المـُنـْعـَطـَفْ ، قصيدة لسيد أبو زهده

[abuzahda]

قابـِلنِي عندِ المُنـْعَطـَف


قلبي ، اللي كان خامِل ، رَجـَفْ


وقالـِّي ،عـَنـُّه ، كلام كتير


على غير عاداته ، ما انـْكـَسَفْ


حـَوِّدْ بـِعـُمْري وردِّنِي


لوقت التساؤل والشَّغـَفْ


ما اعرفش إيه فيه والنبى.....


زايد وإيه فيه مُختلفْ


غير إنه لما عدَّى ، كان


قلبي ف إديَّا و انخطف


بعتر كياني من سُبَات


ولا حس بـِيَّا ولا لـَطـَف


قلبي اللي عمره لم يبوح


صابه الوضوح ، باح لي وكشف


ورحلت لبلاد الغرام


سارح بأعضايا التلف


أدخل حانات الذكريات


أرفع كاساتها وأرتِشف


ومتاحف "الوقت اللي فات"


أنفض غـُبارُه عن التـُحـَف


أجمع في مكسورها القديم


واداري حـَرفـُه اللي انشطـَف


واشوف صور بلـُون عـَدِيم


مابين رطوبه وبين نشف


فيها اللي قاعد منتشي


فيها اللي مجهول واتعرف


فيها اللي حاول يبتسم


وعنيه بتنضَح بالقرَف


قلبي اللي "طـَار" كإنه ريـح


راجع كسيح ، ريشه اتنتف

[سيادة الرئيس]

يا ( بنت عمه ) الحقي .....

الراجل بيحب جديد

[abuzahda]

يا ( بنت عمه ) الحقي .....




الراجل بيحب جديد


( بنت عمه ) مش مصدقاك يا صلاح
هو فيه ست عاقلة في الدنيا تصدق "ضُرِّتها" ؟

[د أنس البن]

عند المنعطف .. يتغير المسار .. ممكن

عند المنعطف .. يحدث الصدام .. ممكن

عند المنعطف .. يكون الإنتظار .. ممكن
عند المنعطف .. يكون الإنتباه .. لابد
وهذا ما فعلته يا صديقى .. وهو ما لابد منه

[NAHID 76]

بسم الله
الاديب الشاعر
سيدى أبو زهده
تأملوا معى عبارة (بعتر كيانى ) أد إيه لعب به الحب وبعتره أشلاء فى كل مكان وهوه متحمل
شمال ويمين وفوق وتحت ... يااااااسلام
تحياتى

[رائد عبد السلام]

بسم الله
الاديب الشاعر
سيدى أبو زهده
تأملوا معى عبارة (بعتر كيانى ) أد إيه لعب به الحب وبعتره أشلاء فى كل مكان وهوه متحمل
شمال ويمين وفوق وتحت ... يااااااسلام
تحياتى


مش بس كده يامدام ناهد ..
ده كمان جايب مفردات ونحت جديد في اللغة
يعني زمان الدنيا اتقلبت لما عم بيرم قال :
شمس الأصيل دهّبت خوص النخيل
وقالوا ده أول واحد جاب الخوص في أغنية
ييجوا يشوفوا عم سيد أبو زهدة بيعمل إيه
الله ينور ويفتح عليك كمان وكمان يا خال

[abuzahda]

عند المنعطف .. يتغير المسار .. ممكن




عند المنعطف .. يحدث الصدام .. ممكن




عند المنعطف .. يكون الإنتظار .. ممكن

عند المنعطف .. يكون الإنتباه .. لابد
وهذا ما فعلته يا صديقى .. وهو ما لابد منه







يعني و بعدين معاك؟!
يا دكتور أنس
هو سعادتك كل ما "تقابل" حد تِمَثـِّلـُّه "منعطف" ؟
ما اتقبلناش ليه من رُبْع قرن فات ؟

[abuzahda]

بسم الله
الاديب الشاعر
سيدى أبو زهده
تأملوا معى عبارة (بعتر كيانى ) أد إيه لعب به الحب وبعتره أشلاء فى كل مكان وهوه متحمل
شمال ويمين وفوق وتحت ... يااااااسلام
تحياتى

مش بس كده يامدام ناهد ..
ده كمان جايب مفردات ونحت جديد في اللغة
يعني زمان الدنيا اتقلبت لما عم بيرم قال :
شمس الأصيل دهّبت خوص النخيل
وقالوا ده أول واحد جاب الخوص في أغنية
ييجوا يشوفوا عم سيد أبو زهدة بيعمل إيه
الله ينور ويفتح عليك كمان وكمان يا خال

الأكرمين:
"الزميلة" ناهد هانم
أستاذي رائد عبد السلام
(و الله مش علشان أوفر "حبر" ولا حاجة ، بس انا قلت مش معقولة كل شوية امتحان ، إمتحان !. فجتني فكرة لتقليل عدد مرات "الرعب" اليومية ، قلت اجمع امتحانين في واحد , و اديني بجرب اهو ...)

أيوة يا أساتذة ، كنت عايز اشكوركم
(فين الدكتور أنس ، يحضرنا . أصل هو غيركم خالص . هو طيب ، بحس في وجوده بالطمان)

بالظبط كده ، كنت بقولكم شكراً على الكلام اللي انتم شايفينه في القصيدة ، علشان:

كلماتي ، الـَّتي لا تـُطيق ارتداء الأثواب المـُعارة ، لا أرهقها بفرض التقاليد .
ولا أحاول صياغتها في "الكمال" لإيماني أنه: ليس لي.
و لا أتكئ على "أعيان" المفردات لأستوقف ذهول قارئي عند اللفظ ، فأكون حرمتني من استرساله و متعتي.

عايز اقول إن انا بكتب و السلام
وبعدين بتيجي كده (إستروبيا) يعني

[رائد عبد السلام]

كلماتي ، الـَّتي لا تـُطيق ارتداء الأثواب المـُعارة ، لا أرهقها بفرض التقاليد .
ولا أحاول صياغتها في "الكمال" لإيماني أنه: ليس لي.
و لا أتكئ على "أعيان" المفردات لأستوقف ذهول قارئي عند اللفظ ، فأكون حرمتني من استرساله و متعتي.


عايز اقول إن انا بكتب و السلام
وبعدين بتيجي كده (إستروبيا) يعني

----------------
بالضبط كده يا أستاذنا
إنت بتكتب بشكل إبداعي عفوي
ولكن دور أحبائك هو أن يتذوقوا ما تكتبه فيجدوا الألفاظ التي تبدو لك عفوية
بها الكثير من الجماليات
ولذلك قال عمنا المتنبي ( أبو الطيب ) :
أنام ملء جفوني عن شواردها _ ويسهر القوم جرّاها ويختصم

[ريما]

:emrose::emrose::emrose::emrose:

احساسك فيها تحفه اوى

[abuzahda]

:emrose::emrose::emrose::emrose:




احساسك فيها تحفه اوى


سبحان الله على طبعك
يا ريـــمــــــــا
تصدقي إنها،فعلاً، مكتوبة في "متحف" التاريخ الطبيعي بالشارقة
و الله صحيح بجد صدقيني

[abuzahda]

مش بس كده يامدام ناهد ..





ده كمان جايب مفردات ونحت جديد في اللغة
يعني زمان الدنيا اتقلبت لما عم بيرم قال :
شمس الأصيل دهّبت خوص النخيل
وقالوا ده أول واحد جاب الخوص في أغنية
ييجوا يشوفوا عم سيد أبو زهدة بيعمل إيه

الله ينور ويفتح عليك كمان وكمان يا خال




أيا بيرم تعالى ، وشوفها ، من تاني بشط النيل


أهي شمس الأصيل عادت تدَّهب فوق شجر ونخيل


ومالت ع الشطوط نخلات ، بتترحم عليك وقدود


بتسأل إمتى حِبي يعود، ولاعرفتش لردي سبيل
.................................................. .....................
زي ماقال واحد سمِّيع ، مع أغنية "شمس الأصيل"




الملف الصوتي المرفق من "رباعيات التعب"
يا أستاذ رائد عبد السلام
يا اللي حطتني مع "عم بيرم" في جملة واحدة