الألحان المتكرره في بعض الأغاني [الأرشيف] - منتدى سماعي للطرب العربي الأصيل

فؤاد

06/01/2009, 16h28

موضوع الألحان المتكرره أو المتشابهه أظن كتير
فعند سماعي للحن التي شدت به ورده الجزائريه " كلمة عتاب " لاحظت أنه في بعض المقاطع متشابهه منها موسيقي أغنية صباح " يادلع دلع " و أيضاً في تشابه في اللحن جزء بسيط من موسيقي لأغنيه لفريد الأطرش .
وايضاُ هناك العديد من الألحان تتكرر في موسيقي أو لحن آخر
وهناك لحن رياض السنباطي
لورده " ياحبيبي لاتقل لي ضاع حبي من يدي " في تشابه في لحن لأم كلثوم وهو " أقبل الليل ياحبيبي "
:emrose:
:emrose:
:emrose:
:emrose:

غواص النغم

06/01/2009, 21h23

اخي فواد اهلا بك
بالنسبة للحن كلمة عتاب
وحكاية التكرار فيها ليس خطأ ملحنها فريد الأطرش
ولكن كما تعلم ان فريد لحن هذه الأغنية على عوده وكانت مجرد بروفة
وفريد من نوعية الملحنين الذين يلحنون الكلام ثم يضعون المقدمة الموسيقية الملائمة للأغنية
ولذلك فقد توفي قبل ان يكمل اللحن وبقي اللحن في الدرج
الي ان اخرجه المايسترو احمد فواد حسن ((على ما اذكر )) وركب صوت فريد وعوده على موسيقى الفرقة ((وهو مافعله بعد ذلك عبدالوهاب في اغنيته من غير ليه ))
واتفقت وردة مع الورثة لغناء اللحن ..ولكن اللحن بدون مقدمة موسيقية
هنا تبرع الموسيقار بليغ حمدي وقام بفكرة جميلة وهي ان يقوم بعمل كوكتيل من اغاني فريد كمقدمة موسيقية وكتجميع لبروفات اللحن بعد سماعه بصوت فريد الأطرش
ثم عمل الكوكتيل
كتحية وتقدير لموسيقى فريد الأطرش
:emrose:تحياتي:emrose:

جابر الحسيني

06/01/2009, 21h45

توضيح رائع لا يأتي به إلا غواص في بحر النغم

شكرا لك يا منعم

:emrose::emrose:

Islam Eidrisha

07/01/2009, 07h07

قبل كلامي .. أبعث سلامي
لحبايبي فؤاد ومنعم وجابر
العبقري بليغ حمدي كرر جملة موسيقية بعد اكتر من عشرين سنة
في أغنية فات الميعاد لأم كلثوم الجملة الموسيقية التي تلي
وتعمل ايه .. ايه يا عتاب
وبعدها بأكثر من عشرين عام مع ميادة الحناوي الجملة الموسيقية التي تلي
مستكترين علينا .. علينا المراسيل
له كامل الحق هو ملحن العملين
ومن حكم في ماله ما ظلم

mokhtar haider

07/01/2009, 07h48

فؤاد

07/01/2009, 07h55

اخي فواد اهلا بك

بالنسبة للحن كلمة عتاب
وحكاية التكرار فيها ليس خطأ ملحنها فريد الأطرش
ولكن كما تعلم ان فريد لحن هذه الأغنية على عوده وكانت مجرد بروفة
وفريد من نوعية الملحنين الذين يلحنون الكلام ثم يضعون المقدمة الموسيقية الملائمة للأغنية
ولذلك فقد توفي قبل ان يكمل اللحن وبقي اللحن في الدرج
الي ان اخرجه المايسترو احمد فواد حسن ((على ما اذكر )) وركب صوت فريد وعوده على موسيقى الفرقة ((وهو مافعله بعد ذلك عبدالوهاب في اغنيته من غير ليه ))
واتفقت وردة مع الورثة لغناء اللحن ..ولكن اللحن بدون مقدمة موسيقية
هنا تبرع الموسيقار بليغ حمدي وقام بفكرة جميلة وهي ان يقوم بعمل كوكتيل من اغاني فريد كمقدمة موسيقية وكتجميع لبروفات اللحن بعد سماعه بصوت فريد الأطرش
ثم عمل الكوكتيل

أنا كنت مفكر أن الفنان فريد عمل المقطع الأول والثاني وبعدين كملهم الأستاذ بليغ
بس يظهر عليك مش قاموس في الفن ياأستاذ منعم :mad:!!!!

تحليل كامل ومفيد
ممكن أسمك بالكامل وصورتك ياأستاذ منعم:emrose:

فؤاد

07/01/2009, 08h00

قبل كلامي .. أبعث سلامي

لحبايبي فؤاد ومنعم وجابر
العبقري بليغ حمدي كرر جملة موسيقية بعد اكتر من عشرين سنة
في أغنية فات الميعاد لأم كلثوم الجملة الموسيقية التي تلي
وتعمل ايه .. ايه يا عتاب
وبعدها بأكثر من عشرين عام مع ميادة الحناوي الجملة الموسيقية التي تلي
مستكترين علينا .. علينا المراسيل

الله يسلمك ياأستاذ أسلام
صحيح في تشابه بين
وتعمل أيه ياعتااااب
و
مستكترين فينا
المراسيل
فينا

فؤاد

07/01/2009, 08h06

1/ المقدمة الموسيقية لأغنية أنت واحشني قوي يا حبيبي لفريد الأطرش و مقدمة أغنية واحدة واحدة و فكر كم لفريد الأطرش أيضا مقدمة واحدة من غير تغيير منه

2/ أغنية أجمل عريسين لمحد عبد الوعاب تتضمن جملة لحنية كاملة لأغنية يا سادات لحنها لفايدة كامل

قالوا لي... الناس معادن من أغلى المعادن
أنا قلت... مختار كنز... ذهب و ياقوت و ماس
و مختار أغلى معدن موجود في قلب فؤاد
طيب ممكن تحليلك ياأستاذ مختار لقصيدة
لاتقل لي ضاع حبي من يدي
وهل لها أوجه تشابه بينها وبين
أقبل الليل

فؤاد

07/01/2009, 08h09

توضيح رائع لا يأتي به إلا غواص في بحر النغم

شكرا لك يا منعم

:emrose::emrose:

بالمناسبه ياأستاذ جابر
أحنا رجعنا
بص للتوقيع ................... أو للصوره الرمزيه بتاعتي وانت تعرف !!!!!!!!!!

جابر الحسيني

07/01/2009, 14h40

تحية لأخينا فؤاد على مواضيعه و أفكاره الجميلة ،
إذا كان بليغ حمدي قد أعاد لحنا من ألحانه في المثال الذي أتى به صديقنا إسلام ،
فقد أخذ من ألحان غيره في أغنية موعود و تحديدا في مقطع " لا جراحنا بتهدى يا قلبي و لا ننسى اللي كان يا قلبي " في الكوبليه الثالث الذي يبتدئ بشوف بقينا فين ...
أما الأغنية اللتي أخذ منها ذلك اللحن فهي أيضا لحليم .. و هي كامل الأوصاف اللتي لحنها محمد الموجي ، و تحديدا مطلع الأغنية " كامل الأوصاف فتني و العيون السود خذوني " ،

مش عارف إذا كان حد خاذ باله منها قبل كده ..

:emrose::emrose:

فؤاد

07/01/2009, 15h23

بليغ حمدي فقد أخذ من ألحان غيره في أغنية موعود و تحديدا في مقطع " لا جراحنا بتهدى يا قلبي و لا ننسى اللي كان يا قلبي " في الكوبليه الثالث الذي يبتدئ بشوف بقينا فين ...
أما الأغنية اللتي أخذ منها ذلك اللحن فهي أيضا لحليم .. و هي كامل الأوصاف اللتي لحنها محمد الموجي ، و تحديدا مطلع الأغنية " كامل الأوصاف فتني و العيون السود خذوني " ،

مش عارف إذا كان حد خاذ باله منها قبل كده ..

ياأستاذ جابر
بدون محدا يشوفها
أنت شفتها خلاص
الفنان فنان يافنان
تسلم وتسلم مواضيعك الجميله أيضاً

جابر الحسيني

09/01/2009, 15h20

مثال آخر لسه واصل طازة من مكتبة الأستاذ القباج ،
قوليلي إيه غير حالي لعبد الغني السيد و من ألحان السنباطي مطلعها الموسيقي (لكن على العود) هو نفسه مطلع أغنية ثومة إفرح يا قلبي لنفس الملحن
هنا (http://www.sama3y.net/forum/showpost.php?p=266396&postcount=2)

:emrose::emrose:

محمود الساحلي

09/01/2009, 15h43

السلام عليكمومشكورررررين على هذا الشرح المفصّل الرائعمن أساتذة روح الفن الأصيلتحيااااتي للجميع

فؤاد

09/01/2009, 16h14

مطلعها الموسيقي (لكن على العود) هو نفسه مطلع أغنية ثومة إفرح يا قلبي لنفس الملحن

تصدق ياجابر
بس حليها بيني وبينك
انا من فتره عايز أعرف أسم أغنية أُم كلثوم
ودلوقتي حضرتك قلتها ((أفرح ياقلبي ))
تصدق الاغنيه دي مبحبهاش موش لحاجه
بس بحس أن أم كلثوم دمها تقيل ومش لايقه عليها
زي الست ورده لما قالت (( يادلالي عليه يادلالي )) بحس أنو ورده هنا موش غجريه وبس (عفواً علي اللفظ )
(( بس أوعي الأستاذ بشير عياد يسمع بكده ))
:cool:
تحياتي
حبيبك
فؤاد:rolleyes:

فؤاد

12/01/2009, 16h26

السلام عليكمومشكورررررين على هذا الشرح المفصّل الرائعمن أساتذة روح الفن الأصيلتحيااااتي للجميع

:rolleyes:أستاذ محمـــــود :rolleyes:
ألف شكر للأساتذه والكبار هنا في سماعي
وشكراً لك وأهلاً بكَ
باين علي حضرتك مستعجل ؟؟

The Lion 98

12/01/2009, 19h18

موضوع رائع جدا يا أستاذنا تسلم إيديك عليه
لي ملاحظتين بخصوص هذا التشابه (مش ها نقول نقل و ذلك عملا بمبدأ إن بعض الظن إثم)
1- في رأئعة نجاة قلبك راح فين و تحديدا في حملة "قربك يسعدني و القرب مافيش.... و قليل توعدني و كتير ما تجيش) و لاحظ نفس الجملة مع رائعة فيروز سوا ربينا (إنت و أنا درنا ع كل الابواب .... حبينا و كبرنا بموسم العناب)
على رأي معلقنا الكروي التونسي الشهير رءوف بن خليف : بالمليمتر يا حبيبي بالمليمتر:mdr:
2- مقدمة رائعة نجاة (برضه) آه بحبه شوف نفس الجملة الموسيقية الأخيرة قبل ما تقول جملة "العوازل ياما قالوا"
و شوف نفس الجملة قبل ما حليم يقول "خسارة خسارة .... فراقك ياجارة"
على راي معلقنا الكروي المصري الشهير حمادة إمام : مش ممكن مش ممكن مش ممكن:mdr:

فؤاد

12/01/2009, 20h02

موضوع رائع جدا يا أستاذنا تسلم إيديك عليه

1- في رأئعة نجاة قلبك راح فين و تحديدا في حملة "قربك يسعدني و القرب مافيش.... و قليل توعدني و كتير ما تجيش) و لاحظ نفس الجملة مع رائعة فيروز سوا ربينا (إنت و أنا درنا ع كل الابواب .... حبينا و كبرنا بموسم العناب)
2- مقدمة رائعة نجاة (برضه) آه بحبه شوف نفس الجملة الموسيقية الأخيرة قبل ما تقول جملة "العوازل ياما قالوا"
و شوف نفس الجملة قبل ما حليم يقول "خسارة خسارة .... فراقك ياجارة"

والله مباين عليك فنان وعندك أذن موسيقيه :)100%:)

The Lion 98

12/01/2009, 20h18

والله مباين عليك فنان وعندك أذن موسيقيه :)100%:)

شهادة أعتز بيها جدا يا استاذنا و عشان الكلام الحلو ده خد دي كمان من أخوك العبد الغلبان:mdr:
3- مقدمة رائعة العندليب ( أحتار خيالي) و كمان مقدمة "ربنا يستر عليا":crazy: سماح النوبة يا أستاذ فؤاد و لو أنك هاتزعل مني بس الأمر لله رائعة ستنا فايزة أحمد (يا لولي الندا) ربنا يجعنا لعيلانا بخير

The Lion 98

12/01/2009, 20h29

حتى موسيقار الأجيال نفسه عمل نفس الموضوع لما استخدم موسيقى تتر مسلسل تليفزيوني قديم بطولة فاتن حمامة إسمه "حكاية وراء كل باب"
و راح واخدها Copy & paste
و حطاه مقدمة لآخر كوبليه في آخر ما غنى (أو هكذا ادعوا) من غير ليه :mdr:

The Lion 98

12/01/2009, 20h48

4- معلش مرة تانية ما تزعلش مني في رائعة فايزة أحمد (حمال الأسية) اسمعها في أول الكلام "حمال لأسية ظالمينك حبايبي) و أسمعها بعينها و حيلها من الست أصالة و هي بتقول "سامحتك سامحتك" :mdr:

فؤاد

13/01/2009, 08h56

نشهد أنك LION الموسيقي والطرب
بأذن موسيقيه حساسه
:emrose::emrose:

تتصور ياليون
أنا موش زعلان منك
أنا :mad:غيران منك بس :mad:
ده انت فرستني
أنا زعلان من نفسي
أزاي مطلعتش المعلومات دي انا
علشان أنا قال أيه
بحب فايزه أحمد

فؤاد

17/01/2009, 18h27

4-أسمعها بعينها من الست أصالة و هي بتقول "سامحتك سامحتك" :mdr:

:mad:
حيلك حيلك ........ممنوع ياأستاذ
أنا معرفش حدا بالأسم ده :mad:

سامح فضل

19/01/2009, 13h01

فؤاد

19/01/2009, 14h12

حاجزٌ لنفسي مقعداً أول في صفوف المتعلمين

متطلعٌ بعيون بهرها التحليل والشرح البسيط الراقي
متقلبٌ في الأجواء أحلق بجناحي الإصرار نحو سماوات الفهم
وما من زاد إلا رقة الإحساس وحب الموسيقي

دمت بود لحن

شكراً ياأستاذ سامح فهنا في هذا المنتدي نخبه كبيره
من الدارسين والمتعلمين وهواة ومحترفي الموسيقي والفن عامة
أمثال
ركيزة المنتدي : طِلب
الدكتور : أنس البن
الشاعر :السيد أبو زهده
الشاعر :بشير عياد
الأستاذ المتمكن : صلاح علام (سيادة الرئيس)
الأستاذ العبقري : الألآتي
والشاعر الرومانسي الحالم : كمال عبد الرحمن ( سمعجي )
وأستاذنا : محمد زمنطر
والدكتور : حسن
والأستاذ : غواص النغم (عبد المنعم )
الأستاذ : رضا المحمدي
الأستاذه : ناهد (حرم الدكتور أنس البن )
والأستاذ : غازي الضبع
الأستاذ : أبو عاصم

ووووووووووووووووووكتييييييييييييييير
وأنا أتمني أن أذكر كل الأسماء بس كتير فكل واحد في المنتدي
فنان ( اللي متذكرش أوعي يزعل :mdr: )
فهلا بيك سيدي الفاضل :emrose::emrose::emrose:

حسن كشك

19/01/2009, 22h44

شكراً ياأستاذ سامح فهنا في هذا المنتدي نخبه كبيره
من الدارسين والمتعلمين وهواة ومحترفي الموسيقي والفن عامة
أمثال
ركيزة المنتدي : طِلب
الدكتور : أنس البن
الشاعر :السيد أبو زهده
الشاعر :بشير عياد
الأستاذ المتمكن : صلاح علام (سيادة الرئيس)
الأستاذ العبقري : الألآتي
والشاعر الرومانسي الحالم : كمال عبد الرحمن ( سمعجي )
وأستاذنا : محمد زمنطر
والدكتور : حسن
والأستاذ : غواص النغم (عبد المنعم )
الأستاذ : رضا المحمدي
الأستاذه : ناهد (حرم الدكتور أنس البن )
والأستاذ : غازي الضبع
الأستاذ : أبو عاصم

ووووووووووووووووووكتييييييييييييييير
وأنا أتمني أن أذكر كل الأسماء بس كتير فكل واحد في المنتدي
فنان ( اللي متذكرش أوعي يزعل :mdr: )
فهلا بيك سيدي الفاضل :emrose:
اظن انا واحد من الواوات دى وووووووووووووو ولا انا مش فيهم:confused:;)

حسن كشك

19/01/2009, 23h22

وعشان انك نسيتنى يافؤش
خد دول لحبيبتك فايزه احمد
خدت بالك من التشابه اللحنى فى الاغنيتين دول لفايزه
ياحلاوتك ياجمالك .... خليت للحلوين ايه
حسادك علموك ... على الهجر وعودوك

فؤاد

20/01/2009, 10h24

وعشان انك نسيتنى يافؤش

ان كان قلمي هو الذي نساك
فأنت أيها البطل بطل سيناء لايمكن أن أنساك فأنت في قلبي وعقلي ومع روحي (وبالبلدي كده) كفايه أني بأشم فيك رائحة تراب سيناء الحبيبه الغاليه علي قلبي
قبل أن أكتب أسمك في الرد علي أخي سامح
((حبيبي))
( الله يسامحك ياأستاذ حسن والله أبكيتني من قلبي )
:emrose::emrose::emrose::emrose:

The Lion 98

25/01/2009, 20h54

فؤاد

26/01/2009, 10h34

عودة للمشاغبات و المتشابهات بعد إذن أستاذنا فؤاد بك و إذن أستاذنا غواص النغم

ما كانش العشم يا فوزي !!!!!:mad:
مقدمة رائعته : راح توحشيني
تتشابه بشكل مرعب مع مقدمة رائع الأستاذ :
أحبه مهما أشوف منه :rolleyes:
معقول :(؟؟؟؟

عندك حق
آه ..... ومالو ياخويا قول كل اللي في نفسك
آه ..... محمد فوزي ده علي طول هو ومحمد عبد الوهاب
حتي من الألحان الليبيه ........ هناك أقتباس شديد اللهجه في ألحانهم
قول ياخويا قول ميهمكش فؤاد .... ولا غواص النغم
قال فؤاد قال .....
:mdr:

واحشني بجد حقيقي
ياليون

الدكتور أحمد

13/03/2009, 13h13

السلام عليكم و رحمة الله و بركاته
هذه أول مشاركة لي في المنتدى
بداية أشكر جميع القائمين المشاركين في المنتدى
بالنسبة لموضوع "الألحان المتكررة" :-
بداية لي سؤال:
ما الفرق بين "السرقة الفنية" و " الإقتباس"؟؟
ثانياً: هل يمكن أن يقوم شخصان من مكانين و زمانين مختلفين بتأليف "جملة موسيقية" أو Theme
متشابهة لدرجة التطابق؟؟

لقد استمعت لإغنية "البلبل غنى مع الكراوان" للفنان نبيل الإسكندراني
وتذكرت أني سمعت لحنا مشابهاً جدا و هو لأغنية
"البلب ناغ ع غصن الفل" للأسطورة صباح فخري،
و لا أدري من اقتبس من من؟
أو أن كلاهما اقتبس من طرف ثالث؟؟

نفس الموضوع مع رائعة الرحبانية "حبيتك بالصيف" ، فهناك أغنية فرنسية شهيرة بنفس
المقدمة الموسيقية ، و اسمها
coupaple
و لا أعتقد أن يقوم الرحبانية بسرقة اللحن لأنهم عندما غنت السيدة فيروز "يا أنا يا أنا" قالوا بأن اللحن
مقتبس من الألحان العالمية، ونعلم أنها من تأليف العبقري موتسارت

السؤال الأهم:
هل هناك ما يمنع أن يقوم الغرب من إقتباس أو حتى سرقة أحان الشرق،،
أم أننا نعاني من عقدة نقص حتى في الموسيقى؟؟؟

تحياتي للجميع:emrose:

بو بشار

23/04/2009, 07h30

هل هناك ما يمنع أن يقوم الغرب من إقتباس أو حتى سرقة أحان الشرق،،

انا حاجاوبك على السؤال ده

همه لو بيسمعوا لنا بالتاكيد حيقتبسوا من الحاننا
ولا حظ ده لما تشوف فلم بيحطوا موسيقه هنديه على انها عربيه
مش عارفين يفرقوا بين الموسيقى العربيه والهنديه

عويد

31/01/2010, 18h53

لحن اغنية انا ما فيي لنجوى كرم
انا ما فيي حبك اكتر من عينيي ماخوذة من لحن للاستاذ محمد عبدالوهاب وبالتحديد من اغنية اغدا القاك لسيدة ام كلثوم
على مقام البيات

اشكركم على هذا الموضوع الشيق الجميل

Mzohairy

09/02/2010, 11h11

الموسيقار فريد الأطرش اقتبس جملة (و السعد فيها اشكال و الوان و لقى الأحبه في كل أوان) من لحن الموسيقار عبد الوهاب في اغنية حسدوني و باين في عنيهم و تحديدا في الجزء (خليت عزولي يحسدني و لو عرف يبكي عليا)

novanova

01/07/2010, 13h24

انا اوافق راي غواص في بحر النغم تماما لان فريد الاطرش لم غناها علي العود بدون مقدمة موسيقية كانت مختلفة

الملكى

05/11/2013, 14h08

تحية للأستاذ جابر الحسينى على هذه الأذن الموسيقية الحساسة, فرغم أنى ألتقط أدنى تشابه بين الجمل الموسيقية إلا إننى لم ألحظ التشابه بين جملة بليغ فى موعود والجملة السابقة للموجى فى كامل الأوصاف, مرة ثانية تحية له وأرجو أن تسمحوا لى بمشاركتكم فى هذا الموضوع الشيق وشكرا.

الملكى

05/11/2013, 14h19

ما رأيكم فى التشابه الواضح بين جملة عبد الوهاب فى مقدمة إنت عمرى وجملة كمال الطويل فى مقدمة بتلومونى ليه؟

دكتورة خديجة

03/02/2014, 09h57

سأورد لكم مقطعاً اقتبسه فريد من عبد الوهاب .. الأصل عند عبد الوهاب من أغنية الحبيب المجهول والتي يقول فيها ( من كتر فكري ما عاش وياك .. أغير عليك منه واداري).
والاقتباس عند فريد في أغنية "ليه دايماً ماعرفشى بتقولى ماقدرشي" يقول فيها (الفكر تاه والعقل احتار .. يا نور عيوني فـ أحوالك). ولاحظوا هنا أن الجزأين يشتركان معا بجانب اللحن في لفظ (الفكر) وهذا دليل على أن فريد أثناء تلحينه للمقطع ودندنته لكلمة (الفكر) ألح عليه من عقله الباطن لحن عبد الوهاب نتيجةً لتشابه اللفظ.

الملكى

18/10/2014, 16h02

أعتقد أن الجملة اللحنية يادلع يادلع دلع ليست لفريد الأطرش , فهى من البداية مقتبسة من الشيخ زكريا أحمد فى أغنية (حلم) قبل أن تشدو الست (بقى يقول لى وانا أقول له) مع الفارق الهائل بين الجملتين لصالح أستاذ السلطنة والطرب الشيخ زكريا.

ابوملاك

18/10/2014, 21h36

السلام عليكم تحية لكم على هذا الموضوع الشيق واسمحوا لى ان اشارك مشاركة متواضعة بلحنين متشابهين للعندليب الاسمر عبد الحليم حافظ

الاول هو الويل الويل فى المقطع الذى يقول ( حافرش طريقك نور واحوطه بزهور واصحى له من بدرى من بدرى )

الثانى هو بلدى يا بلدى فى المقطع الذى يقول ( عايزين اللى يصون مبادئنا وينور بالحب طريقنا ويغنى معانا للحليوه بلدى )

التشابه فى الكلمتين الاخيرتين من المقطعين ( من بدرى من بدرى - للحليوه بلدى ) نفس اللحن تماما

ابوملاك

18/10/2014, 22h05

لى مشاركة ثانية فى لحنين متكررين للعندليب الاسمر عبد الحليم حافظ

الاول فى اغنية ( نبتدى منين الحكاية ) والثانى فى اغنية ( يا اهلا بالمعارك )

التكرار او التشابه فى المقطع الاول الذى يقول ( وفى لحــظة وقفــــــــــــــنا وابتــــــــــــــدى خفنــــــــــــــا )

المقطع الثانى ( وفى لحظــــــــــــــــــــــــة نطــــــــــــــــــل ويهــــــــــــــــــــــــــــدى الكـــــــــــــــــــــــــل )

Mahmoud amor

04/05/2015, 19h28

كلمة عتاب يا حب , دى اغنية ليها قصة طويلة ورأيي ان بليغ حمدى اوفى فى اسهامه لفريد الاطرش لكنه لم يوفق فكعادة بليغ حاول اظهار لفتة او متنفس شعبى عن طريق اللحن الراقص وهو ما لا يتحمله اللحن الشجى واعتقد انه لو كانت سنحت هذه الفرصة وقبل بها عبد الوهاب كانت هتطلع اقوى تبعا لاسلوبه ومدرسته لان عبد الوهاب والموجى هم من اقرب لهذا اللحن
لكن فى المجمل ان كنا بنتكلم عن فكرة اقتباس الملحن لبعض الجمل الموسيقية من بعض الحانه فلا بأس فى ذلك لان روحه وعقليته وتكوينه الموسيقى بيأثر ديما فيه وبيظهر فى اعماله واحساسيه وبينعكس فى تعبيراته الفنية بتوصل انك لم تسمع نغمة معينة بدون اى غناء بتعرف دى من الحان مين علي طول من اسلوب الملحن ومدرسته وتعبيراته الفنية المتشابهة لانه نفس الاحساس و(نفس الدماغ) لنفس الشخص . مثل الحان السنباطي مثلا هتجد تشابه بين لازمة هل رأى الحب سكارى فى الاطلال ومقدمة نهج البرده فى الاربيعنيات والحانه الدينية . وتجد مثلا لعبد الوهاب فى اخر كوبليه من غير ليه وفى اغنية مصريتنا فى الثمانينات
وهكذا تجد روح بليغ حمدى فى اى عمل له من اول جملة موسيقية تؤديها الفرقة وستجده يأخذ من هنا ويضع هنا فى جملة لانه موضوع التأثير والتأثر بيفضل ملازم لمدرسة واحساس الملحن ويحاول على قدر الامكان الفصل بين اعماله لتتمتع بالتميز ولا تتشابه على بعضها

مصطفى حسنين عصف

08/05/2015, 18h25

السلام عليكم . أرجو قبول هذه المساهمة من غير دارس و لا متخصص .
اللحن الأصلى هو
Meadowland
و هو من التراث الروسى و مبنى على فكرة فرقة من الجيش تمر. و هذا أحد التوزيعات لفرقة الجيش الروسى .
https://www.youtube.com/watch?feature=player_detailpage&v=ffw1O1rI3zA (https://www.youtube.com/watch?feature=player_detailpage&v=ffw1O1rI3zA)
و لقد غنت فيروز أغنيتها التاريخية "كانوا يا حبيبى" على هذا اللحن بتوزيع الرحبانى العباقرة .
أما التوزيع التالى فهو توزيع عبقرى آخر شهير لديف أبوللون على المندولين .
https://www.youtube.com/watch?feature=player_detailpage&v=GR8tb6oreQY (https://www.youtube.com/watch?feature=player_detailpage&v=GR8tb6oreQY)
و هو يتداخل مباشرة فى "الرتم" أو "الإيقاع" مع ما يفترض أنه التراث النوبى فى عدد من أغانى أحمد منيب و محمد منير و هو ما يمكن ملاحظته بمنتهى السهولة فى بداية أغنية مثل "الليلة يا سمرا" مثلا . مسافة بعيدة لمثل هذا التداخل . أليس كذلك ؟ . شكرا لكم .
https://soundcloud.com/mohammed-elmlegy/pjdt3rkgdejt?in=mostafa-hassanain-asfour/sets/1-1 (https://soundcloud.com/mohammed-elmlegy/pjdt3rkgdejt?in=mostafa-hassanain-asfour/sets/1-1)

دكتور ايهاب

21/11/2015, 04h56

السادة الافاضل:
الموسيقار الموهوب بليغ حمدى فى مقدمة اغنية العندليب "اى دمعة حزن لا" على الرابط
https://www.youtube.com/watch?v=1OdbMLmkhyU
وعند الدقيقة 4:25 .. قام العود الكهربائى بعزف جملة هى نفس الجملة التى عزفها القانون فى اغنية "اقبل الليل" لست الكل الحان العملاق رياض السنباطى .. وهى الجملة التى تسبق المقطع الذى تغنى فيه الست "تقبل الدنيا على اهل الهوى" على الرابط
https://www.youtube.com/watch?v=WBrwvLWxbVA
فى الدقيقة 15:20

دكتورة خديجة

21/11/2015, 05h14

الاستاذ فريد الاطرش نقل مقدمة اغنية الاستاذ محمد عبد الوهاب .. سهرت منه الليالى .. مستنسخا اياها بشكل مليح فى مقدمة اغنيته .. عشك يابلبل ..

Messi8

20/08/2017, 01h27

فرق كبييييير بين عود مش متمكن قوي بالذات في بداية اللحن له، وبين التمكن طوال اللحن للعملاق محمد عبده صالح السادة الافاضل:
الموسيقار الموهوب بليغ حمدى فى مقدمة اغنية العندليب "اى دمعة حزن لا" على الرابط
https://www.youtube.com/watch?v=1OdbMLmkhyU
وعند الدقيقة 4:25 .. قام العود الكهربائى بعزف جملة هى نفس الجملة التى عزفها القانون فى اغنية "اقبل الليل" لست الكل الحان العملاق رياض السنباطى .. وهى الجملة التى تسبق المقطع الذى تغنى فيه الست "تقبل الدنيا على اهل الهوى" على الرابط
https://www.youtube.com/watch?v=WBrwvLWxbVA
فى الدقيقة 15:20