ظلمنا الحب (رد لاغنيه ام كلثوم ) [الأرشيف] - منتدى سماعي للطرب العربي الأصيل

مشاهدة النسخة كاملة : ظلمنا الحب (رد لاغنيه ام كلثوم )

محمد المراغى

20/03/2009, 10h29

ظلمنا الحب
كتبتها بعد ان استمعت لاول مره لاغنيه ام كلثوم
وقالولك كلام عنى ...
وصدقتى ان ده منى ...
ومع انى ..
ومهما فى يوم تعذبنى
انا صامت
وتظلمنى
ولا اشكى فى يوم ظلمك
وتسالنى
مين فينا اللى ظلمه الحب ؟
وسابه فى سكته وحده غريب الدرب ؟
ده انا وانت ظلمنا الحب
******
بخلنا عليه.. بنبضه قلب تجمعنا
ولا همسه
فى سكه حب .... تسمعنا
ولا ذكرى
من الماضى ...ترجعنا
وأول خطوة فى المشوار
كانت بنا ...
قادتنا لنار
وحتى الزهر فى طرقنا..
صبح صبار
وكل اغانى وحدتنا...
نسينا ناخدها فى المشوار
وردتنا أغانى الفرقه والحرمان
وسبنا الحب والنشوه
وسبنا العشق ..والاشجان
وسرنا فى طريق البعد والأحزان
وحتى طير اغانينا
صبح غربان
بتجمعنا على سكه عرفناها
وهى سكه النسيان
وتسألنى مين فينا..
اللى ظلمه الحب ؟
وسابه فى سكته وحده
غريب الدرب ؟
ده انا وانت ظلمنا الحب
******
صبح كل اللى كان ... بنا
سراب فى سراب
وحتى قصور بنيناها..
فى لحظه اتحولت ..لتراب
نسينا أننا كنا ..فى يوم أحباب
وان الحب جمعنا
وعشنا معاه فى أحلى عذاب
وتسألنى
مين فينا اللى ظلمه ..الحب ؟
وسابه فى سكته وحده
غريب الدرب ؟
ده انا وانت ظلمنا الحب

محمد المراغى

23/03/2009, 13h06

اعتذار
عذرا يا حياتى.....والف عذر
فقد ضقت
من الحب ...... صدر
فعلم صديقى من عينى
خبايا ..... الأمر
فلا تبكِ
ولا تشكِ
فلا ..... مفر

محمد المراغى

02/04/2009, 15h41

أيام تقال .... وايام خفاف بتمر
ندوق ساعات العسل
وساعات ........ ندوق المر
وساعات نقابل ناس
ونتوه .. فى سكتهم
وساعات نقابل ناس ننسى معها العمر
وعجبى

محمد المراغى

06/04/2009, 08h56

زرعت ورد الهنا
وبعد .... ماطرح
لاقيت حصادى ضنا
بيبكى ما يفرح
وقولت زى ما قال
ناسنا اللى
كانوا ... زمان
رحت لسوق الهنا
مالاقيتش
فيه ..... مطرح
وعجبى

محمد المراغى

14/04/2009, 12h07

فيه ناس ببان قلبها
مفتوحه ع البحرى
وناس ببان قلبها
مقفوله من بدرى
ياللى رماك الهوى
فى قلوب ماترحمشى
ليه السكوت ع الضنا
سيبهم قوام واجرى

محمد المراغى

26/05/2009, 09h12

مغنواتى انا ... وغنايه حب وشوق
طاير بقلبى السما عديت نجومها فوق
فجأة رمانى الهوى ووقعت فى بحره
دورت وسط الموج مالاقيت معايا طوق
وعجبى

NAHID 76

26/05/2009, 09h20

بسم الله الرحمن الرحيم
أخى الفاضل محمد المراغى
أجمل تحيه بك وبأعمالك
ورحت سوق الهنا ملقتش مطرح
وعجبى الجامد جدا على كل ما كتبت سلم قلمك وفكرك
مع عجبى من الى لم يقرأ ويعلق

محمد المراغى

26/05/2009, 09h44

بسم الله الرحمن الرحيم
أخى الفاضل محمد المراغى
أجمل تحيه بك وبأعمالك
ورحت سوق الهنا ملقتش مطرح
وعجبى الجامد جدا على كل ما كتبت سلم قلمك وفكرك
مع عجبى من الى لم يقرأ ويعلق

الاخت العزيزه NAHID
انها المره الاولى التى يهتم احد فى هذا المنتدى بالرد على مشاركاتى رغم ان عدد المشاهدات كما هو واضح كثير !!
ربما لو يروق لاحدهم قلمى فخرج من الموضوع حانق ولحسن ادبه لم يعلق
عموما
شكرا لمرورك الذى اسعدنى
وشكرا لردك وكلماتك الرقيقه
وتقبلى تحياتى

علاء طه ياسين

26/05/2009, 10h03

سعدالشرقاوى

26/05/2009, 10h09

اخى الاستاذ/محمدالمراغى
ياشاعر ياكبير
يا(0نباش القلوب)
تستطيع ان تغوص بقلمك النباش
داخل القلوب الولهانه
لترسم هذه الاعمال العظيمه
موفق باذن الله
وفى انتظار المزيد

محمد المراغى

26/05/2009, 10h18

أستاذ محمد المراغي
حلوة جدا رباعياتك .. وحلو جدا استلهامك لغنوة الست أم كلثوم ظلمنا الحب ..
وياسلام كأنك بتعبر عن اللي جوايا لما بتقول
مغنواتي أنا .. وغنايا حب وشوق ..
جميل جدا
علاء ياسين
الاستاذ العزيز علاء
جميل ان تجد لصدى كلماتك البسيطه انسان يشعر بها
سعيد جدا لمرورك
وسعيد اكثر بكلماتك الرقيقه
واكاد اطير من السعاده بمعرفتك
شكرا لك

محمد المراغى

26/05/2009, 10h22

اخى الاستاذ/محمدالمراغى

ياشاعر ياكبير
يا(0نباش القلوب)
تستطيع ان تغوص بقلمك النباش
داخل القلوب الولهانه
لترسم هذه الاعمال العظيمه
موفق باذن الله

وفى انتظار المزيد

الاستاذ العظيم سعد
كلماتك الرقيقه رفعت كثيرا من معنوياتى التى كادت ان تقتل فى المنتدى
شكرا يا طبيب القلوب على لمسه السحر التى احييت بها الامل مره اخرى فى قلبى
تقبل منى اجمل تحيه لمرورك وردك الرقيق

Tarek Elemary

26/05/2009, 10h42

أيها المراغى الجميل ....
عتابك فى محله و لست أدرى لم أحسست أنه موجه لى شخصيا إحتمال بمبدأ (اللى على راسه بطحه) فأنا من أوائل إن لم أكن أول -(وفقا للعداد اللحق بالمشاركة) - من قرأ لك مشاركتك الأولى ظلمنا الحب و أعجبتنى و هممت بالتعليق لعلمى بمدى التأثير الإيجابى لذلك خاصة مع المرة الأولى بأى منتدى
و لكن شغلتنى الحياة و تاهت صفحتك من أمام عينى و ليس هذا بعذر لكن يقينى أنك ستقبله;)
يا سيدى قلمك مبدع و موسيقاك حية و ألفاظك و كلماتك حانية و دافئة و لك مستقبل و كما قلت لعلاء ياسين الأفضل لم يأتى بعد .... يقينا لديك ما هو افضل
و لكن عليك بالقراءة كثيرا كثيرا كثيرا فى كل المجالات هذا يعطيك الثراء اللفظى و المعلوماتى و يكسبك الحكمة و الإلمام بجوانب الحياة فيأتى تعبيرك عنها شعرا له قيمة
فقيمة الكلام ينبع من قيمة تجارب قائله و كم تراكم الخبرات و كم ثرائه اللفظى ثم تأتى الحرفية لصياغته بالشكل اللائق الذى يعجب الناس و يبقيه فى اسماعهم طويلا
و لا تمل من النقد مهما كان فما أعجبك اخذت به و ما لم يعجبك لم يضرك
تحياتى و إعجابى
و أطيب المنى و أرق تحياتى

محمد المراغى

26/05/2009, 11h05

شاعرنا الكبير طارق العمرى
مفأجأة من العيار الثقيل تلك التى اصابتنى عندما وجدت مشاركتك فى موضوعى
انه لفخر لى انتظرته طويلا واخيرا تحقق
سعيدا جداااااااا
كلماتك ونصائحك دستور سأحافظ عليه طوال مشوار الكتابه
وكما قلت انت
الافضل لم يأتى بعد
تحياتى لك
وتحياتى لقلمك المبدع
دام لى مرورك

sozdal

02/05/2010, 19h11

السلام عليكم أشكركم على هذه الحفلات الرائعة وأريد ان أشارك ببعض حفلات السيدة العظيمة ام كلثوم الغير موجودة بالمنتدى وأشكرالقائمين على هذا المنتدى الكبير بالقائمين عليه محمد علي بدوي

عبد القادر محمد

30/05/2015, 17h40

جميل ورائع
قيد التلحين

رضوان حسن عبد الحليم

14/08/2015, 12h09

حبيبى
كلامك كلّه عسـل و حـكم و أصـول
أوّل ماتقــراه
يدخل قلبك ....
كده على طول
وحقك تعتب و تلوم ....
على المسئــول
لكن الحلو حلـــــو ...
ولو ما حدش شافه
طرح الجناين دايما ...
جميـــل معســـول
و عجــــبـى

محمد المراغى

22/07/2021, 16h14

يااااااااااااااااه
كل هده الاعوام مرت
كبرنا وتزوجنا وانجبنا
ومازالت كلماتنا العفويه محفوظه في هذا المنتدي