حبة فوق و حبة تحت ، مع الإعتذار من الريس بيرة

[abuzahda]

صوت المَكَن




صوت المكن طالع لفوق
صوت اللي واقف عالمكن ..
نازل لتحت
طرح المكن أتواب لفوق
توب اللي واقف عالمكن ..
ماسترش تحت
ياساكن القصر اللي فوق
مش حبة فوق ، وحبة تحت ؟!


المكنة حبلت من عرق قلبي الغزير
ولدت غناوي مقصبة تلبس حرير
الباشا يفرش قصره منه والسرير
ويقوللي: علشان الوطن !
ولما اموت مالقاش كفن
أنزل به تحت
طب حبة فوق ، وحبة تحت ؟!


آدي مقام وله مقال ياغافي فوقي ومستريح
عندي كلام قبل الفعال واعتبروا تحذيري الصريح
حسس بإيدك عالسؤال من فم متنور فصيح
صبر العباد زي الرماد
بارد ، لكن الجمر تحت
ماهو حبة فوق وحبة تحت ؟!

http://img362.imageshack.us/img362/9771/35597862gh1.jpg

نشرت بعدد أغسطس 2008بمجلة "الفلقة" (مجلة سياسية عربية ساخرة تصدر في كندا- أونتاريو)

[NAHID 76]

بسم الله الرحمن الرحيم
سيدى ابو زهدة
صبر العباد زي الرماد
بارد ، لكن الجمر تحت
مااجمل المعنى وما اكمله
تحياتى

[abuzahda]

بسم الله الرحمن الرحيم
سيدى ابو زهدة
صبر العباد زي الرماد
بارد ، لكن الجمر تحت

مااجمل المعنى وما اكمله


تحياتى






بل ما أجمل الوقار و ما أكمل الأدب
وهما يسبقانك ياسيدتي لينبئا عن تشريفك الأماكن
حتى ولو كانت "صفحة " على الإنترنت

الله يجبر خاطرك

يــــا نـاهد هـانم

[سيادة الرئيس]

ده لو الريس ( بيره ) قرى ده حا يشكرك .... ليه بتعتذر منه ؟؟

[abuzahda]

ده لو الريس ( بيره ) قرى ده حا يشكرك .... ليه بتعتذر منه ؟؟




يعني علشان فخامتك عارف وزن رأي فخامتك عندي ؟
لازم تلوعني (إنتظاراً) قبل ما اعرفه؟

ربنا ما يحرمني منك يا غالي يا أبو الغالي
ولا من رأيك
يابيت الأصول
يا "علاَّم"

[ريما]

انت عارف يا استاذ اكتر ميزه فى كلامك ايه

ان الواحد وهو بيقراها بيحس انه شايف قدامه فيلم سينمائى:eek:

ودا بيحصلى لما بيكون اللى بقراه عجبنى على فكره :rolleyes:

تمنياتى بمزيد من التألق:emrose::emrose:

[abuzahda]

انت عارف يا استاذ اكتر ميزه فى كلامك ايه




ان الواحد وهو بيقراها بيحس انه شايف قدامه فيلم سينمائى:eek:

ودا بيحصلى لما بيكون اللى بقراه عجبنى على فكره :rolleyes:

تمنياتى بمزيد من التألق



إنت عارفة يا أستاذة ريـــمــــــا
ان الواحد وهو بيشوفك هنا بيحس انه شايف قدامه ملاك طاهر:eek:
ودا بيحصلي لما بيكون اللي شايفه حد قلبه حلو:rolleyes:
تمنياتي بمزيد من الحلاوة

[فؤاد]

صدقني ياأستاذ
نسيت معاك كل الهموم ........ وقلت ليا ياريت يدوم ...... مرضتش يومها تقولي أيه اللي قصدك يدوم لي ؟؟؟؟؟؟؟؟؟؟؟؟؟؟؟؟؟؟؟؟؟
:cool:

[abuzahda]

صدقني ياأستاذ

نسيت معاك كل الهموم ........ وقلت ليا ياريت يدوم ...... مرضتش يومها تقولي أيه اللي قصدك يدوم لي ؟؟؟؟؟؟؟؟؟؟؟؟؟؟؟؟؟؟؟؟؟

:cool:


يارب ما تشوف هم أبداً
يــــــا فؤاد
يا حبيبي

[momodarwish]

الباشا يفرش قصره منه والسرير
ويقوللي: علشان الوطن !
ولما اموت مالقاش كفن
أنزل به تحت
طب حبة فوق ، وحبة تحت ؟!

تعبير فى منتهى الحُرقة...والأسى ...أنا عند رأيى...كلام حضرتك بيدخل على القلب من غير بواب..لأن فكر حضرتك بيختار اللفظ اللى مفيش أحسن منه...لآداء المعنى وإصابة الهدف...الذى هو قلبى..وماله هعمل ايه...كلام ودخل بيته..ولك كل سلامى يا مسعد أيامى :emrose::cool::emrose:

[abuzahda]

الباشا يفرش قصره منه والسرير
ويقوللي: علشان الوطن !
ولما اموت مالقاش كفن
أنزل به تحت
طب حبة فوق ، وحبة تحت ؟!

تعبير فى منتهى الحُرقة...والأسى ...أنا عند رأيى...كلام حضرتك بيدخل على القلب من غير بواب..لأن فكر حضرتك بيختار اللفظ اللى مفيش أحسن منه...لآداء المعنى وإصابة الهدف...الذى هو قلبى..وماله هعمل ايه...كلام ودخل بيته..ولك كل سلامى يا مسعد أيامى :emrose::cool::emrose:


الله يديم سلامة قلبك "السليم"
يا دكتور محمد (يا غالي)
ويسعد أيامك

[فؤاد]

..ولك كل سلامى يا مسعد أيامى
:cool:


والله يادكتور محمد
مامسعد أيام حضرتك بس أنت
ده أنا مسعد أيام أيامي ياأخي :cool:
ساعات الأنسان بيحب أنسان بدون مايشوفوا
ياتري أيه القصه دي
:cool:
خمس سلامات

[abuzahda]

والله يادكتور محمد

مامسعد أيام حضرتك بس أنت
ده أنا مسعد أيام أيامي ياأخي :cool:
ساعات الأنسان بيحب أنسان بدون مايشوفوا
ياتري أيه القصه دي
:cool:
خمس سلامات


يا قوم أذني لبعضِ الحيِّ عاشقةٌ * * * و الأذنُ تعشق قبل العينِ أحيانا

(بشر ابن بُرد)