مشاهدة النسخة كاملة : لو كنت اكون !!
M O H A M E D
15/02/2009, 10h46
لو كنت اكون
يا سلام لو كنت اكون ..
نغمــة حلــوة تـرن و الدنيـــا سكــون
و الا نسمة تصاحب الطيـر و الورود
و الا ورقـــــة في كتاب من ألف باب
و الا دمعة عين تريّح
قلب مخنوق م العذاب
و الا اكون حتة قماش !
يعملوني حتى منديل و الا شاش
أمسح الدمع الحزيـــن ..
و اضم جرح المجروحين
شمعة قايدة في عيد ميلاد
عطر طاير في الهوا لكل البلاد
نقطة في ضرع السحاب
سِبحة في إدين اللي تاب
حاجة حلوة .. بس اكون !
**
يا سلام لو كنت اكون ..
كلمـة حــق لما ابوح
شمس تانية لو تروح
الحقيقــة عن عيــون النـــاظرين
و البراءة لو تضيع م المظلومين
رصاصة في وجــه الفســــــــاد
كل ظالم ، كل طاغي في البلاد
و العدا ، و المعتدين
سيـــف يحطـَّــم كـل قيـــد
فرحــة ساكنة فـ كل بيــت
ورقــة في غصـن الزتـون
ضحكة في عينين اللي عاد
بعد غـــربة ، للبلاد
حاجة تِفرح .. بس اكون
و يا سلام لو كنت اكون !
أيوة تقدر انت تكون
انت انت تقدر تكون
لأ دا انت لازم تكون
كن إنسان و انت تكون !
Islam Eidrisha
15/02/2009, 11h10
والله زمان يا أستاذ سلاموني
جميلة ورائعة مليئة بالخشوع
ولا تخلو من مسحات شجن
اللهم اجعلنا دوائا لكل مكلوم
NAHID 76
15/02/2009, 14h12
بسم الله الرحمن الرحيم
اخى الفاضل د محمد السلامونى
اهلا ومرحبا بعد غياب علينا طال
اما لو كنت تكون ده حتكون حاجات كتير اوى أد الى تمنيته وحكيت عنه كتير
يمكن ميتسعش المجال لها
بس جميل كل الى تمنيته ان يكون
واضم صوتى لك واقول يا رتنا نكون فى حب سماعى ويفضل
عالى بنا على طول
ابو الطل
15/02/2009, 14h58
يا سلام لو كنت اكون ..
شمعة قايدة في عيد ميلاد
عطر طاير في الهوا لكل البلاد
نقطة في ضرع السحاب
سِبحة في إدين اللي تاب
حاجة حلوة .. بس اكون !
ياسلام عليك أستاذ محمد
كلام جميل كله رقة وعذوبة
وصور رقيقة رقة كاتبها
بربك هل من مزيد ؟؟؟؟؟؟؟؟؟
اخى وصديقى الصغير محمد افندى السلامونى
بعد التحيه ومن غير رغى كتير
بجد ربنا يحميك لشبابك :emrose::emrose:
تسلم ايدك ودماغك والحبر والورق اللى استهلكته هنا :mad:
من الاخر هتكمل قصة الطياره الورق امتى
الجزء الاول حمض يا محمد يا خويا ;)
محمد حمدان
15/02/2009, 17h48
لو كنت اكون
عطر طاير في الهوا لكل البلاد
**
انت انت تقدر تكون
لأ دا انت لازم تكون
كن إنسان و انت تكون !
اخى و صديقى العزيز
دكتور محمد السلامونى
لافض فوك يا أديب المشاعر و الاحاسيس
سلمت وسلمت يمينك وصح لسانك
كلماتك عطر وقد انتشر عطرك فملأ سماء البلاد
ووصل لكل احباؤك من العباد
جميله يا فنان . . .
و الا دمعة عين تريّح
قلب مخنوق م العذاب
والله يامحمد ماكنت ناقصه اقرا البيت ده
بجد شئ اكثر من رائع
احساسك حلو قوى
وتعبيراتك متميزه
بص مش عارفه اقول ايه عن قصيدتك يامحمد
بس هى بجد اكثر من رائعه
بس ياريت متغيبش كده بين القصيده واختها
عايزين سيل منهمر من الاشعار الحساسه زى لو كنت اكون !!
:emrose::emrose::emrose:
الله يا استاذ محمد
حاجة رقيقة وجميلة اوى
ياسلام لو كنت اكون
نغمة حلوة ترن والدنيا سكون
ولانسمة تصاحب الطير والورود
النغمة الحلوة اللى بترن والدنيا سكون
هو سماعى
والنسمة هى مشاركاتك فى المنتدى
والطير والورود هم اخوانك واخواتك الاعضاء
ياريت مش تحرمنا
وعايزين المزيد
صباح2015
15/02/2009, 22h42
ما شاء الله
يا دكتور/ محمــــد
قصيدة جميلة جداً بكل مافيها
من أمانى وتضحية وخيرللآخرين
يسلم عقلك وقلمك
فى إنتظار التالية
مع شكرى وتحياتى ,,
لو كنت اكون
يا سلام لو كنت اكون ..
نغمــة حلــوة تـرن و الدنيـــا سكــون
و الا نسمة تصاحب الطيـر و الورود
و الا ورقـــــة في كتاب من ألف باب
و الا دمعة عين تريّح
قلب مخنوق م العذاب
سلامون سلامون
اسمح لى يا جميل أقول " بُقين "
اولا انت فين يا حبى من زمان ؟؟
ليه ما بتنزلش الملعب ؟؟؟
فرصتك كبيرة الان يا سلامون , وسط اساتذة حقيقيين
لا يبخلون بالنصح و التوجيه لأى موهبة
ثانيا : كتابتك دى شئ جميل جدا , بمنتهى الصدق و بدون مجاملة يا صديقى
شئ جميل بجد ,
هو ايه اللى جميل بالظبط ؟؟
المعانى و الافكار, الشفافة الرقراقة الصوفية
فى منتهى الجمال و الابداع , يا سلامون
حب و تفانى و تصالح مع النفس , برومانسية و رقة محمد السلامونى
يعنى حاجة عالية اوى اوى
هى تشبه شوية فى الفكرة , رائعة سمير الاسكندرانى يا رب أهلى و بلدى و المجتمع و الناس
لكن صياغتك أراها أكثر رقة و أعلى خيالية.
طيب و الشعر من حيث الصنعة ؟؟؟
ما اعرفش,
كعادتك يا سلامون
ابيات موزونة و متظبطة
و ابيات شايفها مكسورة
زى دول مثلا
أيوة تقدر انت تكون
انت انت تقدر تكون
لأ دا انت لازم تكون
كن إنسان و انت تكون !
و دة متهيألى يحول الليلة الى سجع مش شعر
يعنى لازم استاذ بشير أو استاذ كمال أو استاذ سيد أو أستاذ رائد
أو أحد شعراءنا يحكم عليها من هذا الجانب
فاكر لما قلتلك انت خلاص المفروض تتحاسب على الكلام دة بجد , و بدون مجاملة من احد؟؟
و الا مش هاتتعلم
و هاتفتكر انك ماشى صح؟؟
فعلا دة اللى انت بتعمله
الموهبة كبيرة يا سلامون , خسارة ما تظهرهاش و لا تبلورها و لا تبرز جمالها , بتجاهل اساس الشعر.
كمل يا سلامون , و ابعت القصيدة قبل رفعها لأى استاذ منهم لتنقيحها و تظبيطها قبل رفعها , و صدقنى لن يبخل أحدهم بالنصح و التوجيه .
M O H A M E D
16/02/2009, 12h53
الأخوة و الأصدقاء ..
الأساتذة
إســــــــــلام
مدام نــــــاهد
ابــو الطـــــل
ريـــمــــــــــا
محمد حمـدان
لـــــــولــــــي
رايـــــــــــــــا
مدام صبــــاح
محمد أبو مندور
والله مش عارف اقول لكم ايه
على ذوقكم ، و كلامكم الجميل
متشكر جداً
:emrose:
قلـِّبت في دفاتري القديمة لقيت غنوة ،
بهديها لحضراتكم ، و يا رب تعجبكم
:emrose:
M O H A M E D
16/02/2009, 12h55
قلوب طيبة
:emrose:
صدقني يا قلبي في
لسه قلوب طيـبـــة
و لسه يا قلبي ناس
دمعتهــــا قريـِّبـــة
عشان مرة اتخدعت
هتقول مفيش أمــان
لا يـــا قلبــــــــي لا
إنت أكيد غلطـــــان
**
صدقني يا قلبي دوّر
ع الخيـــر هتلاقيه
و تلاقي زيـك كتير
محتاج اللي يداويه
صدقني يا قلبي دوّر
لا تمـــل و لا تتغيّر
بكلمة تملك قلوب ،
و العالم و اللي فيه
**
ليه تشكـــي م الأيـام
لسه ياما في الطريق
بكرة هتلقى الحــــب
و هتلاقي الصديـــق
قرَّب للنــــاس شويــة
امشي و اعرف الدنيا
و خلـي الخير دليلك ،
و لا ترضى عنه بديل
:emrose:
انت عارف يا محمد ردك احلى من الموضوع نفسه
انا من راى تمشيها بعد كدا ردود بس
عجبتنى اوى بجد اوى اوى يعنى
مستنياها بصوتك باه :emrose::emrose::emrose:
تمنياتى بمزيد من الردود:emrose:
ياا سلام لو كنت اكون
( لو كنت اكون ) ،،،
جاذبة هذه التركيبة الفظية ، معنىً و نطقاً ،،
و التي تعادل في الفصحى ( لو كانَ لي أن أكون )
و لنتسمّع سوياً إلى ( كنت اكون ) و هي نفسها نُطقاً ( كن تكون ) !
تأملوا في النطق ، الكافـَين ، و النونـَيّن !
تريثتُ عند ( لو كنت اكون ) ،، لأن هذه التركيبة ،،
هى قاطرة القصيدة العامية ،،
التي جَرَّت ورائها ، ما تلاها ،،
فمثل عود الثقاب الذي ( يتوهج ) عند أول وهلة لاشتعاله ،،
كانت : ( لو كنت اكون ) الوهج الأول ، الذي أشعل نار العمل كلـِّه ،،
بل كان يمكن للشاعر الاستغناء عن ( ياا سلام )
و هى تعني التمني في العامية ،،
ثم أتبعها بهذا السطر ، الذي يتجلى فيه التضاد ( أو الكونتراست )
الصوتي ، بين الرنين و السكون :
نغمــة حلــوة تـرن و الدنيـــا سكــون
و لاحظوا القافية ( النونية ) ، أكون / سكون
و التي كان من المفترضِ ، أن تومضَ مع نهاية كل سطرٍ شعري ،،
و تنضبطُ معها الحالة الصوتية و النفسية للقصيدة ،،
لكن الشاعر ، يخرج عن هذا النسق المتوقع ، و يضع لفظة ( الورود ) ،،
فتنفلتُ من جاذبية القصيدة آذاننا ،،
و ننتظرُ عودة ً لدقات قلب القافية ،،
فنجد بعدها : ،،،،باب / ،،،،العذاب
الشاعر تنازلَ عن قافيته ، مقابل المعنى و الصورة ،،
أود هنا أن أشير ، إلى أن من يَقرُض الشِعر ،
كلما تعمقت تجاربه ، و كثرت ممارساته الكتابية ،
و الاطلاع ، فضلاً عن موهبته ( المُفترضة بداهة ً ) ،،
إستطاع أن يضع المعنى و المشهد ،
في قالب القافية و الوزن ، دون أن يتزعزعَ منه أحدهما ( الشكل أو المضمون ) ،،
إنه ( الثراء ) و المهارة التي لا تتأتى إلا بالمثابرة ، و التوقف عند اللفظة و ما يتولد منها ،
و تحسس كتابات المبدعين الآخرين ،،
***
الشاعر توخىّ النغمة ( فاعلاتن فاعلات ) ،، و أخذ ينسج من تلك النغمة ، قصيدته ،،
فكانت تأتي كذلك على ( فاعلاتن فاعلاتن فاعلات ) ،، نحن هنا في حضرةِ ( بحر الرَّمَل ) ،،
غير أن الإيقاع اختل في المقاطع :
كلمة حق لما ابوح ،،
أيوة تقدر انت تكون
انت انت تقدر تكون
لأ دا انت لازم تكون
كن إنسان و انت تكون !
و هذا المقطع الأخير بالذات ، ليته لم يُضَفْ إلى القصيدة ،،
كان من الأوقع ، أن تظل الأمنية ( ياا سلام لو كنت أكون )
و تنتهي القصيدة عندها ،، فيظل الحلم و الرجاء مفتوحاً على
مصراعيه ، قابلاً لاحتمالاتٍ شتى ،،
***
و الا اكون حتة قماش !
يعملوني حتى منديل و الا شاش
أمسح الدمع الحزيـــن ..
و اضم جرح المجروحين
هنا نلاحظ أن التشبيه ، طغى على ( الشِعرية )
بل ان هناك اختلال وزني في ( و اضمّ ) ، و لو قالها مثلاً :( وَاشفي ) و تـُنطق : ( وَشفي ) ،
لانضبطَ الوزن
***
شمعة قايدة في عيد ميلاد
عطر طاير في الهوا لكل البلاد
نقطة في ضرع السحاب
سِبحة في إدين اللي تاب
صور بديعة و مجسدة ، تستدعي الخيال بقوة ،،
و تبرز مفهوم ( الإيثار ) ،
و هي الرسالة التي تحملها معاني القصيدة
ثم تأملوا هذا المقطع المُنساب التلقائي الصادق :
و الا دمعة عين تريّح
قلب مخنوق م العذاب
في المُجمَل ،،
هذه العامية رقيقة و حالمة و رومانسية و تأملية و صادقة ،،
و الموهبة واضحة في شاعرنا و حبيبنا محمد السلاموني
مع خالص تحياتي :emrose:
NAHID 76
17/02/2009, 21h03
بسم الله الرحمن الرحيم
لكم ان تتخيلو الفرق بين ردى على هذا الموضوع
ورد المحترف ألمخضرم فى عالم الشعروالتحليل
الشاعر كمال بك سمعجى باشا
طبعا البون شاسع وشتااااااااااان بين الردين
بس أهو من ده وده
المنتدى كده
يسلم تحليلك وكلامك وفهمك يا كمال بيه
تحياتى
غواص النغم
18/02/2009, 00h18
رائع
يا سلاموني :emrose:
ماتكتبه وماتبدعه
تعرف احسن حاجة هي تلك الهفوات البسيطة التي قد لفت نظرك اليها سمعجي باشا الكبير
ان ماتشعر به هو ما تكتبه وتنقله لنا بدون اي خدش او تعديل عليه
((لأنك كتبتها في مرحلة معينة تمثل لك ذكرى فلا تريد ان تفسد براءة اللحظة ))
وياريت تمتعنا بكل ماتكتبه او ماتجده عندك من كراساتك القديمة وماتحويه من افكار واحاسيس جديدة
:emrose:تحياتي:emrose:
M O H A M E D
18/02/2009, 04h42
الأخت و الصديقة العزيزة ريما
ربنا يجبر بخاطرك
:emrose:
عارفك بتقولي ايه في سرك دلوقتي :mdr:
M O H A M E D
18/02/2009, 05h03
الشاعر و الأديب و الناقد
كمال عبد الرحمن
كمال الفن و الأدب .. :emrose:
سعادتي لا توصف بمرورك و تعليقك يا أستاذنا
و دلوقتي بس ضمنت لأي زائر للموضوع انه يستمتع و يستفيد
مش بقراءة تجربتي المتواضعة اللي مش لاقي لها مسمى واضح :crazy:
و لكن بقراءة تعليقك الأكثر من رائع
حضرتك ثمنتها بعين الخبير .. و أبرزت مواطن القوة و الضعف فيها
و فاجئتني لما أشرت لكلمة " اضم " ، والله ما كنت مستريح لها :mdr:
بس شايف ان حضرتك جاملتني لما وصفتني بـ " الشاعر " .. و يا سلام لو كنت شاعر !
كل الشكر و التقدير و المحبة لحضرتك
دمت معلماً و أستاذاً و مبدعاً :emrose:
M O H A M E D
18/02/2009, 05h17
الأديبة الأستاذة مدام ناهد
الحمد لله على وجود الأستاذ سمعجي في سماعي
و يعلم الله كم تعلمت منه ، و لا زلت أتعلم
شكراً لكِ و له ، و لكل من أسعدني بتعليق أو مر من هنا
:emrose:
M O H A M E D
18/02/2009, 05h27
وسـَّــع وسـَّـع للغـــــــوَّاص
ملك الفـــن و الإحســـــاس
بيني و بينه ميزان حسَّـاس
يفهمنـي بـ ولا أي كــــــلام
( :emrose::emrose::emrose::emrose: )
Powered by vBulletin Version 3.8.4
Copyright ©2000 - 2025, Jelsoft Enterprises Ltd