عباس المفهماتي ، قصيدة لسيد أبو زهده

[abuzahda]

عباس المفهماتي


دقيق زي السَّعَاتي


عـُمْرُه ما أخر مقالة


عن جرناله اليوماتي




عاصر كل الممالك


وفـ كل عصر سالك


وبرغم كل ذلك


حظه لسَّاه مواتي




خابر كل الأمور


وعالم بالصدور


ويقوم بكل دور


ويغلب الأعاتي




عباس المالتي سيستم


يعرف يمدح ويشتم


وبيدافع ويهجم


لا حاوي ، لا قراداتي




عباس عروبي؟ ، جايز


وشيوعي ، لو انت عايز


وليبرالي يمايز


مابين ماضي و آتي




لو تفتح الإذاعة


تلقى عباس يفيدك


بيعرض البضاعة


بس انت مد إيدك


ومن حديث الساعة


عباس سيدي وسيدك


منذ العصر الساداتي




وفي الفضائية قاعد


عباس ضد المفاسد


وعارف المقاصد


مش رجعي براجماتي




عـَدِّتْ أجيال علِيه


وهوَّ لسَّهْ " ثابت"


له سِـيدُه بيراضيه


ويحـُطْ عندُه سَاكِتْ


واللي يفتح عِنِيه


أكيد ياكل جيلاتي




وفي الشريعة مالكي


ويكره البهائية


وساعات لما يحكي


يأيد الحنفية


قوم افتح الحنفية


راح ينزل لك يهاتي


عباس المفهماتي


http://img116.imageshack.us/img116/5341/72385264yn0.jpg
نشرت بعدد مايو 2008بمجلة "الفلقة" (مجلة سياسية عربية ساخرة تصدر في كندا- أونتاريو)

[سامي عبد العزيز]

وكم من هذا ال عباس موجود في ايامنا هذه؟

[abuzahda]

وكم من هذا ال عباس موجود في ايامنا هذه؟

ربنا يكفيك شر "العبابيس"
يا أستاذ
سامي عبد العزيز
يا ريحة الحبايب

[unicorn]

استاذ سيد ممكن أسألك سؤال ؟؟
بحر القصيدة دى اسمه ايه ؟؟؟
بجد غير عادى , رائع
عارف عامل زى ايه ؟؟
زى المحشى
تقعد تعمل فيه يومين من صعوبته
بس يتاكل و يتهضم فى خمس دقايق
بيعجبنى أو شطر البيت اللى عبارة عن كلمتين دة
و الغريبة انه بيقول كل حاجة
بيسخر و يشتم و يمدح و يذم
و يشيل و يحط
بكلمتين
كلمة و رد غطاها
لأ و الأهم انى باحس انه متلحن
و كأنه زفة , أو جُرْسَة
للى ربنا مش راضى عنه
و حطه تحت ضروسك
قول فيهم يا استاذنا و لا يهمَّك
فالعبَّاسون و العبابسة زادوا و طفح منهم الكيل
و الله كل شطر بيت يتكتب فيه حدوته من جماله يا استاذ سيد يا مُبْدِع
يا ريت حد من ملحنى المنتدى يكون ملسوع من عباس زى حالتنا
و يتكرم علينا بلحن يكمل الزفة

[abuzahda]

استاذ سيد ممكن أسألك سؤال ؟؟


بحر القصيدة دى اسمه ايه ؟؟؟
بجد غير عادى , رائع
عارف عامل زى ايه ؟؟
زى المحشى
تقعد تعمل فيه يومين من صعوبته
بس يتاكل و يتهضم فى خمس دقايق
بيعجبنى أو شطر البيت اللى عبارة عن كلمتين دة
و الغريبة انه بيقول كل حاجة
بيسخر و يشتم و يمدح و يذم
و يشيل و يحط
بكلمتين
كلمة و رد غطاها
لأ و الأهم انى باحس انه متلحن
و كأنه زفة , أو جُرْسَة
للى ربنا مش راضى عنه
و حطه تحت ضروسك
قول فيهم يا استاذنا و لا يهمَّك
فالعبَّاسون و العبابسة زادوا و طفح منهم الكيل
و الله كل شطر بيت يتكتب فيه حدوته من جماله يا استاذ سيد يا مُبْدِع
يا ريت حد من ملحنى المنتدى يكون ملسوع من عباس زى حالتنا

و يتكرم علينا بلحن يكمل الزفة


صـَحْ لسانك
يا محمد أبو مندور

فهو من النبطي يسمى "الحداء" ، وينطق " الحدا"
وهو بحر قصير الفقرات ، سريع النغمات ، قليل الأبيات

يا بو هلال لِتـَكْ تشوف
حـَطـُّوني ، العـَسكـَرْ ، نظامي
يقودني ، مثل الخروف
العسكري ولد الحرامِ

ويشبهه من بحور الخليل ، " الرجز" :

في أبحرِ الأرجازِ ، بحرٌ يَسْهُلُ :emrose::emrose: مستفعلن ، مستفعلن

وهو أسهلها نظماً.
لكن "الحدا" ينقص ثلاث حركات من تفعيلته الثانية في: "عباس المفهماتي"

و أذن كأذن محمد أبو مندور ، لايغيب عنها خلل اللحن
كما لا يغيب ، عنها ، خلل الوزن المنسي لحنه

ربنا يكتر من أمثالك ياحمو
علشان الدنيا تفضل بخير

[سيادة الرئيس]

إنت تقصد ( عبابيس ) كتير و لا ( عباس ) بعينه ؟؟؟؟

[abuzahda]

إنت تقصد ( عبابيس ) كتير و لا ( عباس ) بعينه ؟؟؟؟



ربنا يكفيك شر العبابيس ، ياسيدنا
:emrose::emrose::emrose::emrose:

شاف دكتور ، قلبها ، بـِيْـتـُكْتـُكْ
قالـَّها: قـَلـْبِك زيْ التـُوك تـُوك
واحد يركب ؟ ، واحد ينزِل ؟
جـَرَّجي حـَبَّة ، مِشْ مِستـَحـْمِل
"الفـَتـَّاك" قلبك ، راح يُفـْتـُك
.................................................. .......
زي ما قال "أبوها" وهو راجع "بيها" من عند الدكتور

[Islam Eidrisha]

سبقتني يا سيادة الرئيس
أقطع دراعي
هو عباس
مفيش غيره

[abuzahda]

سبقتني يا سيادة الرئيس


أقطع دراعي
هو عباس

مفيش غيره


سلامة دراعك يا عم
إســـلام
لو لا سمح الله بعد الشر يعني
(مش قادر اقولها و افسر)
مين هيشاغبني غيرك ؟

خلي دراعك مكانه يا إســـلام
علشان ما تحرمناش من جمالك

[سامي عبد العزيز]

إنت تقصد ( عبابيس ) كتير و لا ( عباس ) بعينه ؟؟؟؟


انا افكر في سؤال سيادة الرئيس نفسه منذ يوم امس، واعتقد ان استنتاج اخينا الحبيب اسلام في محله، لاحظ قول سعادة السفير سيد ابو زهدة:
عباس سيدي وسيدك
منذ العصر الساداتي

[أحمد شوبكى]

الأستاذ الفاضل : ابو زهده

إسمح لى أقولك إنك حيرتنى معاك ،،، آه والله بجد !!!
عمال أجرى وراك من مكان لمكان مش عارف أكتب لك رد فى أى مكان بالظبط ،،، أعبر عن إعجابى ،،، لألألألأ إعجاب إيه أقصد إنبهارى بكل ما تكتب سواء شعر أو قصة أو حتى مجرد رد أو مشاركة ،،، والله العظيم يا عمنا أنا لا باعرف أجامل ولا انافق ،،، بجد انا بقى أول حاجتين أحاول أشوفهم فى المنتدى هو إسمك ومشاركاتك الجديدة وحاجات أخويا التوحفجى ،،، وده لأنى بأحس إنى أكيد هشوف حاجة جديدة وأمتع نفسى وقلبى وعقلى وعينية بحاجتكم إنتم الإتنين،،، ربنا يبارك لنا فيكم وما يحرمناش منكم ومن مواهبكم المتعددة

[abuzahda]

الأستاذ الفاضل : ابو زهده




إسمح لى أقولك إنك حيرتنى معاك ،،، آه والله بجد !!!

عمال أجرى وراك من مكان لمكان مش عارف أكتب لك رد فى أى مكان بالظبط ،،، أعبر عن إعجابى ،،، لألألألأ إعجاب إيه أقصد إنبهارى بكل ما تكتب سواء شعر أو قصة أو حتى مجرد رد أو مشاركة ،،، والله العظيم يا عمنا أنا لا باعرف أجامل ولا انافق ،،، بجد انا بقى أول حاجتين أحاول أشوفهم فى المنتدى هو إسمك ومشاركاتك الجديدة وحاجات أخويا التوحفجى ،،، وده لأنى بأحس إنى أكيد هشوف حاجة جديدة وأمتع نفسى وقلبى وعقلى وعينية بحاجتكم إنتم الإتنين،،، ربنا يبارك لنا فيكم وما يحرمناش منكم ومن مواهبكم المتعددة


يا أستاذ أحمد الشوبكي

خادِمُكـُم : أنت و التوحفجي
عنده سؤال من ساعة ماشاف صورة حضرتك

: هو اللي مع حضرتك في الصورة ده ، عم حسن المغنواتي؟
و لا حد تاني ؟ ، من فضلك قولـِّي

و شكراً على تشريفك يا أستاذ أحمد
متمنياً أن أكون عند حسن ظنكم ، فتدوم حظوتي باهتمامكم

[أحمد شوبكى]

يا أستاذ أحمد الشوبكي


خادِمُكـُم : أنت و التوحفجي
عنده سؤال من ساعة ماشاف صورة حضرتك

: هو اللي مع حضرتك في الصورة ده ، عم حسن المغنواتي؟
و لا حد تاني ؟ ، من فضلك قولـِّي

و شكراً على تشريفك يا أستاذ أحمد

متمنياً أن أكون عند حسن ظنكم ، فتدوم حظوتي باهتمامكم




أستاذنا وشاعرنا الكبير الأستاذ: سيد أبو زهده
يا سيدى ده إحنا اللى خدامينكم وخدامين كل العباقرة والموهوبين اللى زى حضرتك وزى حبيب قلبى وحبيب الملايين عمرو باشا التوحفجى
أما بخصوص الصورة : فهى صورة الأستاذ/ كمال عزمى ( kandis ) وهو طبعاً غنى عن التعريف ، فهو أحد الكبار مؤسسى هذا الصرح العظيم "منتدى سماعى" واللى معاه فى الصورة يبقى السيد الوالد الفنان الشعبى محمد الشوبكى ( يعنى أبويا مش أنا :mdr:) ،، أصل أنا بينى وبينك لسة عيل صغنن بتاع 32 سنة بس ،،، ولما حبيت أحط صورة رمزية لقيت إن صورتى هتبيقى ماسخة وباييخة وملهاش طعم فى وسط العظماء والكبار أمثال حضرتك والدكتور أنس وسماعى وسمعجى والتوحفجى والآلاتى والدكتور حس وغيرهم من الأساتذة الكبار ، وما لقيتش إلا الصورة دى أحطها ( مش حلوة بذمتك ؟;) ) ،، ( والصورة تم إلتقاطها فى المنزل العامر ، عنوان الكرم ، منزل الدكتور أنس وحرمه الليدى ناهد أثناء اللقاء التاريخى لأعضاء منتدى سماعى مع الأستاذ محمد زمنطر ،،، ولأنى خارج مصر فقد تفضل الدكتور أنس وسيدة المنتدى الأولى أم السماعيين مدام ناهد بدعوة الوالد لحضور اللقاء ( يا بخته )
تلاقيك بتقول يا نهار زى بعضه ومش فايت كل الرغى ده عشان سألته مين اللى فى الصورة؟؟؟ بس كدة أحسن عشان تحرم تسأل ،، وتسيبنا إحنا اللى نسألك ونستمتع بإجاباتك ومشاركاتك وردوك وأشعارك وقصصك
وأسيبك بقى قبل ما تقرر تقفل الكمبيوتر بسببى

آه ،،، نسيت أقولك حاجة بسيطة !! الحاج محمد الشوبكى له موضوع خاص به فى قسم ( الأصالة والمعاصرة فى الغناء الشعبى المصرى ) " بس أخوك مش خبرة وخيبة قوى فى حكاية نقل الروابط ،، يعنى لو حبيت تشرفنا بزيارة الموضوع يمكن تتعب شوية ،،، بس والله هتشوف حاجة حلوة وهتشرفنا وتنورنا وتزيدنا فخراً
تقبل تحياتى يا شاعر يا مخضرم
:emrose::emrose:

[abuzahda]

أستاذنا وشاعرنا الكبير الأستاذ: سيد أبو زهده





يا سيدى ده إحنا اللى خدامينكم وخدامين كل العباقرة والموهوبين اللى زى حضرتك وزى حبيب قلبى وحبيب الملايين عمرو باشا التوحفجى


أما بخصوص الصورة : فهى صورة الأستاذ/ كمال عزمى ( kandis ) وهو طبعاً غنى عن التعريف ، فهو أحد الكبار مؤسسى هذا الصرح العظيم "منتدى سماعى" واللى معاه فى الصورة يبقى السيد الوالد الفنان الشعبى محمد الشوبكى ( يعنى أبويا مش أنا :mdr:) ،، أصل أنا بينى وبينك لسة عيل صغنن بتاع 32 سنة بس ،،، ولما حبيت أحط صورة رمزية لقيت إن صورتى هتبيقى ماسخة وباييخة وملهاش طعم فى وسط العظماء والكبار أمثال حضرتك والدكتور أنس وسماعى وسمعجى والتوحفجى والآلاتى والدكتور حس وغيرهم من الأساتذة الكبار ، وما لقيتش إلا الصورة دى أحطها ( مش حلوة بذمتك ؟;) ) ،، ( والصورة تم إلتقاطها فى المنزل العامر ، عنوان الكرم ، منزل الدكتور أنس وحرمه الليدى ناهد أثناء اللقاء التاريخى لأعضاء منتدى سماعى مع الأستاذ محمد زمنطر ،،، ولأنى خارج مصر فقد تفضل الدكتور أنس وسيدة المنتدى الأولى أم السماعيين مدام ناهد بدعوة الوالد لحضور اللقاء ( يا بخته )


تلاقيك بتقول يا نهار زى بعضه ومش فايت كل الرغى ده عشان سألته مين اللى فى الصورة؟؟؟ بس كدة أحسن عشان تحرم تسأل ،، وتسيبنا إحنا اللى نسألك ونستمتع بإجاباتك ومشاركاتك وردوك وأشعارك وقصصك


وأسيبك بقى قبل ما تقرر تقفل الكمبيوتر بسببى



آه ،،، نسيت أقولك حاجة بسيطة !! الحاج محمد الشوبكى له موضوع خاص به فى قسم ( الأصالة والمعاصرة فى الغناء الشعبى المصرى ) " بس أخوك مش خبرة وخيبة قوى فى حكاية نقل الروابط ،، يعنى لو حبيت تشرفنا بزيارة الموضوع يمكن تتعب شوية ،،، بس والله هتشوف حاجة حلوة وهتشرفنا وتنورنا وتزيدنا فخراً


تقبل تحياتى يا شاعر يا مخضرم



:emrose::emrose:




أنعم و أكرم يا عم أحمد الشوبكي
و الله ياسيدي ، أنا اللي يحصلي الشرف
هحاول اوصل انا ياعم من غير "رابط"
ده حتى كلمة "رابط" دي مش حلوة خالص

(معلش انا كبرت الفونط علشان"العواجيز"أمثالي يعرفوا يفرحوا معانا بلطفك و ظرف طبعك يا احمد)

[momodarwish]

يـــــــــــــــــــــــــــــاه فى الجون حقيقى...بس عباس لو عرف إن إحنا بنجيب فى سيرته..هيجى و يجيب معاه الأسرة و يطالب بالمواطنة على الأقل ..ومش بعيد يراقب المنتدى كله..وبعدين يعمل قسم لإنجازاته...وبعدين يطالب بلإشراف..وبعدين...........إلخ....ويبقى منتدى عباس و أولاده..:mdr:

[abuzahda]

يـــــــــــــــــــــــــــــاه فى الجون حقيقى...بس عباس لو عرف إن إحنا بنجيب فى سيرته..هيجى و يجيب معاه الأسرة و يطالب بالمواطنة على الأقل ..ومش بعيد يراقب المنتدى كله..وبعدين يعمل قسم لإنجازاته...وبعدين يطالب بلإشراف..وبعدين...........إلخ....ويبقى منتدى عباس و أولاده..:mdr:

خلاص ،،،،!
ربنا كرمك ، وركبت "الشبح" ؟
و الله انت تستاهل "همر"
يا momodarwish
(علشان تحرم تتكلم على عباس)

[أحمد مكاوي]

يا واد أنت
كلنا عندنا عباس
وتحته عبابيس صغيرين
أولهم يسلك جيوبنا
وثانيه يخرب بيوتنا
وثالثه يصرق قلوبنا
والحب عنه بعيد
ياكل ويتلمظ ويزيد
ويقل وينه السان السليط
يمسح عليه السكون
ويفتح طواقي المنون
ورابع
وخامس
والسبحة تصوت وتزيد
عبببيس بلدنا مناحيس


شكرا جزيلا