دعوه سهره مع فايزة احمد ومحرم فؤاد [الأرشيف] - منتدى سماعي للطرب العربي الأصيل

مشاهدة النسخة كاملة : دعوه سهره مع فايزة احمد ومحرم فؤاد

عفاف سليمان

02/04/2009, 09h06

صباح الخير على اهل ومواطنى سماعى
فكرت مرارا وتكرارا اى من الاغنيات
اختارها.....واى مطرب او مطربه
واى اغنيات لهذا المطرب.....او هذه المطربه اختار لهم
لكن بما أننى من عشاق فايزة احمد
وطبعا باقى الفن والطرب الاصيل
بس حبيت أن ابدأ بها اولا
وحبيت ان تستمتعوا معى لبعض الاغنيات التى احبها بشده لها
وكان المفروض انى مأضعش أغانى اخرى لمطرب اخر
لكن
حبيت اهدى اليكم اغنيتين لمحرم فؤاد
ولو أن اغنيتان لا تكفى
بس حبيت اعفى استاذنا الالاتى من تحليل الاغنيات كلها التى سوف اضعها
وان كان وقته يسمح لتحليل احدى الاغنيات فيبقى له كل الشكر والتقدير واى من يساهم فله كل التقدير
اليكم اولا اغنيات فايزه احمد

فين حبيبي الاقيه (http://www.sama3y.net/forum/attachment.php?attachmentid=36954&d=1181144599)
قاعد معاي (http://www.sama3y.net/forum/attachment.php?attachmentid=66655&d=1196262999)
شغلوني عيونك (http://www.sama3y.net/forum/attachment.php?attachmentid=10957&d=1150459702)

يامه ياهوايا (http://www.sama3y.net/forum/attachment.php?attachmentid=30839&d=1177894960)

***

واليكم اغنيتان لمحرم فؤاد

ميتا أشوفك (http://www.sama3y.net/forum/attachment.php?attachmentid=37126&d=1181247830)
أنا عايز صبية (http://www.sama3y.net/forum/attachment.php?attachmentid=10864&d=1150328489)

اتمنى ان تنال اعجابكم
اختكم عفاف :);)

فؤاد

02/04/2009, 09h11

أغاني في منتهي الروعه وصدق الكلمات
يسلم الأختيار وتسلم صاحبة الأختيار
(( ياسمينة المنتدي ))
عفاف
وأحب أنا أضيف أغنيه لمحرم فؤاد ((( تعب القلوب )))
مع أن الأغاني كتار أوي علي الأستاذ الآلآتي ;)
يلا ممكن يختار منهم أغنيه واحده علي الأقل :)

عفاف سليمان

02/04/2009, 09h48

صباح الخير يا استاذ فؤاد
كنت هزعل لو مكنتش انت اول واحد يجى لانك
من رابطة محبى فايزه احمد
يارب تستمتعوا بهذه الاغنيات
معلش يا استاذنا الالاتى
انا بحل حضرتك من تحليل كل هذه الاغنيات
علشان الوقت والمجهود
بس يكفى ان حضرتك تحلل واحده فقط
ولك وللجميع كل الاحترام والتقدير
واستمتاع لوقت جميل
مع فايزه ومحرم
اختكم عفاف:):)

عفاف سليمان

02/04/2009, 23h10

مساء الخير
فين حبيبى
يا القصر ده ما اسكنه.....كان حبيبى فيه
يا الفل ده ما اقطفه.....بياض جبينه فيه
يا البحر ده ما اشربه.....سافر حبيبى فيه
ياما اعمليلى منديل حرير.....منديل حرير امسح دموعى بيه
دا الكون كله حبيبى حبيبى.....وفين حبيبى الاقيه الاقيه
وفين فين حبيبى .....الاقيه الاقيه فين
فى همس الشجر... بلاقى حبيبى حبيبى
وضى القمر...بشوفه حبيبى
ولمس النسيم بفتكره....افتكره حبيبى
فى ليل المطر بتصور....اتصور حبيبى
بشوفه حقيقه واشوفه سراب
وقنديل مضوى على كل باب
ياما اعمليلى منديل حرير
منديل حرير امسح دموعى بيه
دا الكون كله حبيبى حبيبى
وفين فين حبيبى الاقيه الاقيه
فى غناوى الاغراب ....انا بسمع حبيبى حبيبى
فى خطاوى الاصحاب.....بيقرب حبيبى حبيبى
فى طريق اللقى بستنى.....بستنى حبيبى
فى ورد الاحباب بتنسم.....بتنسم حبيبى
بشوفه حقيقه واشوفه سراب
وقنديل مضوى على كل باب
ياما اعمليلى منديل حرير
منديل حرير امسح دموعى بيه
دا الكون كله حببيبى حبيبى
وفين حبيبى حبيبى الاقيه الاقيه
وفين فين فين حبيى الاقيه فين

لما ابعت مرسال ....ابعته لحبيبى حبيبى
لما اقول موال.....اقوله لحبيبى اقوله لحبيبى
سؤالى سؤال يجاوبنى حبيبى
انسى كل حالى حال
وافتكر حبيبى حبيبى
افتكر حبيبى
بشوفه حقيقه واشوفه سراب
وقنديل مضوى على كل باب
ياما اعمليلى منديل حرير......منديل حرير
امسح دموعى بيه
دا الكون كله حبيبى حبيبى
وفين حبيبى الاقيه الاقيه
فين فين حبيبى الاقيه فين
اتمنى ان كلمات هذه الاغنيه تعجبكم
فانا اعشقها واعشق كل ما تشدوا به فايزه احمد
وسهره سعيده
اختكم عفاف:):)

الألآتى

02/04/2009, 23h54

الأخت العزيزة عفاف سليمان ..

كل إختياراتك جميلة .. وأحتار فى إختيار إحداها ..

بصراحة .. لقد فكرت فى تحليل أغنية ( شغلونى عيونك ) لفايزة أحمد .. ولكنى كنت قد سمعت تحليلاً لها من أستاذى عمار الشريعى .. وهى من كلمات الشاعر ( مصطفى عبد الرحمن ) وألحان الموسيقار ( منير مراد ) ..

ولا أستطيع أن أحلل بعد أستاذى الشريعى ..

لذا فكرت فى إختيار أغنية .. يامه ياهوايا ..

وهى من كلمات : عبد الرحمن الأبنودى

ولكنى وجدت صعوبة شديدة فى معرفة ملحنها .. فمن يعرف الملحن .. أرجو أن يتفضل علينا بذكره ..

المهم ..

بسم الله نبدأ فى تحليل أغنية ( يامه ياهوايا )

الأغنية من مقام الراست .. ولكن الملحن يبدأ بمقام النهاوند فى المقدمة الموسيقية ..

حيث تعزف الوتريات ( أدليب ) بدون إيقاع .. ثم يدخل الأكورديون وبعده الساكس من مقام الراست ..

وتغنى فايزة ( يامه ياهوايا ) من الراست ..

المذهب كله من الراست .. مع إيقاع المقسوم ..

ثم يدخل الكورس ليغنى نفس المذهب ..

وتغنى فايزة مباشراً دون تمهيد من الموسيقى .. ( ماشية وسط الغيطان ) .. راست أيضاً ..

ولكنه تنتقل للهزام عند ( خايفة ياهلترى .. ولا متحيره ) .. وتعود للراست لتنهى الكوبليه ..

نفس أداء الكورس .. ثم نسمع لازمة موسيقية .. من مقام الهزام .. الذى هو من عائلة السيكا ..

خدوا بالكوا ياجماعة .. من الجمل الموسيقية التى يبدعها الملحن .. إنه يتلاعب بالمقامات .. فيستخدم الراست والكرد .. وفى النهاية يستقر على الهزام ..

تغنى فايزة ( ماشية وسط الغيطان .. والقمر ويايا ماشى ) من الهزام .. وتستمر عليه حتى تعود للراست عند ( الهوا بعتر ضفايرى ) ..

ونفس الأداء للكورس .. ولازمة موسيقية جديدة .. من مقام البياتى .. واضح أن الملحن مُصّر على إستعمال المقامات الشرقية ( راست , هزام , بياتى ) ..

إسمعوا عازف الإيقاع ( الطبلة ) .. بيتشقلب .. بيعمل أكروبات .. يستخدم طريقة ( الظفر ) كثيراً .. وبإقتدار .. لم نسمع مازورتان إيقاعيتان متشابهتان .. كل مازورة .. فيها جديد ..

المهم .. تغنى فايزة ( ماشية وعاقده الضفاير .. خالية البال والضماير ) .. من البياتى ..

وتنتقل للهزام مرة أخرى عند ( اجرى أجرى ولم حصلته .. ولا كلمنى ولا أنا سألته ) .. ومنه للراست عند نفس المقطع

( ده الهوا بعتر ضفايرى ) .. لتنهى الكوبليه والأغنية ..

سنلاحظ أن الإيقاع واحد طوال الأغنية .. ليس هناك توزيع أو جمل موسيقية خلفية .. الفرقة كلها تعزف مع فايزة أثناء الغناء ..

أرجو أن أكون وُفقت فى هذا التحليل المتواضع ..

ملحوظة : سأحاول بقدر مايساعدنى وقتى أن أحلل أغنية أخرى من القائمة .. ربنا يسهل ..

الألآتى

03/04/2009, 00h46

الأخت عفاف ..

بعدما قمت بتحليل ( يامه ياهوايا ) ..

قرأت مشاركتك التى تعلنى فيها أنك تحبين أغنية ( فين حبيبى ) .. فقررت أن أحللها لكِ .. وعشانا عليك يارب ..

بسم الله نبدأ فى تحليل أغنية ( فين حبيبى )

كلمات : عبد الرحيم منصور

ألحان : محمد سلطان

غناء : فايزة أحمد

إختار عمنا سلطان مقام البياتى ليصوغ منه لحنه .. وهو مقام شرقى جميل .. ويعبر أصدق تعبير عن الطرب ..

مقدمة موسيقية تبدأ بأدليب .. يتحاور فيه الأورج مع الوتريات .. ثم نسمع الساكس فى عزف منفرد جميل ..

ثم يدخل الإيقاع .. وهو إيقاع المقسوم .. ونسمع جملة جميلة من الوتريات .. ثم صولو من الأورج .. وترد عليه الوتريات ..

كل هذا من البياتى ..

وتبدأ فايزة بالأهات .. وكأنها تمهد لنفسها للإمساك بتلابيب المقام .. حلوة تلابيب دى .. تغنى الأهات بدون إيقاع ( فالت ) ..

ثم تبدأ مع دخول الإيقاع .. وتغنى ( يالقصر ده ما اسكنه .. كان حبيبى فيه ) .. مع إيقاع ( الواحدة الكبيرة ) ..

المذهب كله من البياتى .. ولا حرف واحد خارج البياتى .. ولكن إختلاف الجمل اللحنية بديع وفيه تفكير وخطة من الملحن ..

نسمع نفس اللازمة الموسيقية التى سمعناها فى المقدمة ..

تغنى فايزة ( بهمس الشجر .. بلاقى حبيبى ) .. من البياتى أيضاً .. وتستمر مع نفس المقام .. أللهم من بعض اللمسات خارج المقام .. كأن يستعمل درجة الربع تون بدلاً من النصف تون .. وهذه التصرفات يلجأ إليها الملحنون .. بغرض التلوين فى الجمل اللحنية دون الإنتقال من مقام لمقام ..

المهم ..

لازمة جديدة .. من البياتى برضه .. يظهر إن الملحن عمل عقد إتفاق بينه وبين البياتى .. ولم يستطع تركه .. لأن هناك شرط جزائى فى العقد ..

تغنى فايزة ( فى غناوى الأغراب .. أنا بسمع حبيبى ) .. من البياتى ..

وإنتقالة صغيرة صغيرة للراست عند ( فى طريق اللقى بستنى ) .. ولكنها تعود للبياتى بسرعه ( أحسن تبرد ) .. لنهاية الكوبليه ..

نعود لللازمة الأولى .. التى تبدأ بالأورج .. من البياتى طبعاً .. ولكن يظهر إن الملحن سمع كلامنا عن تمسكه بالبياتى .. فعمد إلى تسليمة من الراست .. ياساتر .. أخيراً .. وجدنا مقاماً أخر لنتحدث عنه ..

تغنى فايزة ( لما أبعت مرسال .. أبعته لحبيبى ) من الراست .. حلو قوى ..

خدوا بالكم بقى .. بتقول ( لما أبعت مرسال .. أبعته لحبيبى ) من الراست .. وتقول ( لما أقول موال .. أقوله لحبيبى ) راست أيضاً .. ولكنها عندما تعيد ( أقوله لحبيبى ) تنتقل للحجاز .. وترتكز عليه .. أو على الأصح ( جنس الجذع للحجاز ) ..

وبسرعة تنتقل للراست ومنه للبياتى لتنهى الكوبليه على البياتى كما بدأته .. وتنتهى الأغنية ..

أرجو أن أكون وُفقت فى هذا التحليل المتواضع ..

مبسوطة ياست عفاف .. حللت لك أغنيتين مش أغنية واحدة ..

ابو الطل

03/04/2009, 13h23

صباح الخير يا استاذ فؤاد

كنت هزعل لو مكنتش انت اول واحد يجى لانك
من رابطة محبى فايزه احمد

يعني بس الإستاذ بسلامتو إللي ينزعل منو
هوا بس إللي في الرابطة يعني ؟؟؟:mad:
ع كل حال إللي الله أنا ;)
ويسلم زوقك أخت عفاف
اختيارك للأغاني جميل و راق جدا ً
خاصة أغنية فين حبيبي إللي بحبها جداً جداً
شكرا لك على هذا الإختيار
إللي خلى الأستاذ الألاتي يحلل أغنيتين من أغاني حبيبة قلبي فايزة
تقبلي مروري واحترامي لشخصك الكريم :emrose:

حسن كشك

04/04/2009, 07h49

الاستاذة عفاف
ياريت تكتبى كلمات اغنية
شغلونى عيونك .. لفايزة
لأن فيها كلمات لم افهمها ولاعرفت افسرها
وخاصة دى
؟؟؟؟؟ على الحب اللى ؟؟؟؟ وظلمنى معاه
وسقانى الويل لما سقانى وعرفت الاه

عفاف سليمان

06/04/2009, 02h00

الاستاذ الالاتى
صباح الخير والجمال والفن
والذوق على حضرتك
اقولك ايه والله مكنتش عايزه اتعب حضرتك
لان اكيد حضرتك وراك مشغوليات كثيره
وان كنا نأمل من حضرتك فى التحليل
فهذا من كرم حضرتك
ومن عشمنا فى حضرتك
كم سعدت لتحليلك للاغنيات
وان كنت لا اعرف ملحن ياما ياهوايا
فان عرفته سوف اكتب اسمه بأمر الله
وسعدت لتحليل فين حبيبى الاقيه
فقد كنت فى حيره
هل اقوم بأنزال
صعبان علينا
ولا بالى معاك بالى
كتيررررررررر لفايزه لكن الخيره فيما اختاره الله
لك كل التقدير والاحترام
وربنا يسعد اوقاتك دائما بالخير
وتحيه وسهره جميله للجميع
واتمنى ان تنول رضاكم هذه الاغنيات:):)
اختكم عفاف;);)

عفاف سليمان

06/04/2009, 02h06

استاذنا ابو الطل
كيفك خيو منيح
كيف تقول هذه الكلمات
يعنى لو مكنش الاستاذ فؤاد مينفعش
لالالالالااااااااااااااااااا خيوووووو
اولا انا قلت كده لان الاستاذ فؤاد كان موجود لما رفعت الموضوع
فكان من باب اولى كل من يحب فايزه احمد
ان يتقدم ويدخل الموضوع
وطبعا من محبى فايزه الاستاذ فؤاد
وانت والجميع
وبعدين ازاى احنا من محبى فايزه
وملاقيش حد من رابطة فايزه فى الموضوع
بزمتك ده مش يزعل
ولا احنا رابطه هواااااااااااا
واكيد طبعا وجودك يسعدنى ولو كنت انت اول من شارك
بردوا كنت هبقى سعيده جدا
امال احنا هنا بنعمل ايه
ورابطه ازاى
فين يا جماعه باقى الرابطه
وسعدت بحضورك خيووووووووو
تفتكر بحكى منيح لبنانى خيو
مو هيك
تحيه طيبه من ارض النيل
لكل اشقائنا العرب
وصباحك فل خيو ابو الطل:):)
اختكم عفاف;);)

غازي الضبع

06/04/2009, 08h01

بسم الله نبدأ فى تحليل أغنية ( فين حبيبى )

كلمات : عبد الرحيم منصور

ألحان : محمد سلطان

غناء : فايزة أحمد

والله زمان يا عم محمد
إيه يا عم الجمــال
فكرتنا بأيام زمـــان
عايز أسألك بقى سؤال ..
إيه رأيك في محمد سلطان ؟

غواص النغم

06/04/2009, 14h57

الاستاذة عفاف
ياريت تكتبى كلمات اغنية
شغلونى عيونك .. لفايزة
لأن فيها كلمات لم افهمها ولاعرفت افسرها
وخاصة دى
؟؟؟؟؟ على الحب اللى ؟؟؟؟ وظلمنى معاه
وسقانى الويل لما سقانى وعرفت الاه

أدعي ع الحب اللي رماني
وظلمني معاه
وسقاني الويل لما سقاني وشربت الآه
:confused:
نسيت هي كانت شربت ولا عرفت؟
تحياتي

عفاف سليمان

06/04/2009, 15h22

الاستاذ حسن باشا كشك
مساء الخير عليك وع الجميع
من اهل ومواطنى سماعى
هى الاجابه كما قال اخى غواص لكن
هى عرفت الاه
ويارب تكون عجبتك الاغنيات
وللجميع كل الود والتقدير والشكر
اختكم عفاف
وسهره سعيده;):)

عفاف سليمان

06/04/2009, 15h27

الاستاذ غازى
مساء الجمال
ممكن انا اجاوب عن محمد سلطان
انا فى اعتقادى لولا الحب الذى جمع بينه وبين فايزه احمد
لما كان هذا الابداع
يعنى اعتقد وعلى حد علمى
ان كلا من الاثنين كمل الاخر
رغم ان محمد سلطان له ابداعات فى الالحان رائعه
ولا غبار عليها وايضا تلحينه لبعض المطربين
غير فايزه بردوا .....وضع بصمته فى اللحن لهم
وعن فايزه فحنجرتها وصوتها المؤثر فى وجدان اى انسان
جعل منها تتسرب الى الروح وتدخل جوه القلب
واعتقد انها ومحمد سلطان دويتو حب
لن يتكرر
فما اجمل الحب الذى كان بينهم
وحتى الان عندما يستضاف محمد سلطان يبكى عليها وعلى ذكراها......شفت بقه
هما اجمل دويتوا
ويارب سهره سعيده ويارب اجابتى تكون حلوه وصح على حد علمى
لكم كل التقدير والاحترام
اختكم عفاف;):):)

عفاف سليمان

06/04/2009, 15h39

الاستاذ غواص النغم
مساء الخير
ما اجمل ان نجتمع على صوت الكروانه
فايزه احمد
اتمنى ان تسعد بهذه الاغنيات المختاره
من فايزه ومحرم فؤاد
وعن شغلونى احبها كتير
لان اللحن بتاعها جميل
والصوت والكلمات
فكان منير مراد سابق عصره فى هذا اللحن
اتمنى ان تسعدوا جميعا
ويارب سهره سعيده
تقبل تحياتى لك وللجميع
اختكم عفاف;):):)

حسن كشك

12/04/2009, 01h25

أدعي ع الحب اللي رماني
وظلمني معاه
وسقاني الويل لما سقاني وشربت الآه
:confused:
نسيت هي كانت شربت ولا عرفت؟

تحياتي

انا متهيألى يا اخى عبد المنعم انها قالت
آسفه على الحب اللى رمانى
وظلمنى معاه

Sharaf

13/04/2009, 18h21

انا متهيألى يا اخى عبد المنعم انها قالت

آسفه على الحب اللى رمانى
وظلمنى معاه

استمعت الى تسجيل الاغنية الموجود في المنتدى وكانت جودة التسجيل غير جيده عى الاطلاق.
اتمنى البحث عن تسجيل بجودة عالية لهذه الاغنية الرائعة.

فؤاد

15/04/2009, 19h16

وطبعا من محبى فايزه الاستاذ فؤاد
وصباحك فل خيو ابو الطل :):)

اختكم عفاف ;);)

أدعي علي الحب اللي رماني وظلمني ظلمني معاه
وسقاني الويل لما سقاني وعرفت عرفت الآه
وبقول أنساه وارجع تاني وأزاي انساه
(( الله الله يافايزه علي جمال صوتك هنا الله الله ))

عفاف سليمان

18/04/2009, 08h16

صباح الخير على الجميع
يا استاذ حسن باشا كشك
يعنى هى زهقت منه علشان كده بتقوله اسفه
لا طبعا هى مش اسفه ولا حاجه
هى بتدعى ع الحب اللى رماها معاه فى منتهى الروعه والجمال
ان عيونه شغلوها ومن عز النوم صحوها
تحياتى لك وللجميع
اختكم عفاف;);)

عفاف سليمان

18/04/2009, 08h19

الاستاذ شريف
صباح الخير
انا هدور لحضرتك على رابط تانى للاغنيه
وإن شاء الله يكون الصوت فيه احسن
بس ايه راى حضرتك فى الاغنيه جميله صح
هى مش منتشره قوى
لكن تعتبر اغنيه عصريه
يعنى تمشى مع الناس بتوع اليومين دول
رغم انها قديمه لكن تحس فيها
انها بتعمل ريفرش او تغيير
او نشاط وحيويه لان رتمها جميل وخفيف وتنهضم بسرعه
طبعا هضم سماعى
تحياتى لحضرتك وللجميع
اختكم عفاف;):)

عفاف سليمان

18/04/2009, 08h22

غواص النغم

18/04/2009, 10h47

هو حضرتك يامدام عفاف ماسمعتيش برنامج غواص في بحر النغم لما الموسيقار عمار الشريعي قام بتحليل الغنوة؟
وطلعت النتيجة انها غنوة زي العسل:):)
عالعموم الرابط هنا:
http://www.sama3y.net/forum/showpost.php?p=11496&postcount=4
تحياتي

عفاف سليمان

19/04/2009, 07h30

صباح الخير يا استاذنا غواص
انا بسمع حلقة عمار الشريعى
بس شوفت بقه علشان تعرف قد ايه اختياراتى حلوه
شغلونى عيونك
وهى نادرة الاستماع اليها فى الاذاعه
ويارب تستمتعوا بها جميعا
وتحياتى لك وللجميع واوقات سعيده عليكم
اختكم عفاف;):)

فؤاد

20/04/2009, 18h33

استاذ فؤاد(مجنون فايزه)

صباح الخير
والله الواحد مش عارف يقول ايه لحضرتك
لازم تنورنا فى فايزه ولا متكنش فؤاد مجنون فايزه
بس ايه رائيك مش اغنيه شغلونى عيونك حلوه
طيب انت كنت بتسمعها قبل كده ولا لا
وصباحك سكر زياده
مع فايزه كالعاده
تحياتى لك وللجميع

اختكم عفاف;):)

تتصوري ياأختي عفاف
أنا أتمنيت أني لم أسمع جميع أغاني فايزه
وتمنيت أن أبدأ من اليوم لأستمع لصوت فايزه وكأني لأول مره هسمعو
تتصوري
أنا ندمان أن سمعت معظم أغاني فايزه
علشان علي طول يبقي في حاجه جديده
وأسمعها :confused:
( غريبه مش كده ):(
ع العموم أن شاء الله تكونوا فهمتوني

عفاف سليمان

20/04/2009, 18h48

فؤاد

21/04/2009, 18h52

بس بردوا مقلتش يا استاذ فؤاد انت سمعت الاغنيه دى قبل كده ولا لا

وعلى العموم كل ما تسمع اغنيه لفايزه وتكون بقالك فتره ماسمعتهاش
يبقى كأنك بتسمعها لاول مره عارف ليه
لان كل مره تحس فيها بانك بتسمعها لاول مره
وتحس بالكلمات واللحن والصوت
انها دائما متجدده
لك وللجميع خالص تحياتى
وبعدين فى ياسمينه المنتدى;)

اختكم عفاف:)

أختي عفاف
مساء الخير
شفتي أزاي أنا موش قصدي كده
أنا قصدي أني ياريت جزء من أغانيها سمعتو
وفي جزء لسه مسمعتوش
لأن الأغنيه لما تسمعيها أول مره بتكون فيها
حلاوه وبتبقي حاجه تانيه
شكراً
(( ياسمينة المنتدي ))
عفاف

NAHID 76

22/04/2009, 04h08

بسم الله الرحمن الرحيم
صورة مين دى أخى فؤاد عبد الحميد
تحياتى

فؤاد

25/04/2009, 19h12

بسم الله الرحمن الرحيم
صورة مين دى أخى فؤاد عبد الحميد
تحياتى

أختي الحنونه
أختي الغاليه علي قلبي
ناهد
صباحكِ أو مساكِ
معطر بالزهور
( أكيد صورة فايزه أحمد )

فؤاد

25/04/2009, 19h13

بسم الله الرحمن الرحيم
صورة مين دى أخى فؤاد عبد الحميد
تحياتى

أختي الحنونه
أختي الغاليه علي قلبي
ناهد
صباحكِ أو مساكِ
معطر بالزهور
( أكيد صورة فؤاد عبد الحميد )
ولا صورة مين تقصدي
أكيد فايزه أحمد

عفاف سليمان

26/04/2009, 06h01

يا استاذ فؤاد انت مش واخد بالك
انت كنت واضع صورة الاستاذ جرامافون :crazy:
ولما دخلت اختنا الغاليه الاستاذه ناهد شافتك واضع صورة الاستاذ جرامافون:)
علشان كده سئلتك صورة مين دى:rolleyes:
وصباحك فل وياسمين
اختك عفاف:emrose:

دكتور/أيمن

31/05/2009, 19h21

الاخوة الأعزاء السلام عليكم و كل عام و انتم بخير على فكرة ملحن را ئعة فايزة أحمد( يامه يا هوايا) هو الموسيقار المبدع محمد سلطان الذى اعتقد أنه لم يأخذ حقه من الشهرة و الثناء و الاطراء ومش عارف ليه لم يقم الاستاذ الموسيقار حبيب قلبى عمار الشريعى بتحليل أى عمل له فى البرنامج الموسوعة غواص فى بحر النغم وللا ايه رأيكم ؟

عفاف سليمان

07/06/2009, 21h19

بعد مساء الخير على اهل ومواطنى واعضاء وضيوف سماعى الطيبين
اولا اهلا بك د أيمن فى اجمل منتدى سماعى:emrose:
واهلا بك فى قسم دعوه موسيقيه على اغنيه
واهلا بك فى هذه السهره الجميله التى اخترتها لاجمل صحبه بالمنتدى
ويارب تكون سهره سعيده عليكم جميعا
اما بخصوص محمد سلطان فان كلنا نعلم تاريخه الفنى واللالحان
ويمكن فعلا لم يأخذ حقه فى هذا المجال الا اننا يكفينا
او انا بالاخص يكفينى وجود بصماته فى اعمال الكروانه فايزه احمد وغيرها من المطربات والمطربين
ولمحمد سلطان طابع خاص ومميز
ولا يحتاج الى المديح فهل نستطيع ان نمدح الجمال باكثر ما هو جميل
فالجمال جمال البصمه التى تركت لنا او يرثها الاجيال عبر الزمن
اما عن عمار الشريعى فالله اعلم ان كان تحدث عن محمد سلطان ام لا فى غواص فى بحر النغم
ولكن يا دكتورنا يكفى انهم عمالقه اعمالهم الجميله لا تحتاج الى ديكور او تزويق :rolleyes:
ولك وللجميع اتمنى لكم سهره سعيده:)
ولك التحيه واهلا بك
اختكم عفاف:cool:

سعدالشرقاوى

26/06/2009, 06h48

سهره حميله
وصباحك فل ياست الكل
وفى انتظار المزيد

عفاف سليمان

29/06/2009, 09h46

عم سعد الشرقاوى
اسعد الله مساؤك والجميع
اتمنى لك وللجميع اوقات سعيده فى اجمل منتدى سماعنا للطرب الاصيل والزوق الجميل لك خالص تحيتى
اختكم عفاف:):emrose::emrose: