برنلمج لتحويل ملفات WAVE إلى MIDI

[منذر عبود]

:crazy: برنلمج لتحويل ملفات WAVE إلى MIDI
وضعته هنا لأن هذا البرنامج مهم للمهتمين بالتدوين
الكراك ضع أي إيميل سيعطيك السيريال البرنامج سيطالبك بهما عندما تريد حفظ الملف
البرنامج سهل الإستخدام
شرط ملف wave أن يكون بتنسيق PCM8\16bits11025\22050\44100Hz WAVE

[منذر عبود]

عفوا لاأدري لماذا لم يحمل المرة الماضية قد يكون الامتداد rar .حاول السريال من هنا إنشاء الله لن يخذلك

[منذر عبود]

إلى الأستاذ الأستاذ سعيد التازي وكل المهتمين بالموضوع هاك برنامج يحول ال mp3 وwav إلى midi
مع السيريال كتابة
وهو أبسط في الاستخدام وأحسن بالنتائج
تذكرالملفات mono ,وليست stereo
Wave and mp3 to MIDI Converter

[منذر عبود]

هذا البرنامج أكثر تطورا بكثير مما سبق وهو تابع لسليبليوس حيث تستطيع تصدير العمل منه الى السيبليوس ولكن الملف حتى يتم تحويله يجب أن يكون WAV. على مايبدو أستاذ هنداوي لن ننتظر 10 سنوات جربه إنه مذهل

[عادل صموئيل]

اشكر الدكتور منذر عبود
واسأل سؤال مهم لأنى طبعا بتكلم بطريقة علمية او على الأصح مش افرح بأى برنامج وخلاص يعنى لازم يكون فيه اكبر فائدة للى يستعمله وانا بسألأ لأن ماليش خبرة نهائى فى هذه النوعية من البرامج لأنى بدون النوتة بأذنى يعنى بسمع التسجيل وادون لأن طبعا لا يخفى عليكم ان الموسيقى او الاغانى الشرقية فيها اختلافات خطيرة مش موجودة فى الموسيى الغربية وطبعا البرامج دى كلها اوربية يعنى حسابنا مش معمول فى البرامج دى والمشاكل الخطيرة هى بكل موضوعية وخبرة
اولا : المقامات الشرقية
ثانيا : الأدليب
ثالثا : اختلافات السرعة يعنى لو سمعت ام كلثوم مثلا تلاقى فرق فى السرعة فى الكوبليه الواحد بين كل جملة واللى بعدها يعنى تلاقيها تبطىء شعرة او تسرع شعرة وده مش موجود ابدا فى الموسيقى الغربية وممكن يخلى البرنامج يتبرجل
رابعا : الإيقاعات الشرقية اللى مش 2/4 و3/4 و 4/4 يعنى مثلا زى 6/4 او 10 / 8 اعتقد انها ممكن تبرجل البرنامج
طبعا كلامى ده انا بقوله من واقع خبرتى فى التدوين على الإنكور يعنى كل الحاجات اللى قلتها انا اخترعت فونت وبعمل تحايلات على البرنامج عشان تطلع الاربع حاجات اللى ذكرتها فى النوتة لكن بتبقى شكلا فقط يعنى النوتة ممكن انت تقراها او تعزفها 100% لكن الاربع حاجات دى البرنامج ما بيعزفهاش لأنه غربى اصلا يعنى مثلا لما تكتب مقام كرد او نهاوند والموازين تلاقى البرنامج يعزفها صاروخ لكن سطر اديبل بيقرا منه اربع نورات ويقفز على السطر التالى
السؤال الاخير يعنى مثلا ممكن على البرامج دى نفتح اغنية توبى لعبد الحليم مثلا ونحولها ميدى ونفتحها على برنامج انكور ولا لازم سبيليوس
طبعا انا احب اعرف الاجابة من باب العلم بالشىء وعشان ما ابقاش متخلف عن الحضارة الحديثة لكن الاجابة ممكن تفيد آلاف الأعضاء من المبتدئين اللى ممكن يحولوا الاغانى الى نوتة والبرنامج بسهلها لهم , يعنى انا كذا مرة اعضاء هنا بيطلبوا منى نوت بعدين اكتشفت انهم بيحاولوا يفتحوها على برنامج سبيليوس او انكور عشان يقراها لهم

انا آسف للإطالة ولكن اود طرح الموضوع للمناقشة للفائدة العامة والف شكر مقدماً

[منذر عبود]

أستاذ عادل أسعد الله أوقاتك
هذه البرامج خطوات لتسهيل التدوين قد تأتي أوكلها بالمستقبل بس حتى الآن هذا أفضلها
النغمة الشرقية لايدونها بل يقربها إلى أقرب شي لها
بالنسبة للتسرعة والتباطوء هو يقرب السرع جميعها إلى متوسط بينها أي النوتة التي يدونها ثابتة السرعة
بالنسبة للميزان عليك أنت أن تحدد له الميزان
أما لوحة النوتة هويكتشفها ويدونها
وعندم تحفظ العمل كملف midi أي برنامج حتى الإنكور يقرأها
أقدم لك تدوين أغنية أنا قلبي دليلي عزف كمان ودونها البرنامج تجد هناك ثغرات كبيرة ولكن هذه خطوة المهتمين بالبرمجة مع الزمن ستصبح أفضل فالبرامج السابقة كانت تعطيك 10 سطور أثناء التدوين أصبحت سطر أو سطرين
طبعا العزف على بيانو أو أورغ يعطي دقة أكبر العزف يجب أن يكون على آلة واحدة أي صوت واحد بدون ايقاع
أما بالنسبة لك أذنك الموسيقية هي أفضل وأسرع منالبرامج لأن التعب لتصليح ما دونه البرنامج أصعب من كتابتها فورا
وانا نزلت هذا البرنامج من باب الفضول والمعرفة ولكن المبتدئين قد يفيدهم

عندما أستخدم الديابازون للدوزان أجده أدق وأسرع من استعمال الآلة الألكترونية (لاأعرف ماذا تسمى) التي نضعها على الفرس لتعطيني دقة العلامة أثناء الدوزان
كتبت الرد على عجلة من أمري ولذلك عذرا إن كان هناك شيء لم أوضحه
ولكن عندما رأيت طلبك أسرعت بالرد لأن مثلك لايرد له طلب ولايجب أن يؤخر
قد أعدل فيما كتبته من هون للمسا إن رأيت متسعا من الوقت

[عادل صموئيل]

عزيزى دكتور منذر
اشكرك على سرعة الرد
طبعا انت لمست فى كلامى انى اقصد من ناحية الخبرة يعنى انا بدون على انكور منذ عشر سنوات وعارف مميزاته الجميلة جدا ولكن نقط الضعف فيه هى تدوين موسيقانا الشرقية وانا تغلبت عليه وترى هذا فى النوت التى ادونها ولكن تغلبت عليه بيدى يعنى اثناء التدوين بتحايلعليه عشان اكتب كل اللى انا اريده لكن لو فتحت عليه ملف ميدى هنا البرنامج هو اللى سيتحكم فى المنتج انا جربت من باب الفضول امس نولت برنامج widi اللى حضرتك نزلته وجربت حولت عليه كذا نموذج الى ميدى ولما فتحتهم على الانكور طلع شىء اقل مايقال عنه انه فظيع يعنى البرنامج بينقل اللى بيسمعه بامانة وطلع شىء اصعب من الصعوبة بكثير يعنى حتى ماتقدر تاخد منه جملة واحدة تصلح فيها وانا من خبرتى وتصوراتى ان حتى بعد عشرين سنة من المستحيل ان تجد برنامج يستطيع ان يحول اغانينا العربية على الأقل إلى نوتة انا بقول ده من دافع الخبرة واحب ان اشرح وجهة نظرى لو انت كتبت اربع نغمات 4 نوارات دو رى مى فا على برنامج سبيليوس او انكور وجعلت البرنامج يعزفهم بيكون حجم النوارات الاربعة متساوى لدرجة شديدة من الدقة يعنى لو تريد تعطى درجة من 100% فى تساوى الاربعة نوارات ستكون 100% فاهم قصدى ؟
لو اخدنا العزف ده وحولناه ميدى ثم اعدنا فتحه على انكور او سبيليوس ستجد ان البرنامج كتب اربع نوارات صريحة وصافية لكن تخيل انك او ى عازف عزف الاربع نغمات عمر ما تحصل ان ال 4 نوارات سيكونون متساويين يعنى ممكن توجد كوما او او نقص او زيادة حتى لو واحد فى ال1000 وده لو عزفتهم 4 نوارات صريحة اما لو عزفتهم بإحساس حيحصل تطويل او تقصير فى النوارات لو حولت اللى عزفته الى ميدى ثم فتحته على انكور ستجد ان البرنامج ينفذ ما يسمعه التطويل او التقصير حتى لو لم يتجاوز واحد من 1000% سيحوله البرنامج الى علامات ايقاعية تشبه الشجرة ويكون من المستحيل عزفه او قراءته وانا اشبه هذا الموضوع بالميكنة يعنى الميكنة ممكن تدخل فى اشياء كثيرة جدا لكن من المستحيل ان تدخل فى اشياء اخرى يعنى مثلا الاورج فى صناعته فى اليابان ممكن يكون ميكنة بنسبة 99% دون تدخل بشرى ولكن البيانو صناعته يدوية 100% ولاتدخل فيها الميكنة اطلاقاً يعنى لابد ان الصانع اولا يركب وتر وتر ثم القطع الميكانيكية من الأصبع الى الشاكوش لابد ان يركبها واحدة واحدة وبمنتهى الدقة ايه رأيك فى وجهة نظرى ؟
وبالنسبة لسؤالك عن الجهاز الاليكترونى الذى يضبط الآلات هذا الجهاز اسمه تيونر وهو صالح لضبط الاورج فقط ولايصلح بتاتا للكمان والارج انك تاخذ شيلد من سماعة الاورج الى الجهاز يعنى ينتقل الصوت داخليا وتضغط على اصبع الاورج وتلاحظ المؤشر او الترقيم وتضبطه عند الرقم المحدد اما الكمان انت تعلم ان كل صوت فى الحياة له تردد والنغمات الموسيقية لها تردد يعنى انت لو وضعته على الفرسة لتضبط نغمة صول مثلا وبجوارك صوت سيارة او اى صوت من اى نوع هذه الااصوات لها ترددات تؤثر على قراءة الجهاز لنغمة صول وتجعل القراءة غير مضبوطة وللعلم مرة احمد فؤاد حسن فى احدى السفريات اشترى هذا الجهاز وجربناه فى الفرقة الماسية وجدناه عقيما جدا يعنى احنا بنضبط على الاكورديون ناخد النواة او نغمة صول وعازف كمان يضبط فى ثوانى ثم يعطى الفرقة جربنا الجهاز وضبطنا الوتر فى وقت طويل ثم قارنناه بالأذن الخبيرة وجدنا الدوزان فارق واحسن طريقة لدوزان الكمان هى الاذن كما ان احسن طريقة للتدوين هى ايضا الاذن طبعا البرامج افادتنى كثيرا فى الكتابة بإستعمال الاذن
لكن ان نستغنى عن الاذن بالبرامح اعتقد مستحيل
مع اطيب تحياتى

[منذر عبود]

أستاذ عادل أنا معك الأذن والعنصر البشري مهم دائما
ولكن من كان يصدق أن تعطي النوتة للكومبيوتر ويقرأها بهذه الدقة
وحاول جرب آخر برنامج رفعته للمنتدى AudioScore Lite ‏ فستجد فيه تطورا كبيرا عن البرامج الأخرى
مما يوحي بانهم في طريقهم للتوصل لبرنامج يدون بشكل متميز

[Anitta]

الاستاذ :منذر عبود
انا اسفة ان لو موضوعي في اساءة لموضوع حضرتك بس انا حاولت كتير انزل البرامج الحضرتك رافعها مادرتش احملها لانها كانت معطلة لم تحمل ولو 1 % يعني بس انا كنت حبة انى ااول بردو مكان تحميل البرامج الكاملة زي سبليوس الكامل زي ما حضرتك اولت ان حجمة كبير فعلا النسخة الكاملةحجمها 4.5 Gb او اكتر دى النسخة الكاملة ممكن هي كمان بتحول الموسيقى الى نوتة يعنى ممكن كمان نستغنى عن برنامج Widi هو انا بحبى بس انا كنت عايزة اجمع البرامج كلها في حاجة واحدة وانا هجرب البرنامج Adio score lite بس لوسمحت ممكن تتاكد من المرفق لانى حاولت اكتر من مرة انى انزل كل البرامج دية بس المرفقات مكانتش بتحمل ويظهر انها معطلة لانى نزلت كتير من النوت كانت جميعها تعمل ولكن كان هناك البعض لايعمل من الوارد ان المدة المحددة لها انتهت وانا متاسفة جدا وشكرا كتييييييييييييييييييييييييير:emrose::emrose:

[منذر عبود]

الاستاذ :منذر عبود
انا اسفة ان لو موضوعي في اساءة لموضوع حضرتك بس انا حاولت كتير انزل البرامج الحضرتك رافعها مادرتش احملها لانها كانت معطلة لم تحمل ولو 1 % يعني بس انا كنت حبة انى ااول بردو مكان تحميل البرامج الكاملة زي سبليوس الكامل زي ما حضرتك اولت ان حجمة كبير فعلا النسخة الكاملةحجمها 4.5 Gb او اكتر دى النسخة الكاملة ممكن هي كمان بتحول الموسيقى الى نوتة يعنى ممكن كمان نستغنى عن برنامج Widi هو انا بحبى بس انا كنت عايزة اجمع البرامج كلها في حاجة واحدة وانا هجرب البرنامج Adio score lite بس لوسمحت ممكن تتاكد من المرفق لانى حاولت اكتر من مرة انى انزل كل البرامج دية بس المرفقات مكانتش بتحمل ويظهر انها معطلة لانى نزلت كتير من النوت كانت جميعها تعمل ولكن كان هناك البعض لايعمل من الوارد ان المدة المحددة لها انتهت وانا متاسفة جدا وشكرا كتييييييييييييييييييييييييير:emrose::emrose:
كل الشكر لك
هذه البرامج لست أنا مخترعها حتى أدافع عنها(تذكيرينني بمن يشتري سيارة يدافع عنها وعن ميزاتها وكأنه هو ابتكرها وترينه يدافع عن ميزاتها أكثر من الشركة الأم) ولكن بتصوري آخر برنامج أفضل الجميع AudioScore Lite وإذا كان هناك تساؤل أحاول أن أساعدك إن كان ضمن قدراتي
أما الموضوع فليس حكرا على أحد أي عضو يشاهد برنامج ويجده جيدا يشكر إن وضعه ويشكر أكثر إن شرحه
كل البرامج يمكن الحصول عليها من الإنترنيت ونحن نضعها هنا للتسهيل على الأعضاء لأن خبرات البحث مختلفة

[Anitta]

انا طبعا متاكدة من كدة بس انا نفسي في استفسار البرامج الحضرتك حاططها مش كاملة ودة اسا الموضوع بتاعى انى اقول منين الناس تنزل سبليوس 6 كامل وكمان انا مش عارفة انزلها مع انى منزلة حاجات كتير من المنتدى فممكن حضرتك تتاكد منها ولو شغالة يباى العيب من عندي بس ارجو من حضرتك تجربتها :emrose::(

[عاشقة العود]

استاذ منذر تحياتي:
اريد من حضرتك الشرح عن تشغيل هذا البرنامج انا حملتو ومش عارفه اشتغل عليه:emrose:

[احمد انور]

لقد استمتعت بالحوار الجاد عن موضوع برامج النوت الموسيقية ولي رأي متواضع في هذا الموضوع حيث ان الموسيقي العربية تمتلك امكانيات هائلة حيث ذكر في مؤتمر الموسيقي العربية عام 1932 ان عدد المقامات العربية تجاوزالتسعين مقاما وعدد الأيقاعات العربية تتجاوز المائة وعشرة ايقاع أن الموسيقي ثرية جدا وتتمتع باحساس عالي واداء يختلف عن الأحساس الغربي لذا اري ان يكلف احد المتخصصين في انتاج برامج الكمبيوتر بدراسة البرامج الغربية المتاحة في هذا المجال والعمل علي تطويرها حتي تتلائم مع الموسيقي العربية وتستطيع عزب الربع تون والأيقاعات العربية والتي تتنوع بشكل غير متوفر في الأيقاعات الغربية وهذا لا يكلف كثيرا ولكن بتعاون بعض الجهات المختصة بتطويرالموسيقي العربية والأفرادالمهتمين بهذا المجال يمكن تدبير تكلفة انتاج البرنامج العربي للموسيقي الإليكترونية والذي يستطيع معه المؤلف الموسيقي ان يبدع ويسهل عليه عمليات كثيرة في مجال الموسيقي ونسأل الله التوفيق
احمد أنور
الأخ الفاضل
اولا اهلا بك فى المنتدى
المشكلة صعبة جدا وممكن تكون سهلة ازاى ؟
فاكر الاورج اول مانزل كان غربى وكان العازفين بيحولوه شرقى ولكن بطريقة عك يعنى وحتى شكل الشىء اللى حطوه عشان الاورج يعزف شرقى كان شىء شكله وحش لنه علبة متصنعة باليد و ولكن شاءت الاقدار ان شركة ياماها استدعت عمار الشريعى وسألته انتم عايزين ايه فى الاورج قال لهم كل حاجة نفسه فيها وهم دخلوا كل اللى قاله فى تصميم الاورج الشرقى وابتدت باليماها 62 وطبعا تطورت ونقلتها كل شركات الاورج فى العالم , المعلية محتاجة حد يسافر لمنتجى البرامج الموسقية ويقعد معاهم ويشرح لهم احتياجاتنا ايه وهم يدخلوها فى البرامج , لإن ادخال الربع تون فى صميم البرنامج ده عملية معقدة تحتاج الدخول الى داخل تكوين ملفات البرنامج من جوه , محتاجة واحد عارف كل ملف ايه بالضبط لأن اى لعب فى الملفات بيعطل البرنامج , وحتى البراممج الى فيها ربع تون انا بالنسبة لى لحد دلوقتى مش مقنعة وربنا يسهل
مع اطيب تحياتى عادل صموئيل

[احمد انور]

لقد استمتعت بالحوار الجاد عن موضوع برامج النوت الموسيقية ولي رأي متواضع في هذا الموضوع حيث ان الموسيقي العربية تمتلك امكانيات هائلة حيث ذكر في مؤتمر الموسيقي العربية عام 1932 ان عدد المقامات العربية تجاوزالتسعين مقاما وعدد الأيقاعات العربية تتجاوز المائة وعشرة ايقاع أن الموسيقي ثرية جدا وتتمتع باحساس عالي واداء يختلف عن الأحساس الغربي لذا اري ان يكلف احد المتخصصين في انتاج برامج الكمبيوتر بدراسة البرامج الغربية المتاحة في هذا المجال والعمل علي تطويرها حتي تتلائم مع الموسيقي العربية وتستطيع عزب الربع تون والأيقاعات العربية والتي تتنوع بشكل غير متوفر في الأيقاعات الغربية وهذا لا يكلف كثيرا ولكن بتعاون بعض الجهات المختصة بتطويرالموسيقي العربية والأفرادالمهتمين بهذا المجال يمكن تدبير تكلفة انتاج البرنامج العربي للموسيقي الإليكترونية والذي يستطيع معه المؤلف الموسيقي ان يبدع ويسهل عليه عمليات كثيرة في مجال الموسيقي ونسأل الله التوفيق
احمد أنور
الأخ الفاضل
اولا اهلا بك فى المنتدى
المشكلة صعبة جدا وممكن تكون سهلة ازاى ؟
فاكر الاورج اول مانزل كان غربى وكان العازفين بيحولوه شرقى ولكن بطريقة عك يعنى وحتى شكل الشىء اللى حطوه عشان الاورج يعزف شرقى كان شىء شكله وحش لنه علبة متصنعة باليد و ولكن شاءت الاقدار ان شركة ياماها استدعت عمار الشريعى وسألته انتم عايزين ايه فى الاورج قال لهم كل حاجة نفسه فيها وهم دخلوا كل اللى قاله فى تصميم الاورج الشرقى وابتدت باليماها 62 وطبعا تطورت ونقلتها كل شركات الاورج فى العالم , المعلية محتاجة حد يسافر لمنتجى البرامج الموسقية ويقعد معاهم ويشرح لهم احتياجاتنا ايه وهم يدخلوها فى البرامج , لإن ادخال الربع تون فى صميم البرنامج ده عملية معقدة تحتاج الدخول الى داخل تكوين ملفات البرنامج من جوه , محتاجة واحد عارف كل ملف ايه بالضبط لأن اى لعب فى الملفات بيعطل البرنامج , وحتى البراممج الى فيها ربع تون انا بالنسبة لى لحد دلوقتى مش مقنعة وربنا يسهل
مع اطيب تحياتى عادل صموئيل



شكرا ياأ ستاذ عادل علي هذا الرد المقنع لموضوع تطوير البرامج الأليكترونية ما كنت اريده ان يكون هناك مبرمج عربي موسيقي اصلا كأن يكونله دكتوراه في هذا المجال ولقد اخذ عدد كبير من الموسيقيين الدكتوراه في مجالات موسيقية اخري فيمكن ان يسجل احدهم دكتوراه في هذا المجال ويكون مرجع هام لمثل هذه البرامج المتطورة والتي تخدم الموسيقي حاليا حيث نحن قادمون علي تغيير في المجتمع يحتاج إلي مساندة الفن لتحويل الثقافة العامة في مختلف المجالات إلي الافضل وأكثر مايمكنه المشاركة في ذلك هو فن الموسيقي والغناء ولقد رأينا بعد الثورة كثير من الافكار الجديدة نشأت وتحتاج إلي تأصيل ورعاية حتي تؤتي ثمارها - ولقد شجعتني التطورات الاخيرة علي العودة للغناء وعزف العود الذي تركته منذ سنوات طويلة بسبب التحولات الجتماعية والأقتصادية في العهد السابق والتي لم تشجع الفن الهادف واحاول ان ادخل في المجال ومما شجعني علي ذلك البرامج الجديدة لكتابه النوته نأمل ان يكون الاهتمام بتشجيع المبرمج العربي وهو يستطيع ان يجلس مع الأستاذ عمار وغيره من اساطين الفن العربي لتقديم خبرات عربية جديدة تنهض بالموسيقي العربية حتي يكون لها مكانتها المرموقة في العالم
أخيك احمد انور

[المهدي العلوي]

:) !Mashkour Akhy, Baraka Laho Fik