نِنـَّة ، قصيدة لسيد أبو زهده

[abuzahda]

طبعا هي تمنيات يا أستاذنا فأنت تعلم جيداً..العناوين البديلة الصحيحة من خلال قراءتك الفاهمة للواقع العربي
الأستاذ رائد عبد السلام هنا (http://www.sama3y.net/forum/showthread.php?p=250099#post250099)
______________________




عـالـبيـان الإخـتـتـامي


نامي يا أمـتـنـا نـامي


واما تصحي سمَعِيه


واحفظيه زي الأسامي


إحنا يا أمتنا عالم


إسمه: نايم ؟ ولا نـامي ؟






الـقـيـادة المـلـهـمـيـن


شالوا همك من سنين


كل عــــام متجمعيـن


من وراكي ومن أمامي


نامي يــا أمـتـنـا نـامي






بالملازم والرقيب


واللي شرعي ومنتخب


والمناضل و الحبيب


واللي للآل منتسب


بكره هتنولي النصيب


تبلغي كل المرامي


نامي يا أمـتـنـا نـامي






باللي شعبه مستجيب...


للأوامر لم تعب


واللي كل يوم يجيب..


"نصر ساحق" يكتسب


الأمال ازاي تخيب ...


ويا ليبي ولا شامي ؟



نامي يا أمـتـنـا نـامي






بالمُذلِل للصعيب


والأسُود بيه تترهب


واللي تمثاله المهيب


كل شارع يتنصب


كِخْ يا أمتنا عِيب...


لو تحطي شأن سامي


نامي يا أمـتـنـا نـامي






نامي إوعي تـفكري


غـُطـِّي في النوم شخري


ولا تحلميش ، لو تقدري...


حاولي جـُوَّة النوم تنامي


عالبيان الإختتامي


ننة يا أمـتـنـا نـامي

http://www.sama3y.net/forum/attachment.php?attachmentid=117318&stc=1&d=1227228503


نشرت بعدد إبريل 2008بجريدة "البلاد" ( سياسية عربية تصدر في كندا)

إحتفالاً بنجاح مؤتمر القمة العربية الذي "إختتم" أعماله بالحبيبة دمشق

[NAHID 76]

بسم الله
الاديب الشاعر سيدى ابو زهدة
كان يجب كمان تقول لهم ننه هو
ما قلته قليلا دعهم فى ثباتهم نائمين على راى قولك لهم
ولاتحلميش لو تقدرى
حاولى جوة النوم تنامى
ننه يا امه العرب
وبلاش ازعاج منك لة حتصحيهم بلاش ازعاج
مع بالغ المرارة والحزن والأسى

[unicorn]

إحتفالاً بنجاح مؤتمر القمة العربية الذي "إختتم" أعماله بالحبيبة دمشق


و نعم الاحتفال بهم يا استاذ سيد و الله يستاهلوه عن جدارة
عجبتنى دى أوى :
بالملازم والرقيب



واللي شرعي ومنتخب



والمناضل و الحبيب



واللي للآل منتسب

الله ينور يا استاذ سيد

[رائد عبد السلام]

آيــــــــــــــــــــــ(كده)ــــــــــــــــــــو ة
الله ينور عليك يا أستاذنا
هذاهو المقام الذي يغني منه العرب
دائما !!
ومع إني لا أحب اللون الأسود في الكتابة
إلا أنه مناسب هنا جداً
- شيء لزوم الشيء
علي رأي عمدة البؤساء:
الأستاذ نجيب الريحاني
------------------------
زماااااااااااااااااان
أيام القومية العربية
كان حليم بيغني : يابلدنا لا تنامي
بس مفيش فايدة ...النوم سلطان

[abuzahda]

بسم الله
الاديب الشاعر سيدى ابو زهدة
كان يجب كمان تقول لهم ننه هو
ما قلته قليلا دعهم فى ثباتهم نائمين على راى قولك لهم
ولاتحلميش لو تقدرى
حاولى جوة النوم تنامى
ننه يا امه العرب
وبلاش ازعاج منك لة حتصحيهم بلاش ازعاج
مع بالغ المرارة والحزن والأسى


و الله يا ناهد هانم
إحنا ظالمينهم
ربنا يسامحنا
ويكون في عونهم

[abuzahda]

و نعم الاحتفال بهم يا استاذ سيد و الله يستاهلوه عن جدارة

عجبتنى دى أوى :
بالملازم والرقيب



واللي شرعي ومنتخب



والمناضل و الحبيب



واللي للآل منتسب


الله ينور يا استاذ سيد


فرحتي بوجودك
يامحمد أبو مندور
بتوِّهني عن الرد
(فعلاً التقل صنعة- إسكندراني)

[abuzahda]

فرحتي بوجودك



يامحمد أبو مندور
بتوِّهني عن الرد
(فعلاً التقل صنعة- إسكندراني)




خد ياعم حمو
م اللي بتحبه:



مره واحد حب يتقل


راح لعالم ، عنده ، يسأل


قاله: يابني التقل صنعه


لو ماكان بعيار هتفشل
.................................................. .....
من ديوان "مرة واحد" للشاعر سيد أبو زهده

[abuzahda]

آيــــــــــــــــــــــ(كده)ــــــــــــــــــــو ة


الله ينور عليك يا أستاذنا
هذاهو المقام الذي يغني منه العرب
دائما !!
ومع إني لا أحب اللون الأسود في الكتابة
إلا أنه مناسب هنا جداً
- شيء لزوم الشيء
علي رأي عمدة البؤساء:
الأستاذ نجيب الريحاني
------------------------
زماااااااااااااااااان
أيام القومية العربية
كان حليم بيغني : يابلدنا لا تنامي

بس مفيش فايدة ...النوم سلطان


مش حضرتك السبب ؟
يا أستاذ رائد عبد السلام
فرحان قوي علشان سخنتني هنا (http://www.sama3y.net/forum/showthread.php?p=247723#post247723)

ولو حضرتك رجعت للـ "النكتة الحجرية"
هتلاقي نفس النظرة ، بس من شبَّاك تاني
خــــــــــــــــــــــالص



(إوعى تفكرني بأقبض من حد يا أستاذ ، رحمني الله و إياكم)

[سيادة الرئيس]

واللي للآل منتسب



إحنا حا نغلط و لا إيه :mad:

إنت عارف كويس إنه يقرب لي ;)

[abuzahda]

إحنا حا نغلط و لا إيه :mad:





إنت عارف كويس إنه يقرب لي ;)


و هو يطول ياسيدي
صلاح جلال الدين محمد علام
(الشريف الحسيني لأمه ، عليها و على أسلافها الكرام رضوان من الله و سلام)

ده بيتمـَحـَّك ياسيدنا

أبوه ساق الهوليكوبتر بنفسه علشان يقول لـ "جولدا مائير" :

مصر و سوريا هيهاجموكو بعد عشر ساعات

ده مايطولش الضل ياسيدنا
العفو

[unicorn]

خد ياعم حمو

م اللي بتحبه:



مره واحد حب يتقل


راح لعالم ، عنده ، يسأل


قاله: يابني التقل صنعه


لو ماكان بعيار هتفشل




تصدق صح يا استاذ سيد
طب و الله العظيم صح
اه و الله .....,
قلت اخف شوية
و الصنعة دى عمرها ما جلّت معايا
انما معاك انت فشلت و اتهرشت :mdr:at once