متفائل ؟! ، قصيدة لسيد أبو زهده

[abuzahda]

رداً علي القائل :
المتشائم ينظر للنصف الفارغ من الكوب (!)



نُص الكوباية الفاضي


فايض فوق عالنص وجار


و الفقر بسيفه الماضي


تلف الزرع و خرب الدار


متفائل لسة وراضي؟


ربنا هيوديك النار



لو متفائل .. إسأل قلبك:


هذا تفاؤل .. أم غيبوبة؟!


عدو من خلفك ، عدو من جنبك


و انت عنيك بإديك معصوبة


بَطـَّل هلس و لعب قمار



الكوباية ..خلاص ارميها


وجهة نظرك؟...إمسح بيها..


لو لامؤاخذة وقعت منك ....


الكوباية ، أو الشاي فار

[abuzahda]

مثبت
الأشعار المسموعة
هنا (http://www.sama3y.net/forum/showthread.php?t=55318)

[abuzahda]

كراكيب سيد أبو زهده
هنا (http://www.sama3y.net/forum/showthread.php?t=54161)

[رائد عبد السلام]

عمنا سيد أبو زهدة
كله كوم .......ودي بقي كوم
لأنها بتلمس قضية جعلت أبناء يعرب لا يسيرون للأمام
كبقية خلق الله
ولكنهم يمشون القهقري دائما

نُص الكوباية الفاضي
فايض فوق عالنص وجار
و الفقر بسيفه الماضي
تلف الزرع و خرب الدار
متفائل لسة وراضي؟
ربنا هيوديك النار

لو متفائل .. إسأل قلبك:

هذا تفاؤل .. أم غيبوبة؟!

هو أكيد غيبوبة ياعم سيد
بس التعلب لما ما بيطولش العنب بيقول عليه حنظل
وإنت : سيد العارفين (أبو زهدة سابقا)
أحسن الله إليك يا أستاذنا
هامش : بس إزاي فيه حد يصطاد سمك من بلكونة ؟؟
أكيد دي ما كانتش مية النيل ..ده كان ...نشع

[رائد عبد السلام]

معلهش ياعمنا ..وأنا طالع
اتشنكلت في المحفظة دي :

مرة واحد ، زيِّ تعلب ، جُوَّة جُحْرِ اْلكِيد يِبَيِّتْ
كـُلـِّنَا من كِيدُه نِغـْلـَبْ ، والمُؤامْرَة ، حَياتُه ، حَيِّتْ
زَارُه وَفدْ يقوله: عـِيب
رِجْعُوا قالوا: شِئ عجيب ! ،
لما شافنا ، كإنه ميِّت

---------

أنا عايز أعرف إزاي بتقصّ الكلام علي قد المعني كده؟
وتطعّمه بمدلول تراثي أو شعبي أو ومضة شعرية تلمع زي النجمة فتبقي القصيدة عاملة زي ....!! زي إيه ؟ ...مش لاقي حاجة ....
دي مش صنعة ...!!
ده فيض الموهبة

[د أنس البن]

شاعرنا الكبير
لمناسبة هذه التحفه الإبداعيه حبيت أقول لك أن هذه العباره التى أصبحت من كثرة ما استهلكت على ألسنة ضيوف وسائل الإعلام من فرقة ( المبرراتيه ), تصيبنى بحاله من الغيظ الشديد عندما أسمعها , خصوصا عندما يبدأ المبرراتى من دول حديثه مستفتحا بها وهو يرد على سؤال حول مصيبه من المصائب التى صارت يوميه , يقوم كده (منجعص) على الكرسى الوثير ويقول بكل عين فارغه وكأنه جاب التايهه
.... أصل صاحب هذا الكلام ينظر الى نصف الكوب الفارغ ,
عموما انت رديت على الكل كليله منهم , الله يوقف نموهم

[abuzahda]

هامش : بس إزاي فيه حد يصطاد سمك من بلكونة ؟؟


البلكونة ناتئة من الإستراحة(الفلة) كلسان للنهر. خصيصاً للصيد ، وهي مشهورة عندكم

[abuzahda]

أنا عايز أعرف إزاي بتقصّ الكلام علي قد المعني كده؟


قل كلٌ من عند الله
يا أستاذ رائد عبد السلام
ياغالي

[abuzahda]

شاعرنا الكبير
لمناسبة هذه التحفه الإبداعيه حبيت أقول لك أن هذه العباره التى أصبحت من كثرة ما استهلكت على ألسنة ضيوف وسائل الإعلام من فرقة ( المبرراتيه ), تصيبنى بحاله من الغيظ الشديد عندما أسمعها , خصوصا عندما يبدأ المبرراتى من دول حديثه مستفتحا بها وهو يرد على سؤال حول مصيبه من المصائب التى صارت يوميه , يقوم كده (منجعص) على الكرسى الوثير ويقول بكل عين فارغه وكأنه جاب التايهه
.... أصل صاحب هذا الكلام ينظر الى نصف الكوب الفارغ ,
عموما انت رديت على الكل كليله منهم , الله يوقف نموهم

ماهو يا دكتور أنس
علشان انا عجباني "جعصته"
مارضتش أصادر "وجهة نظره"
و سيبتهاله "يمسح" بيها
مكان مابيتجعص

(شوف أنا راجل ليبرالي ، إزاي ؟)

[abuzahda]

الأحباب
أعتذر عن الإختصار في التعليق على ردودكم المثيرة "للرغي و الأشجان"
فأنا في طريقي للعمل
و عند العودة (يساويها ربنا ياعم رائد)
بس عندي رجاء
اللي يسعد منكم بشوفة
منال 99
يسلملي عليها خالص

[abuzahda]

الحبيب الغالي

http://www.sama3y.net/forum/customavatars/avatar141665_3.gif (http://www.sama3y.net/forum/member.php?u=141665)

إســــلام

إسمح لي أن أزيِّن هذه الصفحة برأيك ، الذي أحترمه

و صراحتك ، الـَّتي أحبها

ولربما كان ، هناك ، من يشاركك الرأي

فأحببت أن يكون "الرد" هنا وليس بـ "الخاص"



قصيدة متفائل مش عاجباني ومن غير ليه لأني بصراحة مش عارف ليه مع إن الكل اثنى عليها ومش عارف ليه مش حاسسها ولا مستسيغها مش عارف ليه يمكن العيب عندي أكون مثلا مش فاهمها مع إني فاهمها .. الله أعلم*

بقوللك رأيي من عشمي وياريت تاخده بصدر رحب لأني عمري ما كنت كداب (!!).

آه صحيح قبل ما أقفل فيه كلمة دايقتني في القصيدة "يمسح بيها"

مع تحياتي وترجع لنا بالف سلامة




حاشاك "العيب" يا إسلام

فليس معنى أننا لانتقبل عملاً ، أي عمل ، أن يكون هناك "عيباً" . خاصة وأن ذلك "العمل" قصيدة ، وليس نصاً شريفا



أما اقتطافك "إمسح بيها" بهذا العزل التعسفي عن السياق.

هو ما اصطلح عليه في الجدل بـ:

"لا تقربوا الصلاة"



يا عم إسلام ، إنت خدت بالك من "إمسح بيها" ؟

و ماخدتش بالك إن محور القصيدة "كوباية" محتارة(زيي بالظبط) مابين:
"الملء" و "النضوب" ؟



القارئ في هذه القصيدة ، التعيسة ببعدك عنها ، بيقول لصاحبنا "المتفائل" إنه:

رافض "وجهة نظره" بنفس الدرجة اللي انت رافض بيها القصيدة.


و لأنك أحد أهم "قراء" شاعرها . فكأنك تنظر إليها من نفس شباك "رفض" موقف "المتفائل"

معبراً بذلك عن صوت قارئها.





القارئ يقول:

وجهة نظرك إمسح بيها ، لو لامؤاخذة ، وقعت منك الكوباية أو الشاي فار





و هذا ليس إلا إمعاناً في الإستخفاف بـ " وجهة نظر" ذلك الذي "يزوِّر" مشاعره ليبدو بوقاً للمتفائلين بنـَهْبـِنـَا.



ياعم إسلام هو انت فكرتني "أقصد" إيه ؟;)
(ياضميرك يا أخي:eek:)


إنت زعلان على "المتفائل" بينما ما أنفق على "مطربة ليل" - مشتملاً على مصاريف القتل- ، يكفي لبناء قرية نموذجية.


كانوا زمان بيقولوا على "المتشائمين" خونة و عملاء و بيقبضوا من برَّه.


دلوقت ، كتـَّر خيرهم ، بيقولوا عليهم : مش "شايفين" غير النص الفارغ من الكوب.



هو مافيش غيره الأستاذ رائد عبد السلام

إحنا نشوف طريقة نفصل بيها اتصلات الإسكندرية عن القليوبية





وبالمرة علشان محمد أبو مندور (بتاع التلاكيك)

يبطـَّل تليفونات و يفضلنا شوية

[unicorn]

يا عمى و الله معاك
و مبسوط جدا جدا من القصيدة
( و انت عارف كدة و عايزنى اطُسْ فى بلدياتى اسلام;) , ماشى )
اكتر ما اعجبنى
هو اكتر ما رفضه اسلام
الإهانة السافرة اللى جاية من مستنقع العامية
و المخفية بعناية
و ترك فهمها لذكاء القارئ
هو دة تحديدا اكتر ما احبه فى الزجل و الشعر العامى
فى رأيي الزجل لو لابس بابيون و اسموكن و بيراعى الرسميات أوى, و لياقة الكلمات
يبقى ما يلزمش 90 % من ناس مصر ,
لأنه مش بيتكلم بلسانهم و لا بيقول لغتهم
هايوصل قلوبهم ازاى ؟؟؟ و يتكلم عنهم بأى صفة؟؟؟
هو احمد فؤاد نجم لما قال ركِّب قرنين تركب مازدا
حد قاله عيب تقول كدة ؟؟؟
أبدا
بالعكس فهموا مقصده , و قالوا معاه و شتموا من نعتهم فى قصيدته وفَشُّوا غليلهم فى هذه الفئة بكلمات نجم.
و عجبنى أيضا المضمون المحترم و وجهة النظر السليمة اللى قالتها الابيات
و اللى تكرمت بشرحها سردا يا استاذ سيد
عن حقن البنج اللى بنتعطاها اللى اسمها التفاؤل و كله تمام
و ساعة الكوارث بتتحول بقدرة قادر الى معلش أو خطأ جهة غير حكومية أو قلة مندسة هى السبب انما القاعدة سليمة
عرفت انا مبسوط ليه ؟؟
لأنك شتمت اللى أناعايز اشتمه و شفيت فيه غليلى

[abuzahda]

يا عمى و الله معاك

و مبسوط جدا جدا من القصيدة
( و انت عارف كدة و عايزنى اطُسْ فى بلدياتى اسلام;) , ماشى )
اكتر ما اعجبنى
هو اكتر ما رفضه اسلام
الإهانة السافرة اللى جاية من مستنقع العامية
و المخفية بعناية
و ترك فهمها لذكاء القارئ
هو دة تحديدا اكتر ما احبه فى الزجل و الشعر العامى
فى رأيي الزجل لو لابس بابيون و اسموكن و بيراعى الرسميات أوى, و لياقة الكلمات
يبقى ما يلزمش 90 % من ناس مصر ,
لأنه مش بيتكلم بلسانهم و لا بيقول لغتهم
هايوصل قلوبهم ازاى ؟؟؟ و يتكلم عنهم بأى صفة؟؟؟
هو احمد فؤاد نجم لما قال ركِّب قرنين تركب مازدا
حد قاله عيب تقول كدة ؟؟؟
أبدا
بالعكس فهموا مقصده , و قالوا معاه و شتموا من نعتهم فى قصيدته وفَشُّوا غليلهم فى هذه الفئة بكلمات نجم.
و عجبنى أيضا المضمون المحترم و وجهة النظر السليمة اللى قالتها الابيات
و اللى تكرمت بشرحها سردا يا استاذ سيد
عن حقن البنج اللى بنتعطاها اللى اسمها التفاؤل و كله تمام
و ساعة الكوارث بتتحول بقدرة قادر الى معلش أو خطأ جهة غير حكومية أو قلة مندسة هى السبب انما القاعدة سليمة
عرفت انا مبسوط ليه ؟؟

لأنك شتمت اللى أناعايز اشتمه و شفيت فيه غليلى



ربنا يبسطك كمان و كمان
يا محمد أبو مندور

[Islam Eidrisha]

أستاذي يا صاحب النظرة الثاقبة
رافض "وجهة نظره" بنفس الدرجة اللي انت رافض بيها القصيدة
هذا هو بيت القصيد فعلا لأن هذا هو ما اختلج بصدري وقت القراءة للقصيدة
ومازلت تمارس معي مسلسل إحراجي بذوقك ولطفك وكرمك
فأنا لا أستحق كل هذا الإطراء الذي أنت أهله وأحق به مني
هتخليني بعد كده كل ما تكتب حاجة هقوللك مش عاجباني :mdr:
انت مش شاعر وبس لا ده انت "جدع" أوي وذكي أوي
عارف ليه؟؟
(!!)

[abuzahda]

عارف ليه؟؟

(!!)


يا إســلام
هوَّ انت معمول من "طين" زيِّنا ؟
ولاَّ من : "نـَظـَرْ" ؟

[صباح2015]

السلام عليكم ورحمة الله وبركاته
أخى العزيز كبير الشعراء الأستاذ / أبو زهده
قصيدة ظريفة توحى الى البُعد عن التفاؤل وهى الغيبوبة
طب لو الناس بعدت عن التفاؤل وصحت من الغيبوبة تعمل إيه بعد كدة
وهل دا سبب إنك تترك الجنينة والزرع والكرسى بدون إستئذان وتمشى
مع تمنياتى لحضرتك بالتوفيق فى كل أعمالك
لك كل التحية والشكر ،،،،

[abuzahda]

السلام عليكم ورحمة الله وبركاته






أخى العزيز كبير الشعراء الأستاذ / أبو زهده
قصيدة ظريفة توحي الى البُعد عن التفاؤل وهي الغيبوبة
طب لو الناس بعدت عن التفاؤل وصحت من الغيبوبة تعمل إيه بعد كدة
وهل دا سبب إنك تترك الجنينة والزرع والكرسي بدون إستئذان وتمشي
مع تمنياتي لحضرتك بالتوفيق في كل أعمالك

لك كل التحية والشكر ،،،،


كم أوحشنا هذا الإخضرار !

يا أهلا و سهلاً يا ديمومة البهاء
يا ست صباح

لا حرمكِ الله "التفاؤل" ياسيدتي

"التفاؤل" الحقيقي ، النابت من "بدايات" تـُوصل إلى "نتائج"
بجناحي "العلم" و "العمل"

فهذا النوع من "التفاؤل" الإيجابي ، يليق بكِ ياسيدتي

أما "تفاؤل" صاحبنا هذا ، فهو "خـَدَر" سرعان مايذهب أثره ،
كما تفضل أخي الأستاذ : محمد أبو مندور

أصبح عندنا جيلاً بالكامل يا ست صباح ، فـَهـِمَ من أمثال هذا "المتفائل" :

أن "أحلام اليقظة" = تفكير
و "سوء الظن" = ذكاء

وحبسوا أبناءنا في ذواتهم عبر مخدراتهم ، وما تمنحه من وهم الخيالات

فسَادَ مناخ : "رفضِ الآخر" ، حتى ولو كان "الشقيق"


:emrose::emrose::emrose:
أتمنى أن تمنحي تلك الورود تفاؤلك يا ست صباح

:emrose:


( ماينفعش يبقى التلج نازل هنا ، وانا قاعد في "الباك يارد" ،،، آهـ و الله . الجيران يضحكوا عليَّ
و ممكن يطلبولي الـ( Yellow Palace) بتاعتهم , يرضيكي يا هانم يعني؟.
إنما الصورة دي مواكبة للأحداث: تلج و برد و ملابس لزيادة الوزن ، و ضجر من غياب "الخضرة" )