فكر حبيبى

[هناء عصام]

فكر حبيبى


صحيح عمر عينيك ماجت فى عينيا


ولا لمست ايديك فى يوم ايديا


صحيح ما تقابلناش ولا كانش بينا ابدا مواعيد


بس اللى بينا كان حب اكيد


حبيتنى وحبيتك ضميتنى بخيالك وضميتك


كنت حاسة انى ملكك وان كل حاجة فيا ليك


كنت عايشة بس احبك وكل املى ازاى ارضيك


سامحنى حبيبى مش قادرة انساك


صعب قوى**************


صعب اشغل نفسى عنك


صعب اشيل القلب منك


صعب احس انك بعيد صعب ارجع اعيش وحيد


فكر حبيبى!!!!!!!!!!!!!


فكر حبيبى قبل ما تاخد اى قرار


فكر حبيبى لانه صعب الاختيار


هما حلين وبس


فى القرب منك تبقى جنة والبعد عنك والله نار


فكر حبيبى


فى قلب حبك قوى وبعده عنك يعنى الدمار


انت بالنسبة له وطن ونفيه منك يعنى انتحار


كل ذنبى اللى جانيته انى وفيت لقلبك وحبيته


ولو كان للقلب قلب والله بحبك كنت ماليته


من يوم ما حبيتك وانا مالى امل فيك


بس كان كل منايا انى اسعدك وارضيك


كان كل املى احس الفرحة فى كلامك وانت معايا


ومنتهى سعادتى لما احس بلهفتك و شوقك للقايا


راح اسيبك وانا عارفة انك فى يوم راجع لى


راح اسيبك وانا عارفة انك حتلاقينى


بكل كلمة حب تسمعها حتحس انك معايا


وحتلاقى نفسك كدا فاكرنى ابدا مش ناسينى


وكل غنوة حب حتفكرك بيا وتجينى


غصب عنى وعنك حتبقى معايا وحبقى معاك


رغم انى هنا وانت برضه هناك


فكر حبيبى


انتهينا لا استحالة


استحالة يكون دا اللى بينا


اللى بينا اكبر من ان كلمة تجرحه..........


انتهينا لا استحالة


:emrose:اللى بينا اكبر من الايام ولا تقدر فى يوم تمسحه


دنا طيرك اللى وكره بين ايديك


مش حيجى يوم يسمع منك كلمة تفرحه؟؟؟؟؟؟؟؟؟؟


فكر حبيبى انا مستنية القرار


بتمنى القاك طالبنى تقولى ما فى داعى للانتظار


طمنى قلبك وبالك


حبى ليكى استحالة امسحه بكلمة فى قرار


حبى باقى زى حبك وبعدى عنك استحالة


واقبلى منى الاعتذار


هناء

[هناء عصام]

احتجت في حبّـكَ أن أكون كلّ النساء
في روح امرأة ...
احتجت لاحتفاظي بك
أن أخترع منّي
امرأة لكل الفصول
لأنك الرّجل الوحيد الذي لم يتعمّد
أن يكون .. كلّ الرّجال .. في رجل واحد


أصبحت امرأة ... ( خرافية )

لأنني لم أجد مكانا يأوي ضبابيتي
وشفافيتي
وانصهاري
فيك
سوى إحساسي المجهول .. بك
وعاطفة مشتعلة .. بحطب الشوق
وشرارة .. حلم




أصبحت امرأة ... ( فوضوية )

طفلة تسدل ضفائرها ، وتتمرّد فوق الدفاتر
أحاول ايجاد عذر للقصف العاطفي
الذي يلتهب من حرارة أنفاسي على الأوراق
وألملم فوضى عارمة من بعثرة الحروف
لا تُفهم ، ولا تُقرأ ، ولا تُكتب
حين تكون أنت .. سبب إرتجافة
وسبب .. لهاث






أصبحت امرأة ... ( فدائية )

أسنّ أنوثتي الصارخة كي
تخشى كل امرأة الاقتراب منك
وأدافع عن حبي بجهوزية ...الكمال
والدّلال..
والجمال..
قابلة أنا لأجلك بكلّ لحظة للإشتعال
حتى تراني كل النساء في عينيك
مدجّجة بكلّ أسلحة الحسن
وثقافة احتواءك


احتجت في حبّك أن أعتلي قمّة المغامرة
راهنت على انجذابك لحقلي المغناطيسي
وحين التصقت بكلّ ذرات مجاهلي
أدركت بأنك أثقل من أن أنفضك عني
أو أن أفنيك بي
فكان احتياجي لهذه المغامرة
شرك محكم .. لمشاعري
وقوة أكبر .. لغرورك


واحتجت ...
كي أحتفظ بك ، بشكل أقوى وأعمق
أن أعيش تفاصيل لم .. يعهدها خيالي
جرّبت أن أكرهك .. حتى أحبك بقوة أكبر
جرّبت أن أنساك .. كي أذكرك بدافع أكبر
جرّبت أن أقتلعك مني .. كي أشعر بك أكثر
جرّبت أن أموت .. كي أحيا بك أكثر
جرّبت أن أبتعد .. كي أحنّ لك أكثر
وجرّبت الرّحيل .. كي أقترب أكثر
وانتصر الخيال ..





أصبحت امرأة مثل الريح
أتقلّب بكل اتجاه
تقذفني أنفاسك بلحظة شوق
ولحظة عشق
ولحظة غضب
ولحظة ثأر
ولحظة غيرة
لتبتلعني عاصفة خضوعي لك



( أصبحت امرأة ) ,,,
خارجة عن القانون ..
مشبوهة بحبك خارج الحدود
وداخل الحدود
مشبوهة باغتيالك رغم آلاف النساء حولك
وآلاف الحساد .. وآلاف الجنود
مشبوهة بك
لأنك تهمة كل الحاسدين
والحاقدين
على وجودي في عينيك


حوّلتني يا فارسي
من امرأة صامتة ، الى امرأة
لا تجيد الاّ الصراخ لك بصمت
كنت أظن بأنني لن أسمع صمتي
لأنه القدرة الوحيدة التي تميزني عن كلّ النساء
لكني سمعته ...
حين رأيتك
وحين عشقتك !
وحين ابتلعني وجودك
أصرخ من شدّة انصياعي ... للموت فيك
وللعيش فيك ، وللعشق فيك




من أجمل وأرقّ تحوّلاتي
أنني أصبحت لا أملك السلطة
على ذاتي ...
لأنني غدوت مفتونة
وغدوت مجنونة
وغدوت امرأة جاهلة في ذكرياتي
ما أجمل الجنون يا سيّدي
حين يرسمني عاشقة ... في دواتي




ها أنا الآن يا سيدي ...
خلعت عني كلّ الأقنعة
وتلوّنت بريشة من ضباب
لأنك أتقنت التستّر بالسّحاب
وأتقنت اللّعب فوق ميادين الأعصاب
ها أنا ..
أغلق أمامك .. أسطورة قرأتها
يوما في كتاب
فهل ستجد اليقين بعدي
هل ستؤمن بعدي ... بالسّراب
هناء

[NAHID 76]

بسم الله الرحمن الرحيم
عزيزتى هن ء عصام
قرأت كلماتك الرقيقه
ومن أول وهله حسيت أن يمكن يؤخذ منها أبيات
وتغنى
بصراحه كنت حسه انى أقرأ كلمات أغنيه جميله وذات معنى
ما رأيك فى هذه الفكره
اما عن ابياتها الطويله كان يمكن اختصارها بعدم تكرار المعنى بكذا شكل
يعنى شرحتنى الحاله فى بعاده وان مش ممكن نبعد
كان كفايه شرح هذه الحاله فى مقطع واحد وعدم التكرار بأكثر من شكل
ده رأى غير متخصص
قائم على التذوق فقط
تحياتى

[هناء عصام]

بسم الله الرحمن الرحيم
اولا اشكرك جدا على مرورك الكريم
ومؤكد ان الاختلاف فى الرأى لا يفسد للود قضية
بالعكس افضل ما نأخذه فى حياتنا هى النصيحة
وبالنسبة لفكرة الاغنية بجد فكرة جميلة ولكن هيهات ان تصل
عموما اكرر شكرى وامتنانى لمرورك الكريم

[هناء عصام]

وأعترفت لى
وأعترفت لى ...............أعترفت لى أنى ليا عندك مكان
وأعترفت لى ان جوة منك عايشة كمان
واعترفت لى ان ما فى قوة تبعدك عنى
لا سفر ولا حزن ولا حتى غدر الزمان
قلت لى انى جواك موجودة...........و أن صورتى جوة قلبك ايوة موؤدة
وصوتى كمان بتسمعه وانا ساكتة ..........وان حياتك من غير وجودى فيها بجد مفقودة
سمعت كل دا وانا ببكى............ودموعى بتجرى على خدى
مش عارفة ليه؟؟؟؟؟ولا فاهمة ايه يكون سبب دمعى
يا ترى سببها فرحتى بكلامك؟؟؟؟؟؟؟؟ولا سببها قهرتى لغيابك؟؟؟؟
ولا يمكن يكون السبب انى من زمان مستنياك.........ودى دموع فرحتى بلقاك
خايفة اقولك انى خايفة ...........ايوة خايفة
خايفة يكون حلم واصحى منه ما لقاك ........خايفة يكون وهم عشته وحلمته كدا وياك
خايفة تكون سراب من لهفتى جريت عليه......وانصدم والقى نفسى بعيدة ومش وياك
حبيتنى اه وحاسة بكدا...........حبيتك اه ومتاكدة
شوق وهمس وفرحة كبيرة حساها فى كلامك
فى بعدك عنى بحس انك بتعد ايامك
بتحسب فات منها ايه وباقى اد ايه عشان تثبت لى غرامك
بجد مشتاقة اشوفك بجد مشتاقة ليك.........محتاجة احس بايدى فى حضن ايديك
نفسى احس انى عايشة بجد .....
نفسى اصرخ واقول انا حبيت والاجمل من كدا يا ناس انا اتحبيت
قلت لى انى حلم من زمان جواك
عشت تحلم وتتمنى فى يوم القاك
شفت كتير وقاسيت كتير وسهرت ودا وضع الزمن وياك
حسيت بلهفة وشوق فى كلامك حسيت بحب قلب كيانك
حسيت انى جواك بكون
لمسة و فرحة مالية عليك الكون
بتتمنانى اكون وياك تحكى لى عن قصتك وعن دنيتك وعن ايامك واللى عملته وياك
حبيبى بعمرى حبيتك ..........قلبى وعقلى وروحى هديتك
بتمنى اسكن كمان بيتك

[ابوحسام]

ما أرق هذه العاطفة السامية بدفئها وصدقها وتلقائيتها...!!!.
والمتدفقة في حياء ناعم وتمنيات شفافة تنم عن رائحة حقيقية للحب القديم !!!
ياسيدتي...كلماتك تلوح بقدوم شاعرة للعامية تختلف عما عهدناه من ذي قبل.
ولكن أرجو أن تصقلي تلك الموهبة الواعدة بكثرة القراءة للشعراء المجيدين
حتى ترتسم في قريحتك موسيقا الكلمات وأوزان الجمل أكثر وأكثر
وتتسع لديك آفاق الخيال الرحبة .. عندها سوف نجد إنتاجك عامرا بالصور
المحلقة والأخيلة الهائمة.
تمنياتي لك بالسمو والاختلاف....

[هناء عصام]

اشكرك جدا على مرورك وردك
يسعدنى ان اسمع النصيحة واوعدك انى اعمل بها
تحياتى

[حمدي السمر]

نص قي قمة العذوبة
واثني كلام الاستاذ ابو حسام
لك الروعة

[NAHID 76]

بسم الله الرحمن الرحيم
اختى الفاضله هناء عصام
مش عرفه ليه لما أقرأ كلماتك أحس على طول أنى بسمع أغنيه لورده الجزائريه ولائيك يا حبيبى سبقتى هناك الدنيا فى أيد والفرح فى أيد والشمع يشفنا هناك يا حبيبى من غير ما نأيده لوحده يأيد
ليه هذا الاحساس لا اعرف
اعتقد أن كلماتك الجميله تصلح أن تغنى اسلوبك جميل وتعبيراتك حلوه وابعدى عن بعض التكرار
فى المعنى الواحد

وده شيئ جميل لاننا نفتقد الى كاتبه للأغانى ودائما كتاب الاغانى رجال

[عفاف سليمان]

اختى العزيزه هناء
كلماتك جميله تنم عن فيض جميل من المشاعر والاحاسيس
وانا مع زميلى 000عليكى باثقال موهبتك بالقراءه لبعض الشعراء000وايضا موسيقى الشعر
والوزن وعلم العروض حتى تثقلى من موهبتك الجميله
وتستطيعى ان توزنى الكلمات
وتحسى بموسيقاها
واكيد هيبقى فى شاعره جميله ورقيقه ذات احساس عالى
وموهبه جميله:rolleyes:
الى الامام واسعدك الله :cool:
وامنيتى لك ان تكونى من اجمل شاعراتنا
وفقك الله اختك عفاف:emrose::emrose:

[هناء عصام]

بجد مش قادرة اوصف مدى سعادتى بكل كلمة كتبت لى
اشكركم جميعا واتمنى اكون دايما عند حسن ظنكم
واوعدكم بالعمل بنصيحتكم
وياريت ما تحرمونى من ردودكم على كل ما اكتب
تحياتى واكرر عظيم شكرى
هناء

[عادل صموئيل]

الأخت الفاضلة
اهلا بكى فى المنتدى
نرحب بمشروع شاعرة جميلة
انا كموسيقار عجبتنى الكلمات والاسلوب والمشاعر التى تجعل اللحن يوشك ان ينساب ويطالب بالخروج الى النور
ولكن عندك مشكلة صغيرة مع وجود الموهبة وهى كما قال الأخوة الحباء دراسة علم العروض الشعرى والوزن
يعنى مشروعك هنا جميل غاية فى الجمال وكلمات يشتهيها الملحن ولكن المفروض ان تكون الأبيات متناسقة الحجم بمعنى ان تتساوى فى عدد الكلمات يعنى لو تدرسة اغانى المؤلفين الكبار فى العامية تجدى كل بيت لو تكون الاول مثلا من عشر كلمات لسارت القصيدة على هذا النهج ممكن يحدث اختلاف فى عدد الحروف يعنى ينقص حرف او حرفين لكن الحجم العام واحد ونقص الحرف او الحرفين يدخل فى علم العروض ايضاً ونداريه فى التلحين بإطالة حرف موسيقى لنعوض النقص ( وبينى وبينك كل كل الأغانى حتى ام كلثوم بيحصل فيها كده ) طبعا حضرتك لمستى فى الردود قبلى كلمات جميلة من كبار فى التذوق الشعرى ولمستى مدى تقبلهم لجمال كلماتك
واقول ذلك لأن كل جملة موسيقية تخضع لحساب دقيق يعنى الجملة الموسيقية عندما تكون مثلا 44 حرف موسيقى يعنى 44 نغمة لابد ان تكون كل الأغنية نفس المقاس وانا كموسيقار درست فى كلية التربية علم العروض الشعرى والذى بدونه لايستقيم شعراً ثم درست علم العروض الموسيقى وهو للموسيقيين فقط لتطبيق علم العروض الشعرى على ااالجملة الموسيقية السليمة
مع اطيب تحياتى واهلا بكى فى المنتدى وانتظر عملك القادم

[هناء عصام]

اشكرك استاذ عادل
واتمنى اكون دايما عند حسن ظنكم
بجد سعيدة بكل حرف كتب لى
اكرر شكرى وامتنانى
هناء

[هناء عصام]

هنت عليك وهانت عليك ايامى


لا عدت بوحشك ولا بيوحشك كلامى


هجرتنى وبعدت عنى جرحتنى


وسبتنى كدا اسيرة دموعى والامى


عملت ايه لكل دا وايه ذنبى انا


ومين يرضاه كدا وازاى ارضا انا؟؟؟


الصراحة والصدق هما ذنبى


لا كدبت ولا خدعت ولا خنت فى يوم انا


حاسة انك كنت بتدور على غلطة تمسكها لى


عشان تبعد وتقول انى سبب كل اللى بيجرا لى


ظلمك دا فيا استحالة ارضاه


وبعدك كدا عنى حتدفع تمنه مليون أه


أبعد و أهجر وطول غيابك


لا حسال فيك ولا حرضى بعذابك


حبيتك ايوة مش ناكرة


ازاى وامتى مش فاكرة


كل اللى فكراه ان قلبى اتولد لحظة ما حبك


وكل نبضة فيه كانت تقولك بحبك


ودلوقتى نبضاته اهات بتكوينى


تصرخ تقول ذنبى ايه وليه يخلينى


أتعذب كدا وأشيل ذنب مش ذنبى


أنا ذنبى انى عيشته الحب فى قلبى


وكان هو واحد أنانى ظالم ظالمنى


غدر بى وفات لى نار بتكوينى


أسمع حبيبى اقصد ياللى كنت فى يوم حبيبى


حبعد واشيلك من قلبى انا


حبعد واسيبك من غيرى انا


انا اللى كنت ليك الدنيا وضيها


حتلاقى مين غيرى ينسيك همها


دور ولف الكون


زى انا مايكون


غيرى انا ما فيها حد يقدر بهمسه منه تنسى همك


لمسه منه تنسى بيها كل المك


تنسى حزنك تنسى كل الكون


ايوة انا


اللى بس اقدر اكون كدا وياك


ايوة انا


اللى معاها تكون فرحتك وهناك


خلاص حبيبى


روح وطووووف


لف الكون وشوف


ومسيرك كدا راجع بعيون ماليها الخوف


مليانة دمع الندم والحزن ويا الاه


حترجع تقول ندمان وقلبى فى بعدك ما عرف غير الاه


ساعتها حقول لك خليك كدا بيها


حياتى خلاص انا لازم اعيش فيها


وحلاقى الف مين يعرف قيمة كل حرف واغنية بغنيها

[عادل صموئيل]

الاخت الفاضلة هناء
انا طبعا قلت قبل انى بقرا القصيدة كملحن
يعنى غير طبعا تذوق الكلام الحلو تانى مرة اقراها بحس بالمقاسات يعنى مقاس البيت الاول وبعد كده مفروض مقاسات امقطع تبقى متساوية او على الاقل متقاربة
عندك هنا مثال

مليانة دمع الندم والحزن ويا الاه


حترجع تقول ندمان وقلبى فى بعدك ما عرف غير الاه


البيت التانى مقاسه كبير جدا عن مقاس البيت الاول
وانا كان اصدقائى الشعراء العظام اللى عملوا احلى اغانى ام كلثوم وعبد الحليم وكل العمالقة بحكم عملى معاهم
كانوا بيحلوا المشكلة دى بعد ما يكتبوا القصيدة يعنى عملية ولادة الأفكار هنا كانت خبرتهم انماهم بما معناه يمسكوا البيت الطويل ويعملوا تعديل يعنى يشيلوا منه حاجة ويحطوا حاجة بحيث الإحتفاظ بنفس المعنى مع تقريب المقاس بينه وبين المقاس العام للقصيدة
لاحظت كمان عندك ان فيه ابيات قصيرة ودى حلاوتها ان تيجى 4 ابيات ورابعض بالمقاس ده وعندك هنا نماذج حلوة من كده , طبعا حتى احمد رامى وبيرم التونسى ما اتولدوش كده ولكن طول ما الموهبة موجودة الإجتهاد اكيد يوصل لشىء جميل جدا وعبقرى اتمنى تكون رسالتى المتواضعة وصلت مع اطيب تحياتى