وحشتيني يابنت الإيه، قصيدة لسيد أبو زهده

[abuzahda]

هـَقـُولـِّكْ إيه و اعيدلك إيه؟


وهنزوَّق كلامنا ليه؟


لا نِتـْفـَلـِسِفْ و لا نـْفـَكـَّر


دِي هيَّ كلمة مُشْ أكتر:


وحشتيني يا بنت الإيه!


:emrose:




ووحشة قلبي ، من بُعْدِك: وحشتيني


ولا قبلك و لا بَعْدِك سَلـَبْ عيني


و لا قلبي اللي أحواله "مجانيني" !


بقى ينطق سوى كلمة: وحشتيني


يا قلبي عليه


وحشتيني يا بنت الإيه!


:emrose:




أقولك؟ ، صَدَّقِي ، مَرَّة !


أنا ماكدبت غير مرَّة


في يوم ما الدنيا شافتها


بعيني ، وكنتْ ناسيني


ومش عارف ناسيني ليه


وحشتيني يا بنت الإيه!


:emrose:




وحشني قلبك الحَانِي


و أعيَّانِي غياب صوتك


يا ريحة سِحْر أوطانِي


وقلبي عتبة لبيوتك


إذا يفوتك


يسِيبْنِي و يحضُنِك تاني


و تِقـْسِي عليه


وحشتيني يابنت الإيه!


:emrose:



وحشتيني ماهِيشْ كِلـْمَة


هتوزن بالحروف قلبي


و لـَوْ جـَتْ بالحروف لـَمـَّة


و كل كـُتـَبهَا مع كـُتبي


هيعجـَز وَصْفْ أشْجَانِي


و انا مْخـَبـِّيهْ


وحشتيني يابنت الإيه!

[سامي عبد العزيز]

دي هي كلمة مش اكتر
روعة
ياسي السيد

[سيادة الرئيس]

كده كده كده كده

يا شاعر إنت

[فؤاد]

ياسلام لو كان مفيش في القصيده
( كلمة بنت الأيه ) ويسلام لو لم تختار
(لاقبلك ولا بعدك)
كانت هتبقي القصيده
رائعه رائعه رائعه
:mdr:أنا المره دي هأعذرك :mdr:
تحياتي
للشاعر ابو زهده

[د أنس البن]

أيها القمرى المغرد
حروف كلماتك تكاد تنطق الحجر
وإن من الحجارة لما يهبط من خشية الله

[NAHID 76]

بسم الله
الاديب الشاعر سيدى ابو زهدة
والله حضرتك الى وحشتنا يا سعادة البية
ونفسنا نشوفك ونعمل حوار صداقة خاص معك زى سعادة الرئيس :emrose::emrose:;)

[فؤاد]

بسم الله
الاديب الشاعر سيدى ابو زهدة
والله حضرتك الى وحشتنا يا سعادة البية
ونفسنا نشوفك ونعمل حوار صداقة خاص معك زى سعادة الرئيس

أحم أحم نحن هنا(( :rolleyes: ))وانا كمان نفسي أشفكوا والله ((:())
قصدك يامدام ناهد سيادة الريس:mdr::mdr:

هو سعادة الرئيس كمان عملتوا معاه لقاء وشفتوه
ياأخي أيه الهنا ده أنا لم أري كرم مثل كرم (الست ناهد والدكتور أنس)

[NAHID 76]

بسم الله
الاخ الفاضل فؤاد عبد الحميد
اركب اول طيارة
او خذ الطريق البرى بالباص
وابعت الميعاد تلاقينا وياك
شفت سهلة ازاى
تحياتى

[abuzahda]

دي هي كلمة مش اكتر

روعة

ياسي السيد


و لا أروع منك يا ابو السماسم
يا عديل الهجرة و الاشتياق

[abuzahda]

كده كده كده كده




يا شاعر إنت


و الله ده اللي حصل يا صلاح

[abuzahda]

أيها القمرى المغرد

حروف كلماتك تكاد تنطق الحجر
وإن من الحجارة لما يهبط من خشية الله



والله يا دكتور أنس ، معك حق !

لكن لماذا "تتحجر" كلماتي حين أقرأك ؟

[abuzahda]

بسم الله
الاديب الشاعر سيدى ابو زهدة
والله حضرتك الى وحشتنا يا سعادة البية
ونفسنا نشوفك ونعمل حوار صداقة خاص معك زى سعادة الرئيس :emrose::emrose:;)


و الله يا ناهد هانم
أنا لما بنزل المحروسة بطلع من المطار على "جسر البحر" بساحل روض الفرج ، مع إني ساكن في 6 اكتوبر (!)
الظاهر هغير عادتي ....

همَّ لسة ماعملوش مطار في الدقهلية ؟

[abuzahda]

ياسلام لو كان مفيش في القصيده





( كلمة بنت الأيه ) ويسلام لو لم تختار
(لاقبلك ولا بعدك)
كانت هتبقي القصيده
رائعه رائعه رائعه
:mdr:أنا المره دي هأعذرك :mdr:
تحياتي

للشاعر ابو زهده


و الله معاك حق يا أستاذ فؤاد عبد الحميد
و ياسلام لو كان مفيش قصيدة
و ياسلام لو كان مفيش شعر
و ياسلام لو كان مفيش سماعي
و ياسلام لو كان مفيش إنترنت

كنت قابلتك لايف يا أستاذ فؤاد عبد الحميد و عرفت من حضرتك سر الروعة
سامحني يا أستاذ ،،، مش هعمل كدة تاني

بس اديني فرصة آخيرة
من
هنا (http://www.sama3y.net/forum/showthread.php?p=245022#post245022)

[صباح2015]

السلام عليكم ورحمة الله وبركاته
أخى العزيز المبدع بالعطاء الأستاذ/أبوزهدة
هذه قصيدة سلسة وسهلة وجميلة
والله تنفع أغنية جرب وإن شاء الله تلاقى نجاح
لامثيل له
لك منى كل الأمنيات والنجاح لكل أعمالك
مع شكرى وتحياتى ،،،،

[abuzahda]

السلام عليكم ورحمة الله وبركاته


أخى العزيز المبدع بالعطاء الأستاذ/أبوزهدة
هذه قصيدة سلسة وسهلة وجميلة
والله تنفع أغنية جرب وإن شاء الله تلاقى نجاح
لامثيل له
لك منى كل الأمنيات والنجاح لكل أعمالك

مع شكرى وتحياتى ،،،،


يا ست صباح
ياربيع الثغر الباسم
شكراً لكِ ، شكراً لكِ سيدتي

فهي أغنية قلبي المفضلة
منذ كانت : (لم أكتبها بعد)

[هاله]

استاذ الفاضل ا / سيد
بجد كلمات حضرتك حلوه قوى وكمان دمها خفيف
بس عندى سؤال:rolleyes:
هو حضرتك كنت فين ولا انا اللى كنت فين من كتابات حضرتك الجميله دى ؟
وتقبل خالص تحياتى
:emrose::emrose::emrose:

[abuzahda]

استاذ الفاضل ا / سيد



بجد كلمات حضرتك حلوه قوى وكمان دمها خفيف
بس عندى سؤال:rolleyes:
هو حضرتك كنت فين ولا انا اللى كنت فين من كتابات حضرتك الجميله دى ؟
وتقبل خالص تحياتى
:emrose::emrose::emrose:


خلاص يا لولي

بلاش نتكلم في اللي فات

مش عايزين نفسد فرحتنا بحضورك

[ALY ELHELALY]

الله عليك يا أستاذ يا كبير
كلام رائع وإحساس أروع
دمت بهذا الرقى
لك تحياتى

[abuzahda]

الله عليك يا أستاذ يا كبير

كلام رائع وإحساس أروع
دمت بهذا الرقى

لك تحياتى


أهو إنت
يــــــــــــا
أستاذ
علي الهلالي
:emrose::emrose::emrose::emrose:

[M O H A M E D]

يا ابن الايه

ازاي بتعمل كل الروعة دي من كلمات بسيطة جداً !

استمر يا فنان ..:emrose:

[abuzahda]

يا ابن الايه


ازاي بتعمل كل الروعة دي من كلمات بسيطة جداً !

استمر يا فنان ..:emrose:



أخيرا ًً.....
يا عم محمد السلاموني ، ..
كتبت حاجة تعجبك ؟

الحمد ُ لله

[ريما]

:emrose::emrose::emrose::emrose:

بس خلاص

[abuzahda]

:emrose::emrose::emrose::emrose:





بس خلاص

صدقيني يا أخت:
ريــمــــــــــا
لولا الأربع وردات
كنت ظنيت إن حد سرق باص ووردك ، علشان يزعلنا

علشان مش عوايدك خالص : تجيبي درفها ، كدة

لدرجة إن فيه ناس كتير مش عايزة تدخل خوفاً من :
الأخ بس خلاص ، اللي سيبتوهلنا و مشيتي ، ده

قصدي أقول لحضرتك :
إن الدنيا خربانة ورا الصفحة دي
حد يخمن و حد يفتي و حد يكذب

1- ده بياكل الأطفال !،
2-لأ ده مش السلعوة ، ده شكله راجل ، بس متعصب شوية.
3-ده ماسك مسدس،
4-لأ دي زؤلة سويسي

و انا علشان مابحبش اكون شاهد على موقف مايعجبنيش
فضلت اقنع فيهم:

مش ريـــمــــــــا ، صدقوني

1- إيه يا عم انت هتستعمانا ، ما الاربع وردات اهم عندك
2- أيوة هي صح ريـــمـــــــا بتاعة الورد
3- آه ، و بتاعة الشاي و الشربات


قلتلهم ، ماشي ، هي ريــــمــــــــا
بس انا ليا صاحبي خبير تغذية قالـّي مرة:
إن الفطار لو زادت سعراته عن 3400
بيأثر على اللسان و الكيبورد ، و بالنسبة للأسنان و الماوس مافيش مشاكل


الحمد لله إقتنعوا ، وبيسلموا على حضرتك و بيقولولك:

لو لازم حلو عالفطار ، يبقى "دَنـَش" مش "سد الحنك"
يــا ريـــمــــــــــا

[abuzahda]

يا عم
فؤاد عبد الحميد
http://img140.imageshack.us/img140/1596/98124916fm0.jpg

إحنا ناقصين رعب
ياأستاذ؟
http://img153.imageshack.us/img153/3880/32349560au9.gif

إحنا ماصدقنا خلصنا من الأخ:
"بس خلاص"
بتاع
http://img153.imageshack.us/img153/3955/69742857rw7.gif

ريـــمـــــــــــــــــــــا


..............................

مرة واحد جاب كتاب سِحر ، وقراه
لـَجْلْ مَا يسَخـَّرْ لـُه كام عفريت معاه
ولـَّعْ البخورات ، يدُور
قام حـَضـَرْ عمنا "شهبور"
لكنه مات لما رآه
.................................................. .......
من ديوان "مرة واحد" للشاعر سيد أبو زهده

[رائد عبد السلام]

إنت عارف يا أستاذنا الجميل
سيد ابو زهدة
كانوا بيقولوا إن سر نجاح (حليم )
إنه كأنه بيغني لكل واحد لوحده
بنفس الحماس والإحساس
- أنا أفتكرت ده ليه يا عمي الغالي؟؟؟

[NAHID 76]

بسم الله
بحسدك على ذكائك استاذ رائد

[abuzahda]

إنت عارف يا أستاذنا الجميل

سيد ابو زهدة
كانوا بيقولوا إن سر نجاح (حليم )
إنه كأنه بيغني لكل واحد لوحده
بنفس الحماس والإحساس

- أنا أفتكرت ده ليه يا عمي الغالي؟؟؟


عني يا أستاذ
رائد عبد السلام
(يا سمِّع بجد)
يرضيك اللي عمله "الجمهور"
مع (حليم)
في "آخر حفلة" ؟؟؟
و لا هو ده جزاء :
اللي يسَمَّع غناه للناس ؟!

[abuzahda]

بسم الله
بحسدك على ذكائك استاذ رائد



و انا أهنئكِ على نفس القدر من الذكاء
يا ناهد هانم

[غازي الضبع]

يا سلام عليك يا أستاذ سيد أبو زهدة
كلماتك جميلة وسلسة وواضحة
وتعبيراتك في الجون
وردودك أجمل
لك تحياتي وتقديري :emrose:

[abuzahda]

ياعني يا أستاذ

رائد عبد السلام
(يا سمِّيع بجد)
يرضيك اللي عمله "الجمهور"
مع (حليم)
في "آخر حفلة" ؟؟؟
و لا هو ده جزاء :

اللي يسَمَّع غناه للناس ؟!

:emrose::emrose::emrose::emrose:

[abuzahda]

يا سلام عليك يا أستاذ غازي الضبع كلماتك جميلة وسلسة وواضحة
وتعبيراتك في الجون
وردودك أجمل
لك تحياتي وتقديري ومشاركتك عشق عبد الوهاب :emrose:
:emrose::emrose::emrose:

[غازي الضبع]

رايح فين يا أستاذ :(
مانت كنت قاعد ومنورنا وسط النجيلة ..
إنت زهقت مننا ولا إيه ؟ :cool:

[abuzahda]

رايح فين يا أستاذ :(
مانت كنت قاعد ومنورنا وسط النجيلة ..
إنت زهقت مننا ولا إيه ؟ :cool:

بقولك إيه ؟
ياعم غازي الْضَّبْعْ

ما القيش عند سعادتك:
يَاجَارَةَ الوَادِي طـَرِبْتُ وَ عَادَنِي مَا يُشبِهُ الأحْلاَمَ مِنْ ذِكـْرَاكِ
لمعشوقك ، وهو بيقلد الشيخ محمد رفعت ، فيها ؟

معلش يا أستاذ ، هي دي عادتي (أستغل صحابي)

[سامي عبد العزيز]

اعود الى بنت الايه اكثر قصائد الاستاذ سيد التي اطربتني في الاسبوعين الماضيين (ماتزعلش يا استاذ). اقرأها وكأني ارى الراحل سيد مكاوي ممسكا بعوده يغنيها، اصلها راكبة على اسلوب تلحينه جدا.

[abuzahda]

الجرذان خايفين م القـُمقـُمْ


شوف: مع إن المارد غافي


فوبيا عجيبة ، ربِّي يسَلـِّمْ


من سَوِّ الجرذان الخافي


خايفين لمَّا هيطلع ليهم


يعمِي عنيهم ، نـُورُه الطافي


شوف: مع إن المارد غافي



الجرذان بتحب الضلمة


بس "النور" كان إسم الله


مُنتسبين ، بالزُور ، للأمة


ولا حولَ إلا بالله


و اللي الغِلْ جليس ويَّاه


إزاي يلقى الخير و عوافي


شوف: مع إن المارد غافي



"ناصر" بُعـْبُعْ للخاينين


البايعين شرف الأجداد


"ناصر" كان عالوحدة أمين


و الخاينين عايزنها "آحاد"


و "الأوطان" خَلـُّوها "بلاد"


و ذنوبهم تِقـْلِتْ بكتافي


شوف: مع إن المارد غافي



الجرذان ماتحبش "ناصر"


منهم ، ناسي . ومنهم ، فاكر


كشفوا خلاص عالوجه السافر


ولا شئ ظاهر ، ولا شئ خافي


شوف: مع إن المارد غافي
http://img247.imageshack.us/img247/1703/img001us8.jpg
نشرت بعدد ديسمبر 2008 بمجلة "الفلقة" التي تصدر بكندا باللغة العربية (مجلة سياسية ساخرة)

[abuzahda]

http://img354.imageshack.us/img354/3324/81265928mo1.png

إلى جاري الحبيب
أخي سامي عبد العزيز
و إلى كل شعب يوتوبيا سماعي
أهدي الملف الصوتي

[سامي عبد العزيز]

الله يحفظك و يعطيك الصحة و تكثر هداياك ياسيد بك، وحضرتك كريم و احنا نستاهل.

http://www.sama3y.net/forum/attachment.php?attachmentid=121848&d=1230063214

[فؤاد]

يا عم


فؤاد عبد الحميد
http://img140.imageshack.us/img140/1596/98124916fm0.jpg

إحنا ناقصين رعب
ياأستاذ؟
http://img153.imageshack.us/img153/3880/32349560au9.gif

إحنا ماصدقنا خلصنا من الأخ:
"بس خلاص"
بتاع
http://img153.imageshack.us/img153/3955/69742857rw7.gif

ريـــمـــــــــــــــــــــا







لا .... من ساعة مادخلت علي الخيمة الشعريه بتاعتكو وانا سبت الحاجات دي من وقتها
آل أيه ..... بقينا رومانسين شويه

والله
ياأستاذ سيد
بتنسو الواحد

عقلو

(( بَس خلاص ))

:emrose:

[abuzahda]

لا .... من ساعة مادخلت علي الخيمة الشعريه بتاعتكو وانا سبت الحاجات دي من وقتها

آل أيه ..... بقينا رومانسين شويه

والله
ياأستاذ سيد
بتنسو الواحد

عقلو

(( بَس خلاص ))


:emrose:


و الله يا عم فؤاد
إحنا بنحبك على كل الأحوال
حتى لما كنت بتخوفنا بالعفاريت
(قبل "المرحلة" الرومانسية)