المساعد الشخصي الرقمي

مشاهدة النسخة كاملة : الغربة


Tarek Elemary
04/04/2009, 22h14
الغربة مش غربة جسد ...... و لا حد سافر من بلد
الغربة بين أهلك عذاب ...... و غربة الأفكار نكد
............
آه من عذابك يابنى لما تكون وحيد
تسمع صدى الصرخة لوحدك ده أكيد
ما يحس بيك إلا اللى زيك فى الهوى
قلبه إنكوى و عذابه بالأيام يزيد
................
صعبة قوى الغربة مابين أهلك وناسك
وانت معزول بأفكارك لوحدك جوه راسك
واللى أصعب من ده كله لما تبقى إنت صح
بس صحك كله بح والألم معصور بكاسك
......................

unicorn
04/04/2009, 22h21
صعبة قوى الغربة مابين أهلك وناسك
وانت معزول بأفكارك لوحدك جوه راسك
واللى أصعب من ده كله لما تبقى إنت صح
بس صحك كله بح والألم معصور بكاسك




كأنك يا عم طارق تتكلم بلسان الكثيرين ,
كأنك تروى حديث رسول الله عليه الصلاة و السلام " طوبى للغرباء " بشعرك
تسلم يا استاذ طارق

Tarek Elemary
04/04/2009, 22h27
العزيز الغالى Uicorn عطرت صفحتى بمرورك
و الله يجبر بخاطرك و جزاك الله عنى كل خير
و يارب أكون دائما عند حسن ظنك

Islam Eidrisha
05/04/2009, 09h12
فعلا يا أستاذ طارق
الغربة ليست سفر وبعد بالجسد
ولكن الغربة غربة فكر
وما أصعب أن يتغرب الإنسان عن أهله وأصحابه وهو بينهم حي يرزق.
وللأسف أصبح الكثير منا مغترب عن المجتمع الذي يعيش فيه
وذلك لإنقلاب القيم والمعايير فصار الطالح صالح وصار الصالح طالح
أصبحنا نرى الفالح اللي بيظهر بوش كالح يتنطط ويتلوى كالأفعى تحت اسم الفن وحين تنكر ذلك تتهم بالتقوقع والتشرذم والرجعية والتخلف
حقا غربة الروح أقسى وأشد من غربة الجسد

Tarek Elemary
05/04/2009, 10h40
الأستاذ/ المحترم إسلام
معك كل الحق و شكرا على مرورك و تشجيعك و تشريفك
و ربنا يديمك لنا و للمنتدى
و تقبل منى أطيب المنى و أرق تحياتى

محمد المراغى
05/04/2009, 11h15
الغربة مش غربة جسد ...... و لا حد سافر من بلد

الغربة بين أهلك عذاب ...... و غربة الأفكار نكد
............



جميل جدا يا استاذ طارق
الله عليك
ياريت تعمل مجموعه من الرباعيات وتعرضها هنا فى المنتدى
احنا فى الانتظار

د أنس البن
05/04/2009, 12h22
صديقنا طارق العمرى
الحقيقه المعنى الذى أشاره إليه صديقنا محمد أبو مندور عن حديث رسول الله صلى الله عليه وسلم "...... طوبى للغرباء" وهم الذين سيشهدون المرحلة التى يعود فيها الإسلام غريبا" .. فتح لى كلامه معنى آخر للغربه , فالغربه من الإغتراب وقد تكون أيضا من الغرابه والشئ الغريب هو الشئ المدهش العجيب الذى لاشئ مثله
فالإسلام بدأ غريبا وسيعود غريبا أى بدأ عجيبا مدهشا فريدا وسيعود كذلك , فالغربه يمكن أن تضفى على صاحبها معنى الغرابه أى التفرد , وهذا فعلا حال الغريب أو من يشعر بالغربة وهو بين ناسه وأهله .. إنسان متفرد عجيب مدهش , قل ماشئت عنه , وهو فى الحقيقة كذلك
أحييك على أفكارك ومشاعرك

Tarek Elemary
05/04/2009, 13h44
المحترم د. أنس
و الله أثابكم الله على حسن رعايتكم و شمولنا بعطفكم.
و لكن الجزء الكبير من التحية للجميل الزميل أبو مندور الذى ربط بين الحديث ما كتبت
و فعلا معكم كل الحق سيدى فقد كنت دوما أسمع عن فن تحويل المعاناة الخسارة لمكسب فما أبلغ ما أشرت إليه تعبيرا عن هذا
الوحدة تفرد ..... و الغربة هجرة النفيث للغث
هذا بعد جديد
و تقبل منى أطيب المنى و أرق تحياتى

Tarek Elemary
09/04/2009, 17h54
الغربة مش غربة جَسَدْ ...... و لا حدسافر من بَلَدْ
الغربة بين أهلك عذاب ...... و غربة الأفكارنَكَدْ
............
آه من عذابك يابنى لما تكون وحيدْ
تسمع صدى الصرخة لوحدك دهأكيدْ
ما يحس بيكإلا اللى زيك فى الهوى
قلبه إنكوى و عذابه بالأيام يزيدْ
................
صعبة قوى الغربة مابين أهلكوناسَكْ
وانت معزولبأفكارك لوحدك جوه راسَكْ
واللى أصعب من ده كله لما تبقى إنت صحْ
بس صحك كله بح والألم مَعْصُوربكاسَكْ
......................



الآخرين سِجْنَكْ و فِكرَكْ إنت سجَّانَكْ


طعم الكلام إخْتَلَفْ مَعْقُود على لسَانَكْ


يا خسارة مين يفهمك وانت الغريب بينهم


مستغرباك عينهم مع إنهم فى الأصل خِلَّانَكْ


......................


قال المثل م الأزَلْ للِّى يفوت دَارُهْ


مهما الحِلِيوَه عَمَلْ يِتْقَّلْ مِقْدَارُهْ


و أنا دارى لم فُتَّهَا و الأهْلْ حَوَّالَيَّا


و بيتى مفتُوحْلُهُمْ ما حَدْ يُومْ زارُهْ


......................

Tarek Elemary
11/04/2009, 18h45
بعد الصِوَانْ ما انْشَالْ ... وِالِّلى عِرِفْ عَزَّى

و اتْغَنَّى كَامْ موَّال ... هزُّوا الكَيَانْ هَزَّةْ

ماتِيجُوا نِسْأَلْ سُؤَاَلْ ... عَ الِّلى جَرَى فْ غَزَّةْ
-------
هِوَّه احْنا إِخْوَةْ بصَحِيحْ؟ ... وِاِلِّلى مَا بينَّا عَهْدْ؟
نِنْزِفْ لِجَرْحْ الجَرِيِحْ ... وِنِغِيتُه سَاعْةْ اِلْجَدْ؟
ولَّا اَلِّلسَانِ الفَصِيِح ... مَاتْ و انْدَفَنْ و اتْمَدْ؟
أوْ هىَّ بَقَى بِالصَرِيِحْ... مَا حَدْ يِنْفَعْ حَدْ؟
-------
يا حلم كل العرب ... هُوَه انْتَ رَايِحْ فَيْنْ؟

جَبَل الكرامة انضَرَبْ ... و الفُرجَة بالملايين
شوارعنا قَادِتْ غَضَبْ ... بَسْ الجُنُود نَايمِينْ!!
-------
حناجِرْنَا صَرَخِتْ فِدَا ... بَسْ السَوَاعِدْ هُسْ
يا فَرْحْ كُلْ العِدَا ... اللَّبْدَانِينْ فِى الخُصْ
حكامْنَا مِنْ دَا لِدَا ... باعُوا الوَطَنْ بالرُخْصْ
-------
يا شعب من غير قضية ... يبقى الأمل أوهامْ
يا شَعْبْ فَكَّرْ شِوَيَّة ... وانْظُرْ بَقَى لِقُدَّامْ
المُعْضِلَةْ هىَّ هيَّهْ ... مِنْ طَنْجَة لَمَّا الشَّامْ
يا رَبْ نَجِّى الرَعِّية ... مِنْ طُغْمِةْ اِلحُكَّامْ


=====================================


الموضوع لسة فيه كلام و تعديل و ربنا يبعت

ريما
11/04/2009, 19h00
[QUOTE=Tarek Elemary;302107]الغربة مش غربة جسد ...... و لا حد سافر من بلد

الغربة بين أهلك عذاب ...... و غربة الأفكار نكد
............
آه من عذابك يابنى لما تكون وحيد
تسمع صدى الصرخة لوحدك ده أكيد
ما يحس بيك إلا اللى زيك فى الهوى
قلبه إنكوى و عذابه بالأيام يزيد
................
صعبة قوى الغربة مابين أهلك وناسك
وانت معزول بأفكارك لوحدك جوه راسك
واللى أصعب من ده كله لما تبقى إنت صح
بس صحك كله بح والألم معصور بكاسك
......................

وفيه غربه النفس ودى متهايالى اصعب واصعب
بس اقول لحضرتك حاجه حاسة انك تقريبا
خرجت معظم الكلام اللى محبوس جوه ناس كتير
الايام دى بجد تسلم ايدك ودماغك

Tarek Elemary
20/04/2009, 20h59
عقلى وروحى و عواطفى للبلد عشاق
و ان نمت ساعة باقوم من نومى بالأشواق
ميمٌ و صادٌ و راءٌ مش حروف و هجاء
دا نيل و شعب و تاريخ من دشنا لمَّا بولاق

عفاف سليمان
20/04/2009, 21h28
صعبة قوى الغربة مابين أهلكوناسَكْ
وانت معزولبأفكارك لوحدك جوه راسَكْ
واللى أصعب من ده كله لما تبقى إنت صحْ
بس صحك كله بح والألم مَعْصُوربكاسَكْ
استاذ طارق
بعد مساء الخير
مش هقول اكتر من اللى انت قلته
بس بجد اصعب شىء ان الانسان يعيش الغربه بين اهله وبين ناسه
ودى حاجه بقينا نلمسها فى زمننا هذا
زمن غريب
وصدقنى مهما حاولت ان اقول مش هقول اكتر من اللى انت قلته
وعلشان مفقدش لكلامك جماله هكتفى باللى انت قايله
تحياتى لك وللجميع
اختكم عفاف;);)

Tarek Elemary
20/04/2009, 21h59
صعبة قوى الغربة مابين أهلك وناسَكْ

وانت معزول بأفكارك لوحدك جوه راسَكْ
واللى أصعب من ده كله لما تبقى إنت صحْ
بس صحك كله بح والألم مَعْصُوربكاسَكْ
استاذ طارق
بعد مساء الخير
مش هقول اكتر من اللى انت قلته
بس بجد اصعب شىء ان الانسان يعيش الغربه بين اهله وبين ناسه
ودى حاجه بقينا نلتمسها فى زمننا هذا
زمن غريب
وصدقنى مهما حاولت ان اقول مش هقول اكتر من اللى انت قلته
وعلشان مفقدش لكلامك جماله هكتفى باللى انت قايله
تحياتى لك وللجميع

اختكم عفاف;);)

أيتها السيدة مرهفة الحس ..... شكرا لذوقك و جمال نفسك التى تفيض من مداخلاتك و ربنا يسعد أيامك
فقط أردت تصحيح نلتمسها و أكيد حضرتك تقصدين نلمسها (أى نجدها، نلاحظها، نقابلها) أما نلتمسها أى نقدم إلتماساً لنطلبها ومنها نلتمس له العذر أى نبحث له عن عذر و نوجده
و تقبلى خالص تحياتى

عفاف سليمان
20/04/2009, 22h11
استاذ طارق
تم تصحيح الخطأ
وارجوا ان تزيدنا مما فى خاطرك
من مشاعر ووجدان وصور جميله لكل معانى الحياه
من امل وعزاء وسعاده ووفاء
لك خالص تحياتى
اختكم عفاف;)

Tarek Elemary
07/05/2009, 22h26
مش عارف ليه شايفك أم حنينة جدا
و ست طيبة و جدعة قوى
أنا حاسك كل اللى بيتعامل معاكى بيحس إنك أخته
ربنا يباركلك فى فلذات أكبادك يا رب

علاء قدرى
09/05/2009, 00h16
(صديقى) الشاعرالمبدع ا/ طارق

الغربة ......حيث يتواجد الاخر
تقبل مرورى بسلام

رائد عبد السلام
09/05/2009, 11h31
(صديقى) الشاعرالمبدع ا/ طارق

الغربة ......حيث يتواجد الاخر

تقبل مرورى بسلام


أخي الشاعر المميز

طارق العمري

تسلم إيدك....ياشاعر
وربنا يجعل أُنسنا يوم لقاءه
حتي لو اغتربنا قبل ذلك ..

*********

أخي علاء قدري
شدتني مداخلتك ...!!
وكنت أود أن أفهم ,,

هل ما زالت الوجودية تعيش إلي الآن ..؟


كيف تصبح الغربة ....في وجود الآخر ؟

فهّمني ياأستاذ ..

علاء قدرى
09/05/2009, 16h16
سيدى رائد الشعر الرقيق /الشاعر رائد عبد السلام
بداية انا لا اكتب الشعر؛و لا القصة ؛و لكنى ابحث عن الكلمات الطيبة اينما و جدت ؛و هذا هو سبب انتمائى لهذا المنتدى الرائع؛الذى جعلنى مرابطا حيث انتم و جميع المبدعين امثالكم
ولكن اليس معنى و جودى معكم انتم معشر الشعراءانى اصبحت منكم اتكلم لسانكم وافهم مقصاصدكم كطالب علم ؛وحين اخطئ اجد من يصوب لى
هذا معناة انى اصبحت كجزء منكم؛ و انتم جزء من؛اذا لا يوجد بيننا هذا الاخر بمعناة الفلسفى و الادبى لا اللفظى ( وانتم روادنا فى هذا الشئ فما تكتبونة يظل خافيا الا ان يتلقاه من يحب الشعرو يفهم ما تقصدونه من ابيات لا يفهمها الاخر الذى لا يتذوق الشعر؛ و هذا هو الحال فى جميع الفنون ؛ فاذا لم اجد من يفهم كلماتى او ارائى و موقفى فهذا هو الجحيم بعينه ؛و لا غرابة فىذلك ؛و الرسام الذى يبدع عملا و لا يفهمه احد اليس هذا جحيما

امثلة اسوقها لكسف ما اقصد

الامه العربية الصهاينه

البرئ الجلاد

المثالى البوهيمى


المتدين الملحد

المتعلم الجاهل (الذى يرفض فكرة الاستماع)

المظلوم الظالم


اليست هذة التركيبة المتناقضة موجودة فى كل مجتمع
اذا الاخر هنا هو الجحيم ؛ ولا بد للاغتراب من وجود

اما عن سؤال سيادتكم عن بقاء الوجودية الى الان ؛فوجهة نظرى المتواضعة ان الوجودية الحقيقية سبب ابداع كل شئ
واخيرا سعادتى لا توصف حين لاقت كلماتى اهتمام شاعر احب شعره؛ ووجهة نظرة العميقة للامور
تقبل من تلميذك فى المنتدى خالص ايات الاحترام

Tarek Elemary
09/05/2009, 16h43
جميلٌ رشيقٌ هذا الحوار
أنا و الصحابة فى الإنتظار
تباروا نقاشاً فما أعذبكما
يقينا سنجنى شهىَّ الثمار

الحازم
09/05/2009, 18h45
الأستاذ طارق والأحباء الكرام
يقال : القرب حجاب
أنا برأيي الغربة هي غربة القلب حتى ولو كان الجسد قريباً ....
وكما قال عمر بن الفارض في جزء من بيت شعري لا يحضرني كله الآن :
*** لم أدر ما غربة الأوطان وهو معي ***
كل التحية لمن شارك بهذه الفكرة من هذا الموضوع ...
سلامي للجميع ...

Tarek Elemary
09/05/2009, 20h24
http://www.sama3y.net/forum/images/icons/icon14.gif

أقدسُ هذا القلب
الذي بين ضلوعك ياطارق

:emrose:


ماذا تركت لى ... أتعبتنى فى الرد عليك
-----------------
يا سيدى يا بلبلاً فوق الربى صدَّاح
يا نورَ فجرٍ بعد طول الليلِ لاح
أشرقت شمساً فى شتاءِ قصيدتى
يا ساحرَ الكَلِمِ المكنَّى بالصلاح
---------------
المكنَّى : الملقب طبعا انت سيد العارفين بس الإيضاح من أجل القراء المبتدئين مثلى

Tarek Elemary
09/05/2009, 20h30
السلام عليك أيها الحازم الجميل
صدقت سيدى و هذا ما قلت عنه
الغربة مش غربة جسد ولا حد سافر من بلد
الغربة بين أهلك عذاب و غربة الأفكار نكد
و أيضا
صعبة قوى الغربة مابين أهلك وناسك
وانت معزول بأفكارك لوحدك جوه راسك

الحازم
09/05/2009, 21h35
نعم يا أستاذنا الكبير
إذاً اتفقنا بالفكرة هذه
وإليك الأبيات عن الغربة كاملة بقلم شاعر الحب والوله عمر بن الفارض :

لم أدر ما غربة الأوطان وهو معي
وخاطري أين كنا غير منزعج

فالدار داري وحبي حاضر ومتى
بدا فمنعرج الجرعاء منعرج

Tarek Elemary
09/05/2009, 21h43
صدقت و صدق شاعرك و سلمت يداك و دمت لى غصن ريحان يفوح

سعدالشرقاوى
10/05/2009, 08h58
حطيط اديك ع الالم تسلم لى ياعـــمرى
ونبشت مر اختفى فى القلب من صغرى
دا كل واحد مع نفــــسه عايش وخلاص
ياخسارة الناس لو ما قراتش للعـــمرى
اكتب اكتر 00
اكتب باحساسك العميق
اكتب بحسك المرهف
علنا نفيق من كابوس الغربه00
التى ملات علينا كل شئ
وفقكم الله واكثر من امثالكم
اخوك/سعدالشرقاوى

سعدالشرقاوى
10/05/2009, 09h07
حطيط اديك ع الالم تسلم لى ياعـــمرى
ونبشت مر اختفى فى القلب من صغرى
دا كل واحد مع نفــــسه عايش وخلاص
ياخسارة الناس لو ما قراتش للعـــمرى
اكتب اكتر00
اكتب عن كوابيس الغربه000
اكتب علنا نفيق
والله كانك تعيس الاحاسيس
اسال الله لك دوام التوفيق

سعدالشرقاوى
10/05/2009, 09h14
حطيط اديك ع الالم تسلم لى ياعـــمرى
ونبشت مر اختفى فى القلب من صغرى
دا كل واحد مع نفــــسه عايش وخلاص
ياخسارة الناس لو ما قراتش للعـــمرى

سعدالشرقاوى
10/05/2009, 09h35
حطيط اديك ع الالم تسلم لى ياعـــمرى
ونبشت مر اختفى فى القلب من صغرى
دا كل واحد مع نفــــسه عايش وخلاص
ياخسارة الناس لو ما قراتش للعـــمرى
الغربه مش غربة بلد000
اكتب اكتر
المس الجراح
اكتب عن كوابيس اليقظه
الله يوفقك يا استاذ طارق

سعدالشرقاوى
10/05/2009, 11h03
آنست لى غربتى وانا وحدى من صغرى
شارد مع وحــدتى ومتخبى طول عمرى
وكل واحد مع نفسه عايش كده وخلاص
ياخسرة الناس لو ما قراتش للــــــعمرى
,,,,,,,,,,
اكتب اكثر00
اكتب لمس المشاعر000
انبش فى عمق القلوب000
اكتب عن كوابيس اليقظه00
الله ينور يا استاذ/طارق

Tarek Elemary
10/05/2009, 11h20
يا عم سعد دا يوم السعد تشريفك
يروح الهَمّْ مهما يكون بتلطيفك
و واحد عنده من زوقك و من ظرفك
تشاور بس تلقى الصحبة على كيفك

Tarek Elemary
28/05/2009, 14h13
جميل جدا يا استاذ طارق
الله عليك
ياريت تعمل مجموعه من الرباعيات وتعرضها هنا فى المنتدى
احنا فى الانتظار

إحنا عاوزين نشوف شغلك إنت يا مراغى
و ربنا يكرمن و يكرمك يا رب بصالح الأعمال

علاء طه ياسين
28/05/2009, 14h52
عمي طارق ..
الصعايدة اللي زي حالاتي هم أكتر ناس بيتغربوا .. الحياة في الصعيد قاسية وصعبة شوية .. والحل إنهم يسافروا للبلاد العربية .. وبيصاحبهم في الغربة كميات كبيرة جدا من الحنين والمواويل اللي هي جزء من تكوينهم النفسي .. وف ليلة من ليالي سمر خارج حدود مصر كتير تسمع الموال الحزين ده ..
مالك يا طير بتنوّح .. وفكرتني ع الحبايب
ياتري ياطير هنروح .. ولا هنفضل غرايب (غرباء)
ولا الموال ده ..
البين (الفراق) جاب حنضل وقاللي كل
كل يا متعوس وفرق ع الغلابة الكل
من بعد ماكنت في لمة وزاين الكل
صبحت غلبان ومسكين ومستحمل كلام الكل
والغربة زي ما شعرك الحلو قال .. مش شرط تكون بعيد عن البلاد .. الغربة ممكن تكون وانت وسط أهلك وناسك وأصحابك .. ربنا يكفينا ويكفيك شر الغربة بره وجوه .. قول آمين ..
علاء

Tarek Elemary
28/05/2009, 16h17
آمين

Tarek Elemary
01/06/2009, 09h45
نعم سيدى ..... هذا ما لا يُحتَمَل
المثل الدارج يقول
((الدار دار أبونا و الغُرْب (الأغراب) بِيُكْرُشونا))
هذا هو المشهد العربى الذى يذكرنى بقول مظفر النواب
فالوطن المتدُ
من البحرِ إلى البحرِ
سجونٌ متلاصقةٌ
سجَّانٌ يُمسِك سجَّان

Tarek Elemary
01/06/2009, 13h52
الناس تكون بالناس
و رقة الإحساس
و الجنة ضِلْ و خِلْ
تحت القمر ونَّاس

Tarek Elemary
01/06/2009, 14h08
لو كان قليبى سكن
هايساعى كل الكون
شايل هموم الوطن
غير الهوى المكنون
و الذكريات و الشجن
و حلم ليل مسجون
بين الضلوع إندفن
يمكن يكون مجنون

Tarek Elemary
01/06/2009, 21h59
يا فاتحين الأمل شباك
على بكرة اللى جيَّ هناك
و بكره فوق جناح شوقه
يقول للفجر فين مرساك

وخيط الشمس بيه نغزِل
ستاير دفء ع المنزِل
و منزلنا حيطانه طموح
و آه لما الطموح يرحل

لا يبقى بيت و لا ستاير
و لا شاطئ لموج حاير
و نبقى فى الطريق مساكين
نلف العمر فى دواير

Tarek Elemary
01/06/2009, 22h25
و آه م البنت لما تميل
و يضحك فى عيونها الليل
و تسهر تحكى للنجمات
حكاية فارس المواويل

آه م البنت لمَّا تحِنّْ
تغنى كيف حمام البِنّْ
و بسمتها تكون أحلام
و صوتها بكل فرحة يرِّنْ

و آه م البنت لما تدوب
و تعشقها عيون و قلوب
و تفرد روحها شمسبة
تخاف من نسمة ع المحبوب


و آه م البنت لما تغير
و تصبح سجن قاسى كبير
و لا تقدر فى يوم تصفح
ولا تعرف حبيب و عشير

Tarek Elemary
02/06/2009, 09h19
يا ناس يا خلق يا إنسان
شربنا من الألم ألوان
تعالوا نداوى أحزانَّا
نقابل بعض بالأحضان

نحب الخير لكل الناس
و يبقى الليل قمر ونَّاس
و نبقى فى القلوب جِيرة
و عِشْرَة و المَوَدَّة أساس

بالأمثال و بالأديان و بالخبرة
و لا يقدر على الأيام و ع القدرة
إلا خالق الإنسان و رب الكون
و لا نضمن نفس يطلع
و لا نضمن نعيش بكرة

عفاف سليمان
03/06/2009, 02h00
استاذى الجميل
طارق
و لا نضمن نفس يطلع
و لا نضمن نعيش بكرة
عندك حق فى هذه الكلمات
لا نضمن نفس يطلع
ولا نضمن نعيش بكره
استاذنا وشاعرنا:emrose:
لذلك انا لا احب ان احمل فى نفسى اى سوء او ضغينه لاحد
لاننى لا اضمن اعيش بعد لحظات
ولا اضمن ان اعيش لغدٍ:rolleyes:
فلو قدر لى الموت واحدا ما اكون قد ضايقته
فاكيد سوف يقول احسن انها راحت
او ربما يقول يلا لا تجوز عليها الا الرحمه
والحياه لا تستاهل ان نعيشها بضغينه
او حزن فنحن لا نعيشها الا مره واحده
وليس لنا رصيد فيها غير العمل الطيب
والخير والمحبه لكل البشر
حتى لو اساؤا لنا بعض البشر
فنحن لا نعامل الناس بمعاملاتهم
حتى لا نكون مثلهم
بل نعاملهم بمعاملاتنا
واحساسنا:)
وربنا يديك ويدينا طولة العمر فى الخير
اللهم امين
تحياتى لاحساسك الجميل
وللجميع
اختكم عفاف:cool:

Tarek Elemary
03/06/2009, 07h37
استاذى الجميل

طارق
و لا نضمن نفس يطلع
و لا نضمن نعيش بكرة
عندك حق فى هذه الكلمات
لا نضمن نفس يطلع
ولا نضمن نعيش بكره
استاذنا وشاعرنا:emrose:
لذلك انا لا احب ان احمل فى نفسى اى سوء او ضغينه لاحد
لاننى لا اضمن اعيش بعد لحظات
ولا اضمن ان اعيش لغدٍ:rolleyes:
فلو قدر لى الموت واحدا ما اكون قد ضايقته
فاكيد سوف يقول احسن انها راحت
او ربما يقول يلا لا تجوز عليها الا الرحمه
والحياه لا تستاهل ان نعيشها بضغينه
او حزن فنحن لا نعيشها الا مره واحده
وليس لنا رصيد فيها غير العمل الطيب
والخير والمحبه لكل البشر
حتى لو اساؤا لنا بعض البشر
فنحن لا نعامل الناس بمعاملاتهم
حتى لا نكون مثلهم
بل نعاملهم بمعاملاتنا
واحساسنا:)
وربنا يديك ويدينا طولة العمر فى الخير
اللهم امين
تحياتى لاحساسك الجميل
وللجميع

اختكم عفاف:cool:

أنت كائن لا يستطيع إغضاب أحد و اللى يزعل منك يبقى العيب منه