المساعد الشخصي الرقمي

مشاهدة النسخة كاملة : حكاية حضرة صاحب الفخامة ..لأول مرة


جرامافون
29/12/2008, 14h27
منتدي سماعي ينفرد كعادته
ويقدم
لأول مرة
(نادرة موسيقية أصيلة )
حكاية
(((حضرة صاحب الفخامة)))




http://www.sama3y.net/forum/attachment.php?attachmentid=122818&stc=1&d=1230818659
القصة الحقيقية الكاملة
(موثقة)

جرامافون
31/12/2008, 21h16
http://www.sama3y.net/forum/attachment.php?attachmentid=123163&stc=1&d=1231014261


- يا سلاااااام .. باين عليها حتكون ليلة جميلة
هكذا نطق محمود ذكي سري أفندي بهذه الكلمات وهو يجذب نفسا
عميقا ويملأ رئتيه بشذى زهور الياسمين التي كانت تظهر أمامه من حين لآخر
وهو يطل من داخل العربة الحنطور التي كانت تقله مع أربعة رجال من
أصدقائه إلى طريقهم الأسبوعي المعتاد لقضاء سهرة جديدة من سهراتهم الممتعة .

همس محمود أفندي إلى آخر كان يجلس بجواره قائلا :
- أعتقد أن محمد المرجوشي بك مش حيقدر ييجي الليلادي .

التفت محمد حامد نحوه وأجابه متسائلا ويده تتحسس رباط
عنقه الجديد :
- وإيه يعني السبب اللي خلاك تفكر في كده يا محمود أفندي ؟

وقبل أن يجيبه سبقه الشيخ محمد عبد المطلب الذي كان يجلس
في مواجهة محمود وقال بنبرة تهكم :
- محمود أفندي دايما عنده أخبار كل واحد مننا حتى قبل ما
الواحد يعرف أخبار نفسه .
تنحنح محمود أفندي وقال موجها حديثه للشيخ محمد :
- دي بقى تريقة ولا مدح يا شيخ محمد ؟ على كل
حال مش عيب إن الواحد يطمن على أصدقائه .

أجابه الشيخ محمد في الحال وهو يميل نحوه :
- ومين اللي قال عيب يا سي محمود .. ده أنا بس كنت عايز
أستثير غدد أخبارك .. حاكم طول ما أنا وياك لا بحتاج أشتري
أهرام ولا دياولو .

لم يعلق محمود أفندي على كلمات الشيخ محمد لكنه مضى في
حديثه قائلا :
- إمبارح سمعت إن المرجوشي بك بيمر بوعكة صحية.

هز توفيق عمران رأسه وقال بنبرة استنكار وهو
يصلح من وضع الطربوش الذي كان يعلو رأسه :
-الراجل ده ساكن تحت طربوشه وسواس خناس .. كل ليلة
يستفرد بيه ويقوله .. حاسب على صحتك وبلاش سهر و
خروج على الفاضي والمليان .. الأمراض عمالة تعربد في
شوارع المحروسة وحواريها .

لمعت عين الشيخ محمد وهو يلتفت وينظر مليا لتوفيق عمران
الذي كان يجلس بجواره وقال له بنبرة ماكرة :
-أنت السبب يا سي توفيق .. النوبة اللي فاتت وبالعاني حطيت
بوزك في بوز المرجوشي بك الغلبان ورحت عاطس حتة عطسة
.. اتهيأ لي ساعتها إن شنبك طار .. أي والله

اعتدل توفيق أفندي في مقعده وهتف قائلا للشيخ محمد :
- يعني كنت بلاش أعطس يا شيخ محمد ولا إيه !

أجابه الشيخ محمد بطريقته الأزهرية المرحة :
- تعطس في عز الحر يا عديم الزكام يا خالي من البرد والضمير ؟!! .

ابتسم محمد حامد وهو يقول :
-الراجل كان وقتها ماسك في إيده أسطوانة لإمام الطرب
الشيخ السيد الصفتي ..

ثم التفت ناحية توفيق وأضاف قائلا :
-وأول سيادتك ما عطست .. الراجل عنيه احمرت، وشفايفه
ارتعشت وراح رامي الأسطوانة وطلع منديله بسرعة ودفسه
في مناخيره.

هتف الشيخ محمد مكملا بنبرة مرحة:
- راح عمك الصفتي يا روحي نزل على الأرض فتافيت
فتافيت .. كل فتفوته عديك كانت بتنوح وبتقول ..
بافتكارك إيه يفيد .. وبعطاسك نستفيد

انفجر الجميع في الضحك حتى سائق العربة كان يردد في سره :
- الله يجازيك يا شيخ محمد

أخيرا توقفت العربة أمام منزل كانت تحيط به حديقة صغيرة، ودلف الرجال
الأربعة من البوابة الخارجية إلى ممر الحديقة ، وكانت ابتسامة مصطفى بك
رضا صاحب المنزل في انتظار الترحيب بهم قبل أن يصطحبهم البك إلى
غرفة الجلوس الفسيحة التي كانت تشرف على حديقة المنزل الخلفية ،
هناك كان في انتظارهم عدد آخر من الأصدقاء ..
خلال دقائق بدأت أصوات الترحيب والسلامات والقفشات تحتل المكان
..نهض صفر بك علي وحسن مراد الملا أفندي للترحيب بالقادمين بينما
كان الأفنديانمحمد كامل رشدي ونجيب ماضي يرتبان في خزانة صفوف
أسطوانات الجرامافون الجديدة التي كان قد أحضرها مصطفى بك .
أما عبد الخالق عياد أفندي فقد اتخذ كرسيا بجوار الفونغرافحيث كان يملؤه
الحماس في أن يبدأ هذه السهرة بأسطوانة يرى أنها تستحق منهم الاستماع
إليها والاستمتاع بها

ــــــــــــــــــــــــــــــــــ
ـــــــــــــــــــــــــــــــــ
لندع
هؤلاء المحترمين يستمعون للجرامافون ويستمتعون بسهرتهم

((( ولنبدأ معا الحكاية من البداية )))

في الحقيقة
ما سبق من أحداث هو من نسج خيالي وأردت بهذه المقدمة
أن أتخيل معكم إحدى جلسات هؤلاء الرجال الذين كان
لهم فضل كبير على موسيقانا العربية الأصيلة، وربما تتشابه
الأحداث وتكرر نفسها ففي كل زمان ينهض الأبناء للحفاظ
على تراث هذه الأمة فيبذلون كل جهد لتحقيق ذلك الهدف
النبيل وهذا يذكرنا طبعا
بمنتدانا العزيز وأعضائه الكرام المحترمين الذين يبذلون
كل جهدهم لتحقيق هذا الهدف النبيل .

سنتعرف علي
حكاية
حضرة صاحب الفخامة
هذه القصة الممتعة والفريدة المدعمة بالكثير من الصور النادرة
واخيرا
ما سيأتي بعد ذلك من أحداث فهو حقيقي ولا دخل للخيال فيه على الإطلاق
:emrose:

أحمد شوبكى
31/12/2008, 21h47
حتى إنت يا عمرو ؟ فاصل إيه ياعم والناس هتولع ؟ كلهم متظرين الصاروخ الجديد ماركة توحفجى 16
يللا يا عمرو ،،، الفاصل خلص من زماااااااااااااااااااااااان

جرامافون
31/12/2008, 21h49
تحية خاصة الي كل الاحباء
عمي يحي ذكي بك واخي الغالي اسلام الجميل
وحبيبي فؤاد بك عبد الحميد والعزيز m.swaha
ـــــــــــــــــــــــــــــــــــــــــ

سنة 1913 كان يتردد علي منزل حضرة صاحب العزة مصطفي بك
رضا جماعة من هواة الموسيقي الشرقية لتبادل المعلومات الفنية مدفوعين
إلي ذلك بميلهم الشديد لتغذية نفوسهم بما في هذا الفن من جمال وطرب،
ولما وجدوا ما كانت عليه الموسيقي في ذلك العهد من الجمود والتأخر

فماذا فعلوا يا تري ؟

http://www.sama3y.net/forum/attachment.php?attachmentid=123169&stc=1&d=1231017312

القاهرة في 25 نوفمبر سنة 1913

أجتمع داخل منزل مصطفي بك رضا كل من (1) ..
مصطفي بك رضا – عبد الخالق عياد أفندي – حسن مراد الملا أفندي –
حسن أنور أفندي – محمد ذكي سري أفندي – الشيخ محمد عبد المطلب
– محمد حامد بك – محمد كامل رشدي أفندي – نجيب ماضي أفندي
– صفر علي أفندي – توفيق عمران أفندي – محمد المرجوشي بك –
محمود حمدي أفندي – حسن والي بك .

بعد مشاورات قرروا إنشاء نادي خاص بالموسيقي الشرقية ، كما قرروا
تكوين لجنة تحضيرية للنادي يقتصر عملها مبدئيا علي وضع مشروع للقانون
علي أن تنقسم إلي لجنتين إحداهما للمسائل الإدارية والمالية والاخري فنية
تتشكل اللجنة المالية من :
محمد حامد بك – عبد الخالق عياد – محمد ذكي سري
توفيق عمران- محمود حمدي أفندي
أما الفنية فتتشكل من كل من :
مصطفي رضا – حسن أنور– صفر علي – حسن والي – نجيب ماضي

وتقرر أن يكون مصطفي رضا
رئيسا للجنة التحضيرية وينوب عنه عند غيابه
محمد حامد أفندي
ويكون توفيق عمران أفندي سكرتيرا
وحسن أفندي أنور مساعدا .
وقد انضم لفحص مشروع القانون عددا آخر :
يعقوب عبد الوهاب بك– مصطفي العقاد أفندي– أحمد صادق أفندي–
إبراهيم حسن أفندي– سيد كامل أفندي – يوسف كركور أفندي – أحمد
عباس جمجوم أفندي – اسكندر شلفون أفندي – محمود سعيد أفندي –
زكي السيد أفندي – أحمد شكري أفندي – محمد حسن أفندي – مصطفي
توفيق الجارحي بك – نجيب شلفون أفندي محمد سليمان بك – محمود
حمدي سليمان بك

http://www.sama3y.net/forum/attachment.php?attachmentid=123170&stc=1&d=1230759483

القاهرة في 25 يناير سنة 1914

استأجر مصطفي بك رضا أفندي وأصدقاءه منزلا صغيرا في شارع محمد
علي ليكون مقرا صغيرا للنادي الوليد وكان إيجاره الشهري حوالي ثلاثة
جنيهات وخمسمائة مليم .
http://www.sama3y.net/forum/attachment.php?attachmentid=123172&stc=1&d=1231018230

القاهرة في 24 يناير سنة 1918
علم سلطان مصر فؤاد الأول بذلك التجمع الذي كان يبذل جهدا كبيرا
للرقي بالموسيقي الشرقية فشمل النادي برعايته السلطانية تشجيعا لرجاله
ودعما لهم، وقد بلغت هذه البشري السعيدة للنادي من سعيد ذو الفقار
باشا كبير الأمناء إلي حضرة صاحب العزة مصطفي بك رضا رئيس النادي .

http://www.sama3y.net/forum/attachment.php?attachmentid=123175&stc=1&d=1231018479

صورة طبق الأصل من البرقية التي ارسلت الي نادي الموسيقي الشرقي

فاصل ونكمل باذن الله تعالي

Islam Eidrisha
01/01/2009, 08h56
عمرو بك يا أستاذ يا توحفجي
الصور الأخيرة دوختني
عظمة على عظمة

جابر الحسيني
01/01/2009, 19h40
إيه الجمال ده ؟
معلومات قيمة و توثيق غاية في الأهمية .. مقدمة في قالب فني بديع من إخراج عمرو باشا
كمان يا توحفجي يا فنان

:emrose::emrose:

محمد حمدان
01/01/2009, 20h17
القاهرة في 24 يناير سنة 1918
.[/CENTER]

http://www.sama3y.net/forum/attachment.php?attachmentid=123175&stc=1&d=1231018479




حضرة المحترم / التوحفجى باشا
عميد كلية الفنون الجميله جامعة سماعى المحترمه

لما انتهى الى مسامع شعب سماعى الكريم ما تبذلوه من جهد
فى سبيل ترقى كافة الفنون الجميله, اقتضت ارادة الشعب
الكريم ان يمد لكم اسمى ايات الشكر ة العرفان وان يكون
لعملكم هذا نصيب من العطف الشعبى الذى لا نملك غيره



توقيع

شعب سماعى المحترم

رائد عبد السلام
01/01/2009, 20h32
الفنان العبقري
حاوي الكنوز
التوحفجي
(عمرو بك الخربوطلي)
:emrose:
لولا أن جمهورك في سماعي قد تعود منك علي الإبهار
كنت قلت : ده كتيييييير جدا ...فعلاً شيء متفرد ..
استفسار : ألا يمكن توثيق ما تبدعه ليبعد عن أيدي العابثين ولصوص الإبداع؟؟
ياريت...تشوف حاجة أقوي من العلامة المائية ..
الله ينور ...يا فنان
لاحظ إني صاحب البراءة في إطلاق لقب (حاوي الكنوز) علي معاليك

جرامافون
03/01/2009, 07h32
يا أرض أحفظي ما عليكي
الشوبكي منور هنا يا صلاة النبي
غيب وشق شقه يا عم أحمد بتوحشنا
:emrose:

أخي الحبيب إسلام بك
أنت أيها الأخ الجميل اللي ملفاتك النادرة
عظمة علي عظمة
وعطاء نادر الوجود
:emrose:
الحبيب والزميل جابر بك
ثقافة ولباقة وذوق فني رفيع
ومجهود غير عادي
ربنا يكرمك يا فنان
:emrose:
أخي محمد حمدان
يسر العبد لله تشريف عظمة شعب سماعي
إلي موضوعي المتواضع
الله يجبر بخاطرك يا أستاذ
:emrose:
حبيبي
هوه وعارف نفسه
(يالهوي الورد خلص)
ده أنا اقطع حتي من قلبي اقرطسها
واعملها وردة
(ورده حمرة)
***

الحبيب أ. رائع المصري

والنبي الكلام ده كتير عليه خالص
وشكرا جزيلا لهذه اللقب البديع (حاوي الكنوز)
لو كان عنك يا شاعر اقتراح في موضوع التوثيق فلا تتردد
ربنا يخليك لينا يا عم رائد وميحرمناش
لا من درر قولك ولا من قصائدك
(بوكية ورد)

جرامافون
03/01/2009, 07h56
تابع
حكاية
(((حضرة صاحب الفخامة)))

http://www.sama3y.net/forum/attachment.php?attachmentid=123354&stc=1&d=1231227997

تلي رعاية السلطان فؤاد وتعطفه السامي منحة مادية قيمة كانت خير
معين لنادي الموسيقي الوليد وكانت السبب في توجيه أنظار كبار رجال
الأمة وعظمائها إليه فاقبل عليه الكثيرون يشجعونه ماديا وأدبيا وأنضم
الكثيرين منهم إلي عضويته من ذوي الفضل والجاه وبذلك توالت الهبات
والتعطفات المادية علي نادي الموسيقي الناشئ .

http://www.sama3y.net/forum/attachment.php?attachmentid=123355&stc=1&d=1231226760
القاهرة سنة 1920
لما رأي أعضاء النادي تشجيع رجال الأمة له وإقبالهم علي حفلاته
استأجروا دارا فسيحة بالمنزل رقم 7 بشارع البوستة القديمة بإيجار
شهري قدره 16جنيها فازداد الإقبال عليه من وجهاء واعيان
وأدباء مصر .

كان من أهم أهداف أعضاء النادي أن ينشئوا مدرسة نظامية للموسيقي
وأن يوجد في المحروسة وسطا موسيقيا راقيا يجعلون له مكانا فخما لائقا
تتوافر فيه للطبقات المستنيرة أسباب السرور والتمتع بجمال الفن وعذب
الموسيقي ففكروا في بناء دار علي نمط عربي بديع تكون مقرا لناديهم
ولأول معهد موسيقي في الشرق تفخر مصر بأن تكون السباقة في إنشائه
http://www.sama3y.net/forum/attachment.php?attachmentid=123356&stc=1&d=1231227200

وافقت الحكومة علي فكرة أعضاء النادي ومنحتهم قطعة أرض من أملاكها
بشارع الملكة نازلي تبلغ مساحتها 3200 مترا بعقدي إيجار لمدة خمسين
سنة الأول عن 1200 مترا مربعا من 26 ديسمبر سنة 1920 إلي
25 ديسمبر سنة 1970 والثاني عن 2000 مترا مربعا من 26
ابريل سنة 1923 إلي 25 ديسمبر سنة 1970 علي أن تؤول
الأرض وما عليها من مباني للحكومة بعد انتهاء مدة العقد .

ما أن وضع النادي يده علي الأرض شرع الأعضاء في تنفيذ المشروع
وقد اشترك في وضع التصميمات مسيو فيروتشي بك المهندس أول
السرايات الملكية ومسيو باستور وكان مفتشا عاما بمصلحة المباني
وفرج بك أمين مهندس السرايات الملكية وتوفيق شار أفندي المدرس
بمدرسة الفنون الجميلة كما اشرف علي تنفيذ التصميمات ووضع
جميع الرسوم الزخرفية للدار
قدر المبلغ لإتمام العمارة بثلاثين ألف جنيه ، لكن لم يكن في خزانة
النادي سوي المبلغ اللازم لوضع الأساس فقط .. لذلك فقد شرعوا
في البناء تدريجيا وكلما توفر لهم من المال شئ أنفقوه في أتمام المشروع .
وبدأ العمل في وضع الأساس

http://www.sama3y.net/forum/attachment.php?attachmentid=123357&stc=1&d=1231227200
حضرة صاحي العزة يعقوب عبد الوهاب بك وهو يشرف علي
وضع أساس دار النادي وبجانبه حضرة صاحب العزة فرج بك
أمين مهندس أول السرايات

جرامافون
03/01/2009, 08h11
http://www.sama3y.net/forum/attachment.php?attachmentid=123358&stc=1&d=1231228433


http://www.sama3y.net/forum/attachment.php?attachmentid=123359&stc=1&d=1231228841

المعدات والعمال في الموقع وهم يضعون أساس دار المعهد ونري يعقوب عبد
الوهاب بك الوكيل الادارس للنادي ومعه مهندس أول السرايات الملكية فرج
بك أمين وهما يشرفان علي العمل .
(وللحكاية بقية)

Islam Eidrisha
03/01/2009, 08h12
(وللحكاية بقية)

انت ناوي تخلص علينا بعمايلك دي

يحيى زكي
03/01/2009, 09h59
حبيب قلبي عمرو
ماتزقها مرة واحدة علشان نخلص وتشوف غيرها

Islam Eidrisha
03/01/2009, 10h18
حبيب قلبي عمرو
ماتزقها مرة واحدة علشان نخلص وتشوف غيرها

أستاذي يحيى زكي
خليك محضر خير .. كده حلو أوي
لو أفندينا التوحفجي سمع كلامك
الجرعة هتبقى جامدة علينا
وهيحصل إصابات ومضاعفات
والله درر وبدع وكنوز ونوادر

يحيى زكي
03/01/2009, 18h39
مبسوط كده ياإسلام باشا
اهو عمرو بك لاسمع كلامك ولا كلامي.......وانا عارف ان لسه عنده سيفر ومايسن وكريستوفل وبوهيمي
حبيبي ياعمرو.......اسمع كلامي تكسب

ابو سجى
03/01/2009, 19h10
حبيب قلبي عمرو


ماتزقها مرة واحدة علشان نخلص وتشوف غيرها


يا أستاذ يحيى
هو لو زقها مره واحده حنقعد وقت طويل على ما نشوف غيرها
مش عشان هو ما عندوش غيرها لأ
علشان ساعتها حتكون صوابعه ورمت من الكتابه على الكيبورد :mdr:

كمل وشوقنا لمشاهده موضوعاتك يا
توحفجي

جرامافون
09/01/2009, 09h02
والنبي منورين الموضوع
عمي يحيي الجميل واسلام بك الرائع واخي الحبيب الباسوسي
اسف جدا علي التأخير، والله كل المسألة اني باخد وقت في
تحضير الصور واللي زود التأخير حرب الكلاب ولاد الكلاب
علي اهلنا في غزة جايبلي اكتئاب مزمن ورافع ضغطي العملاء
ولاد العملاء اللي ربنا فضحهم واللي نهايتهم حتكون سوده باذن
الله تعالي ..
***

تابع

حكاية
(((حضرة صاحب الفخامة)))

http://www.sama3y.net/forum/attachment.php?attachmentid=124120&stc=1&d=1231490705
دار المعهد الملكي للموسيقي العربية

أنفق النادي علي تشييد داره أقل من ما يمكن أنفاقه من المال مع
جودة العمل وإتقانه رغم أن الطراز العربي الذي شيدت عليه الدار
يحتاج إلي عناية خاصة في وضع الرسوم ودقة في تنفيذها وقد تم
ذلك بالفعل بفضل أخلاص وتعاون القائمين عليها

http://www.sama3y.net/forum/attachment.php?attachmentid=124121&stc=1&d=1231749175
تمثال حضرة صاحب العزة مصطفي بك رضا رئيس المعهد

فجاءت الدار مجموعة بديعة من آيات الفن العربي ومثلا اعلي
للزخارف وجمال الذوق وحسن التنسيق وأصبحت في الحقيقة
من الآثار الوطنية الخالدة .

http://www.sama3y.net/forum/attachment.php?attachmentid=124122&stc=1&d=1231749175
المدخل الملكي الخاص

تم تشييد دار المعهد من طابقين .. بكل طابق جناحان يشتملان علي :
خمسة عشر غرفة في الطابق الأرضي ..
http://www.sama3y.net/forum/attachment.php?attachmentid=124128&stc=1&d=1231491578
حجرة الاستقبال الملكية

غرفة الاستراحة الملكية بزخارفها البديعة وأثاثها الشرقي الجميل

فؤاد
09/01/2009, 09h27
حبيبي

هوه وعارف نفسه
(يالهوي الورد خلص)
ده أنا اقطع حتي من قلبي اقرطسها
واعملها وردة
(ورده حمرة)
***


سلامة قلبك ياأستاذ
علي أيه
ممكن تقبل مني دول تاخد حضرتك الوردتين دول :emrose::emrose:
وتبعتلو حضرتو واحده بس :mad: :emrose:

جرامافون
09/01/2009, 09h51
ده أنا ابعتلك عنيه يا فؤاد مش ورده
بس
سلامي لك وقلبي مع اهلي في غزة
مهما طال الظلم فوعد الله حق
تحياتي وحبي
***
http://www.sama3y.net/forum/attachment.php?attachmentid=124149&stc=1&d=1231752600
منظر جانبي لحجرة الأستقبال الملكية بالدار

http://www.sama3y.net/forum/attachment.php?attachmentid=124150&stc=1&d=1231752600
وغرفة حضرة الوكيل الإداري والامين

http://www.sama3y.net/forum/attachment.php?attachmentid=124151&stc=1&d=1231752600
وغرفة الاستقبال الكبري

http://www.sama3y.net/forum/attachment.php?attachmentid=124152&stc=1&d=1231752600
وغرفة التدخين
(يتبع)

رايا
10/01/2009, 16h58
الاخ الفنان عمرو جرامافون
شكرا ليك
على مجهودك فى اظهار هذة
النوادر
صور ومعلومات قيمة
وبعدين انت مش تحفجى بس
انت اديب كمان اللى يكتب الحوار اللى فى
اول صفحة واللى احنا كلنا صدقنا
دا كاتب محترف
(بعد كده هنقرا مواضيعك من تحت لفوق)

صباح2015
11/01/2009, 00h06
السلام عليكم ورحمة الله وبركاته
أخى العزيز عمـــــرو
ما شـــاء الله
مجموعـــة صـــور ذات قيمة عاليــــة
ومعلومــــات جديـــدة ومفــيدة
المنتدى دائماً عمران بكنوزك
يا عمــــرو
لك شكرى وتحياتى ،،،


أنتهز الفرصة لأكرر ندائى لإدارة المنتدى بأن تعيد
لنا أيقونة التعديل حيث أنها أختفت منذ فترة
ولحضرتك جزيل الشكر،،،

جرامافون
11/01/2009, 10h57
رايا العزيزة
من تحت لفوق .. من فوق لتحت
المهم انك تنوري الموضوع
تحياتي وشكري العميق
:emrose:
(الوردة دي أنا جايبها معايا وملهاش علاقة
بلوحة المشاركات يعني واخدها من البلكونة)
ـــــــــــــــــــــ
الاخت العزيزة صباح
والنبي منورانا
وبعدين بلاش حكاية استاذ دي
احنا كلنا اخوات
(بالعاني فيكي يا صباح حذفت
كل كلام الاستذة من مشاركاتك)
:mdr:
تحياتي
:emrose:

رائد عبد السلام
17/01/2009, 17h31
الأستاذ والفنان الكبير /عمرو بك الخربوطلي
جرامافون
تابعت قنبلتك الجديدة (صاحب الفخامة ) .من تحت ..لتحت
وعلي أوقات متباعدة..إلي أن يكتمل
وزي ما قالوا إخواتنا (المزاج مش رايق شوية )
بس آهو الموضوع ده
عامل زي رش المية قدام الدكان في حر أغسطس
حاجة كده تنسّم علي الواحد لحد ما تُفرج
تسلم إيدك ..وعقبال الموضوع الجاي
ويارب يكون قريب
تحياتي واحترامي لدولتكم
:emrose:

منال
21/01/2009, 23h03
أخي الفاضل صاحب القلم الأنيق :

جرامافون

مساء الإبداع والجمال

ما كل هذا الفيض والهطول والإنهمار ؟؟

حقاً شيء بديع وحكاية أنيقة ونادرة ودرة لامعة ساطعة منسوجة بخيوط من نور وأنوار من ضياء ، حالة متكاملة مترابطة من التركيز والترتيب والتنسيق مع يمامات من الصور المحلقة والراقية ومع بداية رشيقة أنيقة من نسج خيالك البديع ، مع هذا الحوار الجميل المتقن والبوح الشفيف .

لقد حلقت بنا في أعماق التاريخ عبر فضاءات من التشويق والتميز والألق من خلال هذه الحكاية الجميلة ، فقد كان الربط بديعاً بين الخيال والواقع بين القديم والحاضر بين التاريخ والوجدان .

في انتظار المزيد أيها الكاتب المتواضع دوماً ، وأتمنى أن تتكرر
هذه التجرية الخيالية الواقعية مع نجوم السماع الطربي الأصيل

أخي الفاضل :

عذبة انتقاءاتك
راقية إختياراتك
رائقة هي
إبداعاتك

فشكراً جزيلاً لك

دمت باكتناز الجمال

مع خالص التقدير .

كمال عزمي
26/01/2009, 02h51
موضوع حكاية حضرة صاحب الفخامة ....

آخر فخامة ...

أجمل تحية يا أجمل جرامافون في الدنيا ..

ملاحظة : أحداث الأسابيع الماضية جعلتني لا أستطيع متابعة كل مايجد في المنتدى ..

يحيى زكي
26/01/2009, 12h38
اين انت ياعمرو باشا