أغــــرب المخلـوقـــات !!

[M O H A M E D]

أغرب المخلوقات
__

الـــدلـــدول لـــو مـــرة يقــــول بيبقــى كـــــلام متعـــــاد
فــي الأفـــــراح أجدع رقـَّاص ، و ينـُوح في الجنــازات
مُـــفلس لكـــن غـــاوي ظــهور .. قـــوم يعمـل حـركات
طبلــة تـرن و صوتهـــا العـالــي طـــالع م الفـــــراغـات
علــــى مصلحتــــه بــس يدوّر .. يعشـــق كلمـــة هــات
تــاكــل ؟ أيــوة يــا ريــت تدينــي و زوّد في السلــطـات
تــدفــع ؟ إيــه ؟ مـش سـامع صوتك .. انده ع الأمـوات
ينقـــل كلمـــة و هو بيصــــرخ : أنـــا بعـــرف بشــوات
وقـــت الجد تملــِّي بيهـــرب .. يظهـــــر فــي التفــاهات
وشـــه جميــــل تــــلاقيه متبســِّم و بيــــــرسم ســـلامـات
أحلــى كـــلام و حبيبــي و بــاشـا و غيـرها من النفـَخَات
و مـــن ورا ضهــــرك عينـــه تبـــرّق و يصـــب اللعنات
أمــــا صحيــــح الدنيـــــا دي فيهــــا يــامــا من الحشرات
حــاجـــة عجيبـــة غريبــــة مصيبـــة زادت م الأزمــــات
لمـــا النــــوع ده تشـــــــوفه بيكبـــــر و يســود الأسياد !!

**

[M O H A M E D]

الكــــــداب مــــن كدبــــــــه بيـزهــــق لـــو عـــد العـــــداد
يفشــــر ، ينصــب ، ينــزل ، يطلــع ، يلمــع في القعـَــدات
يكسب يكسب يكسب يكسب كــل مـــا بـــاس مــــــداســــات
اللبــــــلاب علـى خيـــطه بيمشــــــي و بيوصـــل سمــــوات
مــن غيـــــر صــوت و دا فجـــأة بيلدع و لا أخطـــر حيَّات
لمــــا تشـــوف الدنيــــــا جميـــلة و لا فيهـــــــا غيــــامــات
تعـــــــرف إن صــاحبنــــا مفــــــارق و بعيــــد بالمســافات
و امـــا تـــلاقـــي الدنيــــــا تمطـَّـر و بتبعـــت رَخـــامــــات
تعــــــــرف إن معـــــــــاه سنـــــارة بيصطـاد في العكـارات
عــامــل فيهـا جميـــــل و مــــــؤدب و يصــــون المقـــامات
و هُـوَّ لـــه في جبـــــــال الخِســَّة يــــامـــا مـن العـــلامــات
طعـــــم الحلـــــو فـ بؤه بيحلــــى لو غيـــــــره قـــال هـــات
ويـَّـا حــــــرارة شــــــوقـــــه لكلمـــــة تبــــرَّد نــار الـــذات
قـــام م الفــــرحة يغنـــي و يـــرقــص إنـــــه بتـــاع حسنات
داهيـــة تشيـلك ، آه يــــا منـــــافـــق .. شــرَّك هو الزاد ؟؟

**

[MOHAMED ALY]

مونولوج اجتماعى هادف ... كان يمكن ان يغنيه اسماعيل ياسين او سيد الملاح .... لكن فى عصر العولمة اصبحت دى سلوكيات عادية ... بل و تدرس فى معاهد و اكاديميات خاصة بالهندسة الادارية .... تحت عناوين مثل ( مهارات الادارة الفعالة ) .

[M O H A M E D]

ما علينا من اللي انا كتبته و الموضوع كله
تشريف حضرتك و رأيك شئ كبير عندي
اسمع يا سيدي ..


قنـــديـــــــــــل و آه منـــــــه
عـــــــــاشق أنـــــــا فنـــــــه
و دي مش محتــاجة شــرح

البسمـــــــة فـــي صوتـــــــه
و النغمــــــة في سكوتــــــــه
تـقــــــدر تـــــداوي الجــــرح

الفــــــن مــــن رسمـــــــــــه
لايــــــق عـلـــــى إسمــــــــه
بــنـــى مــــن نــــوره صـرح

قنـــــاديــلي على بـــــــابـــــه
حــــــــــــارس لســــــردابــــه
كـنــــز الهنـــــا و الفـــــــرح

و بــــذوقـــــه و جمــــــالــــه
يفتــــــــح لأحبــــــــابــــــــــه
أبــــــــواب البهجــــــة فتــــح

**

[unicorn]

زى ما قال الباشمهندس محمد على , يا سلامونى

كل السلبيات الخٌلُقية اللى ذكرتها فى ابياتك , هى مقومات نجاح هذا العصر
و ان كانت لا تظهر بهذا الوضوح الشديد فى وصفك , و لا تتجمع كل هذه الصفات السيئة فى شخص واحد بهذه الصورة البشعة ,
الا انها موجودة بالفعل ,
سلامون , وصفك لهذه الصفات السيئة و تبشيعها بهذه الصورة دليل على نقاء سريرتك و دليل على نفورك من الزيف بكل صوره .
بس برضه دماغك ناشفة اوى:mad:.

[M O H A M E D]

زى ما قال الباشمهندس محمد على , يا سلامونى

كل السلبيات الخٌلُقية اللى ذكرتها فى ابياتك , هى مقومات نجاح هذا العصر
و ان كانت لا تظهر بهذا الوضوح الشديد فى وصفك , و لا تتجمع كل هذه الصفات السيئة فى شخص واحد بهذه الصورة البشعة ,
الا انها موجودة بالفعل ,
سلامون , وصفك لهذه الصفات السيئة و تبشيعها بهذه الصورة دليل على نقاء سريرتك و دليل على نفورك من الزيف بكل صوره .
بس برضه دماغك ناشفة اوى:mad:.



صديقي أبو مندور
طبعاً صعب ، بل مستحيل كل الصفات دي تتجمع في شخص واحد
و لو اجتمعت في حد بالصورة دي أحسن له يروح ينتحر
و النجاح لو بييجي بالأسلوب ده يبقى لا مؤاخذة ( ط.. ) فيه
و عارف اني دماغي ناشفة اوي بس تقصد ايه بالظبط ؟
اوعى يكون حاجة بخصوص الوزن !! :eek:

[unicorn]

اوعى يكون حاجة بخصوص الوزن !! :eek:


ايوة يا سيدى

[NAHID 76]

بسم الله الرحمن الرحيم
الفاضل د محمد السلامونى
أضم صوتى لصوت أستاذى محمد على القناديلى باشا
فى أن كل ما ذكرت هى
مفاتيح النجاح لهذا العصر
تحياتى

[M O H A M E D]

يا ريت يا ابو مندور تحدد لي مواضع الخلل في الوزن من وجهة نظرك
و يهمني أعرف رأي أساتذتنا شعراء المنتدى

[M O H A M E D]

مدام ناهد
تحياتي لحضرتك

و على الدنيا السلام !

[unicorn]

يا ريت يا ابو مندور تحدد لي مواضع الخلل في الوزن من وجهة نظرك
و يهمني أعرف رأي أساتذتنا شعراء المنتدى


انت عارف ان أخوك لسة تلموذ صغير فى كتَّاب عمك الشيخ سمعجى ,
بس أحاول أشوف معاك ,
لاحظت انك ابتديت بالبيت دة :

الـــدلـــدول لـــو مـــرة يقــــول بيبقــى كـــــلام متعـــــاد

و الميزان حسيت انه اختل بعد كدة , عندك مثلا :

وقـــت الجد تملــِّي بيهـــرب .. يظهـــــر فــي التفــاهات

البيتين غير موزونين فى رأيي
و أظن المشكلة فى البيت الاول من القصيدة , حاسس انه هو اللى فيه حرف زيادة عن باقى الابيات
متهيألى بيبقى دى لو كانت يبقى البيت يتوزن .
المهم أكيد سيدنا الشيخ هايعدى فى مروره اليومى لحملة المحذوفات و هايشوف , هو اللى معاه الميزان و هايعرف الصح فين.
بس فكرة القصيدة جميلة كعادتك يا سلامون , و نقدك للسلوكيات السلبية السيئة يستحق التحية.

[غازي الضبع]

جميل والله يا سلاموني
الله ينور يا جميـل

[رايا]

داهيـــة تشيـلك ، آه يــــا منـــــافـــق .. شــرَّك هو الزاد ؟؟

**


حلو يا استاذ محمد
استخدمت كلمات من زمان مش سمعنها

داهية تشيلك
كلمة مصرية بحت قربت تنقرض

[M O H A M E D]

صديقي محمد أبو مندور
بقدر الإمكان حاولت ألتزم بالوزن
و أعتقد أن البيتين موزنين ..
عموماً ننتظر وصول الأستاذ كمال عبد الرحمن
و ربنا يصبره على القسم و علينا ! :)

[M O H A M E D]

أشكرك يا ابو فارس
و أتمنى أكون دايماً عند حسن ظنك
تحياتي ..

[M O H A M E D]

والله يا أستاذة رايا
أنا كنت قلقان من استخدام كلمة " داهية " !
لكن سبتها لإنها طلعت مني عفوية وقت الكتابة
أشكرك يا أخت رايا على مرورك و رأيك

[سمعجى]

أغرب المخلوقات

__

الـــدلـــدول لـــو مـــرة يقــــول بيبقــى كـــــلام متعـــــاد
فــي الأفـــــراح أجدع رقـَّاص ، و ينـُوح في الجنــازات
مُـــفلس لكـــن غـــاوي ظــهور .. قـــوم يعمـل حـركات
طبلــة تـرن و صوتهـــا العـالــي طـــالع م الفـــــراغـات
علــــى مصلحتــــه بــس يدوّر .. يعشـــق كلمـــة هــات
تــاكــل ؟ أيــوة يــا ريــت تدينــي و زوّد في السلــطـات
تــدفــع ؟ إيــه ؟ مـش سـامع صوتك .. انده ع الأمـوات
ينقـــل كلمـــة و هو بيصــــرخ : أنـــا بعـــرف بشــوات
وقـــت الجد تملــِّي بيهـــرب .. يظهـــــر فــي التفــاهات
وشـــه جميــــل تــــلاقيه متبســِّم و بيــــــرسم ســـلامـات
أحلــى كـــلام و حبيبــي و بــاشـا و غيـرها من النفـَخَات
و مـــن ورا ضهــــرك عينـــه تبـــرّق و يصـــب اللعنات
أمــــا صحيــــح الدنيـــــا دي فيهــــا يــامــا من الحشرات
حــاجـــة عجيبـــة غريبــــة مصيبـــة زادت م الأزمــــات
لمـــا النــــوع ده تشـــــــوفه بيكبـــــر و يســود الأسياد !!

**


و الله يا سلاموني باشا ، قبل أى فتوى في مسألة " الأوزان " ،
أحب أهنيك على هذه " العامية " ، و التي لاحظتُ فيها تقدماً
" واسعاً " تجاه التمكّن من أدوات الكِتابة ، من حيث تراكيب الجُمَل ، و البناء التراكمي للفكرة ، و كذا " الوزن " ..

هذه القصيدة العامية على بحر " المتدارك " ، و أصل تفعيلة المتدارك " فاعلن " ، و نطلِق على البحر إسم " الخـَبَب " ، حين يتم حذف الثاني الساكن في التفعيلة ، فتصبح " فـَعِلـُن " ،
و قد تتكون من " سبب خفيف + سبب خفيف " فتصبح
" فـَعْلـُن "

و في أبياتك ، استخدمتَ التفعيلة " فعلن " 7 مرات في البيت الواحد ،، و جاءَت جميعها موزونة ، عدا البيت الأول
و هو إنجاز كبير ، و تـَمَكّنٌ من الوزن أغبطك عليه ،،
حتى البيت الأول " كادَ " أن يتممَ إيقاعاته ، لولا " هِنة " بسيطة ،،
و أؤكد ، أن أكثر الشعراء " حتى هنا في المنتدى " يقعون في هذه " الهِنات " ، و ما هو أكثر منها

و أنت ، ألزمتَ نفسَكَ ، بالشكل " العَمودي " في هذه القصيدة ،،
و الذي جاءَت فيه الأبيات " سُباعية التفعيلات " و نجحتَ في
هذا الإلتزام ، و الذي " أعرفُ و أُقدّر " المجهود المبذول فيه ،،

البيت الأول ، و الذي به هذه " الهنة " أو الإنفلات الإيقاعي البسيط الذي لا يتجاوز حركة أو سكوناً بالزيادة أو النقص ،،
يقول :

الدلدول لو مَرّة يقول بيبقى كلام متعاد

جاءَت التفعيلة الرابعة ( ...قولْ ) ، أىّ " فـَعْلْ " أى تنتهي بساكنين ، و لا تكتمل التفعيلة

ثم جاء بعدها ( بيبقى ) ، و اذا افترضنا أن الباء الأولى ساكنة ، فلا قيمة لها نطقاً ، و تعد زائِدة ، فإذا حرّكناها ، تحوّلت إلى " فعولن " أىّ أدخلتنا على بحر الوافر

ببساطة ،، لو قيلت مثلاً :
الدلدول لو مرة ينافق ، يبقى كلام متعاد
بالطبع لا أقترح كلمة بعينها مثل " ينافق " و التي قد تخل بالمعنى ، و لكني أمتثل بلفظة ، تتمم الوزن


كل ما قلتـُه هذا ، هو نقطة " لا تكاد تـُرى " في ثوب القصيدة الناصع ،،
و رياضياً ، فأبياتك عددها ( 30 ) ، و كل بيتٍ يتكون من ( 7 ) تفعيلات ، أىّ ( 210 ) تفعيلة ، فيهم
( 209 ) تفعيلة صحيحة ،، يعني مجموعك في مادة " الأوزان " 99,99" ، يعني تدخل طِب و انتَ حاطِط رِجل على رِجل :)


و بالمناسبة السعيدة دي ،، و بحضور بحر المتدارك ، أو " الخـَبَب " ، فللإستزادة ، تلك أمثلة من هذا البحر ، جاءَت في أغانٍ نحبها و نعرفها ، لمن يرِد أن " يتذوق " إيقاع هذا البحر :
السهل اليسير الواضح : فعلن فعلن فعلن فعلن .................

فتابعوا المشاركة التالية

[سمعجى]

أمثلة ، من أغانٍ شهيرة ، جاءَت على بحر المتدارك ، أو الخَبَب ،، و أرجو ممن يطالعها ، أن يحاولَ " تقطيعها " في النطق ، على الوزن : فعِلـُنْ ، و : فـَعْلـُنْ ،،
و اللي مش عاجبه " فعلن " ، ينطقها على الوزن " تـَرَرَمْ "
أو تِرِرِمْ " أو " بُلـُلـُمْ " ..

و صدِّقوني ،، ستنشكحونَ " طرِباً " ، بمجرد أن تستشعروا و تحسوا بموسيقى هذا البحر ..

محرم فؤاد :
ـ ياللي زرعت الحزن ف قلبي ،،، قلبي بيدعي بيدعي عَليك

وردة :
ـ كنا بنخرج م الصبحية للعصرية و م البيت نهرب

أم كلثوم :
ـ إنتَ الأمل اللي احيا بنوره ، عمره ما يبعد يوم عن عيني
ـ إسأل روحَك ،، إسأل قلبك ،، قبل ما تسأل إيه غيرني

نجاة :
ـ إستناني ،، هى دقيقة كتير علشاني ،، إستنيتك عُمر بحاله

المجموعة :
ـ كل الناس بيقولوا يا رب ،، تهدينا و تكرمنا يا رب
ـ وطني حبيبي الوطن الأكبر ،، يوم ورا يوم أمجاده بتكبر

حليم :
ـ هي حكاية حرب و تار ، بيننا و بين الإستعمار
ـ حبك نار مش عايز اطفيها ،، و لا اخليها دقيقة ..
ـ أول مَرة تحب يا قلبي و أول يوم اتهنى

فيروز :
ـ تك تك تك يامُ سليمان ،، تك تك تك زوجك وين كان

صباح " أوبريت نار الشوق ":
ـ حِب الدنيا و حِب ،، و ان ما قدرتش إبعِد عنها و سِبها للي يحب

فايزة :
ـ طمن قلبك ،، لسة باحبك ،، زى زمان و اكتر بزمان
ـ بيت العز يا بيتنا ،، !

شويكار :
ـ الراجل دا حايجنني ،، طيّر مفاتيح عقلي مني

عبد الوهاب :
ـ دقت ساعة العمل الثوري

عبد المطلب :
ـ رمضان جانا و فرحنا به ،، بعد غيابه و بقالو زمان

أحمد عبد القادر :
ـ هاتي فانوسك ياختى يا إحسان ،، آ يا ننوسك في ليالي رمضان

فولكلور :
ـ بسبس نـَوّ يا بسبس نـَوّ ،، كلِّ يوم عمال تحلو

سعاد حسني :
ـ دولا مين و دولا مين ،، دولا ولاد الفلاحين ،،،،،،،

شادية :
ـ خدني معاك ياللي انت مسافر خدني معاك
ـ على عش الحب و طير يا حمام

مع تحيات " تِرِرِمْ تِرِرِمْ " :)

[M O H A M E D]

الساحر
** كمال عبد الرحمن **
المبــدع بلا حدود
المعطاء بلا حدود

منذ كتاباتي الأولى بالمنتدى و حضرتك لا تبخل عليّ بالنصيحة
و دائماً تدفعني للأمام
لهذا فأنا مَدين لك بالكثير
و سعادتي كبيرة أن يقرأ كلماتي و يعلق عليها شاعر مثلك ، يعلم قدْره كل مَن له عين و عقل
و لك أن تفخر بأي تقدم أحرزه ، فهذا بفضل ما تعلمته منك
و أحمد الله أن وفقني هذه المرة في مادة الأوزان
بكل صراحة ، بقدر ما سعدت بقدر ما أشعر أن هذا سيكون عبئاً عليّ في المرات القادمة !

دمت بكل الخير و الإبداع
و بارك الله في أيكة إبداعاتك التي نستظل بشجرها و نسعد بثمرها ، و أريج زهورها ...
أشكرك إلى ما لا نهاية ....

[ريما]

يااااااااااااااااااااه يا محمد افندى وربنا اصبت كبد الواقع

وطبعا من غير ما اقول تسلم اناملك هى فعلا جميلة وواقعية

واحلى حاجه فيها انك فعلا تحسها متلحنة ومتغنية كمان

منتظره المزيد والمزيد ومتكسلش كالعاده

صحيح يا محمد افندى مش ناوى تكمل حكاية محمد والطيارة ;)

[M O H A M E D]

يااااااااااااااااااااه يا محمد افندى وربنا اصبت كبد الواقع

وطبعا من غير ما اقول تسلم اناملك هى فعلا جميلة وواقعية

واحلى حاجه فيها انك فعلا تحسها متلحنة ومتغنية كمان

منتظره المزيد والمزيد ومتكسلش كالعاده

صحيح يا محمد افندى مش ناوى تكمل حكاية محمد والطيارة ;)


ريما هانم

يااااااااااااااااااه انتي لسه فاكرة حكاية محمد ؟؟

دا زمانه زهق مني و قطع طيارته ..
و يمكن اتخرج من الجامعة و اتجوز و جاب تلت اربع عيال :):)

أشكرك يا صديقتي العزيزة ... أسعدتني طلتك على الموضوع

سلام

[Tarek Elemary]

الفنان المعبر محمد السلامونى
أنا مستغرب إنك مستغرب قول زوارك إن دى مقومات رجال هذا العصر
يا سيدى كله بقى هلس فى هلس
و الحكام أقزام .... مش طايقين لوام
وأصحاب الملايين .... من جوه فاضيين
عايزين بهلوانات .... يقضوها حكايات
قلنا و قالوا ..... و كله بماله .... ياكل بلح أمهات
ربنا يعفوعنا وعنك

[M O H A M E D]

الأستاذ طارق العمري
انا مش مستغرب لكني حزين أن نقبل بهذه التغيرات
و نسلم بوجودها ، إلى أن تصبح هي القاعدة !

أشكرك يا أستاذ طارق
و أرحب بك في منتدى سماعي ،
فكتاباتك و آراءك تدل على أنك مكسب كبير للمنتدى
نتمنى أن تسعد بالمنتدى كما نسعد بك
تحياتي يا فنان

[Tarek Elemary]

الكرم من أهله (منك) ورد نادى
و الذوق من أهل الذوق .. عادى
منتداكم يا حبايبى حضن دافى
يجمع العطر المعتق من بلادى

[عادل فؤاد رفاعى]

معلهش الموضوع قديم جدا.لكنى معجب جدا بهذا العمل الرائع .فما أكثر الإنتهازيين والوصوليين والآكلين على كل الموائد

[عفاف سليمان]

أغرب المخلوقات


__

الـــدلـــدول لـــو مـــرة يقــــول بيبقــى كـــــلام متعـــــاد
فــي الأفـــــراح أجدع رقـَّاص ، و ينـُوح في الجنــازات
مُـــفلس لكـــن غـــاوي ظــهور .. قـــوم يعمـل حـركات
طبلــة تـرن و صوتهـــا العـالــي طـــالع م الفـــــراغـات
علــــى مصلحتــــه بــس يدوّر .. يعشـــق كلمـــة هــات
تــاكــل ؟ أيــوة يــا ريــت تدينــي و زوّد في السلــطـات
تــدفــع ؟ إيــه ؟ مـش سـامع صوتك .. انده ع الأمـوات
ينقـــل كلمـــة و هو بيصــــرخ : أنـــا بعـــرف بشــوات
وقـــت الجد تملــِّي بيهـــرب .. يظهـــــر فــي التفــاهات
وشـــه جميــــل تــــلاقيه متبســِّم و بيــــــرسم ســـلامـات
أحلــى كـــلام و حبيبــي و بــاشـا و غيـرها من النفـَخَات
و مـــن ورا ضهــــرك عينـــه تبـــرّق و يصـــب اللعنات
أمــــا صحيــــح الدنيـــــا دي فيهــــا يــامــا من الحشرات
حــاجـــة عجيبـــة غريبــــة مصيبـــة زادت م الأزمــــات
لمـــا النــــوع ده تشـــــــوفه بيكبـــــر و يســود الأسياد !!

**




الكــــــداب مــــن كدبــــــــه بيـزهــــق لـــو عـــد العـــــداد


يفشــــر ، ينصــب ، ينــزل ، يطلــع ، يلمــع في القعـَــدات
يكسب يكسب يكسب يكسب كــل مـــا بـــاس مــــــداســــات
اللبــــــلاب علـى خيـــطه بيمشــــــي و بيوصـــل سمــــوات
مــن غيـــــر صــوت و دا فجـــأة بيلدع و لا أخطـــر حيَّات
لمــــا تشـــوف الدنيــــــا جميـــلة و لا فيهـــــــا غيــــامــات
تعـــــــرف إن صــاحبنــــا مفــــــارق و بعيــــد بالمســافات
و امـــا تـــلاقـــي الدنيــــــا تمطـَّـر و بتبعـــت رَخـــامــــات
تعــــــــرف إن معـــــــــاه سنـــــارة بيصطـاد في العكـارات
عــامــل فيهـا جميـــــل و مــــــؤدب و يصــــون المقـــامات
و هُـوَّ لـــه في جبـــــــال الخِســَّة يــــامـــا مـن العـــلامــات
طعـــــم الحلـــــو فـ بؤه بيحلــــى لو غيـــــــره قـــال هـــات
ويـَّـا حــــــرارة شــــــوقـــــه لكلمـــــة تبــــرَّد نــار الـــذات
قـــام م الفــــرحة يغنـــي و يـــرقــص إنـــــه بتـــاع حسنات
داهيـــة تشيـلك ، آه يــــا منـــــافـــق .. شــرَّك هو الزاد ؟؟

**

اخى الكريم
صاحب اجمل كلمات
ثوريه رائعه
http://www.mexat.com/vb/attachment.php?attachmentid=684119&stc=1&d=1228731475(((د محمد السلامونى)))http://www.mexat.com/vb/attachment.php?attachmentid=684119&stc=1&d=1228731475
كلماتك لها ابعاد كثيره
من زماااااااااان
واحنا بنقول
من زمااااااااان http://iraqnaa.com/ico/image2/135.gif
واحنا بنتكلم
ومكنش حد عايز يسمع صوتنا
ومن الحسره كنا بنتألم
خلاص عدى الزمن وولى
والطغيان راح وخد معاه
ما خلااااااااااا
خد الفاسد والعاصى
واليوم راح ترتاح راسى
من الم الظلم والمعاصى
وبكره بأمل جاى ينورhttp://iraqnaa.com/ico/image2/065.gif
عقلى وراسى
تحياتى لك اخى الكريم
وتحياتى لكل
شعب مصر الاصيل
دمت لى وللجميع بخير
اختك عفاف

[هدى دولت]

أستاذي محمد السلاموني
جسدت واقع حي ...
جاءت سطورك نابضة بالحياة
وعقدت بيننا وبين حروفك صداقة مألوفة
لشدة البساطة المغلفة برقة الإحساس
ورقى اللفظ ...
مع التحفظ الشديد للفظ " داهيه تشيلك "
فقد أحسست أنك إستخدمته بإستحياء شديد
إستخدام المتردد ولكن الواقع فرض نفسه
فقد كان مخرجاً فهو معبر بصدق عن إحساسك الرافض
لهذه التركيبة الإنسانية المنفره
فجميعنا نعرف حكم المنافق في الإسلام ..نفور فطري ...

ننحنى لهذا الصدق الناطق بسلاسه ويسر دون تصنع
بطبيعية شديدة عبرت يا مُبدع ..
يا مالك لزمام المعاني
وننحنى لهذا الحب الرقيق لهذا الفنان
أرق صوت عرفته مصر
بإبن مصر الآتي من نبض الشعب الحساس العالي
قمة الإحساس والجمال ...نحنى لحبك له
" ..محمد قنديل "
نبراس متوهج بجمال آخاذ
في شارع الفن المتلألأ بنجمه الباهي

سيدى ...
تتوه منى العبارات ... وأقف مشدودة
على باب شعرك الصادق
دام حضورك ... ودام مداد قلمك النابع من وجدان

الفلاح المصري الفصيح

سيدى أنحنى لهذا الوجود الراقي

دولت
بنت وادي النيل


http://www.alternativenews.org/arabic/images/stories/news/2010/march/maser.jpg

[M O H A M E D]

الصديق العزيز / عادل فؤاد
يااااه ..أشكرك جداً إنك فكرتني بهذا الموضوع ، و بالتعليقات التى كم استفدت و تعلمت منها :emrose:
و ربنا يقينا شر المتلونين و اللاعبين على كل الحبال :)

الأخت الكريمة / عفاف سليمان
ربنا يتمم نصرنا بتخلصنا من عيوبنا ،
و استعادة أجمل ما فينا ،و بعودة الشخصية المصرية على ما كانت عليه من أخلاق و قيم
بدّلتها و بهدلتها -:)- أنظمة تجبر أي شخص على الفساد !

الأخت الكريمة / هدى دولت
أشكرك على قراءتك .. و تعليقك السخي الكريم
و انا أبسط من كده بكتير
تحياتي
:emrose: