المساعد الشخصي الرقمي

مشاهدة النسخة كاملة : الشاعر .... جمال بخيت


سمعجى
07/02/2009, 12h42
هذه المشاركة للدكتور محمود رزق

بتاريخ 13/7/2007

جمال بخيت واحد من أروع شعراء العامية المصرية المعاصرين. أقدم له اليوم هذه التحفة التي تبدو من أول وهلة أنها رثاء لجمال عبد الناصر وليست كذلك:

إرجع بأه
وفك حبل المشنقة
وامسح همومنا باللقا
ياجدرنا تحت التراب
يا حلمنا فوق السحاب
يا عمرنا طال العذاب
فى الإنتظار
رجعوا التتار
لكننا أشواك بتتحدى العطش
وجنود بتتحدى الفرار
نسقط ساعات
لكننا نفضل كبار
نفتح عيون للانبهار
متشوقة
فارجع بأه
وفك حبل المشنقة
وارفع راياتك يا أبى
قريش بتسأل عن نبى
يهديها من بعد العمى
خالد قتل مسيلمة
لكن جنوده الكدابين
عينهم فى طابا
يتحدوا فرسان الخطابة
ويلجموهم بالسكوت
فى عصر بيروت الحزين
خالد قتل مسيلمة
لكن جنوده الكدابين
بيفتتوا دلتاك بصبر
وبيحفرولى فى سينا قبر
وبيركبوا نيلى العنيد
وبيخنقونى فى الصعيد
بكلام نكت وبتريقه
فارجع بأه
دا الهزل زاد
والباشا إيده على الزناد
وصدقى بيصلى لفؤاد
وبيحلفوا نرجع عبيد
نتباع فى أسواق الكساد
الهزل زاد
والباشا إيده على الزناد
والسد جوه الفوهة
لو ينسفه تغرق بلادك كلها
وتعود سنين الأوبئة
تسكن ضلوعنا الضيقة
فأرجع بأه
الشمس سكنت كل غرب
حلفت ما ترجع للشروق
من أى شرق
إن لم تكن فى الأنتظار
إنت وسيفك -والتتار تحت القدم-
فأقضى بصوتك على العدم
إعدل موازين الزمان
رتب نجومنا فى الفضا
وأكسى وجوهنا بالرضا
بعد الشقى
دى الأمة لسه محتاجاك
والأرض لسه مهيأة
فأرجع بأه


مع تحياتي

محمود


أول كلامى سلام ..


__________________
علموا قلب الحجر يوصف معارك الانتصار
علموه يبقى سفير الدهر ليهم بالفخار
كان نهار الدنيا مطلعش وهنا عز النهار
....

رزق المصرى
08/02/2009, 10h02
الدستور تنشر قصيدة الشاعر الكبير جمال بخيت



قصيدة جديدة للشاعر الكبير جمال بخيت ... مش باقي مني


25/01/2009 جريدة الدستور

مش باقي مني غير شوية ضي ف عينيا

أنا هاديهوملك

وامشي بصبري ف الملكوت

يمكن ف نورهم تلمحي خطوة

تفرق معاكي

بين الحياة والموت




مش باقي مني غير شوية نبض ف عروقي

خُدي.. وعيشي..

وافتحي لي تابوت

أفرح بريحة ورد فرعوني

وربنا ف عوني

إذا دخلت الجنة ولاّ النار

هاشتاق إلي ضحكتك

وقعدتي ف الدار

والقهوة متحوجة

من طيبة العطار..

ف كل يوم الصبح

باشرب حليب قبطي

وف النهار والمسا

بامسك ستار الكعبة لو سبتي

واثبت إذا هربتي

أهديكي عمري وحسي وجوارحي

أهديكي جرحي

هو اللي باقي ف دنيتي لما خلص فرحي

مش باقي مني

غير شوية لحم ف كتافي

بلاش يتبعتروا ف البحر

بلاش يتحرقوا ف قطر الصعيد

ف العيد

بلاش لكلب الصيد.. تناوليهم

خدي اللي باقي من الأمل فيهم

وابني لي من عضمهم

في كل حارة مقام

وزوريني مرة وحيدة

لو كل ألفين عام

ألم الجراح يتلم

مش باقي مني غير شوية دم

متلوثين بالهم

مُرين وفيهم سم

كانوا زمان شربات

والنكتة سكرهم

شربتهم الخفافيش

في قلب أوكارهم

مش باقي مني غير شوية دم.. ماأقدرشي

أسقيكي.. مواجعهم

وبرضه ما أقدرشي

أرميكي..

وأبيعهم

يمكن ف مرة تعوزي تطلبيني شهيد

هاحتاج يوميها الدم

يمضي علي شهادتي

مش باقي مني

غير شوية قوة ف إرادتي

علي شوية شِعر من خطي

حاسبي عليهم وانتي بتخطي

وانتي ف صبح الدلال

بتعطري شطي..

مش باقي مني

غير شوية ضي ف عينيا

أنا مش عايزهم

لو كنت يوم هالمحك

وانتي بتوطي

في معركة مافيهاش

ولاطيارات ولاجيش

وانتي ف طابور العيش

بتبوسي إيد الزمن

ينولك لقمة

من حقك المشروع

مش باقي مني.. غير

شهقة ف نفس مقطوع..

بافتح لها سكة

ما بين رئة.. وضلوع..

ما بين غبار.. ودموع..

وأنا تحت حجر «المقطم»

ف الدويقة باموت

أنا.. والعطش.. والجوع..

يئن تحتي التراب

وانا صوتي مش مسموع..

ياحلمنا الموجوع..

من المرور ممنوع..

مستني لما يمر

موكب سلاطينك..

مش باقي مني

غير شوية رحمة من طينك..

علي شوية صبر من دينك..

مش باقي مني غير حبة غُنا تايهين

ف الضلمة مش لاقيين

حس الفواعلية..

ولا صوت مراكبي عَفي

فوق المعدية..

ولا صوت بناتي العذاري

في كل صبحية..

والغنوة.. أمنية

«ياما نفسي أقابل حبيبي..

وانا ع الزراعية»..

صوتك وصوتهم غاب..

وانا تحت حجر المقطم.. باموت لوحديّا..

الليلة راحت عيوني

تطل ع البستان..

وجناين الرمان..

رجعت لي توصف عناد الغل والدخان

وسحابة سودا تضلل

علي الغُنا الغلبان..

رجعت لي توصف هبوب الموت

علي الألوان..

رجعت لي توصف..

.. خيال الذل..

ف موائد الرحمن..

مش باقي مني غير شوية كُفر بشروقك

وأنا..

منبع الايمان..

مش باقي مني..

غير شوية ضي..

وعينيا

مش قادرة تلمحني..

في وحدتي محني..

خايف أموت م الخوف

والضعف يفضحني..

...

السجن عشش ف قلبي

وماشي ف شوارعك..

نفس اللي باعني وخدعني

بالرخيص بايعك..

هاشيل حمولي انا

ولا هاشيل حملك ؟!

ماعدت أملك شيء..

فيكي.. ولا فيّا

ولا قيراط ولا بيت..

ولا نسمة صافية تلاغي النيل بحرية..

مش باقي مني

غير شوية حب جارحّني

ولا باقي مني

غير شوية ضي ف عينيا

جمال بخيت

رزق المصرى
08/02/2009, 10h17
شبَّاك النبي للشاعر: جمال بخيت

تاريخ النشر 6/10/2006

شباك النّبي على باب الله

يا صبية الصبي على باب الله

هَاوْدِي وقَرَّبي على باب الله

ونْلمْ الشَامي على المَغرَبي

على باب الله

على باب الريح ربِّـينا نَسيم

يكبر بالجمع وبالتقسيم

ويلم الشعر على التقَاسيم

على عطر وسيمة وصَدر وسيم

خلّيكي معانا إزاي تذهبي

وإنتي الأُغنيّة بنور مذهبي

شباك النبي على باب الله

على باب الشُوق من غير توصيف

عدينا ربـيع ودخلنا خريف

البخت ف ليل الحُب ضعيف

والورد ب يهرب م التقطيف

وإنتي ولا بتئسي ولا بتهربي

ولا يوم ب تلبِّي سوى مطلبي

شباك النبي على باب الله

على باب الجنَّة يا طَعْم التوت

أنا ممكن أحب لَحّدْ مَ أموت

وأزرعلِك جُوُّا البحر بيُوت

وأخلِّي سنين الصَعب تفُوُت

أنا اشيل الشَقَا وإنتي تطبطبي

وأتعبلِك وإنتي بلاش تتعبي

شباك النبي على باب الله

على باب العيد بالهوى ضَحِّيت

ذُقت الحرمان .. قُلت إتغدِّيت

رزق الغلبان .. يحْرَم ع البيت

الدُنيا قالتلي إبكي .. ما بكيت

سهّلي .. سهّلي ليه بتصعَّبي

ده أنا مهما جَنيت عارف مكسبي

شباك النبي على باب الله

على باب الخَلق وباب النصر

صلّيت الفجر ضحكلي العصر

تعاليلي العِشّة .. أبنيلِك قَصر

أنا أطيب مصري .. يا أجمل مصر

أحْلِف بالشافعي وبالزينَبي

وعينياّ تميـل وبَـشيل مَنكَبي

شباك النّبي على باب الله

على باب الله بساتين بساتين

شوفنا الزيتون ف مَقام التين

والناس ف حليب وعسل فايتين

والظُلم ضعيف والحق متين

قرآن الفَجر تلاوة أجر

وآيات بتملِّس على كوكبي

شباك النبي على باب الله

على باب الغار بتبيض يا حمام

ح أبنيلَك بَدَل العِشْ مَقَام

كُفَّار اليُوم عايزينها سلام

شرط الصّديق ينسى الإسلام

لكن ماتخافش الخوف أجنبي

وانا لسه شُجاع سيفي ومأربي

شباك النبي على باب الله

على باب إسرائي بُساط أحمدي

كُل الأنبيا ويّا مُحمدي

بيصلوا صلاة القلب النبي

الأقصى قريب لو يوم نَهتدي

من باب أندلُسي لباب مَندبي

نفتح شباك ع الزمن الأبي

شباك النبي على باب الله

ولا فيش أجنبي على باب الله

يا صبيَّة الصَبي على باب الله

هَاوْدِي وقَرَّبي شربات تشربي

ونْلمْ الشَامي على المَغرَبي

على باب الله

الشاعر : جمال بخيت

رزق المصرى
13/04/2009, 14h14
الاستاذ / محمودسعد
تحية عطرة
نشكرك على مرورك الكريم
هى فعلا على قد الجرح

عصفور طاير
18/04/2009, 15h26
قصيدة مـدد لجمال بخيت
كتبها لكل أحرار مصر المناوئين للتردي..

باموت يا مصر المتباعة
باموت يا مصر المنهوبة
شمسك تسير عكس الساعة
والعين عالعمى مغصوبة
الصفر خيم على زمنك
وعروق رقابتك مطلوبة
على الحدود قتلوا ولادك
وتقفي ساكته ومرعوبة
مدد يا هيكل .. يا ضميري
مدد يا كامل يا زهيــــري
مدد يا قاضي يا خضيري
مدد يا مكي يا زكريا
يا جورج إسحاق
يا مسيري
يابسطويسي.. يا حرية
مدد يا أجملأعصايري

مدد يا قلب الوطن الحر
مدد يا سيرة عوض المر
مدد يا ندهة كمال خليل
مدد يا حلم ندى القصاص
مدد يا خط رؤوف عياد
شقيان وماشى بكل عناد
مدد يا قمح سكينة فؤاد
مدد يا بنت يا مصرية
يا جميلة يا أخت بهية
مدد يا شعر العامية
مدد يا صاحبى اللي قاسمته
مدد يا علم اتعلمته
من عم عودة وصدقى عزيز
شباب لبس وش العواجيز

مدد يا سورة إخلاصي
مدد يا خويا وتاج راسي
يا معصراوي .. ياحسيني
مدد يا ست نهى الزينى
يا فجر صبّح على عينى
صالح ما بين نفسى وبينى
وقاللى دى الست القاضية
كشفت عن الالوان زيفها
وخلت الورده الزاهية
تعيش على وش خريفها

مدد يا فادى يااسكندر
على خطى محمد الاشقر
على طريق ابن أبوعيطة
جمع مظاهراتنا مشاعر
ويغير من الهتافات شاعر
يحفظ ديوان لأمين الديب
يلاقى شعب كأنه أديب
عندك فى شعره
بلاد.. تقاسيم
عندك حجازى
وعمرو سليم
والنكته بوزارة تعليم
**
باموت يا مصر المتباعة
باموت يا مصر المنهوبة
شمسك تسير عكس الساعة
والعين عالعمى مغصوبة
مدد يا وائل ويا عيسى
مصر الشباب عالترويسة
فضحوا الوحوش السعرانة
أكلتنا جامع وكنيسة

مدد يا وائل ويا عيسى
مدد يا غد ويا كفاية
أبو العلا .. ماضى.. معايا
ف طريق ما يعرفش نهاية
إلا بميلاد مصر الحرة
إلا بميلادنا ... ومددنا
وكرامة تفضل لولادنا


مدد يا آية في سورة العصر
مدد يا تمثال نهضة مصر
مدد يا فيلم صلاح الدين
مدد يا حماد .. ويا حمدين
متصدرين باسم الامة
للمجزره وقوانين سكاكين
للمبخره وقوانين زنازين

باموت يا مصر ومخنوقلك
عبدالحميد شتا مشنوقلك
ميّت عشان فرصته بتضيع
لولاد كلاب وولاد جرابيع
ثابتين على عرش فشلهم
نايمين على وش عسلهم
سرقوا الرغيف والحرية
سرقوا السياسة الخارجيه
ادوا الحرامى بنوك الوز
وادوله مصنع طعمه يلذ
وادوله فندق لجل يهز
وادوا الحديد لاولاد العز
والبورصه محشورة فى جيبهم
والسد لو كنا نسيبهم
بميته وبكهربته
بكره هايدخل فى نصيبهم


مدد يا صوت عبد الناصر
مدد يا شيخ حسن البنا
نفسى فى شىء قبل الجنة
يقوم بأه حزب وطنا
ونقضي ع اللي مسرطنّا
الليل يتوب عن كوابيسه
وأشوف فى مصر رئيس سابق
والجى ميكونش وريثه

مدد يا يحيى حسين يا أمين
بيخصخصوا الهوا والميادين
بيمصمصوا الناس والفدادين
باعوا الطريق الصحراوى
وباعوا احلام الجامعه
وهتكوا عرض الشرقاوى
وعملوا بيصلوا الجمعه
باعوا وباعوا وهايبيعوا
شيخ الوطن ولّلا رضيعه
وباعوا صوت عبد الباسط
وشهر يوليه واسابيعه
**
باموت يا مصر المتباعة
باموت يا مصر المنهوبة
شمسك تسير عكس الساعة
والعين عالعمى مغصوبة
هاتى المدد يا منى الشاذلي
لا تخافى يوم ولا تتنازلي
وصوري مصنع غزلي
ف الاعتصام العمالي
انا كنت رب العوم .. مالي؟
مقتول غريق ويا آمالي
آدي الغريق... والقاتل فين؟
مدد يا عبدالغني يا حسين
صورلي مصر المحتارة
صورلي غرقى العبارة
مالهومش حد ينجيهم
غرقوا بحاضرهم وماضيهم
البحر مفيهوش قشاية
والملح نار جوه عيونهم
وعيون بلدهم نسّاية
ومنارة الشط تخونهم


باموت يا مصر الغرقانة
باموت يا مصر المنكوبة
طعم الحياة كله إهانة
وانتي ع النيل مصلوبة
**
مدد يا بنت الإيه يا آلاء
يا حصة الوطن المشتاق
الأولى في علم التغيير
بشرى.. بألوان الطباشير
راسمه العلم في الصفحة أسير
وبتعلنى بقلب الموجوع
ان الوطن ميادين ونجوع
تعبان من الحرمان والجوع
عين المراقب .. غفلانة
عن العيون الانسانة
بنت الخمستاشر احساس
بنت الخمستاشر تفكير
بنت الخمساتشر غنوة
على وتر علم التعبير
عين الملاحظ بتلاحظ
ان العقول جوه قوالب
مفيهمش خنساء ولا جاحظ
عين المصحح مبهوتة
من الخطوط المفلوتة
المصحح: يا نهار مقندل مش فايت
مش دى الاجابه المظبوتة
اضبط يا ناظر واتصرف
الناظر: يا نهار مزفّت ومدوحس
مش دى الاجابة العلمية
شيلونى هيلا يا افندية
نوصل لحد المديرية
المدير: أنا مش مدير فى القِصّا دي
وعينيا مش شايفه قصادي
سؤالنا مفيهوش أمريكا
والبنت هى المحقوقة
وضرورى ...قطعا مزقوقة
يا اما حزب الله فى لبنان
يا اما سوريا او طهران
او المقاومه العراقية
قوموا بينا نعملها قضية

(ومن الادارة التعليمى الى الادارة الامنية)
آدي سين سؤال انطقى يا آلاء
منين عرفتى أساس الداء؟
مين بلغك ان المأمور
بيبوس فى رجلين الأعدا ء؟
مين جندك للشيوعية
ولبّسك اخوانجية؟
آلاء: أنا بنت مصر الحرية
يا ديول ديول الحرامية
سرقتوا فرحتي بشبابي
سرقتوا بهجتي بكتابي
سرقتوا من لغتىالاولى
سطور فى كشكول التعبير
خدوا منى صفر على غباكوا
وألف صفر لكل جبان
ما ذاكرش درسه عن الاوطان
بتتبني بفكر وبإيمان
بتتبني بدفتر مواليد
فيه الشهيد قبل الفنان

محمود
18/04/2009, 19h53
أول كلامي سلام ..

الحقيقة أن جمال بخيت حكاية ، وانا عندما فتحت موضوعا له بقصيدة "ارجع بقى" كنت في غاية الاستغراب لأنه ليس له موضوع حتى تاريخه (كان هذا في يوليو 2007). وحتى لا تثير القصيدة مخاوفا أو غضبا حرصت على تأكيد أن قراءتي لها ليست على محمل الرثاء ، ولا أظن أن جمال بخيت كتبها في هذا السياق .. رغم هذا قام أساطين الحذف والدشت بإلقائها في جب سحيق حتى تفضل أخي كمال عبد الرحمن (الشاعر المرهف) بإعادتها للنور في هذا الموضوع.
جمال بخيت شاعر مبدع غاضب لا يعجبه الحال المايل ، وهذا ما تنطق به كل قصائده .

تحياتي

محمود

علاء قدرى
21/04/2009, 23h48
عصفور طاير
خطك فعلا عامل زى العصافير الصغيرة
لولا انى عارفك كويس كنت قلت عليك بخيل
و البخل فى الادب ........لا يجوز

شكرا على القصيدة
و رجاء بحبح ايدك شوية

محمود
22/04/2009, 09h34
عصفور طاير
خطك فعلا عامل زى العصافير الصغيرة
لولا انى عارفك كويس كنت قلت عليك بخيل
و البخل فى الادب ........لا يجوز

شكرا على القصيدة
و رجاء بحبح ايدك شوية


أول كلامي سلام ..

منتدانا العزيز .. أتراك أرسلت من بريق أضوائك ما اجتذب فراشة جديدة من فراشات الأدب ؟ فلننتظر لنرى !!

تحياتي

محمود

عفاف سليمان
22/04/2009, 13h20
الاستاذ رزق
الاستاذ ايهاب
لكما كل التقدير على هذه المشاركه
التى هى اجمل من جميله
التى شاهدنا وسمعنا شاعر الابداع جمال بخيت
سمعنا عزف المشاعر وعزف الكلمات
سمعنا عزف الاهات والالم
شاهدنا دموع البوح دموع الالم
استاذنا رزق
مختارات رائعه للشاعر جمال بخيت
والاستاذ سمعجى الذى اتى لنا بكلمات له
فكل ما كتبه وكل ما قاله هذا الشاعر الجميل
فهو يخرج من قلبه ووجدانه
يدخل فى قلوبنا ووجداننا
فبكينا كما بكى
وعزفنا الالم كما عزفه على اوتار الاحساس
على ما يحدث لنا من اهات واوجاع على رغيف العيش
على كل غالى ونفيث
على كل ما يجول حولنا
من الم وشقاء
تحياتى لكم جميعا
وتحياتى لهذا الشاعر الجميل
وتحيه لكل سماعى الجميل
اختكم عفاف

عصفور طاير
23/04/2009, 15h27
عصفور طاير
خطك فعلا عامل زى العصافير الصغيرة
لولا انى عارفك كويس كنت قلت عليك بخيل
و البخل فى الادب ........لا يجوز

شكرا على القصيدة
و رجاء بحبح ايدك شوية


يا 300 مرحبا يا لول
أي ريح طيبة.. وأي نجم شآمي أسعدنا بك.. خد دي:
أتاك الخير نجم السعد هلّا وليل الهجر بالوصل اضمحلّا
:)
ماعلش يا عم علاء على صغر خط قصيدة بخيت بس والله مش بيدي.. يبدو إن القصيدة طويلة فانكمشت لوحدها.

أول كلامي سلام ..

منتدانا العزيز .. أتراك أرسلت من بريق أضوائك ما اجتذب فراشة جديدة من فراشات الأدب ؟ فلننتظر لنرى !!

تحياتي

محمود

والله يا دكتور أحيي حدسك وفراستك النادرة.. على الرغم إنه - وحسب علمي بصاحب الإسم - إذا كان فراشة أدب، فهو أيضا صقر ثقافة، وسوف ننعم به ويذخر به المنتدى.

هللت أهلا ونزلت سهلا يا سيد علاء.. وعلى فكرة.. والله انت واحشني جدا.

محمود
25/04/2009, 15h59
يا 300 مرحبا يا لول
أي ريح طيبة.. وأي نجم شآمي أسعدنا بك.. خد دي:
أتاك الخير نجم السعد هلّا وليل الهجر بالوصل اضمحلّا
:)
ماعلش يا عم علاء على صغر خط قصيدة بخيت بس والله مش بيدي.. يبدو إن القصيدة طويلة فانكمشت لوحدها.



والله يا دكتور أحيي حدسك وفراستك النادرة.. على الرغم إنه - وحسب علمي بصاحب الإسم - إذا كان فراشة أدب، فهو أيضا صقر ثقافة، وسوف ننعم به ويذخر به المنتدى.

هللت أهلا ونزلت سهلا يا سيد علاء.. وعلى فكرة.. والله انت واحشني جدا.


أول كلامي سلام ..

والله يا عم العسفور شوقتني!!

مخملية الفراششة وعنفوان الصقر مجتمعين .. حدث جدير بالرصد .. ومسير الحي يتلاقى.

تحياتي

محمود

علاء قدرى
01/05/2009, 02h16
اخى الغائب عن ناظرى؛القابع فى قليى/ جمال
اخى و شريكى فى خبز المعرفة د/محمود
فى البدء ان كانت هناك فى لغة الادب و الترحاب و المجاملات (مقاسات).......
فما وصفتمونى بة مقاس(xxxxxxxL)
وما يناسبنى والحق اقول(SMALL)
و ذاك منفيض اخلاقكم؛و جود احسانكم
ولما لا و انتم تتخذون من بيوت الشعر بيوتا
تقتاتون من موائد الادب؟
و اسمحوا لى ان ابدء ابدا مشاركتكم ؛ ببطاقة تعارف من عمنا بيرم التونسى

الانسان
سلام على الحشرات و الوحش و البقر
ولا سلام يتلى على الانسان
فى اسفل السافلين هويت يابنى ادم
وطلعت عليين يا حيوان؟

مفيش حمار يقطع فى جرة زميلة
ولا تيران تفنن على تيران
ولا ضبع يتحايل بشركات مساهمة
و لا غزال ينصب على الغزلان
ولا غراب ديووث ياجرمراته
ولا بومه عاهرة لحمها عريان
ولا كمان خنزير عامل مرابى
يربط بقرشه رقبة الغلبان
و الديب اذا اتعشى يبات فى جحره
و السبع لو يشبع يقول شبعان

قول للمعيز يا معيز بقيتم ملايكه
تاكلوا زباله؛ و تحلبوا البان
غير ابن ادم مين بينهب ما يشبع
ويجحد المعروف و الاحساس
من كل واد جنرال معلق مداليه
وكل نطع جلنف تاجر سياسه
يكسب بلا سلعة و لا دكان
النصابين كدة ليه كتير فى الزماندة
ولية بتكرمهم كدة يا زمان؟
و الطيبين قاعدين زى عدمهم
فى معهد الازهر و فى الفاتيكان
فى الشرق فرقة تقوم تهز العمايم
و فى اوروبا يرفعوا صلبان
سبحانك اللهم.سخطك علينا
ظاهر فى اجرامنا و فى الطغيان
سلمنا الاكوان حنه لها ثمر
راح الثمر و اتولعت نيران؟؟؟؟

تقبلوا وفادتى عليكم بسلام

hesham eid
08/08/2009, 23h06
أود أن أضيف قصيده مش باقى منى من أغانى فيلم دكان شحاته