سؤلات شعبية ، قصيدة لسيد أبو زهده [الأرشيف] - منتدى سماعي للطرب العربي الأصيل

مشاهدة النسخة كاملة : سؤلات شعبية ، قصيدة لسيد أبو زهده

abuzahda

25/12/2008, 02h27

رائد عبد السلام

25/12/2008, 05h10

أنا جاي جري....
الحمد لله إن ما حدش وصل قبلي ..
كل مرة ياعمي سيد أقول دي أجمد قصيدة
كتبها عم سيد أبو زهدة !!
بس يطلع ظني في غير محله
وتكتب أجمل وأجمد منها
القصيدة هذه المرة ...تخص المحروسة
ذلك الوجع الدائم لكل مهموم بها ولكل من يأمل أن يقيلها من عثرتها ...
تبدأ القصيدة بنفس الموسيقي الكارثية التي كانوا يستخدمونها في (التجريس) لكل آثم ومذنب
تماما كما أنها نفس الموسيقي المصاحبة
للغناء علي ضرب الدفوف عندما تبدأ
بنات الحور في خنق القمر ...

وديتو المصري فين ؟

أبو نكتة وقافيتين

والقمح و السنابل

والناس ليه جوعانين؟

والقطن بتاعنا فين ؟

نوَّاره ليه حزين

صدقت والله ياعم سيد :
أين ذهبت ضحكة المصري ..بل أين ذهبت بسمته !!
وللحديث بقية
مع خالص الود والاحترام

momodarwish

25/12/2008, 05h35

MUNIR MUNIRG

25/12/2008, 05h59

كلام دهب و مرجان.....
يبدد شبح الظلم و الهوان...
الكلام ده عايز لحن ويبقى غنوه....
بل ملحمه شعبيه
يرددها ملايين الشعب

Islam Eidrisha

25/12/2008, 07h27

أستاذ سيد يا كبير
كلماتك مؤثرة إلى حد الإيلام
صدقني
مش هقدر أقراها تاني
مع خالص تحياتي

سيادة الرئيس

25/12/2008, 07h47

إلحق يا إمام يا عيسى ...... كلام متلحن لوحده

NAHID 76

25/12/2008, 14h33

بسم الله الرحمن الرحيم
سيدى الكبير ابو زهده
ده مش متلحن لوحده وبس
ده كمان متغنى
وعلى زى ما بيقولو على
وكلام ما بعده كلام
ربنا ما يحرمنا من امتاعاتك ولا مفاجئاتك
تحياتى

abuzahda

25/12/2008, 16h53

أنا جاي جري....

الحمد لله إن ما حدش وصل قبلي ..
كل مرة ياعمي سيد أقول دي أجمد قصيدة
كتبها عم سيد أبو زهدة !!
بس يطلع ظني في غير محله
وتكتب أجمل وأجمد منها
القصيدة هذه المرة ...تخص المحروسة
ذلك الوجع الدائم لكل مهموم بها ولكل من يأمل أن يقيلها من عثرتها ...
تبدأ القصيدة بنفس الموسيقي الكارثية التي كانوا يستخدمونها في (التجريس) لكل آثم ومذنب
تماما كما أنها نفس الموسيقي المصاحبة
للغناء علي ضرب الدفوف عندما تبدأ
بنات الحور في خنق القمر ...

وديتو المصري فين ؟

أبو نكتة وقافيتين

والقمح و السنابل

والناس ليه جوعانين؟

والقطن بتاعنا فين ؟

نوَّاره ليه حزين

صدقت والله ياعم سيد :
أين ذهبت ضحكة المصري ..بل أين ذهبت بسمته !!
وللحديث بقية

مع خالص الود والاحترام

هو فيه أحلى من ده استفتاح ياعمي رائد ؟
إنت بتعدي تختم بختم "الكوالتي" بلاقي كل الحبايب جايين يشرفوني

abuzahda

25/12/2008, 16h57

قصيدة جديدة للأستاذ سيد أبو زهدة !أحمدك يا رب...كنت منتظر جديد والله ..مش قلت لحضرتك الإدمان وحش قبل كده...كلها ساعات وتلاقى على التلفزيون واحد من الناس إياهم وشه أبيض وقلبه أسود وبيقول كلام مريييييييييح و يرد على كل الأسئلة دى بإجابات (ملساء )..:rolleyes:..ربنا يصلح الحال..آمين

أخي الحبيب
الدكتور محمد درويش
أنا نفسي ربنا يرزقني كل يوم قصيدة -تعجبك- علشان استمتع بعفويتك البِكر الطازجة دي
:emrose:
خليهم يا دكتور يردوا على تساؤلتنا بطريقتهم ، علشان الناس تعرف إن سمعهم تقيل

abuzahda

25/12/2008, 17h01

كلام دهب و مرجان.....
يبدد شبح الظلم و الهوان...
الكلام ده عايز لحن ويبقى غنوه....
بل ملحمه شعبيه
يرددها ملايين الشعب
جاري الحبيب
عمي منير
يا عم ده انت علشان جواهرجي ، شايف
دهب و مرجان.....
كلك نظر ياعمي منير
و كل سنة و حضرتك بخير و صحة وسعادة

abuzahda

25/12/2008, 17h04

أستاذ سيد يا كبير

كلماتك مؤثرة إلى حد الإيلام
صدقني
مش هقدر أقراها تاني

مع خالص تحياتي

ماشي ياعم إسلام
كلماتك مؤثرة إلى حد الإيلام
فماذا عن "التليفون" ؟
ما بتردش ليه؟
إفضى لنا شوية يا عم "العريس"

abuzahda

25/12/2008, 17h08

إلحق يا إمام يا عيسى ...... كلام متلحن لوحده

يمكن علشان "السبب" فيها مزيكاتي معجون بالشِعر؟
:emrose::emrose:
فاكر فخامتك لما كنت في مصر وسألتك عن الناس هناك؟
قولتلي : يا سيد الناس بطلت تضحك
و الله يا صلاح كتبتها ليلتها
(وبعدين تقولي ، أنا ، : منك لله ؟)

abuzahda

25/12/2008, 17h11

بسم الله الرحمن الرحيم
سيدى الكبير ابو زهده
ده مش متلحن لوحده وبس
ده كمان متغنى
وعلى زى ما بيقولو على
وكلام ما بعده كلام
ربنا ما يحرمنا من امتاعاتك ولا مفاجئاتك
تحياتى

يا ست ناهد هانم
حضرتك اللي ودانك ماسية
ربنا يخليكي لينا و يسعدنا بدوام ذوقك و كرم أخلاقك

صبره ابو حسن

25/12/2008, 19h46

الله على احلى شاعر عاميه
ربنا يخليك وانت لامم كل الحبايب حواليك
كلام فى الصميم
واحشنى يا عم الشعرا كلهم

abuzahda

25/12/2008, 20h19

الله على احلى شاعر عاميه

ربنا يخليك وانت لامم كل الحبايب حواليك
كلام فى الصميم
واحشنى يا عم الشعرا كلهم

إنت فين يا عم صبرة ؟
أنا بعتت اللينك ده (http://www.sama3y.net/forum/showthread.php?p=255413#post255413) لعمي درويش الأسيوطي
و زار الصفحة وحملني رسالة قاللي فيها بالنص:
سلامي إلى كل "مجاذيب" الذكريات الغالية
(وكلام تاني هنا (http://www.facebook.com/profile.php?id=1625083350&ref=name) على صفحتي في الفيس بوك)
وانا نورت الدنيا بصورته هنا (http://www.sama3y.net/forum/showthread.php?t=57504&page=2) علشانك انت و سي عمرو باشا

أي خدمة يا عم صبرة

Islam Eidrisha

25/12/2008, 20h46

ماشي ياعم إسلام

فماذا عن "التليفون" ؟
ما بتردش ليه؟
إفضى لنا شوية يا عم "العريس"

والله العظيم كان إحساسي بيقول لي انك انت اللي بتتصل
كنت بتتصل على ال Waiting وانا بكلم مراتي على التليفون
وبعيدين لقيت anonymous أي غير معروف لعنهم الله ومن أعرف منك يا بدر يا عالي
وحاولت أتصل بس طبعا ما أمكنش لعدم وجود رقم مكتوب.
طيب والله لو اتأكدت أنك انت اللي بتتصل كنت كنسلت وكلمتك
عموما ملحوقة ولو مشغول هفضالك هو انا يعني هفضى لأعز منك
أعزك الله في الدنيا والآخرة وجعلك من المقربين في عليين

abuzahda

25/12/2008, 20h51

والله العظيم كان إحساسي بيقول لي انك انت اللي بتتصل

كنت بتتصل على ال Waiting وانا بكلم مراتي على التليفون
وبعيدين لقيت anonymous أي غير معروف لعنهم الله ومن أعرف منك يا بدر يا عالي
وحاولت أتصل بس طبعا ما أمكنش لعدم وجود رقم مكتوب.
طيب والله لو اتأكدت أنك انت اللي بتتصل كنت كنسلت وكلمتك
عموما ملحوقة ولو مشغول هفضالك هو انا يعني هفضى لأعز منك

أعزك الله في الدنيا والآخرة وجعلك من المقربين في عليين

إيه يا عم إسلام ده ؟
هي مش العروسة من آل سماعي؟
طيب لو قرأت الكلام ده ان شاء الله :eek:
هنفعك بإيه و انا في آآآآخر الدنيا ؟;)
:emrose::emrose:
ربنا يسعد "مكالماتك" يا غالي
ملحوقة

unicorn

26/12/2008, 08h19

وديتو المصري فين ؟

أبو نكتة وقافيتين

والقمح و السنابل

والناس ليه جوعانين؟

والقطن بتاعنا فين ؟

نوَّاره ليه حزين

وفين خيط المغازل

والناس ليه عريانين ؟

وديتوا العدل فين ؟

والناس متكممين

ولو سألكوا سائل

تزيدوا المسجونين

ومصر ؟ المؤمنين

اللي يسكتها مين

لا بتشغلها المشاغل

ولا تطويها السنين

حكامنا ياراشدين

على قلبنا قاعدين

والحكم أمر نازل

خليكوا متبتين

و حالفين اليمين

لتزيدوا البلة طين

لو زودتوا المهازل

هتودوا الشعب فين ؟

متلحنة طبعا
وعلى ميزان
عطشان يا صبايا
دللونى على السبيل
أرى انه صعب جدا على الشاعر ان يرتبط بشطر بيت شعرى مكون من كلمتين
لازم يقول من خلالهم كل اللى عايز يقوله , او يشوفله بحر تانى من بحور الشعر يتكلم منه
الله يرحمك يا عم بيرم يا بلدياتى , كان لعيب مجرم فى ذلك, و ترك لنا اساتذة على نفس الطريق و الطريقة .
انا لاحظت ما لفت نظرك يا استاذ سيد و ما استهليت به رائعتك هذه ,
و هو اقتطاب جبين الناس دائما من سكان القاهرة الكبرى بالذات
تعالى اقف فى اى شارع من شوارع قاهرة المعز فى أى وقت من النهار
و حاول ( بفراستك ) تطلع واحد تقدر تقول عليه هذا انسان سعيد
صعب جدا
و الأسباب توالى ذكرها تباعا فى قصيدتك الجميلة , أهمها العدالة الغائبة التى ينصلح من بعدها كل شئ
و يمكن يزيد سكان القاهرة فى الغم و الكآبة عن باقى المحافظات , بالزحام الذى دخل فى طور الكارثة ,و طبيعى ان من يحشر فى زحام بهذا الشكل ان تضيع بسمته , و نبقى مفتريين عليه لو طالبناه بالابتسام و القاء النكات زى زمان , صعب طبعا.
لفت نظرى كلامك عن القطن , و ما سمعناش حد جاب سيرته من ايام نورت يا قطن النيل
و بما أن حال القطن الايام دى عدم , و يصعب على الدودة تاكله
فحضرتك ذكرت الخراب اللى حل بسبب هلاك زراعة القطن المصرى بفضل الوزير الهمام يوسف والى اللى كان أشد قسوة على زراعة القطن من الدود
و وصلنا الى اننا نستورد ملابس داخلية قطنية من الصين , فى بلد يجرى بها نهر بطول 1200 كم !!!!
بالذمة لو اليهود حكمونا كانوا هايوصلوا البلد لكدة ؟؟؟
و الله ابدا
ما علينا
أقصد انها مادة جديدة تماما لشاعر واعى بمشكلات حقيقية نعيشها , و يتبناها بمصداقية شديدة فى كتابته.
اما حكامنا فهم قاعدين قاعدين و لسان حالهم بيقول اللى مش عاجبه يمشى و يسيبها ,
بس على مين ؟؟
دة احنا اللى طلعنا الهكسوس من البلد بعد 300 سنة و علمنا الانجليز عربى بعد سبعين سنة
برضه قاعدين و مش هانسيبها.
شكرا يا استاذ سيد و تسلم ايديك

صباح2015

26/12/2008, 08h26

السلام عليكم ورحمة الله وبركاته
أخى العزيز الأستاذ / أبـــــوزهــــــدة
يا كبير الشعراء
قصيدة قوية جداً وصح جداً
ماشاء الله عليك
الوصف وحضرتك هناك
ممتاز ورائـــع
قولى هى المسافة بعيدة من كندا لمصر؟
ربنـــا يســــتر
سلامى للأمورة / وجــــــــد
كل سنة وحضرتك والأسرة الكريمة
طيبين وبصحة وخير وسعادة بمناسبة
العام الهجرى الجديد
مع وافر تحياتى،،،،

ابو سجى

26/12/2008, 12h17

abuzahda

26/12/2008, 16h14

متلحنة طبعا

وعلى ميزان
عطشان يا صبايا
دللونى على السبيل
أرى انه صعب جدا على الشاعر ان يرتبط بشطر بيت شعرى مكون من كلمتين
لازم يقول من خلالهم كل اللى عايز يقوله , او يشوفله بحر تانى من بحور الشعر يتكلم منه
الله يرحمك يا عم بيرم يا بلدياتى , كان لعيب مجرم فى ذلك, و ترك لنا اساتذة على نفس الطريق و الطريقة .
انا لاحظت ما لفت نظرك يا استاذ سيد و ما استهليت به رائعتك هذه ,
و هو اقتطاب جبين الناس دائما من سكان القاهرة الكبرى بالذات
تعالى اقف فى اى شارع من شوارع قاهرة المعز فى أى وقت من النهار
و حاول ( بفراستك ) تطلع واحد تقدر تقول عليه هذا انسان سعيد
صعب جدا
و الأسباب توالى ذكرها تباعا فى قصيدتك الجميلة , أهمها العدالة الغائبة التى ينصلح من بعدها كل شئ
و يمكن يزيد سكان القاهرة فى الغم و الكآبة عن باقى المحافظات , بالزحام الذى دخل فى طور الكارثة ,و طبيعى ان من يحشر فى زحام بهذا الشكل ان تضيع بسمته , و نبقى مفتريين عليه لو طالبناه بالابتسام و القاء النكات زى زمان , صعب طبعا.
لفت نظرى كلامك عن القطن , و ما سمعناش حد جاب سيرته من ايام نورت يا قطن النيل
و بما أن حال القطن الايام دى عدم , و يصعب على الدودة تاكله
فحضرتك ذكرت الخراب اللى حل بسبب هلاك زراعة القطن المصرى بفضل الوزير الهمام يوسف والى اللى كان أشد قسوة على زراعة القطن من الدود
و وصلنا الى اننا نستورد ملابس داخلية قطنية من الصين , فى بلد يجرى بها نهر بطول 1200 كم !!!!
بالذمة لو اليهود حكمونا كانوا هايوصلوا البلد لكدة ؟؟؟
و الله ابدا
ما علينا
أقصد انها مادة جديدة تماما لشاعر واعى بمشكلات حقيقية نعيشها , و يتبناها بمصداقية شديدة فى كتابته.
اما حكامنا فهم قاعدين قاعدين و لسان حالهم بيقول اللى مش عاجبه يمشى و يسيبها ,
بس على مين ؟؟
دة احنا اللى طلعنا الهكسوس من البلد بعد 300 سنة و علمنا الانجليز عربى بعد سبعين سنة
برضه قاعدين و مش هانسيبها.

شكرا يا استاذ سيد و تسلم ايديك

إنت عارف يا محمد و انا بقرأ ردك (وعمَّال اضحك - طبعاً)
و الله فكرتني بعمنا جلال عامر (ملك السخرية بلا استظراف)
وعلى فكره هو جارك و ما بيحبش ينزل "قاهرة المعز" إلا "للشديد القوي" على حد تعبيره
ولو فتشت في أي إميل ببعتهولك هتلاقي عنوانه في المرسل إليهم . ياريت تتواصل معاه يا محمد
وتنضم إلى "مجاذيبه" و الله ماناقصك حاجة علشان تكون كاتب مقال "ساخر"
ربنا يخليك ليا يا ابو مندور و لسماعي و لاسكندرية (علشان ما تزعلش - قصدي اسكندرية ، يعني)

abuzahda

26/12/2008, 16h17

السلام عليكم ورحمة الله وبركاته

أخى العزيز الأستاذ / أبـــــوزهــــــدة
يا كبير الشعراء
قصيدة قوية جداً وصح جداً
ماشاء الله عليك
الوصف وحضرتك هناك
ممتاز ورائـــع
قولى هى المسافة بعيدة من كندا لمصر؟
ربنـــا يســــتر
سلامى للأمورة / وجــــــــد
كل سنة وحضرتك والأسرة الكريمة
طيبين وبصحة وخير وسعادة بمناسبة
العام الهجرى الجديد

مع وافر تحياتى،،،،

ربنا ما يحرمنا أنوارك ياست صباح
وجد و أختاها يقبلن يدك الكريمة
وكل عام و حضرتك مالية دنيانا اخضرار و بهجة

abuzahda

26/12/2008, 16h24

تصدق يا أ. سيد ان القصيده دي أنا حفظتها من كتر ما هي سهله

وعارف ليه كمان
عشان هي فعلا بتاعة الوقت ده
بس بيدور في ذهني سؤال دلوقتي
ان سيد ابوزهده مش عايش في بلدنا ده عايش في كندا
طب ازاي حاسس بكل المشاكل بتاعتنا دي وهو مش فيها ؟؟

والله بلدنا بلد جميله :mdr:

طبعاً بلدنا جميلة يا سامح
مادام فيها شباب زيك عارف يعني إيه "جمال"
:emrose:
بس هو سؤال محيرني يا سامح
لا مؤاخذة يعني (مع بعتينا كده;))
هو انت بتخاف تعدي جهتنا من غير مايكون معاك حد اسكندراني؟
أمال ليه مادخلتش إلا لما وصل ابو مندور و الست صباح ؟
لأ يا "موحة" ما تخافش خالص ، تعالى في أي وقت ونعملوا معاك الإنسانية و هنظبطوك:mdr: