حقيقى كلماتك لمستنى وحسيت انها طالعة منى
ودا حال اليتيم فعلا فى الدنيا لكن اكيد فى الاخرة له عوض افضل بكتييير
تسلم ايدك
هناء

[سعدالشرقاوى]

http://www.sama3y.net/forum/:\التليفون\زكريات\Image(1018).jpg

[سعدالشرقاوى]

فلاح من زمن راح
كلمات/سعدالشرقاوى
كنت باخبط زلطه ف زلطه اولع اْولع اْلف شرارة نار
كنت ببصله وقرنين شـــطه اوكل كل جــــيران الـدار
00000
كانت هدمه بفرد قــــــطان وحدوه وحتّة شال وقميص
ووش ســــديرى من الكتان يكــفّوا لزفة اْلف عــريــس
00000
كانت الشله على مصطبتى تفـــــكر قــبل فاروق الباز
انها تعـــمل حاجه جـــديده تنور اسمها لمـــــبة جـــاز
00000
كانت العرصه ولفلوف قش اشوف دخانهم بيشـــبعنى
كـــــنت اشاوش عمى امين كل العزبه كانت تسمعنى
00000
كنت باكرك واحرت وازرع وارجع الف النورج تانى
رسمة شق الارض ف رجلى ولا يوم ايدى تبات وجعانى
00000
كنت بافــــــكر اعمل حاجه مابتحصـــلش لكل الناس
اطور ساقـــية عمى وخالى تكون همالى ماهش كباس
00000
كنت اتمنى اســــدد دينى وانسى همومى شويه وافوق
ومن مجاميعه اجهز بنتى بطــقم عزال يملى الصندوق
00000
كنت باخاف الفجر يشقــشق وانا متغطى ف وسط عيالى
كنت باخاف لا الارض تشقق وانا نعسان ع اللحف ليالى
00000
كنت باروح السوق مع جمعه وبعدها جمعه ماشوفش عيالى
كنت باشق ف يوم على عمى واقضى يومين فى زيارة خالى
00000
كلمه يقولها صغــــــير عنى تبقى هفيه ولعب صغار
كانت الشخــــطه بتطلع منى توقع فــوقهم سقف الدار
00000
كنت ابيع خلــخال الحاجه واشترى شبه وسيبها تعيط
واللى يفيض من تمنه يكفى مكنه لبنتى التانيه تخـــــيط
00000
كانت العــين بتبص عليه وحالتي ف وسط العالم زايده
وانا راس مالى ودخل عيالى نعجه ونص حمار بالفايده
00000
كانت الحاكـيه وشاي الراكيه ومنجل حامى تمللى ف ايدى
انام وغطايايا شوال ع الساقيه وعمرى ماقلت لندل ياسيدى
00000
كنت باجل فرح العـــــــيل شهر وخمسه وتسـعه كمان
علشان جارى قريبه بعافيه وشاف له منام كان فيه تعبان
00000
كان فى العزبه راجل متنور كل الناس عايشين على حسه
وف رمضان يخبرنا بصومه بعـد الشــــــهر مافرقع نصه
00000
كـــنت باْ روح نافى معايا يسند عندى جدار وسطانى
وارفع باب الدار على كتفى افرد شدى وارجـــعه تانى
00000
اى صغـــــيّر عنى مايقدر يوم قدامى يلف ســــجاره
واللا ف يوم يعوج كلبوشه واللايعـدّى راكبلى حماره
00000
كنت ازامل اخويا وجارى وانفار يامه نفوسهم صافيه
نجدل بوصى ونعرش دارى ونليّــسها بعرق العافــــيه
00000
ونعتب ع اللى ماجاش يساعدنا وياخد ايدنا عشان نبنيها
واللى يجينا عشان يســــــــعدنا يرسم سـبع ونخله عليها
00000
كنا نعالـــــــج كل عـــــيالنا فى دور الحصبه وهمّا صغار
بنلبـــــــــّسهم احمر فاتـــح وبنحـــــبسهم يوم فـــــى الدار
00000
واللى يطوّل مرضه شويه احسن فكره عــشان نداويه
امه تحـــطّه ف جردل ميه يا نشوف سته عشان ترقيه
00000
ماهى كات ست كبيره وعاقله وهــيّا ياناس نــــوارة الدار
تخــــــرم ودن البنت بابره شالتها ف شق فى قلب جدار
00000
كانت الفجر بتصحى تصلّى وف حلتها تخــض السمنه
واتتـــّوه فــــــينا لو تنادينا ولا الابنودى وعمته يامنه
00000
ربعة كيل فيها طاست الطربه معاهم لفة تـــيل ومسلّه
تحك الظلــطه ف قلب محاره وتعمل قطره لعفر الغلّه
00000
لماّ نعوز نحاربها بنضحك كان بيــــــبان من لوية بوزها
علــشان سابع سنه متوفى وغالى عليها المرحوم جوزها
00000
انا كان عندى الرف العالى فـــــيه السبحه ووش ســــديرى
وكل اوراقى الخاصه شايلها ف ظرف جواب ف شرابى الميرى
00000
لو كان خيرى ف يوم حصلكوا وخللا الدنيا مشت وياكو
اوعوا لاتنسوا الزمن الماضى وافتكـــرونا ولو بدعاكو
000000
مع تحيات/سعدالشرقاوى

[سعدالشرقاوى]

في الحقيقة هذه من أجمل الرسائل التي وصلتني
والجميل أن بها دعوة لنشرها ولكن بطريقة لطيفة وغير إلزامية أو تحذيرية
اتمنى قراءتها ببصائركم لا بأبصاركم


الإيميل الأول:-

لكي تدرك قيمة العشر سنوات .... إسأل زوجين انـفـصلا حديـثاً

لكي تدرك قيمة الأربع سنوات .... إسأل شخص مـتخـرج من الجامعة حديثاً

لكي تدرك قيمة السنة .... إسأل طالب فـشـل في الاختبار النهائي

لكي تدرك قيمة الشهر .... إسأل أم وضعت مولدوها قبل موعده

لكي تدرك قيمة الأسبوع .... إسأل محرر في جريدة أسبوعية

لكي تدرك قيمة الساعة .... إسأل عـشاق ينتظرون اللقاء

لكي تدرك قيمة الدقيقة .... إسأل شخص فاته القطار .. الحافلة .. أو الطائرة

لكي تدرك قيمة الثانية ولكي تدري قيمة الجزء من الثانية .... إسأل شخص فاز بميدالية فضية في الأولومبيات وفي الأغلب يكون الفرق بين الذهبي والفضي أجزاء قليلة من الثانية

لكي تدرك فيمة الصديق .... إخسر واحد

لكي تدرك قيمة الأخت .... إسأل شخص ليس لديه أخوات الوقت لا ينتظر أحد وكل لحظة تمتلكها هي ثروة وستغتغلها أكثر إذا شاركت بها شخص غير عادي

لكي تدرك قيمة الحياة .... إسأل عن إحساس من على فراش الموت

لكي تدرك قيمة ذكر الله .... مت وأنظر ماذا فقدت من عمرك وأنت غافل

الإيميل الثاني:-

يقول عالم أحياء أمريكي :-

أن هناك طبيب شاهد في طريقه كلب مصاب بكسر إحدى قوائمه فحمله إلى عيادته البيطرية وقام بمعالجته .... وبعد أن تماثل للشفاء أطلق الطبيب سراح الكلب ....

وبعد فترة من الزمن سمع الطبيب نباح كلب عند باب عيادته .... فلما فتح الباب وجد الكلب الذي عالجه ومعه كلب آخر مصاب .

فيا سبحان الله ما الذي ألهمه وعلمه هذا .... إنه الله جلَّ وعلا .

الإيميل الثالث:-

يقول عالم أحياء أمريكي :-

كان هناك قط لصاحب بيت يقدم له الطعام كل يوم .... ولكم هذا القط لم يكتفي بالطعام الذي يقدمه له صاحب البيت .... فأخذ يسرق من البيت الطعام فأخذ صاحب البيت يراقب القط .... فتبين له أنه كان يقدم الطعام الذي يسرقه لقط آخر أعمى


لا إلـــه إلا الــلــه

كيف كان هذا القط يتكفل بإطعام قط كفيف ؟؟؟

فاسمع قول الله تعالى :- ' وما من دابةٍ في الأرض ولا في السماءِ إلا على الله رزقها '

سبحان الله وبحمده عدد خلقه ورضا نفسه وزنة عرشه ومداد كلماته

الإيميل الرابع:-

وهذا موقف حدث بالعراق يحكيه شاب عراقي قائلاً :-

عندنا في العراق شيء اسمه. حية البيت (( الحية = أفعى )) وحية البيت التي تعيش في البيت لا تؤذي .... في أحد البيوت الريفية كان لأفعى صغار تحت كوم من التبن وعندما أرادت المرأة العجوز صاحبة البيت رفع التبن .... وجدت صغار الأفعى .... فما كان منها إلا أن حملت الصغار إلى مكان قريب آمن وعندما عادت الأفعى ولم تجد صغارها جن جنونها واتجهت صوب إناء كبير فيه حليب .... وقامت بفرز سمها من أنيابها في الإناء .... وبعد أن بحثت و وجدت صغارها في مكان قريب .... عادت ورمت نفسها في الحليب ثم خرجت منه .... واتجهت إلى رماد التنور وأخذت تتقلب به ليلتصق الرماد بجسمها .... ثم عادت ودخلت في إناء الحليب لكي تعيبه ولا يستخدمه أهل البيت .... وقد كانت المرأة العجوز تراقب هذا المنظر العجيب من بعيد ....

ولله في خلقه شؤون



الإيميل الخامس :-

تخيل .... أنك واقف يوم القيامة وتحاسب ولست بضامن دخول الجنة

وفجأة ..... تأتيك جبال من الحسنات , لا تدري من أين !!....

من الاستمرار بقول :- ' ســبـحـان الله وبحمده ســبــحـان الله العظيم'


ولتضاعف هذه الجبال فقط قم بإرسال هذه الرسالة


لست مجبراً على إرسالها .... ولن تأثم على إهمالها بإذن الله





قال رسول الله - صلى الله عليه وآله وسلم -: ' من دعا إلى هدى كان له من الأجر مثل أجور من تبعه لاينقص ذلك من أجورهم شيئاً,ومن دعا إلى ضلاله كان عليه من الإثم مثل ما أثام من تبعه لاينقص من آثامهم شيئاً

[هناء عصام]

سبحان الله وبحمده سبحان الله العظيم
قمة الاعجاز
جزاك الله الف خير على ما كتبت
تحياتى

[سعدالشرقاوى]

موال الدنيا سوق
كلمات/سعدالشرقاوى
الدنيا ســوق يازمن مخـــــصوص لفنّ البــيع
فيه اللى غاوى الشرا وفـــيه اللى طبعه يبيع
وفيــهم اللّى عـــشان قـــرشك يتاجر بــــيك
لو حظّه فيك ينعـــــدل من غير تمن بيـــبيع
,,,,,,,
فيه ناس تدوخ ع الحقـــــيقه عشان تدفــــنها
وناس تدوّر علــــــيها وهمّا شايفــــــــــــنها
وشريك بيخــــدع شريكه وف الضّلال بيـدوس
من اجل حبّة فلوس لو عضم اخوه بيــــــبيع
,,,,,,,,
فى الدنيا ناس تنشرى بكــنوذ كتـــير ضاعوا
وناس بالدهب تشــــترى ومن غير فلوس باعوا
واللى بيحـــــــــــفظ ودادك لاجل منفعـــــته
لو يلقى بخـــــته ف جنيه من يمّــتك بيـــبيع
,,,,,,,,
تمن الكــــــرامه غلا والسّلـــعه شحّت فـيه
تاجر الشهامه ف عجب محتار ح يعمل ايه
لما الخســـــــــيس ينعدل على دفة البرصه
وان جاته فرصه فى ابنه يشـــــترى ويبيع
,,,,,,,,,,

[سعدالشرقاوى]

طلع النهار
كلمات/ سعدالشرقاوى
الشمس نورها وصل من ضلفة الشــــبّاك
وانا فكرى شاتت عليك حيران هنا وهناك
حرمنى من وحــدتى صحّانى م الافـــكار
طلع علـــيّه النّهار وانا لــسّه باســـــتناك
,,,,,,,,
خطــفت عقلى وقلبى م السّهر موهـــوم
غرقان فى بحرك وتايه عن فنون العوم
واحلو طعم المرار والخوف مونسّــــنى
طيفك آنســــنى وحرّمنى اضوق الــنوم
,,,,,,,,,
بنــيت لحبّك خـــــيال على شط احلامى
فيه صوره لك ع الدوام مرسومه قدامى
مليا علـــــيّه المكان والفكر والوجــــدان
خدنى فى حضن الحنان عيّشـــنى ايامى
,,,,,,,,,,
لو صاحى باحلم اكــمّل حلمى على ايدك
وان كنت نايم ياريت اصحى بتنهـــــيدك
طال انتـظارى وخايف تخــــــلص الايام
الاقينى كنت ف منام وصحيت على ايدك

[سعدالشرقاوى]

يحيا الخنازير


كلمات/سعدالشرقاوى

ح اقول سؤالى والحم حــنكى بالقـــــزّير

واسمع اجابته واربط ايدى فى الجــنازير


عدمتوا ليه الفراخ ساعة ما جاكو اشتباه


ووقفتوا ليه انتباه على عشة الخــــنازير


,,,,,,,


فى ثوانى يطلع قرار يعــدم دواجن مصر


والخن فوق السطوح مايجيش عليه العصر


كل المزارع بتـــــــــــبكى ظلم مالو حدود


وتقول لكل اليــــهود مبروك عليكو النصر


,,,,,,,


بقانون يحـــطم ف ست البيت ويازيها


لو بطّه او ارنـــــــــــبه تعدمها باديها


ومحضر تحرى على اللى يعتبوا دارها


او حتى جارها فى يوم فكـــــّر يعزّيها


,,,,,,,,


كل المزارع صحابها يرفــــــعوا الرايات


يسدّوا اصل الديون ويتاجروا فى الشيكات


سوق العلــــــــيقه يقف والبورصه تتعطّل


والنقل بطّل وتكـــــــــــتر نسبة الحركات


,,,,,,,


فيه فكره للى اتآذى واللى اندين فيها


لكل واحد ف جــــوز خنازير يربيها


ساعتها يقدر يقول البغل فى الابريق


ولو حركه قرعه كــمان يقدر يعدّيها


,,,,,,,,


اما انتو يامخنزرين الفين سلام ليكم


متحصنــــــــين م البشرتسلم اياديكم


فهـــــــــــمنا ان الزباله ثروه قوميه


والميّه ميّه نشوفوا الخير على اديكم


,,,,,,,,


لو حد هوّب عليكم ح تبقى له اغـــراض


لو حتى جاكوا الخطر وظهر لكم اعراض


نختاروا يوم فى الســنه يبقالكو عيد عندنا


تعــــــــيشوا دايما لنا وتملونا بالامراض


,,,,,,,,

[NAHID 76]

بسم الله الرحمن الرحيم
أستاذ سعد
أحيك على هذه المعزوفه الرقيقه الأنسيابيه الناعمه
تحياتى

[علاء طه ياسين]

الدنيا ســوق يازمن مخـــــصوص لفنّ البــيع
فيه اللى غاوى الشرا وفـــيه اللى طبعه يبيع
وانا بأقولك
تسلم الإيد اللي كتبت بس فيه ناس مش طبعها تبيع وبتبيع غصب عنها
تحياتي ليك

[سعدالشرقاوى]

عباره عن كيان مجود فى الريف المصرى استقبل التقدم
والعولمه بمفهوم خاطئ فغفل الكثير من القيم والمبادئ
وشهامة واصالة ومروءة الفلاحين
عمو عبده
كلمات\سعدالشرقاوى
عمو عبده الحلو عايش فى البلد من غـــــير لزوم
ممشى نفسه بالحــــداقه والشاسيه مالى الهـــــدوم
========
كلمه منه وكلمه منك يسالك فى امور تجــــــــاره
وف ثوانى وغصب عنك تلتاقــيه لهف السيجاره
========
بعد منها كلمه حلوه تطلعــــــك فـــــــوق السمه
والحقيـــــقه ف قلبه جوه بيكرهـــــك زى العمه
=========
عمو عبده يخب يلعب ع الوتر من غير ما يدفع
وفى المشاكل مش مشاكل بس يتـــــكلم ويسمع
========
يلتاقيك ف خلاف معايا يعصبك كده بالحــــداقه
ياكل ف سيرتك لو يجينى لسانه ولا مكنة حلاقه
=========
عمو عبده نفسه يخصل ع الفلوس ولا حد طايقه
راح شاريله كلب ازعر وف طريق الخلق طالقه
========
اطلق عليه مع الحليه اسم البهايم وخـــــــــلاص
يسال بكام طن الخشب ساعة شرا قلم الرصاص
=======
عم ابراهيم بردع ركوبته وف طريقه لغـــيطه ماشى
عشان ظروف قدره المهبب بحمارته عدا ع المواشى
=======
والطريق ضيق بطبعه يعنى مزنوق بالبهايـــــــم
وخدله جنب وجه يعدي لقى فى المدق الكلب نايم
=======
وف لحظه يصحى الكلب يجري وياخد الخبطه فى وشه
واندهش دهش الحـــــــــــماره م الاخر داسة فى كرشه
========
اتخرع عمى ابراهيم وعاش ساعتها ظروف عصيبه
لما شاف الكلب ميت حش فته يادى المصيــــــــبه
========
راح مدير الركــــــــــــــــــوبه وراح لعبده لحد داره
عشمه ينفد م العتوبه مش غريب ماهو بارضه جاره
========
عــــــــــبده قال له يابراهيم انت فاكر الدنيا سايبه
انت قاتل كلب مين اتريه عـــــــدو ومشتهى نايبه
=======
يابراهيم مامعاكش رخصه للحــــــماره م المرور
ليه لما تبقى الشمس طالعه وبالنهار ماتقيدش نور
========
لما تلقى بهايمى نايمه من هـــناك ممــنوع تخرم
عشان كده لازم البك شكوتين عـــــــلشان تحرم
=========
والقانون يحـــــكم ما بيننا والقتيل غالى عـــــليه
والحلول ماهش باديه والعـــــيال محــــتاجه ديه
========
بعد دفن الجثه تيجى بالعجل ومعــــــــــاك فلوسك
لما ح اقبض ح اعفى عنك واصطلح واقوم ابوسك
========
والمداخل واللى داخل واللى شاف الحادثه جاله
والمسالك واللى سالك مش قادر يحـــــكم عياله
========
احنا شاهدين ع الحقيقه واللى صار ساعة الجريمه
وبراهيم جه يفدي نفسه واحمد الله اهى جت سليمه
========
اصلى يعنى الترعه جنبه وابراهيم لازم يعــــيش
والحماره بتصحى بدري تجيب لكل العزبه عيش
=======
عمو عبده راح مزعق فى البشر ويقول سيبونى
لما اخد حقى بيدى ابعدوا اوعو اتحـــــــوشونى
========
وكان كلب الباشا عبده كان طبيب ومعاه شهاده
والخلايق عنده يامه وزحمه على باب العياده
========
وخبر وفاته كان خطير وولاده ف وزارة الزراعه
ومحتاجين شادر كبــــــير وفقهى يقروا م الازاعه
========
ماتزعلوش من عبده ابدا دالجهل عيشــــته مقرفه
واعتبرو خيبة عبده يمكن طيبه وقلة معــــــــرفه
مع تحيات\سعدالشرقاوى

[NAHID 76]

بسم الله الرحمن الرحيم
استاذى الفاضل سعد الشرقاوى
عم عبده فى زمن العولمه
يعطيك من طرف اللسان حلاوة
ويروغ منك كما يروغ الثعلب
العولمه يا سيدى فهمها الناس فى مصر غلط
دى أمر ماشى مع أمور متوازيه
ونحن لم نمر فى مصر بتلك المراحل التى أن نمر بها حتى تؤهلنا لمرحله قادمه ونتنقل مرحله مرحله
لكننا فى مصر نقفز بدون تدرج لذا تأتى تصرفاتنا غير منسجمه مع الواقع لأنها لم تمر بالقنوات الشرعيه التى تسبق هذا التصرف وتعيشه فيأتى متناغما مع ما قبله ويبدو مقبولا
من هنا ظهر أمثال وألاف اللأمثال لعم عبده
وأم عبده
وأخت عبده وجاره عبده
هييييه قلبت علينا المواجع
تحياتى

[سعدالشرقاوى]

اختى العزيزه/ناهد
شكرا على مااضفتيه
لتكملى ماكتب فى مقدمة القصيده
وربنا يهدى امثال عمو عبده
وكل صحبته
حتى نعودالى القيم الريفية الاصيله
اخوكى/سعدالشرقاوى

[سعدالشرقاوى]

حاجه تجنّن
كلمات/سعدالشرقاوى
الواد العربى ابن ام تحيّه كلّ يومين عامل مناحـــــيّه
وجايب لامّه كـلام وأذيّه وخللاّ حياتها مرار فى الدار
,,,,,,,,,,
فجأه لقــــينا الواد اتهوّر وكآن الدين فى زمانه اتطوّر
بعد ما كان فاهم متــــنوّر وعارف معنى حقوق الجار
,,,,,,,,,,,
كل الناس زعلانه علـــيه لمّا الدنيا انقلـــــــبت بــــيه
شعر الدّقن بقى مغطّــــيه وشكل عنيه بيـــــــبخّ شرار
,,,,,,,,,,,
دخل على اخته تقول مجنون وبطح راسها بايد الهـــون
عشان كات فاتحه التلفزيون وكل الناس ح يروحو النار
,,,,,,,,,,
شاطر بس يربّى حواجبه وشيخ الجامع قال مش عاجبه
ولا يوم قصّر حد ف واجبه وفجأه لقينا العــــــربى انهار
,,,,,,,,,,
خللاّ خواته الرعب ماليهم وممنوع حد يبصّ علــيهم
ليله نهاره بيضرب فــيهم عامل سجن ف وســط الدار
,,,,,,,,,
كلّه يقول العربى ايه صابه ولسّه ياعينى ف عزّ ّشبابه
قصّ هــدومه لحـــدّ ركابه وشايف كــلّ الناس كـــفّار
,,,,,,,,,
زهّق ابوه وبيحــرق دمّه وخاصم خاله وعارك عـمّه
بكلّ بجاحه بيشـــــتم امّه ويهـــبد رجــله ولا الحـــفّار
,,,,,,,,,
لمّا تشوف الشال على راسه تقول حقـّتنا نشـيلوا مداسه
كاره اهــله وبايـــــع ناسه وعادل نفـــــسه بــرّه الدار
,,,,,,,,,,
فى كلّ امور الدين يتكـلّم عمّال يفتى عامل لى معـلّم
وهوّ اساسا مش متعـــلّم كان فى الورشه صبى نجّار
,,,,,,,,,
شوفوا العربى ناويلنا على ايه لمّا الشــبهه بانت حواليه
لمّ الشـلّه الصايعه عليه وعملوا جماعه وصبحوا كتار
,,,,,,,,,,
سرقوا ونهبوا وخطفوا وضربوا ومن اصناف المنكر شربوا
واخدوا فــــلوس الخلق وهربوا وبقت هيصه ولعب صغار
,,,,,,,,,,,
حريمهم غـمّوا معاهم رزقه وعند زعيمهم اخدت فرقه
طالعه الاولى ف فنّ السرقه ومتخـبّـــيّه بالف خـــــمار
,,,,,,,,,,
مين الصحّ ماعنـتش عارف وانا بعنــيّه الاتنــــين شايف
من كلّ دقون العالم خايف وعقلى خلاص ياخونّا احتار
,,,,,,,,,,
عايز اعرف مين الشـــيخ قبل ما عجّز واللاّ اشــــيخ
يا امّا افارق كــــفر الشيخ والمّ هدومى وســـيب الدار
,,,,,,,,,,

[د أنس البن]

أحسنت يا حاج سعد
تشخيص دقيق لنوع من الناس ظهر وانتشر
وان جيت للحق الذنب مش ذنبه لكن ذنب المجتمع اللى تركه يصل إلى ما وصل إليه بعد أن نحى جانبا كل الوسائل الصحيحه والصحيه لتنشئة الشباب قبل أن يتلقفهم ذلك المجهول

[Tarek Elemary]

عم سعد ... أنا بحبك
و ليس معنى عدم تعليقى على مشاركاتك أنى لا أقرأها بل أستسيغها و أحبها و أرحب بها أيضا و أشد على يمين قلمك البديع
أجمل ما يميزك انك لا تقلد احد .. أنت لون مختلف متفرد و تلقائى و واقعى و صريح ليس هذا فقط بل فى بعض الأحيان عميق الفكرة و مشرطك الذى تُشَرِّح به المجتمع واعٍ و فاحص
لكنى أعتب عليك فى أمور بعيدة عن الشعر سأرسلها لك على الخاص فيما بعد.
و لكن الآن احسنت و أبدعت و أضفت
و تقبل تحياتى

[Islam Eidrisha]

عمي سعد الشرقاوي
كما قال الأستاذ طارق العمري أسلوبك مميز وسلس وبعيد عن التعقيدات
ولكن لا أعرف ما هو سبب الربط بين اللحية (الدقن) وبين تلك التصرفات البوهيمية الطائشة
ولا أعرف ما سبب الربط بين السرقة وبين الخمار
ولا أعرف سبب خوفك من كل دقون العالم
الإعلام الفاسد هو الذي ربط بين السرقة والقتل والنهب وبين الخمار واللحية وهذا النموذج الذي تتحدث عنه لم أراه إلا في الأفلام والمسلسلات لينفروا الناس من من كل مظاهر التدين
لست ملتحيا ولا فقيها فهذا شرف لا أدعيه
ولكنها كلمة حق لا بد وأن تقال من وجهة نظر محايدة

[د أنس البن]

عزيزى إسلام
معك الحق تماما فى تحفظك على تعميم الخطاب وهذا الربط
لكن للإنصاف وكما لا يخفى عليك أن الخطاب أحيانا كثيره يكون موجها للعموم ويراد به فئة منهم أو يكون موجها لفرد أو جماعه ويكون المقصود به كل من هم على شاكلته . ولأن ما يحدث فى أيامنا هذه من تغييرات كبيره فى الشكل الإجتماعى وفى الشأن العام والخاص من عادات وتقاليد ومفاهيم وأذواق صار شيئا مثيرا للإستغراب والعجب فى أقل الأحوال واختلط كما يقال الحابل بالنابل وأصبحت كل الوسائل مشروعة كانت أم غير ذلك مطروحة بلا أى تحفظات فى سبيل الوصول الى الغايات مهما كانت كذلك . حتى طغى السئ الخبيث وصار كأنه القاعدة والأصل وانحسر الطيب الحسن حتى صار كأنه الإستثناء العجيب والأمثلة على ذلك أكثر من أن تحصى عددا
أخيرا مع الفارق الكبير طبعا لنا فى الخطاب القرآنى أسوه نتعلم منها أدبيات توجيه الخطاب وذوقياته .

[Islam Eidrisha]

أستاذي وصديقي الحبيب دكتور أنس البن
لعل كلماتك قد أزالت عني بعض ما اعتراني من ضيق
وتوجيه الخطاب على طريقة "ما بال أقوام" لا ضير فيه بل هو مستحسن أسوة بالحبيب المصطفى
ولكن هذه موجة شعواء أنت أدرى مني بنبتتها ومنبتها وراعيها وأدرى مني بالهدف الخبيث من وراءها
أينبغي لنا ركوب تلك الموجة والسير فيها إمعانا في التشويه والتجريح؟!
وإلا فلماذا لا ينتقد الإعلام مكر الليل والنهار وما يقدم من إسفاف وإباحية على مرأى ومسمع الكل حتى انقلب الوضع كما ذكرتم وأصبح الصالح طالح والطالح صالح حتي وصل بنا الحال للأم تقول لإبنها :
"أسكت أحسن أجيب لك الشيخ ياكلك"
ولا حول ولا قوة إلا بالله
عمي الأستاذ الشاعر سعد الشرقاوي صدقني لم يكن مقصدي أبدا توجيه أي لوم أو اتهام لشخصك الكريم وإنما هو رأي فيما هو مكتوب
والله من وراء المقصد

[سعدالشرقاوى]

استاذى الفاضل/اسلام
شكرا جزيلا على رد سيادتكم
ولو ان الظاهره سهلة الحصرلكان الربط بين الدقن واللحيه بعيدالمنال
وقد وفرالكثير من الكلام فى هذا النابغه استاذن الدكتور انس
وتقديرى له ولاخى الاستاذ/طارق واصحاب كل الردود الهادفه
لمناقشة مشاكل مجتمعنا
== انا من الفئة التى تدافع عنها انت = حيث اعمل فى مجال الدعوة
وضمن خطباء المساجد
المرار يكون غير عادى عندما يستفتينى احد الناس ويجد الفتوى مختلفة
عندالنجار الملتحى فلابد ان احتار واسال من منكم الشيخ ومن الحرامى؟
صحيح الفرق يبدو لك شاسعا ولكن ليس عندى بينهما تدرج لخطورة الفتوى
ثم اننى غيور على القيم والمبادئ وربما تقتصر كتاباتى على النقد
اسمح لى اسليك باحوالنا بعدالتعديل

سا فر سـنـين الولد رجع البـلد مزهـول ساكـت ماعـنده كلام ولاحدغـيره يقــــول
أيـه ياتـرى اللـى جـرى غـير هـويتـهـا شقـــلب حيا تها وخـلاهـا ولا اســــتنبــول
=======
العـزبه كانت سـليمـه قبـل مايسـيبهـــه والكلـمه حكمـه وقايلــها كان بيحــسبـــهه
ولا حـد يقـدريعـدى ع الكـبـير راكــب ولا اللـى يعــمـل مروءه لنفـسه ينسـبـــهه
=======
دوا الاصالةخلص مفضلش ولاجرعه والساقيه صبحت صالون وماعد ش فيه ترعه
والنخـله وقعـت وضاعـت كل اخبارنا والمعزه جاعت فىدارنا ماعــدلهاش مـرعه
=======
عارفين صميده اللىكان يصحىيلاقيه مبلول عمل مقـاول وادى عياله شا لت محـمول
والحشـمه قلعـت تيـابها وهما شايفـينها وشجرة الفكس زارعينها فى لحف الفول
=======
ياخساره ع المصطبه ياخساره ع الشله والنـورج اللـى يـدور يدرس لنـا الغـــــله
والتكـــتك اللــى جرا هدلـــهم السيجـــه والتلــج موت خــديجه ماعنــدهاش قلـــه
=======
رحـلوا كبـار البلد والغــرب مالكــــينها واقـل عــيل كمـان يقـــدر يعكــنينــــهــا
تشــكى لمين غربتك مافيش كبير يا ولد ادام صغــار الــبلد هما اللــى ماسكــــينها
=======
اهو تاه صواب الولد ماعرفش ايه صابها شـقـلب كـيا ن البـلد من بعـــد ما سـا بهـا
على حـظه يـندب وح يفـيده بـأ يـه النــدم لـو كـان كــبير الغــنم بينـــام مـع ديابــها
========
مع تحيات \سعدالشرقاوى

[علاء طه ياسين]

يا عم سعد يا شرقاوي
لا تلم هدومك .. ولا تسيب الدار .. ما احنا لو نحدف الغربان بالطوب من البداية كانت طارت بعيد عن الغيط ... لكن احنا اللي مش بنراعي غيطنا وزرعتنا الا بعد اما يبدأ الغربان تاكل المحصول ...
تسلم لنا وميحرمناش منك .. ومن كتاباتك ..
ياسين

[NAHID 76]

بسم الله الرحمن الرحيم
عمنا جميعا سعد الشرقاوى
والله حضرتك كل كتاباتك زى ما بنقول بتيجى على الوجيعه
وفعلا كما قلت ان كان كبيرها مع الديابه قاعد
والديب الكبير جاى قريبا أم الدنيا شفت
قول عشت وشفت
تحياتى

[سعدالشرقاوى]

اخى الاستاذ/طارق
كلمات بسيطه من فيض بحركم
ارجو ان تتحملوها

قريت فى شـــعرك نــــغم ,,,,,على قافيتك غنّيت
(على فين ياشيخ الطريقه),,,,,و(مدد يااهل البيت)
,,,,,,,,,
انا( مش بحبّك) وبس ,,,,,انت حبيب الروح
من( قبل ستين سنه) ,,,,,قبل الحمام ماينوح
,,,,,,,,,
عــربى معاك عزّه,,,,,ضافت علــيك احمال
بكّيــتنى على (غزّه),,,,,بعد الصّوان ماانشال
,,,,,,,,,
قلمك لجام فارس,,,,,مرهــون على همسه
حببتنى ف( مارس),,,,,والسّر يوم خمــسه
,,,,,,,,,
(لاسكندريه) رساله,,,,,جابت معاها الخــبر
(واليــــتم )له حاله ,,,,,وسوق العروبه جبر
,,,,,,,,,
(جـــــفارا )ودمنهور,,,,,وكـلام لمحــبوبى
على حبّنا الماسور,,,,,فين( جرح مكتوبى)
,,,,,,,,,
سارح وافــكارك ,,,,,تلمس سنـــين عمرى
وآصحى من( الغربه),,,,,على نغمة العمرى
,,,,,,,,
ياعم طارق لو سامعنى,,,,,نجمكم فى الشعر لامع
هوّ ايه الشـــــعر يعنى,,,,,غير كلام م القلب طالع
,,,,,,,,,
الصحبه دايما تحــلالكم,,,,,وهدفكو ايه غير حب الناس
وان جينا نحسب اعمالكم,,,,,نحتاجو يومها متين كراس
,,,,,,,,,
عاوز اقـــول لك يامه ويامه,,,,,وعشان وقتك غالى ياعمى
كلام فى كتابتك يسوا علامه,,,,,وخايف اكون تقّلت ف دمّى
,,,,,,,,,,

[NAHID 76]

بسم الله الرحمن الرحيم
الشاعر سعد الشرقاوى
قول كمان وكمان
هديه رائعه من انسان ذواق
الى شاعر ثائر متمرد بس يستاهل
مبروك طارق
تحياتى

[Tarek Elemary]

يا عم سعد منك لله ....
جرحت شهادتى ليك و صعَّبت علىَّ الرد و خلِّيتنى فى نص هدومى كما يقال
لكن مش مشكلة إحنا فى صيف و طالما الشورت شرعى و يوارى العورة يبقى خلاص أرضينا الرب و هو منتهى الأرب
لا أجد من الكلمات ما أستطيع به التعبير عن عرفانى و عظيم إمتنانى
و ربنا يديم المعروف
شكراً يا عم سعد

[Tarek Elemary]

الى شاعر ثائر متمرد بس يستاهل
مبروك طارق
تحياتى


المقامة الناهدية
و لما كانت ليلة البارحة و العيون سارحة و البال شارد و الإنصراف للبيت ليس بوارد و أنا فى محل العمل أجاهد
قررت الدخول للسماعى لنسيان أوجاعى و لأفرد فى بحر الخيال شراعى حيث تكثر لدى الدواعى و قد كان ما كان و ضغطت على العنوان و دخلت بلا إستئذان.
فإذا بالعزيزة ناهد تدل عليها الشواهد على العام و الخاص أرسلت بعض الرسائل تمازح و تسائل و الحق أنها تستاهل فقمت بالرد السريع مقتطفا من الحسن البديع و من الكلم الوديع محاولا رد الكرم بعد يوم منصرم
و أرسلت لها رقم الهاتف لنتحدث و نتكاشف ففوجئت بظلها الوارف و حديثها ذو الزخارف و صوتها الحميم الجارف فكان لقاءا على الهواء خاليا من كل هراء مؤكدا على حب المنتدى و الولاء و مترفعا على الجهلاء و حديثا باسما على من راح و من جاء بلا نرجسية أو خيلاء
فحلت علىَّ السعادة و زادت الإرادة و قويت العزيمة و زاحت الشعور بالهزيمة و أنارت الدرب بنور الرب و أخوى الحب فأردت أن أشارككم قصتى و لا أخفى فرحتى و عظيم سعادتى، و تبقى الأمانى بلقاء يضم باقى الأصدقاء كمال النور قاطن دمنهور و رائد الشاطر بن القناطر و الدكتور أنس أُنس من إئتنس و الحبيب إسلام المشرف الهمام و باقى الشلة فى أبهى حُلة
وإلى الله نتضرع أن نجد المتبرع ليتبنى المشروع و يلم الجموع فتضاء الشموع
و أطيب المنى و أرق تحياتى

[سعدالشرقاوى]

شم النسيم
شم النسيم لمّا جه شوفت العـجب فى الناس
الشمس نورها وصل شربوا البصل بالكاس
حتى الفسيخ اتنـــفخ خــــللا النفوس عامت
والعركه قامت مابين مصران وبنــكرياس
00000
البيـــــضه وصلت دولار لو يعنى فسـدانه
ولمون عصــــيره مرار والنفس حمضانه
والحـــــــرب دايره مابين الرنجه والامعاء
والمعده اصلا فى عــــيد الفطر تعــــبانه
00000
ولكلّ واحد مكان مخــصوص ح ياكل فيه
وحماته ساءله المدام ايه اللّى نفــــسك فيه
هاتى الصحاب والكـــلاب والقــطّه ويانه
واتغدى ويّا العيال واللى يفـــــيض ارميه
00000
عايزين مواصله عــشان تنقلنا او حنطور
وتجيبنا اخر النهار تعرضــــنا ع الدّكتور
احسن عليهم زحام والحجز ع الاســـبوع
وعيالنا ممكن تجوع على بال ماييجى الدور
00000
حتى حمـــــيده اللى كات حالته على قده
وعياله دســــته ودين سبحان من ســــده
سمع مراته صــــــدر منها يمـــين بطّال
بسرعه لم العـــيال وسنار الغـــرام شدّه
00000
هات كل حاجه شـكك يعنى لاخر الشّهر
عايزين نشمّوا النّسيم كفيانه كسرة ضهر
ساعة ماتفرج قــوام ح نلفوا ونســــدّدوا
وان عيشنا نستوردوا حتى النكد والقهر
00000
احســن مكان ح يتاويك وانت ولـد لامع
تعــجبنى مدّة اديك على عـتـبة الجـــامع
قضيت حياتك مع مراتك وشورها عليك
والفقر ينده عـليك وعامل لى مش سامع
00000
يابو العيال شمّهم وبلاش نســــــيم ينشم
نظرك لفــــوق يلوحك ولا حد بيك يهتم
خللّى المدام تسـندك فى خلاصة الموّال
وعيش وربى العـــيال وخللّى عندك دم
مع تحيات/سعدالشرقاوى

[Tarek Elemary]

شم النسيم

يابو العيال شمّهم وبلاش نســــــيم ينشم
نظرك لفــــوق يلوحك ولا حد بيك يهتم
خللّى المدام تسـندك فى خلاصة الموّال
وعيش وربى العـــيال وخللّى عندك دم

مع تحيات/سعدالشرقاوى


تحياتى يا عم سعد
الموضوع شيق و المعالجة بأسلوبك المعتاد الخاص بك و المسجل باسمك ممتعة
الفينالة (الخاتمة) تعجبنى كثيرا لكن لو العيال مش نضاف بقى يعمل أيه؟
فكرة .... علسان تبقى النضافة إجبارية;)
تحياتى و شكرا

[سعدالشرقاوى]

استاذنا/طارق
اعتقد انّ رائحتهم اكيد
ح تكون افضل من كلّ الاصناف
الموجوده فى القصيده
من بصل- وليمون حامض -وفسيخ -وحماته

[علاء طه ياسين]

عمي وحبيبي سعد الشرقاوي
البيـــــضه وصلت دولار لو يعنى فسـدانه
ولمون عصــــيره مرار والنفس حمضانه
والحـــــــرب دايره مابين الرنجه والامعاء
والمعده اصلا فى عــــيد الفطر تعــــبانه
ما اظنش حد من الشعر سبقك للمعني ده .. بس قول لي انت مش بتحب الرنجة ولا ايه ;)
بترسم حياة الناس ببساطة شديدة ... فنان بصراحة ..
تحياتي ليك
علاء

[عفاف سليمان]

اخى الكريم الاستاذ سعد
بعد صباح الخير على حضرتك واهل سماعى الكرام الطيبين الاخيار
حبيت اجى اعلق على كلماتك التى لا مثيل لها من كلمات
والله انا نفسى وقعت فى شرك الذقون والكلام بالله والرسول
وأُعجبت بشخصيه تتكلم عن الرسول والدين
وكنت بتمنى ان اتعرف على اسرة هذه الشخصيه
وعندما تعرفت على الاسره يا هول ما سمعت\
من الزوجه وبناته
يأخذ مال زوجته ويحوش ماله
ويأخذ من بناته مكافأة الجامعه لانهن متفوقات فى دراستهم
حتى ارض زوجته كان يريد ان تكتبها باسمه بالضرب والاهانه
ورغم ذلك دارس معى المواريث ويعلم انه لو مات سوف يدخلون اهله فى ميراث زوجته وبناته
طيب او ازاى انت بتتكلم عن الحق والرسول والله
وانت لا تطبقه فى بيتك مع بناتك
والله يا استاذ سعد
كرهت هذا الشخص لدرجه اننى اكاد اتقيىء حين رؤيته من ريائه وكذبه
ابعدنا الله عن هذه الشخصيات اللهم امين
والله انا لا اكره احد فانا احب الناس فى الله جميعا
ولكن على قدر اندهاشى واعجابى بهذه الشخصيه
على قدر اشمئزازى منها بعد علمى بامور كثيره وهذه اقليه مما فعل
واللهم جنبنا الرياء
ولك خالص تحياتى والجميع
اختكم عفاف:emrose::emrose:

[سعدالشرقاوى]

الاخت الكريمه/عفاف
ان النموذج الذى تحدثتى عنه هو احد الفئة التى تناولتها فى القصيده
واقول لهم بالكم الواسع,,والفم الملــيان
ماتسمعوش للكلام طول مالقاموس موجود
(قران )كلام ربنافـــيه كل شئ محدود
لو كات دقونكم وسيله بتحـــتموافيها
تتحاسبوا بيها امام ربى فى يوم موعود
واننى اخشى مااخشاه عليهم ان يكون مسّهم حديث المصطفىصلى الله عليه وسلم
عن ابى سعيد الخدرى رضى الله عنه قال بينارسول الله صلى الله عليه وسلم يقسم قسما- قال ابن عباس:كانت غنائم هوازن يوم حنين- اذ جاءه رجل من تميم مقلص الثياب ذو شيماء بين عينيه اثر السجود فقال: اعدل يارسول الله فقال((ويلك ومن يعدل اذا لم اعدل ؟ قد خبت وخسرت ان لم اكن اعدل)

ثم قال(يوشك ان يأتي قوم مثل هذا يحسنون القيل ويسيؤن الفعل هم شرار الخلق والخليقة) ثم وصف(ص) صلتهم بالقران فقال(يدعون االى كتاب الله وليسوا منه في شيئ يقرؤن القرأن ايجاوز تراقيهم يحسبونه لهم وهو عليهم) ثم كشف النقاب(ص)عن عبادتهم المغشوشة فقال(ليس قراءتكم الى قراءتهم بشئ ولاصلاتكم الى صلاتهم بشئ ولاصيامكم الى صيامهم بشئ) ثم ازاح لنبي(ص) عن اهدافهم فقال( يمرقون من الاسلام كما يمرق السهم من الرمية ثم اعطانا النبي(ص) وصفا جسما لسيماهم فقال( محلقين رؤوسهم وشواربهم ازرهم الى انصاف سوقهم) ثم ذكر النبي(ص) علامتهم المميزة فقال(يقتلون اهل الاسلام ويدعون اهل الاوثان) ثم طالبنا (ص) اذا لقيناهم ان نقاتلهم فقال(من لقيهم فليقاتلهم فمن قتلهم فله افضل الاجر ومن قتلوه فله الشهادة)

[سعدالشرقاوى]

في الفساكونيه
http://http://www.imagehuge.com/out.php/t3664_Image487.jpg (http://www.imagehuge.com/show.php/3664_Image487.jpg.html)]

إعداد\سعد الشرقاوى


ضيّعـت ياما سنين من عـــمري

فى معنى الاسم ومعنى ألكونيه

وفى القاموس بابحث من صغرى


عن اصل كلمة في الفساكونيه


000000


اتاريها ماليا الكـــون حــــــوالينا


تحت عـــــنينا وخافيه عــــلينا


مهما ح نأ كــــــل وتغـــــــــزّينا


مش راح نشبع م الفساكـــونيه


000000


مرهم يدهـن كـــــلّ اعـــــــتابنه


نضحـــك بيه على كل احـبابنه


والله ياخـــــــوفى بعــــد شبابنه


الشيخـــــوخه تضيع فساكــونيه


000000


لما تقـــــــــابل يــوم مســـــؤل


لــــكــلّ مشاكـلك عــنده حـــلول


تسمع منّه كـــلام معســـــــول


اعـرف انّك في الفساكـــــــونيه


000000


فى اجـــتماعاتك في الامســـيّه


فى وسط الناس الغــــالية عـــليّه


تسمع منى حـــلول فــــــوريّه


يبـــقى كلامي فى الفســـاكــونيه


000000


لو فيه جـمله ما هـش مشروبه


وكلمة هزل ما هش محــــسوبه


لو تأشيرتك جـــت مضــروبه


تبقى سعــــادتك في الفساكـونيه


000000


لما تكـــون متحـــــمّس ناوى


والمســـــؤل قــدّامك حـــــــاوي


لما ح تسمع كــــد ب مساوى


يبـــقى يا ويلك م الفساكــــــونيه


000000


لو تلاقيني مانش بحــــــبوح


ونفسى فـــــيها ومش راح ابوح


لو درج المكــتب كان مفتوح


اصحى وخرّم في الفساكــــونيه


000000


لما ح تسـمع منى ماتكـــــره


ومن غير داعى أقول فوت بكره


لما أتحـــــكّم واعــمل شهره


تبقى حــــــياتنا بقت فساكــــونيه


000000


لو مهموزك مش راح يرضى


وواسطة غيرك عندى بتقضى


لو حكمت انى ح ابلّغ مرضى


لازم أحـــافظ ع الفساكــــونيه


000000


لو مصلحتي ما هش ح تهمّك


فى ايدى ف لحــظه أغير دمّك


وعلى ما تصــــلـح مواليد امّك


لازم تحرم م الفساكـــــــونيه


000000


لوح أتحــــــرّر وأملى هدومى


لحـــــلح نفسك مع بيـــّــومي


يروح ع البيت بالديك الرّومى


واضمن انّك فى الفساكـــونيه


000000


مع تحيات/سعدالشرقاوىhttp://www.sama3y.net/forum/<a href=http://www.imagehuge.com/show.php/3664_Image487.jpg.html target=_blank>http://www.imagehuge.com/out.php/t3664_Image487.jpg

[علاء طه ياسين]

وحشْتنا ياعمنا يا بو الكرم .. وحشِتْنا ايديك اللي بتضرب علي الأوتار الحساسة ..
وحلوة أوي قصيدة الفاسكونيا دي ..

إلا الفاسكونيا دي بتتباع بالكيلو ولا بالواحدة :)
تسلم يا عم سعد .. ويسلم قلمك ..
تحياتي ليك
علاء

[NAHID 76]

بسم الله الرحمن الرحيم
أستاذى الفاضل سعد الشربينى
جميله جدا حكايه أن حضرتك تدور فى قاموس اللغه عن معنى الكلمه
وهى أمام حضرتك فى كل ما قلته
ألا قول لي
حضرتك بتحط أيدك على كل ده أزاى
والله على الوجيعه والوجايع
فى أتظار المزيد من هذا النوع من الأعمال
للضحك
حاول أن تبحث عن مجموعه أعمالى فى تجارب أدبيه وأطلع عليها علشان تساوى الجمال كله
تحياتى

[ابو يحيي]

حلوه قصيدة ( الكوسه فينا)


قصدى الفساكـــونيه

تسلم يا عم/ الاستاذ سعد

[M O H A M E D]

الله الله الله .. لقد ضحكت و تألمت .. و أنا أقرأ " الفسكونية "
و أتأمل المواقف التي صورتها بحرفية عالية
تسلم إيدك يا أستاذ سعد
و في انتظار المزيد
:emrose:

[سعدالشرقاوى]

علاء طه
تسافر من غير ما شوفك ياجريد النخل العالى
الظاهــــــــر ان حـــالك فى بلادكو زى حالى
علاء ياطه دايا شــعرك موجـــــود فى بالى
ناهد
ياطيره طايره فى الفضا شارده
على بساط الهوى خللى القلوع فارده
وحطى فاجاه ودارى هواكى فى البرسيم
وتابعى حركة نسيم لما شغل ورده
ابو يحيى
يابو يحيى نوّرتنا عايزين نقرا لك
ادّينا حبة زجل عـــــرفنا افكارك
السلمونى
(ياعم كبر)تنا هزّيت مشاعرنا
انت اللى نورتنا دايما ياشاعرنا

[مختار الحسانين]

لما تكون الضحة بتألم
لما تكون الأم بتحرم
لما يكون الظابط مجرم
يبقى أكيد احنا الفساكــــــونيه

شكرا على هذه القصيدة المعبرة عن احوالنا الفساكــــــونيه يا عمى سعيد ، وعلى فكرة عجبانى الصورة اللى بالجلابية

[سعدالشرقاوى]

انت اللى حلو يابو الحسانين
والاحلى من الصوره ام جلابيه
كلماتك العظيمه
التى تعطينا الامل
ربنا ما يحرمنيش منك

[Tarek Elemary]

عم سعد الجميل الأصيل
ما دخلت للتعليق على القصيدة .... ولكن الصورة
إنت حزب وطنى يا عم سعد ؟!!!!;)
صورة الريس فى خلفية الصورة هل هى مقصودة؟ و غزل للحزب؟
تكونش عاوز تبقى وزير أوقاف؟!:mdr::mdr:
شقى إنت يا عم سعد

[رائد عبد السلام]

عم سعد الجميل الأصيل
ما دخلت للتعليق على القصيدة .... ولكن الصورة
إنت حزب وطنى يا عم سعد ؟!!!!;)
صورة الريس فى خلفية الصورة هل هى مقصودة؟ و غزل للحزب؟
تكونش عاوز تبقى وزير أوقاف؟!:mdr::mdr:
شقى إنت يا عم سعد

يانهااااااااار
ربنا يستر ياطارق يااخويا
أحسن يكون عم سعد عضو في
الحزب الوثني ..تبقي مشكلة
بس ما أظنش ...
أصله راجل أصيل وكلامه دوغري
يبقي أكيد مش منهم
-----------
كتاباتك حلوة ياعم سعد
بس عايزة (تتشدّ) شوية ... علشان
صوتك الشعري يظهر ...
ويعلو عن الزجل باتجاه شعر العامية

الله ينور ياعمدة
وياريت تقوللي إنت منين
من مصرالمحروسة ياعم سعد
نحب نتشرّف:emrose:

[عفاف سليمان]

الاستاذ سعد:emrose:
بعد مساء الخير على حضرتك واهل سماعى الكرام
ربنا يكفينا واياك شر الفساكونيه:crazy:
ويعدل حالنا .....وننسى الفاسكونيه
ونبدء من جديد ونحطم كلمه:)
الفاسكونيه
لك خالص تحياتى وللجميع
اختكم عفاف;)

[سعدالشرقاوى]

ساتذتى الاعزاء/رائدعبدالسلام /طارق العمرى
كنت لااتوقع مروركم العظيم والذى اسعدنى كثيرا
وانا اعرف جيدا قدر اعمالكم الشاقة وارطباطا تكم
امثال البحث للاستاذ/هشام عن مؤدى للاغنيه وخلافه
وكذا انشغال الاستاذ/طارق فى ملف اصحاب المحن الكبير
ولاشك ان هناك فارقا بين المحترفين والهواه وربنا يقويكم
فانتم تكتبون فى كل المجالات وهذا فضل من الله عليكم
===== اما العبد لله شاعر غلبان تقتصر كتاباته ربما
على لون واحد وهو سرد قضايا المجتمع بالسخريه
لابراز السلبيات فى قالب بسيط املا فى سهولة وصول
الرساله ماستطعت
نشآت فى قريه صغيره فى اقصى شمال المحروسه
وبالقرب من بحيرة البرلس بكفرالشيخ
لاانتمى الى اى من قصور الثقافه
موظف براتب محدود (الباب على قدّ العتب)والحمدلله
تنشر قصائدى فى جريده غير قوميه كما يطلقون
وللمزيد عن معرفة نوعية العمل قصائد-مش بايدى -
بلدنا بعد التعديل- الجاز غله-اليتيم-وتقريبا كلها منهج واحد
الشعر الهادف والبنّاء لايعرف انتماآت حزبية
وتبنى رسالته على عشق تراب البلد وحمل هموم الكادحين
وارتداء جلبابهم والعمل على نصرتهم
آسف لطول الرد وشاكر للاستاذ/رائد
على صورة التوته المثمرة