المساعد الشخصي الرقمي

مشاهدة النسخة كاملة : بدل مانبكى بنغنى


محمد المراغى
29/03/2009, 14h28
بدل ما نبكى بنغنى

أنا اللى بكتب الاشعار .....
والا الأشعار ...... بتكتبنى
أنا اللى بشكى م الاحزان
والا الأحزان .... شكت منى
أنا اللى بشدى بالكلمات نغم صافى
ونفس اللحن ....... يقتلنى
وحتى الدمع لما طال
صبح عاده على خدى .... تلازمنى
بتضحك ليه ..؟ !!
وتتبسم .. ؟!!!
ياصاحبى ليه كتير ديما بتسألنى
أنا بضحك على الأيام
على بكره اللى جاى لينا وبيمنى
وألف جرح مدارى .. شايلنها
ورا الاحلام
يمد الجرح ..... ويهنى
ويسقينا مراره فى كاس
ويسكرنا
بدل ما نبكى .... بنغنى
أدى الدنيا
يا صاحبى بلاش
كتير عنها تيجى تسأل .... وتتعبنى

د أنس البن
15/08/2009, 16h12
محمد المراغى
الشاعر الذى يكتب نفسه
أين أنت ؟........:emrose:

سعدالشرقاوى
15/08/2009, 16h25
بدل ما نبكى بنغنى


أنا اللى بكتب الاشعار .....
والا الأشعار ...... بتكتبنى
أنا اللى بشكى م الاحزان
والا الأحزان .... شكت منى
أنا اللى بشدى بالكلمات نغم صافى
ونفس اللحن ....... يقتلنى
وحتى الدمع لما طال
صبح عاده على خدى .... تلازمنى
بتضحك ليه ..؟ !!
وتتبسم .. ؟!!!
ياصاحبى ليه كتير ديما بتسألنى
أنا بضحك على الأيام
على بكره اللى جاى لينا وبيمنى
وألف جرح مدارى .. شايلنها
ورا الاحلام
يمد الجرح ..... ويهنى
ويسقينا مراره فى كاس
ويسكرنا
بدل ما نبكى .... بنغنى
أدى الدنيا
يا صاحبى بلاش
كتير عنها تيجى تسأل .... وتتعبنى

لابد من السؤال عنها ياعم محمد
ياللى دوختنى
والله زعلان منك
ومالك أى أعذار
وجيت تريّحنى قلقتنى زياده
ما تتصوّرش أيها المراغى فرحتى بعودتك قد إيه
يارب يكون خير
ياه يامراغى

علاء طه ياسين
15/08/2009, 16h46
يا محمد يا مراغي ..
:emrose:
الحمد لله علي سلامتك ..
أخيرا يا راجل ..
وحشتنا ..
وتعبتنا من كتر السؤال عليك ..
عموما ..
طالما جيت تاني براءة ياعم ..
نورت المنتدي ..
أما بقا حتة الشعر الحلوة اللي انتراجع لنا بيها ..
تستاهل عليها الوردة دي :emrose:
حلوة يا مراغي ومليانة حزن وشجن ..
الحمد لله علي سلامتك مرة تانية ..
علاء ياسين