المساعد الشخصي الرقمي

مشاهدة النسخة كاملة : بقايا أحاسيس


أبوعبدالرحمن
23/04/2009, 00h44
سكت الكلام
خيم ظلام
على عشرة كانت تبدر الأحلام
هيمن ضباب غيم سحاب
على أرض صبحت تذرع الأوهام
تكبر الأوهام
تقتل الأحلام
تخنق الأيام
فى بيوت الحمام
***
فين الكلام

***
خنقنا ضحكة ف حلقنا طالعة
زرعنا دمعة ع الخدود فارعة
حفرنا سكة حزننا يرعى
وانطفى ف درب الأمل شمعة
وامشى يا نيل
وقول مواويل
فى قلب الليل
وصد حرام
*** فين السلام***
ليه واتانى فى الغروب أحزان
فين زمانى هجره للنسيان
مين ندانى وصحبته أشجان
تقتل فى قلب العمر نبع حنان
وآه م الويل
فى نص الليل
ماتشفى عليل
تزيد فى حطام
***
كتير أحلام

***
سحابة سودا من فوق السكن
عدت علينا ومطرت شجن
دمعت عنينا ووقف المكن
دقنا وقاسينا غربة الوطن
ودمعة تسيل
من جرح عليل
فى قلب ذليل
يتمنى سلام