الوشوش

[سيادة الرئيس]

أشعار حبيبي و صديقي إللي سابني و هاجر

سيد أبو ذهدة

الملف المرفق تسجيل و وضع مؤثرات العبد لله

الوشوش

الشارع المرشوش بأرتال الوشوش
خلاني اشوف من غير رتوش
كام ألف وش ما يتناسوش
و الوش خباص النفوس
كإنه مخبر أو جاسوس
لو نفس عشقت و انكوت تلقاه عبوس
و اذا نفس طابت و استوت يصبح بشوش

من ذا الذي خلاني مدمن ع الوشوش
دا وش يمكن بعرفه
و دا وش يمكن معرفوش
و دا وش مهدود إكتئب
و دا وش مهموم بالقروش
و دا وش ممصوص م التعب
و دا وش متشال ع الكروش
و دا وش كان مغلوب غلب
و دا وش منفوش ع الفشوش

و كمان رأيت حبّت و شوش
وسط الوشوش ما بيستحوش
يارب سلّم يا رب حوش
الوش منهم ما تطيقوش
مرّووش ع للي ما حرّاموش
نفسه الظروف ما تمنعوش

فيه وش عايش للمصالح
و وش أمّلح و وش كالح
و وش صالح و وش طالح
و وش خايب و وش فالح
و وش عدّمان الملامح
ما فضلّه غير حبّت نقوش

فيه وش ماشي بالدراع
و وش شاري و وش باع
و وش ضايع و وش ضاع
و وش مداري بقناع
بأصباغ النفاق مرشوش

فيه وش طول اليوم يكابد
و وش ليّن و وش جامد
و وش كاشش و وش فارد
و وش عاصي و وش عابد
كأنه راكع كأنه ساجد
و وشوش كتير ما بيسجدوش

فيه وش بسماته شفى
و وش عاقب لم عفى
و وش شارب ما اكتفى
و وش بارد لم دفى
و وش بان ثم اختفى
و دا وش أشبه بالقفى
كما الوبر بالي و منكوش

و وشوش تخاف شوفة وشوش ما بيرحموش
و وشوش أعوذ بالذي خلق الوشوش ما بيفهموش
بتعكنن العسكر في يوم نصر الجيوش

فيه وش معجون بالحنان و كنت أبص
و وش مش فرحان و وش نص نص
و وشوش كما طوب الرصيف مرصوصه رص ما تشبهوش

و ده وش هام بين الزحام
منحوت بأزميل الكلام
ساكت يجر في خطوته
و ف عينه أوجاع الغرام
من حد قاسي ما حسهوش

في الشارع إللي اترش رش
فيه و ش لما شوفته بش
و وش كش و وش هش
و وش هج و وش خش
و وش حاوي كاره غش
و وشوش ملاها الغيظ و لا قدراش تفش على الوحوش

بس اما بصيت في المرايه انا شوفت وش
تحشّه من حشوة حشاه الغربه حشّ
عمّال يلملم جرحه بين دبان ينش
و يكوّم الأوجاع كما تل قش
حلمان يا كبدي يبني عش
علشان وشوش و لا عشّشوش

[ثروت رضوان]

الله الله الله

شـــــــــــــارع مشيــــته العمر كله وكأنى لسه ممشيـــتوش
ووشوش كتيـــــــر كدبت علىَّ بكلام منايـــــــــا ما صدقوش
وأداء جميل تسلم يا ريس وموسيقى هايلة ماهيـش فشوش
كلام يعلم .. بإيـــــــد معلم .. يا رب سلم .. يا رب حوش

:emrose::cool::emrose:

[ايهاب عامر]

السلام عليكم ورحمه الله وبركاته
الله عليك يا عم صلاح يا غالى
جمعتلنا كل الوشوش
فى كلام رائع منقوش
تقبل خالص تحياتى

[د أنس البن]

أبو وش خلقة ربنا حلو ومليح
صابح يصبح صبحنا بلسان فصيح
الوش فرحان مبتسم والقلب من جواه جريح
ربك يا صاحبى خالق الكون عا الكمال
دى صنعته دى حكمته الكل فى غاية الجمال
وكل وش من الوشوش مخلوق صحيح
:emrose: :emrose:

[abuzahda]

سيدي الرئيس
يــــــــــــــــــــــــــارب ما اتحرم من فخامتك
سيد أبو زهده

[abuzahda]

سيدي الرئيس




يــــــــــــــــــــــــــارب ما اتحرم من فخامتك

سيد أبو زهده (http://www.youtube.com/user/abuzahdas)

[ريما]

الوشوش

الشارع المرشوش بأرتال الوشوش
خلاني اشوف من غير رتوش

يا بختك عرفت تشوف من غير رتوش ودى قدرات

طبعا يا بختك بس بجد القصيده تحفه ملهاش حل

سمعتها وقرتها كذا مره عجبانى جدا

جناب الرئيس ميرسى على القصيده والمؤثرات والتسجيل رائع:emrose::emrose:

استاذ سيد تسلم ايدك ودماغك وصوتك كمان :emrose::emrose:

تمنياتى بمزيد من التالق

[unicorn]

يادى الدوخة
دوختنا وراك يا عم سيد و الله
من مواضيع كتير لسكك برة وجوة
و الغريبة انك بتعرف تشدنا
و تجيبنا وراك
ببساطة حراقة
عبقرية العامية
مرة واحد !!! ؟؟؟؟
جبتها ازاى الفكرة دى ؟؟؟
دُوقْنا يا سيدى و عجبنا الطعم اوى و سال لعابنا
ما تنزلنا الطبق بأة
و لا كله دوق بس ؟؟؟

[abuzahda]

يادى الدوخة




دوختنا وراك يا عم سيد و الله
من مواضيع كتير لسكك برة وجوة
و الغريبة انك بتعرف تشدنا
و تجيبنا وراك
ببساطة حراقة
عبقرية العامية
مرة واحد !!! ؟؟؟؟
جبتها ازاى الفكرة دى ؟؟؟
دُوقْنا يا سيدى و عجبنا الطعم اوى و سال لعابنا
ما تنزلنا الطبق بأة

و لا كله دوق بس ؟؟؟


للغالي
محمد أبو مندور


مرة واحد حب يهرب
من عذاباته وجراحه
قام دخل خمارة يشرب
واتصل ليله بصباحه
كلّمَا يبحلق في كاس
يلمعوا في الخمرة ناس
م اللي خانوه واستباحوا
.................................................. ..............................


من ديوان "مرة واحد" للشاعر سيد أبو زهده (لم يطبع ).
الديوان عبارة عن 127 رباعية(جاهز للطبع) ، تبدأ كلها بجملة:
"مرة واحد"
(إختراع المصريين لقتل الملل)

[unicorn]

و لو انك برضه خطفتنى يا استاذنا و ما عملتش حاجة
بس ماشى
ابحث مع الشرطة

http://www.sama3y.net/forum/attachment.php?attachmentid=93165&stc=1&d=1212249642 (http://www.sama3y.net/forum/attachment.php?attachmentid=93165&stc=1&d=1212249642)
http://www.sama3y.net/forum/attachment.php?attachmentid=96853&stc=1&d=1214766384 (http://www.sama3y.net/forum/attachment.php?attachmentid=96853&stc=1&d=1214766384)
http://www.sama3y.net/forum/attachment.php?attachmentid=96872&stc=1&d=1214766746 (http://www.sama3y.net/forum/attachment.php?attachmentid=96872&stc=1&d=1214766746)
http://www.sama3y.net/forum/attachment.php?attachmentid=97051&stc=1&d=1214886703 (http://www.sama3y.net/forum/attachment.php?attachmentid=97051&stc=1&d=1214886703)
http://www.sama3y.net/forum/attachment.php?attachmentid=97261&stc=1&d=1215109258 (http://www.sama3y.net/forum/attachment.php?attachmentid=97261&stc=1&d=1215109258)
http://www.sama3y.net/forum/attachment.php?attachmentid=97280&stc=1&d=1215113885 (http://www.sama3y.net/forum/attachment.php?attachmentid=97280&stc=1&d=1215113885)

[abuzahda]

و لو انك برضه خطفتنى يا استاذنا و ما عملتش حاجة




مرة واحد ، مش سعيد
يبقى حاضر ، زي غايب
و الجنازة زي عيد
و السُنَنْ زي المذاهب
و البَلايا كالجديد
و اللي مغلوب زي غالب
و الطـَرَايا كالشديد
و "العجوزة" زي "كاعب"
.................................................. ..............................
من ديوان "مرة واحد" للشاعر سيد أبو زهده (لم يطبع ).
الديوان عبارة عن 127 رباعية(جاهز للطبع) ، تبدأ كلها بجملة:
"مرة واحد"
(إختراع المصريين لقتل الملل)





فيه منه
هنا (http://www.sama3y.net/forum/showthread.php?p=245022#post245022)

[محمودسعد]

يالهوي؟
يانهار؟
ايه ده ؟
ماهذا؟
ايه الكلام الحلو ده
ده الواحدمش عارف يتكلم
بجد بجد وهنا الكلام لازم وحتما وقانونا لازم يكون كلام بجد مش مجامله
والكلمات الرائعه الخطيره دي مش ممكن اي انسان يقراها ومايجيلوش جنان بيها
صراحه ده اللي حصلي وعيالي كانوا نايمين وصحيوا علي صوت ضحكاتي المعجبه والمذبهله بهذا الكلام الرائع
من سياده الرئيس وابوذهده وعمي الغالي د انس وكل من دخل هذه الصفحه
هذاكلام كبير كبير كبير
والدليل علي كده اني مش عارف اتكلم
احسنت كثيرا يافندم
بل احسنتم جميعا وربنا يخليكوا لينا

[محمودسعد]

عمي
انا هجيلك بامرالله ولوفي الصين
لقدامتعتني بكلماتك قوي قوي قوي
ربنا يبارك لك وفيك

[محمودسعد]

سياده الرئيس


http://www10.0zz0.com/thumbs/2008/11/11/04/572450148.jpg


ربنا يخليك لينا
ياراجل يابشوش

[عصمت النمر]

الله يرحمك ياعم بيرم ياتونسى المدد
كان دايما يقول ان مصر دى ولادة وكل شوية تنقحنا شاعر انقح من الشاعر اللى قبله
يارب كتر يارب زيد ...
مدد ياسيدى سيد يا أبو زهده (http://www.youtube.com/user/abuzahdas)
المدد

[abuzahda]

الله يرحمك ياعم بيرم ياتونسى المدد



كان دايما يقول ان مصر دى ولادة وكل شوية تنقحنا شاعر انقح من الشاعر اللى قبله
يارب كتر يارب زيد ...
مدد ياسيدى سيد يا أبو زهده (http://www.youtube.com/user/abuzahdas)
المدد




يـــا عم عصمت النمر
أمدك الله بمدد الصحة و الفـُهُوم
ياسيدي



مرة واحد ، ربي أعطاه موهبة
العسيرة يحلها ، لَوْ عوِيصة و مُتْعِبة
يـِهْدي كل الحيرانين
زي "مالك الحزين"
مات في لحظة من الغبا
.................................................. ..... ...............
من ديوان "مرة واحد" للشاعر سيد أبو زهده (لم يطبع ).
الديوان عبارة عن 127 رباعية(جاهز للطبع) ، تبدأ كلها بجملة:
"مرة واحد"
(إختراع المصريين لقتل الملل)

[رائد عبد السلام]

عمي العزيز سيد أبو زهدة :
http://www.sama3y.net/forum/attachment.php?attachmentid=116027&stc=1&d=1226422401

مــــــــــّرة واحــــــــد من (سماعي )
شفته صُـــــــــدفة وكــــــان فيه داعي
لما قـــــــــــّربت لضـــــياه ..قلت ياه
من حلاوة كلمته ...عضيت صباعي
______________

كأنما عجنت فلسفة بيرم مع خفة ظل جاهين
مع زهد فؤاد حداد وأعطيتنا الخميرة المدهشة لجوهر الشعر المصري الجميل
تسلم لنا ياعم سيد
وتسلم قريحتك
:emrose:

[يحيى زكي]

الله

[abuzahda]

عمي العزيز سيد أبو زهدة :






http://www.sama3y.net/forum/attachment.php?attachmentid=116027&stc=1&d=1226422401

مــــــــــّرة واحــــــــد من (سماعي )
شفته صُـــــــــدفة وكــــــان فيه داعي
لما قـــــــــــّربت لضـــــياه ..قلت ياه
من حلاوة كلمته ...عضيت صباعي
______________

كأنما عجنت فلسفة بيرم مع خفة ظل جاهين
مع زهد فؤاد حداد وأعطيتنا الخميرة المدهشة لجوهر الشعر المصري الجميل
تسلم لنا ياعم سيد
وتسلم قريحتك

:emrose:


ياعمي رائد ، يا سيدي ، يا أستاذي
هو انت تغيب تغيب وبعدين تيجي تضحك عليا
بالحجج دي؟

علشان لما اقولك : شاورلي عالصح يا أستاذ
تقولي: لا ، معلش ! أصل لسة عاضض صباعي؟




مرة واحد كان فصيح
يسلب الألباب ، صحيح
زيّ أجدادنا ، ما قالوا:
الفصيح م البيض يصيح

.................................................. ..............
من ديوان "مرة واحد" للشاعر سيد أبو زهده (لم يطبع ).
الديوان عبارة عن 127 رباعية(جاهز للطبع) ، تبدأ كلها بجملة:
"مرة واحد"
(إختراع المصريين لقتل الملل)

[abuzahda]

الله







الله
عليك انت يا أستاذ
يحيى زكي

لما استقام "الألف" حبت تكون ال "لام"
زيُّه تمَام ، أكدت بعض المعاني بـ "لام"
بَاديَه ف نهايتُه ال"هاء"، له كل خافي بدا
أزلي بلا مُبتدا، أبَدِي ومَالُه خِتَام
.................................................. .................
زي ماقال عمنا الشيخ فى وصف لفظ الجلاله العظيم

من ديوان الشاعر سيد أبو زهدة
"زي ما قالوا"

شرفني يا أستاذ يحيى زكي
هنا (http://www.sama3y.net/forum/showthread.php?)

[abuzahda]

أبو وش خلقة ربنا حلو ومليح




صابح يصبح صبحنا بلسان فصيح
الوش فرحان مبتسم والقلب من جواه جريح
ربك يا صاحبى خالق الكون عا الكمال
دى صنعته دى حكمته الكل فى غاية الجمال
وكل وش من الوشوش مخلوق صحيح
:emrose: :emrose:

أستاذي المـُهاب
الدكتور أنس البن
عندما فاجأني أخي و أستاذي , إبن الأكابر
الأستاذ صلاح جلال الدين علام (سيادة الرئيس)

الذي صغته ارتجالاً - في " الوشوش"
خاصة و أني منذ أن تشرفت بالإنتساب إلى أسرة سماعي ،
كانت مشاركات (د. أنس البن) أكثر ما يسترعيني
لما فيها من رصانة و ثبوت عِلم
و لا أخفي عليك يا دكتور أني حسبتها مجاملة رقيقة منكم لإخي صلاح إذ تكلف من وقته وجهده لرفع "قصيدة" لصديقه

فلما تفضل النبيل عمرو (جرامافون) باقتراح منحي المواطنة. كان لزاماً عليَّ الوفاء بـ "واجباتها" ، سيما و أني كنت قد حصلت على "حقوقها" من قبل (من خلال سيادة الرئيس)

عدت إلى " الوشوش" أراجع ماتفضلتم به ، أنت و الأستاذ ثروت رضوان . فانتابني شعورٌ بذنب التقصير.
رحت أبحث عن مشاركات الأستاذ ثروت رضوان .
فاجأني أنه "شاعر" كأولائك الذين تعلمت منهم حب الشعر

أسرعت أرفع إليه اعتذاري هنا (http://www.sama3y.net/forum/showthread.php?p=248707#post248707)وغاية مناي أن يتفضل بقبوله

ولكم جميعاً مودتي و احترامي

[abuzahda]

-----Original Message-----
From: Facebook [mailto:notification+2bq2s52x@facebookmail.com]
Sent: 28/Dec/2008 12:40 AM
To: Sayed Abuzahda
Subject: Darweesh Al-asuty sent you a message on Facebook...

Darweesh sent you a message.

--------------------
Subject: أخي سيد الشاعر الفنان

يا أخي أنت تقدم بالفعل حالة فنية لا يمكن الفصل ـ فيما استمعت إليه ـ بين الكلمة والصورة والنغمة الموسيقية . في ظل الحالة الفنية الممتعة التي تخلقها، فضلت أن أكتب لك هذه الرسالة بدلا من نشر التعليق بعد استماعي مباشرة بل ونسخت قصيدة الشارع المرشوش بأرتال بالوشوش على جهازي . أنا لست بناقد لكن التحليل الذكي الذي قمت به للوشوش أدهشني تقصِّيك فيه ، ووشوشات حرف الشين تقر في الأذهان حالة التشظي والإختلاط التي نعيشها . أنت تنظر إلى الحالة من الخارج فأنت أكثر قدرة على رؤيتها جيدا أما نحن في غبارها لا نكاد نبصر بل قل لا نكاد نتوقف لنتبين
دمت لأخيك المحب
درويش الأسيويطي
ــــــــــــ
إن شئت نشر هذه الكلمات فلا بأس
--------------------


http://img242.imageshack.us/img242/9895/62800382zu0.jpg

الأستاذ درويش الأسيوطي يتسلم إحدى جوائزه من الأستاذ بهاء طاهر بمدينة الأقصر
(شاعر وكاتب مسرحي * باحث في التراث الشعبي * حاصل على جائزة الدولة التشجيعية في الشعر )

لما شرفني أستاذنا الكبير درويش الأسيوطي بهذه الرسالة على "فيس بوك"، أحببت أن يقرأها أخي صلاح علام الذي أنتج ملفها الصوتي

[وليد عامر]

في وش جاحد هموا علي مصلحتوا
ووش حاقد بيدور علي راحتوا
ووش فاشد مالي الوجود حقده
الوش الحقيقي الحنون
قاعد حزين مهموم مستني يخرج للحياه براحتوا
ساعتها بس هقول بصوت عالي جهور
يا امه مش معقول
صوت الخسيس يعلي
والحر صوته اهو بان
سمعنا في كل مكان اجمل كلام شفته

[abuzahda]

في وش جاحد هموا علي مصلحتوا

ووش حاقد بيدور علي راحتوا
ووش فاشد مالي الوجود حقده
الوش الحقيقي الحنون
قاعد حزين مهموم مستني يخرج للحياه براحتوا
ساعتها بس هقول بصوت عالي جهور
يا امه مش معقول
صوت الخسيس يعلي
والحر صوته اهو بان

سمعنا في كل مكان اجمل كلام شفته


فاكر يا وليد ؟
لمَّا قلتلك:
يازين ما اخترت
في الترحيب بك عضواً في سماعي؟
أدي أول "كرامات" سماعي ....
ظهرت عليك أعراض الشِعر
و اوعدك قبل ما تحصل على "المواطنة" تكون شاعر ما حصلش
بس الحكاية عايزة شوية صبر ومثابرة

[وليد عامر]

اخي العزيز ابو زهده
الف شكر علي هذه المجامله الجميله
ولعل الذي اوحي لي بكتابه تلك الخواطر هي قصيدتك الرائعه
يعني وعلي راي المثل (من عاشر القوم )
لك مني كل التحيه

[mohamedafify]

abuzahda حبيبى قريت الوشوش منتهى الروعة خاجة لوحتنى من جمالها افتح اللة عليك لوتسمح انى احاول اخلى حد من الملحنين يحتها فى توب موسيقى ونسعها مغناة قولى وهى على فكرة تليق على مطرب قوى يعنى اخويا محمودسعد او صديقى الاستاذ عربى الصغير فهو كلام يستحق يتعنى مع تحياتى محمد عفيفى

[abuzahda]

abuzahda حبيبى قريت الوشوش منتهى الروعة خاجة لوحتنى من جمالها افتح اللة عليك لوتسمح انى احاول اخلى حد من الملحنين يحتها فى توب موسيقى ونسعها مغناة قولى وهى على فكرة تليق على مطرب قوى يعنى اخويا محمودسعد او صديقى الاستاذ عربى الصغير فهو كلام يستحق يتعنى مع تحياتى محمد عفيفى




يا عم محمد عفيفي ده انت اللي لاوحني من امبارح
من ساعة مفاجأة " انا بستناك" و انا بستناك !
شكراً يا فنان على تفضلك بالزياة
و أما الوشوش فهي - وانا - تحت أمرك
إسمعها هنا (http://www.sama3y.net/forum/showthread.php?t=55318&page=4) يمكن تغير رأيك
:emrose:
:emrose:
:emrose:
وبعدين ده انت جاي و معاك
عمي الغالي رمز الأدب و الطرب محمود سعد
اللي تشوفه يا أستاذ محمد عفيفي